هو الاستاذ احمد محمد عثمان ساطور مؤلف و موزع وعازف موسيقي له اسطوانة مدمجة باسم ايقاعات السودان الالبوم الاول. عمل مع الاستاذ محمد وردي والاستاذ عبد العزيز المبارك والاستاذ عبد الكريم الكابلي و عدد كبير من الفنانيين هذا النوبي الجميل في الزمن الجميل , هو زميل المنبر ترهاقا له التحية و التقدير في هذه الصورة الاستاذ احمد ساطور ..اميقو .. نجاشي .. سلمون الأريتري .. سمية حسن .. خالدة الجنيد .. زكية .. الطيب بانقا .. عادل السعيد .. الطيب عديل ايام الخنافس و الشارلستون
https://top4top.io/
Post: #2 Title: Re: الموسيقار الاستاذ احمد ساطور (صور) Author: Kostawi Date: 03-28-2020, 05:30 AM Parent: #1
Post: #3 Title: Re: الموسيقار الاستاذ احمد ساطور (صور) Author: خضر الطيب Date: 03-28-2020, 08:22 AM Parent: #1
احمد محمد عثمان ( ساطور ) خريج المعهد العالي للموسيقى والمسرح عام 1983
Post: #4 Title: Re: الموسيقار الاستاذ احمد ساطور (صور) Author: معتز القريش Date: 03-28-2020, 08:57 AM Parent: #3
وين الصور ؟
ايه الاستهبال دا هههههه
Post: #5 Title: Re: الموسيقار الاستاذ احمد ساطور (صور) Author: أبوذر بابكر Date: 03-28-2020, 09:03 AM Parent: #1
ازيك يا خدر
ساطور ياتو في الجنيات ديل ؟
الغريبة كنا بنمش معهد الموسيقى بانتظام أيام الجامعة
نزور أصحابنا فايز مليجي والفتح حسين وعثمان النو
كانو الدفعة قدام القدامنا فى الثانوى واصحابنا
وعبرهم لاقينا واتعرفنا على مجموعة جميلة من الموسيقيين فى المعهد لكن ما صادفنا حبيبنا ساطور هناك أو ما جات فرصة نتعرف عليه
Post: #6 Title: Re: الموسيقار الاستاذ احمد ساطور (صور) Author: فيصل محمد خليل Date: 03-28-2020, 09:34 AM Parent: #5
قريبي الاستاذ العازف احمد محمد عثمان ساطور ابن الشمس و ابن عم القمر لك التحية و مثلها للوغد خضر الطيب
Post: #7 Title: Re: الموسيقار الاستاذ احمد ساطور (صور) Author: خضر الطيب Date: 03-28-2020, 09:41 AM Parent: #6
شكراً بابا كوستا على هذا الفيديو الهام هي فعلاً سهرة الكويت ساهم في عدة اعمال مع الاستاذ محمد وردي بالسودان وبخارج السودان ، وقام بالمشاركة في عدة أعمال خالدة مع الاستاذ محمد وردي حفلة عدن الشهيرة وحفلة الكويت بالاضافة إلى حفلة نيويورك في العام 2000
Post: #8 Title: Re: الموسيقار الاستاذ احمد ساطور (صور) Author: علي عبدالوهاب عثمان Date: 03-28-2020, 10:20 AM Parent: #7
الحبيب خضر الطيب .. شكرا يا جميل التحية للحبيب ترهاقا اذكر ايام شرايط الفيديو و ردي قدمه بلقب ( ساطور ) ==================================== قريبنا حمزة سعيد بدري .. وهو من جزيرتنا .. كان عازف كمان اذكر ان والده عمنا سعيد بدري كان رجل حازم وجميل في ليلة من زياراتي النادرة ألى الخرطوم كنا في نادينا بالحلة الجديدة وجاء مندوب الفنان ابن البادية يسأل عن حمزة .. عمنا سعيد قال ليه ( حمزة ما فاضي ) رغم وجود حمزة في البيت رد عم سعيد ( غير وردي الباقي قروشهم ما بتغطي حتى السهر )
تحياتي الحبيب خضر الطيب ..
Post: #9 Title: Re: الموسيقار الاستاذ احمد ساطور (صور) Author: Nasser Amin Date: 03-28-2020, 10:57 AM Parent: #8
Quote: الحبيب خضر الطيب .. شكرا يا جميل التحية للحبيب ترهاقا اذكر ايام شرايط الفيديو و ردي قدمه بلقب ( ساطور )
حبيبنا الاستاذ علي لعلك تقصد هذا الفيديو👇
سلامات الاخ خضر
و التحية للاخ ساطور و الاخوة الحضور
وردي يعرّف الجمهور بأفراد الفرقة الموسيقية في حفل الكويت.
في الدقيقة 13:34 ورد اسم حبيبنا أحمد محمد عثمان (ساطور) .
غايتو وردي رحمه الله فلتة لن تتكرر.
... .. .
