Post: #2
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-20-2020, 04:48 PM
Parent: #1
الكلام ده جاني في "الوتساب"، داير اتاكد منو لوصاح.
|
Post: #3
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-20-2020, 04:53 PM
Parent: #2
الصورة الجاتني بالوتساب طلعت خطأ او عشان كده شلناها، فمعذرة.
|
Post: #4
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-20-2020, 04:55 PM
Parent: #3
اغرب شخصيه سودانية
ومن أغرب الشخصيات العالمية عبر التاريخ
١- هذا الشخص هو المتهم الاول في اغتيال السير لي ستاك
حاكم عام السودان سنة ١٩٢٤
2- هاجر الي الخليج وصادق كل من الملك عبد العزيز ال سعود
و كل من السياسين العرب والشاميين
و أصبح صديق حميم جداً للشريف حسين شريف مكة
3- هذا الشخص جمعته صداقة قوية
بجبران خليل جبران وميخائيل نعيمة
و هاجرو سويا لأمريكا اللاتينية
4- و عند وصوله البرازيل كانت هناك مظاهرات
بسقوط الحكومة وضرب نار فأنقذ بالصدفة رجل اسمه براندرس
الذي اتضح بعد ذلك انه من حكام البرازيل في ريو
واصبح صديقه الحميم
5- قضى فترة في تشيلي وقابل بعض من البرازيلين والاصدقاء القدامى
و لمعرفة البرازيليين بدبلوماسيته
عينه رئيس البرازيل سفيرا للبرازيل في تشيلي
6- ولثقة التشيلين فيه ومشاركته في الثورة
وظهرت فترة الفراغ السياسي
عين رئيساً لتشيلي أسبوع لفترة الفراغ الدستوري
كأول رئيس اجنبي في تاريخ العالم
7 -عاد بعد فترة الي السودان
وصنف من اكثر المطلوبين والجاري مراقبتهم في العالم
8- في طريق عودته الي السودان التقى بالثوار الجزائريين
وشارك بثورة المليون شهيد ضد الاحتلال الفرنسي
9- عاد للسودان ثم شاءت الظروف ان ينفى الي أوروبا
حيث فضل ألمانيا و له قصص في ألمانيا حتى لفت به الدنيا
ورمته امام هتلر فاصبح من أعز أصدقائه
و عمل بالحزب النازي
وذكر عمله في كم هائل من الكتب النازية
وكان من المخططين الدبلوماسيين المكروهين جداً
من أمريكا قبل الحرب العالمية الثانية
10- أتت الحرب العالمية الثانية فهرب الي الأرجنتين
11- سافر الي الأرجنتين فربطته الظروف ب { تشي جيفارا }
المناضل الأرجنتيني المعروف و اصبحا من اعز الاصدقاء
١٢ - هاجر الي أوربا بعد انتهاء عهد الحروب والحرب الباردة
و عمل كأول كاتب لعده صحف من عدة دول في العالم
و كان يكتب لأكثر من صحيفة من اكثر من دولة
لاجادته تقريبا جميع اللغات الرئيسية العالمية
١٣- ثم أتى للسودان وعينه الزعيم الأزهري بقسم البروتوكول
في وزارة الخارجية الذي هو مؤسسه
١٤- استقر في السودان و كتب كتاب عن الدبلوماسية والبروتوكولية
يعتمد عليه في تأسيس اغلب دول افريقيا و العالم العربي
حيث يذكر حضور رئيس غانا نكروما
وأخذ الكتاب و اعتمده في تأسيس علاقاته الخارجية
١٥- توفي سنة ١٩٨٥ في العمارات بالخرطوم
هذا الشخص اسمه :
احمد حسن مطر
من مواليد ام درمان سنة ١٩٠٤
هذا الكلام موثق لدى ويكيليكس وويكيبيديا
و ذكره جبران خليل جبران
و مذكور في كل من مذكرات هتلر و جيفارا
اسمه موجود في تلك المذكرات
وتعترف به تشيلي من أوائل رؤسائها
و الجزائر من محرريها
سيرة حياته موجودة في كتاب اسمه
( سندباد من السودان موجود ب ١١ لغة )
سبحان الله
ولا يعرفه احد في جيل اليوم حتى من السودانيين انفسهم
|
Post: #5
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-20-2020, 05:03 PM
Parent: #4
اذا الكلام ده صاح، يابكري ابوبكر، اقترح عليك ان تقوم عضوية سودانيزاولاين، بعمل بحث في قارات العالم، ثم نشر هذا العمل بكل اللغات الاساسية!
يابكري حول الموقع ده الي مركز بحث، ونشر!
نعم انتقل للمرحلة البعدها يابكري، والا سينقرط هذا الموقع وهذا طبيعي!
يا تتاقلم مع البيئة المحيطة، يا حتنرقض وهذا طبيعي!!
|
Post: #6
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-20-2020, 05:13 PM
Parent: #5
اذا الكلام ده حاصل، فهذا انسان خرافي من حيث الامكانيات، بالذات لما نضع في الاعتبار ان امثالو في عالم اليوم موقعم في قاع البشرية ك"نقروووز"!
في امريكا هناك قطاع اقتصادي ضخم يدور حول صناعة الMotivation المعروفين ب الMotivational Speakers!
من الحكاوي انو مايكل جوردن، نجم السلة الاشهر، في الايام الفاتت عرضو عليهو $100,000,000 نعم 100 مليون دولار عشان يتكلم لي مدة 60 دقيقة، رفض!!
|
Post: #7
Title: Re: سوداني، صديق لي هتلر، ريئس لي شيلي، سفير ل
Author: عبد الصمد محمد
Date: 05-20-2020, 06:07 PM
Parent: #6
كلام بيسر البال يا بشاشا بس مستحيل شخص واحد بيعمل دا كله
|
Post: #8
Title: Re: سوداني، صديق لي هتلر، ريئس لي شيلي، سفير ل
Author: علي عبدالوهاب عثمان
Date: 05-20-2020, 06:27 PM
Parent: #7
توفي سنة ١٩٨٥ في العمارات بالخرطوم
هذا الشخص اسمه :
احمد حسن مطر
من مواليد ام درمان سنة ١٩٠٤
=========================
بشاشا أمبس .. سيرناقمي ..
