قال نائب رئيس الحركة الشعبية- شمال ياسر عرمان، إن رؤية السودان الجديد تستحق التضحية ووجدت لتبقى ولتنتصر، وأضاف بأنها الرؤية الوحيدة في مشهد اليوم السياسي التي يمكن أن توحد السودان وتبني وطناً جديداً للجميع.
وتابع عرمان في تغريدات على (تويتر)، بأن قضايا الأرض وديمقراطية السلطة والثروة والثقافة تحتاج إلى برامج منحازة إلى الفقراء بدون مواربة، وبناء نظام جديد لمصلحة الجماهير وليس استخدام الجماهير وحشدها للوصول لحل قضايا الحرب لمصلحة النخب، وترك الجماهير نهباً للفقر وأوضاعها الإجتماعية المتردية عاماً إثر عام. وزاد: “إن الحركة الشعبية نظرت في كثير من الأحيان لقضايا القوميات والهوية بمعزل عن السياق الاقتصادي والإجتماعي والطبقي مما أضعف من فاعلية قوتها الجماهيرية في إحداث التغيير الجذري وسهل مهمة أعدائها في تصويب بنادقهم أحياناً إلى غير خصومها الحقيقيين”.
واعتبر أن أهمية رؤية السودان الجديد، في أنها تعطي مدخلاً في الوحدة في التنوع، وهي من أمهات قضايا البناء الوطني أفريقياً وإنسانياً، أنها تعطي أفريقيا والقضايا الشائكة في داخلها والمتعلقة بقضايا القوميات والدين والتنوع التاريخي والمعاصر الإمكانية لتكوين رابطة سياسية وثقافية وإجتماعية جديدة.
وقال إن رؤية السودان الجديد تكمن أهميتها الأولى في أنها طرحت نفسها كرؤية لتوحيد السودان وربطت ذلك بالعدالة الإجتماعية ودولة المواطنة والديمقراطية، وإذا ما طرحت رؤية السودان الجديد كآلية لتمزيق السودان فإن الكثيرين لم يكن ليمضوا تحت رايتها.
ورأى عرمان أن الحديث عن الدولة المدنية دون ربطها بأهم قضاياها؛ المواطنة بلا تمييز، بلا معنى، وقال إن المواطنة هي قضية السودان الأولى لاسيما وأن الحرب الأولى قد بدأت في أغسطس 1955 متمحورة حول قضية رئيسية هي قضية المواطنة، ولاحقاً د. جون قرنق طرح البديل متمثلاً في رؤية السودان الجديد.
وأكد أن على قوى الهامش والمهمشين عموماً عدم التقليل من الهزيمة التي أنزلتها ثورة ديسمبر بـ”الفاشية” تحت أي شعارات براقة، لا تعترف بهزيمة هذه الثورة لأسوأ نظام شهده السودان في تاريخه المعاصر، وقال إن الشعار الوحيد الذي يجب أن نصطف تحت رايته هو استكمال الثورة وتصفية دولة التمكين، وأضاف “إنه المدخل الحقيقي”
Post: #2 Title: Re: ياسر عرمان: رؤية السودان الجديد تستحق الت� Author: adil amin Date: 06-08-2020, 04:07 AM Parent: #1
هو مالو ما ضحي وصمد فيها مشا عمل ليه بوتيك الجبهة الثورةي يتسكع في الامارات مع دبابين الترابي في العدل والمساواة وينا هسة رؤية الحركة الشعبية مش دستور 2005 واتفاقية نيفاشا الجدعوها بعاعيت مايو الشيوعيين والبعثيين والناصريين ديل وجابو اعلان دستوري فطير زول منافق ساكت تشظت الحركة الشعبية والاصل هو فرع الحلو ومقروض مالك عقار يحصل نفسو قبل يتحرق مع الناس ديل بتاعين الامارات المفضوحة دستور 2005 وبس وسيرك جوبا ده ما نافع بشهادة الاصم عايزين يعملو علميات تجميل وشد جلد للانقاذ بس ومصالح قرود السيرك الامريكي الخمسة مصر واسعودية واامارات وقطر وتركيا بس لاتوجد مرجعية محترمة وحقيقية لجل مشاكل التهميش والهامش افضل من رؤية جون قرنق بس https://top4top.io/https://top4top.io/
Post: #3 Title: Re: ياسر عرمان: رؤية السودان الجديد تستحق الت� Author: nour tawir Date: 06-08-2020, 04:37 PM Parent: #2
هو مالو ما ضحي وصمد فيها مشا عمل ليه بوتيك الجبهة الثورةي يتسكع في الامارات مع دبابين الترابي في العدل والمساواة ... بالرغم من انى ما بتفق مع عادل امين فى كثير من القضايا السودانية.. الا وانه فى كثير من الاحيان.. بفّش لى غبينتى..
الله يبارك فيك دنيا واخرى يا عادل أبن أم عادل..
Post: #4 Title: Re: ياسر عرمان: رؤية السودان الجديد تستحق الت� Author: adil amin Date: 06-09-2020, 05:14 AM Parent: #3
Quote: بالرغم من انى ما بتفق مع عادل امين فى كثير من القضايا السودانية.. الا وانه فى كثير من الاحيان.. بفّش لى غبينتى..
الله يبارك فيك دنيا واخرى يا عادل أبن أم عادل..
