الدول التي فرضت الحظر بلغت حالات الاصابة المئات ونحن لا زلنا نتحدث عن ثلاثة حالات لا ندري مدى صحة الخبر ولو صح فهذا عدد لا يستدعي لا عقلا ولا تقليدا لهذه الخطوة! وزيادة على ذلك حجم الضرر الذي سيصيب المواطنين من فرض حظر دون مبررات ودواعي! الذين لم تعينهم الحكومة في الخدمات الحياتية الضرورة بل زاد عليهم الحال سوءا فبدلا من إعانة المواطن زادوا عليه المعناة بفرض هذا الحظر الذي بلا شك سيضر عشرات الآلاف في معاشهم وفي قضاء مصالحهم
Post: #2 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-24-2020, 11:07 PM Parent: #1
نحن نريد أن تلتفت الحكومة للإستعداد لموسم الأمطار والتجهيز لها بقدر يمكن من الاستفادة من نعمة الماء التي نحتاج لها في شتى ضروب حياتنا المعاشية والانتاجية تجهيز يجعل موسم الخريف نعمة عظيمة بدلا من أن يكون نغمة وعلينا أن نترك العالم ومشاكلة ونتجه لمشاكلنا ومشاكل بلادنا. وإلا جاءنا في الخريف وباء الكولرا في وقت سيكون كل العالم تعافى من وباء الكورونا وسيتفرجون علينا ونحن نواجه وباء الكولرا دون أن يعبروا عن تعاطفهم معنا بذات الطريقة الأن التي عبرنا بها عن تعاطفنا معهم لدرجة محاكاتهم في عمل حظر تجوال!
Post: #3 Title: Re: لا توجد أي مبررات لحظر التجوال غير المحاك� Author: امتثال عبدالله Date: 03-24-2020, 11:08 PM Parent: #1
منتصر انا لا أوافقك الرأي...فإن حظر التجول مهم جدا في السودان ...والحمد لله لغاية الان ٣ حالات فقط في السودان ولو ،لا قدر الله ، انتشر هذا الفيروس القاتل في السودان ، فإن ثلاثة أرباع سكان السودان سيلقون حتفهم بسبب قلة الإمكانيات...وبسبب إهمال السودانيين وعدم اتخاذهم الإجراءات الوقائية اللازمة ...فإذا كانت أمريكا وبكل إمكانياتها المادية والبشرية بدأت حظر التجول في عدد من الولايات وصرح ترامب إنه ربما يفرض حظر التجول في كل أنحاء أمريكا اذا لم يتوقفوانتشار الفيروس، فما بالك بالسودان ونحن لا نملك ايه إمكانيات ولبست لدينا المستشفيات الكافية لاستيعاب المرضى ... ولذا قرار فرض حظر التجول هو القرار الصحيح حتى يزول هذا الوباء....
Post: #4 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-24-2020, 11:21 PM Parent: #3
Quote: ولو ،لا قدر الله ، انتشر هذا الفيروس القاتل في السودان
يا إمتثال الله ما قدر والأمر انتهى السودان ليس هو لا حتى الشرق الأوسط الذي لسنا جزء منه موطن للمرض المرض موطنه دول شمال الكرة الأرضية ومصر والسعودية والامارات والكويت ولبنان وما شابه هذه دول قبلة للأجانب من الأماكن الموبوءة ودخل ليهم من الأجانب تلك الأعاداد التي تفوق عدد المواطنون في كثير من هذه الدول وفي السودان لا يدخل علينا من مثل هؤلاء الأجانب ولا 1% مما يدخلوا على تلك الدول والأن السودان أغلق حدودة فمن أين ستأتي العدوى هل من هذه الثلاثة حالات المحجور عليها ؟! وكل الحالات المشتبه بها حالات قادمة من الخارج وهي قليلة جداً الحظر فيه ضرر فليس من المنطق تعريض الناس لضرر دون دواعي تتناسب مع حجم الضرر!
Post: #5 Title: Re: لا توجد أي مبررات لحظر التجوال غير المحاك� Author: امتثال عبدالله Date: 03-24-2020, 11:39 PM Parent: #4
منتصر قرأنا في الأخبار هنا أن الشخص الثالث المصاب بالفيروس جاء السودان من دولة عربية ... يعني مطاركم لسع فاتح .. والسودانيين المقيمين في الدول العربية والمنتشرة فيها الفيروس حيصلوا السودان ومعهم الفيروس...والأطباء هنا بيقولوا أن شخص واحد مصاب بالفيروس ممكن يعادي ٨٠ شخص في لحظة واحدة...وفي دقائق قليلة...فإذا وصلت طائرة من دولة عربية وفيها ٥٠ شخص مصاب ،،واضرب ٥٠ ×٨٠ ....شوف العدد حيكون كم ..وبعد داك الفيروسات حتمرح وتسرح في الخرطوم
Post: #6 Title: Re: لا توجد أي مبررات لحظر التجوال غير المحاك� Author: ABUHUSSEIN Date: 03-24-2020, 11:58 PM Parent: #5
السلام عليكم منتصر يا اخوي كدي استهدي بالله المرض دا انتشارو سريع يعني لو بدأ السيطرة عليه صعبة جدا البلد ما عندها الامكانيات لمقابلة انتشار هذا المرض و اهم شي ما حا تجيك اي مساعدات من منظمات او دول اذا انت ما عملت الاحتياطات المعمول بيها دوليا و من ضمنها حظر التجول و تقليل الحركة بين المدن
Post: #7 Title: Re: لا توجد أي مبررات لحظر التجوال غير المحاك� Author: Asim Ali Date: 03-25-2020, 00:04 AM Parent: #4
سلام عليكم اتفق معاك فى وصفك لكن اختلف معك فكره فاعليه الحظر الدول اللى تضررت عربيه اسيويه اوروبيه دوله متقدمه فى امكانياتها ووسائل التواصل بين المواطن والجهات الرسميه اسرع ورغم ذلك عانت وخسرت بشر وانهكت فى محاوله السيطره فما بالك بالسودان وافريقيا دول خدماتها الصحيه فى الحضيض والوعى الصحى الجماهير متدنى وعليه فاقل القليل من الاصابات مع احتمالات الانتشار الموصوفه بشكل مماثل لما نسميه فى الفيزياء لنوويه بالتفاعل المتسلسل فى حد ادنى ادنى ان ينقل المصاب العدوى لثلاثه. وتنبيه مهم فى فرق بين مصاب مريض وبين مصاب حامل وناقل للفيروس لاظهر عليه الاعراض بشده ورما يتعافى وخلال الفتره ينقل المرض لاخرين.و
