اول دموع على المنصات كانت مندوب الوساطة الاثيوبية فعلا ً كانت دموع مؤثرة حيث توحدت الآراء فكانت الوثيقة
ثم دموع حميدتي .. في خطابه الاخير متأثر بإعدام عائلة بأكملها في الاحداث الاخيرة
اليوم في لقاء مباشر في قناة الخرطوم وجدي صالح والفنان الرائع عمر احساس انهمرت دموع وجدي صالح عندما تحدث عن زيادات الرواتب وقال أنه تأثر كثيراً خاصة من زغاريد المعلمات .. نظرا للحرمان الذي عاشوا فيه ولم يستطع اكمال حديثه فكانت الدموع ..
Post: #2 Title: Re: بعد دموع حميدتي.. اليوم دموع وجدي صالح .. كم Author: امتثال عبدالله Date: 05-25-2020, 04:18 PM Parent: #1
سبحان الله ، سودانا كله بقى دموع ...وامبارح كان شفنا دموع الصادق المهدي ... وشوف بوست ود قباني عن زيارة أم كلثوم للسودان وشوف سودانا كان عظمة كيف !! وشوف رؤساء السودان كانوا بيستقبلوهم كيف!!!!
Post: #3 Title: Re: بعد دموع حميدتي.. اليوم دموع وجدي صالح .. كم Author: محمد البشرى الخضر Date: 05-25-2020, 04:31 PM Parent: #2
يعني يا علي يا عمّك تنسى أهم دموع : دموع الدقير!
يا امتثال السيد الإمام ما دمّع دا عرق مسحه ابنه, يا ريت تحضري فيديو الخطبة بي نفسك لتتأكدي
Post: #4 Title: Re: بعد دموع حميدتي.. اليوم دموع وجدي صالح .. كم Author: قسم الفضيل مضوي محمد Date: 05-25-2020, 06:19 PM Parent: #3
. يا ابو علوة في أغنية لي خليل اسماعيل اسمها (الأماني العذبة) وشاعرها تقريبا ابو قطاطي بيقول فيها ... كم سهرت الليل وكم سالت دمووووووعي ... والألم في قلبي أصبح شيء طبيبيعي ... والشباب افنيتو ابحث عن وجيعي ... عشت راهب بين تراتيلي وخشوعي ... . حاول استمع ليها ... . . موضوع البكاء بتاع الرجال السودانيين محتاج لدراسة من مختصين ...
Post: #7 Title: Re: بعد دموع حميدتي.. اليوم دموع وجدي صالح .. كم Author: علي عبدالوهاب عثمان Date: 05-25-2020, 06:46 PM Parent: #4
موضوع البكاء بتاع الرجال السودانيين محتاج لدراسة من مختصين .
======================
حبيبنا قسم الفضيل شكرا يا رائع هل دموع تماسيح أو دموع عطف والحرص ======= يا سلام قسم الفضيل .. أنا من معجبي أبوقطاطي حتى الثمالة شاعر على السليقة يكتب الشعر بدون تكلف .. وردي رحمه الله قال فيه الكثير حتى أكثر من اسماعيل حسن .. شاعر فوق الوصف أكثر شاعر طيع المستحيل من أجل الحبيبة بكلام بليغ لم يسبقه من قبل اي شاعر عربي وأقول بكل شجاعة .. لأنه روض الكون من أجل عيون الحبيبة قال : بنيت في موج قصور آمال .. ومديت للرهاب إيدي ثم قال شديت سرجي فوق الريح عشان ألقاك بدور أطوي المسافات طي
والمبالغة الحقيقية هنا : نجم الليل منو العداه غيري وزاد حسابو شوي
هذا المبدع يحتاج الى دراسة وبحث خاص
مودتي الحبيب قسم الفضيل .. أدخلتنا في عالم من الجمال
Post: #6 Title: Re: بعد دموع حميدتي.. اليوم دموع وجدي صالح .. كم Author: علي عبدالوهاب عثمان Date: 05-25-2020, 06:35 PM Parent: #3
يعني يا علي يا عمّك تنسى أهم دموع : دموع الدقير! ===================== حبيبنا البشري .. دائما تجلب المفاجأة الجميلة أول مرة اشوف دموع الدقير
صدقني البوست بقى رائع جداً
يمكن هناك المزيد من االدموع
حبيبنا البشرى دائما عند حسن الظن
Post: #5 Title: Re: بعد دموع حميدتي.. اليوم دموع وجدي صالح .. كم Author: علي عبدالوهاب عثمان Date: 05-25-2020, 06:31 PM Parent: #2
الابنة امتثال .. تحياتي السودان ده كان شيء اكثر من رائع بمجرد انهيار البنية التحتية للاستعمار انتهى البلد تخيلي كنا في الداخليات أكل ثلاثة وجبات بعد العشاء حليب وحبة برتقال بعد الغداء سرير .. بطانيتن عشان الشمالية برد مخدة دولاب صابون كل اسبوع .. كل الكراست والكتب معمل قاعة فنون رسم منصة مسرح فنلة كورة للاعب الكرة ميدان كرة قدم ، كرة طائرة ، كرة سلة ، تنس طاولة كؤوس للفائزين .. سينما متجولة كل ثلاثة شهور
