لأول مرة في حياتي اتابع السياسة بهذه الصورة فترة استراحة من التراث النوبي .. مع حبس والزهج أفضل السياسة امس شاهدت ولدنا خالد سلك ده في التلفزيون مع مجموعة في استضافة حبيبنا لقمان لم أركز اليوم ذهبت الى موقع النيلين عشان اشوف قيمة الريال السعودي وجدت هذا الخبر
Post: #2 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 09:03 PM Parent: #1
ابننا ده كان من ايقونة الثورة متحدث لبق .. ما شاء الله ============================== منقول من موقع النيلين :
خالد عمر يوسف القيادي بالمؤتمر السوداني “سلك” في التلفزيون القومي: قد يحدث انقلاب عسكري او انهيار للدولة خلال الفترة الانتقالية!!!. لو الثورة مشت في طريق اكتوبر وابريل كان الايام دي بنكون في انتخابات لكن للاسف بعض قصيري النظر ادخلو نفسم والبلاد في دوامة .. ما كان صحيح انو جيش قومي يشارك كيان سياسي في فعل سياسي ضد خصوم ولا كان صحيح سرقة مجهود الجماهير بواسطة احزاب يسارية معزولة جماهيريا .. رغم الفشل الماثل مافي قيادي قحتاوي قادر يتصالح مع نفسو ويطلع يقول فشلنا ونمشي للانتخابات دايرين شريكم العسكري يطلع ينهي الفترة عشان يشيل وش القباحة ويبدو من تصريح خالد سلك ان القوات المسلحة في طريقها لانهاء أسوأ فترة تحسب عليها قبل دخول خيل الغزاة لتدنيس عزة التراب الوطني !!!
Post: #3 Title: Re: خالد سلك .. انقلاب عسكري ,, أو انهيار الدولة Author: Ahmed musa Date: 05-03-2020, 09:05 PM Parent: #2
ياتو كلام خالد سلك ؟ عموما المؤتمر السوداني وحزب الامة (نداء السودان) زهجو من قوى الاجماع وكايسين ليهم بدايل
Post: #5 Title: Re: خالد سلك .. انقلاب عسكري ,, أو انهيار الدولة Author: علاء سيداحمد Date: 05-03-2020, 09:16 PM Parent: #3
Quote: ولا كان صحيح سرقة مجهود الجماهير بواسطة احزاب يسارية معزولة جماهيريا .. رغم الفشل الماثل مافي قيادي قحتاوي قادر يتصالح مع نفسو ويطلع يقول فشلنا ونمشي للانتخابات
هههههه خالد سلك ونمشي للانتخابات
اذا كان خالد سلك وحزبه بالاتفاق مع الصادق المهدى وحزبه كانوا اول المنادين بالانتخابات المبكرة فلا غرابة ان يقول مثل هذا الكلام لان الفشل الذى يتحدث عنه خالد سلك انما هو احد صانعيه فليذهب غير مأسوف عليه ليجى غيره . وبخصوص الانقلاب هذا الكلام لا يخيف شباب الثورة لانهم سيكونون وقتها على قلب رجل واحد ضد الانقلاب ... بالمناسبة الانقلاب احلام خالد سلك وحزبه وحزب الصادق المهدى
Post: #6 Title: Re: خالد سلك .. انقلاب عسكري ,, أو انهيار الدولة Author: محمد البشرى الخضر Date: 05-03-2020, 09:23 PM Parent: #5
يا علاء المقتبس العلقت عليه ليس كلام سلك بل تعليق على كلامه و مذيل التوقيع بحاجة اسمها حركة 14 ديسمبر لو ما كيزان أكيد من جماعة ما أدّونا معاهم قرمة فلتحرق القطية
Post: #12 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 09:36 PM Parent: #6
شكرا حبيبنا البشرى أنا شاهدت برنامج في قناة السودان كانوا مجموعة في استضافة حبيبنا لقمان ولكني لم اتابع .. اليوم وجدت هذا الموضوع في موقع النيلين
معقول ينسب لشخص كلام لم يصرح به ..
Post: #11 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 09:30 PM Parent: #5
الحبيب علاء شكرا على المداخلة ما جعلني اهتم بالموضوع هو خالد سلك ربما وجد نفسه مهمش لأن دفعته ناس عباس مدني وكذلك ولاء البوشي هل هو رفض المنصب في الحكومة الانتقالية أو تم ابعاده
لنعرف نفسية حبيبنا خالد
شكرا علاء ..
