الي كل الأحبة والأصدقاء الذين نعلمنا على اياديهم هنا ســـــــــــــــلام الي كل اخواتي واخوتي الذين فارقتهم زمنا عدت اليكم بالمحبة مرحبا بكم رحبوا بي رجاء مشتهي لي بكية كبرنا وبقى كل شئ بنبكي عليهو احبكم
Post: #2 Title: Re: بوســــــــت ترحـــيـــب بــــي في زمن ا Author: نعمات عماد Date: 03-29-2020, 01:24 PM Parent: #1
مرحب الف بالنجوم الهلت في زمن الخوف و البكاء 😭😭😭
Post: #3 Title: Re: بوســــــــت ترحـــيـــب بــــي في زمن ا Author: احمد حمودى Date: 03-29-2020, 01:25 PM Parent: #1
اهلا بالحبيب السنى دفع الله والله الشوق بحور وربنا يديك الصحة والعافية مع وليداتك يا رب
Post: #4 Title: Re: بوســــــــت ترحـــيـــب بــــي في زمن ا Author: علي عبدالوهاب عثمان Date: 03-29-2020, 01:29 PM Parent: #3
اهلا بالفنان المبدع يا سلام يا جيمل
عقبال حضور الامير بدرالدين
Post: #5 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 03-29-2020, 01:32 PM Parent: #3
اختي نعمات لك السلامة وشكرا لمرورك واستقبالك الرائع في زمن الكارونا وشلتي مني البكاء والخوف ربنا يقرحك ويسعدك طول العمر
Post: #6 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 03-29-2020, 01:36 PM Parent: #5
احمد حمودي والاشواق خريف ويسلمو ا كل الحولك محبتي
Post: #7 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 03-29-2020, 01:38 PM Parent: #6
Post: #8 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 03-29-2020, 01:40 PM Parent: #7
علي ود عبدالوهاب تحياتي وتقديري افراح محل ما تقبل
Post: #9 Title: Re: بوســــــــت ترحـــيـــب بــــي في زمن ا Author: محمد قسم الله محمد Date: 03-29-2020, 01:42 PM Parent: #7
نجم النجوم .. المبدع محمد السني الذي طالما عشقناك من خلف الشاشة.. من مدني سلام .. دمتَ بخير.
Post: #10 Title: Re: بوســــــــت ترحـــيـــب بــــي في زمن ا Author: Zakaria Fadel Date: 03-29-2020, 01:43 PM Parent: #6
تحية لك اخونا المبدع محمد السني قبل أيام كنت أشاهد مقاطع قديمة لمحطة التلفزيون الأهلية بالتحديد المقابلة التي اجريتها انت مع الفنان ( ضجة ازعاج) عاد لي الشباب عندما أسرفت في الضحك فكيف لنا أن نتركك تبكي يا من اضحكتنا كثيرا؟ لا و الله
Post: #11 Title: Re: بوســــــــت ترحـــيـــب بــــي في زمن ا Author: أبوذر بابكر Date: 03-29-2020, 01:58 PM Parent: #1
نحن البنجيك ياخ
شايلين افراح تملا الدنيا عطر الريحان شوق الحبان واجمل منيه
زى ما غني حبيبنا أحمد شاويش
ازيك يا سمين
سمين ب حرف الثاء ما ب السين
ولا أقول ليك
ياخ الاتنين
ههههههههه
Post: #12 Title: Re: بوســــــــت ترحـــيـــب بــــي في زمن ا Author: Yasir Elsharif Date: 03-29-2020, 02:16 PM Parent: #11
مرحبا بعودتك لسودانيز يا أستاذ محمد السني دفع الله وعساك طيب والأسرة بخير والأهل
Post: #13 Title: Re: بوســــــــت ترحـــيـــب بــــي في زمن ا Author: Deng Date: 03-29-2020, 02:35 PM Parent: #12
حبيبنا السني
أيه المفاجئة الحلوة دي!
