البتراء، كريستوف لكسنبرغ وصحيح البخاري

08:47 AM May, 22 2020

سودانيز اون لاين
أبوبكر عباس-الإمارات
مكتبتى
رابط مختصر

صحي دي عسل بصل تمرهندي، لكن بعمل ليكم منها عصير حلومر بااارد في نهار رمضان.
والمرّة دي تشكيك لصالح المتديّنين،
لكن برضو ختوا في بالكم أنا زي سواق الرقشة في أي لحظة ممكن ألف!

الكفار ناس لكسنبرغ، م المسيّح، المدعو الخواض، توم هولاند والكافر الكبير عبد اللطيف دايرين يقول شنو؟
بخلط ليكم وألخّص ليكم كلامم في ستة سطور ويمكن أقل.

أصلاً زمن الكورونا ورمضان دا كنت بتفكر (من مفكر) وأقرأ عن الإمام أبو عبد الله محمد بن إسماعيل البخاري المولود عام ١٩٤ هجري الموافق ٨١٠ ميلادي.
بسم الله
مخلص قول الكفار:

بكور ومن خلاله الي ناس كفرون جميعاً
سلامي وانتظاري.

اكبر كفرون اشوفو اسمو ما بقدر اقولو
ده فات الكبار والقدرو وهو رب السيف
والمال .

ما في زول يقدر يقول بغم .

معقولة اللياقة تعبانة قدر دة؟
البوست يتدردق لحدي ما يصل الصفحة الرابعة وسيدو ما يقدر يلحقه؟

ماعندنا لأي زول غير دا !!

Quote: «كتب أهل الجزيرة إلى عبد الرحمن بن غنم: إنا حين قدمت بلادنا طلبنا إليك الأمان لأنفسنا، وأهل ملتنا على أنا شرطنا لك على أنفسنا: أن لا نحدث في مدينتنا كنيسة، ولا فيما حولها ديراً، ولا قلاّية، ولا صومعة راهب، ولا نجدد ما خرب من كنائسنا، ولا ما كان منها في خطط المسلمين، وأن لا نمنع كنائسنا من المسلمين أن ينزلوها في الليل والنهار، وأن نوسع أبوابها للمارة وابن السبيل، ولا نؤوي فيها ولا في منازلنا جاسوساً، وألا نكتم غشا للمسلمين، وأن لا نضرب بنواقيسنا إلا ضرباً خفيفاً في جوف كنائسنا، ولا نظهر عليها صليباً، ولا نرفع أصواتنا في الصلاة ولا القراءة في كنائسنا فيما يحضره المسلمون، وأن لا نخرج صليبا ولا كتاباً في سوق المسلمين، وأن لا نخرج باعوثاً - والباعوث يجتمعون كما يخرج المسلمون يوم الأضحى والفطر- ولا شعانين، ولا نرفع أصواتنا مع موتانا، ولا نظهر النيران معهم في أسواق المسلمين، وألا نجاورهم بالخنازير، ولا نبيع الخمور، ولا نظهر شركاً، ولا نرغِّب في ديننا، ولا ندعو إليه أحداً، ولا نتخذ شيئاً من الرقيق الذي جرت عليه سهام المسلمين، وألا نمنع أحداً من أقربائنا أراد الدخول في الإسلام، وأن نلزم زينا حيثما كنا، وألا نتشبه بالمسلمين في لبس قلنسوة ولا عمامة، ولا نعلين، ولا فرق شعر، ولا في مراكبهم، ولا نتكلم بكلامهم، ولا نكتني بكناهم، وأن نجزَّ مقادم رؤوسنا، ولا نفرق نواصينا، ونشدُّ الزنانير على أوساطنا، ولا ننقش خواتمنا بالعربية، ولا نركب السروج، ولا نتخذ شيئا من السلاح ولا نحمله، ولا نتقلد السيوف، وأن نوقر المسلمين في مجالسهم، ونرشدهم الطريق، ونقوم لهم عن المجالس إن أرادوا الجلوس، ولا نطلع عليهم في مجالسهم، ولا نعلم أولادنا القرآن، ولا يشارك أحد منا في تجارة إلا أن يكون إلى المسلم أمر التجارة، وأن نضيف كل مسلم عابر سبيل ثلاثة أيامٍ، ونطعمه من أوسط ما نجد. ضَمِنَّا لك ذلك على أنفسنا وذرارينا وأزواجنا ومساكيننا، وإن نحن غيّرنا أو خالفنا عمّا شرطنا على أنفسنا، وقبلنا الأمان عليه، فلا ذمة لنا، وقد حل لك منا ما يحل لأهل المعاندة والشقاق. فكتب بذلك عبد الرحمن بن غنم إلى عمر بن الخطاب، فكتب إليه عمر: أن أمضي لهم ما سألوا، وألحق فيهم حرفين أشترطهما عليهم مع ما شرطوا على أنفسهم: ألا يشتروا من سبايانا شيئاً، ومن ضرب مسلماً عمداً فقد خلع عهده. فأنفذ عبد الرحمن بن غنم ذلك، وأقر من أقام من الروم في مدائن الشام على هذا الشرط.»

