Post: #1
Title: باركو لى
Author: أبوذر بابكر
Date: 03-26-2020, 08:55 AM
Parent: #0
08:55 AM March, 26 2020 سودانيز اون لاين
أبوذر بابكر-
مكتبتى
رابط مختصر
نجحت
بامتياز
امتحان قيد الترجمة القانونية
دولة الإمارات العربية المتحدة
بعد سنة كاملة من التعب والمعاناة والإجراءات الصعبة الكتيرة
والامتحان العسير والخطير
الترجمة القانونية بمعنى المرخصة والمعتمدة من الدولة
مش بمعنى أنها بتتعلق بالأمور القانونية
بمعنى انك مترجم محلف ومصرح ليك بالعمل فى الدولة بصفة فردية أو مع أى جهة تانية
|
Post: #2
Title: Re: باركو لى
Author: أبوذر بابكر
Date: 03-26-2020, 08:57 AM
Parent: #1
بعد ما شاب دخلو الكتاب
شوفتنا ل الإمتحانات فى التمانينات
|
Post: #3
Title: Re: باركو لى
Author: اخلاص عبدالرحمن المشرف
Date: 03-26-2020, 08:58 AM
Parent: #1
مبروك يا ابوذر ومن نجاح لنجاح يا رب
|
Post: #4
Title: Re: باركو لى
Author: نعمات عماد
Date: 03-26-2020, 09:02 AM
Parent: #3
ألف مبروك
هل ستهدي المنبر أروع القصائد المترجمة؟ 😊
|
Post: #5
Title: Re: باركو لى
Author: محمد بدرالدين
Date: 03-26-2020, 09:21 AM
Parent: #4
الف مبروك
نجاح يتلج الصدر و يبعث التفاؤل
لك التقدير و الاحترام
و من نجاح لنجاح ان شاءالله
ربنا يسعدك
|
Post: #6
Title: Re: باركو لى
Author: علاء سيداحمد
Date: 03-26-2020, 09:31 AM
Parent: #5
الف مبروك يا اباذر ودائماً ربنا يسعدك
|
Post: #10
Title: Re: باركو لى
Author: أبوذر بابكر
Date: 03-26-2020, 10:22 AM
Parent: #6
يسعد عمرك أن شاء الله يا علاء
وتطيب حياتك
|
Post: #11
Title: Re: باركو لى
Author: Osman Musa
Date: 03-26-2020, 10:24 AM
Parent: #6
ياخ عندنا نحن يا اب ذر انت ناجح من يومك .
و لبيب من ما تبيت .
انصحك طوالي تقوم تفتح مكتب ترجمة خاص بيك
في دبي خلف محطة مترو الاتحاد .
وتخت معاك مترجم بنغلاديشي وتكون عينك عليه شديد .
...
مليار مبروك
وتاني نجي نترجم سسسسسساكت .
|
Post: #12
Title: Re: باركو لى
Author: أبوذر بابكر
Date: 03-26-2020, 10:48 AM
Parent: #11
ابو عفان
يا البيك نور اقليمك
الفكرة الأصلية انى استثمر الرخصة فى الإمارات و افتح مكتب هناك
وارجع السودان
انا عايز اعيش فى السودان ياخ
بعدين حتى لو قعدت هنا مستحيل اقعد فى دبي
نمط وطريقة الحياة فى دبي ما بتنفع معاى
انا بعشق المدن الهادئة ورايقة
ولو بقت قرية كمان يكون ده المطلوب
تصدق نفسى أعيش فى غابة أو بادية أو حتى مزرعة معزولة
كدى نشوف البحصل شنو لى قدام
انت لسه فى البلد ولا مشيت ؟
|
Post: #9
Title: Re: باركو لى
Author: أبوذر بابكر
Date: 03-26-2020, 10:22 AM
Parent: #5
تسلم يا محمد
ومشكور ياخ على كلماتك السمحات
الرخصة فعلا بتفتح آفاق جميلة وواسعة
|
Post: #8
Title: Re: باركو لى
