نشتكى من إستهانة المصريين بالسودان، و نحن من جانبنا نستهين بإفريقيا. فى طريقنا الى واشنطون الأسبوع الماضى، توقفت بنا الطائرة الإثيوبية فى مطار لومى الدولى (بدون أقواس).. و شعرت كأنى نزلت فى مطار شينزين الدولى الجديد، او مطار بكين الجديد و ليس مطارا فى دولة افريقية!! و تذكرت المطار الذى أقلعنا منه قبل ساعات قليلة. و اسمه مطار الخرطوم الدولى.. و طبعا لا يمكن أن تعرف الفرق لأنه ما فى مقارنة اساساً.. و كنت أتوقع فى مطار افريقى ان الطائرة ستدفقنا فى العراء لنستقل الباصات للمطار، و لكن رأيت من الشباك عدد كبير من الكبارى أو مراسى الطائرات مثل مطار دبى.. تلتصق فيها الطائرات ليمشى الركاب معززين مكرمين من الطائرة مباشرة لصفوف ضباط الهجرة، بدون أن تطأ أقدامهم الأرض. إلى متى نستخف بإفريقيا و لا نرهق أنفسنا النظر الى الجنوب و لو قليلاً؟
Post: #2 Title: Re: بين مطار الخرطوم (الدولى) و مطار لومى عاصم� Author: Abureesh Date: 05-09-2020, 10:20 PM Parent: #1
Post: #3 Title: Re: بين مطار الخرطوم (الدولى) و مطار لومى عاصم� Author: سيف اليزل سعد عمر Date: 05-09-2020, 10:40 PM Parent: #2
Quote: بنا الطائرة الإثيوبية فى مطار لومى الدولى
سلام مرة ثانية يا أبو ريش
أهلنا الأثيوبين ناس شطار جدا والخطوط الإثيوبية بتساهم مساهمة كبيرة فى نهضة القارة الإفريقية. توجو ومطار لومى الدولى يعتبر سوق كبير جدا للخطوط الأثيوبية فى غرب إفريقيا. وحاليا خط مهم جدا للخطوط الإثيوبية ورحلاتها إلى الولايات المتحدة بدلا من الطيران عبر أوروبا. فى ٢٠١٦ سافرت من النيجر إلى تشاد عن طريق توغو. كانت شركة الطيران الناقلة إسمها Asky قريت شوية عن الشركة و التى أسستها مجموعة من دول غرب إفريقيا وجدت إنه الخطوط الإثيوبية تملك ٤٠% من أسهم الشركة وكل طائراتها مسجلة فى أديس أبابا ومدير الشركة إثيوبي.
طيران الخطوط الإثيوبية عن طريق مطار لومى يفتح الإثيوبية سوق كبير جدا فى غرب إفريقيا وطيران مريح لمواطنى غرب إفريقيا إلى الولايات المتحدة الأمريكية وأمريكا الجنوبية.
Post: #4 Title: Re: بين مطار الخرطوم (الدولى) و مطار لومى عاصم� Author: اخلاص عبدالرحمن المشرف Date: 05-10-2020, 01:31 AM Parent: #3
السلام عليكم مطار الخرطوم الحديد عمدا لم يبني للتهريب واستجلاب القروض ، المطار باسمه اخذ أكثر من قرض ، تهريب الذهب يتم عن طريق المطار
Post: #5 Title: Re: بين مطار الخرطوم (الدولى) و مطار لومى عاصم� Author: اخلاص عبدالرحمن المشرف Date: 05-10-2020, 01:31 AM Parent: #3
السلام عليكم مطار الخرطوم الحديد عمدا لم يبني للتهريب واستجلاب القروض ، المطار باسمه اخذ أكثر من قرض ، تهريب الذهب يتم عن طريق المطار
Post: #6 Title: Re: بين مطار الخرطوم (الدولى) و مطار لومى عاصم� Author: اخلاص عبدالرحمن المشرف Date: 05-10-2020, 01:32 AM Parent: #3
السلام عليكم مطار الخرطوم الحديد عمدا لم يبني للتهريب واستجلاب القروض ، المطار باسمه اخذ أكثر من قرض ، تهريب الذهب يتم عن طريق المطار.
