Post: #1
Title: في سنجة اليوم المنقة عبوة الكرتونية بي 20 + الكرتونية فاضية بي 50
Author: Osman Musa
Date: 04-22-2020, 10:13 AM
Parent: #0
10:13 AM April, 22 2020 سودانيز اون لاين
Osman Musa-
مكتبتى
رابط مختصر
يعني كرتونة المنقة في سنجة مليانة بي 70 جنيه .
في الخرطوم بين ال 400 و ال 350.
التجار بشتروها فلت . ويجو يبيعوها في
الخرطوم .
اعرف أخ من الشباب الكانوا شغالين في السعودية .
جاب من سنجة خمسة لواري فعلت وعمل ليها تعبية ممتازة
و وزعها كلها في يوم للثلاجات في السوق
المحلي الخرطوم . وطوالي قلب الربح دولار
الخمسة شحنات عملت ليه 6500 دولار كلها في 3 أيام
والان شغال في الشحنة التانية . طبعا الكرتون في
الخرطوم سعرو اقل كتير من سنجة .
..
ده السودان بلد العجايب .
|
Post: #2
Title: Re: في سنجة اليوم المنقة عبوة الكرتونية بي 20 +
Author: Osman Musa
Date: 04-22-2020, 11:10 AM
Parent: #1
قال في ال 3 أسابيع دي لو ما عمل ليه 3 مليار ربح
معناتو السوق مخستك .
|
Post: #3
Title: Re: في سنجة اليوم المنقة عبوة الكرتونية بي 20 +
Author: Osman Musa
Date: 04-22-2020, 02:43 PM
Parent: #2
تخيل شكل منقة سنجة .
و تخيل شكل النيل في سنجة .
و الأرض في سنجة و طعم الأرض في سنجة .
و تخيل حجم كسل الحكومة هناك
وحجم الإهمال .
و حجم إهدار الثروة .
|
Post: #4
Title: Re: في سنجة اليوم المنقة عبوة الكرتونية بي 20 +
Author: علي عبدالوهاب عثمان
Date: 04-22-2020, 02:54 PM
الحبيب عثمان .. تحياتي
هنا في جدة اليوم قبل الحظر تقريباً الساعة الثانية ظهراً
أنا كنت في اسواق بندة
كيلو المنقه اليمني أسوا نوع بـ (17 ) ريال
ريال = 30 جنيه
نوع منقة سجنة يمكن تتباع بأكثر 25 ريال للكيلو
ربح مضمون حتى لو تم النقل بالطائرة
كلها ساعة وأقل من الخرطوم
تحياتي .. الحبيب عثمان .. نسخة مع التحية لوزير الزراعة ونسخة مع التحية لوزير التجارة
|
Post: #5
Title: Re: في سنجة اليوم المنقة عبوة الكرتونية بي 20 +
Author: Osman Musa
Date: 04-22-2020, 04:21 PM
Parent: #4
الأخ علي سلامات
قبل حوالي عشرة أيام اشتدت الطلبيات علي السلع السودانية
للخليج عامة . والسلع السودانية معروفة بجودتها العالية .
لكن العترسة و عدم الخبرة و الخمول و التلكع في سرعة الشحن
و الجهل و مجموعة من المشاكل حالت دون وصول السلع المطلوبة
و منعت الاقتصاد السوداني من كسب الكثير من العملات الصعبة .
و تحولت الفرصة الي جمهورية مصر العربية .
|
Post: #6
Title: Re: في سنجة اليوم المنقة عبوة الكرتونية بي 20 +
Author: احمد عمر محمد
Date: 04-22-2020, 06:30 PM
Parent: #5
يبدو ان معيقات التصدير القدبم كما هي ما زالت تمنع من وصول
المنتج السوداني لسوق الخليح برغم ان سوق الخليج منفتح للاخر
فاذا كانت الان الثلاجات تعج بفاكهة وخضار من كل بقاع الارض
فما المانع من ان ينافس المارد السوداني و يعتبر من اقرب الاسواق
للخليج
عموما يا استاذ عثمان نحن جاهزين بشركات التصدير وتقديم الخدمات من
المزرعة الى المستهلك الا بس وينهم العاوزين يصدروا
تحياتي
|
Post: #7
Title: Re: في سنجة اليوم المنقة عبوة الكرتونية بي 20 +
Author: Osman Musa
Date: 04-23-2020, 12:34 PM
Parent: #6
الأخ أحمد سلامات
البلد دي مليانة خير لاحدي ما مدفق.
و خيرو مطلوب في الخارج بشدة. و اسعار حلوة .
لكن يا أخ احمد أول ما تبتدي موضوع التصدير
تظهر ليك المافيا من الجهات الأربعة.
دولة قوية تقيف في طريقك .
دولة قوية تحاربك و تفشلك بي كل الطرق .
المشكلة يا أخ احمد محتاجة حل من فوق .
|
Post: #8
Title: Re: في سنجة اليوم المنقة عبوة الكرتونية بي 20 +
Author: Osman Musa
Date: 04-23-2020, 05:12 PM
Parent: #7
وهناك خلاف منقة سنجة .
منقة ابو جبيهة.
و كسلاء
وشندي
والزيداب والطفرة الضخمة في تطعيم وتجارب
انواع جديدة وأسماء مختلفة من المنقة في
منطقة مشروع الزيداب .
|
Post: #9
Title: Re: في سنجة اليوم المنقة عبوة الكرتونية بي 20 +
Author: احمد عمر محمد
Date: 04-23-2020, 09:31 PM
Parent: #8
عارف يا ود موسى
كنت في السودان اواخر فبراير وحتى العاشر من مارس
وكانت طوكر والشمالية قد طرحتا ثمارهما فكان دستة
البرتقال والتي تعادل زنة ما يقرب من ال3 كيلو بقيمة
100 جنيه للبرتقال للمستهلك النهائي ودستة المنقا حوالي 250
جنيه فكان البرتقال يعادل وقتها بالسوق الموازي واحد دولار
لثلاثة كيلوغرامات او 33 سنتا للكيلو بينما الكيلو للبرتقال
ابو صرة المصري والذي تعج به اسواق الخليج فأن الكيلو
بما يعادل دولار ونص اي الثلاثة كيلو بحولي 4 ونص
الى خمسة دولار بينما اليلو في السودان للمستهلك النهائي
فقط بثلاثين سنتا وقد تكون من التاجر بنصف هذه القيمة
ويجد المواطن العادي صعوبة في الحصول على هذه الفاكهة
نسبة لان السعر يعتبر بالنسبة له عالي
فانظر هذه الفروقات ثم اننا لا نستفيد من هذه الفرص
والمشكلة كما ذكرت اذا فكرت في امر التصدير ظهرت
لك العوارض هنا و الجبايات و الاشتراطات وحيث ان
هذه الاشياء تحتاج الى سرعة لانها معرضة للتلف لذا
تضيع الفرص من التجار للدخول للسوق الخليجي
تحياتي
|
|