ونسه ايجابيه رمضانيه هل من مجيب

09:53 AM May, 09 2020

سودانيز اون لاين
بلدى يا حبوب-kahrtoum
مكتبتى
رابط مختصر

مع اخبار العالم الكرونا تعالوا نحاول الايجابيه عبر المواقف الظريفه وقعدة الشقق والنقه طبعا في واحدين طوالي جووا لنقة النسوان لا والله انا قاصد كل النقق وهي انواع نقة كرونا وده أصبحت نجم النجوم وكمان نقة الراجل واكيد مع قعدة البيت بتكون صعبه وكمان عليها صيام ده تجنن عديل اما التالته نقة العزابه في رمضان بتفوت الكرونا خاصة لو كان في مكيف واحد في الغرفه كل زول داير سريره قدامه التقول مدخلنه اشعه مقطعيه ومن النقق المحبه الفي كراسي الشارع طبعا اليومين ده بقت منحصره في رصد الدفارات خاصة بتاع الغاز اول ما تشوف ليك دفار قدامه وفد مقدمه من الركشات وراه عربات تتحول النقه غازية وما واحد يدقس اقول... سبحان الله زمان مع الكيزان الله لا عادهم دنيا وآخره النقه من كتر ت عصرهم علينا كانت واحدة..... لكن اقدر اقول الان الحمد الله الذي ذهب عنا الاذى وعافنا
ما داير اكون نقاق
كده نشوف في مشاركه
واكيد في رجعه لوما في نقه
تحياتي