Post: #1
Title: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 08:47 AM
08:47 AM April, 14 2020 سودانيز اون لاين
اخلاص عبدالرحمن المشرف-
مكتبتى
رابط مختصر
نحن ناس زراعة يا حمدوك
وناس رعي ومراعي يا حمدوك
الليمون في دول الخليج زاد 3 أضعاف
خليك واعي وزيد سعرك ضعفين -ضعفين ونص
كان بصل كان لحم زيد بالمعقول
تربح والتاجر في الخليج ربح و حمد سيدو
واشتري مواد بترولية الان وتسليم بعد ثلاثة شهور
وحصاد الصادر اول ب اول يا حمدكه
رباطين السوق ديل لازم تأديبهم يا حمدكه
والزول الطلع في التلفزيون يقول لازم يصدر
خرفانه خليه يعرف انه زول شفقان وباع رخيص
كل ما أتذكره أقول جشع وما عارف مصلحته
وشكراً حمدك
|
Post: #2
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 08:55 AM
Parent: #1
وبتاعين العدة يا ناس المحليات
معقول جاء من بلده يستثمر في العدة
ناقصين عدة نحن، متذكرينهم عملوا شنو؟
غالباً تجار عملة وتهريب دولار ، وتكون جاءته
كورونا من القروش ، في الصين عقموا العملة .
رشوهم رشاهم بلاء وشفو لو لقيتو عندهم عملة
ودوهم الإصلاحية لو ما بتقدروا تسجنوهم.
الناس مقامات والدول برضو
|
Post: #3
Title: Re: املأ الخزنة يا حمدوك
Author: ABUHUSSEIN
Date: 04-14-2020, 09:00 AM
Parent: #1
دكتورتنا السلام عليكم و رحمة الله
فعلا الزراعة و الماشية هم الحل الصحيح و الاسرع لمشكلتنا المستعصية
و تصديرهم ما محتاج للكتير لأن السوق قريب فقط التجويد
السوق الخليجي ممكن يشتري كل المنتجات السودانية لجودتها
تحياتي و احترامي
|
Post: #4
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 09:09 AM
Parent: #3
اهلاً استاذABUHUSSEIN
الخليج سوق قديم لنا وعلاقتنا به وطيده
وما أظن زيادة بسيطة في زمن الشدة تؤثر
ونضمن لهم صادر متواصل وعالي الجودة
تجارهم زادوا السعر ، ونحن الخزنة فاضية
ونضمن الناس النقاقة ال عندنا تبطل نقة
|
Post: #5
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 09:15 AM
Parent: #4
الأسواق ح تقفل وسوق الحلة عليه الاعتماد
وناس البكاسي بيعهم بدري وبتخارجوا
حدك الدكان الجنبك ولو لقيت زحمة ارجع
والصف بينك وبين التأني متر ونص .
ما تسلم وبتاع المخبز يا ريت يلبس
جونتي ،. حافظ علي نفسك يا زول
وحافظ علي أهلك ، معقم ما تنسي
وال ما عندهم صابون الغسيل بمشي الحال
أنت ثروتنا الأولي ف ساعدنا بالتزام الارشادات
|
Post: #6
Title: Re: املأ الخزنة يا حمدوك
Author: Gafar Bashir
Date: 04-14-2020, 10:02 AM
Parent: #5
سلام
وبالمرة بالله نداء لوزير المالية معاك
في عهد الكورونا الحكومات بتدعم الشعب
ما بترفع عنو الدعم
مع الحظر
|
Post: #7
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 10:13 AM
Parent: #6
اهلاً استاذ جعفر بشير
دعم الخبز والجازولين اما البنزين ف عليه تحفظ
وبعدين البنزين غير الحوامة ما منو فائده
لو اشتري الان بالرخيص ( ما في مستودعات
تشيل كثير ) قصاد صادر اللحوم والخضراوات
ممكن الفترة الانتقالية كلها تمر بسلام ، ساعدوهم
بالأفكار والعلاقات والتوعية وبعدين نحاسب ، الكيزان
متربصين ( ودي من عندي مزاج[و العسكر] )
|
Post: #8
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 10:23 AM
Parent: #7
وبالمرة ديوان الزكاة يكون تبع لوزارة المالية
وتؤخذ من امواله لدعم الموظفين ( مرتب يخلص
من يوم 5 في الشهر ) والمعسكرات .