Post: #10 Title: Re: الموسيقار الاستاذ احمد ساطور (صور) Author: خضر الطيب Date: 03-28-2020, 11:49 AM Parent: #9
معتز القريش يا دفعة
Quote: وين الصور ؟
ايه الاستهبال دا هههههه
اذا انت ما بتشوف انحنا شايفين في صور و بابا كوستا نزل فيديو و ناصر الأمين كمان نزل فيديو و فيهو وردي بعرف في الفرقة و منهم احمد ساطور ابو صلعة و احمد ساطور في الصورة الأبيض و اسود كان خنفس
Post: #12 Title: Re: الموسيقار الاستاذ احمد ساطور (صور) Author: علي عبدالوهاب عثمان Date: 03-28-2020, 05:41 PM Parent: #9
الحبيب ناصر .. شكراً نعم نفس الفيديو زمان كنا نشتري من أماكنن الفيديو
الغريبة كنا بنمش معهد الموسيقى بانتظام أيام الجامعة
نزور أصحابنا فايز مليجي والفتح حسين وعثمان النو
كانو الدفعة قدام القدامنا فى الثانوى واصحابنا
وعبرهم لاقينا واتعرفنا على مجموعة جميلة من الموسيقيين فى المعهد لكن ما صادفنا حبيبنا ساطور هناك أو ما جات فرصة نتعرف عليه
فائز و الفاتح و عثمان ديل حبايبنا و قبل سنة كان معانا عثمان النو هنا الناس ديل ما دفعتي ديل اجدادي هههههه ساطور انا ما شفتو وهو في المعهد هو خريج 83 و الوكت داك انا في الثانوي العام لكن لما دخلتا التلفزيون قابلتو كتير لكن ما كان بيناتنا علاقة غير العمل تسجيل السهرات مع عدد من الفنانيين و هو شخص متميز و عازف متمكن
Post: #14 Title: Re: الموسيقار الاستاذ احمد ساطور (صور) Author: خضر الطيب Date: 03-29-2020, 06:22 AM Parent: #13
مرحب ابا ذر هاك الجميلة ويتني هيوستن و هي بتعرف اعضاء الفرقة و الموسيقى شغالة طلعت و دخلت ذي ما عمل وردي و بالمناسبة وردي عملا قبلها
Post: #15 Title: Re: الموسيقار الاستاذ احمد ساطور (صور) Author: أبوذر بابكر Date: 03-29-2020, 06:38 AM Parent: #14
تخدر أيامك يا خدر
بالضبط كده دى الأغنية القلت ليك عليها
فعلا وردى عمل البرزنتيشن العجيب والفنان داك قبلها
ياخ نحن ناس بايونيرز فى أى شى سمح فى الدنيا
Post: #16 Title: Re: الموسيقار الاستاذ احمد ساطور (صور) Author: عوض جاه الرسول Date: 03-29-2020, 06:40 AM Parent: #14
ياااااااا سلاااااااام على ساطور
ترهاقا
Post: #17 Title: Re: الموسيقار الاستاذ احمد ساطور (صور) Author: Osman Musa Date: 03-29-2020, 06:47 AM Parent: #16
سلامات أخونا خضر والسلام واصل للموسيقار طال عمرو احمد ابو صلعة . العازف الفذ والسوداني الاصيل . له التحية
Post: #18 Title: Re: الموسيقار الاستاذ احمد ساطور (صور) Author: امتثال عبدالله Date: 03-29-2020, 07:37 AM Parent: #17
لكن بالجد حفلة الكويت اوسكار ،،اوسكار ،،اوسكار ..ووردي، الله يرحمه ، ابدع وكان ايضا مايسترو للاوركسترا ،، ..تراهو ترهاقا ما قاعد في الواطة ،،ويعزف مع العمالقة.... وتراهو في عمالقة معانا في المنبر ،،،، والتحيات النواضر له من هنا ،،،
Post: #19 Title: Re: الموسيقار الاستاذ احمد ساطور (صور) Author: Yasir Elsharif Date: 03-29-2020, 08:53 AM Parent: #18
يا سلااااام
بوست ممتع
ألف سلام ساطور "ترهاقا" وألف رحمة ونور على ملك الإبداع وردي
وألف شكر لخضر وكوستاوي
Post: #20 Title: Re: الموسيقار الاستاذ احمد ساطور (صور) Author: MOHAMMED ELSHEIKH Date: 03-29-2020, 09:43 AM Parent: #19
يا سلام ياخدر
ساطور ومعه عبد اللطيف عبد الغني عطروا أيام شبابنا الحلوة في نهاية السبعينات بعطبرة والدامر
ساطور مبدع منذ شبابه الباكر , عازف ماهر على كل الالات الموسيقية واذكر في الدورة المدرسية 77 وكنت عضو فرقة مدرسة الدامر الموسيقية( تعلمجي اكورديون) وكانت فرقتنا بقيادة المخرج وعازف الكمان المبد ع يحيا الهجا . وفي مسابقة العزف المنفرد التي كان يمثلنا فيها الهجاء على الكمان اتى معلم الموسيقى في عطبرة الثانوية يحمل (بقجة) من الالات الموسيقية (عود -كمان- جيتار- اكورديون ووووو..... وطلب من ساطور ان يعزف على كل آله منفردا من ما وضع امامه ,ولكن اللجنة رفضت وطالبته بآلة واحدة فاختار ( الحنين) الاكورديون فاجاد وابدع . تحية لساطور وخدر وكل من مر من هنا
Post: #21 Title: Re: الموسيقار الاستاذ احمد ساطور (صور) Author: خضر الطيب Date: 03-29-2020, 10:04 AM Parent: #19
حبيبنا ملك النوبة فيصل خليل الميجرابي ليك التحية و التقدير
Quote: قريبي الاستاذ العازف احمد محمد عثمان ساطور ابن الشمس و ابن عم القمر لك التحية و مثلها للوغد خضر الطيب
التحية خالصة للأستاذ احمد ساطور و كتيرين من الزملاء في المنبر ما بعرفو ترهاقا دا منو و هو ما بحكي عن حاجاتو الا لماماً الرجل متمكن في مجاله و موسوعة لو حكى اتمنى انو يحكي
Post: #22 Title: Re: الموسيقار الاستاذ احمد ساطور (صور) Author: علي عبدالوهاب عثمان Date: 03-29-2020, 10:46 AM Parent: #21
ساطور ومعه عبد اللطيف عبد الغني عطروا أيام شبابنا الحلوة في نهاية السبعينات بعطبرة والدامر ========================= الحبيب محمد الشيخ .. تحياتي يا جميل رجعتنا سنوات طويلة للبلد هناك في ريفي دنقلا زمان عبداللطيف عبدالغني .. كان تلميذي في الثانوية العامة .. كان موهوب جداً يغني أحياناً في الليالي (الجمعية الادبية) .. اذكر كان يغني أغنية اسمها ( كرب السادة ) والده عمنا عبدالغني كان مهندس مشروع البرقيق عندنا في الزمن الجميل وزمن الدولة والحكومة بيت كبير من أيام الانجليز وعربية كومر كانوا مروقين خالص أخوه شمس الدين كان لاعب كرة قدم مشهور
بعد ذلك انطلق بإسم وردي الصغير .. شكراً محمد الشيخ رجعتنا للزمن الجميل
شكراً الجميل خضر.. بالنوبية ( هدر hidir ) بدون (خ ) و (ض ) شوف اسمك بالنوبية آخر حلاوة .. بالعربي وجع حلق ( خ ض ) حتى الخواجة ما يقدر ينطق كويس
من حقه علينا الاحتفاء به رغم انه نجم لا يحب الظهور لكن عشان الشغل السمح دا بنحتفي بيهو و بنقول ليهو شكراً ياساطور لكل هذا الجمال ياخ احمد دا احتفى بيهو وردي على اقل تقدير نحتفي بيهو انحنا
Quote: سلامات أخونا خضر والسلام واصل للموسيقار طال عمرو احمد ابو صلعة . العازف الفذ والسوداني الاصيل . له التحية
و أكيد تحياتك حتصل لي حبيبنا احمد ساطور في الصورة الأبيض و اسود دي ما كان عندو صلعة بالعكس كان من فرقة الخنافس له التحية و التقدير
Post: #27 Title: Re: الموسيقار الاستاذ احمد ساطور (صور) Author: علي عبدالوهاب عثمان Date: 03-30-2020, 06:59 PM Parent: #26
الحبيب خضر .. تحياتي لو لم تخني الذاكرة وردي أقام حفلة في الرياض في نادي النصر وبما أن الحفلات كانت ممنوعة في ذلك الزمن .. اشرف عليها عبدالرحمن بن سعود رئيس نادي النصر في ذلك الزمن .. كان أيام النميري ووردي كان عندو مشكلة مع نميري أنا لم أكن في الرياض كنت في قاعدة عسكرية شمال المملكة حفر الباطن من ذلك التاريخ نادي النصر اصبح قريقنا الاول في السعودية ما قادر اتأكد هل حبيبنا الموسيقار ترهاقا كان معاهو
Quote: Mohamed Jamal يا خضر في تعليقك على من بالصورة ذكرت أسامي ثلاث نساء ولم أرى سوى اثنتان فقط .. اين الثالثة ..