Author: أبوذر بابكر
Date: 03-26-2020, 10:20 AM
Parent: #4
شكرا يا نعمات
نبارك ليك السمح أن شاء الله
فى قصائد ونصوص مترجمة كتيرة منشورة هنا فى المنبر
واكيد حيكون فى جديد
|
Post: #7
Title: Re: باركو لى
Author: أبوذر بابكر
Date: 03-26-2020, 10:18 AM
Parent: #3
تتبارك أيامك يا إخلاص
ونفرح بيك وليك ومعاك فى كل شى
|
Post: #13
Title: Re: باركو لى
Author: محمد محمد قاضي
Date: 03-26-2020, 10:59 AM
Parent: #1
تستاهل
باب التسجيل مفتوح لجائزة الشيخ حمد للترجمة والتفاهم الدولي لغاية 30 يوليو 2020
ترجمة لينا كتاب (من بيت الكلاوي) عن تقارب الثقافات وإن شاء الله تفوز
تحياتي أبوذر وضيوفك الكرام
|
Post: #14
Title: Re: باركو لى
Author: أبوذر بابكر
Date: 03-26-2020, 11:02 AM
Parent: #13
مشكور يا قاضي
وليك التحية
يا ريت تدينا تفاصيل اكتر عن المسابقة
طبيعة المواضيع المطلوبة وحجمها وشروط وطريقة التواصل
وتجدني أن شاء الله من الشاكرين
|
Post: #15
Title: Re: باركو لى
Author: shaheen shaheen
Date: 03-26-2020, 11:13 AM
Parent: #14
مبروك.
من نجاح لنجاح باذن الله.
وخالص ما تتوقف عن المثابرة الاكاديمية.
بالتوفيق باذن الله.
|
Post: #20
Title: Re: باركو لى
Author: أبوذر بابكر
Date: 03-26-2020, 11:38 AM
Parent: #15
تحياتى يا شاهين
وممنون ياخ على كلامك السمح
كبرنا والله على مساككة القراية والإمتحانات
هههه
|
Post: #16
Title: Re: باركو لى
Author: محمد محمد قاضي
Date: 03-26-2020, 11:16 AM
Parent: #1
جائزة الشيخ حمد للترجمة والتفاهم الدولي تفتح باب الترشح ...
www.aljazeera.net › news › cultureandart › جائزة-ال...
كدي شوف الرابط ده
جائزة الشيخ حمد للترجمة - ويكيبيديا
ar.wikipedia.org › wiki › جائزة_الشيخ_حمد_للترجمة
Quote: الرؤية:
تسعى الجائزة إلى تكريم المترجمين وتقدير دورهم في تمتين أواصر الصداقة والتعاون بين أمم
العالم وشعوبه، ومكافأة التميز، وتشجيع الإبداع، وترسيخ القيم السامية، وإشاعة التنوع والتعددية
والانفتاح. كما تطمح إلى تأصيل ثقافة المعرفة والحوار، ونشر الثقافة العربية والإسلامية، وتنمية
التفاهم الدولي، وتشجيع عمليات المثاقفة الناضجة بين اللغة العربية وبقية لغات العالم عبر فعاليات الترجمة والتعريب.
الأهداف :
• تكريم المترجمين وتقدير دورهم عربيًّا وعالميًّا في مد جسور التواصل بين الأمم والشعوب.
• تشجيع الأفراد ودور النشر والمؤسسات الثقافية العربية والعالمية على الاهتمام بالترجمة والتعريب والحرص على التميز والإبداع فيهما.
• الإسهام في رفع مستوى الترجمة والتعريب على أسس الجودة والدقة والقيمة المعرفية والفكرية.
• إغناء المكتبة العربية بأعمال مهمة من ثقافات العالم وآدابه وفنونه وعلومه، وإثراء التراث العالمي بإبداعات الثقافة العربية والإسلامية.
