دكتور الثورة القوي

07:55 PM May, 20 2020

سودانيز اون لاين
Hasheem Karouri-ارض الله الواسعة
مكتبتى
رابط مختصر

لله درك يادكتور اكرم .

وجد نظام صحي متهالك ، بؤرة فساد

ابوقرده ومامون حميده أسؤا من تقلد منصب وزير الصحة

الرجل يعلم تماما ، الجو و المناخ الذي يعمل فيه .
مدراء الادارات المستقيلين هم المتضررين من المد الثوري الذي اجتاح وزارة الصحه.

فليذهبوا غير مأسوف عليهم .

التطهير ، التطهير

دكتور القراي ، ودكتور اكرم ، شوكة في حلق كثيرين .



نعم . المتضررين .

افواه مغلقة ربع قرن، تري الباطل وتشارك فيه ، فجاة ترتفع وتتحدث عن الحق.
هناك من يحدد ، من هو الصالح ، ومن هو الطالح.
ليس كل من لبس قفاز وكمامة ، طبيب .

السفله . واشباه الاوغاد ، لايسرهم نهوض البلد من غيبوبة استمرت ربع قرن .

سقط هبل ولن تقوم له قائمة مرة اخري ، ليذهب الكهنة ويبحثوا لهم عن مخرج . فقد تم هدم المعبد .

واتي الصالحون

دكتور الثورة ، يدحض اشاعات المغرضين اصحاب النفوس الضعيفه الخربه ، ويرد بكل شجاعه وثقه ، عن كل الاسئلة التي وجهت له ،وبتجرد .
الفلول والخاسرين ، بالتاكيد لم يشاهدوا " المقابلة الخاصة " ، لوزيرنا الهمام . اذهبوا وابحثوا عنها . علكم تستفيدوا .

نعلم انكم تريدون الخراب لتبنوا اعشاشكم عليها ، لكن هيهات فقد ولي زمنكم ، واتي وقت البناء والعمار ، وايضا .وقت...الحساب ، حتي لو بعد حين .

ثورة مهرت بدماء الشباب الغض ، لن يسهل تجاوزها بالساهل ، بتفويض من الشعب الراكب راس ، حضرت هذه الكوكبة من النجباء ، وكل منهم عاهد نفسه بتنظيف وتطهير البلد من الدرن والوسخ ، والفساد ، ويبذل جهده لاصلاح التلف .
لن يفرض الشارع في ثورته ، رغم كيد الكايدين،وتظل عينه ساهرة لحراستها .
نتمني للوزير الهميم الشجاع ، التوفيق والسداد .
ولانامت ، ولا حتنوم اعين الجبناء .

بالفعل دكتور أكرم هو رجل الشعب القوي ولكن ضريبة ذلك مكلفة له
شكراً أستاذ هاشم

مرحب عبد الصمد .
كل الوزراء الاشاوس ، تعرضوا لكثير من حملات الكيد والنقد والتشويش ، لكن " سيروا وعين الله ترعاكم " ، رغم قصر المدة ، الا ان التاريخ سجلهم " بحروف من نور " . وهناك الكثير يقدرون عملهم ، وهم نفسهم يعلموا ما يواجهون .وكله يهون في سبيل نهضة السودان .
شتان مابين الثرا ، والثريا، ودكتور اكرم ، وابوقرده وابو لبده

انشاء الله سيعبرون .،،،

اثنان مصابين بعمي بصري " الاعمي ، والحاسد " .
الاعمي ليس بيده شيئا فهذا قدره ، ام الحاسد ، فهو يبصر ويري ، لكن لايسره ان يري نجاح الاخرين، ويزعجه جدا ، بل يفعل كل مابوسعه، لافشال هذا النجاح .
انهم في حالة هذيان وعدم تصديق حتي اللحظة .لانهم لايرون .

نعم د. اكرم هو الانسب لقيادة ثورة صحية حقيقية في السودان
سلام اخونا هاشم ليك و لي ضيوفك

مرحب ابو حسين .
اتهموا الرجل انو " شائف نفسو " ، ولايحضر الاجتماعات ، وقال د. اكرم بهذا الخصوص ، انه فعلا وفي بعض الاحيان لايحضر تلك الاجتماعات ، لانه مريض ، ولديه غضروف ." شفاك الله يااخي " .
هل سمعوا او رؤي مثل هذه الشفافية والشجاعة، والبساطة من اي وزير سابق ؟
اكاد اجزم انهم اجبن من ان يسالوا هكذا سؤال. فهم كانوا مشغولين بسرقة البلد .