نعم هن اتنين ما عارف التالتة دي انا جبتها من وين شكراً لملاحظتك يا حبيب
Post: #30 Title: Re: الموسيقار الاستاذ احمد ساطور (صور) Author: خضر الطيب Date: 03-31-2020, 07:44 AM Parent: #29
الراكزة امتثال العبد الله تحياتي ليك
Quote: لكن بالجد حفلة الكويت اوسكار ،،اوسكار ،،اوسكار ..ووردي، الله يرحمه ، ابدع وكان ايضا مايسترو للاوركسترا ،، ..تراهو ترهاقا ما قاعد في الواطة ،،ويعزف مع العمالقة.... وتراهو في عمالقة معانا في المنبر ،،،، والتحيات النواضر له من هنا ،،،
عملاق النوبة وردي دا عالم تاني وردي في البروفات ما بجامل و الموسيقيين بختارهم بصورة بعناية و لا بجامل و وجود ساطور في فرقة وردي ما جاء بالصدفة لانو عارف امكانيات احمد ساطور العالية وردي متميز و ساطور متميز هاك البروفا دي لي وردي و شوفي وردي كيف بكون عاوز الشغل يكون صاح طبعاً البروفة دي بالنسبة لاستاذنا علي عبد الوهاب .. اسمها الجنن عبد الفادر هههه انجوي
Post: #31 Title: Re: الموسيقار الاستاذ احمد ساطور (صور) Author: امتثال عبدالله Date: 03-31-2020, 11:29 AM Parent: #30
والله وردي عظمة ،،عظمة ،،،الله يرحمه ويدخله الفردوس الاعلى،،،، عشان كده وعشان كان بينشد الكمال في اغنياته بقى قامة ،وهو خبير بالالة الموسيقية البتتحكم في ابراز اللحن وعشان كده علق على الة الفلوت،،،، ..ومين المايسترو البارع ده!! وكمان شايفة في بنت عازفة كمان في الاوركسترا،،،وما دام وردي اختارها في فرقته فمعناها هي خبرة في العزف زي محمديه،،، وشكرا خضر على هذه الروائع،،،
Quote: والله وردي عظمة ،،عظمة ،،،الله يرحمه ويدخله الفردوس الاعلى،،،، عشان كده وعشان كان بينشد الكمال في اغنياته بقى قامة ،وهو خبير بالالة الموسيقية البتتحكم في ابراز اللحن وعشان كده علق على الة الفلوت،،،، ..ومين المايسترو البارع ده!! وكمان شايفة في بنت عازفة كمان في الاوركسترا،،،وما دام وردي اختارها في فرقته فمعناها هي خبرة في العزف زي محمديه،،، وشكرا خضر على هذه الروائع،،،
المايسترو هو عبد الوهاب وردي لكن عازفة الكمان ما بعرفا في تلاتة عازفات كمان بظهرن في التلفزيون مع عدد من الفنانيين طلعتا من السودان بدري ما بعرفن
Post: #33 Title: Re: الموسيقار الاستاذ احمد ساطور (صور) Author: محمد سنى دفع الله Date: 04-01-2020, 03:40 PM Parent: #32
ســــــــــــــــــــــــــاطـــــــــــــــــور اشــــــــــــــــــــــواق خـــــريــــــف (( الصور وين ))
Post: #34 Title: Re: الموسيقار الاستاذ احمد ساطور (صور) Author: ترهاقا Date: 04-05-2020, 03:29 AM Parent: #33
الاستاذ الإعلامي خضر دائما يلقي حجرا في المياه الراكدة تحية لك ولضيوفك الكرام فجائعة الكرونا قد تنسيني ماذا فعلت أمس ولكن لن تنسيني ذكريات حفرت في ذاكراتي بخط مسماري والحديث عن صديقي الراحل وردي قد يطول ، وسأعود إن شاء الله وبالمناسبة أنا كانت بدايتي مع الفنان الشامخ حسن حليفة العطبراوي وأنا في الصف الثاني في مدرسة عطبرة الثانوية الحكومية وكان إبنه خليفة معنا ولي عودة
Post: #35 Title: Re: الموسيقار الاستاذ احمد ساطور (صور) Author: Mohamed Suleiman Date: 04-05-2020, 03:50 AM Parent: #34
التحية للأستاذ المبدع ترهاقا.
الأستاذ وردي (عليه الرحمة) ترك أثره في وجدان كل الشعب السوداني و بل أفريقيا ..
الأستاذ ترهاقا يكفيه فخراً أنه شارك في بناء ذلك الصرح ... لأجيال و أجيال
شكرا الأستاذ خضر الطيب علي هذا البوست
Post: #36 Title: Re: الموسيقار الاستاذ احمد ساطور (صور) Author: ترهاقا Date: 04-05-2020, 04:07 AM Parent: #35
الصديق محمد سليمان ، بركة الطلة ، كنت فاقدك في ايام عصيبة في هذا المنبر اخبارك يا رجل؟
Post: #37 Title: Re: الموسيقار الاستاذ احمد ساطور (صور) Author: امتثال عبدالله Date: 04-05-2020, 04:27 AM Parent: #36
الاستاذ الفنان الموسيقار ترهاقا وصية من بسمات ،بنت عطبرة ،والتي من شدة خوفها من الكرونا لا تلمس اللاتوب ، وتقول ليك ما دام انت قريت في عطبرة وعزفت مع الفنان القامة العملاق العطبراوي فانت فنان بحق وحقيقة ،مع امنياتها ،وامنياتنا لك بدوام ابصحة والعافية وربنا يبعد عنكم شر فيروس الكرونا،،،
وسؤال اخر يا خضر هل معهد الموسيقى والمسرح قائم اليوم ام ان نظام اللصوص والحرامية قد باع مبانيه لاحد اللصوص بحجة ان الموسيقى حرام في بداية ظهورهم عندما كان المتطرفين نافذين في مراكز اتخاذ القرارات،علما بان كثير من الفنانين الشباب منهم الذين يظهرون بشكل ثابت في برنامج اغاني واعاني قد ظهروا في عهد اللصوص والحرامية،،، واذا لم يكن هناك معهد موسيقى في السودان ،فاين درس هؤلاء الفنانين الشباب!!؟ ام انهم اتعلموا الموسيقى والغناء جربندية من بيوتهم !!؟
الصديق محمد سليمان ، بركة الطلة ، كنت فاقدك في ايام عصيبة في هذا المنبر اخبارك يا رجل؟
العزيز أحمد (ترهاقا) ... قاعدين بالبيت مع تحوطات كورونا ... طبعا نفس الحالة عندكم في مونتيري. الحقيقة قبل بوست أخونا خضر بأيام ... بديت أسجل من المواقع و اليوتيوب أغاني سودانية في ال سي ديهات للإحتفاظ بها في العربية .. و لما إنتبهت لقيت معظم الأغاني لوردي. طبعاً محتفظ بمقطوعاتك المتفردة منذ زمن.
