ناشطي اليسار واعلامهم أسوأ ما انجبتهم أمنا حواء على مر تاريخ العالم وحاضره ... !!!

10:51 AM June, 02 2020

سودانيز اون لاين
توفيق عيسى مكي-
مكتبتى
رابط مختصر

كتب أحدهم في فيسبوك يحكي حاله
ومثله آلاف ....
.. .
........
...........
............




لي أول مرة في حياتي كلها اكره البلد دي واحس بي العجز وعدم المقدرة والسيطرة وقدامي( خالي أبوي التاني)
بقول لي أنا انتهيت يا أحمد أنا ما قادر أشوف أنا تعبت شديييد يا أحمد، أحمد أنا بنوم قوم إنت نوم شوية خليني عشان ترتاح إنت في جسدك دا 😭💔

35 يوم مرض ومافي مستشفى ولا في دكتور قادر يقول لينا حبابكم علاجكم متوفر ولا في مستشفي دايره تفتح لينا الباب ولا في بتاع تفتيش داير يخلينا نعدي من غير تصديق مرور ولا من غير إهانة 😭💔

مستشفى الفؤاد مستشفى خاصة قالو تخت لينا 80 مليون
رضينا بيها قالو تعمل لينا صورة في فضيل وتجي تاني وهم المريض ما شافو 💔💔

مستشفى فضيل قالو لينا متوفر عندنا أي شيء لكن لو ما جا المدير الطبي وقال لينا دخلو ما ح نستقبل لينا زول

مستشفى الشعب قالو لينا لو خليتو المريض دا هنا ح يموت ليكم ساي لأنه ما عندنا أي شيء غير المويه في التلاجات
الصورة ألفي البوست دي ما كان عندهم ورق التصوير قالو لي أمشي صور الأشعة بي تلفونك

مستشفى بحري دخلنا قعدنا أكتر من 4 ساعات مافي دكتور جانا ولا حتى دكتور داير يرد

مستشفى أحمد قاسم من خشم الباب قالو مقفلين

مستشفى حاج الصافي نفس الشي

مركز الصافية الزول البركب لينا القسطرة قال بجي الساعة 10 والفحص بطلع 4 مساء وما أظن يتحمل الإنتظار دا

مستشفى التركي قالو ركب لينا القسطرة ونحنا بنغسل ليكم

في يوم واحد جرينا لي 11 مستشفى من خاص لي حكومي عشان تغسل للمرحوم، الكلي

قنعنا رجعنا البيت قلنا الصباح
لحدي الصباح الخشم بقى مليان بول أي والله البول الواحد دا لدرجة الخشم بقى كلو جروح وهو مريض كلي وما عندي ولا قحه ولا نفس في الصدر ولا ضيق ولا أي شيء

مشينا لي طبيبة جزاها الله خير عندها (جمعية الكلي في بحري) خلال ساعة ركبت لينا القسطرة وبدينا في الغسيل الكلوي عدا في الغسيل ساعتين) للأسف الشديد ما في تاني مستشفى ح تستقبل مشينا البيت جاهو هبوط حاد وما قادر ياكل والخشم ناااشف شديييد 😭😭😭😭😭😭

من صلاة الفجر الليلة قال لي أمشي نوم أنا داير إقرأ قرأن بقى يقراء ويسبح بي الإصبع لما يضايق بقول استغفر الله العظيم الحمدلله رب العالمين 💙

تاني يبدأ في القرآن الكريم شوية شوية النفس وقف بقى ينطق في الشهادة اشهد ان لا اله الا الله وأن محمداً رسول الله

أشهد أن لا إله إلا الله وأن محمداً رسول الله

نطق الشهادة 4 مرات ومات 😭😭😭😭😭

حسيت بالدنيا دي ضيييييقه

كان جندي للوطن 27 سنة خدمة الوطن

لا يمتلك غير غرفة طين و8 أطفال و زوجه صالحة صابرة
كان يمتلك الصبر والعطف علي أي زول ما كان بكلف زول بي شي لو محتاج مويه 😭💔

البلد دي كعبه شديييد كعبه شديييد والله العظيم

مافي كورونا بتقتل بقتل الإهمال الطبي وعدم توفير العلاج والمعدات الطبية اللازمة
بقتل الخوف بقتل الجشع بقتل الخوف بقتل الخوف 😭😭😭

حسو بي مرضى السكري والكلي والأمراض المزمنة حسو بيهم يا القاعدين في كراسي وزارة الصحة

حس بيهم يا أكرم التوم 😭😭😭

#افتح_المستشفيات_وقفل_الاسواق_وقف_المواصلات

خالي فات لرب كريم رحيم 💛

اللهم الشفاء لكل مريض 🤲

اللهم أرحم من بات في قبره وحيداً أسألك اللهم الرحمه والمغفره والجنة يا رب يا كريم 🤲🤲🤲🤲

https://m.facebook.com/story.php؟story_fbid=693760821167165andid=100015997592187https://m.facebook.com/story.php؟story_fbid=693760821167165andid=100015997592187

وهذه دكتورة صيدلانية تحكي قصتها
....
......
.........
............
.....
......