Post: #7 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 09:24 PM Parent: #3
عموما المؤتمر السوداني وحزب الامة (نداء السودان) زهجو من قوى الاجماع وكايسين ليهم بدايل ====================== تحياتي الحبيب احمد موسى يعني كلام زهج .. كان هذا الشاب من ايقونات الثورة على ما اعتقد هو عضو في المؤتمر السوداني يبدو انهم لا يستطيعون الانتظار
تحياتي الحبيب احمد
Post: #8 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 09:25 PM Parent: #3
عموما المؤتمر السوداني وحزب الامة (نداء السودان) زهجو من قوى الاجماع وكايسين ليهم بدايل ====================== تحياتي الحبيب احمد موسى يعني كلام زهج .. كان هذا الشاب من ايقونات الثورة على ما اعتقد هو عضو في المؤتمر السوداني يبدو انهم لا يستطيعون الانتظار
تحياتي الحبيب احمد
Post: #4 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 09:07 PM Parent: #2
هل يمكن تناول هذا الكلام من كل الجوانب هذا الشاب كان في قمة الحماس وله دراية ومعرفة بكل دهاليزا الوضع الحاليت بل هو زميل ورفيق لمعظم مكونات الحكومة
لنناقش هذا الموضوع بهدوء .. لأنني لم استطيع معرفة الدافع والسبب
Post: #9 Title: Re: خالد سلك .. انقلاب عسكري ,, أو انهيار الدولة Author: Ahmed musa Date: 05-03-2020, 09:26 PM Parent: #4
Quote: يا علاء المقتبس العلقت عليه ليس كلام سلك بل تعليق على كلامه و مذيل التوقيع بحاجة اسمها حركة 14 ديسمبر لو ما كيزان أكيد من جماعة ما أدّونا معاهم قرمة فلتحرق القطية
عشان كدة انا سالت عن كلام سلك لاني حسيت انه جزء منه تعليق
Post: #10 Title: Re: خالد سلك .. انقلاب عسكري ,, أو انهيار الدولة Author: منتصر عبد الباسط Date: 05-03-2020, 09:26 PM Parent: #4
يا علي ما تتعب نفسك سوف لا تجد محاور يحاورك بموضوعية وتجرد فقط ستجد حزبيون ومتحزبون لا ينطلقون إلا من من باب العراك الحزبي فقط لذلك لا يوجد أمل في صناعة سودان حر وديمقراطي ومتقدم وشعبه مرفه طالما العراك الحزبي هو الحاضر والطاغي والمسيطر على كل متصدر للكلام ..
Post: #13 Title: Re: خالد سلك .. انقلاب عسكري ,, أو انهيار الدولة Author: علاء سيداحمد Date: 05-03-2020, 09:36 PM Parent: #10
مكرر
Post: #14 Title: Re: خالد سلك .. انقلاب عسكري ,, أو انهيار الدولة Author: علاء سيداحمد Date: 05-03-2020, 09:43 PM Parent: #13
Quote: يا علاء المقتبس العلقت عليه ليس كلام سلك بل تعليق على كلامه و مذيل التوقيع بحاجة اسمها حركة 14 ديسمبر لو ما كيزان أكيد من جماعة ما أدّونا معاهم قرمة فلتحرق القطية
اتمنى ذلك من كل قلبى يا ود البشرى لانو الكلام دا والله زعلنى شديد
Post: #16 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 09:49 PM Parent: #14
ولكن من امنيات خالد سلك لان حزبه وحزب الامة القومى كانا اكثر حزبين حرّضا على الانتخابات المبكرة .
============================ الحبيب علاء .. شكرا علاء .. المفروض أن يكون بعيد عن الاحزاب التقليدية لأن فرصته سوف تكون محدودة كان الأفضل أن يكون في مسار الثوار
شكرا الحبيب علاء
Post: #15 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 09:45 PM Parent: #10
يا علي ما تتعب نفسك سوف لا تجد محاور يحاورك بموضوعية وتجرد فقط ستجد حزبيون ومتحزبون لا ينتلقون إلا من من باب العراك الحزبي فقط لذلك لا يوجد أمل في صناعة سودان حر وديمقراطي ومتقدم وشعبه مرفه طالما العراك الحزبي هو الحاضر والطاغي والمسيطر على كل متصدر للكلام ================================ حبيبنا منتصر.. صدقني هذا الشاب عندو مكانة خاصة لدي من أيام الثورة بعدين هو لبق في الحديث .. يعرف يتكلم بطريقة جاذبة أما الحوار في البوست حبيبنا منتصر فمن خلال اختلاف الآراء ووجهات النظر بين معارض ومؤيد يمكن واحد يعرف الكثير ..