أنشالله تبقى في المنبر دائما، وما تبقى فترة وجودتك مع الكرونا فقط.
أنت في بالي الايام الماضية ولازم أتصل عليك .
Post: #14 Title: Re: بوســــــــت ترحـــيـــب بــــي في زمن ا Author: Kostawi Date: 03-29-2020, 02:54 PM Parent: #13
Waw محمد السني...؟ إحتمال دا يكون هكر...نحن نطالب بفيديو...محمد السني مرحب بيك يا زول if you are the one
Kostawi
Post: #15 Title: Re: بوســــــــت ترحـــيـــب بــــي في زمن ا Author: عبدالعظيم عثمان Date: 03-29-2020, 03:03 PM Parent: #14
مليون مراحب بالطول الفنان الشفيف محمد السني نورت بيتك
Post: #16 Title: Re: بوســــــــت ترحـــيـــب بــــي في زمن ا Author: najma Date: 03-29-2020, 03:30 PM Parent: #15
🎊🎊المنبر باعضاءة يرحب بك الكل يتبسم ويتوهج فرحاً بقدومك كل شيء ينمق عبارات الترحيب ويصوغ كلمات الحب لوجودك الكل ينتظر مشاركاتك وقلمك الرائع وأبداعاتك الكل يردد حياك🎊🎊🎊 ابو سامى نورت وبطلتك المنبر نور والله نور يااحلى زول للان مابنسي ترحيبك بي في الدوحة وانك اول من وقعت عيناى على في هذا البلد وحسيت براحة لشوفتك يخليك ياغالى يارب❤
Post: #17 Title: Re: بوســــــــت ترحـــيـــب بــــي في زمن ا Author: Kostawi Date: 03-29-2020, 03:40 PM Parent: #16
شوفي يا نجمة زولك الأشتر و المشاتر الا سمو بدر ما تخليو يخش في البوست دا...أوعك و المفراكة هي سلاح لدماره الوقتي...ههههه
Post: #18 Title: Re: بوســــــــت ترحـــيـــب بــــي في زمن ا Author: يحي قباني Date: 03-29-2020, 04:17 PM Parent: #17
محمد السني يا زول يا جميل ...
شفت يا محمد ناس ( اوروبا و الدول المتقدمة ) عملوا فينا شنو ؟
يا زول ابقى عشرة على روحك و على قريبتي و ما تحرمنا تاني من جمال طلتك دي ياخ ...
Post: #19 Title: Re: بوســــــــت ترحـــيـــب بــــي في زمن ا Author: خضر الطيب Date: 03-29-2020, 04:18 PM Parent: #17
مرحب و حباب الطلة استاذنا السني قفلو ليكم المترو انت و الوغد بدر الدين بقى ما عندكم مكان تمشو ليهو قلتو احسن تجو سودانيز صاحبك مقضي وكتور بورق الخدرة و بلعب مع الامير الصعير دنيا بت كلب هههههههه
Post: #20 Title: Re: بوســــــــت ترحـــيـــب بــــي في زمن ا Author: حسام الدين حمودة Date: 03-29-2020, 04:28 PM Parent: #19
ألف مرحب بالأستاذ محمد السني دفع الله يا زول إنت سيد بيت ،،، نحن دبل الكراعنا حااااارة ،،، جينا في زمن الكرونا شايلنها في كرعينا ديل ،،،، وسعيدين والله بوجودنا وسط هذا العدد الكبير من قامات الوطن السامقة ،،، تحياتي
Post: #21 Title: Re: بوســــــــت ترحـــيـــب بــــي في زمن ا Author: adil amin Date: 03-30-2020, 04:25 AM Parent: #20
مرحب بي محمد السني وناس الدوحة ... وحياك الله البورد وطن خالي من الكرونة
ما تحيات نحن راجعين في المغيرب في البورد جقود
Post: #22 Title: Re: بوســــــــت ترحـــيـــب بــــي في زمن ا Author: HAIDER ALZAIN Date: 03-30-2020, 06:10 AM Parent: #21