السيد مدير المؤسسات العلاجيه الخاصه..
المجلس الطبي السوداني
ماذا يحدث في المستشفيات الخاصه
مستشفى الإنجاز بجبره نقلنا الوالده يوم ٢٦. ٥ في حاله هبوط حاد بالدوره الدمويه وتوقف مفاجى للقلب وتم ادخالنا من البوابه ولكن لم يخرج اي طبيب لمقابله المريضه واحضر احد الممرضين جهاز رسم القلب في الممر وبعد عمل التخطيط لم نجد اي طبيب ليقوم بالاسعاف اللازم وطلبت منهم اعطاأها حقنه ادرنالين بالوريد وجرت اختي الصيدلانيه لمكتب الدكاتره واحضر لنا الطبيب الحقنه وقال مش انتي دكتوره اديها ليها ورفض يقرب منها.... من هولاء الذين يحتلون المستشفيات لا أصدق انهم اطباء..
وبدأ اتنين من الممرضين باجراءت الإنعاش للقلب ولم يكن في المستشفى جهاز للصدمات الكهربائي وقالوا لينا امشوا مستشفى الساحه وطلبنا منهم إسعاف وقالوا الإسعاف مافيه بنزين أين بنزين الكوادر الصحيه والاسعاف المدعوم...
ماهي معايير المستشفيات الخاصه...
ومن يعمل فيها...
وكيف يعملون...
وبأي بروتوكول...
وكيف تعمل المستشفيات...
للناس الحيقولوا كورونا امي اتشخصت قبل شهر AMLوبدينا ليها chemotherapy في رويال كير وطلعت البيت بعد الجرعه التانيه وحصل ليها هبوط حاد في الدوره الدمويه عشان كده جرينا بيها للمستشفى والإنجاز دي أقرب مستشفى لينا في جبره
ودرجه الحراره كانت ٣٤...
د. نازك الطيب عبدالله ماجستير صيدله المستشفيات.... وحاواصل ليكم عن الوضع الصحي المنهار والأدارات الضعيفه في وزاره الصحه والأطباء معدومين الإنسانيه والضمير..... يا حبيبتي يا أمي
لها الرحمه والمغفره....
تعديل...
وقررنا ننقل امي في بوكس جارنا وله الشكر.. وانا سقت عربيتي قدامهم وانا بضرب البوري ومشغله مشترك الانوار.. الهزر... للتنبيه ووصلنا بعد ربع ساعه لمستشفى الساحه ودخلت وطلبت منهم نقاله لإدخال الحاله وقوبل طلبي بالرفض وانه ماعندهم نقاله وكان في عدد من الدكاتره اكتر من ٦ في الطوارى وانه ماعندهم مكان
وطلبت منهم اختي د نبراس ان يخرج اي طبيب ليبلغنا ازا كانت حيه او ميته وانها في حاله حرجه في ظهر البوكس ولكن كانك تسمع الصم.... بعد ذلك خرجت معنا إحدى السيسترات ومعها جهاز رسم القلب المتحرك وقالت لنا امكم حيه الحقوا بيها مستشفى الشعب ماتضيعوا زمنكم لانه ماحندخلها ماعندنا سراير....
وتحركت عرباتنا مسرعه تسابق الزمن وملك الموت... ولسان حالي يطالب الزمن ان يتوقف شويه حتى الحق جهاز انعاش اوصله بقلب امي المتوقف.... لابعث نبضات الحياه ودفقات الدم فيه... ربنا يجمعنا بيك يا حبيبه في جنات عدن ويصبرنا على فراقك
تعديل ٢
المره دي حااخاطب كل من قام بالثوره السودانيه لأنها كانت ثوره
لاسترداد الكرامه... كرامه الإنسان
السيد وزير الصحه د. أكرم لقد شاركنا في كل المواكب ونحن نحلم ببلد يحترم الإنسان وكرامته...
انت في الوزاره لخدمه المواطن السوداني.. والمستشفيات الحكوميه لخدمه المواطن السوداني....
الطبيب السوداني الشغال في مستشفى حكومي شغال عشان المواطن السوداني...
دخلنا مستشفى الشعب ورفض حارس الأمن دخولنا ودخلت ببطاقتي وطلبت من الطبيبه االمناوبه ان تسمح بدخول والدتي.... ولكنها كانت مجرده من الإنسانيه وقالت إن مريض الكانسر يتم اسعافه في مستشفى الذره... وعندها طلبت منها اسمها حتى أتقدم بشكوى لوزاره الصحه انها امتنعت عن العمل في مستشفى حكومي... ياريت يا مدير المستشفى تخلي اي دكتور يكون معلق ديباجه فيها اسمه عشان اي مواطن يقدر يقدم شكوى في حق أي طبيب يقصر عن أداء واجبه....
وبعد ذلك كتبت لي ورقه الي وحده القلب وان الإنعاش مهمتهم وهرولت راجله في حوش المستشفى لوحده القلب وتفأجأت بأنه لايوجد نقالات... يعني الزول الجاي بي كومه او غيبوبه لازم يكون ماشي بي كرعينه.. كيف هذا يا وزير الصحه كنا نظن ان المهنه انتهت بزمن مأمون حميده ولكننا نهان ونزل في ظل حكومه جبناها بدمنا ودم أولادنا.... ورفض الطبيب في وحده القلب ان يتحرك وقال إن الإنعاش من اختصاص وحده الصدر...
عندها علمت ان كل هؤلاء ليس اطباء ولا بشر....
قبل ١٨ عام حين كنت في الامتياز في ابراهيم مالك كان الاطباء يحضرون الي صيدلية المستشفى ويدقوا الشير لشراء الادويه المنقذه للحياه to safe life والواحد ما بيقعد الا يطمن انه المريض بخير ويكون.stable.... عجبي عليك يا بلد.. ويا مواطن.. في حاجات كتيره اختصرتها عشان ما اؤلم الأصحاب والاحباب ولكنه وضع مؤسف ومزري... انا مؤمنه بالقضاء والقدر
وانه لكل اجل كتاب لكن في حدود للاستهتار والإهمال.
ياتجمع المهنيين.. اذا في حاجات خلف الكواليس خلوها واضحه
ياحمدوك اذا الدوله العميقه لسه شغاله اطلب من الشعب السوداني الدعم لانه واضع أمله عليك
د. أكرم عارفين الوسخ في الوزاره والعفن لكن لازم يكون في شغل حاسم وواضح..
اي زول ماقادر يشتغل احسن يقدم استقالته...
الثوره مستمره...
لم تسقط بعد...
د. نازك الطيب hospital pharmacist