مودتي منتصر .. واصل معنا لأن لك رأي نحترمه كثيراً
Post: #17 Title: Re: خالد سلك .. انقلاب عسكري ,, أو انهيار الدولة Author: محمد البشرى الخضر Date: 05-03-2020, 10:18 PM Parent: #15
دا كلام سلك يا علي يا عمّك: قد يحدث انقلاب عسكري او انهيار للدولة خلال الفترة الانتقالية!!!.
ودي الحلقة وهي قديمة بتلناسبة ربما انت حضرت اعادتها
امّا بتاع النيلين فربما المحرر لم ينسق الموضوع بشكل واضح ليفصل بين تحذير سلك من الانقلاب وهو ليس جديدا بالمناسبة قاله من قبل في نوفمبر 2019 و تعليقه هو الدخل فيه انتخابات مبكرة, سلك لم يقل بها
Post: #18 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 10:42 PM Parent: #17
قد يحدث انقلاب عسكري او انهيار للدولة خلال الفترة الانتقالية
========================= شكرا حبيبنا البشرى .. مودتي أكيد هي الصحافة حتى في اعتى الصحف العالمية تضخيم العنوان وبعض المحتوى لجذب القراء .. دي مشكلة ازلية في الصحافة .. ترامب معاه حق يتهم سي إن إن وتقريبا نيويورك تايمز بالكذابين والمزورين ..
من أجل ذلك لا بد أن يكون السياسي على درجة من ضبط النفس عند التصريح
البشري الحبيب أنا همي فقط هذا الشاب ايقونة ومتحدث لبق أحسن يبعد عن الاحزاب التقليدية كان نشط عبر قناة الجزيرة لم يكن مثل الباقين يردد آآآآآآ يعنيييي .. بل لديه طلاقة
وأنا كنت معجب جداً بخالد هذا وكذلك دكتور الاصم .. هو الآخر اختفى ,,
شكرا الحبيب البشرى ..
Post: #19 Title: Re: خالد سلك .. انقلاب عسكري ,, أو انهيار الدولة Author: Gafar Bashir Date: 05-03-2020, 11:01 PM Parent: #18
الكلام عن انقلاب عسكري او انهيار الدولة في الفترة الانتقالية فعلا كلام محبط وايا كان المبررات مفروض انو ما تتقال خلال الفترة الانتقالية ... او علي الاقل تقال ضمنيا مثل ان كل الخيارات متاحة اذا ظل الوضع متدهور في جميع الاتجاهات لكن المحبط اكثر فعلاً هو الاتجاه الماشة عليهو الامور في السودان بغض النظر عن المبررات ... لانو المبررات دي كلها اترفضت من الجبهة الاسلامية .. يعني هل رفع الدعم مقبول عشان جاء من البدوي ولا الصفوف مقبولة عشان من حكومة انتقالية والمحبط اكثر وضع السودان في الازمة الحالية اظن لازم نعمل جدار عازل ما بين الواقع وما بين أحلامنا عشان نكون اكثر تفاؤل
Post: #25 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-04-2020, 09:50 AM Parent: #19
الكلام عن انقلاب عسكري او انهيار الدولة في الفترة الانتقالية فعلا كلام محبط وايا كان المبررات مفروض انو ما تتقال خلال الفترة الانتقالية ... او علي الاقل تقال ضمنيا مثل ان كل الخيارات متاحة اذا ظل الوضع متدهور في جميع الاتجاهات لكن المحبط اكثر فعلاً هو الاتجاه الماشة عليهو الامور في السودان بغض النظر عن المبررات ... لانو المبررات دي كلها اترفضت من الجبهة الاسلامية .. يعني هل رفع الدعم مقبول عشان جاء من البدوي ولا الصفوف مقبولة عشان من حكومة انتقالية والمحبط اكثر وضع السودان في الازمة الحالية اظن لازم نعمل جدار عازل ما بين الواقع وما بين أحلامنا عشان نكون اكثر تفاؤل ========================= الحبيب جعفر .. تحياتي يا سلام يا جعفر كلامك مطابق مع احساسي رغم أعجابي الشديد بإبننا خالد ولكن كما ذكرت حبيبنا جعفر ( الكلام يكون ضمني ) وليس بهذه الصراحة المحبطة
تحياتي وشكرا على المداخلة المعبرة وخاصة هذه العبارة ((( لازم نعمل جدار عازل ما بين الواقع وما بين أحلامنا عشان نكون اكثر تفاؤل )))
مودتي الحبيب جعفر
Post: #20 Title: Re: خالد سلك .. انقلاب عسكري ,, أو انهيار الدولة Author: ABUHUSSEIN Date: 05-03-2020, 11:04 PM Parent: #18
اخونا ابو علوة تحية طيبة خالد سلك كان ايام الثورة و بعد الثورة اختلف كتير لي درجة طلع يشكر في الجنجويدي حميدتي و زاد عليها كمان انو شريك في الثورة ....
