Post: #2
Title: Re: مشورة فنية يا شباب لعمكم!
Author: حسام الدين حمودة
Date: 03-24-2020, 10:27 PM
Parent: #1
تحياتي الأستاذ هشام هباني
لا يمكن إلا في حالة واحدة ، وهي تثبيت تطبيق موقع رفع الصور في الجوال ،،،
البورد ليس فيه مركز رفع للصور والفيديوهات ، لأنو مركز التحميل بيستهلك باندويدث (كمية المعلومات المنقولة) بصورة كبيرة وممكن يعطل الموقع ،،،،
لذلك لازم ترفعها في موقع إستضافة للصور أول شيئ ،،، وبعدها تأخذ الرابط وتجي تدخل الرابط هنا من خلال أيقونة الصور ،،، وكده بتكون ختيت صورة في الموضوع في البورد لكنها شغالة من موقع تاني عشان تظهر .
بعض المواقع تعطي إمكانية رفع الصور بدون تسجيل ولكن يجب أن تعرف كيف تستخرج الرابط المباشر بدون دعايات ،،،، وبعضها يتطلب التسجيل ،،،
ده موقع إستضافة بيديك رابط مباشر وما بتحتاج تسجل ،،، وعنده تطبيق للأندرويد برضو
https://imgur.com/
وده بيحتاج تسجيل وكلهم ممكن تتحصل على رابط مباشر منهم
https://imageshack.com/
|
Post: #3
Title: Re: مشورة فنية يا شباب لعمكم!
Author: هشام هباني
Date: 03-24-2020, 10:35 PM
Parent: #2
تشكر يا ملك الله يخليك..عمك خلاص الحاجات دي مع (الكبرونيا) التركيز فيها بكون
زيرو ههههههه
|
Post: #4
Title: Re: مشورة فنية يا شباب لعمكم!
Author: خضر الطيب
Date: 03-24-2020, 10:42 PM
Parent: #3
مرحب عمنا العمدة هباني
و عوداً حميداً
ممكن ترسل الفيديو في الواتس
او اديني اسم الفيديو ممكن يكون عندي
|
Post: #5
Title: Re: مشورة فنية يا شباب لعمكم!
Author: هشام هباني
Date: 03-24-2020, 10:51 PM
سلامات حبيبنا خضر
كيف حالك...انا بتكلم بشكل عام لانو في اللاب توب زمان ساهل جدا ترفع فيديو اوصورة لكن في التلفونات شايف القصة معقدة.
|
Post: #6
Title: Re: مشورة فنية يا شباب لعمكم!
Author: احمد حمودى
Date: 03-24-2020, 11:02 PM
Parent: #5
الحبيب ودالناظر هشام خضر دة حمامة اى حاجة ارسلها ليه ثانية تكون نزلت البورد
وكلنا قعد نستعين بيه وربنا يديكم العافية كلكم والتحية الى الباشمهندس حسام وخدوووورى
|
Post: #7
Title: Re: مشورة فنية يا شباب لعمكم!
Author: بكرى ابوبكر
Date: 03-24-2020, 11:14 PM
Parent: #6
يا حبيب بالنسبة للصورة
يمكنك نقلها الي المنبر اذا كانت موجودة في النت و لها عنوان url بالضغط عليها و عمل copy image وهذا يقوم بحفظ عنوان الصورة و بعد ذلك يمكنك اضافته في اضف صورة
بشوف ليك موضوع الفيديو
|
Post: #8
Title: Re: مشورة فنية يا شباب لعمكم!
Author: امتثال عبدالله
Date: 03-24-2020, 11:17 PM
Parent: #6
احمد حمودي
والله انصح صاحبك خضر يفتح ليه معهد لتكنلوجيا الكمبيوترات في الخرطوم ..وانا اول واحدة حاسجل طالبة في المعهد حتى اذا الرسوم الدراسية ٥ الف دولار في الشهرة..
.طبعا اذا انا كنت اول من يرد على هشام هباني كنت حاقول ليه مستحيل ولا تحاول..هههههههه
|
Post: #9
Title: Re: مشورة فنية يا شباب لعمكم!
Author: علاء سيداحمد
Date: 03-24-2020, 11:19 PM
Parent: #6
سلام يا الناظر هشام
الموضوع سهل قم بربط الهاتف بالكمبيوتر عن طريق وصلة ال USB الخاص بهاتفك مثال الخاص بالآيفون كما فى الصورة ادناه :
- قم بتنزيل الفيديوهات والصور الى جهاز كمبيوترك .
- بالنسبة للصور قم بتحميل الصور فى اى موقع تحميل صور مثال :
مركز ام سى لرفع الصور .
http://www.m9c.net/مركز ام سى
وبالنسبة للفيديو يمكنك :
- تحميله الى قناتك فى اليوتيوب ثم بعد ذلك الى الموقع .
- تحميله الى الفيس بوك ثم بعد ذلك تحميله الى الموقع بالنسخ واللصق.
