الاحباب الكرام قرأت هذا العنوان في موقع الانتباهة الاخباري يا ريت احد الاحباب ينزل لينا الاغنية هل حقيقة الاغنية اصبحت مشهورة أو مبالغة بس ========================== لخرطوم: الانتباهة أون لاين نشر نجما أغنية الطنبور عبد القيوم الشريف وجعفر السقيد أغنية توعوية عن خطر فايروس كورونا الذي اجتاح العالم. وسرعان ما تم تداول المقطع على نطاق واسع حتى تجاوز حدود السودان وجذب أنظار العالم. وأفردت عدد من القنوات العالمية وأشهرها قناة الجزيرة القطرية مساحة واسعة للأغنية في برامجها. وتقول كلمات الأغنية التي تصدرت عدداً من المواقع والفضائيات: إيمانا بالله وعليهو ربونا .. يحمينا من داءً سموهو كورونا ياشافي يا كافي الأمة مسجونة .. في حيرة من أمرها أبقالها في عونها كورونا .. كورونا جرثومة أو حشرة .. غسل إيدينك تمام وأصابعك العشرة عشان صحة الإنسان .. دايرك تكون تكون عشرة لا تبقى زولاً ضار .. العطسة بي عشرة العدوى تبقى سريع .. من عشرة لي عشرة ألزم قعاد قعاد بيتك .. من زحمة العشرة عقم مكان نومك .. ما تصافح العشرة أتبع كلام هاديك .. لا تخالط العشرة كوورنا داء ضار .. كورونا داءً ضار جاء وقاصد البشرا عم البلاد من جم في العالم إنتشرا
Post: #2 Title: Re: أغنية سودانية عن كورونا تجذب أنظار العالم Author: محمد محمد قاضي Date: 04-09-2020, 06:54 PM Parent: #1
سلام أستاذنا علي ربنا ينجي الجميع إن شاء الله ويرفع البلاء
Post: #3 Title: Re: أغنية سودانية عن كورونا تجذب أنظار العالم Author: علي عبدالوهاب عثمان Date: 04-09-2020, 07:06 PM Parent: #2
قاضنتود امبس شكرا كثيرا على الفيديو يا سلام بالطنبور وزي السوداني أهلي الشايقية ديل مبدعين بالفطرة اكيد تتمسك بأصلك وتراثك تدهش العالم
مشكلتنا نحن في الاغاني النوبية تركنا الطنبور للاورغان
تحياتي قاضنتود .. حتى زي انيق ..
Post: #4 Title: Re: أغنية سودانية عن كورونا تجذب أنظار العالم Author: Arif Nashed Date: 04-09-2020, 07:38 PM Parent: #3
حبيبنا علي امبس تحياتي. العالم الآخر ده الغير ناطق بالعربية فهموا معانيها كيف! حتي الناطقين بالعربية لا أظنهم يفهمونها! دي تهاويل السودانيين.
أما بالنسبة لنا كسودانيين نعتبره عمل ممتاز ويدخل في نطاق التوعية بالكرونا.
بالمناسبة متابع بوست الرطانة ومنه عرفت معني امبس. مودتي.
Post: #5 Title: Re: أغنية سودانية عن كورونا تجذب أنظار العالم Author: علي عبدالوهاب عثمان Date: 04-09-2020, 07:51 PM Parent: #4
حبيبنا الجميل عارف .. تحياتي أنا استغربت عندما قرات الخبر ولهذا فتحت البوست نعم الحبيب ( أمبس ) معناه ( أخي ) بس بالنوبية فيها كمية من العاطفة غايتو أنا عندي أهلي الشايقية ديل ناس فن بالفطرة قالوا الاغنية ظهرت في قناة الجزيرة
تحياتي يا جميل
Post: #6 Title: Re: أغنية سودانية عن كورونا تجذب أنظار العالم Author: علاء سيداحمد Date: 04-09-2020, 10:01 PM Parent: #5
على امبس وضيوف البوست مع التحية
جعفر السقيد وعبدالقيوم الشريف - كورونا أغنية توعوية
Post: #7 Title: Re: أغنية سودانية عن كورونا تجذب أنظار العالم Author: علي عبدالوهاب عثمان Date: 04-09-2020, 10:08 PM Parent: #6
شكرا علاء امبس جعفر السقيد والشريف شوف اغاني الطنبور يمكن اللحن والاداء في نفس اليوم آلة في غاية الجمال يا ريت شبابنا يرجعوا للطنبور زي زمان طبعاً ملك الطنبور بدون منازع وردي رحمه الله
تحياتي علاء امبس
Post: #8 Title: Re: أغنية سودانية عن كورونا تجذب أنظار العالم Author: امتثال عبدالله Date: 04-09-2020, 10:28 PM Parent: #7
ابداع ...ابداع ....وروعة .... وشكرا للفنان الذي يستاهل اوسكار خمس نجوم
Post: #9 Title: Re: أغنية سودانية عن كورونا تجذب أنظار العالم Author: علي عبدالوهاب عثمان Date: 04-09-2020, 10:35 PM Parent: #8
الابنة الاميرة .. تحياتي شكرا على الحضور شباب رائعين .. ديل أهلي الشايقية فنانين بالفطرة