كل الحكومات أصدرت قرار الإغلاق بمهلة معتبرة تتيتح للمسافرين قدر من الوقت لترتيب أوضاعهم لدي صديق جلس في مطار الشارقة ترانزيت ( ١٥ ساعة) ارسل هذه الرسالة قبل قليل:
Quote: والله داخلين على صالة المغادرة اقلاعنا بعد شوية.. رجعونا قالوا جاتم رسالة من مطار الخرطوم ينتظروا شوية لحدي ما يديهم خبر
قمة الإستهتار بالمواطن ووقته وصحته وماله.
Post: #2 Title: Re: من يفكر لحكومتنا .. كيف تعلن عن إغلاق مطار� Author: صديق مهدى على Date: 03-16-2020, 07:35 PM Parent: #1
الحبيب حيدر حسين بس عشان حميدتى ما يجيب كورونا هههها تحياتى
Post: #3 Title: Re: من يفكر لحكومتنا .. كيف تعلن عن إغلاق مطار� Author: Hafiz Bashir Date: 03-16-2020, 07:38 PM Parent: #2
سلام يا حيدر واضح إنو الناس ديل كانوا نايمين وصحوا فجأة لقوا الدنيا جايطة وبالخلعة بدوا يصدروا قرارات مستعجلة
Post: #4 Title: Re: من يفكر لحكومتنا .. كيف تعلن عن إغلاق مطار� Author: حيدر حسن ميرغني Date: 03-16-2020, 07:45 PM Parent: #3
الخوف يا حافظ يكون كورونا فاجأهم كما كان يفاجئ المطر الكيزان - حباب صديق ود مهدي اوعاك تسافر اليومين ديل :)
Post: #5 Title: Re: من يفكر لحكومتنا .. كيف تعلن عن إغلاق مطار� Author: Arif Nashed Date: 03-16-2020, 07:50 PM Parent: #4
أخشي أن يكون هناك تكتم عن حالات كرونا.
Post: #6 Title: Re: من يفكر لحكومتنا .. كيف تعلن عن إغلاق مطار� Author: Asim Ali Date: 03-16-2020, 07:58 PM Parent: #5
Quote: أخشي أن يكون هناك تكتم عن حالات كرونا.
من صباح اليوم فى اخبار متضارببه عن حالات اشتباه بين سته وسبعه ورويال كير هى الاسم البارز فى الصداره عن استبال الحالات ربنا يكضب الشينه لكن اظن اعلان الكوارى ماجا من فراغ وربما الوضع سىء خاصه انو الشايفو جوا صعب السيطره على كتير من السلوكيات المساعده على نشر الفيروس
Post: #7 Title: Re: من يفكر لحكومتنا .. كيف تعلن عن إغلاق مطار� Author: muntasir Date: 03-16-2020, 08:06 PM Parent: #6
Damn if they do, damn if they don't
Post: #8 Title: Re: من يفكر لحكومتنا .. كيف تعلن عن إغلاق مطار� Author: Salah Zubeir Date: 03-16-2020, 10:56 PM Parent: #7
تحياتي الأخ حيدر ... غادرتا مطار الخرطوم الساعة ٥ و٢٥ دقيقة مساءا" الي مطار بورتسودان ... الساعة ٥ و١٥ دقيقة مساءا" نزلت الإماراتية مطار الخرطوم ... الكلام دا شوف العين ...