وإن الدين عند الله الإسلام ..!
إنتهى

عرفتيها يا إخلاص
لو جبتي اسمو، ما بتنفكي منو، بنشف ريقك
مضارفة المؤمن على نفسو حسنة

يا شبح، هسّ الت.. دي حب ولّ دفر للنار؟

فعلاً يا المدعو حيدر إتّا "كوز"
دا كلام ليك تكتبو في ظل الحرية العمّت الدنيا دي؟!
قول ما قريت وما عندك نت،
شعار الثورة بتاع عدالة دا ما سمعت بيهو؟
أصلك ما استفدت من قبس لمباتي بالمنبر كلو كلو!

تعديل: اضافة كلمة المدعو

وإنه من أحمد محمد عمر وإنه بسم الله الرحمن الرحيم
هذا كتاب إلى ترامب وجاستن ترودو وأنجلينا ميركل وسكوت موريسون وبوريس جنسون ومن تبعهم بإحسان إلى أبد الآبدين
أتعهد إن قبلتم بهجرتي إلى جنابكم العظيم بأن أزداد علمانية وتقبلاً للحرية، وألا أضرب أبنائي لأداء الصلاة أو لأي سبب آخر، وأن أترك لبناتي حرية لبس بناطلين الجينز إن أحببن ذلك، وأن أترك لجميع أفراد عائلتي حرية اختيار ما يناسبهم من ديانة أو حتى يقعدوا بدون ديانة ذاتو، وبألا أنضم لأي طائفة دينية أو قبلية أو جهوية، وبألا أحدث أبنائي عن الجهاد إلا بوصفه مرحلة تاريخية اقتضتها طبيعة المجتمعات في ذلك الوقت، وبأن أحلق لحيتي ومعاها الشنب جدعنة مني ساي، وبألا البس الجلباب ولا العمة (أصلاً الجلابية حدي معاها يوم العيد والعمة ما شايلها) ، وبأن أدخل أبنائي المدارس العامة وليست مدارس الجاليات أو المخصصة لديانات دون غيرها، وبألا أسمح لزوجتي بارتداء النقاب لما فيه من تمييز ديني وبث الرعب في الشارع العام، مع ترك مسألة تمسكها بالحجاب أو تركه لحريتها الشخصية، وبألا أزرع في أبنائي أي شعور بالتميز لكونهم ملسمين، وأن أجعلهم يتقبلون حرية الاعتقاد كأي اختلاف آخر.
بس انتو قولوا خير وجيبو الفيزا

مهما تحاول تقلدني في الاستنارة برضو حاجاتك ناقصة!
أرجو حذف جملة أن لا أسمح لزوجتي...
ما عندك عليها حق أصلاً تسمح ولا تسمح

الأخت أنجيلا، أرجو تأخير هذا الطلب ثلاثة شهور

طبعاً بتكون ناوي تحتل البوست

رحمك الله ..
وأيش دخل الكيـزان في دين الاسلام ..
ليس كل من حمل هم الدين وإحياء السنة واقامة شرع الله كوز !
دا بيدخل في تلبيس ابليس .. عندما تلبس الدين باسم الطغاة الذين اخذوه مطية للسلطة ..
الشرع واضح يا مستنير .. ويجب التفريق بين الشرع والشعار ..
والاسلام كفل الحقوق والواجابات وحرية المعتقد الخ

المحلسة لموالاة الكفار والنصارى واعداء الدين ما بتنفع يجب درء الشبهات..

عندي صاحبي سلفي قاطع .. ما عندو موضوع في الفيسبوك غير ذم العلمانية والكلام عن استهداف الصهاينة والغرب الكافر للإسلام
أول ما يفتح اللوتري بسكني أقدم ليه .. والله صحي

هسّ في رايك يا حيدر، كلامك الجبتو دا فيهو كفالة حرية معتقد وحياة حرّة؟

الأيام دي في قروب فيسبوك جديد اسمه الشين السوداني
قبل كم يوم دخلت فيه واحدة اتفرجت في الصور عملت منشور قالت هوي أنا كنت قايلاكم بتهزروا لكن وحاة الله انتو شينين جد جد

