Post: #1
Title: من عالم الصواريخ الذى قرر وقت حظر التجول
Author: Abureesh
Date: 03-23-2020, 09:19 PM
Parent: #0
09:19 PM March, 23 2020 سودانيز اون لاين
Abureesh-أمريكا
مكتبتى
رابط مختصر
الحكومة اصدرت قرار حظر التجول من الثامنة مساء حتى السادسة صباحا!!!!-
هذا هو الوقت الذى فيه ينام السودانيون.. و الان تخيل السوق العربى و السوق المركزى. من الساعة السادسة صباحا حتى الثامنة مساء!!
هل ممكن ان نعرف من الذى اقترح هذا الوقت.. هل الحكومة خايفة من كرونا و اللا من إنقلاب!
|
Post: #2
Title: Re: من عالم الصواريخ الذى قرر وقت حظر التجول
Author: Abdullah Idrees
Date: 03-23-2020, 09:43 PM
Parent: #1
وين يا ابوي
المواصلات دي مليانة لي 12 بالليل والاسواق فاتحة وستات الشاي والجبنة
في قعدات مسائية بالليل تلقا الشوارع دي كلها مرصوصة رص
وفي صلاة صبح الاف المساجد بتتفتح من 4 صباحا
اي حظر مؤقت بقلل من الاتصال المباشر بين الناس بقلل من الاصابات او العدوى
المشكلة انو ملايين الناس ما بتحملوا حظر تجول والحكومة ما عندها اي قدرة توفر
ليهم الحاجات الاساسية ، يعني يا يموتو بالكورونا يا يموتو بالجوع؟
|
Post: #3
Title: Re: من عالم الصواريخ الذى قرر وقت حظر التجول
Author: محمد الأمين موسى
Date: 03-23-2020, 10:14 PM
Parent: #2
| Quote: هل ممكن ان نعرف من الذى اقترح هذا الوقت.. هل الحكومة خايفة من كرونا و اللا من إنقلاب! |
الظاهر عليهم مفتكرين فيروس كورونا دا زي أبرقيع بنتشر بالليل فقط!
|
Post: #4
Title: Re: من عالم الصواريخ الذى قرر وقت حظر التجول
Author: Asim Ali
Date: 03-23-2020, 10:15 PM
Parent: #2
فى حاجات متاكد بكرا ماحتلتزم بالحظر صف البنزين وصف العيش والناس فى فىطريق الرجعه لبيوتها وقت دخولها البيت هو وقت بدايه حظر التجول عندها حتى لو رجع 10 او 12 بليل
|
Post: #5
Title: Re: من عالم الصواريخ الذى قرر وقت حظر التجول
Author: Abureesh
Date: 03-23-2020, 10:26 PM
Parent: #4
الأخ عبدالله إدريس
لا يمكن بأى حال مقارنة زحمة الليل مع زحمة النهار.. ضربت ليك مثل السوق العربى.. القيامة قايمة و العجاج يكتح.. هل مريت على السوق الشعبى أمدرمان؟ ياخ ديل كرونا زاتو يقول ليهم زحوا لينا شوية عشان نتخارج!!
توقيت حظر التجول غباء مدقع.. دا لو أحسنا الظن.. لكن أعتقد العسكر كرونا وقع ليهم فى جرح.. و شال منهم وش القباحة. فأعلنوا حالة الطوارئ و حظر التجول ليلا لأسباب يعرفونها.. ما فى مشكلة. بس باللاى كملوا
جميلكم و أحظروا التجول نهاراً.. كما تفعل الأردن بقوة السلاح. دايرن نتحظر ياخ العاجبكم فى تجوالنا دا شنو؟
|
Post: #6
Title: Re: من عالم الصواريخ الذى قرر وقت حظر التجول
Author: حسام الدين حمودة
Date: 03-23-2020, 11:20 PM
أعتقد المقصود منع الحفلات والمناسبات والإحتفالات مهما كان نوعها،،،، وهي عادة مساء ،،، وكمان يجب منع المحلات وقفل جميع الأنشطة ما عدا البقالات وأسواق الأغذية والمخابز ومحطات الوقود والصيدليات والعيادات والمستوصفات نهاراً ، يعني السوق العربي يقفل ضمة ،، يجب أخذ الموضوع بجدية ،،،،
|
Post: #7
Title: Re: من عالم الصواريخ الذى قرر وقت حظر التجول
Author: Hafiz Bashir
Date: 03-23-2020, 11:23 PM
لو لو تتوفر معالجات أخرى
حظر التجول ممكن يؤدي إلى زحمة أكتر في مواقف المواصلات في الفترة قبل بدايته.
