و عزلتا طبعن كان معاي من ما وعيت بتخيلو (فيديو)

11:59 AM March, 21 2020 سودانيز اون لاين
خضر الطيب-South Africa_Cape town

يا سلام و يا للروعة يا كابلي من كلماته و الحانه
يا حلو

آه آه يا حلو

يافرحة أيامي الغلو

يا لون جديد في أولو

قبل الربيع طلّ الزهر

و أهداك منو قرنفلو

جات الطيوب أعواد تميس

من طيبا أهدت صندلو

و اتجمعت كل الطبايع

و قالوا ليك طبعك براك هاك أعزلوا

و عزلت طبعا كان معاي

من ما وعيت بتخيّلو

كنت فاكرو المستحيل

لكن بديع الكون إذا ما

أهدى مين البسألو

بس لودادك نسألو

احترت فيك واحتار معاي

كل البحسوا ويعدلوا

في حسنك الكل يوم معاي

وريني كيف بتشكلّو

ألوان من البهج الرفيع

لون سمانا وحملو

ألحان من اللهج الوديع

شق المسامع بلبلو

تحنان وطيبة ناس زمان

شالوا السماحة وشيّلو

انسان مضمر شايلو بان

غازل غماما هطّلو

أنا في رجاك هاك روحي

من فيض حنانك بللو

لو شئت ياسحر الجمال

بالمرة قصّو وفللو

ما إنت ما إنت الجميل

ما إنت ما إنت الحلو

مالك علينا يا خضر ياخى عدت بنا الى ال Tizita وذكريات الماضى الجميل
الاغنية الحبيبة الى قلبى :مروى
اول مرة استمعت اليها فى خريف 1956 فى فناء نادى الطلاب بمدرستنا بورتسودان الثانوية الحكومية وقتها كان لم يمضى علينا سوى شهر منذ التحاقنا بالسنة الاولى المغنى الذى اداها كان ابن مروى دفعتنا محمد عبدالجبار الكونج رحمه الله
لكن يا خضر هذا الاداء للكابلى وفرقته فى اثيوبيا له طعم عجيب

Quote: 03-21-2020, 01:07 PM آه آه يا حلو يافرحة أيامي الغلو يا لون جديد في أولو قبل الربيع طلّ الزهر و أهداك منو قرنفلو جات الطيوب أعواد تميس من طيبا أهدت صندلو و اتجمعت كل الطبايع و قالوا ليك طبعك براك هاك أعزلوا و عزلت طبعا كان معاي من ما وعيت بتخيّلو كنت فاكرو المستحيل لكن بديع الكون إذا ما أهدى مين البسألو بس لى وزادك نسألو احترت فيك واحتار معاي كل البحسوا ويعدلوا في حسنك الكل يوم جديد وريني كيف بتشكلّو ألوان من البهج الرفيع لون سمانا وجملو ألحان من اللهج الوديع شاق المسامع بلبلو تحنان وطيبة ناس زمان شالوا السماحة وشيّلو انسان مضمر شايلو بان غازل غماما هطّلو أنا في رجاك هاك روحي هاك فلبى فيض حنانك بللو لو شئت ياسر الجمال بالمرة قصّو وفللو ما إنت ما إنت الجميل ما إنت مادمت الحلو أغنية رائعة وفيها سحر عجيب ولما تسمع هاك تقرب تمد أيدك .......شكرا لكل هذا الجمال والألق

---

Post: #5 Title: Re: و عزلتا طبعن كان معاي من ما وعيت بتخيلو (في Author: ترهاقا Date: 03-22-2020, 02:49 AM Parent: #4 تعرف يا استاذ خضر، اتعاملت مع هذا العملاق الكابلي بعد رجوعه من السعودية بعد غربة قصيرة ، لمن دخلت نادي الفنانين ما لقيت الاستاذ الكابلي ، كان هاجر ، بعد رجوعه جاني عازف ترمبت الله يرحمه اسمو حسن حاكم وقال لي الكابلي ده جاي من غربة وعايزين نعمل ليهو قروب كارب، وسريع سريع بدينا بروفات ومن ثم بدينا معاهو حفلات كاربة جداً وضخمة جداً في حفلات راس السنة الكريسماس، نادي الفروسية ، نادي الضباط، ايام السودان كان سودان. كنت محظوظ جدا بمعرفة هذا الكابلي لدرجة إني كنت بستمتع بالنقاش خلف كواليس الحفل وسرده الجميل عن التراث واللي هو كان متمكن فيها لدرجة الثمالة ده غير أدبه الجم وإحترامه اللا محدود لكل من حوله ومن اغانيهو الجديدة آنذاك السجلتها معاهو على ما اتذكر اغنية في عز الليل وأغنية ماذا يكون حبيبتي للشاعر حسن عباس صبحي. ارجو أن تسعفني الذاكرة الخربة للسرد كثيراَ عن هذا الكابلي المثقف الجميل

---

Post: #6 Title: Re: و عزلتا طبعن كان معاي من ما وعيت بتخيلو (في Author: Amira Hussien Date: 03-22-2020, 06:32 AM Parent: #5 يا سلام حفلات كانت كرنڤلات للفرح والبهجة قدم أيضا فى ذلك الزمن أكيد حنتقابل وزمان الناس التي كتبها قبل ذهابه مغتربا للسعودية .....افتكر الاستاذ كابلى اول من تعاون مع عازفين من خريجين معهد الموسيقى .