Post: #47 Title: Re: الموسيقار الاستاذ احمد ساطور (صور) Author: ترهاقا Date: 04-06-2020, 04:14 AM Parent: #46
قبل أن استرسل (إن صحة اللغة) لابد أن أشيد بالاخ العزيز نصر الدين هجام (كوستاوي) كموثق من طراز نادر وكرجل سوداني أصيل، وواشطن لم تغير من كوستاويته والذي لمسته عندما هاجرت إلى أمريكا وإلتقيت به مع قريبي وصديقه المرحوم دكتور عبد الخالق في واشنطن ، لابد في الاول ندي الحق حقو ، وإلا كيف يا شباب ؟
Post: #48 Title: Re: الموسيقار الاستاذ احمد ساطور (صور) Author: elsharief Date: 04-06-2020, 04:38 AM Parent: #47
من خلال تعريف وردي لفرقته الموسيقية يبدو انو وردي له محبة خاصة للموسيقار احمد ساطور مما يؤكد على الدور الكبير الذي لعبه الموسيقار احمد ساطور في نجاح كل أغاني وردي الذي شارك فيها التحية للموسيقار احمد ساطور وصاحب البوست خضر والرحمة والمغفرة لفنان أفريقيا الأول الأستاذ محمد وردي
Post: #49 Title: Re: الموسيقار الاستاذ احمد ساطور (صور) Author: خضر الطيب Date: 04-06-2020, 08:56 AM Parent: #48
مرحب بيك استاذنا محمد السني سعيد بعودتك للمنبر يا نجم محبتي الانت عارفا
Post: #50 Title: Re: الموسيقار الاستاذ احمد ساطور (صور) Author: خضر الطيب Date: 04-06-2020, 09:24 AM Parent: #49
استاذنا علي أمبس
Quote: قريبنا حمزة سعيد بدري .. وهو من جزيرتنا .. كان عازف كمان اذكر ان والده عمنا سعيد بدري كان رجل حازم وجميل في ليلة من زياراتي النادرة ألى الخرطوم كنا في نادينا بالحلة الجديدة وجاء مندوب الفنان ابن البادية يسأل عن حمزة .. عمنا سعيد قال ليه ( حمزة ما فاضي ) رغم وجود حمزة في البيت رد عم سعيد ( غير وردي الباقي قروشهم ما بتغطي حتى السهر )
تحياتي الحبيب خضر الطيب
الرحمة و المغفرة للأستاذ حمزة بدري هو توفى و انا خارج السودان في العام 2013 هو من سكان السجانة في الخرطوم قريب من مواصلات دنقلا و ميدان المولد في الجهة التانية و كان في فرقة الاذاعة كنا بنسمع البروفات لما نكون بنشرب شاي مع عمنا الحلفاوي صالح جلسة عمنا صالح دي كانت قريبة جداً من صالة فرقة موسيقى الاذاعة الخواض و عربي و احمد بريس و محمدية و اميقو
Post: #51 Title: Re: الموسيقار الاستاذ احمد ساطور (صور) Author: علي عبدالوهاب عثمان Date: 04-06-2020, 12:37 PM Parent: #50
يا سلام ياخضر .. هم من اقربائي .. استوطنوا الخرطوم من زمن بعيد في الستينات تقريبا 1968 جاء مع وردي في جولة في الشمالية وردي ، ابوعركي ، على ابراهيم ، وأذكر انهم دخلوا جزيرتنا مع حمزة .. آخر ذبائح وموية كمان الله يرحمهم ..
Quote: الاستاذ الإعلامي خضر دائما يلقي حجرا في المياه الراكدة تحية لك ولضيوفك الكرام فجائعة الكرونا قد تنسيني ماذا فعلت أمس ولكن لن تنسيني ذكريات حفرت في ذاكراتي بخط مسماري والحديث عن صديقي الراحل وردي قد يطول ، وسأعود إن شاء الله وبالمناسبة أنا كانت بدايتي مع الفنان الشامخ حسن حليفة العطبراوي وأنا في الصف الثاني في مدرسة عطبرة الثانوية الحكومية وكان إبنه خليفة معنا ولي عودة
لتعلم يا عزيزي ما ركدت مياهكم في يوم من الايام و لن تركد و لن يتجاوزكم تاريخ الفن السودان وردي قامة فنية و لا يعزف مع وردي الا المتميزين من امثالك بدايتك على حسب شهادة اصدقائي في المجال اشادوا بموهبتك المبكرة و بعدها صقلتها بالدراسة في المعهد العالي للموسيقى و المسرح و زاد تميزك بعدها محبتي يا ملك
صورة للفرقة المسرحية ١٩٨٦ - ١٩٨٧ الجبهة الديمقراطية جامعة الخرطوم يتوسطنا المخرج الاستاذ المناضل طارق فريجون له الرحمة و الرحمة لكل ضحايا عصابة ١٩٨٩... اهديها لك عزيزي خضر و للاخ محمد سني دفع الله و لكل ضيوف البوست
Quote: صورة للفرقة المسرحية ١٩٨٦ - ١٩٨٧ الجبهة الديمقراطية جامعة الخرطوم يتوسطنا المخرج الاستاذ المناضل طارق فريجون له الرحمة و الرحمة لكل ضحايا عصابة ١٩٨٩... اهديها لك عزيزي خضر و للاخ محمد سني دفع الله و لكل ضيوف البوست
الله يرحم صديقنا و زميلنا الاستاذ المخرج المناضل طارق فريجون هو في الصف التاني لابس قميص ابيض دي الفترة الاشتغلنا فيها سوى
فعلاً و علي يساره زميلة البورد الكسلانة الاستاذة إلهام عبد الخالق زوجة زميل البورد ايضا طه جعفر..... شخصي جلوس في الصف الاول بدون نظارات و بجانبي مهندس كهرباء عبد المنعم ادم كانت هذه جلسة احتفال بعد ان قدمنا عرض مسرحي كان ناجح بكل المقاييس.... التحية لكل الزملاء في الصورة اينما كانوا و الرحمة لمن رحل.