تحياتي الحبيب
السودان عبارة عن كتاب مفتوح يعني ناس العمارات وامدرمان
يمكن تجد عندهم كل المعلومات .. من جده الى اصغر ابنائه
بشاشا امبس .. ما في عندنا في السودان لا خصوصية لا أسرار .. شوف عندنا مثلا في البلد
يقولوا : فلان ده جدو الرابع كان حرامي !!!!
من اسم والده رحمه الله ( حسن مطر ) ممكن يعرفوا تفاصيل النسب ( خاصة اسم مطر اسم نادر في السودان )
والسكن والمهنة ... الخ
الدفعة في المراحل التعليمية لأن المدارس كانت محدودة العدد وكلية غردون
في كثير من الاحباب من أمدرمان وكذلك العمارات ممكن يكون لديهم معلومة
لأن زمان العاصمة عدد سكانها كان محدود جداً ويعرفوا بعضهم
تحياتي بشاشا أمبس
|
Post: #9
Title: Re: سوداني، صديق لي هتلر، ريئس لي شيلي، سفير ل
Author: Osman Musa
Date: 05-20-2020, 06:34 PM
Parent: #6
الأخ الكريم أستاذ بشاشا سلامات
كلامك ده صاح مية مية .
بطلك ده سمعنا بي نتف نتف من سيرتو .
وانت زول صاحب امكانيات كتابية وبحثية ممتازة والله .
ربنا يوفقك في ده البوست المهم والمتفرع .
والشغل ده محتاج منك انكرابة شديدة .
وزمن وياريت تلاقي الزمن والإمكانيات عشان تسافر للدول السافر ليها السندباد
السوداني صاحب القصة المدهشة .
واكيد سيرتو حتجرجرك لاكتشافات مهولة عن كتير من
السودانين .
انا قابلت يا بشاشا مساعد مخرج فيلم تايتانك في نيويورك
قبل ما يموت والله دفع لينا حق الوجبة في المطعم اليمني
في شارع اتلانتك افينو .
والسبب الخلاهو يدفع لي قال لي السودانيين شجعان
وقال هو سأعدو في الخروج من السفينة شاب سوداني
كان في الباخرة تايتانك .
|
Post: #10
Title: Re: سوداني، صديق لي هتلر، ريئس لي شيلي، سفير ل
Author: نعمات عماد
Date: 05-20-2020, 07:00 PM
Parent: #9
Quote: والسبب الخلاهو يدفع لي قال لي السودانيين شجعان
وقال هو سأعدو في الخروج من السفينة شاب سوداني
كان في الباخرة تايتانك . |
مدهش.!
بالنسبة لي أغتيل السير ستاك، ربما المصريين اتهموا مطر زوراً،
لأن السير ستاك أغتيال بواسطة سبعة مصريين رمياً بالرصاص
عندما كان ستاك عائداً بالسيارة إلى منزله في القاهرة. سائق تاكسي
تعرف على القتلة الذين هربوا من مكان الحادث في التاكسي.
بعد القبض على القتلة و محاكمتهم، تم إعدامهم.
بريطانيا غضبت على مصر و طالبتها بقمع الإحتجاجات و دفع
غرامة كبيرة و بسحب الضباط و وحدات الجيش المصري من السودان
و زيادة المساحات المروية في مشروع الجزيرة و طالبت ايضاً
بحماية المستثمرين الأجانب في مصر.
|
Post: #11
Title: Re: سوداني، صديق لي هتلر، ريئس لي شيلي، سفير ل
Author: نادر الفضلى
Date: 05-20-2020, 07:03 PM
Parent: #9
بشاشا سلام
دا بوست رهيب ومعلومات تستحق الوقوف عندها وتمحيصها ومعرفة المزيد عنه
لاحظ زول زى دا إتفرلم 16 سنة فى زمن حكم مايو
ومات مع اإنتفاضة 1985.
أكيد الشوام بأمريكا اللاتينية مازالو يعرفنه من تاريخهم المتناقل بينهم.
|
Post: #14
Title: Re: سوداني، صديق لي هتلر، ريئس لي شيلي، سفير ل
Author: نادر الفضلى
Date: 05-20-2020, 07:22 PM
Parent: #11
Quote:
3- هذا الشخص جمعته صداقة قوية
بجبران خليل جبران وميخائيل نعيمة
و هاجرو سويا لأمريكا اللاتينية
|
هنالك شوام كثيرين هاجروا لأمريكا اللاتينية ولكن ليس جبران ونعيمة.
بالقوقلة جبران هاجر لنيويورك عام 1895 أى قبل تسع سنوان لتاريخ مولد
بطلنا مطر عام 1904. وإستقر خليل جبران لنيويورك بأمريكا حتى مماته
عام 1931.
وميخائيل نعيمة تخرج من كلية الحقوق بنيويورك عام 2011 بعد ستة سنوات
فقط من مولد بطلنا مطر. هذا يعنى دخل أمريكا قبل عام 2011. وعاصر
جبران بنيويورك حتى ممات جبران عام 1931 وعاد نعيمة لبلاده عام 1932
نعيمة مات عام 1988 أآىبعد ثلاث سنوات من ممات أحمد حسن مطر.
فمن المرجح مطر قابل ميخائيل نعيمة فى أمريكا وبعدها فى بلاد الشام
أما خليل جبران فربما بنيويورك فى طريقة لأمريكا اللاتينية.
|
Post: #12
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-20-2020, 07:04 PM
Parent: #9
اتفتح الموضوع كم مرة في البورد
ويحيى قباني قال الأسرة معروفة
|
Post: #13
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-20-2020, 07:20 PM
Parent: #12
أحمد حسن مطر
Quote: هذا الرجل الأسطورة انا شفتو تقريباً في العام 1983 او 1984
في النادي الامريكي الخرطوم وكان قد بلغ من الكبر عتيا رايته
متأبطاً ذراع فتاة حسناء اظنها من ذوي قرابته...كانت تعينه علي المشي
في حنان بالغ وزهو يبدو عليها مصدره انها حظيت بمرافقة هذا الرجل الاسطورة ويبدو ذلك من اختلاسها النظر لمن حولها.
