أفهم فيروس كورونا وانت تهزمه بنفسك .

01:22 AM March, 25 2020

سودانيز اون لاين
سيف اليزل برعي البدوي-
مكتبتى
رابط مختصر

الناس الشابكانا كرونا وباء وكارثة ومحسسانا انو خلاص حاننقرص ...
اقرو عشان تفهمو قدر شنو المرض دا عادي جدا بس اخد رواج واعلام 😷😷

افهم فيروس كورونا وانت تهزمه بنفسك .

مبدأيا هو مش كائن حي ، هو حمض نووي بيحلم يبقي كائن حي .

١-خطته ؟
-ما عندو حياة غير جوه خلايا الرئه هي المكان الوحيد اللي ممكن يستوعبه ويديهو كميه الاوكسجين البحتاج ليها عشان يعيش

٢-طريقه التنفيذ :
ينتقل عبر الرزاز من شخص لآخر او من يدك لي انفك ثم للقصبه الهوائيه استعدادا للتسلل الي الرئه .

٣-طيب شنو ممكن يمنعو؟
مجرد دخوله الحلق بيقابل اعصار من اللعاب يجبرو علي دخول المعده وهناك حيتفرم من احماضها وبي كده ما بيقدر يدخل الرئه واكيد حيموت

-والحل ؟
-يقوم الفايروس يتشبس بجدار الحلق اطول وقت ممكن( وعشان كده حلقك بيوجعك ) بعد مايتشبس في الحلق تمام بقوم يمتص كل اللعاب عشان الحلق لمن يبقي جاف اقل حبة هواء بتمكن الفايروس من الدخول للرئة ( عشان كده ريقك بينشف وحلقك ببقي جاف وبيحصل ليك سعال) عشان كدة ارجوك اشرب موية دافية باستمرار او كل ماتصحي الصباح من النوم اول شي تعملو يكون غرغرة بي موية ملح او موية القرنفل أو موية قرض وياريت تكون موية دافية عشان تجبر الفايروس يدخل المعده ويغور في ستين داهيه .

في لحظة دخول الفايروس طبعا المخ بكون عرف الحاصل كلو ويبتدي يرفع حراره جسمك عشان يقتل الفايروس( وعشان كده حرارة الجسم بترتفع )

طيب لو فشلنا وحصلت الكارثه والفايروس دخل الرئه ؟

في الحاله دي الفايروس بيحتل اي خليه ويسكن فيها ويتحول لكائن حي ويبتدي يتكاثر ويعمل من الخليه مصنع فيروسات عشان كده الجلوس في البيت بقلل من انتشار الفايروس ويقضي عليه .
طيب بعد مادخل الرئه البحصل شنو ،
فورا يبتدي الجسم يرسل خط الدفاع المكون من كريات الدم البيضاء عشان تهاجم الفايروس بشكل عشوائي.
نقيف شوية هنا
هنا لو قلبك وضغط الدم واللياقه كويسيين حتقدر تضخ كميه دم كبيره مليانه مضادات دفاع الي الرئة وبكدة تقدر تقتل الفايروس ( ده الانسان العندو مناعة قوية ) عشان كده نتحرك ونلعب رياضه في البييت ونبطل تدخين عشان نقوي الدوره الدمويه ومافي داعي للقعدة طول اليوم .
خلي بالك الاكتئاب والخوف والوهم وتداول الاخبار المرعبه بتشل جهاز المناعه وتضعفو وتخلي المرض يتمكن منك .

نرجع تاني
لسه الفيروس في الرئه والدفاع بيحاول يقتلو وغالبا بينجح لكن الشخص المناعتو ضعيفة بي سبب التدخين الكتير او غيرو خط الدفاع الاول حيفشل في قتل الفايروس وترجع كريات الدم البيضاء مهزومه لكن معاها عينه من الفيروس فيبتدي جهاز المناعه يصنع اجسام مضاده مناسبه تماما لشخصيه الفيروس ويرجع يدمرالفايروس .

بس للاسف 😭
تصنيع الاجسام المضادة بياخد من يومين لي خمسه ايام وممكن يكون الفيروس في الوقت ده دمر الرئه لو الانسان كبير في السن ( فوق ال ٧٠ ) او مناعته ضعيفه او عنده مرض مزمن ،
لكن لو الشخص سليم وصحتو معقوله حيستحمل لحد ما الاجسام المضاده تتصنع وتجي تدمر الفيروس وده بالضبط هو البيحصل عند النسبه الاكبر .

حسب الاحصائية
٨١٪؜ من البيتصابو بالفيروس بيحصل الكلام ده او توماتيك من غير ماهو يحس بالفيروس بكون الجسم اتخلص من الفايروس
فاضل ١٩٪؜ وديل عباره عن
١٥ ٪؜ بيخضعو للحجر او العلاج ويتم الشفاء باكامل
فاضل كده
٤٪؜ وديل عبارة عن
٢٪؜ بيدخلو العنايه المركزه ويتم الشفاء بالكامل ،
و ٢٪ 😫😫😫😫 ديل الاتكلمت عنهم ؜( كبير السن والمريض بضعف المناعه او مرض خطير زي السرطان والسكري وغيرهم من الامراض المزمنة) الله يحفظهم و يحفظنا جميعا

الخلاصه :
-نسبه الشفاء من الفيروس ٩٨٪؜ وبدون مصل يعني اضعف فيروس ظهر في الكون .
- مابقدر ياثر علي ٩٩٪؜ من الاطفال وخطورته علي كبار السن فوق ال ٧٠ والمرضي بضعف المناعه.
-اخطر حاجه ممكن تصيبك بالمرض هو التوتر والقلق ومتابعه الاخبار السيئه وقله النوم وعدم الحركه والعدوي البتجيك من التجمعات
-الممكن يدمر المرض هو الضحك والتفاؤل ولعب الرياضه في البيت لتنشيط الدوره الدمويه وأكل الخضروات والفاكهه عشان ترفع من قوة جهاز المناعة عندك وبالذات الموالح.

ارجوك انشر المعلومة والامل ..
واسال الله يصرف عننا هذا الوباء. .
ده دورك .
منقول...

كلام ممتاز و علمي جداً
تسلم اخونا سيف