Quote: يا سلام ياخضر .. هم من اقربائي .. استوطنوا الخرطوم من زمن بعيد في الستينات تقريبا 1968 جاء مع وردي في جولة في الشمالية وردي ، ابوعركي ، على ابراهيم ، وأذكر انهم دخلوا جزيرتنا مع حمزة .. آخر ذبائح وموية كمان الله يرحمهم ..
ديل البدرياب سلالة ناس خليل فرح بدري ..
تحياتي الحبيب خضر ..
الشاعر الفذ خليل فرح لم يتجاوزه التاريخ كشاعر و سياسي نعم هو من قرية دبروسة بجزيرة صاي حفيدته كانت زميلتنا و هي خريجة معهد الموسيقى و المسرح لن يتكرر مثل الخليل و جيله لهم الرحمة و المغفرة
خضر الطيب مشغول بشنو!!؟مفروض تكون محبوس في البيت وما تكون عندك شغلة غير الكتابة والقراءة ومرات تقلع البلي استيشن من الاولاد،،،،وما مفروض تطلع من البيت نهائي وتقوم تلقط ليك فيروس كرونا من الشارع وتدخل بيه البيت وتخت الاسرة في خطر!! ونسال الله ان يبعد عنكم شر هذا البلاء والوباء،،،، حامد الصاوي: تراكا ما قاعد في الواطة،،،يعني كنت ممثل مسرحي في جامعة الخرطوم العريقة،،، لكن للاسف الامكانيات والجو العام في السودان لا يشجع على تطوير فن المسرح،، وانا قرات انه زمان في السبعينات كان الجمهور يقيفوا صفوف امام المسرح القومي في امدرمان لمشاهدة مسرحيات عالمية ووطنية تمثلها ممثلات مسرحيات مشهورات مثل تحية زروق وفايزة عمسيب وممثلين مشاهير اصبحوا في طي النسيان الان،،، والتحية لهم في كل مكان،،، والله يبعد عنكم شر الوباء والبلاء،،شر الكرونا ، وخليكم محبوسين في البيت ، وقعدة البيت حارة لكن المرض في زمن الكرونا امر واحر ،،، ولا ننسى ان نجزي التحيات النواضر مرة ثانية للموسيقار احمد ساطور، ونحن استخدمنا هنا لقبك المشهور ساطور لان وردي الفنان القامة برضو قال ليك احمد ساطور وهو يقدمك للجمهور وتحياتنا ايضا للفنانين محمد سني دفع الله والموصلي وكل ضيوف البوست الكرام،،
خضر الطيب مشغول بشنو!!؟مفروض تكون محبوس في البيت وما تكون عندك شغلة غير الكتابة والقراءة ومرات تقلع البلي استيشن من الاولاد،،،،وما مفروض تطلع من البيت نهائي وتقوم تلقط ليك فيروس كرونا من الشارع وتدخل بيه البيت وتخت الاسرة في خطر!! ونسال الله ان يبعد عنكم شر هذا البلاء والوباء،،،، حامد الصاوي: تراكا ما قاعد في الواطة،،،يعني كنت ممثل مسرحي في جامعة الخرطوم العريقة،،، لكن للاسف الامكانيات والجو العام في السودان لا يشجع على تطوير فن المسرح،، وانا قرات انه زمان في السبعينات كان الجمهور يقيفوا صفوف امام المسرح القومي في امدرمان لمشاهدة مسرحيات عالمية ووطنية تمثلها ممثلات مسرحيات مشهورات مثل تحية زروق وفايزة عمسيب وممثلين مشاهير اصبحوا في طي النسيان الان،،، والتحية لهم في كل مكان،،، والله يبعد عنكم شر الوباء والبلاء،،شر الكرونا ، وخليكم محبوسين في البيت ، وقعدة البيت حارة لكن المرض في زمن الكرونا امر واحر ،،، ولا ننسى ان نجزي التحيات النواضر مرة ثانية للموسيقار احمد ساطور، ونحن استخدمنا هنا لقبك المشهور ساطور لان وردي الفنان القامة برضو قال ليك احمد ساطور وهو يقدمك للجمهور وتحياتنا ايضا للفنانين محمد سني دفع الله والموصلي وكل ضيوف البوست الكرام،،
Quote: خضر الطيب مشغول بشنو!!؟مفروض تكون محبوس في البيت وما تكون عندك شغلة غير الكتابة والقراءة ومرات تقلع البلي استيشن من الاولاد،،،،وما مفروض تطلع من البيت نهائي وتقوم تلقط ليك فيروس كرونا من الشارع وتدخل بيه البيت وتخت الاسرة في خطر!! ونسال الله ان يبعد عنكم شر هذا البلاء والوباء،،،،
محبوس في البيت براي بكون صاحي بشتغل اونلاين مع عدد من الشركات و بعدها بطبخ باكل بنوم و هكذا دواليك نشوف آخرتا شنو الكرونا دا الله يحفظكم انتو هناك في نيويورك البقت مدينة خالية من الناس في الشوارع
Post: #66 Title: Re: الموسيقار الاستاذ احمد ساطور (صور) Author: مصطفى الجيلي Date: 04-08-2020, 06:24 PM Parent: #65
سلام يا سادة...
تكلمتم عن الأستاذ أحمد ساطور الموسيقار الفنان... دعوني أكلمكم عن أحمد ساطور السوداني الجميل.. زاملته لأكثر من عشر سنوات في مونتري كاليفورنيا، وتعرفت عليه وعلى أسرته الجميلة... أحمد بدون مبالغة لم أره وهو غير مبتسم.. ودود وزوار بتلك بروح حميمية حلوة، متواضع و "خاتي نفسه في الواطة".. وحين تلتقية لا بد يضحكك ولو بنكته عن أهله النوبيين.. أحمد الله على معرفتي بأحمد ساطور وأسرته الجميلة..
