Post: #1
Title: كرامة تكافي الكورونا في كدباس حضروها 2 مليون ذاكر
Author: Osman Musa
Date: 04-02-2020, 12:06 PM
12:06 PM April, 02 2020 سودانيز اون لاين
Osman Musa-
مكتبتى
رابط مختصر
حوالي اتنين مليون من دراويش القادرية
حضروا كرامة الرجبية في كدباس .
كرامة تكافي الكورونا وتبعد البلاء .
كانت ملمة ما حصلت في تاريخ السودان .
|
Post: #2
Title: Re: كرامة تكافي الكورونا في كدباس حضروها 2 مل
Author: امتثال عبدالله
Date: 04-02-2020, 02:08 PM
Parent: #1
والمصيبة ان لمتهم مع بعض في مكان واحد هي الحتساعد في انتشار الكرونا
والنتيجة تجي عكسية ،،،
ربنا ابعد عن العالم وباء الكرونا،،،
|
Post: #3
Title: Re: كرامة تكافي الكورونا في كدباس حضروها 2 مل
Author: Osman Musa
Date: 04-02-2020, 05:35 PM
Parent: #2
طبعا يا امتثال احتفال الطريقة القادرية بالرجبية
هو احتفال سنوي بمناسبة دخول شهر رجب .
يوم يذكر فيه اسم الله .
ودي طبعا عقيدة الاحباب القادرية .
بس السنة دي كانت المناسبة من حيث تعداد الذاكرين الطالبين
من الله ان يكفيهم شر فيروس كورونا مختلفة .
حشد كبير من القادرية والمريدين .
والحمد لله تفرق الجميع في سلام بدون ظهور حالة واحدة .
بدون ضجة . بدون لمة شرطة .
بدون اي هرجلة .
دراويش في قمة التمدن .
عموم الذاكرين حضروا من داخل أقاليم السودان .
يا ريت لو نشوف فيديو الرجبية في كدباس .
ماشاء الله عليهم .
|
Post: #4
Title: Re: كرامة تكافي الكورونا في كدباس حضروها 2 مل
Author: Osman Musa
Date: 04-03-2020, 10:13 AM
Parent: #3
كان يحدث فيني الدرويش الحاج سعيد عن كرامة الرجبية في كدباس في ده العام . عام الكورونا .
قال لي الأمة دي كلها ذكرت الله بي فد صوت .
فيهم الترجم .
وفيهم الإنجذب .
وفي باحة المسجد اتشدت طناجر بليلة العيش بي لحم البقر .
بوخ بليلة العيش داقي في السماء .
والحيران واقعيين ردم في الحطب تحت الطناجر .
بوخ يكافي البلاء .
اتنين مليون ذاكر هزوا الأرض هز في طلب الصحة والعافية والرحمة والسلامة .
|
|