|
Post: #8
Title: Re: من عالم الصواريخ الذى قرر وقت حظر التجول
Author: Asim Ali
Date: 03-24-2020, 01:51 AM
Parent: #7
ملحوظه صغيره :قطاع كبير من الشعب هاصه فى المدن ناس رزق اليوم باليوم وحظركامل يعنى انقطاع رزقهم والدوله لاتشبه دول اخرى يمكنها ان تدفع للشريحه المتضرره اعانه تسند الشريحه دى ولاننسى انو حتى شريحه من العاملين بالدوله يكون عندهم عمل اضافى لزياده الدخل ومواجهه الغلاء المتصاعد .
همليه الحظر الجزئى تتطلب معادله توازن بين امكانيه حد ادنى لعمل اصحاب العمل الحر من جهه وتقليل الحركه والتجمعات لحدها الادنى من جهه اخرى
|
Post: #9
Title: Re: من عالم الصواريخ الذى قرر وقت حظر التجول
Author: Abureesh
Date: 03-24-2020, 07:28 AM
Parent: #8
| Quote: تتطلب معادله توازن بين امكانيه حد ادنى لعمل اصحاب العمل الحر من جهه وتقليل الحركه والتجمعات لحدها الادنى من جهه اخرى |
كلا عقل
|
Post: #10
Title: Re: من عالم الصواريخ الذى قرر وقت حظر التجول
Author: muntasir
Date: 03-24-2020, 07:52 AM
Parent: #9
سلام ابوالريش لو قالوا ليك تقترح موعد للحظر حيكون من كم لكم
|
Post: #11
Title: Re: من عالم الصواريخ الذى قرر وقت حظر التجول
Author: عمر سعيد علي
Date: 03-24-2020, 09:31 AM
Parent: #10
تحية ابو الريش . .
قد يكون المعني بوقت الحظر هو الحفلات والاعراس التي تقام في الصالات والتجمعات المسائية بشارع النيل وما شابه ذلك . .
وقد يكون محاولة للفت نظر المواطن البسيط ان الامر جد وخطير بفرض حظر التجوال . .
|
Post: #12
Title: Re: من عالم الصواريخ الذى قرر وقت حظر التجول
Author: Asim Ali
Date: 03-24-2020, 12:41 PM
Parent: #11
هسى فى مؤنر صجقفى للائيس الوزراء المصرى واعلن حظر التجوال من 5 م 6 ص
المميز فى القرارات انو اكثر تفصيلا تسد الثغرات لاى خرق وتحديدا يعنى مثلا
خلال الحظر ايقاف الحركه على الطرق العامه و ايقاف وسائل النقل العام والخاص وغلق كل المحال والانشطه بما فيها اماكن التسليه (سينمات وكافيهات و....)مع استثناء الافران والصيدليات- وخدمه الدليفرى(فقط) لبعض الانشطه زى المطاعم مع الالتزام بالتوجيهات لتفادى الزحام من تباعد فى الصفوف مثلا
من جهه تانيه تم تعليق الاجراءات زى الشهر العقارى واستخراج وتجديد المستندات الشخصيه (بطاقه ,جواز. رخصه ....)مع نوجيه الجهات بقالجهات الرسميه بقبول العمل بها حتى نهايه حاله الازمه وتمديد اغلاق المؤسسات التعليميه اسبوعين اخرين.
قرارات صارمه بعقوبات لعير الملتزمين بين غرمه 4 الف جنيه الى الجبس وتوجيه للشطه بالتطبيق الصارم للقرارات
.