Post: #67 Title: Re: الموسيقار الاستاذ احمد ساطور (صور) Author: علي عبدالوهاب عثمان Date: 04-08-2020, 06:57 PM Parent: #66
شكرا الحبيب مصطفى وانت تظهر لنا الجانب الانساني لحبيبنا ساطور حفظكم الله من كل سوء
تحياتي خضر ا مبس
Post: #68 Title: Re: الموسيقار الاستاذ احمد ساطور (صور) Author: خضر الطيب Date: 04-09-2020, 01:56 AM Parent: #67
مرحب بيك دكتور ياسر الشريف
Quote: يا سلااااام
بوست ممتع
ألف سلام ساطور "ترهاقا" وألف رحمة ونور على ملك الإبداع وردي
وألف شكر لخضر وكوستاوي
الرائع هو حبيبنا احمد ساطور فنان موسيقار و عازف متمكن ربنا يديهو الصحة و العافية و الرحمة و المغفرة للراحل الفنان محمد عثمان وردي
Post: #69 Title: Re: الموسيقار الاستاذ احمد ساطور (صور) Author: Kostawi Date: 04-09-2020, 07:36 AM Parent: #68
Quote: ممثلات مسرحيات مشهورات مثل تحية زروق وفايزة عمسيب وممثلين مشاهير اصبحوا في طي النسيان الان،،، والتحية لهم في كل مكان،،،
هدية لإمتثال
Post: #70 Title: Re: الموسيقار الاستاذ احمد ساطور (صور) Author: خضر الطيب Date: 04-09-2020, 10:58 AM Parent: #69
ألف مرحب بيك باشمهندس محمد سليمان في بوست صديقك الجميل احمد محمد عثمان ساطور و احمد ساطور زول ما ساهل .. متمكن متمكن
و الرحمة و المغفرة للراحل محمد عثمان وردي و سعيد انا بعودتك للمنبر
Quote: التحية للأستاذ المبدع ترهاقا.
الأستاذ وردي (عليه الرحمة) ترك أثره في وجدان كل الشعب السوداني و بل أفريقيا ..
الأستاذ ترهاقا يكفيه فخراً أنه شارك في بناء ذلك الصرح ... لأجيال و أجيال
شكرا الأستاذ خضر الطيب علي هذا البوست
Post: #71 Title: Re: الموسيقار الاستاذ احمد ساطور (صور) Author: امتثال عبدالله Date: 04-09-2020, 11:58 AM Parent: #70
شكرا كوستاوي على هذا الفيديو الاوسكار،،، والتحية والتقدير من هنا الى الاستاذة تحية زروق والاستاذة تماضر شيخ الدين،،، واظن الاستاذة تماضر شيخ الدين عضوة هنا في المنبر العام،،، واصلو ما كضب السماك هنا ملك التوثيق،،، ويعني انت حتى الممثلات المشهورات بيلقبوك بخردة،، ...مع انه لقب الخردة ما بيليق بيك فانت ما شاء الله تنضر بالشباب والحيوية والنشاط ،وكلمة خردة معناها عجوز،،، ..فهل الممثلات ديل هاجرن لامريكا ام هن حضرن في اجازة ،، ..والله يبعد عنكم شر وباء وبلاء الكرونا،،،
ألف مرحب بيك استاذ ابو جهينة سعيد بمتابعتك لبوست الموسيقار احمد ساطور
Quote: سلام أخي خضر
شكرا لهذا النفاج الجميل
أحمد ساطور تشرفنا بتواجده معنا بالرياض ردحا من زمن جميل . فقام بتزيين ليالينا بفنه الراقي
دمتم
نعم عرفتا انو ساطور كان في الرياض لكن ما عرفتا بالتحديد الفترة لاني كنت في الرياض كما تعلم و اخرجت للتلفزيون القومي و قناة النيل الازرق عدد من السهرات مع عدد من الفنانين منهم الصديق الاستاذ عبد الرحمن عبد الله الكردفاني و الاستاذ الراحل عثمان حسين و الصديق فيصل الصحافة و كانت هناك فرقة موسيقية ضخمة من امهر العازفين في الرياض اشاد بها الاستاذ عثمان حسين و الاستاذ عبد الرحمن عبد الله
ساقتني الغربة أول ما ساقت .. إلى الخليج .. و لولا نفر كريم من أبناء جلدتي وقتها .. لوليت الفرار من أول شهر .. فقد خففوا وطأة الغربة و هجير البعاد .. فكانت هذه المرحلة نقلة نوعية في نهج الحياة. ثم جاءت المرحلة الأخرى من الهجرة .. إلى أوروبا الغربية بمدنها الساحرة ( باريس . لندن . فيينا . جنيف. مدريد. البندقية. أثينا. روما . ) .. فكان الإنبهار بكل ما تحمل هذه الكلمة من معنى .. و تلاشت رويدا رويدا مرارة الإغتراب .. و بقيتْ فقط أجراس الحنين تقرع في الذاكرة .. و إستمرأت السفر ، و التنقل من فندق إلى آخر .. أتحقق من دروس الجغرافيا و التاريخ التي تسكن قاع ذاكرتي .. وقفت متسمرا أمام الشقراوات و العيون الزرقاء. أقارن هذه بمارلين مونرو و تلك بصوفيا لورين. أعود كل شتاء إلى السودان .. أطفيء عطش الشوق و أنا أتحرق للعودة لكى أنهل المزيد من ذلك الترف الحضاري. أدمنت مكتبات لندن و مقاهي الشانزليزيه و بحيرة جنيف و أحببت الإتكاء على الجندول في البندقية و إرتبطت بعري المودة مع شواطيء Costa Del Sol في ماربيا على شواطيء الأندلس الإسبانية. ثم جاءت مرحلة شد الرحال إلى أمريكا في منتصف الثمانينات .. هناك تشعر بأنك قد تمددتَ و صرت في إتساع صحاري نيفادا و أن قامتك صارت في علو جبال وادي السيليكون. عند زيارة ( ديزني لاند ) تذكرت عطبرة و دخول أول سيرك هندي لها. و عند زيارة أستوديوهات هوليوود .. إسترجعت في مخيلتي كل أفلام ( الويسترن ) .. ستيف ماكوين .. و أودي ميرفي الذي كنا ننطقه ( ود ميرفي ) و كأنه آتٍ من قرية كنور أو التميراب .. لم تغيرنا الغربة .. و رغم الفوائد التي تم حصدها في بعض المناحي .. إلا أنها خلفتْ مراراتا كثيرة و جراحا لا تندمل .. و أورثتْ النفس خواءا سببه الجوع الذي طال لتلك الأيام التي غبناها عن أحشاء الوطن .. و إلى هنا و الطمبور بأوتاره الخمس يعزف لحن الإغتراب الحزين .. و يردد نغم العودة المستحيلة .. و سيمفونية الآمال و الأحلام ..
