♧ بُرج أشباه الثِّيران و..العَذارى £

05:46 AM June, 05 2020

سودانيز اون لاين
دفع الله ود الأصيل-
مكتبتى
رابط مختصر

《آخر طلقة .. و آخر عسكري 》
♤ طلب منا أحدهم أن يسجل كل منا أجمل ما سمع، رأى أو قرأ .
بدوري لم أوفق إلى شيء جميل أبداً كالعادة لأن أصلن( مافي طين).
لكنني و بانحراف طفيف عن النص دلفت إلى زاويةٍ حرجةٍ من ذاكرتي
الخربة لأعثر عا قصاصةٍ بها ما كان يحضرني آنذاك مما سمعتطشاساً
عنه و لا يخيل إلي البتة أنني سوف أصادفه لأراه وجهن لوجه !!!:

♤ إنها دولة عواجيز بلا أطفال و بحرسها جيش من الوطاويط. فهل
تتصورونها على ظهر هذا الكوكب العجيب؟! ، و بدون أن يطأ على ترابها
أقدام أطفـالٍ أحباب الله لتتعالى صيحات المرح و هم يسرحون و يمرحون
و يبرطعون عرايا حفاةً غُرلاً مولاي كماخلقتني ؟! الجواب ، كلا و حاش لله..
بعميناا و يطرشنا ما سمعنابا!! و لكن الوقاع يقول: بل، نعـم و بكل أسف!!

●إنه كيانٌ نادرُ الوجود إن لم يكن الوحيد من نوعه .. و هي ليست فاضلةٌ
بأية حالٍ من الأحوال؛ و لا تمت بأية صلةٍ إلى مدينة أفلاطون ، تلك اليوتوبيا
المتوهمَة ، و التي أحببناها جميعاً و لكنه يظل حبأً عذرياً أي: عقيماً فلا يُنجِب
أطفالاً .بل لعل الجبين يندى لمجرد ذكر غرابتها . فهي قريةٌ قاحلةٌ جدباءٌ عقيمةْ
تماماً من شيء يسمى الحنانَ و أخواتِه..إذ تنفرد بصفة أن لا تُسمَع فيها أية صرخات
بكـاءٍ أو صحيات مرح و ضحكات شقاوة مجلجلة لأحباب الله الأطفــــال الأبرياء .

● إنها دولة الفـاتيكــان. تلك التي لا موطئ فيها لقدم طفلٍ
واحدٍ لأن يُنجَب أصلن حتى ينمو و يترعرع فيهــا قطَّ ؛ و لا
تُسمَع فيها صرخات ( الله لي ) تنطلق من حناجر النواعم تحت
وطأة مخاضات طلق الولادة ؛ و بالتالي فلا عجبَ و لا غضاضةَ
أن تخلو موازنة الدولة السنوية من أي بندٍ لتوظيف أيتها قابلاتٍ
و لا حتى داياتِ ( حبلٍ ) يشتغلن هبتلِّي ساي . و كل ذلك
بطبيعة الحال لعــدم وجــود متزوجيــن من أساسه .

◇ود الأصيل/

● و يبلغ تعداد سكـان جمهورية الموز الكاذب هذه حوالي
ال(1000) نسمة فقط لاغير ، كلهم من ( جلاكين ) الرهبــانِ
و الراهبــات المتبتلينَ و المتبتلاتِ.. الأحياء منهم الأموت و من
تبعوهم بغير إحسان إلى يومٍ لا بيعٌ فيه و لا خلةٌ و لا ضحاكاتٍ؛
الذين يحرمون أنفسَهم بتاتن من نعمة العرس لا بحلال لا كيري!

.

● تعليقي الخاص على ذاك الخبر المهبب كان : بأننا نقف أمام برج
أشباهٍ ،أو إذا شئتَ سمهم أشباحاً من الثيران و العذارى الذين ، و إن
كانت لهم محمدة واحدة تُذكَر فهي أنو زي فاتورة《حليب + بامبرز
+ شبس+ لُعَب و مرجيحات شُفَّع و الذي منو 》دي كواها مشرطنها
منتهيين منها تب ، و سوف تظل ممزقةً لديهم إلى أن يرث الله أرضه
و من سوف يكون ن عليها..و برضو نقول : ربَّ ضارةٍ نافعةٍ !!
...................
● قام بهنا علق أخونا ود التهامي ، أحد خبثاء قاع المدينة بقوله:
ود اللصيل ياخ و رب الكعبة ديل أجدع ناس.اسمع يا ابن العزتين
و عابر السبيلين وخامج الحِلتين ، اللخو..اتلفت على و عان جاي ها:
يعني الزول لو داير يترهبن و يعيش جو مع ااطبيعة المعنى..يسوى
شنو؟! ياخ ديل أكتر ناس عايشين طراوة صاح و مرتاحين و حياة
الله، كدي أول تبادي أدينا زيت الوصفة و ينوبك ثواب !!