هسة بعد ردك الجادي على حيدر آمنت بي إنه لياقتك بقت تعبانة جد جد

Quote: أرجو حذف جملة أن لا أسمح لزوجتي... ما عندك عليها حق أصلاً تسمح ولا تسمح

ما بخليها تنشر الرعب في شوارع الغرب الآمن بلبسها الغريب المثير للشك يقولوا ارهابي متنكر شايل مدفع
دة حدي معاها في احترام حقوق الشارع العام فإن أبت إلا النقاب ترجع السودان وانا أشوف لي شقراء فاقع لونها تسر المهاجرين :)

Quote: هسّ في رايك يا حيدر، كلامك الجبتو دا فيهو كفالة حرية معتقد وحياة حرّة؟

نعم أكيد ..
فالإعتقاد شأن شخصي وليس لأحد أن يدخل ما بين المرء وقلبه ..ولم نؤمر بتفتش قلوب الناس
وادعو لسبيل ربك بالحكمة والموعظة الحسنة ..

وقد أقر الإسلام حرية المعتقد للذمي والمعاهد ولم يأمر بإجبارهم على اعتناق الاسلام وأقر الحرية ووضع لها ضوابط وقيود
حتى تقام حدوده واوامره ونواحيه في الأرض التي يورثها لعبادها كما قال ..
وَلَقَدْ كَتَبْنَا فِي الزَّبُورِ مِن بَعْدِ الذِّكْرِ أَنَّ الْأَرْضَ يَرِثُهَا عِبَادِيَ الصَّالِحُونَ ..
فيآخي يجب ان تحفظ وتفرق بين حرية الإعتقاد وأوامر وضوابط الشرع
فالشرع لا يبيح لحم الخنزير ولا الخمر ولا المعازف ولا الخنا ولا موالاة الكفار والنصارى والا الانحياز لهم ضد المسلمين
كما جاء النهي الصريح عن التشبه بهم ومتابعتهم ..
إلا انه رغم ها فتجد من المسلمين من يتحدث بلسانهم ويتبنى شرائعهم الوضعية والمزاجية التي هي من وضع الانسان وكان الانسان ضعيفا
وهذا مصداقاً للقول لتببعن سنن من كانت قبلي .. الحديث

وانا وقت احذرك يا مستنير للتفريق بين الشرع والشعار وحكم الله وحكم النفس والهوى .. وبين الحق والباطل
حتى لا يكون العلم ثرثرة .. ولا الفقه بربرة .. ولا ينتاش دين الله الصبية والغلمان
فللعلم رواته وأخباره وللحكم أهله وناسه .. وللمعرفة طرقها وآدابها ..ولم يترك الباب سدى ليطرقه كل طارق ولا سبيلاً يشربه كل شارب ..
وقد نهانا المصطفى عليه السلام في الصحيح من الرويبضة في آخر الزمان ولك بكل تاكيد به علم ..

وحسبنا الله ونعم الوكيل


يا 2010 ؟
ايش تقرأ وتحفظ من الحديث؟
وأين حصلت العلوم

هو عموماً يا احمد عمر الكلام الفوق دا هو نسخ ونكوص عن الوثيقة والعهد دا /

Quote: «بسم الله الرحمن الرحيم، هذا ما أعطى عبد الله، عمر، أمير المؤمنين، أهل إيلياء من الأمان، أعطاهم أماناً لأنفسهم وأموالهم ولكنائسهم وصلبانهم وسقمها وبريئها وسائر ملتها. أنه لا تسكن كنائسهم ولا تهدم، ولا ينقص منها ولا من حيِّزها ولا من صليبهم ولا من شيء من أموالهم، ولا يُكرهون على دينهم، ولا يضارّ أحد منهم، ولا يسكن بإيلياء معهم أحد من اليهود. وعلى أهل إيلياء أن يُعطوا الجزية كما يُعطي أهل المدائن. وعليهم أن يُخرِجوا منها الروم واللصوص. فمن خرج منهم فإنه آمن على نفسه وماله حتى يبلغوا أمنهم. ومن أقام منهم فهو آمن، وعليه مثل ما على أهل إيلياء من الجزية. ومن أحب من أهل إيلياء أن يسير بنفسه وماله مع الروم ويخلي بِيَعهم وصلبهم، فإنهم آمنون على أنفسهم وعلى بِيَعهم وصلبهم حتى يبلغوا أمنهم. فمن شاء منهم قعد وعليه مثل ما على أهل إيلياء من الجزية. ومن شاء سار مع الروم. ومن شاء رجع إلى أهله، فإنه لا يؤخذ منهم شيء حتى يحصد حصادهم. وعلى ما في هذا الكتاب عهد الله وذمة رسوله وذمة الخلفاء وذمة المؤمنين، إذا أعطوا الذي عليهم من الجزية. كتب وحضر سنة خمس عشرة هجرية.