ممكن انقل 100 قصة زي دي أو 1000 من الفيس أو تويتر
عشان أي زول ممكن يحكي قصته بدون مساءلة أو قيود
لو كان اعلامهم يحس بألم السودانيين لملأ الأرض ضجيجا
ولكن سادتهم فعلوها بدم بارد
وبقي دورهم التعتيم ما أمكن
وإخفاء الحقيقة بقدر المستطاع
في ظل عالم يبارك القتل الممنهج تجاه السودانيين
لماذا نموت أيها العالم وانتم تسكتون إلا ترون
لماذا تشتركون في قتلنا وتعتمون ما يجري
هؤلاء عملاءكم اوسخ ما انجبتهم البشرية
وسيقول التاريخ فيهم هذا الآن فالقضية أصبحت لا تحتمل

يا سودانيي المهجر
إن لم تحسو بما نحس به نحن الآن فإنكم شركاء في الذي يصيبنا
أن لم تحسو
فلا يوما من الأيام تدعوا زورا أنكم من بلادنا
أن لم تحرك فيكم أحوالنا ساكن
قاتلكم الله أين ما كنت وانتقم منكم
لأنكم خرجتم من رحم هذا البلد
وتنكرتم له

ترون الجحيم ينهش فيه وتسكتون وتسكتون من يحاول أن يتكلم

أملنا في الله بس
والله هو رب المستضعفين
اخدنا حقنا من العزاب 30 سنة
الرحمة أولى بينا ونصرا قريب
وحسبنا الله ونعم الوكيل

مكانك شاغر يا أمير

هل في رايك هم اسوأ من نافع و كرتي و علي عثمان و عبدالرحيم؟ خبرنا اولا عن المؤشرات و المقاييس التي اعتمدتها للتقييم عشان نكون علميين و واقعيين و دارسين على حياد.

الامير المضروب.

هسع لو كنت أمير جد جد كان أتفتحت لك الابواب والمستشفيات ولكن واضح جدا أنك أمير مدعي ومضروب ساكت. وضاربك الفلس كمان.