---

Post: #7 Title: Re: و عزلتا طبعن كان معاي من ما وعيت بتخيلو (في Author: خضر الطيب Date: 03-22-2020, 08:17 AM Parent: #6 مرحب بيك دكتور حسن فرح Quote: مالك علينا يا خضر ياخى عدت بنا الى ال Tizita وذكريات الماضى الجميل الاغنية الحبيبة الى قلبى :مروى اول مرة استمعت اليها فى خريف 1956 فى فناء نادى الطلاب بمدرستنا بورتسودان الثانوية الحكومية وقتها كان لم يمضى علينا سوى شهر منذ التحاقنا بالسنة الاولى المغنى الذى اداها كان ابن مروى دفعتنا محمد عبدالجبار الكونج رحمه الله لكن يا خضر هذا الاداء للكابلى وفرقته فى اثيوبيا له طعم عجيب الماضي اكيد جميل يا دكتور و الاستاذ كابلي جميل و لما مشى اثيوبيا غنى كتير من الاغنيات و انت عارف الشعب الاثيوبي شعب بعشق الفن طبعاً كابلي مولود في بورتسودان و عندي ذكريات مع بورتسودان و بالذات مدرسة بورتسودان الثانوية هي تقريبا جنب الدوار الكبير البجي من الميناء الجنوبي بديم النور مقابل شرطة السكة حديد حصل لينا موقف غريب انا و صاحبي كنا شغالين في الميناء و طلعنا متأخرين و انا سايق موتر صحراوي لما لفيت الصينية بتاعة الشاحنات دي ما قدرتا اقدر المسافة ..ضرب الموتر في الترتوار صاحبي وقع في الظلط انا طرتا في الهوا قدام اليافطة بتاعة المدرسة قريتا و انا طاير في الجو هههههههه كانت اجمل ايام و لمدة عام

---

Post: #8 Title: Re: و عزلتا طبعن كان معاي من ما وعيت بتخيلو (في Author: خضر الطيب Date: 03-24-2020, 08:44 PM Parent: #7 مرحب بيك اخت اميرة Quote: أغنية رائعة وفيها سحر عجيب ولما تسمع هاك تقرب تمد أيدك .......شكرا لكل هذا الجمال والألق كابلي فنان شامل .. شاعر و ملحن و موسيقي و متحدث لبق باللغتين العربية و الانكليزية ربنا يديهو الصحة و العافية

---

Post: #9 Title: Re: و عزلتا طبعن كان معاي من ما وعيت بتخيلو (في Author: خضر الطيب Date: 03-25-2020, 06:03 AM Parent: #8 مرحب موسيقارنا الجميل ساطور Quote: تعرف يا استاذ خضر، اتعاملت مع هذا العملاق الكابلي بعد رجوعه من السعودية بعد غربة قصيرة ، لمن دخلت نادي الفنانين ما لقيت الاستاذ الكابلي ، كان هاجر ، بعد رجوعه جاني عازف ترمبت الله يرحمه اسمو حسن حاكم وقال لي الكابلي ده جاي من غربة وعايزين نعمل ليهو قروب كارب، وسريع سريع بدينا بروفات ومن ثم بدينا معاهو حفلات كاربة جداً وضخمة جداً في حفلات راس السنة الكريسماس، نادي الفروسية ، نادي الضباط، ايام السودان كان سودان. كنت محظوظ جدا بمعرفة هذا الكابلي لدرجة إني كنت بستمتع بالنقاش خلف كواليس الحفل وسرده الجميل عن التراث واللي هو كان متمكن فيها لدرجة الثمالة ده غير أدبه الجم وإحترامه اللا محدود لكل من حوله ومن اغانيهو الجديدة آنذاك السجلتها معاهو على ما اتذكر اغنية في عز الليل وأغنية ماذا يكون حبيبتي للشاعر حسن عباس صبحي. ارجو أن تسعفني الذاكرة الخربة للسرد كثيراَ عن هذا الكابلي المثقف الجميل الاستاذ كابلي رقم صعب لا يمكن تجاوزه في مسيرة الاغنية السودانية و هو مثقف من الطراز الأول لا تمل الاستماع اليها مغنياً او متحدثاً في كافة ضروب الفن و غيرها سجلت له عدد كبير من الحلقات في برنامج ايام لها ايقاع و قابلته في الرياض في منزل اخ عزيز في جلسة كانت من اروع الجلسات و كذلك قابلت الاخ حسن حاكم عزف الترمبيت له الرحمة الصحة و العافية لك و لاستاذنا الكابلي