الفرق ما بيــن النصيـن أعلاه هو الفرق ما بيـن الشرع والحكم الاسلامي ما بيـن عهد سنة 15 والعهد الجاء بعد انقلاب بني اميـة على السلطة ..
الكارثة انه التشريعات الإنقلابية دي سندت دساتيـر وتشريعات أغلب انظمة الحكم على مر الالف وتلتمائة سنة الفاتت ..!

فما ولا عبثاً بعد ذلك ممكن تجي تلقى كشات ومصادرة ستات المريسة والشاي مصدر دخل لعسوس نظام خلفاء بني أمية
ولا عبثاً بتجلد السنة وسياط امثال الفقيه المسيحيين والجنوبيين عشان لبسهم وزينتهم وإمتلكوا الجراءة لمصادرة الكنائس وبيوت العبادة المعظمة..

مشكلة المستنير انه فاهم الحاجة دي لكن عاجباهو حلاوة الكفر والزندقة ..!
والزندقة لا تدخل في حكم حرية المعتقد ولكن في باب الردة

علي الحلال الردة دي إلا علف البهايم
لكن النبي جوهو الناس قالوا ليه اردد علينا بيعتنا ولا اشتغل بيهم الشغلة ولما فاتوا من المدينة قال ليهم المدينة تلفظ خبثها .. أو كما قال
ردة دي ولا برمودة يا متعلم يا بتاع المدارس :)

خال المدام من جماعة عبد الحي دقن للسرة وخطيب في المساجد، عندو حساسية ضد وشوش البنات بس ما يشوف ليه وش بنت من الأهل كاشف تمسكو الكاروشة ويتلحها لحدي ما تتنقب
اتنين ما قدر عليهم كلو كلو زوجتي وأخته الحتالة. الاتنين قالوا ليه والله رجالنا قالوا الموضوع دة فيه طلاق ورافضين كلو كلو
يوم اتلمينا في وفاة وانا قاعد مع عديلي الوحيد العاقل :) والشيخ يعاين فينا من بعيد يحمر لينا وهو طبعاً مسمينا صعاليك بني أمية
في النهاية لمن غلبو كلو كلو جاء جمبنا وقدام الناس قال لينا أنا عمري كلو ما لاقوني ناس زيكم .. نسوانهم يقولوا ليهم دايرين نتنقب ونبقى ليكم وحدكم براكم مافي زول يشوفنا غيركم وهم يقولوا لا لا عاوزين الكلب والماسك الدرب يشاركونا فيكم!
وعاين فيني كدة قال لي هسة عليك الله تمشي مع مرتك بي وشها كاشف كدة وصعاليك الشوارع كلهم يعاينوا فيها؟ قلت ليه شوارع شنو! انت ما كلموك إنها يومياً بتطلع معاي البحر بالعصر وبتكون لابسة باكستانية؟
طبعاً الجماعة بقوا يهدوا فيه ويقولوا لي يا زول والله خالك دة عكازو قريب ما بستحمل أكتر من كدة :)

طبعاً الشيخ وأخوانه كلهم شيوخ وحملة قرآن عشان كدة بطبقوهو صاح :) أي واحد ساعي ليه تلاتة 4 نسوان ومشاكلهم ما عندها حد الماسكة شفعها منو والمحاكمينو في نفقة والقاعدين معاهو جبر ساي عشان الاولاد وكرهانين ريحته وعييييييك
أها اليوم داك في لمة عائلية وكالعادة النسوان كلهن نينجا إلا زوجتي وخالتها الصغيرة واحدة قالت ليهم أها بعد السنين دي لسة رجالكم مانعينكم من النقاب؟ ما عقلوا شوية! خالتها ردت ليهم : بري أخير لينا صعاليك بني أمية ديل من مثنى وثلاث ورباع

قدر ما اسمع برمودة .. بتذكر جزر برمودا البتحتي عندها السفن والطائرات وتتعطل الردارات ولا يستطيع احد ان يكشف سرها ..
اللغز دا محير جداً ..

ذكرني مدينة مخبية في الاندلس وقت فتحها طارق بن زياد ومهدها لدين الاسلام ومملكة الاندلس التي اضاءات لمبات استنارتها ربوع اوروبا والغرب كما هو معلوم
كإضاءة لمبات المستنير جنبات هذا المنبر..
وهذه المدينة بجزيرة ببحر الاندلس كما حكى اهل العلم كانت اسوارها ومبانيها من النحاس تلمع في اشعة الشمس
وعلى بابها مرآة سحريـة كبيـرة قال احد الشهود انه نظر فيها فرأى صاحبه على مسيـرة يوم ومراحل فشاهده وفرسه فيها ..وقيل ان بها مغارة يتكلم فيها المتكلم ولا يراه رآي
وبعد ان راو فيها كنوز لنبي الله سليمان وجرار محبوسة فيها مردة الشياطين تاهت عنهم ولم يجدوها مرة اخرى ..