اى شئ ما واضح جاهزين .
|
Post: #12
Title: Re: مشورة فنية يا شباب لعمكم!
Author: منتصر عبد الباسط
Date: 03-24-2020, 11:44 PM
Parent: #9
لوكان كمبيوتر تدوس كلك يمين في المشار إليه في بالسهم ثم بيست(لصق) في الصفحة
.....
|
Post: #10
Title: Re: مشورة فنية يا شباب لعمكم!
Author: خضر الطيب
Date: 03-24-2020, 11:24 PM
Parent: #6
تسلم حبيبنا هشام
الحمد لله انا بخير و اتمناك بألف خير
و ياريت تكتب لينا بوست عن رحلة السودان و بالصور لو امكن
القطينة ود الزاكي نعيمة ابوحبيرة الدويم و ما بينهما
Quote: سلامات حبيبنا خضر
كيف حالك...انا بتكلم بشكل عام لانو في اللاب توب زمان ساهل جدا ترفع فيديو اوصورة لكن في التلفونات شايف القصة معقدة. |
الموقع فيهو مشاكل تقنية بكري بحاول يعالجا نعم في كودات لكن مرات بتحصل فيها مشكلة
عموماً انا ما حصل كتبتا حرف في الموقع دا ولا نزلتا فيديو من الموبايل مباشرةً
بستخدم الديسك توب و في السفريات اللابتوب و الديسك توب ذاتو شاشة و ويرلس كيبورد HP في حجم اللابتوب
|
Post: #11
Title: Re: مشورة فنية يا شباب لعمكم!
Author: خضر الطيب
Date: 03-24-2020, 11:31 PM
Parent: #10
حبيبنا احمد حمودي مرحب بيك
Quote: الحبيب ودالناظر هشام خضر دة حمامة اى حاجة ارسلها ليه ثانية تكون نزلت البورد
وكلنا قعد نستعين بيه وربنا يديكم العافية كلكم والتحية الى الباشمهندس حسام وخدوووورى |
ياخ انا تعبتا معاكم انت و عدد كبير من الاوغاد انا بقيت شغال قصادكم هههههههه
الفيديوهات البترسلوها في الواتس او لنكات من الفيس عشان تتحول لي MP4 و بعدها لليوتيوب
الموضوع ما بياخد معاي وكت لكن المشكلة انا ما بكون معاي وكت فارحموني يرحمكم الله
هي الكرونا خلت فينا حيل ههههههههه
|
Post: #13
Title: Re: مشورة فنية يا شباب لعمكم!
Author: خضر الطيب
Date: 03-24-2020, 11:44 PM
Parent: #11
الراكزة امتثال حبابك
| Quote: اذا الرسوم الدراسية ٥ الف دولار في الشهر |
رسلي لي 500 دولار بس و امورك التقنية حتظبط :)
بالمناسبة عندي معهد في الخرطوم فيهو كل شئ
كل تخصصات الكمبيوتر .. تدريب اعلامي .. تنمية بشرية ..اتوكيت ..لغة فرنسية ..لغة انقليزية و الاخيرة دي انتي ما محتاجة ليها
ما يقوم ابوصلعة يحسبا على اعلان و يجرشني هههههه
|
Post: #14
Title: Re: مشورة فنية يا شباب لعمكم!
Author: امتثال عبدالله
Date: 03-24-2020, 11:58 PM
Parent: #13
"" والإنجليزية..والأخيرة دي انتي ما محتاجة ليها""
...
خضر الطيب . ..
لا محتاجة ليها ...نحن لسع ما وصلنا درجة أميرة بت السيد ، البتبيع الموية في حارة السقايين ، زي ما
بيقولوا المصريين ...فهي تدرس مادة باللغة الانجليزية للأمريكان....
..والله يبعد عنكم الكرونا....وان شاء الله العدد ما يزيد من ٣..
|
Post: #15
Title: Re: مشورة فنية يا شباب لعمكم!
Author: خضر الطيب
Date: 03-25-2020, 00:09 AM
Parent: #14
Quote: خضر الطيب . ..
لا محتاجة ليها ...نحن لسع ما وصلنا درجة أميرة بت السيد ، البتبيع الموية في حارة السقايين ، زي ما
بيقولوا المصريين ...فهي تدرس مادة باللغة الانجليزية للأمريكان....
..والله يبعد عنكم الكرونا....وان شاء الله العدد ما يزيد من ٣.. |
ما شاء الله عليها اميرة السيد طالما وصلت مرحلة انها تدرس اللغة الانقليزية للامريكان
اكيد بتدرس اللغة الاكاديمية ..
اذن اول ما تنزلي السودان امورك طيبة و المعهد يتشرف بيك و عندنا اساتذة من خمسة جنسيات اجنبية و تعتبر اللغة الانقليزية هي اللغة الاولى بالنسبة ليهم
|
|