● فرددت لود التهامي تعليق الصاع صاعين زاجراً
كالتالي؛إذ قلت ما نصه: اسمع إت اللخو وعان جاي ؛
أولن في التبادي تبزغ العبارة النابية دي من خشمك
يا (...) ما تخلينا نق ل ليك سااااي بس.
● و ثانياً: يا خي لكي تترهبن ،عملياً بسيطةٌ جدن ؛
عليك فقط و من حولك بالتزام الانفصام التام ممنزلياً
و نفسياً و أي حاحة؛ثم (الاختصاء) ذهنياً. و لوما فهمت ؛
أوضح ليك أكتر ، المعمى يعني : تمارس ( عادة ) التبتييل
( السرية ) التامة. تقبف للنعام توفه ااتبتيلا تبتلاً لا يغادر إربةً
لفحل أبداً مع أنثاه.. و ذلك لأجل ضمان عذرية مستدامة "بين
ضفرين مزدوجين"!..أيوة ، نعم !! و إلا فمن أين لفطرة الله
التي فطر الناس عليه اأن تتحقق بأن: تظل البيضة بيضة ،
حتى تفقس و يبقى الحجر حجراً..و حتى تنداح دائرةُ
في لجة الماء واسعاً، حين يُقذَف فيها بالحجر!؟؟

●ثم ثالثاً و أخيرن و هذه أظنها تكون ثالثة الأثافي :
هل قلت أحسن ناس!؟ و مين قال ليك!؟ ياخوي ما تغرك
المظاهر الكضابة اللخو ..دي بس حركات بتتعمل قدام الناس
ساي؛ و لكن لعل ما خفي أعظم.. و مال أيه يعني المايقومات ا
لعندهم دي ( أكرم الله سامعيكم) بتستقبل و تعبي من وين؟!

● أكان لينا نحن طبعاً العارف عزو قصدي (مايقوماتو)
مستريح ؛ و العندنا في الحاج يوسف دي عارفنها بتملي
و تفرغ من كوش و خيران القرى المجاورة و الحضر، طلعن
مع اعتذارنا عن تخريمات البذاءة غير المقصودة (إن وجدت).

●و أما نظرية تمزيقهم لفاتورة حاجات الشفع دي تشبه إلى حدٍّ
كبيرٍ وهمة تمزيقنا في جمهوريات الموز الكاذب ، لفواتير حاجات
تانية حامياني و أهم من كدا ،مثل ١السكر و القمح و التمباك،إلخ.
نظل نشرط فيها و تاني نلزِّقا عملاً بشعار ( نأكل مما نزرع
و نسف. ود عماري مما نمطر) ثم نعود نرتقها في كل مرة..
و ربك غايتو يجيبو قوي ساااه!! بوركتم و الود بيننا

البوست دا فضل مركون ليه زمن لامن قرَّب يمش
كوشة خور المايقومة . لكن الليلة ساقني ليه الشوق
و شكلو هو زاتو فاض بيه الحنين .. فاض بيه الشجن؛
..داير يجي مارق من حفرة النسيان .. لكن بصراحة
قدرما قدرنت فاخورتي تب ما لقيت لي مادة جاهزة
أضيفا علا غايتو نقول عوووك يا بو مراااااااووو.

😂😂😂😂😂😂
●غايتو كدي النشوف مداخلة أولاد ميكي ماوس دي
يمكن تكون مشابهة.نظام (ما زي أبوك لكن يمكن يربيك)

♧ ياخي بالموناصبة، و احد عيال ميكي ماوس قال :
أول أمبارح مشينا عفراء مول للتسوق نتبضع و نشتري لينا
حاجات كوتارات. شوية كداو يدخل واحد طويل و ضخم ااجتة
عريض المنكبين متر في مترين ..و أفطس المنخرين شبه متلاشي
تمامن مابين (الجبهة) و الشفتين و فاكي لحية كبيرة كده بالراحة
تجيب شبرين و صوتو يرعد بس نترة مرفعين..ويلا بدأ ليك هتاف:
تهليييل و نحنا وراو قعدنا نهلل حتنا: لا إله إلا الله 😦 😦 و هو
تاتي: تكبير . و نحنا الغبيانين طوالي وراه نكبر :اللاااااااهو أكبر ؛
يلا و هو : هيللة😭 و نحن لسةمواصلين وراه: هي لله: لا لدنيا
قد عملنا نحن للدين فداء فليعد للدين مجدُهأو تُرق منا الدماء
أو تُرق منهم دماء أو تُرق كل الدماء. فلتُرق كل الدماء😱

●》و يلا الأنفاس قامت و ابتدينا نتوتر و ننطق بالشهادتين..
و نستغفر الله.. الموت حق .. و الحياة بالطة. و شوية كده 😧
يظهرن ليك تلات شويفعات مبحلقات عويناتن و يتناهفن زي
صوت طفلة وسط اللمة منسية"؛ و جن جاريات ما مصدقات
لقن أبوهن : أيوا يابا نحنا بجاي. ثمح يا ناس في داعي بالله
لجنس بوظان الأعصاب و (سيلان) الركبين دا😭 ّ أسامي
الدنيا كلها عدمت.. بس عمك الدولة (العميكة) دا مالقي
غير المفخخات ديل بالله 😟

▪مالها أسماء فاطمه و عائشة و زينب و هند و مريم؟
ربنا ينتقم منو جاب لينا شلل أطفال رباعي قلنا داعشي
و حيفجر نفسو و نروح معاهو أوانطة بحزام ( ناشف )
فأنا غايتو واحد من الراستات الأول شيء.. وقفو
قنا .. علا في النهاية.. رقدو دكوة بالليمون!!
😂😂😂