Quote: اثنان مصابين بعمي بصري " الاعمي ، والحاسد " . الاعمي ليس بيده شيئا فهذا قدره ، ام الحاسد ، فهو يبصر ويري ، لكن لايسره ان يري نجاح الاخرين، ويزعجه جدا ، بل يفعل كل مابوسعه، لافشال هذا النجاح . انهم في حالة هذيان وعدم تصديق حتي اللحظة .لانهم لايرون .

يا Hasheem Karouri هنا فى زملاء فى المنبر زى كلامك دة ما بقع ليهم وشايف فاتحين
دشليون بوست للدكتور اكرم وهو تحيدا عبد العظيم قال تمكين قال عاوز المجرم مامون حميضة
الغربية عامل فيها اتحادى ونحنا ابواتنا وجدودنا كلهم اتحاديين وكمان خلفا الزوول بعد الحكومة
الانتقالية اتغير 180 درجة وبفى كوز وما تنسى معاك الصوفى منتصر عبد الباسط

مرحب احمد حمودي

صبرنا ٣٠ سنه عجاف ، دمرت فيهم الصحه والتعليم ، وكل مناحي الحياة ، من شوية زمرة من اللصوص الجهله .
والان بعد شروق شمس الحق ، القي القبض علي خفافيش الظلام ، وهم في السجون الان منتظرين مصيرهم المحتوم .
تبقت قليل من الابواق هنا وهناك ، وقريبا ستختفي من تلقاء نفسها ، بعد ان تيأس ، وتفقد الامل في عودة عهود الظلام مرة اخري.



من زمان براهن علي الزمن ، وهاقد اتي ،،،،

" الجمل ماااشي ، والكلاب تنبح " .
مثل سوداني .

Quote: كتب د. محمود ميسرة السراج ( الصيدلي والممثل والفنان ) : الحكاية دي ترددت في أن اقصها عليكم لكن غلبني.. قبل 9 ايام لقيت رسالة من دكتور أكرم على التوم "وزير الصحة" بستفسر عن دواء.. وعشان يحمسني في البحث عنه قال لي يا محمود الزول البستعمل الدوا ده آخر حبة بلعها قبل عشرة يوم ومتألم شديد..سألت عن الدوا وعرفت مكانه لكن قبل أن أكتب لاكرم اسم الصيدلية الفيها الدوا تلفوني اتسرق..وفقدت بالتالي كل أرقام التليفونات ومن ضمنها تلفون أكرم ونسيت الموضوع.. الليلة بتابع في الاخبار عرفت انو امبارح كان هناك اجتماع مهم غاب عنه وزير الصحة نسبة لاشتداد آلام الغضروف عليه.. فجأة انتبهت انو الحبوب الكان بسأل عنها أكرم وما لاقيها هي حبوب للغضروف وانو الزول الكان بقول انو متألم شديد ده هو شخصيا.. شئ غريب.. أكرم ده يوميا على اتصال مباشر مع منظمة الصحة العالمية ومع مراكز أبحاث ومستشفيات كتيرة جدا على مستوى العالم.. معقول ما يقول لواحد من الناس ديل يرسل ليهو الحبوب دي؟.. ياخ أضعف الإيمان عنده زوجته في القاهرة يتصل عليها ترسل ليهو الدوا في الطيارة المصرية الجهات قبل كم يوم شايلة أدوية ومعدات طبية خاصة بالكورونا.. لكن أكرم البعرفو انا ما بعمل كده.. أكرم ود حاجة كاشف داير يكون واحد من الناس.. من ملايين السودانيين العايشين في البلد دي ومرات كتيرة الدوا البستعملوهو بقطع ويضطروا يفتشوا عنو ويسالوا أصحابهم يفتشوا معاهم زي ما عمل أكرم معاي.. يا أكرم يا حبيبي..الف الف سلامة.. الحبوب البتفتش عنها موجودة في المستشفى الدولي في بحري.. وانا والله العظيم لو عندي تصريح كنت مشيت اتناولت ليك الحبوب وجبتها ليك لكن انا في ام درمان وبينا وبين بحري كبري والكبري عايز تصريح.. بس ما مشكلة خلي اي واحد من الشباب الشغالين معاكم في الوزارة وساكنين بحري يتناول ليك الدوا ده.. غايتو محبة البلد دي يوم بتقتل ليها زول...

سدنه النظام المقبور ، والمتضررين مباشرة ، من وزراء الثورة الاشاوس ، لن يهدأ لهم بال ، وهم فعلا اصبح لايوجد لديهم مايخسروه، لذا يحاولوا تعطيل المسيرة بكل قواهم عبر ابواقهم الخربه .
لكن هيهات ،ففي كل زاوية " ثورجي " .

الناس صاحيه ليهم ،،،،