Post: #9 Title: Re: من يفكر لحكومتنا .. كيف تعلن عن إغلاق مطار� Author: Maawya Hussein Date: 03-16-2020, 11:15 PM Parent: #8
دي ياها عقليه البشير يا حيدر اشاهد حاليا في لايف من معتصمين داخل طياره تركيه في استنبول ،، السفير بحنس والاتراك طفو النور ومشو
Post: #10 Title: Re: من يفكر لحكومتنا .. كيف تعلن عن إغلاق مطار� Author: Hafiz Bashir Date: 03-16-2020, 11:16 PM Parent: #8
Quote: غادرتا مطار الخرطوم الساعة ٥ و٢٥ دقيقة مساءا"
لو إتلفت في المطار كويس كان شوفت الأثيوبية وهي مغادرة الساعة 05:20PM والأمارتية الشوفتها نزلت دي غادرت مطار الخرطوم الساعة 06:55PM وكانت آخر طيارة تغادر مطار الخرطوم التركية البتجي الساعة 10:50PM ما جات العربية ما جات وفلاي دبي ما جات
Post: #11 Title: Re: من يفكر لحكومتنا .. كيف تعلن عن إغلاق مطار� Author: Maawya Hussein Date: 03-16-2020, 11:27 PM Parent: #10
Post: #12 Title: Re: من يفكر لحكومتنا .. كيف تعلن عن إغلاق مطار� Author: حيدر حسن ميرغني Date: 03-17-2020, 02:48 PM Parent: #8
اصدق كلامك اخونا صلاح
هل تصدق أن صديقي هذا لازال عالق في مطار الشارقة من أمس
Post: #13 Title: Re: من يفكر لحكومتنا .. كيف تعلن عن إغلاق مطار� Author: Deng Date: 03-17-2020, 04:11 PM Parent: #12
حيدر
سلامات.
القرار فعلا غبي, كل الدول تركت بدء سريان هذا القرار بعد ثلاثة أيام على الاقل في تنفيذه، ولكن ناس السودان أصدروا القرار وبداء تنفيذه فورا دون المراعة الى السودانين العالقين بمطارات العالم ومنتظرين رحلاتهم المتجهة الى الخرطوم. أو أعطاء الذين يريدون العودة الى السودان أن يعودون، وعودة المواطنين السودانيين للسودان ذلك حقهم ولان هنالك دول لن تقبل دخول أي مواطنين من دول أخرى في مثل هذه الظروف الصعبة.
تابعت البث الحي عبر اليوتيوب من الطائرة العالقة في تركيا وبها ركاب سودانين وهم في حالة نقاش مع طاقم السفارة. للأسف الشديد السفارات في الخارج ووزارة الخارجية نفسها لم يحصل فيهم تغير حقيقي، نفس العقلية ونفس الافكار ونفس الطريقة والاسلوب في التعامل مع المواطن السوداني في الخارج.
واحد بيقول للركاب أن الحكومة التركية سوف تستضيفكم لمدة يومين في هوتيل، ورد عليه الركاب طيب بعد اليومين ديل ح نمشي وين، مش مفروض السفارة تتكفل بأقاماتنا حتى فتح الاجواء في السودان؟ مندوب السفارة لم يستطيع أن يعطي أي أجوبة مقنعة ولم يلزم سفارته بإقامة السودانين الذين شردتهم حكومته وقعد يتزاوغ.
المضحك في الامر في واحد تاني من السفارة أظنه كوز من النظام القديم، في شدة النقاش بين الجانبين حاول أن يأتي بشئ من ديني لكي يثبت به رأيه. لكن زول أشتغل بي كلامو مافي.
Post: #14 Title: Re: من يفكر لحكومتنا .. كيف تعلن عن إغلاق مطار� Author: حيدر حسن ميرغني Date: 03-17-2020, 04:58 PM Parent: #13
سلام دينق الأغرب من كده أن المشكلة لازالت مستمرة يعني ما في حتى امل لحلها حتى الآن صديقي في مطار الشارقة يحكي عن مآسي وسط الناس المتكدسة في الترانزيت. الدول كلها تستقبل رعاياها حتى المرضى منها ، بينما حكومتنا تجعل الاصحاء مرضى بهذا التصرف الغريب وغير المدروس ..
