فاجأ بعض أصدقاء الحسناء والإعلامية السودانية الشهيرة آلاء المبارك “لوشي” صديقتهم ومتابعيها بتصوير “اسكرين شوت” من تعليق قامت بكتابته في صفحة الممثل المصري الشهير ونجم المسلسل الضجة “البرنس” فقد ضبط أصدقاء لوشي الحسناء السودانية وهي تكتب لرمضان في إحدى منشوراته “بحبك” وبعد لحظات من ممازحة أصدقائها لها ضجت مواقع التواصل الاجتماعي وخصوصاً فيسبوك بالتعليق الذي تركته لوشي للنجم المصري
وفي أول ردة فعل لها قامت لوشي بنشر لقطة من رسالة بعثها لها النجم البرنس, حيث عملت جاءت صيغة المحادثة في شكل “أيموشن” عبر فيه رمضان عن رضائه بتعليق النجمة السودانية.
أللهم أستر علينا وكل بنات السودان العفيفات الستر ربي#
Post: #2 Title: Re: في مفاجأة غير متوقعة ضبط الحسناء السوداني Author: بدر الدين الأمير Date: 05-14-2020, 08:53 AM Parent: #1
زهير شنو مفاجأة وضبط ماتحبو وتموت فى دباديبو المشكلة شنو
Post: #3 Title: Re: في مفاجأة غير متوقعة ضبط الحسناء السوداني Author: Osman Musa Date: 05-14-2020, 09:06 AM Parent: #2
سلامات يا ابو الزو ما عارف العرب عاملين لي محمد رمضان ده هيلمانة قدر كدي ليه. الشاب ده خدمتو الظروف والتغيير الحصل في طريقة التصوير في مصر . لكن موهبتو محدودة. وما = حاجة مع العمالقة أمثال الأستاذ أحمد ذكي وسعيد صالح والملك عادل امام . .. بعدين البنية دي مطفرة لي بلد الكورونا ديك ليه . نجوم التمثيل السودانيين في السودان شوية؟
Post: #4 Title: Re: في مفاجأة غير متوقعة ضبط الحسناء السوداني Author: بدر الدين الأمير Date: 05-14-2020, 09:53 AM Parent: #3
عثمان ماهو انت مطفر لمذيعات قناة الجزيرة وفى بلدك قناة النيل الازرق مليانا حسناوات جالخات هههه
Post: #5 Title: Re: في مفاجأة غير متوقعة ضبط الحسناء السوداني Author: Osman Musa Date: 05-14-2020, 10:08 AM Parent: #4
ههههههه يا بدر صاحبك الخواض قال زولة قناة الجزيرة عاملة توصيلة شعر مستعار. بس يعلم الله هي الأولي حتي فوق جماعة الفوكس نيوز. الزولة صوت بي طعم الكرمل . وبعدين رايقة. وقالوا عندها 3 جنسيات.
Post: #6 Title: Re: في مفاجأة غير متوقعة ضبط الحسناء السوداني Author: بدر الدين الأمير Date: 05-14-2020, 11:57 AM Parent: #5
ياعثمان صاحبنا ودالخواض بسببو زولنا مركز مع الهضبة ظارو بهناك
Post: #7 Title: Re: في مفاجأة غير متوقعة ضبط الحسناء السوداني Author: نادر الفضلى Date: 05-14-2020, 03:40 PM Parent: #6
ما عندها نفس .. ما تحب .. طان حبت .. وعبرت عن حبها كلمة حب وحبيب وبحبك من زمن أغانى الحقيبة ولى هسة وأغانى وأغنى الناس متلمة حوله .. ما ياهو حب وبحبك والمسلسلات عربية وتركية وبالرطانات العالمية ما ياها .. بحبك .. لامن تجى تقولا فقط تصبح جريمة وعفاف وما عفاف؟! هى أصلها قالت ليهو (لو أحبك العمر كلو برضو شايفة ما كفانى)
Post: #8 Title: Re: في مفاجأة غير متوقعة ضبط الحسناء السوداني Author: Kostawi Date: 05-14-2020, 06:38 PM Parent: #7
Post: #9 Title: Re: في مفاجأة غير متوقعة ضبط الحسناء السوداني Author: امتثال عبدالله Date: 05-14-2020, 07:39 PM Parent: #8
""لو احبك العمر كله برضه شايفة ما كفاني "" ...بيت قصيدة أوسكار.. بالله يا نادر من الشاعر العظيم القال الكلام الاوسكار ده ...
Post: #10 Title: Re: في مفاجأة غير متوقعة ضبط الحسناء السوداني Author: يحي قباني Date: 05-14-2020, 08:09 PM Parent: #9
Quote: ""لو احبك العمر كله برضه شايفة ما كفاني "" ...بيت قصيدة أوسكار.. بالله يا نادر من الشاعر العظيم القال الكلام الاوسكار ده ...
دي يا بتنا كلمات الشاعر الدسوقي محمد خير و اداء العبقري زيدان ابراهيم
و ماتنسي لو أحبك ( أنا ) العمر كله ... كلمة انا اهم كلمة هنا لميزان القصيدة ...
ياما غنيناها و رددناها مع ابو الزيك في بيته في العباسية و في غرفة 25 داخليات البركس بصحبة زيدان شخصيا ...
Post: #11 Title: Re: في مفاجأة غير متوقعة ضبط الحسناء السوداني Author: نادر الفضلى Date: 05-14-2020, 10:00 PM Parent: #10
سلام إمتثال ويحيى
فعلاً بيت بديع وقصيدة جميلة، أداء المبدع زيدان إبراهيم .. إمتثال إحساسك الشفيف بالكلمات فتحت بابا للذكريات الزاهية تدفق بها يحيى قبانى ومعاها كمان الأغنية.
زيدان فى سهرة تلفزيونية فريدة جمعته مع عبد الكريم الكابلى وإستضافهم حسين خوجلى قال أن الشاعر دسوقى محمد خير وهو فى طريقه للإغتراب أعطاه نص قصيدتين أمانة ليلحنهما ويغنيهما ... وكعهده زيدان وفى بوعده، وكانتا من الدرر التى تغنى بهما. الأغنيتين من ألحان زيدان إبراهيم. .