فنانين من الخرطوم اتذكر وردي ، على ابراهيم ، أبوعركي ، الجابري ، أبوداؤد ، بابكر ودالسافل ادريس ابراهيم ، النعام آدم .. كل واحد في موسم
((( لاحظي الكلام ده في ضواحي الدنيا على 600 كلم من العاصمة )))
بصراحة بعد حكومة عبود واكتوبر ومع بداية نميري بدأ التدهور .. لم يتم تجديد البنية التحتية التي تركها الاستعمار السودنة كانت أكبر جريمة في تاريخ السودان بل كارثة مشكلتنا الخواجات طلعوا بدري كان المفروض في 64
تحياتي الاميرة امتثال
Post: #8 Title: Re: بعد دموع حميدتي.. اليوم دموع وجدي صالح .. كم Author: علي عبدالوهاب عثمان Date: 05-25-2020, 06:48 PM Parent: #5
الاحباب الكرام من لديه أي دموع نرجو توثيقه في البوست تحياتي
(( لا دموع بعد اليوم )) شعار شامبو للاطفال
Post: #9 Title: Re: بعد دموع حميدتي.. اليوم دموع وجدي صالح .. كم Author: نادر الفضلى Date: 05-25-2020, 07:01 PM Parent: #8
أستاذ غلى عبد الوهاب
تحياتى وكل عام وأنتم بخير
إنها لحظات إنفعال مختلطة للمشاعر والعقل فيضطرب الجسم فيحدث بكاء ووتنزل الدمعات لا إرادياً .. بل لأنه لا إراديا يصعب السيطرة وتحصل خجة وتنهد وإختناق عبرة .. إنها تركيبة الإنسان العجيبة، وإحساسة بخر مفرح حقق الأمال ونفع المساكين ورفع عنهم بعضا من الحيف والظلم. أصدق الدموع دموع الفرح!
عندما يبكى الرجال (ينفع رواية وعنوان لفيلم)
شهد ودموع (مسلسل مصرى)
Post: #10 Title: Re: بعد دموع حميدتي.. اليوم دموع وجدي صالح .. كم Author: علي عبدالوهاب عثمان Date: 05-25-2020, 07:26 PM Parent: #9
الحبيب نادر .. تحياتي مداخلة عميقة فيها قراءة عن واقع واحساس هؤلاء .. دموع الفرح .. بدأها ذلك الحبيب الاثيوبي مع بداية الثورة أحياناً القراءة عندنا تاتي مختلفة كلامك مقنع
مع أن دموع الرجال شيء نادر في ثقافتنا
تحياتي
Post: #11 Title: Re: بعد دموع حميدتي.. اليوم دموع وجدي صالح .. كم Author: بشير ميرغني سعيد Date: 05-26-2020, 06:59 AM Parent: #1
هذه الدموع اغلبها احساس صادق جدا
Post: #12 Title: Re: بعد دموع حميدتي.. اليوم دموع وجدي صالح .. كم Author: علي عبدالوهاب عثمان Date: 05-26-2020, 12:24 PM Parent: #11
هذه الدموع اغلبها احساس صادق جدا
================
تحياتي الحبيب بشير شكرا على الحضور
وكل عام وانت اهلك بخير
Post: #13 Title: Re: بعد دموع حميدتي.. اليوم دموع وجدي صالح .. كم Author: Arif Nashed Date: 05-26-2020, 04:30 PM Parent: #12
حبيبنا علي امبس. يظهر بان ذرف الدموع أصبحت موضة عند المسئولين السودانيين. اعتقد بأن اول من سنها غندور.
غايتو لا اذكر بأن مسئول في أحد الدول الاخري ذرف دموع. شفنا دموع أئمة الحرم.
Post: #14 Title: Re: بعد دموع حميدتي.. اليوم دموع وجدي صالح .. كم Author: علي عبدالوهاب عثمان Date: 05-26-2020, 06:02 PM Parent: #13
شفنا دموع أئمة الحرم
====================== عارف امبس .. ذكرتني نكتة عن السديس امام الحرم مشكلتي النكتة تحتاج الى العامية وأنا فيها (زيرو ) المهم يمكن لك ان تعيد صياغتها مع حفظ الحقوق (ههههه ) =================
المصري اثناء اداء العمرة في رمضان ( صلاة القيام ) كان السديس الامام وطبع قاريء مميز .. وبكي اثناء التلاوة اخونا المصري بلغ قمة العشق بالتلاوة بعد الصلاة طلب من زميله ليسلم على السديس وذهبوا الى موقف سيارة امام المسجد حيث السديس وسيارته من نوع مرسيدس (بانوراما ) تقريبا مليون ونص ريال
سأل المصري رفيقه : ( دي سيارة الامام ) فرد عليه : نعم قال : (( طيب العبيط بيعيط ليه ))
======================
يا سلام بالنوبية حاجة تمام
Post: #15 Title: Re: بعد دموع حميدتي.. اليوم دموع وجدي صالح .. كم Author: علي عبدالوهاب عثمان Date: 05-27-2020, 10:26 PM Parent: #14
نسيت دموع السيسي
Post: #16 Title: Re: بعد دموع حميدتي.. اليوم دموع وجدي صالح .. كم Author: عزالدين عباس الفحل Date: 05-28-2020, 09:33 AM Parent: #15