Quote: مكانك شاغر يا أمير

مكاني أفضل إعلامي في بلدي للسنة الخامسة على التوالي ما عدا السنة الفاتت ههههه
تشكر يا باشمهندس والله يقويك انا متابعك ومشفق عليك اخوي

Quote: هل في رايك هم اسوأ من نافع و كرتي و علي عثمان و عبدالرحيم؟

موضوعي عن أعلام ناشطي هذه الفترة وهو أسوأ أعلام مر على السودان
ومن أسوأ أعلام عالمي يغطي على موت سكان السودان بعجز قادتهم في توفير أي حماية
للإنسان السوداني العادي حتى صرنا اضحوكة في العالم بافعالهم من بلادي حقول حتى ما نقرأه
اليوم في الإعلام بكافه صوره أبسط سوداني يعلم أنه أم الكذب الممنهج والتعتيم ومحاربة من يتكلم
بحق
تصدق يقولون لك أصدقاءك اسكت الجماعة ديل مستعدين يلفقوا ليك أي حاجة أو يبحثوا ليك غلطة قبل
100 سنة وتكون خنجر لاغتيالك معنويا جزاء كلامك الحق
ده موضوعي
هل أثر فيك المداخلين في صدر موضوعي أم ولا أثر
ده السؤال
جوابه بنفسك ولنفسك عشان تعرف حقيقة نفسك

الإعلام هو السلطة الرابعة وله من الاهمية مثل باقي السلطات باعتباره
الرقيب المباشر لجميع السلطات الثلاثة
هنا السلطة الأولى (التنفيذية) شغالة - بسجن السكان -
السلطة التانية (التشريعية ) لسه ما اتكونت شغالين بقانون سكسونيا لسه
السلطة التالتة (القضائية) شغالة
السلطة الرابعة شغالة ضد الشعب تكرس السلطة الأولى أن تواصل سجن الناس
وتعمل لا ترى أو تسمع بهذا الموت الفظيع بسبب قفل المستشفيات
تفتح خشمك تتكلم الله معاك

Quote: Quote: هسع لو أنت كنت فعلا أمير حقيقي كان بتكون سايق لك فارهة وفتحوا لك الكباري والحواجز،. لكن واضح جدا انك من العامة، وقصة أنك أمير دي قصة زائفة ساكت. الأمارة عندنا نحن المسلمين تواضع وزهد اقرأ حبه عن أمراء المسلمين وعن سيرة الفاروق لما أتاه رسول كسري وكان يظن أن المسجد هو داره وجوده نائمة تحت ظل شجرة وقدوتنا إماما وخير من مشى على الثرى في تواضعه وزهده هذه الحياة وانا ابن رجل زاهد لهذه الدنيا طيلة حياتي معه لم ارى في جيبه أكثر من حق يومه وهو سليل أمراء جده الأمير عثمان أزرق قائد معركة كرري مع الأمير إبراهيم الخليل فتتخيل كيف اركب الفارهات وتتخيل كيف اكون غني مال وانا غني إيمان وتتخيل كيف تفتح لي أبواب سجن الطغاة وأبواب ربي فاتحة لي ليل نهار وحتى أيام كنت سجين أو أيام كنت لاجئ أو أيام كنت مشرد انا واولادي بعد نهب أموالنا وتحطيم شركاتنا وتلويث سمعتنا فهو انا مجرد مما تظن غير هذا شارة شرف في جبيني

كررت نفس الرد لك
لنفس السؤال يا Deng

لأن ايدلوجياتهم كلها قمعية وديكتاورية
مهزلة الموتمر الصحفي في سونا بتاع اللجنة العليا
الأسئلة مكتوبة مسبقا
والمؤتمر غير مباشر
مافي سؤال مباشر من زول
تكتب سؤالك تدي فيصل
اول مرة نشاهد القصة دي
والإجابات مرتبكة كلها الناس دي اعصابها مالها
كلها كم لستك أتحرق بس عملوا العاصمة عاصمة ضباب
وكله من دقنه وفتلو
والشعب السوداني المغلوب المسكين يضحك ويتفرج

انا حابي أذكر البيجي ماري ببوستي ده
السودان البلد الوحيد في العالم الآن الفيه حظر كامل وهم
الدوريات الأوربية اشتغلت
السعودية فكت تاني شنو
العالم كله فكه
ومصيرنا حا نفك طال الزمن أو قصر
بعدين كتلوك ولا جوك جوك
الخائفين ليها شنو

ديكتاتورية
وأعلام عميل قذر

كذابون
لا يختلفون عن الكيزان كثيرا في كذبهم بل سذيدون

نحن شغالين ليهم عمل وإنتاج بأفضل ما شافوه في بلاد التيه الكانو فيها

ركبوا فينا أكبر ماسورة في تاريخ السودان
ما ماسورة واحدة
هيئة توفير المياه بكل مواسيرها

نحن ما عندنا مشكلة
بنصنع إعلامنا العالمي برانا
والعالم كله مجبور يتابعنا بس أعلام ناشطي اليسار يزحو مننا بعيد

ايوه يزحوا مننا بعيد