ودونك التنبيه للشباب ونصحهم بانهم رغم انهم اقل احتمالا للاصابه (المرض)ولكن هم اكثر خطوره على الاخرين من الاهل خاصه كبار السن. الثلاثه ديل قمه جبل الجليد(كلهم قادمين من الخارج سواء الاجنيى او السودانيين ) وفى ناس رفضو الخضوع للفحص او العزل فى الايام الاولى وعندك قصه البنات القادمات من اسبانيا ورفضن الخضوع لاجراءات الفحص وتدخلالاهل فى خط لصالحهم (ولايستبعد تدخلواسطات حتى تخرج البنات دون اى اجراء)كم من هذه الحالات وكم من الحالات القادمه مصاب ناقل وليس مصاب مريض اما وعى المواطنين فهو فى ادنى درجاتو ووقعو ضحيخه لاشاعات مضلله جعتهم فى حاله استرخاء واهمال - الحظر قد يؤثر على لقمه عيش البعض ولذلك الحظر الجزئى هو الافضل لحث المواطن واشعاره بجديه الامر واتخاذ الاحتياطات وتجمل المسئوليه
Post: #8 Title: Re: لا توجد أي مبررات لحظر التجوال غير المحاك� Author: Yousuf Taha Date: 03-25-2020, 01:46 PM Parent: #7
Quote: السلام عليكم منتصر يا اخوي كدي استهدي بالله المرض دا انتشارو سريع يعني لو بدأ السيطرة عليه صعبة جدا البلد ما عندها الامكانيات لمقابلة انتشار هذا المرض و اهم شي ما حا تجيك اي مساعدات من منظمات او دول اذا انت ما عملت الاحتياطات المعمول بيها دوليا و من ضمنها حظر التجول و تقليل الحركة بين المدن
22222222222
Post: #9 Title: Re: لا توجد أي مبررات لحظر التجوال غير المحاك� Author: Gafar Bashir Date: 03-25-2020, 02:50 PM Parent: #8
ما تنسي انو اصلا مافي حتي في اي دولة في العالم حلول غير الحظر بالنسبة ليهم علاج بالنسبة لينا وقاية وعلاج نحنا زاتو ما ماعندنا امكانيات نشخص المرض سريع خلي نعالجو
Post: #10 Title: Re: لا توجد أي مبررات لحظر التجوال غير المحاك� Author: محمد محمد قاضي Date: 03-25-2020, 03:20 PM Parent: #1
كلو من الوهابية المشركين قفلوا المساجد والحرمين الشريفين وخلوا الأسواق والمنتزهات وأماكن الترفيه وأندية المجون فاتحة 24 ساعة (مع إني ما عارف علاقة التوحيد بالموضوع ده شنو ) وناس قحت واليسار يحاكوا العالم الوهم ديل ويعملوا حظر تجوال بدون مبررات مقنعة هسع كان في داعي يجيبوا جثمان المرحوم من جوبا .. ما يدفنوا هناك وشيلوا الفاتحة هنا ؟؟؟ 2222222222 في شنو يا يوسف انتا كمان ههههههههههههههه
Post: #11 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-25-2020, 05:02 PM Parent: #10
يا جماعة طالما قلتوا كدا الحبسة مبروكة وعديلة علي ناس السودان اللقعدو كدا يباروا الموضوع دا لغاية ما يداهمهم الخريف وتجيهم الكولرا
Post: #12 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-25-2020, 05:03 PM Parent: #11
Post: #13 Title: Re: لا توجد أي مبررات لحظر التجوال غير المحاك� Author: nour tawir Date: 03-25-2020, 05:44 PM Parent: #12
الاخ الفاضل منتصر..
انا لا أوافقك الرأي...فإن حظر التجول مهم جدا في السودان ...والحمد لله لغاية الان ٣ حالات فقط في السودان ..
انا كمان رايى من راى امتثال... تعرف ليه ؟ حينما لم تلتزم ايطاليا بحظر التجول وصل عدد القتلى حتى صباح اليوم الى اكثر من سمتمائة الف قتيل و اربعمائة وكسر.. ويقولون ان هذا ليس العدد الحقيقى.. لان الحكومة تتستر عليه.. فماهو الحل ؟ أليس حظر التجول من احد الاجراءات للحد من الانتشار ؟
Post: #14 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-25-2020, 05:45 PM Parent: #12
عليكم السلام أبو حسين مرحبا بك وبالجميع الخيوط كثيرة جدا فلنمسك بها جميعا ولا ننشغل بخيط واحد أو اثنان وثلاثة ونترك بغية الحبال الأربعة مليون خيط وتغرق السفينة.
Post: #15 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-25-2020, 05:54 PM Parent: #14
Quote: كلو من الوهابية المشركين
لماذا أنت تتعلق بالقشور ؟! عشان تزيح عني سوء الظن بك وأنك لست قشريا وأنك تهتم بوطنك بذات اهتمامك بحياتك الخاصة والترفيه عن نفسك بالسخرية والضحك على ما لا يعجبك أو تتعجب له حتى لا يحصل سوء الظن بك أطالبك بأن تسخى بقدر من زمنك وتفكيرك وهمك وطاقة ذهنك لتفتينا في موضوع هذا البوست أنت وغيرك من أعضاء هذا المنبر هذا هو رابط البوست يا أخونا محمد محمد القاضي أقضي لنا بفكرك ورأيك
Post: #16 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-25-2020, 11:10 PM Parent: #15
لو كان هناك مرض يستدعي هذا الحظر الجزئي لما كان لهذا الحظر الجزئي زمنياً أي تخفيض لحالات العدوى وكان سيكون انتشاره عندنا في السودان أضعاف انتشاره في البلاد الأخرى! فنحن لا زلنا يشرب مئات المارة في الأسواق بكوز واحد وزحمة المواصلات وتلوث البيئة والمطاعم التي لا يوجد فيها أي مراقبة من قبل البلديات والأكل المفروش في الأرض وغير الأكل كل شي معرض للتلوث وغير ذلك من الممارسات التي تمارس من 7صباحا ل7مساء نحن الأشياء عندنا لا تباع في سوبرماركتات ومحلات مغلقة يسهل تعقيمها فما فائدة الحظر بعد ممارسة عشرات الأسباب لنقل المرض خلال الـ 12 ساعة ؟! الحظر يجدي بعد توفير كل الوسائل الأخرى التي لا تتوفر عندنا ونحن أصلا بعد الساعة الـتاسعة أو العاشرة ليلا لا توجد حركة تذكر وتنقل يذكر والغالبية يكونوا أغلقوا محالهم من بعد المغرب فالبلاد التي مارست الحظر الجزئي عندهم الليل كالنهار وليس كما هو عندنا فالذين يتحركون عندنا ليلا قلة ولابد تحركهم لضرورة على الأقل معظمهم
Post: #17 Title: Re: لا توجد أي مبررات لحظر التجوال غير المحاك� Author: خالد العبيد Date: 03-26-2020, 02:11 AM Parent: #16
انا لا أوافقك الرأي... -------------------------- بالله هو ده راي ؟!! على اي حال مثلما قال رجل حكيم : كل الأشياء بعد التجربة تصبح عادية وبعد التكرار تصبح مملة ، لا شيء مدهش في هذه الحياة سوى الغباء.
