نكات لنج تضحك لمان تبحبت

03:36 PM May, 25 2020

سودانيز اون لاين
Osman Musa-
مكتبتى
رابط مختصر

مسطول قال :
احلى حاجة السنة دي في العيد ده انو مافي مغتربون جايين كلوكلو.
عشان كدا الواحد مطمئن علي زولتو. بس الخوف من الأساتذة .

واشمعنا الخوف من الأساتذة، ،،مرتباتهم بقت بالدولار ولا شنو!!؟؟

مرحب امتثال

واحد قال :
الواحد في السودان من ماهو صغير في المدرسة عمره كلو يدقوهو .
عشان يكون شاطر .
و عشان يطلع دكتور .
اها كمان أول ما يطلع دكتور يلموا فيه المرافقين
في المستشفي يدقوهو .

كل عام و انتم بخير يا عثمان
دي من الواتساب قلنا ما نجيك بإيد فاضية

Quote: كنت خاشي صندوق مع معلمات فى حلتنا و عندنا قروب واتس للتواصل وكنت اميين الصندوق الليله من الصباح لقيت رسائل كتيره واحده كاتبه نعمل اليوم ٣٠٠ والصرفه ٩٠ مليون بالقديم وطبعا صندوقنا الاول اليوم كان ١٠ ج والصرفه ٣ مليون بالقديم التانيه قالت ليها احسن نعملو ب اليوم ب ٥٠٠ التالته قالت ليهم معانا امين الصندوق نستشيرو جات ناطه واحده قالت نستشيرو ف شنو ٥٠٠ بس م قادر نطلعو ودخلو استاذه هاجر المهم اخر حاجه جاتني رساله لا يمكن لك ان تراسل ف هذه المجموعه الظاهر شاتوني بره ايام زمن بشه كنت بسككم عشان تدفعو ال ١٠ ج

أخونا ود البشرى سلامات
والعيد مبارك عليك .
والله عاد جيت ويدك مليانة تب قرقراب.
مبالغة

رباطابي في حفلة طلب من بنت سمحة ترقص معاه .. البنت اعتذرت. قالت ليه معليش .
شبشبي مقطوع . الرباطابي فات منها .
بس بعد 3 دقايق شاف ليك البنت بترقص مع شاب.
جا جمبها. وقال ليها . نان البترقصي معاهو ده نقلتي ؟

السلام عليكم وعيدكم مبارك

الحاج جا خاشي البيت سال الوالده قال ليها خبزتي
قالت ليهو اخبز كيف ولدك المطرطش دا اقول ليهو جيب
لي المكسرات جاب لي بــنات الحله كلهم

كل عام وانتم بخير.
عيدية ساخرة لفحتها هسا

واحد قال صدقوني نشر التوعية عن فايروس الكورونا
في السودان أصعب من نشر الإسلام في الجاهلية
😂😂😂😁😂

*‏الحمد لله
المراكز التجارية والشوارع مليانة بالناس
نتمنى من فايروس كورونا أن يلتزم بالحجر
الصحي
أملنا الوحيد هو في وعي الفايروس*

Quote: وقال ليها . نان البترقصي معاهو ده نقلتي ؟

طيب، ياعثمان، هو كيف عرف انه نقلتي؟؟؟
ههههه

طبعاً ياعثمان بعد المعايدة، حبّيت ادّي مثل انو "النكتة لا تُناقش"،،،،

عليك ان تضحك فقط.

وإنْ لم يحدث ،
فهذا يعني واحد من امرين:

اما انها ليست نكتة او ان المستمع يمتلك كمية هائلة من الثقالة......

بالمناسبة كانت عندنا قريبتنا "تُناقش النكتة".

مثلاً لو قلت ليها في سياق روايتك للنكتة:
اب نفّاش ضرب عمود التلفون بالعجلة السايقها،
لا تتركك تكمل النكتة،
بل تقاطعك وتستغرب قائلة:

" كيف الكلام دا؟؟؟
هو عميان مابشوف"؟؟؟

وقسْ على ذلك عندما تنتهي من النكتة...

رباطابي راقد في المستشفى، عامل عملية في الصرة..
يجو طلاب الطب دفعة فوق دفعة يرفعوا الغطاء ويعاينوا وينزلوا الغطاء ويمشوا..والرباطابي
زعلان زعل شديد من تصرفاتهم دي...
أها جا الدكتور ساله :" بقيت كيف هسع يا حاج ؟
الرباطابي قال ليه : والله يا دكتور بقيت زي حلة العزابة .......