• تقدير كل من أسهم في نشر ثقافة السلام وإشاعة التفاهم الدولي، أفرادًا ومؤسسات. |
|
Post: #18
Title: Re: باركو لى
Author: نصر الدين عثمان
Date: 03-26-2020, 11:33 AM
Parent: #16
ألف ألف مبروك لك أخي أبا ذر
ومزيداً من الفتوحات
|
Post: #21
Title: Re: باركو لى
Author: أبوذر بابكر
Date: 03-26-2020, 11:39 AM
Parent: #18
تسلم يا نصر
وليك كل التقدير والود الجزيل
|
Post: #19
Title: Re: باركو لى
Author: أبوذر بابكر
Date: 03-26-2020, 11:34 AM
Parent: #16
كتر الله خيرك يا قاضي
تعرف وانا بقرا فى رؤية وأهداف المسابقة
وبدون اى تفكير أو تردد لقيت نفسي قررت تماما اترجم
المعلقات السبع
مع أنه طبعا ترجمة الشعر زى ثقب اللؤلؤ ب إبرة خشبية
لكن عقدت العزم تب أن شاء الله
وعلى شرط كمان الترجمة الإنجليزية تكون ب القافية
رأيك شنو ؟
احتمال يكون موضوع وإسهام كويس
|
Post: #17
Title: Re: باركو لى
Author: Fatima Alhaj
Date: 03-26-2020, 11:33 AM
Parent: #1
ألف مبروك أباذر بالتوفيق أن شاء الله. ربنا يحقق أمانيك.
|
Post: #22
Title: Re: باركو لى
Author: أبوذر بابكر
Date: 03-26-2020, 11:40 AM
Parent: #17
تحياتي يا فاطمة
ونبارك ليك كل افراحك ومسراتك يا رب
|
Post: #23
Title: Re: باركو لى
Author: ابو جهينة
Date: 03-26-2020, 12:43 PM
Parent: #22
تهانينا الحارة اخي ابو ذر
والى المزيد من التقدم والنجاحات
|
Post: #24
Title: Re: باركو لى
Author: أبوذر بابكر
Date: 03-26-2020, 02:32 PM
Parent: #23
أخانا الحبيب جلال
كل المودة ليك
رفقة الامتنان والتقدير
|
Post: #25
Title: Re: باركو لى
Author: حسام الدين حمودة
Date: 03-26-2020, 02:49 PM
Parent: #24
ألف مبروك أبوذر بابكر
وإن شاء الله يا رب مزيد من التقدم والتطور والشهادات
تحياتي
|
Post: #26
Title: Re: باركو لى
Author: أبوذر بابكر
Date: 03-26-2020, 04:52 PM
Parent: #25
الله يباركك ويسعدك يا حسام
آمين أن شاء الله
|
Post: #27
Title: Re: باركو لى
Author: MOHAMMED ELSHEIKH
Date: 03-26-2020, 05:20 PM
Parent: #26
الف مبروك اخي ابوذر
وعلى فكرة عندي ليك فكرة ممكن توديك العالمية
ترجمة اشعارنا السودانية العامية الراسخة
|
Post: #28
Title: Re: باركو لى
Author: النذير حجازي
Date: 03-26-2020, 05:27 PM
Parent: #27
ألف مبروك يا حبيبنا المطر
|
Post: #29
Title: Re: باركو لى
Author: tabaldy
Date: 03-26-2020, 06:05 PM
مبروووك ومزيد من التوفيق
غايتو لو جليت من شغلانة المدير المالي لمكتبك في دبي ما اظن اجلي من مدير المكتب بكافة المخصصات
بس ورينا المعاينات بتين
|
Post: #30
Title: Re: باركو لى
Author: احمد حمودى
Date: 03-26-2020, 06:15 PM
Parent: #29
الف مبرووك حبيبنا ابوذر شغل نضيف
|
Post: #31
Title: Re: باركو لى
Author: يحي قباني
Date: 03-26-2020, 06:17 PM
Parent: #30
الف مبروك يا شاعر ...
انت اهل لها ...
|
Post: #40
Title: Re: باركو لى
Author: أبوذر بابكر
Date: 03-27-2020, 04:28 AM
Parent: #31
يحيى القباني
مشكور يا زول يا بستان
يا فنان يا إنسان
|
Post: #32
Title: Re: باركو لى
Author: Osman Musa
Date: 03-26-2020, 06:28 PM
Parent: #30
غايتو يا اب ذر لو سويت بيها شغل في الإمارات ح تستفيد
وفي المدن الكبيرة في أمريكا برضو .
وفي لندن شغلك ح يكون راحات زي ما قال ادروب هههههه.
يا اخوي يا دابك درب الضرع اللبين عرفتو .