انا شبه متاكد انه برمودة ياها الجزيـرة المقصودة دي ..
والوصول ليها ما صعب
ليتني كنت إنديانا جونز لأتيتكم منها بتابوت العهد وشئ مما ترك آل أمية او قمقم مارد !

يا أحمد (#################### بني أمية) عشان انا تعبت اكتب اسمك ثلاثي عشان أفرقك من أحمد المؤدب، شنبك محرقك ساكت ما تدرعوا في اللوتري وبنرجع ليكم اللوتري بعد نهزم ترمب عشان حتى العالم النحرير يقدم ، يا حيدر في البتاعة الاولى الجبتها في بند لي هسه شغال في الخليج ما بتفتح بزنس إلا المواطن يكون ليه ٥١ ٪؜ دون اي تعب ولا كاش بالاسم بس لكل المسلمين والذميين وحتى الزنادقة

والله يا منتصر لولا اني ذمي معاهد في موالاة بني ربيـعة وشركاهم ولا يصح بحسب قول الاوزاعي وابن الزهري على الغالب الإفتئات والمظاهرة على ولي الامر ..
لكن المقابل المالي على الوافدين وعائلاتهم ومن نزل في مضاربهم من القوم مقابل مكوس الضريبة المضافة المفروضة على الكل .. ثم توزيع الاعطيات والهبات
والمنح والبدلات على بني اميـة دون الذميين والموالي والنادقة لهو تبع لهدى السنة الأموية المباركة التي قسمت الحقوق والواجبات وقطعت الاقطاعات ةاعطت العطايا لبني قريش ..

بالنسبة لل51% فا يحق للقرشي الإمامة ولاتنعفد الرئاسة إلا منهم كما روي الثقاة والله اعلم

شيخ مبير من شيوخ الازهر واحد اساتذة طه حسين قال ( في ذلك العهد)
"ومن ذهب الى فرنسا فهو كافر أو على الأقل زنديق»
المفكر الفرنسي ( اندريه جيد) رد على طه حسين بأن الاسلام هو دين (الاتباع لا الابتداع)
لان كل شىء موجود في القرآن او في السنة
كلام ( جيد) صحيح لانه دون ان يقصد اشار الى ( البدعة)

Quote: وقد أقر الإسلام حرية المعتقد للذمي

يعني نديهو حريّة إعتقاد ونربطو بجنازير الذمة؟!
يا حيدر، الممارسة دي كانت غلط ولا تعبر عن أي حرية إعتقاد.
ما تعذبني، عندي درب استنارة كبير في البوست دا
ما تأخرني ساكت

يا منتصر، إختصر دا كلو وناديهو بالشبح

جاء في الأثر يا حيدر الزين إبان فرض الرسوم القلتها دي إنه استاذ بجامعة الباحة سوى متل سواتك دي في الفيسبوك ثم ذهب إلى الفرن يجيب عيش العشاء ولم يرجع حتى الآن
ويعتقد المؤرخون أن الفرن كان بعيد شوية

Quote: وبنرجع ليكم اللوتري

ها زول البوست جهادي والمستنير في صف الاسلاميين للمرة الأولى في التاريخ وانت تقول بنرجع اللوتري؟
مفروض تقول فليعد للدين مجده وتاني الإيطاليين يجونا بالسمبك ويقبضوهم ناس الدعم السريع يرجعوهم اوربا

اتذكرت برنامج الزنداني زمان يوم الجمعة وكيف أبوي الله يرحمه بمنع الحركة تماماً أثناء البرنامج وبكون بحواسه كلها مع سواقة الزنداني وكيف الطبيب الكافر لمن اكتشف إنه المعلومة الطبية موجودة في القرآن خر ساجداً وحسن أسلامه وهسة بقى داعية في جزر المالديف
بعاين في أبوي ألقى عيونه رقرقن من الدموع وبتتحرك شفاهه بدعاء ولا قرآن ما خابره
غايتو الانترنت دة أصلو ما عمل خير في الشيوخ .. أول سواقة للزنداني مع ظهور النت كان علاج الإيدز بالطب النبوي .. ناس النت ختوهو في الفتيل اللي يوم الليلة تاني ما قلّع منه

ختّوهو فى كونية فى كيم البيت
وحات نضرى صحى
الكونية فتيل ريحة
و الكيم فتيل كحل

بعد 8 سنوات من الكساد يا جلالدونا ولده هفا لأمجاد الماضي فأعاد افتتاح مركز أبحاث الطب النبوي وقال علينا جاي علاج سرطان
وحاتك اتردم ردم غرائب الإبل .. لو ما دمه بقري كان قفل صفحاته الاجتماعية وقلب المركز كوافير

Quote: ها زول البوست جهادي والمستنير في صف الاسلاميين للمرة الأولى في التاريخ وانت تقول بنرجع اللوتري؟

هههههههههههههههه

معقولة تكون مصدقو !!!!