يا نور تاور قلت ليك انا من الدلنج واسمي جقود لمن كنت طفل في جبال النوبة او ادوما كما حكت الوالدة وعلاقتنا بي النوبة امتدت من الستينات حيث عمل الوالد النوبة من اكثر اصدقائي والجنوبيين ايضا بسبب عمل الوالد في التعليم زمان من فتحنا شايفين الجنوبيين والنوبة من اصدقا الوالد بجو البيت وابوي برطن معاهم لكن حالف اختك في فتيل ريحة جناين السيد علي الميرغني بس ما لقيتو عشان كده بختك في الفتيل ده يا بنت السودان الاصيل https://top4top.io/ وانتي كمان فشيتني في دينق والله زول مترف ساكت حياك الله يا نور الحق اولي ان يتبع ومصالح جبال النوبة وجنوب كردفان دي بس الفدرالية والانتخابات وليس المحاصصة وسواطة ناس المركز الفاشلين ديل
Post: #5 Title: Re: ياسر عرمان: رؤية السودان الجديد تستحق الت� Author: adil amin Date: 06-09-2020, 05:20 AM Parent: #4
خلاس بعمل معاك حلف استراتيجي في البورد وندق بي اي مشوش الدلجة شخاليت الخلا ذى دينق وبريمة ديل ومن لف لفهم في البورد الفدرالية هي الحل الدولة المركزية ما بتنفع مغانا ولا الخمسة ديل https://top4top.io/
Post: #6 Title: Re: ياسر عرمان: رؤية السودان الجديد تستحق الت� Author: nour tawir Date: 06-09-2020, 12:02 PM Parent: #5
عجبنى فتيل بت السودان سنة 2020. ما قلت ليك بتريح القلب.. حبينا نصبح عليك قبل ما نقوم نتجارى و نلف زى المترار.. زى امى عليها رحمة الله..لازم تصبح على الجيران بى فوق الحيطة.
Post: #7 Title: Re: ياسر عرمان: رؤية السودان الجديد تستحق الت� Author: adil amin Date: 06-10-2020, 04:13 AM Parent: #6
Quote: عجبنى فتيل بت السودان سنة 2020.ما قلت ليك بتريح القلب..حبينا نصبح عليك قبل ما نقوم نتجارى و نلف زى المترار..زى امى عليها رحمة الله..لازم تصبح على الجيران بى فوق الحيطة.
حياك يا نور والتنوير مستمر كمان الوالد الله يرحمو عنده رادي بفتحو من القرن لي القران وبقينا نصبح بي الاذاعة السودانية
Post: #8 Title: Re: ياسر عرمان: رؤية السودان الجديد تستحق الت� Author: adil amin Date: 06-10-2020, 04:16 AM
Post: #9 Title: Re: ياسر عرمان: رؤية السودان الجديد تستحق الت� Author: adil amin Date: 06-10-2020, 05:04 AM Parent: #8
الزول الظاهرة الاسمو ياسر عرمان الشيوعي السابق https://top4top.io/
من جرا خلي الانتخابات2010 واجهض مشروع الحركة الشعبية الاصل لصالح الدولة المركزية القذرة مرق من نفسي وعرفت النوبة حيدفعو الثمن والسودان كله لاحقا وكمان مشا عمل ليه بوتيك الجبهة الثورية وفرتق الحركة الشعبية شمال وبقا يهرول لي الامارات وجبريل يهرول لي قطر ويقعد يردد في كوجيتو سخيف عن من يحكم السودان او كيف يحكم السودان يولول علي علي عبداللطيف لزوم تخدير لناس الهامش لو نزل انتخابات وكل الناس الحركة الشعبية ذى مالك عقار وسقط كان اشرف ليه لانه بكون ثبت الحركة الشعبية شمال كقوة ديمقراطية جديدة في السودان وفي كل السودان وعندها منبر اعلامي وتقعد تواصل مسيرة التنوير فشل انتخابات 2010 وقعد يورجغ معقول ما عارف كيف يحكم السودان؟ يعني الانجليز طفو النور ومشو ولي ما كان في دولة لي احدث طراز في ذلك الزمن بوظتا المخابرات المصرية بالانقلابات 1958 و1969 و1989 و2019 طيب خلي الانجليز كيف يحكم السودان ده جابو جون قرنق وشرحو منصور خالد واسسو بي دستور 2005 والمحكمة الدستورية والشعب مصدر السلطات واتفاقية نيفاشا المشكلة في الدستور ولي الاتفاقيات ولي المنافقين ادوات الاستخابارات الخارحية ما بلتزمو بالدستور وهو دولة علي ورق التمادي في نقض المواثيق والعهود القالو ابيل الير وهسة قرود السيرم الخمسة ديل يعلمونا نحكم بلدنا كيف ؟؟ مصر السعودية الامارات قطر تركيا يا متسكع؟؟؟ هسة بن عوف جدع الدستور والاتفاقيات حاصل فارغ وانت منحجعص في سيرك جوبا تنظر حاصل فارغ مشكلة السودان فدرالية ترجع الاقاليم يحكما ابناءها بارادة شعبية وليس المحاصصة والمناورات المشكوفة وحراسة مصالح الدول الناهبة للسودان بي كلاب الحر الكيزان والسلفيين ايتام الترابي وبعاعيت مايو الشيوعيين والبعثيين والناصريين ايتام بابكر عوض الله شنو الجديد المفيد هسة يونيو 2020