مودتي
Post: #26 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-04-2020, 09:54 AM Parent: #20
خالد سلك كان ايام الثورة و بعد الثورة اختلف كتير لي درجة طلع يشكر في الجنجويدي حميدتي و زاد عليها كمان انو شريك في الثورة .. ===================== حبيبنا أبوحسين .. تحياتي في بدايات الثورة وأثناءها كان له ظهور جميل في قناة الجزيرة متحدث لبق .. هو والاصم .. أحببت هذين الشابين ( زي أولادي ) ولكن هذا التصريح محبط جداً .. لأنه كسياسي مفروض يكون قرأ الواقع حتى قبل الثورة ولكن ان ينتظر الاحداث وتكون التصاريح ضد هذا وذاك .. تحياتي الحبيب أبوحسين .. إبننا الاصم اختفى نهائي
Post: #21 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-03-2020, 11:09 PM Parent: #18
الحبيب البشرى .. حفظك الله يا الحبيب
الحوار الذي ظهر في التلفزيون ولكني لم اشاهده هو برنامج الحوار البناء وقد استضاف لقمان أحمد، وزيرة الخارجية أسماء عبدالله، بجانب اثنين من السفراء، ورابعهم خالد سلك. كان امس السبت اختلط علي الامر .. ربما الصحفي قصد هذا اللقاء
Post: #22 Title: Re: خالد سلك .. انقلاب عسكري ,, أو انهيار الدولة Author: منتصر عبد الباسط Date: 05-04-2020, 04:29 AM Parent: #21
Quote: و بعد الثورة اختلف كتير لي درجة طلع يشكر في الجنجويدي حميدتي
سوف لا تتحدث ولا سيتحدث أحد عن كيف صنعت أو أعادة صناعة حميدتي أحداث ما بعد سقوط الكيزان ووضعته في مكان ما كان يحلم به ليس فقط خالد سلك بل أكبر ما صنع حميدتي هي مواقف الحزب الشيوعي وأزياله الذين كانوا رافضين للإتفاق مع العسكر الذي رضت به قحت بعد أن سالت دماء وحدث فوضى واضطراب مكن حميدتي وقواته ذلك العراك خالد سلك كان شريكاً ولكنه لم يكن الأساسي والغريب يا أبو حسين أراك تخفي عداوتك القديمة للحزب الشيوعي الأن أنا كنت مع الحزب الشيوعي في خدق واحد ضد الكيزان وعارضتهم الأن في الزمن ىالصاح لتصحيح المسار وأنت كنت تعارض لهم يا أبو حسين في الزمن الغلط
Post: #23 Title: Re: خالد سلك .. انقلاب عسكري ,, أو انهيار الدولة Author: Mohd Ibrahim Date: 05-04-2020, 05:40 AM Parent: #22
قديمة الحلقة من الشهر الفات ...طبعا بعد المستجدات الاخيرة من انتصار لجنة التفكيك وجاهزيتها لتفكيك حزب الامة وباقي الاحزاب الفاسدة الباقية مجهولة التمويل وسبب التدويل للشان السوداني ..وكذلك لقاء برهان الذي اعلن اول مرة وبوضوح تام عن موقفة من النظام البائد والتزام القوات المسلحة بالحياد وكذلك كشف عن علاقتة اليومية مع المكون المدني ممثلا في حمدوك الموقف تغير لصالح الثورة واصحت الخطوط الفاصلة بين الانقلاب واللاانقلاب واضحة ..