شفت امس كلام البرهان وكلام تاور وكلامهم عام ومليان ثغرات لو قارناه بقرارات رئيس الوزراء المصرى
|
Post: #13
Title: Re: من عالم الصواريخ الذى قرر وقت حظر التجول
Author: Asim Ali
Date: 03-24-2020, 07:36 PM
Parent: #12
الفرن الجنبنا على شارع الشهيد مطر صف العيش لو مازاد ماحيخلص قبل تسعه ونص او عشره
موقف جاكسون مع مواعيد بدء حظر التجول
|
Post: #14
Title: Re: من عالم الصواريخ الذى قرر وقت حظر التجول
Author: Asim Ali
Date: 03-25-2020, 00:16 AM
Parent: #13
Quote: والي الخرطوم ومدير عام الشرطة يتابعان حظر التجوال.. وتوقيف المئات في شارع النيل
الخرطوم_ (اليوم التالي)
حرص الفريق الركن أحمد عابدون والي ولاية الخرطوم، والفريق أول شرطة عادل بشاير مدير عام قوات الشرطة على متابعة إجراءات حالة حظر التجوال التي فرضتها السلطات ابتداءً من مساء الثلاثاء، وتفقدا الارتكازات التي نشرتها الشرطة لتنفيذ الحظر في معظم شوارع الخرطوم، وشهد شارع النيل ومدخل جسر المنشية توقيف مئات المخالفين للحظر، وستتم إحالة بعضهم إلى المحاكمة صباحاً، وأكد مدير عام الشرطة أنهم سينفذون الحظر بصرامة، ولن يتهاونوا في توقيف من لا يلتزمون به، لحماية أرواح الناس، ومنع تفشي فايروس كورونا.
صحيفة اليوم التالي |
-------
حاولت صجيفه الانتباه اتعلال صور ازدحام موقف جاكسون فى لحظات بدايه الحظر ومجموعات موطنين بسبب ندره المواصلات فاطلقت خبر بفشل الحظر بسبب كلا الطرفين المواطنين والحكومه رغمتداول صور من انحاء متفرثه من العاصمه توضح الالتزام بالحظر بعدم اول ساعتين من الحظر
|
Post: #15
Title: Re: من عالم الصواريخ الذى قرر وقت حظر التجول
Author: Abureesh
Date: 03-25-2020, 01:56 AM
Parent: #14
Quote:
سلام ابوالريش لو قالوا ليك تقترح موعد للحظر حيكون من كم لكم |
و عليكم السلام يا منتصر.. بس تذكر مواعيد الحظر فى مدينة ووهان و عدد كبير من المدن الصينية.. كان من كم لكم؟
ام تقصد لازم نستنى لغاية ما نصل مرحلة ووهان؟
|
Post: #16
Title: Re: من عالم الصواريخ الذى قرر وقت حظر التجول
Author: Mohd Ibrahim
Date: 03-25-2020, 02:04 AM
Parent: #15
الكوامر والبكاسي بناعت الجيش والشرطة الكتيرة ديك الكان بقمعو بيها الثوار ..لو شغلوها ممكن تحل ازمة المواصلات تماما ..لكن كالعادة الحكومة عايزة المواطن يبقي حاوي اي حاجة يعملها براهو ..
|
Post: #17
Title: Re: من عالم الصواريخ الذى قرر وقت حظر التجول
Author: muntasir
Date: 03-25-2020, 06:30 AM
Parent: #16
مرحب أبوالريش لا بس السودان في ناس ما عندها ترف حق اليوم باليوم بل قد يعيشوا حق الوجبة بالوجبة فهل لدينا إمكانية حظر تجوال ٢٤ ساعة الصين كان عندها إمكانية تبني مستشفيات في ساعات لكن دول زي إيطاليا وأسبانيا انهار النظام الصحي بتاعهم في مواجهة أعداد المصابين فكيف سيكون موقفنا لا قدر الله فالحسابات صعبة على الأقل الحظر المسائي حيمنع التجمعات الغير ضرورية في الأعراس والشوارع دون داعي وربك يكون في العون
|
|