مال الدولة جميعه يجب ان يكون تحت إشراف
وزارة المالية فأغلبه جباية من المغتربين
|
Post: #9
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 10:36 AM
Parent: #8
دكاكين الأوقاف وأراضي الأوقاف يا الوزير مفرح
ترجع للمالية وتتراجع ، وأوقاف مكة والمدينة تفتح ملفاتها
ح نحاسبهم وبالقانون
هم اخفوا دلائل جرمهم ولكن لجان المراجعة لو صاحية
بنجيب التائهة ، ومساجد ( الضرار ) تراجع .
كلو بالقانون
|
Post: #10
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 10:42 AM
Parent: #9
فساد الأراضي ده ( سيل الوادي المنحدر الما بتقدر)
اشتروا أراضي النيل وزوروا جزء كبير ، بيع من مالك مات
او مزارع لا يملك لو رايتم التواريخ يمكن تطلعوا بشئ
الميتين البائعين وزمن البيع ، والخطة الإسكانية او الكباري
التي أنشئت ، ما حدث في الأراضي فساد ممنهج .
سيل الوادي المنحدر
|
Post: #11
Title: Re: املأ الخزنة يا حمدوك
Author: عمر التاج
Date: 04-14-2020, 10:45 AM
Parent: #9
إذا كان حمدوك ووزرائه يفهمون شيئا في الاقتصاد
لادركوا ان عالم ما بعد الكورونا هو عالم الإنتاج الزراعي والحيواني
وان الفرصة قد جاءت تقدل للسودان لينهض من كبوته ويصبح سلة غذاء العالم..
وإذا ادركوا ذاك فالوضع لا يحتمل غير اتجاهين:
التوسع الكبير في استصلاح الأراضي وقيام المشاريع الزرعية العملاقة على النهج الذي انتهجته شركة زادنا من قبل.. والمطلوب هنا استيراد كمية ضخمة من الرشاشات ودعمها من قبل الدولة وتوزيعها للمزارعين باقساط وتسهيلات بسيطة.
الاتجاه الثاني هو خفض تكلفة الانتاج: وذلك بدعم الجازولين والاستفادة من الطاقة الشمسية والاعفاءات من الرسوم المخصصة للإنتاج الزراعي والحيواني والصناعي القائم عليها..
غير كده خانظل دولة تصنع الفشل وتدمن الشحدة الي يوم الدين
مع التحايا لك يا دكتورة وضيوفك
|
Post: #12
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 10:53 AM
Parent: #11
اهلاً استاذ عمر التاج
ما قلت الا صدقاً ، الصين قد تكون مهتمة ، افضل
اسواقنا التقليدية ، ولازم التوسع كما شرحت انت يا عمر
التصدير ومعيناته من تعليب وحفظ وتبريد وتجفيف هو
طريقنا ، اذكر دكتورببطري قام بتحسين وتوليد الخراف
الخروف قدر البقرة ، وناس السمسم والزيوت ، محتاجين
مساعدة وشعب يكافح ويقلل من الخلافات والنقة وسياسين
يبطلوا المكايدة
|
Post: #13
Title: Re: املأ الخزنة يا حمدوك
Author: Fatima Alhaj
Date: 04-14-2020, 11:00 AM
Parent: #1
دكتورتنا سلام
اول شيء عايزة اسلام وعساكم طيبين
و ربي يحفظكم ويحفظنا.
ثانيا كل ما طُرح ، كلام يدخل الدماغ فهل من مستمع ؟ عسى.
|
Post: #14
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 11:30 AM
Parent: #13
أهلاً الحبيبة فاطمة الحاج
ومشتاقين
و أهديك من أشعار ازهري محمد علي
يافطون
فطن حميد فطمنا غنانا
لاطاطينا لاسبنا الخيول تاطانا
يادى البلاد الكل ماطايبتها
طاب ليها فى النفق المقام
زوجتها الحلم الجميل
خطبت خفافيش الضلام
وغنيته ما شاء الهديل
رطنت بما شاء الامام
راوضتنى وروضت كل الحواس
وهدهدت فى صحوى
شهوات المنام
ياطفله ابلغ من غناى
واجله عن كل الكلام
فرت ضفايرها ضفتين
والرمش تعريشة غمام
والثغر شخبين من حليب
والصدر برجين للحمام
جلست فما ابهى الجلوس
وقامت فما اسمى القيام
دخلت على الناس المسره
ومرقت على الارض السلام
|
Post: #15
Title: Re: املأ الخزنة يا حمدوك
Author: علي عبدالوهاب عثمان
Date: 04-14-2020, 08:12 PM
Parent: #14
دكتورتنا تحياتي ..
