عندى طاقة شمسية ؛ ما عارف عدد الصفائح كم. اها..جات الفاتورة مكتوب فيها 240 KWH فى التلاتين يوم الفاتت . يعنى شنو ؟ و دى كفاية تولع كم لمبة 60 وات . زول يشرح ببساطة شديدة لانه المخ ظلط
Post: #2 Title: Re: الصفيحة بتاعت الكهرباء الشمسية بتجيب كم ك Author: Hafiz Bashir Date: 04-22-2020, 03:35 PM Parent: #1
كهربا دي ولا صفيحة طماطم؟😂
لمبة 60 وات لو أشتغلت مدة ساعة بتستهلك 0.06 KWH لو إشتغلت اليوم كلو ولمدة شهر بتستهلك 0.06x 24x 30 = 43.2 KWH 240 KWH بتعادل إستهلاك خمسة لمبات ونص 60 watt لمدة شهر بإستمرار الحسابات دي حسابات زول جربندي لإنو ما وضع أي حساب للطاقة الضائعة بسبب مقاومة الموصلات. عشان كدا أنا حأنتظر معاك يجي مهندس يحسب لينا كمية الطاقة الضائعة
Post: #3 Title: Re: الصفيحة بتاعت الكهرباء الشمسية بتجيب كم ك Author: النصرى أمين Date: 04-22-2020, 05:51 PM Parent: #2
يعنى العذاب ده كله الانتاج ربع كيلو
Post: #4 Title: Re: الصفيحة بتاعت الكهرباء الشمسية بتجيب كم ك Author: النصرى أمين Date: 04-22-2020, 05:52 PM Parent: #3
يعنى الصفائح ده كلها يادوب تشغل سته لمبات لمدة اربع و عشرين ساعة او 12 لمبة نصف يوم
Post: #5 Title: Re: الصفيحة بتاعت الكهرباء الشمسية بتجيب كم ك Author: Abureesh Date: 04-22-2020, 06:30 PM Parent: #4
سلام النصرى
ال KWH لحساب البطارية و ليس اللوحة الشمسية.. الأخيرة تستعمل ال WATT (أو KW) و الفولت.. 12 فولت / 24 فولت - 240 وات مثلاً. البطارية عشان تشغلها بالليل. أقرأ المعلومات دى مكتوبة فى ظهر اللوحة. بعدين اقرأ الأمبير بتاع البطارية.. و جهاز التحكم بتاع اللوحة الشمسية. باشمهندس حافظ.. مقاومة طول الأسلاك تقريبا صفر و لا يعتد بها.. لأن طول الأسلاك من السقف لجوة البيت قصير جدا، لذلك المقاومة تكون أقل من أوم أو بالكتير 2 أو 3 حسب سمك السلك.
Post: #6 Title: Re: الصفيحة بتاعت الكهرباء الشمسية بتجيب كم ك Author: النصرى أمين Date: 04-22-2020, 06:59 PM Parent: #5
يا محمد عقدت لى الموضوع زيادة كدى شوف الجزء ده من الفاتورة و حدد لى الشغلانه دى مخستكة ولا لا
http://www.m9c.net/
Post: #8 Title: Re: الصفيحة بتاعت الكهرباء الشمسية بتجيب كم ك Author: Hafiz Bashir Date: 04-22-2020, 07:08 PM Parent: #6
Quote: باشمهندس حافظ
😂😂😂 حلوة منك يا أبو الريش لكن أنا عشان عارفك حتجي قلت جربندي as a disclaimer
Post: #7 Title: Re: الصفيحة بتاعت الكهرباء الشمسية بتجيب كم ك Author: احمد حمودى Date: 04-22-2020, 07:04 PM Parent: #5
Quote: ال KWH لحساب البطارية و ليس اللوحة الشمسية.. الأخيرة تستعمل ال WATT (أو KW) و الفولت.. 12 فولت / 24 فولت - 240 وات مثلاً. البطارية عشان تشغلها بالليل. أقرأ المعلومات دى مكتوبة فى ظهر اللوحة. بعدين اقرأ الأمبير بتاع البطارية.. و جهاز التحكم بتاع اللوحة الشمسية. باشمهندس حافظ.. مقاومة طول الأسلاك تقريبا صفر و لا يعتد بها.. لأن طول الأسلاك من السقف لجوة البيت قصير جدا، لذلك المقاومة تكون أقل من أوم أو بالكتير 2 أو 3 حسب سمك السلك.
