اذكر في عز ايام الثورة، إن البوستات كانت تتناسل بين الحين والآخر، و تدعو الناس للعصيان المدني لاسقاط الحكومة ، وكنت على عكسهم اكتب ان البقاء في البيوت خطة فاشلة لا تخدم الا النظام الحاكم، وان الحكومة لا تسقط الا عند الخروج للشوارع والإعتصام في الميادين المكشوفة، البعض كان ينظر إلى قولي هذا شذرا ويكتب عن عنصر الخيانة فيه، ولكن الواقع صدق قولي وأثبت ان الاعتصام المدني لا موقع له من سقوط الأنظمة المتهالكة.. وها نحن اليوم نشهد عصيانا مدنيا إجباريا في كل مرافق الدولة تقريبا، خطط له ابالسة الكورونا، ولكنه لم يؤثر مثقال ذرة في اسقاط حكومة حمدوك ان لم يقوها..
Post: #2 Title: Re: العصيان المدني اليوم ناجح بنسبة ١٠٠٪ Author: Hafiz Bashir Date: 03-23-2020, 03:43 PM Parent: #1
ههههه أيام عز الثورة داك أنا ذاتي كنت قايلك كوز هسه إكتشفت إنك حاجة تانية
ما هو يا عمر التاج لو فيروس الكرونا هو الدعا الناس للإعتصام المدني مطالباً بإسقاط حكومة حمدوك بكرة دي بتسقط
Post: #3 Title: Re: العصيان المدني اليوم ناجح بنسبة ١٠٠٪ Author: عمر التاج Date: 03-24-2020, 10:05 AM Parent: #2
تلك ايام عظيمات يا حافظ، اختلطت فيها مشاعر الفرح بالخوف، والفوضى بالنظام، والاجندة الشخصية بالوطنية، والثورة بالثور.. كان المرء يصبح ثائرا ويمسي حائرا، يصبح أسلاميا ويمسي يساريا، يبدأ ثوريا وينتصف نهاره وطنيا ويختم يومه في معتقلات نفسه والخوف من فوضى المستقبل.. تختلط الاهازيج والمشاعر ولكن يبقى الهم المشترك هو التغيير، والتغير فقط أينما اتفق.. الان الناس تعتصم في المنازل، والخدمة المدنية تتهاوي وتصبح في أصعب حالاتها، والبرهان يتنمر، وحميدتي يكبر لكي يشيل هم القوات المسلحة الرسمية والمتمردة، وحمدوك يجد الوقت المناسب لكي يعيد ترتيب أوراقه وملفاته، والمعارضة تؤجل حشودها الزاحفة.. ولا جديد تحت نهضة الوطن.
Post: #4 Title: Re: العصيان المدني اليوم ناجح بنسبة ١٠٠٪ Author: Nasser Amin Date: 03-24-2020, 10:54 AM Parent: #3
Quote: والمعارضة تؤجل حشودها الزاحفة
قصدك ناس الزحف الأغبر الكرونا ما قصرّت
Post: #5 Title: Re: العصيان المدني اليوم ناجح بنسبة ١٠٠٪ Author: عمر التاج Date: 03-24-2020, 10:56 AM Parent: #3
تفتكروا لو ان جماعة الزحف فكروا كويس مع ظهور وباء الكرونا لو غيروا فكرة إقامة المسيرات الحاشدة بمنشط اخر كالاعتصام المدني ثم جاء قرار مؤسسات الدولة بابقاء الناس وقرار البرهان بحظر التجول.. مش حايكون منشطهم اتحقق بنسبة ١٠٠٪ وبمساعدة الحكومة بشقيها القحتي والعسكري ومش حايكون موقف قحت الان ان برجع الناس لأعمالهم حتى لا ينجح الاعتصام ههههه.