انا مع حبس الكورونا بقيت من تربال من ضواحي الدنيا الى باحث اقتصادي
رجعت قبل شوية من سوق قريب من البيت
واتصفح موقع سونا لمعرفة تطورات الكورونا في السودان
وجدت هذا الخبر وتركت موضوع الكورونا نهائي الخبر كما يلي :
((( سجل محصول السمسم بسوق الدمازين المركزي بولاية النيل الأزرق اليوم الثلاثاء أعلى سعر للقنطار 5400 جنيه
وأدنى سعر 5300 جنيه، فيما سجل قنطار الكركدي 3100 جنيه وقنطار الفول المقشور 3000 جنيه )))
نقارن بين جدة والدمازين : مع ملاحظة ان المسافة يمكن 400 كلم :
كيلو السمسم الابيض في اسواق جدة = 25 ريال بسوق الموازي 1000جنيه سوداني والقنطار في السودان (5400) = قيمة 6 كيلو في السعودية
القول السوداني هنا = 20 ريتل بالسوق الموازي 800 جنيه سوداني والقنطار في السودان (3000) = قيمة 4 كيلو في السعودية
رغم انني كنت أكره الرياضيات واستاذ الرياضيات ولا اعرف التعامل مع الارقام
تخيلوا الفرق في الاسعار ..
يا ريت ولدنا وزير التجارة يقرا البوست ده .. عندي اقتراح التجارة والمال لازم الوزير يكون لديه خبرة
عملية في التجارة .. يعني تاجر عديل زي ترامب عشان يعرف كيف يجيب القروش
ما تقولوا لي شهادة ودكتوراه في الاقتصاد .. تنظير في ينفع في القروش
تكون تاجر ابن ستين تاجر
تحياتي الدكتورة اخلاص .. انا بقيت منظر اقتصادي وسياسي .. التراث في اجازة
|
Post: #16
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-14-2020, 09:19 PM
Parent: #15
اهلاً استاذنا علي عبدالوهاب عثمان ع ع ع
الخبرة مهمة ، وأنت أكيد بتكون عندك معرفة ، خاصة
في أسعار المحاصيل وارتفاعها وانخفاضها بحكم انك
تربال والمحصول والإنتاج هو ال يغطي كل مصاريفك .
الخبرة العملية مهمة والاحتكاك العملي ، اذكر ودالجبل
مرة نطق اسم منتج خطأ واحد من حملة الشهادات صلحو
رد ود الجبل انت انطقها وانا ال بعرف استعملها .
ان شاء الله يعرفوا يسوقوا الإنتاج بسعر مجزئ للسودان
ويكون مقبول للمشترين . لانه نحن نفسنا مع الكورونا ح نكون
محتاجين لجزء كبير من الإنتاج للاستهلاك بالذات لو استمرت
مشكلة كورونا والحظر والخسائر ، وكل عجلة الإنتاج ح تتوفق
ويمكن يكون في شراء من الأسر لتغطية فترة طويلة ، كورونا
خلقت وضع غير مسبوق ويمكن في لحظة يكون همنا فقط
الداخل .
|
Post: #17
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-21-2020, 12:56 PM
Parent: #16
هل امتلأت مستودعاتنا بالبترول.
اللهم اكفينا شر الكوروناوارزقنا رزقاً حلالاً
من غير تعب ولا نصب .
|
Post: #18
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-23-2020, 05:35 AM
Parent: #17
الافندية والعساكر طفشوا المزارعين
العروة الصيفية في الشمالية بقت مجهجهة
والسبب ساعوري وافندية الخرطوم ال نصهم
سماسرة قال شنو شوال القمح ب 3000 جنية
الزرع الان قال ما ح بزرع الصيفية
انت يا ساعوري وافندية الخرطوم ما شايفين
ناس مجموعة العشرين تفتش للأمن الغذائي
الطابور الخامس انتو ، فلاحتكم في المزارع
زيدوا السعر و ما تتسببوا في كارثة لناس مجموعة
ال عشرين ، الجماعة ما ح يزرعوا بعد ده
زيدوا السعر عشان تضمنوا للصيفية
|
Post: #21
Title: Re: املأ الخزنة يا حمدوك
Author: اخلاص عبدالرحمن المشرف
Date: 04-23-2020, 12:58 PM
Parent: #20
رغم ان الطلب غريب وتحديد ماذا تأكل الشعوب
الا ان جائحة كورونا جعلت البشرية في مواجهات
اخطار لم تستعد لها ، وقد تتجه الصين ما اجل صحة
شعبها لاستهلاك اللحوم المعروفة .
اللحوم السودانية يمكن آذا ما توسعنا ان تكفي الإقليم
وتصدر السوق الصينية
|
|