Post: #15 Title: Re: من يفكر لحكومتنا .. كيف تعلن عن إغلاق مطار� Author: Ali Alkanzi Date: 03-17-2020, 06:27 PM Parent: #14
بنتي كان من المفروض وحسب حجزها المسبق ان تعود لجنيف اليوم وزوجها ومكان عملها هناك اليوم قالو ليها ما في طيارة وما عندها طريقة تسافر وربما تكون عالقة هنا لايام او اشهر كان من المعقول والمفروض ان يعطوا فسحة من الوقت ٧٢ ساعة مثلا لترتب الناس احوالها طيب السودانيين المشو سياحة او علاج وعايزين يرجعوا اسا يعيشوا كيف؟ إلا يطلبو لجوء كارونا هناك اضرار لحقت بالناس فهل يمكن ان يغاضوا الحكومة على ذلك؟
Post: #16 Title: Re: من يفكر لحكومتنا .. كيف تعلن عن إغلاق مطار� Author: خضر الطيب Date: 03-17-2020, 07:04 PM Parent: #15
سلام استاذ حيدر كنت حاجز لزوجتي يوم 16 مارس يعني مفروض امس رحلتا قبل يومين و انا نايم كانت الساعة اربعة العصر جات صحتني و هي في العادة ما بتصحيني .. افتكرتا انو في زول مات او القيامة قامت قلتا ليها في شنو .. المات منو قالت انو جاتا رسالة من شركة الطيران انو دي آخر رحلة للسودان من الدوحة بعدها صحيت رسمي و اتصلتا على الشركة قالو لي لازم الساعة 7 و نص مساء تكونو في المطار قلتا ليهم طيب اكدو لينا الحجز .. بعد عشرة دقائق جاني تأكيد للحجز و الحمد لله الامور مشت بخير لكن نص سكان الدوحة من السودانيين كانو في المطار و نصهم ما لقو حجز في الرحلة دي
Post: #17 Title: Re: من يفكر لحكومتنا .. كيف تعلن عن إغلاق مطار� Author: حيدر حسن ميرغني Date: 03-18-2020, 09:02 AM Parent: #16
سلام على وخضر حاجة مؤسفة أن تستمر معاناة المسافرين في كذا مطار لليوم الثالث واضح أن الحكومة لازالت تتخبط من تبعات قرارها غير المدروس بالطريقة دي سيتفاقم الوضع الصحي للمسافرين بتعرضهم للعديد من الأمراض بسبب التعب والارهاق
Post: #19 Title: Re: من يفكر لحكومتنا .. كيف تعلن عن إغلاق مطار� Author: حيدر حسن ميرغني Date: 03-18-2020, 09:17 AM Parent: #17
ماذا يشغل بال الحكومة في الوقت الراهن .. هل هي غير مستعدة لاستقبال العائدين إلى الوطن من حيث إجراء الفحوصات الطبية اللازمة للتأكد من خلوهم من الفيروس ، وتوفير مرافق الحجر الصحي، وما إلى ذلك من استعدادات ؟ مفروض يكون هناك وضوح وشفافية في التعامل مع هذه الأزمة .
Post: #18 Title: Re: من يفكر لحكومتنا .. كيف تعلن عن إغلاق مطار� Author: walid taha Date: 03-18-2020, 09:14 AM Parent: #1
لا عجب أن يصفنا البعض بالبطء الشديد !!!!! وليته كان (تأني) !!!!
وجع يا حيدر!!!
Post: #20 Title: Re: من يفكر لحكومتنا .. كيف تعلن عن إغلاق مطار� Author: حيدر حسن ميرغني Date: 03-18-2020, 09:32 AM Parent: #18
https://youtu.be/uKKOwQ4NPdUhttps://youtu.be/uKKOwQ4NPdUhttps://youtu.be/uKKOwQ4NPdUhttps://youtu.be/uKKOwQ4NPdU فيديو من داخل مطار الشارقة https://youtu.be/uKKOwQ4NPdUhttps://youtu.be/uKKOwQ4NPdU
Post: #21 Title: Re: من يفكر لحكومتنا .. كيف تعلن عن إغلاق مطار� Author: خضر الطيب Date: 03-18-2020, 09:42 AM Parent: #20
ربنا يكون في عون الناس يا حيدر
Post: #22 Title: Re: من يفكر لحكومتنا .. كيف تعلن عن إغلاق مطار� Author: حيدر حسن ميرغني Date: 03-18-2020, 10:05 AM Parent: #21