Post: #6 Title: Re: العصيان المدني اليوم ناجح بنسبة ١٠٠٪ Author: محمد البشرى الخضر Date: 03-24-2020, 11:58 AM Parent: #5
Quote: كالاعتصام المدني
انا فتكرتها خطأ طباعة في الاول يا ود التاج لكن شايفك كرّرتها! تقصد شنو بالاعتصام المدني؟
Post: #7 Title: Re: العصيان المدني اليوم ناجح بنسبة ١٠٠٪ Author: أحمد محمد عمر Date: 03-24-2020, 01:59 PM Parent: #6
Quote: كنت قايلك
في فيلم homefront جيسون ستاثام شرطي متخفي متقاعد مشى يربي بنته في قرية بعيدة لكن اتشاكلت مع ولد واحد في عصابة مخدرات وجيسون طبعاً عاوز يبعد عن العصابات لكن الأمور باظت ودخل معاهم في كم مشكلة وهو حريص على إخفاء هويته لموا فيه ناس العصابة وقبضوهو من بيتهم وساقوهو وكر العصابة بعذبوا فيه .. رئيسهم قال ليه: Everybody had you figured for a cop,You walk like a cop, you fight like a cop,you even smell like a f**king cop. الناس كلها عارفاك شرطي، بتمشي زي الشرطي، تقاتل زي الشرطي، حتى ريحتك ريحة شرطي
هو الكوز دة إلا يهتف في سبيل الله قمنا؟! الكوزنة اسلوب حياة
Post: #8 Title: Re: العصيان المدني اليوم ناجح بنسبة ١٠٠٪ Author: عمر التاج Date: 03-24-2020, 03:30 PM Parent: #7
Quote: قصدك ناس الزحف الأغبر
بس يا هم يا ناصر اوفي البلاد معارضة منظمة غيرهم؟ .. ..
Quote: انا فتكرتها خطأ طباعة
ياها بتاعة العنوان يا محمد انت قولها صح وأنا بشرح المعنى، المقصود هو البقاء في البيوت وعدم الذهاب للعمل.. .. ..
Quote: هو الكوز دة إلا يهتف في سبيل الله قمنا؟! الكوزنة اسلوب حياة
سو وات يا احمد؟ انا اول من فتح بوست باسم (الكوزنة سلوك) في هذا المنبر والمنبر المجاورة .. ثم ثانيا انا ما حريص على أن انفي اني كوز أو جك.. ولا اشير لذلك في ردودي الا لمن سألني بشكل مباشر.. لذلك فليظن كل من يظن كما يظن، اي دونت كير انا اكتب فقط عن قناعة من نفسي والاسلوب الذي يريحني. وبعدين مين قال ليك أن كل من قال (في سبيل الله قمنا) كوز؟ قالها من قبل المرحوم غازي سليمان، وسمعتها منه (بأضاني) دي.
Post: #9 Title: Re: العصيان المدني اليوم ناجح بنسبة ١٠٠٪ Author: محمد البشرى الخضر Date: 03-24-2020, 03:53 PM Parent: #8
عادي يا ود التاج ما اظنك زاتو بتكون انتبهت للفرق بالك في لحاق السوق بأكبر كمية بوستات خالف تذكر إلّا وجعتني مكابرة مولانا ليك بالحيل
Quote: قالها من قبل المرحوم غازي سليمان،
ماشي بعيد ليه اسّي ساطع الحاج نكتوا ليه فيديو من الابتدائي يهتف فترق كل الدماء و الناجي يشيل وراه :)
Post: #10 Title: Re: العصيان المدني اليوم ناجح بنسبة ١٠٠٪ Author: أحمد محمد عمر Date: 03-24-2020, 04:36 PM Parent: #9
أهااااااا لا لا كان كدة معليش مادام ماشي على خطى غازي سليمان لأنه في الآخر أعلن إنقاذيتو وبقى يقول لا بديل للبشير وإنه الإنقاذ أصبحت في رقة حنان بلو بلو .. أي والله زي ما بقول ليك كدة
Post: #11 Title: Re: العصيان المدني اليوم ناجح بنسبة ١٠٠٪ Author: عمر التاج Date: 03-25-2020, 10:06 AM Parent: #10