والله يا باشمهندس ابوالريش حافظ شرحه بتفهم انت جيت كتبت كلام كثير بطارية وفولت جاطت معانا فى الحالة دى زى حالتنا بدخوا بى حمد وبطلعوا بى خوجلى
Post: #9 Title: Re: الصفيحة بتاعت الكهرباء الشمسية بتجيب كم ك Author: Abureesh Date: 04-22-2020, 08:26 PM Parent: #7
Quote: عقدت لى الموضوع زيادةكدى شوف الجزء ده من الفاتورة و حدد لى الشغلانه دى مخستكة ولا لا
شكرا يا النصرى، و يا دوب و قعت لى أنا كنت إتكلم عن لوحات خلايا شمسية (مترين فى متر) تشتريها و تعلقها فى السقف براك.. وهذه مستقلة تماما عن الشبكة (بتاعة الحكومة) أما بعد شفت الفاتورة فهذه حاجة مختلفة.. إنت هنا كأنك عنك شبكة كهرباء موصلة بلمباتك و برضها موصلة بالشبكة القومية.. لو إستهلاكك يساوى إنتاج اللوحات الشمسية فإن الفاتورة ستأتيك صفر .. ما فى.. و لو إستهلاكك أقل فإن جهاز التحكم يتم الباقى من الشبكة القومية.. يعنى العداد يشتغل عشان يعوض الفاقد فقط. و الفاتورة تجيك بالمعادلة التالية: جملة الإستهلاك - إنتاج اللوحات.. فلو إستهلاكك 100 KW و الطاقة الشمسية أنتجت 70 KW فإن شركة الكهرباء سترسل لك فاتورة بـ 30 KW فقط. جملة إستهلاكك 100 KW و إنتاج اللوحات 160 فإن الشركة سوف ترسل لك شيك بالفرق 160 - 100 أى قيمة 40 KW. لاحظ شركة الكهرباء لما تبيع ليك الكهرباء غالية جدا.. لكن لما إنتاجك يزيد يشتروا منك الفرق بتراب القروش.
أنا لو فى محلك أحسب الإستهلاك بتاعى و اشترى اللوحات القدره (أكتر شوية).. و لا أوصلها بشركة الكهربة... كدا عداد الشركة يكون واقف السنة كلها.. و يا دار ما دخلك شر
Post: #10 Title: Re: الصفيحة بتاعت الكهرباء الشمسية بتجيب كم ك Author: محمد البشرى الخضر Date: 04-22-2020, 09:13 PM Parent: #9
Quote: أنا لو فى محلك أحسب الإستهلاك بتاعى و اشترى اللوحات القدره (أكتر شوية).. و لا أوصلها بشركة الكهربة... كدا عداد الشركة يكون واقف السنة كلها.. و يا دار ما دخلك شر
لكن يا ابو الريش عدم التوصيل بالشبكة غير المخاطرة الفيه بحتاج منو استثمار أكبر في بطاريات عندها عمر معين لابد تتبدل و تكاليف الصيانة طالما موصبل الشبكة وعامل كردت اقتصاديا أجدى
Post: #11 Title: Re: الصفيحة بتاعت الكهرباء الشمسية بتجيب كم ك Author: Asim Ali Date: 04-22-2020, 10:33 PM Parent: #10
سلام عليكم حسب كلامك تقدر تقدر المحسوب من استهلاكك للكهرباء بعد خصم الشركه الكهربا (الشمسيه) المشتراه منك ودى طريقه حساب الكهربا المستهلكه قدرة الجهاز المسجلة على لوحة البيان والمقاسة بوحدة: ك.و.س. - زمن إستخدام الجهاز للكهرباء والمقاس بالساعة أى أن: الطاقة الكهربائية = القدرة × الزمن وتقاس وحدة الطاقة الكهربائية كالآتى 1 وحدة الطاقة الكهربائية = 1 كيلو وات ساعة الطاقة المستخدمة:المستهلكه في الشهر (كيلو وات . ساعة) = الطاقة الكهربائية المستهلكة (كيلو وات) × زمن الاستهلاك (ساعة) قيمة الاستهلاك = الطاقة المستهلكة × التعرفة
مثال ... بيت يتكون من: 5 مكيفات الطاقة كل مكيف 1500 وات ويعمل كل مكيف 8 ساعات في اليوم
5 مكيفات × 1.5كيلو وات × 8 ساعات × 30 يوم = 1800 كيلو وات . ساعة
3 سخانات ماء طاقة كل سخان 1000 وات ويعمل كل سخان 4 ساعة في اليوم 3 سخانات × 1 كيلو وات × 4ساعات × 30 يوم = 360 كيلو وات . ساعة
15 لمبة طاقة كل لمبة 100 وات وتعمل كل لمبة 6 ساعات في اليوم
15 لمبة × 0.1 كيلو وات × 6 ساعات × 30 يوم = 270 كيلو وات . ساعة
2 جهاز تلفزيون طاقة كل جهاز 200 وات ويعمل كل جهاز 10 ساعات في اليوم 2 تلفزيون × 0.2 كيلو واط × 10 ساعات × 30 يوم = 120 كيلو واط . ساعة