أذكر عندما كنا ندرس في مدرسة العمال الثانوية العامة بعطبرة كان الاستاذ عبدالقادر الفاضلابي يقرأ علينا مذكرات هذا الرجل من كتاب اذكر ان لم تخني الذاكرة ان اسم الكتاب:
(ثلاثون سنة حول العالم) يحكي فيه مغامراته وكنت تري الفصل وكأن علي رؤسهم الطير والأستاذ عبدالقادر يقص علينا حكايات الرجل العجيبة في حصة الادب العربي.
واذكر إن كانت الذاكرة محل ثقة ان هناك فصل في المذكرات بعنوان: فتاة القرصان التي اصطادتني ـ
ارجو من الاخ هاني الفاتح او من المرور ممن يتوفر علي هذا الكتاب ان يطلعنا عليه... إنه كتاب شيق مازال طعمه معي منذ زمن لاتعيه الذاكرة |
عبد العزيز الفاضلابي
|
Post: #16
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-20-2020, 07:48 PM
Parent: #15
وأخيراً هاكم الكنز
drive.google.com/file/d/1G5-u8btvjprvruqUeUjr2ob_R6PI8ZiB/view؟fbclid=IwAR1xSE9W3r-qLmTeLGjj4_MJD9pL-GfoFxbFsiyvEvcy8ex7uuX1wuaSAjQ
|
Post: #18
Title: Re: سوداني، صديق لي هتلر، ريئس لي شيلياجل، سفير ل
Author: علي عبدالوهاب عثمان
Date: 05-20-2020, 08:36 PM
Parent: #16
الحبيب احمد عمر
شكرا كثير با الحبيب
لقد اتحت لنا بمتنفس مع حبس الكورونا
عاجز عن الشكر
تحياتي للحبيب بشاشا .. بوست مرجعية
|
Post: #20
Title: Re: سوداني، صديق لي هتلر، ريئس لي شيلي، سفير ل
Author: HAIDER ALZAIN
Date: 05-20-2020, 09:54 PM
Parent: #16
والله صراحة وصلت حتة تباً لك يا إمراءة لقد قدم من مجاهل افريقيا هل يضيـره الذهاب لأوروبا !!؟
ووقفت ما قدرت تاني ..
أححححح
عموماً شكراً يا 2010 م شكلك اتسديت حق باتيستوتا ..:)
|
Post: #17
Title: Re: سوداني، صديق لي هتلر، ريئس لي شيلي، سفير ل
Author: صديق مهدى على
Date: 05-20-2020, 08:06 PM
Parent: #15
ايضا ما تنسوا المرحوم ابراهيم النيل الذى خرج من السودان فى منتصف الخمسينات وشارك فى تحرير الجزائر وتونس لذا اعتقلوه الفرنسيون عندم ادخل بخارة محملة بالاسلحة اعتقل
فى باريس لمدة سبعة سنوات وبعدها ابعد المغرب فرحب به ملك المغرب ومنحه منزل فى الرباط وباصات شغالة بين الرباط وفاس هو زوج شامة نقدالله اخت الحاج نقدالله نسأل الله
له الشفاء هذا الرجل توفى فى المغرب ودفن هناك.
ممكن أسألوا دكتور حيدر ابراهيم ودكتور صلاح الزين وهذه المعلومات ملكنى دكتور صلاح الزين فى القاهرة وحتى قال لى وجد كتاب تاريخ فى غلافه سفينة وعليها صورته مكتوب
عليها ابراهيم السودانى الله يرحمهم جميعا
|
Post: #19
Title: Re: سوداني، صديق لي هتلر، ريئس لي شيلي، سفير ل
Author: Gafar Bashir
Date: 05-20-2020, 08:58 PM
Parent: #17
ذكرتني يا باشا فيلم
Forrest Gump
|
Post: #21
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-20-2020, 11:01 PM
Parent: #19
الكتاب ممتع يا علي .. زي البتقرأ في رواية المنسي بتاعة الطيب صالح
يا حيدر قال ليك كان خشمو معووج ياخ .. وفي النهاية ودوهو عيادة التجميل عدلوهو ليه :)
بعدين النصيحة كلامهم صاح .. هسة في ذمتك سمعت ليك بي أوربيين غرقوا في السمبك وهم مهاجرين ليبيا؟ :)
|
Post: #22
Title: Re: سوداني، صديق لي هتلر، ريئس لي شيلي، سفير ل
Author: امتثال عبدالله
Date: 05-20-2020, 11:05 PM
Parent: #19
بشاشا
شكرا..بوست أوسكار..ومتابعة لصيقة....
احمد محمد عمر
شكرا لهذا الكنز ....نسيتنا الكرونا...المرض الرهيب ...
|
Post: #23
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-21-2020, 01:36 AM
Parent: #22
حقيقة الكتاب ممتع وهذا الرجل حياته بالكامل شيقة ومليئة بالمفاجآت
بس كعادة السودانيين بميلوا للمبالغات وكشح كيزان الموية
للناس الما عندهم صبر يقروا 179 صفحة بديكم الزيت
1- لا يوجد ذكر لعلاقته بميخائيل نعيمة
2- لم يعين سفير للبرازيل في شيلي وإنما كان يقوم بوظائف ديبلوماسية كمستشار صحفي
3- لم يعين رئيس لتشيلي
4- ما شارك في ثورة الجزائر وإنما في ثورة عبد الكريم الخطابي بالمغرب
5- لم يكن صديقاً لهتلر ولم يعمل بالحزب النازي وإنما التقى بهتلر مرة واحدة قبل أن يصبح رئيساً وكان وقتها مصنف مجنون
6- لم يذكر أي علاقة له بجيفارا
7- ما لم يذكر هو كفاحه ضد المستعمرين في شتى أنحاء العالم عبر الجمعيات المناهضة للاستعمار لدرجة الحكم عليه بالإعدام رمياً بالرصاص في المكسيك وبدء التنفيذ فعلاً في من معه من الجنود إلا أن الصدفة فقط هي ما أوقفت التنفيذ قبل أن يحين دوره
|
Post: #24
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-21-2020, 04:39 AM
Parent: #23
التحية للجميع.