Post: #25 Title: Re: بوســــــــت ترحـــيـــب بــــي في زمن ا Author: Kostawi Date: 03-30-2020, 06:51 AM Parent: #24
شفتي يا نجمة زولك خرب البوست...يا بدر إطلع من هنا البوست..please
Post: #26 Title: Re: بوســــــــت ترحـــيـــب بــــي في زمن ا Author: muntasir Date: 03-30-2020, 06:54 AM Parent: #25
نجمة صدقي انا كنت مع السني ومع العربي والورود وعندي صورة ، مرحب بفناننا رب المنزل
Post: #27 Title: Re: بوســــــــت ترحـــيـــب بــــي في زمن ا Author: najma Date: 03-30-2020, 07:42 AM Parent: #25
Quote: شفتي يا نجمة زولك خرب البوست...يا بدر إطلع من هنا البوست..please
ياكستاوى يااخوى غلبنى كتر على🙊 ختيت لى الخدرة يورقها خلصها وجاباها لى مسكتو امير نوموا ومسك التلفون اها النكلموا يقوم على الغسيل وبعدها المسح والمكوة كان يتهدا ومايجى بجاى 😂😂😂😂
Post: #28 Title: Re: بوســــــــت ترحـــيـــب بــــي في زمن ا Author: محمد بدرالدين Date: 03-30-2020, 07:50 AM Parent: #27
اهلا و مرحب بالاستاذ القامة و الحسيب النسيب.. اهلا بالمبدع جدا محطة التلفزيون الاهلية اهلا بالحبيب المفرح اهلا بناس بوركينا فاسو ههههه اهلا بالممثل القدير اتشرف بان اكتب لك مرحبا و مبديا اعجابى بكم و ف الذاكرة ( ياخى اشكرنى ) و انت تقضم الورق ايام عيشتنا فيه الجمال و الفرح و الضحك من جوة و معك اصدقاؤك دمت بذاك الالق و الجمال .. كل المودة و التقدير .. ( بدران حلفا)
Post: #29 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-01-2020, 03:34 PM Parent: #28
كل الذين مروا من هنا احبكم لكن الاحزان من حولنا تحاصرنا ولابد من التفأؤل ولانتصار عليه جايكم بالمهلة حبايبي الغالين
Post: #30 Title: Re: بوســــــــت ترحـــيـــب بــــي في زمن ا Author: Osman Musa Date: 04-01-2020, 04:33 PM Parent: #29
حباب أستاذ ود دفع الله يشهد الله قبال يومين في سيرتك مع عمك المهندس صديق المسرح . ياخي انشاءالله طيب .
Post: #31 Title: Re: بوســــــــت ترحـــيـــب بــــي في زمن ا Author: ترهاقا Date: 04-01-2020, 04:44 PM Parent: #30
الف مرحب فنانا الكبير السني كيف أحوالك والاسرة ؟وإن شاء الله كلو أمورك تمام معاك أحمد ساطور
Post: #32 Title: Re: بوســــــــت ترحـــيـــب بــــي في زمن ا Author: مزمل خيرى Date: 04-01-2020, 06:14 PM Parent: #31
حبابك طن اخ محمد السنى البيت بيتك ومطرحك
Post: #33 Title: Re: بوســــــــت ترحـــيـــب بــــي في زمن ا Author: ابو جهينة Date: 04-02-2020, 10:28 PM Parent: #32
حبابك اخي العزيز محمد السني
والله ليك وحشة
عودا حميدا
وفي انتظارك
Post: #34 Title: Re: بوســــــــت ترحـــيـــب بــــي في زمن ا Author: محمد المرتضى حامد Date: 04-03-2020, 00:19 AM Parent: #33
أبوالسارس والإتش ون إن ون زاتم.. والذي سمك السماء بلا عمد منور يا أبا السهروردي..