Post: #18 Title: Re: لا توجد أي مبررات لحظر التجوال غير المحاك� Author: عمر نملة Date: 03-26-2020, 04:23 AM Parent: #17
سلام
بالله هو ده راي ؟!!
ايو رأي... عضو البرلمان الإيطالي كان له نفس الرأي وبعد الكارثة رجع واعتذر و قال انه بنى راية على معلومات مغلوطة من جهات طبية
رأي منتصر يجب أن ينظر له ليس من جانب عدم الاحتراز لكن من باب انا لو حظرت تجوالي التزم بمعيشتي... يعني السودان وضعه غير.. نحن في فترة التوعية ضرورية... و التكافل ضروري
Post: #19 Title: Re: لا توجد أي مبررات لحظر التجوال غير المحاك� Author: Hafiz Bashir Date: 03-26-2020, 06:15 AM Parent: #18
Quote: فنحن لا زلنا يشرب مئات المارة في الأسواق بكوز واحد وزحمة المواصلات وتلوث البيئة والمطاعم التي لا يوجد فيها أي مراقبة من قبل البلديات والأكل المفروش في الأرض وغير الأكل كل شي معرض للتلوث وغير ذلك من الممارسات التي تمارس من 7صباحا ل7مساء نحن الأشياء عندنا لا تباع في سوبرماركتات ومحلات مغلقة يسهل تعقيمها فما فائدة الحظر بعد ممارسة عشرات الأسباب لنقل المرض خلال الـ 12 ساعة ؟!
أتفق معك يا منتصر في أن هذه الممارسات والظروف توفر بيئة صالحة لإنتشار فيروس كرونا وغيره من الأمراض وأن تغيرها يتتطلب إهتمام بالتوعية الصحية والسعي الجاد في إزالة أسبابها. ولكني لا أتفق معك أبداً في السير على هدى إذا غلبك سدها وسع قدها. محاربة إنتشار الفيروس تتطلب مقاربات من إتجاهات متعددة واحد منها تقليل زمن مخالطة الناس لأقل وقت ممكن من خلال عدة إجراءات من بينها حظر الحركة او تقليل زمنها.
حظر التجول بالطريقة التي نُفِذت في الخرطوم قد لا يكون مجدي وغير كافي لمنع إنتشار الفيروس ما لم تصحبه مزيد من الإجراءات والإحتياطات التي تقلل من فرص العدوى. صحيح أن الدلائل تشير إلى إرتباط إنتشار الكورونا بتوفر ظروف مناخية معينة غير تلك التي بالسودان ولكن هذا لا يضمن عدم وجود إحتمالات للإنتشار. فالفيروس جديد ولم يدرس بشكل كافي لمعرفة سلوكه وعوامل نشاطه. لذا فإن الموازنة بين المخاطر والتكاليف سترجح كفة عمل الإحتياطات اللازمة والممكنة من حظر تجول وغيره.
هنالك دروس كثيرة مستفادة من تجربة وباء الكورونا العالم قد يتغيَّر كثيراً بعد الكورونا في أشكال أنشطة الإنسان الإقتصادية والإجتماعية. السودان يجب أن يستعد لمواكبة التغيير القادم.
Post: #20 Title: Re: لا توجد أي مبررات لحظر التجوال غير المحاك� Author: adil amin Date: 03-26-2020, 06:22 AM Parent: #18
خلي ضجة الكرونة يا منتصر نحن من بعد الاستقلال حاكو حاكو لي مصر كمان جداتي لابسة كاكي لا تبيض لا بتكاكي تمشي مصر تجي تحاكي الكرونة ده مرض وافد ذى ما قلت والناس ديل عايزين يقشرو بيه ساكت الاسوا من المرض ده هو لينا سنة كاملة نلهث ورا حكومة حمدتي وحمدوك وما اتوفر حد ادني من المعايش عشان الناس تامن قوت يومها خليك من تامين قوت عامها ومن اقبح حاكو حاكو الان ال5+18 جنرال دي نفس السيستم بتاع الفاسد عبدالفتاح السياسي مدورين بي ناس ق ح ت وما عندهم رؤية اكثر من المشروع الهم بحمو في السودان وهو مشروع خارجي لئيم قائم علي نهب الموارد من دول دي مصر والسعودية والاماات وقطر وتركيا والاتحاد الاوربي وامريكا والبنك الدولي وحمدوك نميار بتاعم لافي صينية معاهم وذى ما قلت الصين قعدت الناس في البيوت ولكن الجيش بجيب الاكل ليك في خشم الباب ديل عايزين يقعدو الناس في البيت عشان يموتو بي الجوع بدل يموتو بي الكرونة بالمناسبة الكرونة اتصلت من الصين عندها بتين واحدة في كلية القران الكريم والثانية في الاحفاد قالت ما جاية السودان والخرطوم الوسخانة دي تجي تسوي شنو
https://top4top.io/
بتجي المطرة تقطع ليهم الكرونة دي في راسهم سكان العالم 6مليار والماتو 20000 الف والاتعافو 250000 يعني الناس البموتو بالسكري وحوادث الحركة اكثر من ناس الكورونا ديل والكرونة اخترعا ترامب وسماها الفيروس الصيني عشان يضرب الصين اقتصاديا ونعقت معه ادوات الاعلام الراسمالي الصين احتوتا بكل اناقة وانقلب السحر علي الساحر والمكر السي لا يحيق الا باهله العالم لا تتحكم فيه امريكا ..الله موجود وعنده ايضا الامر والخلق امسكو درب الصين والتفكير الاستراتيجي البخلي الزول يقعد في البيت والكهربا والموية 24 ساعة علي الاقل
Post: #21 Title: Re: لا توجد أي مبررات لحظر التجوال غير المحاك� Author: Hafiz Bashir Date: 03-26-2020, 08:12 AM Parent: #20
Quote: سكان العالم 6مليار والماتو 20000 الف والاتعافو 250000 يعني الناس البموتو بالسكري وحوادث الحركة اكثر من ناس الكورونا ديل
مشكلة كبيرة أن يصبح المنبر وسيلة لتوزيع الجهل. الكاتب طبعاً ليست لديه أدنى فكرة عن معدل الإصابة بالمرض ويجهل تماما شئ أسمه معدل نمو المرض.