اخر مداخلة للاخ احمد محمد عمر لخص الموضوع. .
ولكن برضو الانجزو هذا الرجل كفرد، في الزمن داك بالذات اطلاقا ماساهل.
اكيد لو كان مصري كمثال، كان قدونا بي سيرتو في مسلسلات السبعينات في الخرطوطوم الكان بوقف الحركة تماما ساعة المغيب في الخرطوم.
|
Post: #25
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-21-2020, 05:15 AM
Parent: #24
عبدالصمد تحياتي،
نعم الصياغة اعلاه الانا جبتها اكيد شغل مبالغات، ولكن اللي انجزو هذا الرجل بيحتاج فعلا لي بحث وتقصي اكثر.
في الزمن داك، في نواحي امريكا امثالو كان عادي بمسكوهم او يعلقوهم في الاشجار، احياء!
نعم او بعد داك برجمو حتي الموت!
بعد مايموت كانو برصصو او هو ميت مستحمي دم!
او ده كلو لانو انسان اسود، تجرأ يملا عينو في واحدة بيضا مثلا!
بقول كده عشان نكون عندنا فكرة عن الزمن الظهر فيهو هذا الاسطورة بحق.
في امريكا بعامة لايهم كثير شمال او جنوب، او رغم انف هذا، او رغم انف انو وافد واجنبي قدر يننجز الانجزو ده.
|
Post: #26
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-21-2020, 05:35 AM
Parent: #25
Quote: احمد محمد عمر
شكرا لهذا الكنز |
وانا بقرأ فيه يا امتثال اتذكرت كتاب الأيام بتاع طه حسين الكانوا قاديننا بيه في العربي .. ما بتكوني حضرتي زمنه انتي
لكن مادام عندنا مذكرات سودانية لشنو كانوا قاديننا بالمذكرات المصرية!
| Quote: اكيد لو كان مصري كمثال، كان قدونا بي سيرتو في مسلسلات |
مصر استفادت منه أكتر من السودان
عمل بالخارجية المصرية وكمستشار صحفي للسفارة المصرية في الارجتنين وكان صديق شخصي للرئيس محمد نجيب
| Quote: في الزمن داك، في نواحي امريكا امثالو كان عادي بمسكوهم او يعلقوهم في الاشجار |
حصل
تمت محاولة اغتيال بالرصاص من قبل اتنين قتلة في الخلاء
واتقبض في الغابة من قبل الهنود الحمر وكان ممكن يشووهو حي لكن الصدفة خلت صاحبه اللبناني الاتقبض قبله بي سنوات في نفس الموقف - وأعجبت بيه بت الزعيم ونجتو من الموت واتزوجته - هو من ينقذه
|
Post: #27
Title: Re: سوداني، صديق لي هتلر، ريئس لي شيلي، سفير ل
Author: نادر الفضلى
Date: 05-21-2020, 05:45 AM
Parent: #26
شكرا أحمد محمد عمر للكمعلومات المفيدة
وزى ما قال بشاشا ياريت يتحول هذا الكتاب لمسلسل تلفزيونى ما مكلفت.وطبعاً المسلسلات قابله للحبكة والخيالى الدرامى .. فيتتقبل كيزان الموية التى أضيفت على الحقيقة (بتصرف) من النمخرج.
|
Post: #28
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-21-2020, 08:04 AM
Parent: #27
يا نادر الراجل عدى فترة محترمة من حياتو في البارات والكازينوهات :) وكمان بقى حكم ومقدم مسابقات ملكات الجمال وحام ليهن العالم كلو 
دة إلا فيلم لأمجد أبو العلا لكن في تلفزيون السودان ما بنفع :)
|
Post: #29
Title: Re: سوداني، صديق لي هتلر، ريئس لي شيلي، سفير ل
Author: نعمات عماد
Date: 05-21-2020, 08:54 AM
Parent: #28
| Quote: يا نادر الراجل عدى فترة محترمة من حياتو في البارات والكازينوهات :) وكمان بقى حكم ومقدم مسابقات ملكات الجمال وحام ليهن العالم كلو |
ماتنسى يا احمد محمد أن السيد مطر قضى آخر حياته في الخرطوم تقريباً بدليل شوهد
في النادي مع حفيدته. ربما أحد احفاده بيقرأ في البوست ياريت يتواصل مع الريس بكري
و يتحفنا ببعض المعلومات و الصور. يا أحمد انت درست في مدني ما لاقاك مين كدا مطر؟
بالنسبة للمسلسل ممكن المخرج يركز على عصير برتقال مثلاً.
مشكور على الكتاب و اللنكات و أهم شئ تلخيص الكتاب.
|
Post: #30
Title: Re: سوداني، صديق لي هتلر، ريئس لي شيلي، سفير ل
Author: Osman Musa
Date: 05-21-2020, 09:54 AM
Parent: #29
الأخ أستاذ بشاشا سلام تاني
بي معرفتك وقعدتك الطويلة في ولاية حدودية فيها تداخل
مع المكسيك ودول سنترال اميريكا.
وضيفليها عملك التجاري الأكيد عرفك بي كتير من الاسبانيول
في اريزونا وبالمناسبة الجماعة ديل ناقشين كل شي .
وفي دردشتك معاهم ممكن يمدوك بي رأس الخيط .
وبالحقيقة .
اي سيرة اتجمعت بي زي دي الطريقة .
اهتم بالحكاية وممكن يكون كتاب كارب باللغتين يمرقك
من كساد الكورونا .