مبروك
|
Post: #41
Title: Re: باركو لى
Author: أبوذر بابكر
Date: 03-27-2020, 04:32 AM
Parent: #32
والله يا ابو عفان انا ما شاطر فى أمور البزنس وما عندى عرفه كويسه بيه
كدى نشوف ل قدام البحصل شنو
تصدق انا همى الأكبر بس هو الحياة فى السودان
والله مافى أجمل من أنه الزول يعيش في السودان
بالرغم من كل شى
|
Post: #39
Title: Re: باركو لى
Author: أبوذر بابكر
Date: 03-27-2020, 04:25 AM
Parent: #30
كيفك حمودي وعساك طيب ياخ
الجزء المهم فى الشغل كله كان إثبات الذات قبل كل شى
احكى ليك حاجه غريبة وطريفة حصلت يوم الإمتحان
اتفاجات فى القاعة انه كل الممتحنين جايبين عدد مهول من القواميس والمعاجم
إلا أنا
بعد طلعنا من الامتحان سألت واحد من أعضاء اللجنة
عن السبب بالسماح بالقواميس
ضحك وقال لى أساسا ما مقصود الكلمة ومعناها
لأنه لو جبت اى شخص حتى لو درس محو أمية فى اللغة الانجليزية
واديتو قاموس اكيد ح يعرف الكلمة ومعناها
|
Post: #38
Title: Re: باركو لى
Author: أبوذر بابكر
Date: 03-27-2020, 04:17 AM
Parent: #29
الله يباركك يا تبلدي
الفكرة غير كده خالص ياخ
انا ما بنفع فى أمور البزنس نهائي
عندى أفكار ومشاريع مختلفة تماما
|
Post: #34
Title: Re: باركو لى
Author: أبوذر بابكر
Date: 03-26-2020, 07:39 PM
كيفك يا نذير
نبارك ليك افراحك كلها إن شاء الله
يا زول يا سمح
|
Post: #33
Title: Re: باركو لى
Author: أبوذر بابكر
Date: 03-26-2020, 07:38 PM
Parent: #27
ازيك يا محمد الشيخ
تتبارك سنينك يا باشمهندس
والله لو لقينا الوقت وخلينا الجرى
كل شى بتعمل أن شاء الله
ومعاه متعة كمان
أتخيل بالله تترجم ليك مسدار من الحاردلو مثلا أو نص للقدال
|
Post: #35
Title: Re: باركو لى
Author: walid taha
Date: 03-26-2020, 07:48 PM
Parent: #1
1000 1000 مبروك أبوذر
أفتح مكتب و خلي ترجمتك غالية :)
|
Post: #36
Title: Re: باركو لى
Author: Biraima M Adam
Date: 03-26-2020, 09:26 PM
Parent: #35
ألف مبروك يا أبو ذر،
أنت زول أديب .. دا يعنى الكتب التى تترجمها تكون ممتعة في القراءة .. أنزل لينا أي حاجة تترجمها بالذات إلي العربية.
بريمة
|
Post: #37
Title: Re: باركو لى
Author: Gafar Bashir
Date: 03-26-2020, 09:48 PM
Parent: #36
الف مبروك
تعال السعودية نعمل ليك خيمة في البر
الصحراء ... مكان لو زول ادوهو قروش ما يجيك ... هدوء الموت
بعدين الصحراء ذاتها ملهمة
زيها وزي البحر
|
Post: #44
Title: Re: باركو لى
Author: أبوذر بابكر
Date: 03-27-2020, 04:42 AM
Parent: #37
ازيك يا جعفر
تعرف انا قعدت ربع قرن كامل فى السعودية
لما كنت فى الرياض كنت بانتظام بمش الثمامة والدرعية من يوم الخميس لغاية السبت
وبقعد فى الصحراء
وفى جدة نفس البرنامج بس يا فى البحر أو الجبال شرق بريمان أو ذهبان
|
Post: #43
Title: Re: باركو لى
Author: أبوذر بابكر
Date: 03-27-2020, 04:39 AM
Parent: #36
بريمه يا مبروم
كيفك يا سيد البقر
ترجمة الأدب صعبة جدا طبعا ما زى بقية المواضيع
كدى شوف لينا طريقة معاكم هناك
داير لى كهف ولا كوخ فى ال yellow stone
|
Post: #42
Title: Re: باركو لى
Author: أبوذر بابكر
Date: 03-27-2020, 04:34 AM
Parent: #35
كيفك يا وليد
العروض بدت من الأسبوع الفات
الأرجح هو فكرة الشراكة
عشان الزول يتفرغ لأمور تانية
|
Post: #45
Title: Re: باركو لى
Author: osama elkhawad
Date: 03-27-2020, 05:44 AM
Parent: #42
خالص التهاني،
والله مرقك من "الشبح" هههههههههه
أشباح سادت ثم شاخت ثم بادت...