عدد مرضى السكري يزداد بمعدل ثابت تقريباً كل سنة (حوالي 0.04 في السنة) وخلال فترة 35 ستة من عام 1980 وحتى الآن تضاعف عدد مرضى السكرى المكتشفين حوالي مرتين. من بداية مارس وحتى الآن يتضاعف عدد مرضى الكورونا بمعدل لوغريثمي وعدد الحالات الجديدة يزداد بمعدل 0.14 يومياً
ولو إستمر الكورونا بنفس معدل الإنتشار خلال الفترة من بداية شهر مارس و ما لم تتدخل عوامل ثانية تحد من سرعة إنتشار الكرونا، فسيصبح جملة عدد الإصابات حتى بداية مايو حوالي 4 مليار. وسيؤدي لوفاة حوالي 250 مليون شخص. بالتأكيد لن يصل الرقم إلى 4 مليار بسبب حتمية تدخل عوامل أخرى تحد من إنتشار المرض من بينها إحتمال تراجع معدل الإصابات بسبب تغير الظروف المناخية او بسبب نقصان عدد الأشخاص المعرضين للعدوى بسبب المناعة المكتسبة او الموت او الإجراءات الوقائية مثل العزل. لكن يظل الإختيار للحد من إنتشار المرض بإحدى هذه الطرق هو إختيار العالم اليوم حكومات وشعوب. إما أن نترك الأمر لإحتمال إستجابة الفيروس للظروف المناخية ونمو المناعة المكتسبة وتحمل الإحتمال المصاحب بموت 250 مليون أو أن نسعى ونلتزم بالإجراءات الوقائية.
Post: #34 Title: Re: لا توجد أي مبررات لحظر التجوال غير المحاك� Author: adil amin Date: 03-27-2020, 03:09 AM Parent: #21
Quote: مشكلة كبيرة أن يصبح المنبر وسيلة لتوزيع الجهل. الكاتب طبعاً ليست لديه أدنى فكرة عن معدل الإصابة بالمرض ويجهل تماما شئ أسمه معدل نمو المرض
يا حافظ المخستك والمهبب قدم بضاعتك بدون تجهل من هم وعي واذكي منك في البورد في حاجة اسماها معدل الموت rate of mortality ومعدل التعافي من المرض rate of recovering جدول التعافي وجدول الانتشار وجدول الموت منشور في الجزيرة مباشر لو في قرد بعرف المرض ده لو متزايد او منحسر من معدل الوفايات من كل الدولة منسوب لحدد المصابين والمتعافين وهسة انحسر في الصين وجات تعالج مغرورين زيك في اوروبا ... انت في السودان تخلي الفقعصة الما نافعة الجدول قال عندك ثلاثة حالا ت في الخرطوم وواحد اتوفي يعني ما انتشر لسه ليه حابس الناس في الخرطوم اول حاجة...لا يوجد وباء الان ...خلي الناس يتخارجو من الخرطوم ..بمشو اقاليمهم ..الناس القاعدين هسة في الاقاليم ديل ما ناس ؟؟؟ قبل سنة قلنا ليكم رجعو الاقاليم ذى ما كانت قبل 30 يونيو 1989 وباء الانقاذ عشان الخرطوم دي تفضي من الزحمة =الحكم الاقلمي اللامركزي دستور 1974 والاقاليم نظيفة الان وما فيها حرب وجيبو الصين والطاقة الشمسية في كل الاقاليم قلتو كو ... قعد حمدوك بتاعك يتسكع في دول الكرونة مصر والسعودية والامارات والاتحاد الاروبي وامريكا والبنك الدولي ويتقعر ويتنطع زيك كده زول غبي زيك كده ما يتكلم عن الجهل في البورد ده لانه ما في كرونا اكثر من ايتام الترابي 1989 وبعاعيت مايو 1969 القاعدين في راسنا ديل من 1964 انقرع وخلي التنظير الفطير جواب حسب جدول فضائية الجزيرة ايهما اعلي معدل الوفايات ام معدل التعافي ؟؟ في كل دولة؟؟؟
https://top4top.io/
مقعدين الناس في المذبلة دي ليه قاعدين سنة كاملة يا ناس ق ح ت الرجرجة تعملو شنو مضيعين الوقت في سيرك جوبا ننتظر المطرة كمان نشوف كوكتيل المطرة مع الكرونة بسوي شنو
Post: #35 Title: Re: لا توجد أي مبررات لحظر التجوال غير المحاك� Author: adil amin Date: 03-27-2020, 07:08 AM Parent: #34
Quote: ويجهل تماما شئ أسمه معدل نمو المرض
وانت كمان نديك نبذة بسيطة عم معامل الانقراض ايضا رغم انه مقارنة بين معدل المواليد ومعدل الوافيات في المجتمع the inbreeding coefficient=rate mortality- rate of natality والكلام ده درسونا ليه زمان في جامعة الخرطوم قبل الانقاذ وبكتبو ليك من راسي ساكت تاني عشان ما تجهل الناس ارجع للجداول في فضائية الجزيرة وشوف كميات المصابين في العالم وكمية المتعافين في العالم وكمية المتوفين في العالم وبعد داك تعال ولول هنا ولمن تجي المطرة برضو تعال ولول هنا يا مهبب احسن تعليق هنا (ناس ساكنين في مذبلة نقول ليهم غسلو يدينكم ليه( شوف الصورة الخرطوم زمان والخرطوم هسة اسوا انواع الجهل في السودان لجهل المتغطرس ذى حقك ده
Post: #22 Title: Re: لا توجد أي مبررات لحظر التجوال غير المحاك� Author: حسام الدين حمودة Date: 03-26-2020, 08:21 AM Parent: #20
فيروس صيني فيروس بلجيكي فيروس مالطي ،،، المهم في فيروس إسمه كوفيد 19 ولو ما إتعالج بيقتل ،،،، والناس الكبار الزينا كده حتى لو إتعالجوا برضو بيموتوا ،،، الأعداد الفي الصورة التحت دي بعد الحصار والعزل وقفل المحلات ومنع السفر وحظر التجوال وتعقيم المدن حتى الهواء ده بيعقموه ،، وبرضو الناس بتموت ،،، فيروس بينتشر بمتوالية هندسية ضخمة لو تركوه ،، يعني 1 بيعادي 80 والتمانين كل واحد بيعادي 80 يعني قولة بسم الله بيبقوا 6400 , , وديل كل واحد بيعادي 80 ،،، ده لو تركوه بدون حصار ،، بريطانيا وإيطاليا وإسبانيا وصلوا مرحلة الإنتخاب الطبيعي ،،،، النفسو قوي بيعيش وبيموت الضعيف ،،، الصين وإيران إنحسر بشدة بعد حصارهم للفيروس وفي السعودية إسبوع كمان ح يقيف الإنتشار ،،، ونحن غي السودان ح نستلم الراية الصفراء منهم طالما في ناس رأيهم زي كده ،،،
Post: #23 Title: Re: لا توجد أي مبررات لحظر التجوال غير المحاك� Author: نعمات عماد Date: 03-26-2020, 08:41 AM Parent: #22
Quote: حركة تذكر وتنقل يذكر
سلام عليكم
غير صحيح يا منتصر، قبل الكورونا كانت الحركة ليلاً تستمر في
شارع النيل و المطاعم و الشيشة و الحفلات . أسأل أي سوبرماركت
أو بائع فاكهة و سيخبرك بأن حركة البيع تستمر حتى الثالثة صباحاً.