المصريين ولاد بمبا يا بشاشا ما حبوا الطيب صالح إلا بعد رواية منسي.
دحين كتاب زولك صديق هتلر ده لو طلع حيطربق الدنيا .
عليك الله تابع وتمها خيال وانت سيد العارفين .
|
Post: #31
Title: Re: سوداني، صديق لي هتلر، ريئس لي شيلي، سفير ل
Author: عباس محمود
Date: 05-21-2020, 11:39 AM
Parent: #30
بشاشا أمبس سلام عليكمقرأت كتاب سندباد من السودان من قبل ولكن مرات كنت بحس انه ما يرويه فيه شىء من المبالغة مشكور جدا حبينا أحمد محمد عمر جاب الكتاب نفسهأول مرة أعرف انه جيفارا زار السودان لما كنت بقرأ فى الكتاب المزكور لأنه فى صورة تجمع جيفارا بسودانيين فى الخرطوم ومن بينهم مؤلف الكتب أحمد حسن مطر وأعتقد أن الصورة كانت عندما كان يعمل فى أدارة المراسم فى وزارة الخارجية السودانية
|
Post: #32
Title: Re: سوداني، صديق لي هتلر، ريئس لي شيلي، سفير ل
Author: عباس محمود
Date: 05-21-2020, 11:43 AM
Parent: #31
تعليق صغير تانى يا بشاشا أمبس
صورة حسن أبو العائلة اللى جبتها فى صدر البوست بس عجبتك صورته بالعمة والملفحة ؟ ما أفتكر عنده علاقة مباشرة بالموضوع
|
Post: #33
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-21-2020, 12:34 PM
Parent: #32
لا والله يا نعمات ما لاقتني العائلة دي
غالباً رحلوا الخرطوم بدري لأنه الكاتب اتوفى في الخرطوم سنة 84
بالنسبة للكازينوهات قووووولي اتصرفوا في الويسكي يتصرفوا في البنات كيف؟ :)
غايتو إلا يعملوا الشبكة
بتذكر زمان كنا شفع أول ما ناس الإنقاذ دخلونا الاسلام كانوا بغطوا رجلين الممثلات بي شبكة :)
حبيبنا عباس
ما لاقتني صورة جيفارا البتتكلم عنها دي ولا حتى ذكر ليه في الكتاب
الكتاب توثيق حتى بداية الخمسينات تاريخ عودته للسودان .. ما وصل فترة المراسم
|
Post: #34
Title: Re: سوداني، صديق لي هتلر، ريئس لي شيلي، سفير ل
Author: علي عبدالوهاب عثمان
Date: 05-21-2020, 02:09 PM
Parent: #33
الحبيب احمد .. تحياتي
ما قصرت الحبيب احمد .. جبت لينا كنز
لو سمحت رابط الكتاب
هل موجود في قوقل ( عنوان البحث لو سمحت )
تحياتي الحبيب احمد
شكرا بشاشا أمبس ..
|
Post: #35
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-21-2020, 03:11 PM
Parent: #34
الفريم (المربع) التحت عبارة هاكم الكنز .. خت فيه الماوس بظهر ليك مربع أسود أعلى اليمين اضغطه بوديك قوقل درايف اللي فيه الكتاب
ممكن تضغط السهم وتعمل ليه داونلود في كمبيوترك
|
Post: #36
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-21-2020, 04:20 PM
Parent: #35
بالنسبة للصورة الجبتها في اول البوست، دي هي الصورة الوصلتني مع الرسالة اعلاه.
لذا نعتذر.
ياريت العندو صورة هذا الانسان العجيب، ينشرا هنا، لو سمحتو.
|
Post: #37
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-21-2020, 11:19 PM
Parent: #36
| Quote: السودان عبارة عن كتاب مفتوح يعني ناس العمارات وامدرمان يمكن تجد عندهم كل المعلومات .. من جده الى اصغر ابنائه |
ووو الي امبس، مشتاغون ياخي!
نعم مافي سر في السودان، كقاعدة، وهذه حقيقة!
ليه؟
نظامنا الاجتماعي، فريد بحق!
لهذا اقرب ناس في الكون ده، لي بعضم، كافراد، هم السودانيين، رغم انف محارق الابادة، اللي قام بيهو جهاز الدولة تحديدا، وليس السودانيين كافراد!
خارج السودان شفتا بي عيوني العلاقة الحميمة مابين كل السودانيين، بل "المهمشين" في السودان هم البتزعمو مجتمعات المهاجر وبالتالي هم المسؤولين من نسج هذا النسيج!
علي الاقل دي خبرتي وماعايشت مكان اقامتي!
منطقتنا في جنوب كالفورنيا، مشهورة كانت، بي نسيجا الاجتماعي، وعماد هذا المجتمع اصلا من حيث الجذور من الهامش بي تعابير ومفردات السياسة!
لدرجة زي ما حكيت كتير، او نحنا جداد في البلد دي اواخر الثمانينات، واوائل التسعينات، كنا عادي بنتحاوم قالدين بعض في الشارع او ده سبب مشكلة!!!!
نعم مكان سكني، ناس البلد دي، اشتكو للمديرة!!
نعم قالو علينا "شاذين جنسيا" او ده بجيب ليهم او لي اسرم سمعة كعبة او كده!!!
اقسم بامون، الكلام ده قالتو لي المديرة بتاعة السكن شخصيا!!
|
Post: #38
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-22-2020, 04:35 AM
Parent: #37
| Quote: وزمن وياريت تلاقي الزمن والإمكانيات عشان تسافر للدول السافر ليها السندباد السوداني صاحب القصة المدهشة |
العزيز عثمان موسي يامراحب،
ان تسافر كفرد كباحث للبلدان دي، في موضوع زي ده مازي اهمية بالنسبة ليهم، ما كفاية.
افضل الطرق انو ده يكون عن طريق جامعة امريكية.