|
Post: #46
Title: Re: باركو لى
Author: مهتدي الخليفة محمد نور
Date: 03-27-2020, 09:30 AM
Parent: #45
اخي ابو ذر
صادق التهانئ القلبية
و امنياتي بدوام التوفيق
مودتي
مهتدي بجة
|
Post: #47
Title: Re: باركو لى
Author: إدريس محمد إبراهيم
Date: 03-27-2020, 12:33 PM
Parent: #46
الف مبروك يا أبا ذر تستاهل كل خير والله ...
|
Post: #50
Title: Re: باركو لى
Author: أبوذر بابكر
Date: 03-27-2020, 01:30 PM
Parent: #47
تسلم يا إدريس
كل الشكر والتقدير ليك
رفقة الود الكتير
|
Post: #49
Title: Re: باركو لى
Author: أبوذر بابكر
Date: 03-27-2020, 01:26 PM
Parent: #46
مهتدى
قريبي البديع
تدوم سعادتك ويكتر فرحك
|
Post: #48
Title: Re: باركو لى
Author: أبوذر بابكر
Date: 03-27-2020, 01:25 PM
Parent: #45
ازيك يا أسامة
الأشباح لسه شغالة
هههههه
ما أظنها أن تبيد ابدا
زى ما قال سيد الجنينة
|
Post: #51
Title: Re: باركو لى
Author: أبوذر بابكر
Date: 03-27-2020, 03:27 PM
Parent: #1
الفكرة الأساسية أو الغرض الحقيقي
من استجداء "المباركة" دى أو فلنقل من طلبها
اكيد مش الفرح أو الغبطة ب النجاح
لكن هو الفرح ب "عدم الفشل"
لأنه كان إمتحان عصيب والله وغريب وعجيب
أسهل صعوبة فيه هى انى دخلت الإمتحان وانا متأخر 38 دقيقة
التأخير كان بسبب دفع رسوم الإمتحان
كيف ؟
الدفع مفروض يتم بواسطة البطاقة ، اى بطاقة
ولا يقبل النقد
وانا طبعا لا عندى بطاقة ولا شى
بعد كده ممكن تتخيل تفاصيل الدراما التراجيدية الحصلت
مدة الامتحان ساعتين ونص
عشرة مواضيع
خمسة من العربي ل الإنجليزى وخمسة عكس داك
وكل موضوع ما أقل من صفحتين من الحجم الكبير
والإجابة بخط اليد
كانت معركة حقيقية والله
لا وشنو كمان
طلعت انا الوحيد ال عوير الما جايب معاه شنطة قواميس
هههههههه
عشان كده كان انتصار والله ما نجاح
والفرحة ب عدم الهزيمة
|
Post: #52
Title: Re: باركو لى
Author: osama elkhawad
Date: 03-28-2020, 00:59 AM
Parent: #51
يا خي انا قايلك في السعودية..
هسع انت وين دربك؟؟؟
بعدين شهادتك دي تحت شعار:
العلم من المهد الى اللحد..
في واحد صاحبنا قال لي واحد زيك "مبروك، بتنفعك قدام"..
بعد مدة واحد سالوا :
قاصد شنو بي "تنفعو قدام".؟؟؟
قال ليهو:
"يوم القيامة"
ههههههه
لا تدبرسً
ولو أحبطوك بالنكاتْ
كلنا سنكابس حتى آخر شهادة هههههه
|
Post: #53
Title: Re: باركو لى
Author: أبوذر بابكر
Date: 03-28-2020, 05:50 AM
Parent: #52
يا ريت والله يا أسامة لو انا فعلا لسه فى السعودية
انا مشيت الإمارات مخصوص عشان الشهادة دى
لأنها بتفتح آفاق ممتازة جدا
بعدين انت جبت المفيد بالفعل
المنفعة الحقيقية هى إنها حتكون معاش
Pension
الامتحان الأخضر لليوم الأغبر
ههههههه
|
Post: #54
Title: Re: باركو لى
Author: Biraima M Adam
Date: 03-28-2020, 05:54 AM
Parent: #52
Quote: بريمه يا مبروم
كيفك يا سيد البقر
ترجمة الأدب صعبة جدا طبعا ما زى بقية المواضيع
كدى شوف لينا طريقة معاكم هناك
داير لى كهف ولا كوخ فى ال yellow stone
|
أبو ذر،
الترجمة يا حبيب .. أكبر دور لها بالنسبة للأمريكان في السفارات والبعثات الأمريكية في الخارج ..