هذه الحركة غالباً للترفيه و الحظر يقلل من العدوى بين هذه الفئات.
أما الإستعداد للخريف ينبغي أن يكون مهمة مجلس التخطيط الإستراتيجي
و يا ليت لو تطوعنا بمساعدة المجلس كما بادرت انت في موضوع
الإستفادة من مياه الأمطار.
Post: #24 Title: Re: لا توجد أي مبررات لحظر التجوال غير المحاك� Author: عبدالعظيم عثمان Date: 03-26-2020, 09:00 AM Parent: #23
بل توجد مبررات يا منتصر وقوية جدا تقليل التجمعات السكانية وكسر التواصل الجماعي هو الممكن تقدر عليه الحكومة شوف عندنا كم مكينة تنفس صناعي يا زول اذا في طريقة يتعمل حظر تجول دائم لمدة اسبوعين.. ويطبق بالقانون التدابير دي بسيطة جدا نحتاج لي اكثر من ذلك يا متتصر وربنا يحفظ أهل السودان
Post: #25 Title: Re: لا توجد أي مبررات لحظر التجوال غير المحاك� Author: علاء سيداحمد Date: 03-26-2020, 09:39 AM Parent: #24
يا منتصر بعيداً عن التجمعات قبل يومين سمعت احد الدكاترة يتحدث فى قناة بريطانية عن امكانية اصابة الشخص حتى وهو خارج منزله يتنزه باستنشاق هواء ملوث بالكرونا
وقد علل انّ ذلك يستدعى عدم الخروج من المنزل الاّ للضرورة القصوى ويستحسن لبس الكمامة فى حال الخروج .
فما بالك بالتجمعات .
Post: #26 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-26-2020, 02:00 PM Parent: #25
Quote: ولكني لا أتفق معك أبداً في السير على هدى إذا غلبك سدها وسع قدها.
ولماذا يغلبنا سدها أصلاً! أنا لم أدعو لتوسيع قدها أنا قلت لو كان هناك مرض حائم هذا الحظر سوف لا يحد من انتشاره ! بدلا من أن تتحدث عن ما يجعلنا مثل تلك الدول التي لم يكن سبب أصابتها بهذا الفايرس هو الجوانب الايجابية في حياتهم ولا بنيتهم التحتية الممتازة أو الجيدة ولا نظافة شوارهم بالوسائل المعروفة الخلاصة هي هذا الحظر لا يحد من انتشار المرض في حالة وجوده للأسباب التي ذكرتها في عاليه فبدلا من أن تنظر لكلامي بجدية وترد عليه بمنطق قعدت قدها وسدها وما عارف أيه ثم أنا تحدثت عن موسم أمطار قادم ما هي الاستعدادات التي تجنبنا حدوث أضرار تعادل مئات أضعاف ما نتوقعها من مرض كورونا؟! ونحن بلد ليس فيها سياحة ولا يرتاده الأجانب ولا حتى 1% من العدد الذي يدخل مصر فمحاكاتنا لمصر والسعودية ودول الشرق الأوسط لا يوجد له مبرر منطقي..
Post: #27 Title: Re: لا توجد أي مبررات لحظر التجوال غير المحاك� Author: Hasheem Karouri Date: 03-26-2020, 03:02 PM Parent: #26
سلام
توجد مبررات ، فالوضع اخطر مما نتصور ، راينا الدول التي سبقتنا في الاصابة بالفايروس ، وهي دول امكانياتها في كل شئ افضل مننا . التهاون مع هذا العدو الخفي ، الذي قتل الالوف ، لا ينفع ، وغدا سيزيد العدد بصورة مخيفه ، ونسال السلامه للناس اجمعيين
Post: #28 Title: Re: لا توجد أي مبررات لحظر التجوال غير المحاك� Author: Asim Ali Date: 03-26-2020, 05:09 PM Parent: #27
وضع السودان مقعد بين المصلحه العامه والواقع المتردى . الليله الكهربا قاطعه من قبل 7 ص لغايه 5 م يعنى عشرهساعات وباقى 3 ساعات على الحظر اها يعنى على الاقل صف العيش حيبدا بعد جات الكهربا (مثلا) الناس المفروض تقضى اشغالها واكل عيشها بوجود الكهربا - وهى مجالات كتيره لاداعى لتعدادها- تعمل شنو ؟؟؟ . كهربها تقطع يقولو مبرمج ومامعرف فتره القطع كم يا خى لو فعلا فى ناس متعلمه وواعيه فى البلد وفى قطاع الكعربا مثلا على الاقل فى شى اسمو برمجه رسائل قصيره للمواطنيين فى كل منطقه تنبههم انو فى قطع فى المنطقه كذا من الساعه كذا للساعه كذا البلد دى فى ايادى شغاله فيها عشان مش تشغل الناس بالازمات بس بل دايرين يقرضوهم بالمرض .بتعقيد حياتهم وتفاقم ازماتهم وزياده زجامهم بعددا كلو الداير يطلع من الخرطوم للولايات مافيا الفساد والجشع ماتخليهو يسافربسبب رفع اسعار التذاكر. . بعد دا كلو تقول محاكاه ؟؟؟ !!!! هو الفاضى للمحاكاه منو فى بلد السجم والرماد الماعارفين ثواره مشو وين وخلوها فى السهله لثعالب وذئاب السياسه . . بالمناسبه سؤال عندك احصائيه اصابات ووقايات الكورونا فى الجوار الافريقى وافريقيا عموما؟؟؟؟؟ . هنا حظر التجول عندنا مشكله بسبب ازماتنا ونمط معيشتنا وتهالك نظامنا الصحى لكن ضروره فرضها الواقع لكن للاسف محتاجين هيكل اداره دوله مسئول يعرف يفرض اجراءاتو عبر اعلام و خطاب جماهيرى مؤثر وقرارت وتنظيم فاعل .