Post: #24 Title: Re: Author: adil amin Date: 05-04-2020, 06:59 AM Parent: #23
يا علي عشان نحن بارينا زي ناس خالد سلك وعقاب مايو الشيوعيين والبعثيين والناصريين دخلنا في جحر الضب الخرب ده عشان نحن وعينا الاقليمي والدولي متدني دخلنا في جحر الضب الخرب ده عشان نحن بارينا فلان وعلان وناس المحاصصة الانتهازية دخلنا في جحر ضب خرب عشان سياسيين المسنيين الاوت اوف ديت والمجربين دخلنا جحر الضب الخرب ده
عشان نحن ما بنحترم المشاريع الوطنية السودانية الحقيقية دخلنا في جحر الضب الخرب ده عشان نحن ما قادرين نشخص مشكلة السودان مع الانقلابات بعد الاستقلال دخلنا جحر الضب الخرب ده دي من الاساس ما ثورة ؟؟؟وده حراك شبابي استعلتو المخابرات الاقليمية والدولية وبي اسما وهمية تجمع المهنيين او كيانات مجوبكة ق حت لاعادة تدوير الدولة المركزية الفاشلة والفاشية والفاسدة المزمنة بعد لاستقلال والمشاريع الوافدة الاخوان المسلمين والسلفية ايتام الترابي وانقلاب 1989 وبعاعيت مايو الشيوعيين والناصريين والبعثيين انقلاب 1969 البحرسو مصالح الدول المقرفة دي في السودان مصر السعودية الامارات وقطر وتركيا والاتحاد الاوروربي وامريكا والبنك الدولي
الثورة الحقيقية تعالج الاخطاء الاستراتجية الوقع فيها السودان بعد الاستقلال 1- حشر السودان في جامعة الدول العربية بواسطة الازهري 1957 2- عدم احترام المشاريع الوطنية المتطورة الفدالية التي طالب بها الجنوبيين والاستاذ محمود محمد طه واكيد خالد سلك ده ذاتو ما بعرفا 3- تخرج السودان من الاحلاف المجرمة والجنود من اليمن وليبيا وتتجه الي دولة جنوب السودان وبي علم الاستقلال فقط وليس علم مايو القبيح ا
Quote: خالد سلك .. انقلاب عسكري ,, أو انهيار الدولة
نجي للحل ليه بس الخيارين ديل يا صاحب الافق المسدود المباري تراهات الشيوعيين في ق حت لحدي هسة ...ومايو 1969 عشان تتفادي الفصل السابع والوضع المذري للسودان الان بالمحاصصة الفاشلة حتي علي مستوى المركز وما يحصل الان تمشي في الانقاذ مت هياكلا بي الاستيكة مش تمشطا بي قملا 1- ترجع لي محل وقفت الحركة الشعبية والانتخاباات بتاعة 2010 باسس جديدة وباارشرف الامم المتحدة وليس بي الفصل السابع والسادس ودي طبعا دستور 2005 والمحكمة الدستورية الجدعا الجنرال الساقط بن عوف هرول لي اسياده المصريين ودبسنا بي اللجنة الامنية التحت المخابرات المصرية لحدي الليلة جماعة 5>18 2- ترجع لي ما قبل الانقاذ ذاتا والحكم الاقليمي اللامركزي والاقاليم الخمسة القديمة باسس جديدة دستور 1974 واتفاقية اديش ابابا 3= ترجع لي الحزب الجمهوري واسس دستور السودان 1955 وتزح للجمهوريين في الاعلام وفي المؤسسات ينظمو ليك والبلد ويطبقو مشروع الثورة الثقافية وتخلي النرجسيين ديل الدول العربية دي كلها انهارت بعد الربيع المزيف لانها ما بتعرف الديمقراطية والفدرالية والاشتراكية من الاساس ودولة الحديثة كله دول ومن مان شو ونحن في السودان بنعرف الدولة وعندنا هوية وحضارة قبل يجي الصاغ صلاح سالم رجل المخابرات المصري بصنع خلية الضباط الاحرار في المركز وجرثومة الانقلابات التي جلبت لنا مشاريع الصرف الصحي المصرية والعربية للسودان عبر انقلاب 1958 و1969 و1989 2019 https://top4top.io/
ما في اي شي محبط في السودان الا للذي يراهن علي النخبة السودانية وادمان الفشل بعاعبت مايو 1969 وايتام الترابي 1989 حتي الان في البورد وفي السودان وقاعد بي ربع وعي كمان
Post: #29 Title: Re: Re: Author: علي عبدالوهاب عثمان Date: 05-04-2020, 10:10 AM
حبيبنا عادل .. تحياتي .. شكرا على الحضور الجميل كما عودتنا لديك ذاكرة رائعة لتأصيل الاحداث وربط الحاضر بالماضي لنستحضر الاخطاء .. خاصة جيلنا الذي عايش ذلك الزمان ما شاء الله لديك قدرات وذاكرة جيدة مداخلة مفيدة الحبيب عادل