بالنسبة لي مساعد مخرج "تايتانك" مش غريبة انو الفلم ماذكرو فيهو السوداني ده؟
ماخشيت الفلم ده، ولكن من دون ما اخشو عارف كقاعدة، بالذات هاليوود ماممكن تعمل كده كقاعدة، والامثلة عديدة. صناعة هاليوود موجهة بالمناسبة من السلطة الغير مرئية المهيمنة علي امريكا!
دور هاليوود خطير جدا بالمناسبة حول العالم!
اذا عندنا شيخونا الصوفية هم الاهم، ففي امريكا اهم شخصية في حياة الفرد هو النجم السينمائي، ثم الرياضي، ثم الاعلامي وهكذا!
المهم نجم!
طبعا ده جديد من الورقة، بالنسبة لينا، لانو ده مرتبط باسلوب الحياة في المجتمعات الارية، وبالذات نظاما الراسمالي!!
طبعا ما قاعد اخش افلام خالص الا نادر جدا، وتحديدا افلام تاريخ اهلنا افارقة امريكا. التلفزيون من ظهر اليوتوب خليتو تب!!
|
Post: #39
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-22-2020, 04:54 AM
Parent: #38
ادناه نموذج لوضعية امثالنا في عيون ووعي عالم االيوم!
نعم الصورة دي تعود للعام 1958 لي واحدة من بناتنا، خاتنها في حديقة حيوانات "بشرية" او بتفرجو عليها الخواجات، او بدوهو باقي الاكل الفي ايديهم، كما اي "قرد" في حديقة، وهي طفلـــــــــــــة!
حولا ولاقوة!!
|
Post: #40
Title: Re: سوداني، صديق لي هتلر، ريئس لي شيلي، سفير ل
Author: يحي قباني
Date: 05-22-2020, 04:58 AM
Parent: #38
| Quote: ما لاقتني صورة جيفارا البتتكلم عنها دي ولا حتى ذكر ليه في الكتاب |
سلام احمد و الشباب
في اول الكتاب صفحة 5
البند الخامس ذكر انه دعا وفود من امريكا اللاتينية و كان اول وفد هو وفد كوبا و كان به تشي جيفارا
الصوره ما من الكتاب ...
|
Post: #41
Title: Re: سوداني، صديق لي هتلر، ريئس لي شيلي، سفير ل
Author: يحي قباني
Date: 05-22-2020, 05:00 AM
Parent: #40
مع الفريق ابراهيم عبود
|
Post: #42
Title: Re: سوداني، صديق لي هتلر، ريئس لي شيلي، سفير ل
Author: امتثال عبدالله
Date: 05-22-2020, 09:40 AM
Parent: #41
بشاشا
إذا انت ما شفت فلم تيتانيك لازم تحاول تلقى فرصة وتشوف هذا الفلم عشان تعرف المهارة في التصوير والإخراج والتمثيل ،،،وهو فلم جدير بالمشاهدة ،،وطبعا معروف ان القصة حقيقية وقد استخلصت من شهود عيان من الناجين من تلك الكارثة التي حدثت عام ١٩١٢م.
،،وفي نيويورك توجد مقابر لبعض الذين كانوا في السفينة وتوفوا في نيويورك بعد إنقاذهم...والفلم فيه اسرة عربية كانت في السفينة بتكلموا عربي ..لكن ما جابوا سيرة السوداني ...لكن فيه لقطة اوسكار يوضح شجاعة الموسيقيين الذين كانوا يعزفون لآخر لحظة وهم لا يبالون بالسفينة الغارقة ...
والفلم حاز على عدة جوائز في الأوسكار في التصوير والإخراج والتمثيل ،،
، ود قباني:
شكرا لتلك الصور التاريخية التي وضحت لنا عظمة السودان وأهمية السودان في تلك الفترة...ولا شك أن زيارة المناضل الكوبي جيفارا كانت زيارة تاريخية ...
وسبحان الله الآن نفرح لمن يزورونا ناس ود زائد، الإماراتي والسيسي المصري الذين يحكمون شعوبهم بالحديد والنار !!!؟
|
Post: #43
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-22-2020, 11:36 AM
Parent: #42
أهاااا كدة وضحت يا قباني .. تسلم
دة في تقدمة الكتاب بواسطة محجوب باشري .. غالباً في طبعة لاحقة
لكن لازم نؤكد إنه لاقاهو كمترجم بينما مافي ذكر لعلاقته بجيفارا طوال فترة وجوده في أمريكا اللاتينية
قصدي عشان رسالة الواتساب الحايمة والمنشورات الكتيرة القريتها عنه في فيسبوك
الزول دة حياته ما هينة .. براها كدة إنجاز ما محتاجة كيزان موية
شكراً تاني على الصور وياريت لو عندك الكتاب الفيهو الصور دي تتحفنا بيه
|
Post: #44
Title: Re: سوداني، صديق لي هتلر، ريئس لي شيلي، سفير ل
Author: علي عبدالوهاب عثمان
Date: 05-22-2020, 03:13 PM
Parent: #43
الحبيب احمد تحياتي
ما قصرت .. وجدت الكتاب في الرابط
وخير رفيق لنا في الحبس
عاجز عن الشكر
تحياتي بشاشا أمبس .. البوست فتح لينا آفاق لم نكن نعرفها
حبيبنا بكري خلي البوست فوق للمزيد من المداخلات
|
Post: #45
Title: Re: سوداني، صديق لي هتلر، ريئس لي شيلي، سفير ل
Author: نادر الفضلى
Date: 05-22-2020, 04:43 PM
Parent: #44
فى الصور النزلها قبانى، فى صورة لجيفارا بيسلم على زول عملاقق بقميض
أبيض مكفكف الكم .. الزول دا منو؟ أكيد ما عبود لأنه عبود من الصور
وافلام الوثائقية يدو مربوع القامة مايل للقصر.