Post: #30 Title: Re: لا توجد أي مبررات لحظر التجوال غير المحاك� Author: Mohd Ibrahim Date: 03-26-2020, 07:21 PM Parent: #29
اعتقد ان الحظر الهدف منو دق ناقوس الخطر فقط ...حتي يعرف الناس الذين لايتابعون الاخبار ويعيشون في كوكب اخر سوء ان كان بسبب الفقر المتقع او الجهل المطلق او ربما الغني الفاحش ان هناك شيئا يحدث ..لكن علي المستوي العملي لن يكون هناك فارق كبير فلايمكن ان تطلب من المواطنين غسيل ايديهم بالماء والصابون وهم يعيشون داخل برميل قمامة كبير..
Post: #31 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-26-2020, 09:54 PM Parent: #30
أنا الأن مصاب بنزلة رغم حرارة الجو وموجود في ضواحي الخرطوم لم يراودني أدنى شك بأني غير مصاب بفيروس كورونا قبل كدا جات أنفلونزا الطيور والخنازير ولم تعلن ولا أصابة في السودان السنة دي البرجوازيين والمثقفاتية والسفسفائيين بقوا هم المتحكمين على بلدنا وحا يملونا فقر.
Post: #32 Title: Re: لا توجد أي مبررات لحظر التجوال غير المحاك� Author: امتثال عبدالله Date: 03-26-2020, 10:38 PM Parent: #31
يا منتصر لازم تجري للفحص الآن لان اغراض الكرونا بتشبه اعراض النزلة والفرق الوحيد أن المصاب بي الكرونا بيشعر بضيق في النفس ....فإذا شعرت بضيق في النفس فاجري المستشفى..فإذا ما في مستشفى قريب ، اشرب عصير ليمون واعمل غرغرة بماء دافئ وملح وليمون ....والدكاترة بيقولوا ان الليمون anti virus ...وخصوصا ال airborne virus like coronavirus . وربنا ينجيكم من هذا البلاء والوباء
Post: #33 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-26-2020, 11:06 PM Parent: #32
شكراً إمتثال وحفظك الله من كل شوء
Post: #36 Title: Re: لا توجد أي مبررات لحظر التجوال غير المحاك� Author: Hafiz Bashir Date: 03-27-2020, 08:02 AM Parent: #33
Quote: ليه حابس الناس في الخرطوم اول حاجة...لا يوجد وباء الان ...خلي الناس يتخارجو من الخرطوم ..بمشو اقاليمهم ..الناس القاعدين هسة في الاقاليم ديل ما ناس ؟؟؟ قبل سنة قلنا ليكم رجعو الاقاليم ذى ما كانت قبل 30 يونيو 1989
Quote: فصل الربيع من اجمل الفصول في السنة تكثر فيه المراعي الخضراء مما يتيح للجمل أن يشبع من تلك المراعي والجمل حيوان بري يصبر على الجوع والعطش ويستطيع المشي على الرمل بكل سهولة ويسر ويُربي البدو الجمل فهو سفينة الصحراء فينقل متاعهم ويساعدهم على الترحال من منطقة لأخرى.. والجمل حيوان أليف.. إلخ
Quote: تشتهر اليابان بالعديد من الصناعات ومنها السيارات. لكن البدو في تنقلاتهم يعتمدون على الجمل. والجمل حيوان بري يصبر على الجوع والعطش ويستطيع المشي على الرمل بكل سهولة ويسر. ويربي البدو الجمل فهو سفينة الصحراء فينقل متاعهم ويساعدهم على الترحال من منطقة لأخرى والجمل حيوان أليف.. إلخ.
يا عادل بطل الجن البتسوي فوقو دا
Post: #37 Title: Re: لا توجد أي مبررات لحظر التجوال غير المحاك� Author: حسام الدين حمودة Date: 03-27-2020, 09:55 AM Parent: #36
منتصر كيف الحال إن شاء الله يكون الموضوع بسيط ونزلة عادية ،،، وإن شاء الله العافية للجميع ،،،
Post: #38 Title: Re: لا توجد أي مبررات لحظر التجوال غير المحاك� Author: adil amin Date: 03-27-2020, 11:49 AM
Quote: يا عادل بطل الجن البتسوي فوقو دا
ده علاج فيروس الانقاذ 1989 في السودان الحكم الاقليمي للامركزي ودستور 2005+دستور 1974 يقكك الدولة الامنية القذرة الاسستا مصر من زمن الصاغ صلاح سالم لحدي الليلة الانقاذ دي ابادت من 1989 -2020 20000000 جنوبي 1000000 نوباوي 250000 فور وباقي السودان وكمان في الخرطوم احادث اعتصام القيادة بتكون حريصة توصل الموية والكهرباء والخبز والطعام للناس ذى الجيش الصيني وحكومة الصين الرشيدة عملت معجزة لاحتواء كرونة ونحن ناس ق ح ت ضيعو سنة يتسكعو في امريكا والاتحاد الاوربي وجانا رئيس المانيا وجاتنا خجيجة ام كحل بعدين الاقتباسين عن الجمل واليابان جبتهم من وين ؟؟؟ ديل ما حقاتي صارع بي اخلاق وشرف ولي انقرع يا حافظ بشير عايز تلقي لي ذى جريدة الوان بتاعة حسين خوجلي
Post: #39 Title: Re: لا توجد أي مبررات لحظر التجوال غير المحاك� Author: adil amin Date: 03-27-2020, 11:58 AM Parent: #38
Quote: فصل الربيع من اجمل الفصول في السنة تكثر فيه المراعي الخضراء مما يتيح للجمل أن يشبع من تلك المراعي والجمل حيوان بري يصبر على الجوع والعطش ويستطيع المشي على الرمل بكل سهولة ويسر ويُربي البدو الجمل فهو سفينة الصحراء فينقل متاعهم ويساعدهم على الترحال من منطقة لأخرى.. والجمل حيوان أليف.. إلخ Quote: تشتهر اليابان بالعديد من الصناعات ومنها السيارات. لكن البدو في تنقلاتهم يعتمدون على الجمل. والجمل حيوان بري يصبر على الجوع والعطش ويستطيع المشي على الرمل بكل سهولة ويسر. ويربي البدو الجمل فهو سفينة الصحراء فينقل متاعهم ويساعدهم على الترحال من منطقة لأخرى والجمل حيوان أليف.. إلخ.