شَد الوتر السادس :
علاء ساطور .. إبن الموسيقار النحرير أحمد محمد عثمان .. سليل تمازج إبن الشمال مع فتاة الشرق .. رأى النور في أمريكا .. و تلقائيا كان إمريكي المولد و المنشأ و الجنسية .. ( الأخ دكين مازحه في حفل إفطار رمضان العام الماضي ، و قال له : أبوك ما بيعرف يعزف .. تنرفز علاء فقال دكين : يا زول معليش ما تزعل أنا بهظر معاك .. ما يقوموا يجونا المارينز هنا . ) .
علاء إختلفتْ عنده بوصلة الإغتراب .. فأتجه سهم البوصلة عنده عكس إتجاه بوصلتنا و بوصلة والديه .. فقد فنح عينيه على تلك الحضارة في أوجها و عنفوانها .. فتح عينيه على الحياة هناك ... بكل زخمها .. و إنغمس في تلك الحياة العصرية بكل المقاييس. يتحدث مع والديه لغة .. و يتحدث مع قرناءه لغة أخرى .. فعرف منذ صغره بأنه لا ينتمي إلى هذا البلد .. ثم ....
يأتي ساطور و والدته به إلى صحراء نجد .. هذه المدينة التي أسميها غابة الأسمنت .. أصابت مشاعرنا بالتكلس .. و مازجت مشاعرنا بخلطة من التحجر و التصلب .. كل شيء هنا لا طعم له بخلاف وجود الأهل و الأحبة .. هنا يعيش علاء .. من المدرسة إلى البيت .. و من البيت إلى المدرسة .. و في ( الويك إند ) مربوط إلى برنامج والده أو والديه معا ... فيوما عند ( علي همد ).. و يوما ( علي همد ) عندهم .. و يوما معهما في بيت عزاء يجلس ينقل بصره بين المعزين .. و يوما يستمع إلى دندنات مكي علي إدريس على سطوح منزلهم .. و قمة المتعة في حديقة بها بعض الملاهي .. أو التسوق في أسواق الرياض.
هذا الصيف ذهب علاء إلى السودان ... تقهقر حضاري آخر في مذكرات الصبي علاء .. لم يحب الخرطوم إطلاقا .. كما لم يحب الرياض أيضا ... و أصر على والده أن يسمح له بالذهاب إلى قريته ( تبج ) .. في أقصى الشمال .. تبج قرية وادعة على النيل بالضفة الشرقية و تقع جنوب عبري .. هجرها معظم أهلها ليعمروا مدن السودان مثلهم مثل غيرهم من أهل القرى .. من الخرطوم إنطلق إلى دنقلا بالطائرة و هو يظن أن هناك رحلة ( داخلية ) أخرى أو Connection إلى تبج .. و لكنه فوجيء بعربة تنهب به الأرض .. بدقداقها و ترابها و قراها المتناثرة في حزن تلعن الزمن الرديء. و لكنه كان يتلفت مبهورا بهذا الإتساع الذي لم يره إلا في أمريكا .. رأى لأول مرة النيل الخالد تنتفخ أوداجه بالطمي يحمل الخير و البشرى لأهل البلد. و الناس على جانبى الطريق ببشرتهم السمراء يستغرقهم العمل و الشوق للطيور المهاجرة .. و النخلات متخمة ( بالدفيق ) يبشر بمحصول جيد .. و تلهف على الوصول .. لتطأ أقدامه الصغيرة أرض تبج .. الأرض التي أنجبت العظماء و الفطاحل .. وصلوا تبج .. و نزل أمام بيت جده ( محمد عثمان ) .. بيت على ناصية الطريق .. تقف عنده كل اللواري المتجهة إلى وادي حلفا .. بيت ينتصب مقاوما الزمن ( كمضيفة و مسيد ) .. تقف عنده اللواري كأنهم على موعد مع والد ساطور .. و في زحمة السلام و الترحاب على والدته .. إنطلق مع أول ( عربة كارو ) متجهة إلى عبري .. قبل أن يسلم على الناس و قبل أن يدخل إلى المنزل .. لم يبال بتعب الطريق .. يريد أن يستكشف كل معالم البلد بإتجاهاتها الأربع. لم يحدث حتى والدته بنيته هذه .. إنطلق بعفوية الصغار و تلهف المستكشف. و بدأتْ سلسلة تلمسه للأشياء .. بدأ عنده حس الإنتماء إلى هذا الطين .. تدب قدماه الصغيرتان على نفس الأرض التي وطئها تهراقا و بعانخي و ملوك النوبة أجداده .. شعر بزهو الإنتماء .. و أحس في دواخله بأن شيئا ما يربطه إلى هذه التربة .. و أن ( جيناته ) تأخذ شكل ضفاف النيل و عظمة تلك الجبال البعيدة .. ملأ خياشيمه بهواء مفعم بريحة الأهل الحنان .. تنسم رائحة الطمي .. شاهد ( العواسة ) على الدوكة و اللدايات .. و رأى بقايا السواقي ترقد في إستكانة تروي حقبة إندثرت .. ملأ عينيه بمنظر المراكب تتهادى على صفحة هذا الجاري الأزلي .. ركب على ظهور الحمير و ألهب ظهورها بجريد النخل. و شرب من ماء النيل ... و حاول تسلق النخيل .. و أكل الدفيق .. و قام بتربية جرو صغير ( لا يزال يتذكره ) .. سألته : يا علاء .. بصراحة .. أحسن البلد ولا الخرطوم ؟ جاءت إجابته حاسمة : البلد . سألته : هل تنوي العودة للبلد ؟ قال بحزم : أيوة .. سألته : شنو الما عجبك في البلد ؟ قال بحزن : الطريق بطال جدا .. تصدق يا عمو نحن راكبين الباص أربعة و عشرين ساعة من البلد لغاية الخرطوم ؟ لاكين و الله حلوة ....
رنة الوتر السادس :
تجربة علاء تقودني إلى أن كل أبناء الطيور المهاجرة يستطيعون التكيف مع الوطن عند العودة إليها .. بكل قراه و مدنه و حلَاله .. يستطيعون ذلك بمجرد أن تطأ أقدامهم أرض الوطن .. رغم كل شيء .. نعم .. رغم كل شيء ... و عندها ... نستطيع أن نجعل للطمبور وترا سادسا يتناغم مع بقية الأوتار الخمس .. فكلها في إتجاه واحد .. تنطلق من قاعدة واحدة .. و تنتهي على صعيد واحد .. و تمر عليها ريشة واحدة .. صعودا و نزولا .. فينطلق النغم إلى أحشاءه ليعود فيملأ الآذان و يشنفها بلحن رائع .. لحن التراب و النيل ..