من اليوم، أبحث كل السفارات والبعثات الأمريكية في الدول العربية .. وكذلك الشركات العربية تحتاج لترجمة مواصفات بضاعها ..
أنت محتاج ليك مكتب ..
ولو قابلتني حاجة زي دا بجدعها ليك ..
لكن العمل مع الأمريكان مرهق .. يحتاج إنضباط .. ومواظبة .. وسرعة .. وأهم شيئ الأتقان.
بريمة
بريمة
|
Post: #55
Title: Re: باركو لى
Author: أبوذر بابكر
Date: 03-28-2020, 06:15 AM
Parent: #54
كلامك كله صحيح يا بريمة
لكين ما أظن العمل مع الأمريكان يكون أصعب من العمل مع اليابانيين
انا اشتغلت ربع قرن كامل مع اليابانيين
ما شفت ولا أظن اشوف دقة وانضباط وجدية وإتقان زى ما عندهم
الامريكان بكونو تلاميذ بالنسبة ليهم
والله جد
|
Post: #56
Title: Re: باركو لى
Author: عزالدين عباس الفحل
Date: 03-28-2020, 10:25 AM
Parent: #1
أبوذر بابكر
الاخ الفاضل العزيز ابوذر
الف مبروك علي النجاح الباهر ،
والتفوق والاجتهاد و المثابرة ،
إثلجت الصدور ،
ورفعت الهامات ،
تحياتي ،،
،،،،
عزالدين عباس الفحل
ابوظبي
|
Post: #57
Title: Re: باركو لى
Author: يوسف الطيب احمد إدريس
Date: 03-28-2020, 10:38 AM
Parent: #56
اخونا ابو ذر
الف مبروك ومزيدا من النجاح
نجاحك نجاحنا جميعا
|
Post: #58
Title: Re: باركو لى
Author: ABUHUSSEIN
Date: 03-28-2020, 10:47 AM
Parent: #57
الف مبروك و موفق دائما إن شاء الله 🌷🌷🌷🌷🌷🌷🌷
|
Post: #60
Title: Re: باركو لى
Author: أبوذر بابكر
Date: 03-28-2020, 03:47 PM
Parent: #58
ممنون يا أبا الحسين
يا زول يا زين
|
Post: #64
Title: Re: باركو لى
Author: أبوذر بابكر
Date: 03-28-2020, 06:10 PM
Parent: #57
تسلم يا يوسف
تطيب أيامك ياخ وتسعد سنينك
|
Post: #59
Title: Re: باركو لى
Author: أبوذر بابكر
Date: 03-28-2020, 03:42 PM
Parent: #56
تحيات معطرات يا عز الدين
شكرا ليك ياخ على كلماتك المبهجة
تسلم يا أرباب
|
Post: #61
Title: Re: باركو لى
Author: ترهاقا
Date: 03-28-2020, 04:38 PM
Parent: #59
الف مبروك ومزيد من النجاحات قوي قلبك وأفتح مكتبك
|
Post: #62
Title: Re: باركو لى
Author: أبوذر بابكر
Date: 03-28-2020, 05:52 PM
Parent: #61
شكرا يا فنان
ما عندى مروة ياخ أسوي لى مكتب براي
الشغلانه محتاجة كتير
|
Post: #63
Title: Re: باركو لى
Author: عمر التاج
Date: 03-28-2020, 06:00 PM
Parent: #62
يباركوا لك ان شاء الله كل جديد وسمح، والشهادة تبقى لك بالعافية والخير الوفير
|
Post: #65
Title: Re: باركو لى
Author: أبوذر بابكر
Date: 03-28-2020, 06:11 PM
Parent: #63
اللهم آمين يا عمر
جمعا أن شاء الله
وكل امنياتنا الطيبات لكل السودان و السودانيين اجمعين
|
|