الشغل دا شرك واااضح

ما لاحظت لوصف سواق الرقشة

زولك مجهز الملف بس لسة ما وصل هههههههه

يا هيثم المستنير من صاحب عاطف عمر مكنته خفت :)

هكذا يا صديقي..
افتقدت..صلاح فقيري ، ماجد سناري ، عبد اللطيف..محمد شحرور..على الكيالي..!
كنت ، يا ابكر ، اتمنى ، ان يجد شحرور فرصة لأستماع الغنية السودانية ( ألأيام سجية) ، من غروري كنت اتمنى ان يسمعها ديكارت في ذات نفسو..!
(مهما الشك تجمع ، ح تبدو الحقيقة..!!!)
سي سي..هاشم الحسن عليه السلام..!


كبر

تعرف يا عاطف عمر أيام الجامعة اتعلمت قاعدة ذهبية إنه الشخص بنظر بي عين طبعه
الأولاد المؤدبين لما تقول ليهم فلانة كعبة بنتفضوا فيك طوالي يا زول اتقي الله ما تقذف بنات الناس ساي انت وصلتها بي نفسك ولا بس ترديد قوالات وإشانة سمعة؟
بينما العادين حياتهم وسط العاهرات بكون في قناعتهم إنه أي بنت عاهرة حتى لو ثبت العكس .. يستحيل يقتنع ليك بي إنه في بنت كويسة في الدنيا وعندهم عبارة أي بنت عندها بس عاوزة المدخل المناسب

أها دحين انت مالك حايص ليك موضوع اليوزرات دة؟ كل يوم تكرر في نفس الكلام العضو الفلاني داخل تحت بي يوزرين والعلاني خاشي معانا في الفيسبوك بي 3 يوزرات؟
هبشك الما ضراك
بس ياها نكتة السكر بي عتود المرة وقعد في الشارع جات مارة قالت ليه سلام آ الحاج قال ليها عتود شنو يا مرة؟!
انت قايل الناس دي كلها بتخاف من طلعة فوق زيك كدة؟ :)
فااااا شنو طب نفساً يا حاج مافي زول فاضي ينقب وراك .. كتبت تحت بي اسم عاطف عمر انت عندي عاطف عمر جيتنا طالع فوق بي اسم أماندا رداد انت أماندا
ما فارقة معانا

النبي ما تقول حاجة يا مستنير

Quote: بس ياها نكتة السكر بي عتود المرة وقعد في الشارع جات مارة قالت ليه سلام آ الحاج قال ليها عتود شنو يا مرة؟!

ههههههههههههههههههههههههههه

والله دي الذ نكتية

دا ياهو شغل الفي راسو بطحة

لكن يا احمد النبي فيك اماندا رداد دي منو ؟؟؟

لا يااااخ
ما تقول لي ما حضرت فيلم نسرين سوركتي ؟

لا يا حاقد أماندا في السرداب بس عشان الأحداث وحظر التجول وستملأ المنبر أدباً بعد إن امتلأ بأبوحسين

Quote: مفروض تقول فليعد للدين مجده وتاني الإيطاليين يجونا بالسمبك ويقبضوهم ناس الدعم السريع يرجعوهم اورب

أحد الإخوة الآن هسه سمعتو بينادي .. واسلاماااه وآآآ خلافتاه !

لمن يجي يلم فيهم واحد خليفة زي الخليفة الفاطمي الحاكم بامر الله .. والا هولاكو ابن تموجين عشان يعرف معاني الخلافة جد!



عموماً انا بشوف انه من الشرع يكون في خليفة للمسلمين تجتمع به وعليه الكلمة ..

أيوة شفتو
هسة بكري الحاقد دة كان فك جنازير سيف بابكر كان لقى ليه رفيق :)

Quote: عموماً انا بشوف انه من الشرع يكون في خليفة للمسلمين تجتمع به وعليه الكلمة

ومن يرفض نلحق بيه عيد الضحية نجيبه مربط تحت منبر العيد وبعد الخطبة الخليفة يقول لينا ضحوا ضحاياكم فإني مضحٍ بالملحد بن العلمانية

السرداب الذي لم يعرفه دربه قوقل يا منتصر
قال ليك أدمن في كل قروبات الثورة السودانية .. يا النبي نوح :)

ألذ حاجة في البحث عمك قوقل الحاقد بجيب ليك يحيى قباني فوووق ثم البوست الأصلي وتاني يخربو :)
أنا جدعنة مني صورت الكوتات بتاعاتك انت ومحمد الشيخ عشان الما شافهن في الأول يشوفن في التاني

إنت عارف كلام مسلمين بيني بينك دون الكفار ..
خليفة المسلمين من بعد المعتصم لغايــة خلافة سيدي الميرغني هسه ما كان عندها أي فرق من خلافة بابا الفاتيكاان ..
فرقهم بابا الفاتيكان دائماً عندو قروش.. ديلك مرات من الفلس والجوع بيلوكو البروش ويشحدوا اللقمة..