العملاق دا إحتمال يكون زولنا أحمد حسن مطر ؟
|
Post: #46
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-22-2020, 05:49 PM
Parent: #45
لوسمحتوو، موضوع جانبي او كده:
جيفارا ده، شن نفرو؟
هناك اهتمام مبالغ فيه بي جيفارا هذا من اليسار بتاعنا وهذا للاسف مخجل او مؤلم لانو كتجسيد لي وعي الاسترقاق الاري، كان علي حساب قضايانا نحن في السودان، وخارج السودان،
علي حساب قضايا اهلنا حول العالم ابتداءا من قضايا اهلنا في اسوان، اليمن، فلسطين، العراق..الخ، وانتهاءا بقضايا استعباد امثالنا بواسطة امثال جيفارا ده زاتو في امريكا الجنوبية،
وقبلها امريكا الشمالية بلد "الحريات" افتراضا!
معليش، غلبني افوت موضوع جيفارا ده، باعتبارو المقابل الموضوعي لاهتمامات وعي الاسترقاق في اليمين بتاعة، وا فلسطيناه، لدرجة استضافة واحد مهووس زي بن لادن اوكيزان فلسطين،
اللي جعلو من حامل الجواز السوداني في مطارات العالم مجرم وارهابي، تلقائيا!
|
Post: #47
Title: Re: سوداني، صديق لي هتلر، ريئس لي شيلي، سفير ل
Author: أحمد محمد عمر
Date: 05-22-2020, 05:57 PM
Parent: #46
| Quote: العملاق دا إحتمال يكون زولنا أحمد حسن مطر ؟ |
أحمد مطر قصير شديد ونحيف
|
Post: #48
Title: Re: سوداني، صديق لي هتلر، ريئس لي شيلي، سفير ل
Author: نعمات عماد
Date: 05-22-2020, 06:05 PM
Parent: #47
Quote: زول عملاقق بقميض
أبيض مكفكف الكم .. الزول دا منو؟ |
في الحيطة جنب رأس العملاق في صورة له في ملابس الجيش او الشرطة.
|
Post: #49
Title: Re: سوداني، صديق لي هتلر، ريئس لي شيلي، سفير ل
Author: علي عبدالوهاب عثمان
Date: 05-22-2020, 06:08 PM
Parent: #48
الاحباب الكرام
معقول رجل بهذا التاريخ الحافل
لا توثيق تلفزيوني ولا اذاعي ولا حتى لقاءات صحفية
أغرب بلد في العالم
|
Post: #50
Title: Re: سوداني، صديق لي هتلر، ريئس لي شيلي، سفير ل
Author: Shinteer
Date: 05-22-2020, 07:55 PM
Parent: #49
بعيداً عن المبالغات والرسائل الغريبة على الواتساب. اجتهدت دار السويدي للتوزيع والنشر (أبوظبي) وحصلت على معلومات من مصادر موثوقة عن أحمد حسن مطر دون الاستعانة بسودانيين، لأن السودانيين ما سمعوا بالرجل المغامر دا. دار السويدي جمعت ما أمكنها من المعلومات عن أحمد حسن مطر وأصدرت كتاباً بناءً على ما حصلت عليه من معلومات ووثائق، ضمن سلسلة كتب الرحلات التي تهتم بها. وكان أخونا محسن خالد، ردّ الله غربته، شغال مع دار السويدي، وكان محرراً ومدققاً لذلك الكتاب.
والكتاب متوفر لمن أراد ... وبلاش رسائل واتساب ومبالغات. أنا جاتني رسائل مسحتها مباشرةً لأن الكتاب عندي. الكتاب تعبت فيه دار السويدي وتكبّدت فيه مشاق كثيرة عشان تحصل على الحقائق. سيرة أحمد حسن مطر الحقيقية مرصودة في الكتاب الموسوم "سندباد من السودان". وبس.
شكراً لدار السويدي. والكتاب متوفر لمن أراد ... وهو كتاب صغير ممكن تقراه وانت بتاكل أو قاعد في قهوة أو ماشي في الشارع ... ممتع للغاية.
|
Post: #51
Title: Re: سوداني، صديق لي هتلر، ريئس لي شيلي، سفير ل
Author: HAIDER ALZAIN
Date: 05-22-2020, 08:08 PM
Parent: #50
الكتاب الجاب احمد عمر اسمو سندباد من السودان
الطبعة الاولى 1960م كانت ( صدق او لاتصدق )
الطبعة التانية 1986م سندباد من السودان
ودي فيها المبالغات الممكن يكون نسخو ولصقوا منها ناس الواتساب .. رغم انها صغيرة لكن شخصيا ما قدرت اكملها من المبالغة الفيها ..
الكتاب المحرر ليهو محسن خالد إحتمال يكون اكتر معقولية..
|
Post: #52
Title: Re: سوداني، صديق لي هتلر، ريئس لي شيلي، سفير ل
Author: Shinteer
Date: 05-22-2020, 08:18 PM
Parent: #51
الكتاب الصادر عن دار السويدي اندفعت فيه ملايين من أجل الحصول على المعلومات من مصادرها. نعم ... الكتاب الصادر عن دار السويدي هو الأصل ... تحرير وتدقيق محسن خالد. مبالغات السودانيين مؤذية ومعطِّلة للتفكير. اعتراضاتي على المبالغات السودانية دخّلتني في مشاكل مع ناس. مبروك عليهم. وسنظل لا نسوى شيء في أي شيء.
|
Post: #53
Title: Re: سوداني، صديق لي هتلر، ريئس لي شيلي، سفير ل
Author: امتثال عبدالله
Date: 05-22-2020, 08:29 PM
للاسف الكتاب غير متوفر في Amazon
مع انو امازون عندهم لبن الطير.....
|
Post: #54
Title: Re: سوداني، صديق لي هتلر، ريئس لي شيلي، سفير ل
Author: عباس محمود
Date: 05-23-2020, 08:48 AM
Parent: #53
السلام عليكم الأخ أحمد محمد عمر
هاهو الأخ الفاضل الباشمهندس يحيى قبانى يجيب ليك الصور ...... علما بأنى طلبت نفس الصور من صديق
هو أدمن قروب صور السودان القديمة لأرسلها لك ....... شوف فى الفيس بوك فى مجموعة Old Sudanese Photos
فى بوست أتنشر عن نفس الموضوع فى العام 2015 وتم رفعه بالأمس مرة تانية .