Post: #7 Title: Re: بين مطار الخرطوم (الدولى) و مطار لومى عاصم� Author: Abureesh Date: 05-10-2020, 01:36 AM Parent: #6
Quote: السلام عليكم مطار الخرطوم الحديد عمدا لم يبني للتهريب واستجلاب القروض ، المطار باسمه اخذ أكثر من قرض ، تهريب الذهب يتم عن طريق المطار.
فساد أزكم الأنوف يا دكتورة.. ما عارف حكومة حمدوك تعمل فيه شنو..
Post: #8 Title: Re: بين مطار الخرطوم (الدولى) و مطار لومى عاصم� Author: منتصر عبد الباسط Date: 05-10-2020, 02:34 AM Parent: #7
Quote: نشتكى من إستهانة المصريين بالسودان، و نحن من جانبنا نستهين بإفريقيا
Quote: إلى متى نستخف بإفريقيا و لا نرهق أنفسنا النظر الى الجنوب و لو قليلاً؟
معقدين الله يفك عقدتنا الزرقة دي ما بينها مرة واحدة !
Post: #9 Title: Re: بين مطار الخرطوم (الدولى) و مطار لومى عاصم� Author: ترهاقا Date: 05-10-2020, 03:56 AM Parent: #8
مطار الخرطوم مطار مخجل ولا يحمل أي مؤهل عشان يقولوا الدولي، وساعة الهبوط الواحد بيفتكر إنو هبوط إضطراري مع إنو الدهب المنهوب والمهرب من المطار ده كان ممكن يبني مطارات في كل ولايات السودان وبالمواصفات العالمية والغريبة حكومات تلو الحكومات وكأن الامر لا يعنيهم ، مطار الخرطوم ومجاري الخريف
Post: #10 Title: Re: بين مطار الخرطوم (الدولى) و مطار لومى عاصم� Author: adil amin Date: 05-10-2020, 06:15 AM Parent: #9
Quote: شعرت كأنى نزلت فى مطار شينزين الدولى الجديد، او مطار بكين الجديد و ليس مطارا فى دولة افريقية!!
نعم الصين اكبر شريك محترم في نهضة وتنمية دول غرب افريقيا والان وصلت الايقاد وكل السكك الحديدة فيها شركات صينية ونحن في السودان مع قحت نهرول في فضانا العقيم العالم العربي المزيف والتركية السايقة والدولة المركزية الغبية الي الاتحاد الاوروبي وامريكا والبنك الدولي ونادي باريس واصدقاء السودان والشحدة من دولة غنية الموارد نائمة لحدي هسة ذى السودان عيب ولا اثر لصحوة سودانية لا في البورد ولا السودان مفروض نزح من العالم العربي اول حاجة عشان نلقي نفسنا ونجدع عقاب الناصريين والشيوعيين والبعثيين والكيزان والسلفيين ديل ونرجع لي الايقاد ونتمدد في فضانا افريقيا المدارية شوف كمان رودندا وانجولا والشراكة الذكية مع الصين بتودي وين الصين جعلت بعض دول افريقيا ذى الصين ذاتا ذى ما قلت براك
Post: #11 Title: Re: بين مطار الخرطوم (الدولى) و مطار لومى عاصم� Author: بدر الدين الأمير Date: 05-10-2020, 06:31 AM Parent: #10
ابوريش الشفقة تطير ياخى شوية صبر وحايكون عندك مطار حميدتى الدولى ينافس احدث مطارات العالم ويخلق فرص عمل لاحصر لها واسواق حرة تشهيك السفر عبر مطار حميدتى والعجب حين تتسوق فى محلات الدهب بالمطار اجود دهب وارخص دهب