بنتنا امتثال سلام
تمام
دي كاربة . كاربة قوي والله .
مشكورة شديد

أخونا الشاعر الخواض
سلامات
والعيد مبارك عليك والاسرة الكريمة .
ههههههه.
طبعا البلد اليومين دي مليانة نكات عن زيادة مرتبات الاساتذة.
زيادات كبيرة سخت سوق الزواج . و جددت أحلام المعلمين القديمة .
في الروقة و الراحات.
تحياتي
وحاول اكشح ليك نكات في حبسة الكورونا دي .

بنتنا اخلاص
مالك وقفتي ؟
ادينا من نكات الرعب من الكورونا .
وربنا يبعد البلاء

أخونا عارف سلام
وعيدك مبارك .
لذيذة لذيذة. .. ياخ حاول تاني الفح ليك كم واحدة، وتعال.
تحياتي . وشكري

ههههههها
بنتنا اخلاص سلام
وعيدك مبارك . دي قوية .

أخونا asim Ali
سلام
ياخ دي عيدية مفرحة وجد محتاجين ليها .
مشكور كتير

مرحب أخونا جمال القور

لبنانيين يتونسوا في حبسة الحجر المنزلي:
واحد قال للتاني:
لو ضلت سنة 2020 هيك باذن الله رح نعيد حفلة رأس السنة 2021 مع
المطربين وديع الصافي والشحرورة صباح و ضيف الشرف ملحم بركات .

دي لسه طازة وحان الله.

😂 اظرف تعليق عن المرتب الجديد:-
قالوا الصراف سأل انصار النظام السابق الواقفين في شباك الصرف
(اها يا جماعة نصرفكم قروش الشيوعيين الكفار دي ولا تصرفوا المرتب الحلال القديم)
🤔 ..فهمهموا وتشاوروا ثم قال احدهم
(فمن اضطر غير باغ ولا عاد فلا اثم عليه ‘ان الله غفور رحيم)
😂😂😂

لقيت تلفون واقع في الشارع شيلتو وخليتو
فاتح عشان صاحبه يتصل بي وبالفعل اتصل
وحددنا مكان اتلاقينا فيهو اول ماشافني حضني وكان فرحان شديد سالته وقع منك كيف قالي وقع مني وأنا شارد من مستشفى العزل في جبره

:" اشتقت اليك يا زوجتي الرابعة ""
واحد ارسل لزوجته هذه الرسالة ،،الله يرحمه ويغفر ليه وييسر حسابه..
كان قصده :زوجتي الرائعة...
يا جماعة اعملوا حسابكم ..كم فقدنا أرواح بسبب الأخطاء الإملائية والمطبعية ..

أخونا عمر نملة سلامات
دي مبالغة .
تحياتي

عمك طلع من بيتو زهجان طلع قاصد ميدان توزيع الغاز
وقف في الصف . كانت قدامو شابة شكلها متزوجة وجميلة . وراحت تتجاذب مع عمك
الحديث عن العيش والغاز والمعايش .
عمك اتخلع واتكيف من فهم الشابة. قال ليها انا ماشي البقالة ديك اجيب لي
موية . اجيبليك معاي ؟
قالت لو ممكن معاك عصير مازا .
عمك رجع من البقالة لقاليك الشابة شالت الانبوبة وكسحت ههههههها .
عمك فضل يسب للغاز وللمازا زاتو

بارك الله وعيدك سعيد
طلعتنا من أجواء الكورونا الكئيب المسخ علينا العيد

أخونا حمزاوي
سلامات وعيدك مبارك
ياخ تعال الفح لينا واحدة من سجن الكورونا الصعب ده .
تحياتي

الأخ عارف
في انتظارك . اجدع ياخ

الدنيا اتغيرت
*الزوجه مدرسه صرفت راتبها بالجديد طلع ليها كم وخمسين الف
راجلا شالن منها دساهن قالت ليهو مالك شايل القروش يا راجل قال
ليها خايفك تعرسى فيني ..*
😂😂😂😂😂😂

اتنين مساطيل مشوا المولد اشتروا بت مولد واحد جاع اكله جاه مقص صاحبه وداه مستشفى الد آيات

واحد مسطول صحي الصباح وحس بدوخه وغثيان
وراسه مصدع وحراره من كثر ماخاف من الكورونا
رفع راسه للسماء وقال ان شاء الله اكون حامل 😂😂

ازيكم يا حلوين وكل عام وانتم بخير


ودعمنا مالك عندو قلع بطاطس في الحواشة وتاني يوم في العيد
كورك لي محمد اخوه الصباح بدري للذهاب معه الحواشة

محمد قال ليه : انا صايم الستوت.

مالك رد عليه: " يا جنا حركات النسوان دي ما داير تخليها؟"

بنتنا اخلاص سلام
دي قوية