الكلام ده معناه شنو وجبتو من وين يا حافظ بشير ؟؟؟ عايز توحي للناس انا قلت الكلام ده وين وتبتر كلامي ايضا في البوست لناس شايفة الكلام كويس انت قلت انا جاهل وقعدت تنظر في الكورونا كعادة السودانيين مضحكة الفضائيات العربية وريناك كيف تعرف معدل انتشار المرض بالارقام وليس بالاوهام انت بتحتقر وعي الناس في البوست ده وفي البورد لمن تجيب حاجات خارم بارم ذى دي بدل تعترف انك الاجهل وقرررط علي كده اوعك تقوم جاري تولول تقول عادل شتمني الجمل ده عندنا في السودان بس ما في اليابان ونوعين .....
Post: #40 Title: Re: لا توجد أي مبررات لحظر التجوال غير المحاك� Author: Hafiz Bashir Date: 03-27-2020, 12:55 PM
طبعاً يا عادل أمين إنت لا بليد لا غبي ربنا أداك مخ زيك وزي باقي الناس لكن مشكلتك قفلت مخك دا في فكرة او فكرتين وشغال تردد فيهم وما أديتو فرصة يتطور ويكتسب معارف جديدة والمعارف المقصودة هنا ما معلومات لكن إستيعاب للواقع بشكل أكثر مقاربة للحقيقة. فياريت تحاول تشوف الدنيا دي بفهم اوسع وسيبك من قصة بعاعيت وقمل وصلاح سالم دي
Quote: انقرع وخلي التنظير الفطير جواب حسب جدول فضائية الجزيرة ايهما اعلي معدل الوفايات ام معدل التعافي ؟؟ في كل دولة؟؟؟
هسه عليك الله في زول عاقل بيسأل سؤالك دا؟ يعني معقول تفتكر إنو طالما معدل الوفيات أقل من معدل التعافي معناها المرض ما خطير وما بيستاهل إهتمام؟ إنت عايز المرض يقتل أكتر من نصف المصابين حتين تعتبرو مرض خطير ويستحق الإهتمام؟
عادل ياخي خش الضل
Post: #41 Title: Re: لا توجد أي مبررات لحظر التجوال غير المحاك� Author: Hafiz Bashir Date: 03-27-2020, 01:05 PM Parent: #40
Quote: الكلام ده معناه شنو وجبتو من وين يا حافظ بشير ؟؟؟
ما تخاف مافي زول حيفتكر إنك كتبت الكلام دا، لأنو دي قصة متداولة لطالب يشبهك تماماً في أنه كلما أعطي موضوع للكتابة عنه يخرج من الموضوع ويكتب عن الجمل. فعندما طُلب منه أن يكتب موضوع عن فصل الربيع، كتب: فصل الربيع من اجمل الفصول في السنة تكثر فيه المراعي الخضراء مما يتيح للجمل أن يشبع من تلك المراعي والجمل حيوان بري يصبر على الجوع والعطش ويستطيع المشي على الرمل بكل سهولة ويسر ويُربي البدو الجمل فهو سفينة الصحراء فينقل متاعهم ويساعدهم على الترحال من منطقة لأخرى.. والجمل حيوان أليف... الخ وفي مرة ثانية طُلب منه أن يكتب عن التكنلوجيا والصناعة في اليابان، كتب: تشتهر اليابان بالعديد من الصناعات ومنها السيارات. لكن البدو في تنقلاتهم يعتمدون على الجمل. والجمل حيوان بري يصبر على الجوع والعطش ويستطيع المشي على الرمل بكل سهولة ويسر. ويربي البدو الجمل فهو سفينة الصحراء فينقل متاعهم ويساعدهم على الترحال من منطقة لأخرى والجمل حيوان أليف... إلخ
هو يشبهك تماماً في أنك مهما كان موضوع البوست فإنك تكتب عن الجمل
Post: #42 Title: Re: لا توجد أي مبررات لحظر التجوال غير المحاك� Author: adil amin Date: 03-27-2020, 02:41 PM Parent: #41
Quote: هو يشبهك تماماً في أنك مهما كان موضوع البوست فإنك تكتب عن الجمل
انا بكتب في نفس الموضوع بصورة اعمق بس انت shallow mind بخاطب جذور الازمة في السودان وده بسمو التفكير الستراتيجي البحل مشكلة الناس في السودان انك تمشي بالاستيكة في كل حاجات الانقاذ دي لحدي 30 يونيو1989 وجبنا لي صورة الخرطوم الوسخانة الناس يطلعو من الخرطوم نهائي ما يرجعو ثاني بدل حظر التجول الغبي ...تيحي الاقاليم ذى ما كانت وده بهزم الكرونة قبل تجي السودان ذاتو وعدم مسؤلية مخلفات الانقاذ ديل ما ذى الصين بجو يجيبو لي الناس الطعام او ضروريات الحياة في البيوت وهسة الزمن بس حيوري الاذكي والاوعي انا ولي انت
Post: #43 Title: Re: لا توجد أي مبررات لحظر التجوال غير المحاك� Author: adil amin Date: 03-27-2020, 03:06 PM Parent: #41
Quote: هسه عليك الله في زول عاقل بيسأل سؤالك دا؟
جبنا ليك العلم بتاع طب المجتمع ووريتك كيف بقاس الوياء وخطوروتو في احصاء طبي دقيق ما تقعد تلف وتدور والمهول الكرونا البروبقندا الامريكية واراد الساقط ترامب تشويه الصين بي الكرونة وسماهو فيروس الصين والصين احتوتو بكل اناقة ومشت تساعد اوروبا ذاتا القال ترامب وقفو الطيران ليها قايل امريكا الغزال الفوق في السلم لحدي ما دوروت بيه الكرونة وفضحت امريكا فيروس سياسي اراد به ضرب الصين اقتصاديا ولقي هوال زيك وزي الاعلام العربي يدور في فلكو افرض مرض خطير مثلا هل معالجة ق ح ت وجترالات الانقاذ ديل لي المرض عملية ةعلمية بعدين الدولة الامنية الغبية في السودان دي مشكلة السودان تعامل الحكومات باستهتار مع الشعب السوداني انت المخك ضيق ومبتزل كمان كل موارد السودان مسيطرين عليها شركات امنية والامن في السودان صناعة مصرية ليس له علاقة بالسودان والسودانيين ولازال يعيق استقلال السودان الحقيقي ومع دول ناهبة مصر والسعودية والامارات وقطر وتركيا واوروبا وامريكا والبنك الدولي المفقر الناس في الخرطوم مع حظر التجول ده كيف ؟؟ مش احسن يمشو الاقاليم ويرجعو لحياتهم القديمة وكورونا دي بحلنا منها الله والشمس =الطاقة الشمسية والصين بس وخليك في وعيك وحدود سقفك المنخفض نشوف سياسات الحكومة مع كرونة بتودينا وين وانت مسؤال من النتائج بعد داك قال علي بن ابي طالب نحن من خوف الذل في ذل ومن خوف المرض في مرض ومن خوف الفقر في فقر دي الحالة السودانية طيلة سنوات الانقاذ من 30 يوينو 1989 لحدي الليلة مارس 2020
Post: #44 Title: Re: لا توجد أي مبررات لحظر التجوال غير المحاك� Author: Hafiz Bashir Date: 03-27-2020, 04:10 PM Parent: #43
Quote: وهسة الزمن بس حيوري الاذكي والاوعي انا ولي انت
أصلو أنا ما خاشي معاك في منافسة وياريت تبعد الفكرة دي من راسك تماماً وبمناسبة الذكاء دي بتعرف نظرية غاردنر للذكاءات المتعددة؟ لأنو الذكاء دا حاجة متعددة الأبعاد وبالتالي صعب تحكم على زول بإنو أذكى من زول تاني في كل الأبعاد.