تحياتي الحبيب عادل
Post: #28 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-04-2020, 10:06 AM Parent: #23
حبيبنا محمد .. تحياتي أنا من المعجبين جداً بإبننا خالد وكمان الاصم .. كانوا ايقونات الثورة ولكن السياسي مهما كان عليه أن لا يوضح شيء خطير كهذا في تصريحاته بهذا الوضوح ممكن بنوع من التعتيم أو قراءة من وراء السطور ولا بد أن يكون له توقعات عن الحاضر والغد لأنه يعلم ما يدور في الدهاليز والتصريح يكون داخل منظومة الثوار مع بعضهم كنقد واصلاح .. لأن الكلام في الهواء الطلق هكذا .. ربما يستغله البعض لبعد آخر
تحياتي الحبيب محمد .. شكرا على المشاركة
Post: #27 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-04-2020, 10:00 AM Parent: #22
الحبيب منتصر .. مودتي الحبيب شكرا على تواجدك الجميل في البوست حميدتي بعيدا عن المؤهلات والشهادات وغيرها يعرف ماذا يريد البسطاء من أهلنا وهم الغالبية العظمى يتلقى الشكر من مجلس الوزراء والسيادي ( عشر بواخر في الميناء ) هو رجل المرحلة بالنسبة للحكومة .. لأن معاش الناس هو الأهم وعلاقات حميدتي مع المحاور العربية يمكن ان تكون الحل في هذه الفترة لعدم الاثارة وخروج الناس للشوارع مرة أخرى .. أمس أرسل حملة ضخمة جداً للنيل الأزرق .. يبدو أن الحكومة تركت الداخل والعلاقات العربية لحميدتي وهي تتفرغ للعلاقات الخارجية مع امريكا وأوروبا
تحياتي منتصر شكرا كثير كثير
Post: #30 Title: Re: خالد سلك .. انقلاب عسكري ,, أو انهيار الدولة Author: ABUHUSSEIN Date: 05-04-2020, 11:31 AM Parent: #27
Quote: والغريب يا أبو حسين أراك تخفي عداوتك القديمة للحزب الشيوعي الأن أنا كنت مع الحزب الشيوعي في خدق واحد ضد الكيزان وعارضتهم الأن في الزمن ىالصاح لتصحيح المسار وأنت كنت تعارض لهم يا أبو حسين في الزمن الغلط
ما غريب إلا الشيطان يا منتصر ... انا ما عندي اي انتماء لي حزب او طائفة او شيخ او استاذ .... علي روحي دي اقول رأي في اي زول او حزب بدون اي تحفظ او قيود لا زمن صاح لا زمن غلط كلو الزمن عندي واحد
Post: #31 Title: Re: خالد سلك .. انقلاب عسكري ,, أو انهيار الدولة Author: adil amin Date: 05-04-2020, 11:35 AM Parent: #27
Quote: حبيبنا عادل .. تحياتي .. شكرا على الحضور الجميل كما عودتنا لديك ذاكرة رائعة لتأصيل الاحداث وربط الحاضر بالماضي لنستحضر الاخطاء .. خاصة جيلنا الذي عايش ذلك الزمان ما شاء الله لديك قدرات وذاكرة جيدة مداخلة مفيدة الحبيب عادل
تحياتي الحبيب عادل
حياك الله يا علي وطريق قدامك ليه تحبط ناس كتار في البورد والسودان بدت تتجاوز تراهات ق ح ت وحمدوك وخالد سلك وغيرو نحن نباري مشاريع تحول ديمقراطي واضحة سودانية ومؤسسة ومجودة قبل الانقاذ ولي نجامل ق حت وخالد سلك في متاهتهم؟؟؟ اعرف الحق تعرف رجاله الناس ديل رايح لهيم درب والاحباط سببو انهم ما عايزين يمسكو الدرب بس وقايلين ما في غيرهم وغير الكيزان في السودان ده نفاج جديد للسودان قبل يلحق امات طه بالفصل السابع والحركات المزيفة في سيرك جوبا مرجعية الناس ديل الحكم الاقليمي للامركزي ودستور 1974 والشعب مصدر السلطات https://top4top.io/
Post: #32 Title: Re: خالد سلك .. انقلاب عسكري ,, أو انهيار الدولة Author: محمد البشرى الخضر Date: 05-04-2020, 11:37 AM Parent: #27
Quote: الحوار الذي ظهر في التلفزيون ولكني لم اشاهده هو برنامج الحوار البناء وقد استضاف لقمان أحمد، وزيرة الخارجية أسماء عبدالله، بجانب اثنين من السفراء، ورابعهم خالد سلك. كان امس السبت اختلط علي الامر .. ربما الصحفي قصد هذا اللقاء
هو لقاء واحد يا علي يا عمّك الفي الفيديو اعلاه وكان في ابريل, اذا انت شاهدته أمس السبت معناها دي إعادة.