علاء ساطور ... شكرا على الدرس ..
Post: #77 Title: Re: الموسيقار الاستاذ احمد ساطور (صور) Author: خضر الطيب Date: 04-11-2020, 06:41 AM Parent: #76
مرحب بيك ابو هديل
Quote: شكرا يا خضر فساطورفنان كبير كنا نتمناه معنا بالسودان لينضم الى أوركسترا الخرطزم الفيلهارموني
اتمنى ذلك .. و اتمنى انو ساطور و كل الفنانيين يرجعو افتكر انها مسألة وقت و الغريب عن وطنو مها طال غيابو مصيرو يرجع تاني لي اهلو و صحابو
Post: #78 Title: Re: الموسيقار الاستاذ احمد ساطور (صور) Author: walid taha Date: 04-11-2020, 05:57 PM Parent: #1
من أروع البوستات فى هذا الربع شكرا خضر, شكرا كوستاوي للتوئيق
على جنب :
Quote: مواصلات دنقلا
يا خضر إسمها (باصات الشمالية) النيسانات ود نميري، صبر وصبار ...الخ . السواقبن أحمد سلطان ، جسكا ...وآخرون كنا ياخى بنقعد 28 ساعة ننخر فى عباب الصحراء تجي تقول لي (مواصلات) ؟! كأنو ماشين من السجانة للصحافة :)
حتى أسأل علي أمبس :)
تحياتي ،،
Post: #79 Title: Re: الموسيقار الاستاذ احمد ساطور (صور) Author: خضر الطيب Date: 04-12-2020, 02:58 AM Parent: #78
مرحب ابا جهينة
Quote: سلام خضر
مكث بين ظهرانينا الاخ ساطور ما بين ٢٠٠٨ و حتى ٢٠١١ وكان يسكن في نفس الحى الذي اسكن به
ما اتلاقينا انا و احمد ساطور لاني طلعتا 2006 آخر سهرة اخرجتها للتلفزيون كانت في منتصف 2006 بمناسبة تكريم الراحلين الفنان عثمان حسين و الاستاذ ذو النون بشرى لهم الرحمة من قِبل رابطة ابناء الصحافة بالرياض و اتعرفتا وقتها على فرقة موسيقية ضخمة ساهمت في الحفل و كذلك ساهموا في حفلين لتكريم الفنان عبد الرحمن عبد الله بعد عودته من رحلة العلاج
Post: #80 Title: Re: الموسيقار الاستاذ احمد ساطور (صور) Author: ترهاقا Date: 04-12-2020, 04:27 AM Parent: #79
حبيبنا خصر ، الاستاذ أبو جهينهة زي الكهرباء بتعته زغللت شوية ، وصلت السعودية سنة 2001 على ما أعتقد في نفس يوم سبتمبر 11 الكارثة وسافرت من السعودية لأمريكا مرة أخري في سنة 2006 لمن لقيت إنو إبني لازم يدرس المرحلة الثانوية في أمريكا . نخلي الموضوع ده كلو ونبدأ بأبي واخي المرحوم حسن خليفة العطبراوي حفلة في حي اسمو ارض الحيوان ، يمكن في الزمن الجديد جيل ناس الإبنة إمتثال وبسمات تحول الاسم الى اسم جديد ، المهم دورت شكلة في الحفلة دي بعد تعاطي اكسير البلح ، والحفل اخد شيء ما موضوعي ، جاء واحد لابس سديدري ومسك المايك ، وماذا قال؟ اسمعوا يا شبابا أكت بقت فيها قلت أدب ، الرجال يجونا بي جاي ، والنسوان والفنانيين بي جاي . قولوا واحد
Post: #81 Title: Re: الموسيقار الاستاذ احمد ساطور (صور) Author: جلالدونا Date: 04-12-2020, 04:53 AM Parent: #79
يا سلام بوست يشبه القامة ساطور كنت متابع لحفلات وردى منض فجر الثبا بصحبة اخوتى الكبار بقاعة الصطاقة و حضرت له حفل القاهرة بمسرح سيدة مصرية بمناسبة الذكرى المئوية لمدينة مدرمان على ما اذكر غنّى بجانبه الفنان الاثيوبي منليك و احر حفلة حضرتها له كانت بالدروشاب على شرف الاحتفالات بثورة ابريل من الذين استمعو الى اغنية يا نسمة فى اول اداء لها الغنية دى ليه ما نالت نصيبا من الشهرة مع انها من معلقات وردى كنت بعجب بى اداء عازف الجيتار و لا ولت استمتع بالجزئيات بتاعتو فى جميلة و مستحيلة و يا نسمة و الاخر عازف الطرمبيت لو صح الاسم شاب اخدرانى فجأة الاتنين ديل اختفو من الفرقة ___ سوال يا ساطور يظهر انو فى فنانين بيتعبوا العازفين الحتة دى تابعتها عند سيد خليفة و خضر بشير العازفين عيونن مسمّرات فيهم لانو مرات بيسرحو فى اضافات انية للحن نتيجة عمق الاحساس و الاندماج فى الاداء لحظتها الحاجة دى مرّت عليك مع وردى و لو حصلت قاعدين تلحقوها كيف
Post: #82 Title: Re: الموسيقار الاستاذ احمد ساطور (صور) Author: جلالدونا Date: 04-12-2020, 04:58 AM Parent: #81
يا نسمة العمل المظلوم و يظهر فى وضوح عازف الجيتار و عازف الطرمبيت و اضيف عليهم ضابط الايقاع [URL]
Post: #83 Title: Re: الموسيقار الاستاذ احمد ساطور (صور) Author: ترهاقا Date: 04-12-2020, 05:35 AM Parent: #81
Quote: لانو مرات بيسرحو فى اضافات انية للحن نتيجة عمق الاحساس و الاندماج فى الاداء لحظتها الحاجة دى مرّت عليك مع وردى و لو حصلت قاعدين تلحقوها كيف
تعرف يا استاذ جلال ، المغنين كانوا بيجونا بآخر ما توصلت قريحتهم في الحانهم ، وكان دوري ودور كل العازفين السمكرة إلا البعض بجوك جاهزين زي عركي والموصلي ، إبراهيم موسى أبا ، خليل إسماعيل عارفين مقاماتهم الموسيقية وعارفسن بيغنوا في ياتو سلم موسيقي . الاستاذ المرجوم وردي كان يتميز بالدكاء كيف يستفيد من الدارسين ويعاصر الجيل الجديد ، ويسغل الدارسين في التوزيع والاداء