Post: #35 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-04-2020, 08:18 PM Parent: #34
محمد قسم الله اخي المدناوي تحياتي وامنياتي لك بالسعادة
Post: #36 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-04-2020, 08:24 PM Parent: #35
زكريا حبيبي سلام ومحبة المحطة الأهلية كانت تجربة اسست لكوميديا مغايرة والان نعمل في مختبر فني كبير في الدوحة (( بيت السني للفنون )) وهو بيت يشتمل على استديوهات للأطفال والفتيان والشباب والمحترفين مكن الجنسين والان بصدد تقديم اعمال جديدة اوقفتنا الكارونا ولكن من المتوقع بعد ذهاب الجائحة حلوة الجائحة دي سوف نقدم اعمالنا وسننقلها لكم هنا للتفاكر حولها
Post: #37 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-04-2020, 08:28 PM Parent: #36
اباذر بابكر اشعار وهايكو ومحبة ابدية ياروح محلقة في فضاء الحرية تعال نحن لاقينك وين كفاية اشعارك وافكارك وروحك الطيبة الاصيلة في هذا الزمن الكوفيدي المكرون لك الاحترام
Post: #38 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-04-2020, 08:30 PM Parent: #37
اخي ياسر الشريف لك تحيات الاسرة وسلام سامي الدين السهروردي وامنياتي وجميل التهاني
Post: #39 Title: Re: بوســــــــت ترحـــيـــب بــــي في زمن ا Author: ABUHUSSEIN Date: 04-04-2020, 08:46 PM Parent: #38
وحات نظري و عافيتي قايلك برلوم لي كم يوم اشوف عنوان البوست و امشي حتى خطك نسيناه ... 😂😂 عايز اقول ليك قوم لف لكن إكراما للسهر وردي بأجلها ليك ....
المهم
اهلا و سهلا بيك
Post: #40 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-04-2020, 08:50 PM Parent: #39
قايلني برلوم العيون خلاص طششت جاييك بالمهلة قال برلووم
Post: #41 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-06-2020, 07:24 PM Parent: #40
اخوي الكبير الواعي الفنان ديـــنــق لك التحايا والاماني العطرات ودايما انت على بالنا ياحبيب وقريب بتلاقى شكرا لرسالتك الرقيقة واتصالك الذي ربطنا باصدقاء نكن لهم المحبة والاحترام مودتي التي تعرف
Post: #42 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-06-2020, 07:30 PM Parent: #41
اخوي الغالي الفنان كــــوســتـــــاوي لا الامور جد وبحضر ليك في فيديو اتمنى ان يعجبك ولك اشواقنا خريف ومحبة مزهرة
Post: #43 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-09-2020, 09:28 AM Parent: #42
يا كوستااااا عارف بدرو ده انت اكتشفت الحكاية تماما اشتر في الرقسص اتصلحت شوية بعد التمارين المتنوعة لكن في البوستات اشتر لامن بشوت ضفاري اخوي كوستا اصبر الصبر ظل الانبياء
Post: #44 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-09-2020, 10:22 AM Parent: #43
عبدالعظيم اخي الغالي مرورك اسعدنا وتعود الايام الأجمل باذن الرحمن الرحيم لك مودتي
Post: #45 Title: Re: بوســــــــت ترحـــيـــب بــــي في زمن ا Author: محمد سنى دفع الله Date: 04-09-2020, 10:40 AM Parent: #44
نجمة سلام ومودة امس شنو المطلعكم من البيت قالوا ليكم خليك في البيت المهم جات سليمة عاملين فيها الملل اصابكم وعايزين تلفوا الدوحة كلها اها اللجنة ونقاط التفتيش وقفتكم لكن انت ام حريصة انقتذ تيهم شايلو الكمامات والقفازات لو ما كده كان تكونوا في الحظر سلامة الف سلامة
Post: #46 Title: Re: بوســــــــت ترحـــيـــب بــــي في زمن ا Author: عبدالحفيظ ابوسن Date: 04-09-2020, 10:46 AM Parent: #45
عودا حميدا وبركة في حبسة البيت المرقتك سعيد ان اراك هنا واسمع خطوك