في قصة قدر ما اتذكرها بستحضر يونس شلبي واضحك ..
رواها المقريزي في تعيين خطاب تعيين واحد من القضاء وقراية خطاب التعيين في الجامع بحضور القاضي نفسه ..
قال بعد قابل الخليفة عينو وخلع عليهو كم جبة وقفطان وجلابية جاء جاء خامي الهدوم في يديهو قدام كرشو وكان ربعة سمين..
ووقف جنب المنبر بينما يتلى خطاب التعيين ..
وحين التلاوة وعند ذكر اسم الخليفة يضع حمله عند قدميه ثم ينزل على ركبتيه فيقبل الأرض ثم يحمل بقجته ويقيف ..
قال فحسبت له اثنا عشرة قبلة :) !

اتناشر قبلة بس.. اتلوم والله 😁

اها الركشة لفت ول لسه؟

غايتو انا لسه محتار :من هو
ذو القرنين في زماننا هذا.. حسب
البوست السابق اللي خليتو لاني فقدت -حتي التلفون-انو هو شخصية
من روما(ايطاليا) وليس مصر كما يزعم كتاب السيرة
واما ان صفحتي وجهه نحاس فهي رمزية
وان الموضوع الخاص بردم السد
بواسطة الحديد والنحاس هو
ماننتظره من علماء ايطاليا
وقائد فريقهم(ذو القرنين)
ليردم فيروس كوفيد في الدم بواسطة
دواء يحتوي الحديد وماعارف النحاس
ح يظهر كيف في الحكاية دي!
المهم الاساطير القديمة مجهولة المؤلف
ستكون الاثارة الحقيقية للبشر
وحيشرب فوكو ومايروي برفضه
جوهر ثابت للخطاب التاريخي

منتظرنك يا مستنير خليك جادي الجماعة
لعبو بالبوست لانو ظهرت لهم بتهظر ساي

Quote: خليفة المسلمين من بعد المعتصم لغايــة خلافة سيدي الميرغني

قااااااادر الله في محنو وعجايبو

بللاي هو الشي دا معتبرنو خليفة المسلمين !!؟؟؟؟

غايتو زي ما بقولو الصيت من الله

ما هو إما
دي حقارة منكم ..
إما ..
البوست دا سبيل ..
إما
المستنير كتب ملخصو بالحبر السري..
اما ـ الاخيرة دي عشان ما اقول يمكن خاف.

المستنير لياقته انتهت مداخلتين ببطلن بيه
أنا البتاع دة لقيتو مرمي بي مداخلة واحدة في الصفحة الرابعة لقطتو ونفضتو من الغبار واستلمتو بي وضع اليد
لكن العرض قائم إن جاء المستنير قال حقي وداير ابدأ اكتب الما انكتب بنفضي ليه الساحة تب
لكن إن قال حقي ودايرو يغطس تاني مزاج كدة ليه علي يظل مطفح فوق كدة إلى أن يشيل بكري أمانته

خلاص يا احمد محمد انت جبت البوست من القضارف ..
بس اعمل حسابك ما تصدق خرمجة المستنير دي ..
الزوا دا واصل ..
لحد وين علمي علمك ..
عندي قريبي برهاني ..
الاسبوع كلوا ساكن في الزاوية ..
نهاية الاسبوع حول العنقريب كلو قزاز ..
قلت ليهو ياخي شيخك دا ما هداك ؟
قال شيخي قال لي لو بطلت تاني ما ح تمشي بكرعيك ح تطير عديل..
المستنير لو بطل الخرمجة ببقى invisible عديل.

البوست دا برجع ليهو بكرة بعد صلاة الجمعة
"نصلي الجمعة ونقوم نقطع إضنين الكفار"

المستنير عندو شئ من حتي في البوست دا

وغالبا ح يرجع ليهو

Quote: ما هو إما دي حقارة منكم .. إما .. البوست دا سبيل .. إما المستنير كتب ملخصو بالحبر السري.. اما ـ الاخيرة دي عشان ما اقول يمكن خاف.

محمد المك ، يا مولانا ، اظهر ياخ ضروري ، خلينا نعمل ون تو جديد لغاية مايظهر المستنير

علي قول الامينيون

يا إما تظهر انت او يظهر هو

بالجد يعني

البتراء : الرسالة لم تكن في منطقة مكة

لوكسنبرغ : القرءان مكتوب باللغة الارامية

صحيح البخاري : يدعم مفهوم تداولية بورديو بسرده قصة

ورقة بن نوفل رغم التشويش الشديد علي طبيعة القصة وبترها في مواضع اخري

وكنا قد تابعنا من قبل النصرانية الابيونية كاخر نصرانية نشأ منها الاسلام وفقا لمفهوم

التداول الاجتماعي فلاشئ يات من العدم !

