Post: #1
Title: يا وزير التعليم قفل المدارس والجامعات والمعاهد ... بتدرس في شنو مع وزير الصحة و السجم والرماد
Author: Gafar Bashir
Date: 03-13-2020, 07:58 PM
07:58 PM March, 13 2020 سودانيز اون لاين
Gafar Bashir-
مكتبتى
رابط مختصر
لسة عايزين تدرسوا
مفتكرين الفيروس منتظر دراستكم يعني لحد بكرة
الكورونا دخل السودان رغم خطة الوزير للدفاع بالنظر عن عدم دخول الفيروس والبلد سايبة لمن الناس ماتت بكورونا ما عرف
انت منتظر شنو ... منتظر تناقش شنو معاهو
خطة عدم وصول الكورونا للمدارس
عندك فيروس مافي زول عارف كم واحد مصاب بيهو ولا كم واحد مات بيهو
|
Post: #2
Title: Re: يا وزير التعليم قفل المدارس والجامعات وال
Author: Asim Ali
Date: 03-13-2020, 08:20 PM
Parent: #1
تعرف قبل المؤتمر- كنت متوقع اجتماع مجلس وزراء قبل المؤتمر بعد تحويلو لمجلس الوزراء بدال وزاره الصحه - كتبت فى تويتر
Quote: مع الازمات القائمه الان يجب تقليل حجم التجمعات والزحام بتاجيل الفعاليات الرياضيه واغلاق المدارس والجامعات (بالعاصمه والمدن الكبرى تحديدا)
#الوقايه_من_الكورونا |
مادايره ليها مناقشات زياده خاصه بعد اعتراف وزير الصحه بشكله فى الادويه قبل 3 اسابيع ومشاكل اعداد اماكن الايواء والعزل
طيب البلد اصلا تعبانه ومفتوحه -مش معابرها الرسميه هى المقياس للخروج والدخول- يعن ىضرورى ايكون فى اجراءات احترازيه خاصه مع ظروف اجباريه زى ازمه المواصلات والزحام فى المواصلات لما تتلقى وصفوف العيش كنوع من التجمعات الاجباريه لايمكن الغائها او تاجيلها اضافه لتدنى الوعى الصحى للعامه فما بالك بظرف زى دا
|
Post: #3
Title: Re: يا وزير التعليم قفل المدارس والجامعات وال
Author: Gafar Bashir
Date: 03-13-2020, 08:41 PM
Parent: #2
كنت متوقع اجتماع مجلس وزراء
والله يا عاصم حاجة غريبة
مفروض يكون احتماع مجلس وزراء ومجلس سيادة صحيح ... ده مستوي الاهتمام العايزنو .. العساكر أصلا قنعانين منهم .... لكن الباقي عذرهم شنو؟
غير أماكن الايواء والأدوية موضوع الأجهزة نفسها الممكن تشخص الكورونا غير متوفرة يعني كم حالة مصابة بكرورونا في البلد مافي زول عارفها
ولسة هم عايزين يناقشوا
بس الله يستر ويكون الكورونا مؤجز يوم الجمعة والسبت
|
Post: #4
Title: Re: يا وزير التعليم قفل المدارس والجامعات وال
Author: Asim Ali
Date: 03-13-2020, 08:52 PM
Parent: #3
فى بيان طالع باسم مدير مستشفى يستبشرون .
تصور انو الفقيد توفى الساعه 7 صباح امس الخميس وشوف الموضوع ما اخد حجم التعامل معاهو وصدور بيان - للاختراز على الاقل - من الوزاره الا بعد اكتر من 24 ساعه
|
|