Post: #33 Title: Re: خالد سلك .. انقلاب عسكري ,, أو انهيار الدولة Author: عمر سعيد علي Date: 05-04-2020, 12:17 PM Parent: #32
دي الحلقة البقصده اخونا علي عبد الوهاب
Post: #34 Title: Re: خالد سلك .. انقلاب عسكري ,, أو انهيار الدولة Author: محمد البشرى الخضر Date: 05-04-2020, 12:41 PM Parent: #33
شكرا عمر معذرة يا علي يا عمّك أنا الاخطأت و افتكرت انه لقاء واحد
Post: #35 Title: Re: خالد سلك .. انقلاب عسكري ,, أو انهيار الدولة Author: جمال ود القوز Date: 05-04-2020, 03:21 PM Parent: #34
أي نعم خالد سلك ده أنا شايفه حانق على حكومة الثورة.. لأمور ربما تخصه أو تخص حزبه ربما ... لكن نحن نعيش الآن حالة اللا دولة بامتياز فالبلد ماشه بالبركة بنظام اللا نظام وأي حاجة في أي حتة .. لا خطط - لا تراتيبية - لاهيبة دولة - لا اقتصاد لا أمن مافي شي يدل على انه السودان ده دولة شغل ارتجالي بحت وشغل زي ده ما محتاج حكومة اصلا .. عادي جدا أي لجنة من لجان الأحياء ما بيغلبا تسويهو فالأمور مأظن تمش بالطريقة العشوائية دي .. اللهم الا تكون نتيجة ما عندها دخل بالمعطيات زي نظام يعملوا لينا من الفسيخ شربات وكده ...
Post: #38 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-04-2020, 05:41 PM Parent: #35
أي نعم خالد سلك ده أنا شايفه حانق على حكومة الثورة.. لأمور ربما تخصه أو تخص حزبه ربما ... لكن نحن نعيش الآن حالة اللا دولة بامتياز فالبلد ماشه بالبركة بنظام اللا نظام وأي حاجة في أي حتة .. لا خطط - لا تراتيبية - لاهيبة دولة - لا اقتصاد لا أمن مافي شي يدل على انه السودان ده دولة شغل ارتجالي بحت وشغل زي ده ما محتاج حكومة اصلا .. عادي جدا أي لجنة من لجان الأحياء ما بيغلبا تسويهو فالأمور مأظن تمش بالطريقة العشوائية دي .. اللهم الا تكون نتيجة ما عندها دخل بالمعطيات زي نظام يعملوا لينا من الفسيخ شربات وكده ... ================================ الحبيب جمال .. تحياتي دي مداخلة تستحق أكبر من اوسكار ( مع حفظ حقوق ابنتنا امتثال ) لخصت اس المشكلة في السودان في كل الحقبات منذ خروج المستعمر الجميل .. الذي خطط لنا كل شيء ودمره أبناء الوطن نعم الحبيب جمال هي الشعوائية التي اصبحت ملازمة لحياتنا حتى الفردية لا نعرف شيء اسمه التخطيط .. ارتجالية في كل شيء
هذا الشاب ومعه الاصم .. معجب بيهم جداً .. زي احساس أبوة لم اكن اتوقع منه ان يكون في دائرة حزب بعد الخطب والمداخلات ا لمؤثرة هكذا حتى بعد الاستقلال النخب المثقفة دخلت في نفس المتاهات
مودتي جمال الحبيب
Post: #37 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-04-2020, 05:32 PM Parent: #34
معذرة يا علي يا عمّك أنا الاخطأت و افتكرت انه لقاء واحد