غازي سليمان ده كان شيوعي زيك يا احمد، بس هو كان قيادي مش مجرد مونساتي، كان معارض للكيزان أكثر من الحاج وراق وساطع الحاج ومحمد البشرى... مين محمد البشرى ده؟ المهم لك ان تتخيل كادرا شيوعيا كغازي سليمان يشكر البشير ؛ وهو بالتأكيد لم يعش عيشة الكيزان حتى مات، ولم يمت ميتتهم، وأمثاله كثر من بقية الأحزاب .. كدي انت خليهو غازي، كلمني عن الزعيمين الازال البشير حكومتهم، المهدي والميرغني؛ قالوا شنو عن البشير لما كان يزين صدورهم بالاوسمة والنياشين؟
Post: #12 Title: Re: العصيان المدني اليوم ناجح بنسبة ١٠٠٪ Author: Hafiz Bashir Date: 03-25-2020, 11:44 AM Parent: #11
Quote: إلّا وجعتني مكابرة مولانا ليك بالحيل
يعني هو يا ود البشرى عمر التاج المافارز الكرونا من الثورة دا اقعد أنا اركز معاهو عشان أفرز ليهو كتب الإعتصام ولّ العصيان؟ كوبي وبيست وخلاص
Post: #13 Title: Re: العصيان المدني اليوم ناجح بنسبة ١٠٠٪ Author: خالد العبيد Date: 03-25-2020, 07:57 PM Parent: #12
غازي سليمان ده كان شيوعي زيك يا احمد، بس هو كان قيادي مش مجرد مونساتي --------------------------------------------------- غازي لم يكن يوما عضوا في الحزب الشيوعي ، فكيف يكون كادر قيادي ؟؟
Post: #14 Title: Re: العصيان المدني اليوم ناجح بنسبة ١٠٠٪ Author: عمر التاج Date: 03-25-2020, 08:22 PM Parent: #13
Quote: اقعد أنا اركز معاهو عشان أفرز ليهو كتب الإعتصام ولّ العصيان؟
الأيام دي حا نعذرك من التركيز لأننا مقدرين تركيزك مع الكورونا لكن لما يجي وقت الجد حا نرجع بيك للكلام عن الوثيقة الدستورية عشان عايزة منك حبة تركيز وبالمناسبة دي فتحت ليك بوست مخصوص عن كلامك بتاع (صديق = البرهان) لكن شايفك عامل رايح منه .. .. .. مرحبا خالد العبيد
Quote: غازي لم يكن يوما عضوا في الحزب الشيوعي ، فكيف يكون كادر قيادي ؟؟
دي معلومة جديدة علي خالص .. طيب هو جاء طاير للبشير من وين ؟ نحن كنا بنحسب علاقته بالحركة الشعبية مدفوعة من الحزب الشيوعي ، مثله مثل ياسر عرمان وباقان أموم ...الخ وكمان في كلامه في الفيديو أدناه كان بيعترف بانتمائه للجبهة الديمقراطية وبيقول أنه عاش يساريا ومازال يساريا ، ولا أدري هل تعني بكلامك أنه لم ينضم تنظيميا أم لم يحمل الفكر الشيوعي يوما؟
Post: #15 Title: Re: العصيان المدني اليوم ناجح بنسبة ١٠٠٪ Author: محمد البشرى الخضر Date: 03-25-2020, 08:44 PM Parent: #14
Quote: اقعد أنا اركز معاهو عشان أفرز ليهو كتب الإعتصام ولّ العصيان؟
أفا يا مولانا! عذر زي دا يجي من ابوحسين مثلا أوكي ما بنقول حاجة لكن من مولانا! لا لا لا كبيرة دي لا يضاهيها إلّا اعلان مولانا نعمات الإضراب!
Post: #16 Title: Re: العصيان المدني اليوم ناجح بنسبة ١٠٠٪ Author: Salah Zubeir Date: 03-25-2020, 09:03 PM Parent: #14
Quote: غازي سليمان ده كان شيوعي زيك يا احمد
هههههه عمل رايح ودفن دقن .... غايتو زمان عندي جدي بنبذني ساعة ما أصلي يقول لي يا شيوعي ... هي حاره لكن باكلا في حناني زيك كدا ...