الكتاب ليس طبعة واحدة ولا حتى أثنين بل 3 طبعات أحداها باللغة الأنجليزية تحت أسم Memories of Sudanese - his adventures and modern Sudan
النسخة التى أشرت لوجود الصورة بها هى الطبعة الأولى أما الثانية والتى تغطى فقط 1955 هى النسخة التى جلبتها
|
Post: #55
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-23-2020, 03:54 PM
Parent: #54
[IMG]
الصورة ادناه، لي مطر وصلتني من حفيدو عن طريق واحد من اقرباي:
نعم قالو الصورة اعلاه مع احد رؤساء افريقيا.
مطر علي يمينك.[/IMG]
|
Post: #56
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-23-2020, 03:58 PM
Parent: #55
العزيزة دكتورة نعمات يامراحب.
|
Post: #57
Title: Re: سوداني، صديق لي هتلر، ريئس لي شيلي، سفير ل
Author: عباس محمود
Date: 05-23-2020, 07:12 PM
Parent: #56
بشاشا أمبس .. الصورة الأخيرة الجبتها دى أحمد حسن مطر بيسلم على الفريق عبود عليه الرحمة الرئيس الأسبق للسودان
الشخص الثالث اللى على يسار عبود هو الأعلامى الراحل محمد خوجلى صالحين
|
Post: #58
Title: Re: سوداني، صديق لي هتلر، ريئس لي شيلي، سفير ل
Author: يحي قباني
Date: 05-23-2020, 07:53 PM
Parent: #57
Quote: الصورة الأخيرة الجبتها دى أحمد حسن مطر بيسلم على الفريق عبود عليه الرحمة الرئيس الأسبق للسودان
الشخص الثالث اللى على يسار عبود هو الأعلامى الراحل محمد خوجلى صالحين |
صحيح ...
بشاشا يا حبيب ...
احيانا اراك تدفع باشياء لترجع ان اصلها سوداني ... و ذلك من فرط حبك ...
و لكن يا اخي هناك ايضا دول كثيره لها تاريخ و اصول تفخر بها ...
مثال لذلك مادونا السودانية ... و مثال اخر كلمة الست ... كل بلد لها تمسكها باصل الكلمة ...
تخريمه للضحك: هل شاهدت فلم The Big Fat Greek Wedding
الابو الشايل باغة الوندكس ... كل شي برجع اصله للاغريق ... و اهو انت بقيت زيو .. هههه
|
Post: #59
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-23-2020, 08:55 PM
Parent: #58
سلام ياقباني
اخوك نقل الكلام الاتقال ليهو كماهو!
نعم قال لي رئيس افريقي قتا ليهو ده عبود ولكن رفض!
خادم الفكي يسوي شنو؟
الأمانة تقتضي أن انشر الكلام كما وصلني مع الإشارة للمصدر وهذا ما فعلنا!
بالنسبة لي "سيدتنا السودانية" اي مادونا السودانية يبدو لي ده ماواقع ليك كما كثيرين!!!
|
Post: #60
Title: Re: سوداني، صديق لي هتلر، ريئس لي شيلي، سفير ل
Author: نعمات عماد
Date: 05-24-2020, 09:52 AM
Parent: #59
المؤرخ و الموثق الأخ أ. بشاشا
كل عام و انتم بخير و بلدنا كما
نتمنى و نطمح ان تكون.
عيد مبارك على ضيوف البوست
و على كل إدارة وعضوية و قراء
سودانيزأونلاين.
البوست رائع و المحتفى به أروع.
|
Post: #61
Title: Re: سوداني، صديق لي هتلر، ريئس لي شيلي، سفير ل
Author: Amira Hussien
Date: 05-24-2020, 11:04 AM
Parent: #1
Quote: فى الصور النزلها قبانى، فى صورة لجيفارا بيسلم على زول عملاقق بقميض
أبيض مكفكف الكم |
العملاق ده الراحل محمد عامر بشير فوراوى ....كان مدير وزارة الاستعلامات والعمل
|
Post: #62
Title: Re: سوداني، صديق لي هتلر، ريئس لي شيلي، سفير ل
Author: يحي قباني
Date: 05-24-2020, 11:34 AM
Parent: #61
Quote:
العملاق ده الراحل محمد عامر بشير فوراوى ....كان مدير وزارة الاستعلامات والعمل |
عافاك يا اميره
هو المرحوم فوراوي ... كتر خيرك و كل سنة و انتي و كل الناس بخير ان شاء الله ...
|
Post: #63
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-25-2020, 05:20 PM
Parent: #62
العزيز نادر الفضلي يامراحب.
|
Post: #64
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-25-2020, 06:29 PM
Parent: #63
الاخ احمد عمر مرحب بيك او مشكور علي اسهامك المقدر.
|
Post: #65
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-25-2020, 06:30 PM
Parent: #64
الي، امبس،
يا مراحب.
|
Post: #66
Title: Re: سوداني، صديق لي هتلر، ريئس لي شيلي، سفير ل
Author: Bashasha
Date: 05-25-2020, 06:35 PM
Parent: #65
حيدر الزين يامراحب،
اخوك سطح او مافهم مداخلتك اعلاه، بتاعة "تبا لك يا امراءة، قدم من مجاهل افريقيا"!
|
Post: #67
Title: Re: سوداني، صديق لي هتلر، ريئس لي شيلي، سفير ل
Author: نادر الفضلى
Date: 05-25-2020, 07:20 PM
Parent: #66
بشاشا وضيوه
كل عام وأنتم بخير
شخصية أسطورية .. ومادة دسمة تستحق أن تخرج من بين صفحات الكتب
لتكون رواية فيلم سينمائى أو مسلسل تلفزيون بكل حبكات الخيال الدرامى
شخصية ممكن تكون زى سيمون تمبلى أو جيمس بوند أو روبنسون كورزو
أو أبن بطوطة
|
|