كذلك ، لايمكن دراسة خطاب الا في زمانه بمعرفة المفردات حينها وعلاقة الخطاب

بالتشكيلة الخطابية السائدة حينذاك وهو ما استطاع هولاند التوصل اليه من خلال استنتاج

البيئة الخطابية او جعرافيا الخطاب اذا صح ذلك وربطها بمنطقة خلاف مكة التي لاتتوافق

مع بيئة الخطاب الجغرافية كما يتضح من بيئة الخطاب العلمية انها تتوافق مع معارف العصر

الذي ظهرت فيه ....

استطاع الباحث (الحريري) -خلافا لمفهوم القطيعة المعرفية - معرفة جذور التداولية التي

ربطت بين النصرانية الابيونية ممثلة في ورقة بن نوفل ومقدمات نشأة الاسلام

Re: andquot; الحور والغلمان في الجنةandquot; إذا آمن �Re: andquot; الحور والغلمان في الجنةandquot; إذا آمن �

Quote: تلك التي وجدت في الكعبة عن ابراهيم الخليل والملائكة والمسيح في حضن أمه مريم الأزرقي أخبار مكة 1 : 165 تشبه الأثار النصرانية الكثيرة الموجودة في بيوت العماد في الناصرة وبيت لحم وأورشليم وبللا وبترا ... وفي وسط بيت العماد حوض ماء يعلو 84 سم على جدران الحوض أثار أنبياء وملائكة ودعاء وصلوات ويشهد أركولف الذي زار الأراضي المقدسة 670 م على أن هذه الأمكنة جميعها كانت تشابه بعضها بعضا ومعظمها على أسماء أحد الأنبياء الذين لهم علاقة بالعبور عبور الأردن أو الصحراء أو البحر مثل ايليا وموسى وابراهيم .. وهل كعبة مكة مع ما فيها من الركن الابراهيمي والأثار النصرانية .. على علاقة ببيوت العماد ؟ !! وهل سورة النور في القرآن رقم 24 : 35 مع ما فيها من تعابير النار والنور والمصباح والمشكاة والزجاجة والأغصان والزيتونة .. ببعيدة عن صور العماد ورموزه عند النصارى ؟؟؟

Quote: تشبه الأثار النصرانية الكثيرة الموجودة في بيوت العماد في الناصرة وبيت لحم وأورشليم وبللا وبترا ...

Quote: وهل كعبة مكة مع ما فيها من الركن الابراهيمي والأثار النصرانية .. على علاقة ببيوت العماد ؟ !!

المقتطفات اعلاه ذات اهمية فائقة

ولكن ماهي ارم ذات العماد التي لم يعرف لها المفسرون دلالة محددة

ووصفها ابن خلدون علي انها قبيلة والشعراء الحديثون علي انها اسطورة

ورغم الحفريات لادليل قاطع علي وجودها رغم مباحث لانعرف صدقها تسلسلها لقرون متتابعة قبل الاسلام ، وبعض الاشارات الي اجران العماد وهي تختلف

عن منطوق القرءان....

احيانا احس اني زي ركشة المستنير ، ممكن الف في اي لحظة ، خصوصا في قصة ذي القرنين وقصة ارم ذات العماد

الاسطورة في الحالتين الحاق الدمار الكبير بالبشر ، ورغم ان فوكو لايضع بالا الي التاريخ كجوهر وانما يعتمد علي التاريخي

غير المتصل ، علي التقطعات والبعثرة والعتبات الخ الا ان ثمة شئ مغري في هاتين الاسطورتين يقترب من الصدق

باعتبارهما جوهر تاريخي متصل في اشكال رمزية تتجلي في صورة كوفيد 19 بالنسبة لقصة ذو القرنين ، والمسلسل مازال

مستمرا ، فلم نستطيع تفكيك رمزية ناسك ومنسك ، وهاويل وتاويل ، رغم ظهور ما في افق الفيروس يرتبط بالحديد في بعض

التاويلات غير المعروف سندها العلمي حتي الان ، وكذلك رمزية ذو القرنين ، فلا اثر لمعني النحاس بوصفه جانبي وجهه

فلايعرف هل هو النحاس المعدن ام اللون ام الرمزية ، وهل جانبي الوجه هما الموجتان الحاليتان ام شئ اخر

علي العموم هذه ميتافيزيقتي التي لم اتخلص منها ، في خضم التفكير النقدي العقلاني