Post: #17 Title: Re: العصيان المدني اليوم ناجح بنسبة ١٠٠٪ Author: جمال ود القوز Date: 03-25-2020, 10:05 PM Parent: #16
Post: #18 Title: Re: العصيان المدني اليوم ناجح بنسبة ١٠٠٪ Author: أحمد محمد عمر Date: 03-26-2020, 00:52 AM Parent: #17
Quote: عمل رايح ودفن دقن
ما رايح لكن بتلفت أفتش لي احمد الشيوعي دة بي وين! بس انتو أشروا لي عليه وانا أجي أردم معاكم
Post: #19 Title: Re: العصيان المدني اليوم ناجح بنسبة ١٠٠٪ Author: عمر التاج Date: 03-26-2020, 08:25 AM
Quote: غايتو زمان عندي جدي بنبذني ساعة ما أصلي
هو ما عمل رايح وبس، هو ما زال ينبش في الشيوعي اللي جواه وبعدين الشيوعي لم يعد هو الولد الشقي تارك الصلاة اللابس مقطع وبعارض روحو الشيوعي الزمن ده بقى استايل ، لابس فل سوت وقريب من أهل السلطة، يصلي في الصف الامام ويصوم مع الناس ويفطر بويسكي (هو الشيوعي دة إلا يهتف الحسم الثوري يا أبو القاسم ) يا أبو حميد
Post: #20 Title: Re: العصيان المدني اليوم ناجح بنسبة ١٠٠٪ Author: علي عبدالوهاب عثمان Date: 03-26-2020, 09:45 AM Parent: #19
حبيبنا التاج .. تحياتي يا سلام يا الحبيب .. زمان أيام الشباب والعنفوان صور كاسترو وجيفارا وناس عبدالخالق والشفيع و( هو شي منا ) الفيتنامي .. كنا نكره امريكا والاخوان كمان عندما نكون لوحدنا نقول نحن ( شيوعيين ) لكن جهراً اشتراكيين .. محمد ابراهيم نقد لم يكن لديه كاريزما كما ( الشفيع وعبدالخالق) ضيع الحزب تخيل الكلام ده في اقصى الشمال ( ضواحي الدنيا ) الشيوعي بالنوبية ( شووي ) حرف الـ (ع) في لغتنا ما في اذكر في الانتخابات زمان كان مرشح ( المحامي حسن عبدالماجد ) هو زوج أخت الفنان محمد وردي كان مستقل اخيرا ناس من تحت اكتشفوا انه شيوعي .. تراجعوا عن التصويت له .. نحن كنا مؤيدين له ( رحمهم الله ) رغم أن في ذلك لم يكونوا ملتزمين بالعقيدة .. ولكن السلوك والموروث كان يمنع أي انحراف عن الدين ..
تعرف بس لو غيروا اسم ( الشيوعية) كانوا فازوا لأنهم كانوا ناس محبوبين ( ده زمان ) لا أعرف اليوم
تحياتي الحبيب التاج .. ذكرياتي في ضواحي الدنيا ..
Post: #21 Title: Re: العصيان المدني اليوم ناجح بنسبة ١٠٠٪ Author: أحمد محمد عمر Date: 03-26-2020, 09:56 AM Parent: #20
ود التاج طلعني شيوعي وفاكر نفسه بنبز فينا :)
____ سمعت جمهوري وشيعي قبل كدة .. وفيني الرقشة :) بسمع علماني ملحد ما عارف بقولوها ملصقة كدة ليه! الأولى قطع شك فيني والتانية ما بعيدة فركة كعب :) لكن النصيحة شيوعي دي أول مرة اسمعها
بس ختوني كوز وسلفي لكن تاني أي حاجة بقشها
Post: #22 Title: Re: العصيان المدني اليوم ناجح بنسبة ١٠٠٪ Author: أحمد محمد عمر Date: 03-26-2020, 10:07 AM Parent: #21
Quote: الشيوعي الزمن ده
ممكن تقول الزمن داك لكن ما اعتقد بعد انهيار الاتحاد السوفيتي ممكن زول يتبنى نظرية الشيوع من جديد يعني الاتشيع قبل انهيار النظام الاشتراكي ممكن يفضل ولاءه لي فكرته لكن زول في 2020 يعتنق النظرية الاشتراكية في النظام الاقتصادي دة ببقى لي زي ناس الاسلام هو الحل بتكلموا عن حلول خيالية أو أثبتت فشلها ويرموا اللوم على اللي طبقوها