=============================== الحبيب البشرى .. تحياتي يا جميل بدون مجاملة وجودك في أي بوست معناه المضمون موثق مشكلتي يا الحبيب عندي عالج في الأذن منذ شهرين الطبيب حذرني من استخدام أي نوع من السماع لحين انتهاء العلاج يمكن ان اسمع مباشرة من التلفزيون
تحياتي الحبيب .. شكرا على الاهتمام
Post: #36 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-04-2020, 05:27 PM Parent: #33
حبيبنا عمر .. شكرا كثير الحبيب عمك علي ده زول تربال ما عارف كيف أرفع الفيديو أو الصورة رغم أن لدي شرح مكتوب بالتفصيل
تحياتي الحبيب عمر .. شكرا كثير
Post: #39 Title: Re: خالد سلك .. انقلاب عسكري ,, أو انهيار الدولة Author: منتصر عبد الباسط Date: 05-04-2020, 06:49 PM Parent: #36
Quote: وهي تتفرغ للعلاقات الخارجية مع امريكا وأوروبا
يعني بعد مقتل 124 نفس في يوم واحد وهرج ومرج وهبالات وفضائح ووساطات أثيوبية وأفريقية وتوقيع وثائق دستورية وسياسية وعوك وعيك بعد دا كلو بس شغلهم أصبح في وزارتين اتنين بس ؟! الخارجية وأنا من عندي بضيف وزارة الصحة أها قصرت ؟ منو العوض وليهو العوض
Post: #40 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-04-2020, 07:16 PM Parent: #39
الحبيب منتصر .. تحياتي الحبيب رأيك واضح وصريح ووضعت يدك في مكمن الخطأ لأن هناك قصور واضح في وزارة الخارجية .. لأن وزير الخارجية قبل أي شيء حضور وكاريزما .. زمان ايام السودان داك .. كنا نسمع أن شروط سرية لا بد من تواجدها لاختيار وزير الخارجية أن يعرف فن تناول الشراب لأن احياناً البروتكولات تتطلب تلامس الكاسات كنوع من المحبة والاخوة واللبس الانيق والرقص الزوجي اذا دعت الضرورة أكبر خلل اليوم في الحكومة وزارة الخارجية .. الوزارة دي عايزة نوع خاص من البشر ما ممكن بعد المحجوب وخطاباته المشهورة في الامم المتحدة كممثل لكل العرب ومنصور خالد كرمز وأيقونة مواطن عالمي ليس سوداني فقط
الحبيب منتصر صورتنا مشوهة في الخارج .. وهذه الاخت الكريمة أسماء ليست لهذه المرحلة مع تقديرنا لها .. ربما يكون هناك تعمد اختنا اسماء لان أحياناَ المسئول الأعلى لا يريد أن يكون الموظف ذو قدرة عالية لأن محدود القدرات يمكن التحكم فيه وأنا ملاحظ هذا في كثير من الدول العربية .. لأنها الوظيفة الوحيدة التي يمكن ان تضع الشخص في مستوى أعلى حتى من الرئيس .. نموذج ( كسينجر ) تحياتي الحبيب منتصر
Post: #41 Title: Re: خالد سلك .. انقلاب عسكري ,, أو انهيار الدولة Author: علي عبدالوهاب عثمان Date: 05-04-2020, 10:55 PM Parent: #40
حسب ما عايشناه عبر سنوات طويلة انضمام النشاط الى أي حزب سياسي بكون خصماً من سند الشارع له من الافضل ان يحتفظ بصفة مستقل حتى الانتخابات لأن الحزب فيه قيود وغالباً سيطرة وسيادة شخص او عائلة هذه مشكلتنا منذ الاستقلال عندما انضم النخب الى الاحزاب التقليدية واختفى بريق النخب رغم انهم كانوا خريجي جامعات عالمية كل توارى في عباءة شيخه
أمثال خالد سلك والاصم من المفترض أن يكونوا مستقلين