مكنسة كهربائية طاقتها 1600 وات وتعمل 4 ساعات في اليوم 1 مكنسة × 1.6 كيلو وات× 4 ساعات × 30 يوم = 192 كيلو وات . ساعة
مكوى ملابس طاقتها 1400 وات وتعمل 4 ساعات في اليوم 1 مكوى × 1.4 كيلو وات × 4 ساعات × 30 يوم = 168 كيلو وات . ساعة
جهاز توستر طاقته 1200 وات ويعمل ساعة واحدة في اليوم 1 توستر × 1.2 كيلو وات × 6 ساعات × 30 يوم = 216 كيلو وات . ساعة
غسالة ملابس طاقتها 1200 وات وتعمل 6 ساعات في اليوم 1 غسالة × 1.2 كياو وات × 6 ساعات × 30 يوم = 216 كيلو وات . ساعة
أجهزة أخرى متوسط طاقتها 120 وات وتعمل ساعة واحدة في اليوم 1 × 0.12 كيلو وات × 1 × 30 = 3.6 كيلو وات . ساعة
إجمالي الاستهلاك = 3345.6 كيو وات . ساعة -------------------------------------------------------------- مكيف سبليت قدرة 18000 وحدة حرارية يستهلك 2.5 كيلوات/ساعة مكيف سبليت قدرة 24000 وحدة حرارية يستهلك 3 كيلوات/ساعة مكيف صحراوي 1/2 حصان يستهلك 0.375 كيلوات/ ساعة مكواة الكهربائية تستهلك 1 كيلوات/ ساعة ثلاجة 400 لتر تستهلك 0.35 كيلوات/ ساعة فريزر 400 لتر يستهلك 0.15 كيلوات/ ساعة مايكروويف يستهلك 1.5 كيلوات/ ساعة غسالة ملابس 44 لتر تستهلك 0.75 كيلوات/ ساعة ................................................................................................... جدول استهلاك الأجهزة الكهربائية (عند درجة حرارة معتدلة 30 - 35 درجة مئوية) :
Post: #12 Title: Re: الصفيحة بتاعت الكهرباء الشمسية بتجيب كم ك Author: Abureesh Date: 04-23-2020, 04:45 AM Parent: #11
شكرا يا عـاصم.. هذه تفاصيل ما أجملته أنا فى المعادلة البسيطة.. و ما كل مستهلك يقدر على الحسابات دى.. تقلب المكوة عشان تقرأ ال watt rating بتاعها :-) و أسهل من دى إنك تشوف الفواتير قبل شرائك للطاقة الشمسية (لحوالى 3 شهور فى الشتاء لو كنت فى أوروبا، أو 3 شهور فى الصيف لو كنت فى افريقيا).. تأخذ المتوسط و تضيف عليه 10%.. قول النتيجة جات 100 KWH.. على كدا تكون عرفت عدد اللوحات التى تحتاجها.
Post: #13 Title: Re: الصفيحة بتاعت الكهرباء الشمسية بتجيب كم ك Author: النصرى أمين Date: 04-23-2020, 05:49 PM Parent: #12
نعم يا محمد حسب الاتفاق ؛ لو انتاج صفائحنا اكتر من استهلاكنا ..نبيع للشبكة القومية و العكس ايضا صحيح.. لكن فوجئت ان الإنتاج تعبان شديد مايزيد عن ربع كيلو و توفير فقط 15 دولار. نهاية اليوم حاحسب عدد اللوحات فوق سقف المبنى عشان نقدر نقدر متوسط انتاج اللوحة الواحدة
Post: #14 Title: Re: الصفيحة بتاعت الكهرباء الشمسية بتجيب كم ك Author: عبدالله الشقليني Date: 04-24-2020, 03:55 PM Parent: #1
Post: #15 Title: Re: الصفيحة بتاعت الكهرباء الشمسية بتجيب كم ك Author: Abureesh Date: 04-24-2020, 06:34 PM Parent: #14
شكرا يا استاذ عبد الله. Very informative and highly professional presentation.
Post: #16 Title: Re: الصفيحة بتاعت الكهرباء الشمسية بتجيب كم ك Author: النصرى أمين Date: 04-26-2020, 04:32 AM Parent: #15
يا سلام يا عاصم معلومات قيمة جدا ؛ قبل فترة اتصل بى شخص يرغب فى معلومات عن تزويد المدارس الحكومية فى السودان بالطاقة الشمسية للاسف لم احصل على احتياجات كل مدرسة ؛ المعلومات التى اوردتها فى البوست ممكن الواحد يصل لتقديرات معقولة لكل مدرسة
Post: #17 Title: Re: الصفيحة بتاعت الكهرباء الشمسية بتجيب كم ك Author: النصرى أمين Date: 04-26-2020, 04:37 AM Parent: #16
شكرا شقلينى على الفيديو المفيد.
مشيت حسبت اللوحات فى راسلبيت ، حوالى 12 لوح مقاس اثنين قدم فى تلاته قدم. انا مستغرب كيف 12 لوح ينتجوا ربع كيلووات فى الشهر كله