Quote: الناس يطلعو من الخرطوم نهائي ما يرجعو ثاني بدل حظر التجول الغبي ...تيحي الاقاليم ذى ما كانت وده بهزم الكرونة قبل تجي السودان ذاتو
يا عادل يا إبني مافي علاقة بين سفر الناس للأقاليم وحظر التجول وبين هجرتهم العكسية للأقاليم. حظر السفر دا إجراء مستعجل ومؤقت جداً متعلق بوباء الكورونة قد يمتد لمدة شهر مثلاً الهجرة العكسية للأقاليم برنامج طويل المدى يحتاج سنوات الكرونة ما بتنتظرو. وهسه نحن موضوعنا الكرونا، فما تمرق بينا في موضوع الجمل
أنا بالنسبة لي الكرونا فيروس ريبونيكلوزي يسبب مرض سريع الإنتشار وبمعدل إماتة معتبر خزعبلاتك بتاعة فيروس سياسي وترمب وضرب الصين دي أوهام ما من إختصاصي.
Post: #45 Title: Re: لا توجد أي مبررات لحظر التجوال غير المحاك� Author: منتصر عبد الباسط Date: 03-27-2020, 07:09 PM Parent: #44
Quote: منتصر كيف الحال إن شاء الله يكون الموضوع بسيط ونزلة عادية ،،، وإن شاء الله العافية للجميع ،،،
الحمد لله حسام الدين النزلة أصلا قاعدة تجيني كتير وأعراضها بالنسبة لي معروفةوأستطيع تميزها عن أي مرض آخر وهي مرض عافية والحمد لله اليوم أحسن من أمس وأنا غير معتداد على أخذ الأدوية العقاقير للنزلة خاصة المضاضات ممتنع عنها تماماً والحمد لله أصبحت أحسن كتير اليوم.
Quote: إنَّ الإصابة بمرض الزكام وإن كانت في ظاهرها تضر بالجسم، وتظهر على الجسم عدة أعراض تضعفه، إلا أنَّ هذا المرض، قد يسهم في تقوية جهاز المناعة عند الإنسان ، بحيث إنَّ هذا النوع من الفيروسات عندما يدخل إلى الجسم يبدأ الجسم بإنتاج موادّ مضادة، لتقاوم هذه الفيروسات وتقتلها، بهذا فإنّ الجسم يقوم بمقاومة هذا المرض بنفسه والتخلّص منه، فيتعود على إنتاج هذه الأجسام المضادة، فعندما يتعرض إليه مرة أخرى، لا يتأثر كثيراً بل يستطيع مقاومتها والقضاء عليها، وقد يستفيد الجسم من هذه الفيروسات في التخلّص من السموم والفضلات في الجسم.
Post: #46 Title: Re: لا توجد أي مبررات لحظر التجوال غير المحاك� Author: Hafiz Bashir Date: 03-27-2020, 07:57 PM Parent: #45
كويس يا منتصر إنك بقيت كويس وإن شاء الله نزلة خفيفة وتعدي شايفك في ردك علي زي زعلان من مقولة "إذا غلبك سدها وسع قدها" طيب نبدلها ليك ب "ما لا يدرك جله لا يترك كله" عشان تقرا المداخلة بدون إنفعال. أنت ذكرت عدة ممارسات وسلوكيات تمارس يومياً وبكثرة وتشكل مخاطر كبيرة لإنتقال الأمراض عموما ومن بينها مرض الكورونا بناءاً على وجود هذه الممارسات خلصت إلى عدم فائدة الحظر. وأنا إتفقت معك على أن هذه الممارسات فعلاً تحتاج تغيير وذلك عن طريق التوعية وإزالة الأسباب. ولكن هل تعلم كم تكلفة تغيير هذه الممارسات وكم من الوقت لنشر التوعية الكافية لتغيير السلوك؟ يعني مثلاً عشان تغير سلوك شراب الناس بكأس واحدة، تحتاج توفير مياه نظيفة واداة لشرابها لا تتلوث. كم سعر قارورة المياه عبوة 600 مل الآن في الخرطوم؟
وإتفقت معك أيضاً في عدم جدوى الحظر مالم تدعمه إجراءات أخرى تقلل حركة المواطنين لم أتفق معك في عدم وجود مبررات للحظر بل توجد مبررات ونحتاج إلى إجراءات أكثر جرأة في الحد من مخاطر تفشي المرض
Quote: ولماذا يغلبنا سدها أصلاً!
سيغلبنا سدها لو فشلنا في الإلتزام بنظام يقلل فرص تفشي المرض. معلومة أن المرض لا ينتشر في المناطق الحارة تدعمها مشاهدة التوزيع الجغرافي الحالي للمرض ولكنها لن تصبح حقيقة مؤكدة بسبب عدم إكتمال التجربة حتى الآن فالفيروس جديد ولم يكشف عن كل جوانبه بالقدر الكافي ولذا يظل إحتمال إنتشار الفيروس في أي مكان إحتمال موجود رغم صغره. في حال إنتشار المرض سيغلبنا سدها لأن المؤسسات الصحية في بلادنا ليست لديها السعة الكافية لإستقبال المرضى في حال حدث إنتشار للمرض الWHO توصي ب 5 أسرة في المستشفى لكل 1000 شخص من السكان. في السودان يوجد حوالي 0.8 سرير مقابل كل 1000 من السكان. دعك من شح أجهزة العناية والفحص و الأدوية والدربات والأطباء والتمريض ووو.
