Post: #2 Title: Re: سودانيو الــــــــ Diaspora ! أما حانت أوبتهم� Author: adil amin Date: 03-03-2020, 04:17 AM Parent: #1
نجي لي شنو تجيك الكشة
لمن ينظف السودان من اهل الرجس=الكيزان واهل السفاهة=القوميين العرب .. ستة مرات بي الكلوركس والسابعة بي التراب وتمشي العاصمة كوستي وانت تكون معتمد العاصمة كوستي حياك يا ادم صيام بقيت انصاري ولي لسه بتهضرب
Post: #3 Title: Re: سودانيو الــــــــ Diaspora ! أما حانت أوبتهم� Author: muntasir Date: 03-03-2020, 04:51 AM Parent: #2
دولي اليسمع نرجع لي شنو يقول قاعد في ويستمنستر قوم لف
Post: #4 Title: Re: سودانيو الــــــــ Diaspora ! أما حانت أوبتهم� Author: adil amin Date: 03-03-2020, 02:05 PM Parent: #3
Quote: دولي اليسمع نرجع لي شنو يقول قاعد في ويستمنستر قوم لف
ما مهم تكون قاعد وين المهم تكون بتعمل في شنو وتعيش بي موقف.. بعدين الراحة راحة ضمير يا مواطن نحن في نعمة لو عرفوها الملوك لحاربونا عليها بالسيوف اهو ده سودانيز اوان لاين وطن افتراضي يشاهد في 193 دولة في العالم وكل زول بعبر عن نفسه كويس هنا
Post: #5 Title: Re: سودانيو الــــــــ Diaspora ! أما حانت أوبتهم� Author: آدم صيام Date: 03-07-2020, 01:53 AM Parent: #4
Quote: بقيت انصاري ولي لسه بتهضرب [/QUOT
أوه عادلوف حبابك شايفك شغال شغل بافلوف، انصاري على السكين؟ يا زول !
منتص.. حبابك
السوداني زي قنيط لبس، كان لقي ليه وطن مجاني طوالي يما..س الكسل ويظنن أنه مسقط تبيعته
.. is equal to letter R in Arabi
Post: #6 Title: Re: سودانيو الــــــــ Diaspora ! أما حانت أوبتهم� Author: محمد بدرالدين Date: 03-07-2020, 07:32 AM Parent: #5
. هلا و مرحب بطلتك الحلوة الحبيب ادم لعل الامور استقرت و عرفت حاجة فى سودان العجائب .. و سعدت و فرحت بخروجك المامون من سنغافورة قبل مداهمة الكورونا للصين ... .. انت رجل شيخ ...هههههه نتمنى لك دائما الصحة و العافية .. ... و ف انتظار كتاباتك الثرة .. مودتى و تقديرى
Post: #7 Title: Re: سودانيو الــــــــ Diaspora ! أما حانت أوبتهم� Author: آدم صيام Date: 03-12-2020, 03:00 AM Parent: #6
Quote: هلا و مرحب بطلتك الحلوة الحبيب ادم لعل الامور استقرت و عرفت حاجة فى سودان العجائب .. و سعدت و فرحت بخروجك المامون من سنغافورة قبل مداهمة الكورونا للصين ... .. انت رجل شيخ ...هههههه نتمنى لك دائما الصحة و العافية .. ... و ف انتظار كتاباتك الثرة .. مودتى و تقديرى
الحبيب محمد المفضال
ممتنا لكم لأخوتكم المحضة أدعو أن تكونوا بألف عافية والله والوليدات ما زالوا مسجونين في هونغ كونغ ، نفدت بجلدي.
أدخلت تعقيبي قبل يومين ولكن النت والكي بود يختزلان المطلوب
لك مني كل المني وكامل المحبة
هاتفي 249906415866
Post: #8 Title: Re: سودانيو الــــــــ Diaspora ! أما حانت أوبتهم� Author: محمد عبد الله الحسين Date: 11-18-2023, 10:37 AM Parent: #7
سلام يا آدم
خلال الفترة التي كتبت هذا والآن القاعدين ذاتهم طلعوا...
** كل ذي غيبة يؤوب وغائب الموت لا يؤوب
هل الدياسبورا السودانيين مثلهم مثل ما ذكرهم الشاعر"غائب الموت"؟
خلال الفترة التي كتبت هذا والآن القاعدين ذاتهم طلعوا...
** كل ذي غيبة يؤوب وغائب الموت لا يؤوب
هل الدياسبورا السودانيين مثلهم مثل ما ذكرهم الشاعر"غائب الموت"؟
ود الحسين حبابك
قال: أما حانت أوبتهم قال! أنا ظاتي رجعت هونغ كونغ منذ 2022 لدرجة هاتفوني الجماعة بالداخل قالوا لي هربت من الحرب, قلت ليهم الهرب عينك عينك حاج صامولة وربعه أنا ماسك وزارة؟.
بالله البوست دا نكته من وين! غايتو جنس فضايح الفضيحة والفضيحة متباريات أخوي دم بعيدا عن الدانات
Post: #10 Title: Re: سودانيو الــــــــ Diaspora ! أما حانت أوبتهم� Author: محمد عبد الله الحسين Date: 11-20-2023, 06:26 PM Parent: #9
هههههه
مساء الخير آدم
تعرف أنا لي كم يوم بقيت ببحِّت في الموضوعات بتاتي القديمة وأغلبها نسيت أنه كتبتها ذاتو..بالصدفة
لقيت البوست بتاعك..
طبعا أجمل ما في الكتابات المرّت عليها مدة بتكون فيها مفارقات عجيبة.. واحتمال الوضع المشار إليه اتغير 180 درجة..
**موضوعاتنا القديمة برضه مرآة لتقدم أو تأخر الفرد منا الفكري والعاطفي والنفسي.
Quote: طبعا أجمل ما في الكتابات المرّت عليها مدة بتكون فيها مفارقات عجيبة.. واحتمال الوضع المشار إليه اتغير 180 درجة..
**موضوعاتنا القديمة برضه مرآة لتقدم أو تأخر الفرد منا الفكري والعاطفي والنفسي.
مودتي
تسلم يا حبيب
أخشى ان أكون قد ضللت الكثيرين بالعودة تفاؤلا برغوة الثورة! وبالأخص أخي نوري من نواحي أمريكا لدرجة أن أنشأ مزرعة في نوري على غراري وجلب لها الإبل النوعية وقد طلب مني شتول بابايا مستوردة
طبعا أخوك عمل ليه مزرعة وحاولت أسرق كل الفواكه الممتازة المدارية بعد دراستها التي تتفق والسودان وحلمت بتصدير السودان لها إلى العالم كله, شفت اللعب! استوردت 20 نوعا من الزهور المدارية والعجور الصيني المستقيم والكنتلوب والبطيخ خالي البذور والخس والبنجر والبقدونس والشمندر لقد وزعت من إنتاج مزرعتي أكثر من عشر سلال لعلية القوم في كل من كوستي وربك وكنانة وعسلاية والجزيرة أبا مغلفة وبها كرت المزرعة وحضضت المزارعين على شرب الماء بالغلي واستخدام الطاقة الخضراء بدل الجازولين ولا بد من إنارة المزارع لمزرعته لجوانب عدة و لتهيئة المناخ للعاملين لزيادة الانتاج وزددت أجر العسفاء, دا كان مربط الفرس تصور: كلهم بما فيهم حاجة رقية تآمروا عليا !!! تم حبسي مرتين في قسم الجبلين بسبب سرقة أرض مزرعتي والشهادات المقدمة من الشاكي هي شهادة بحثي تم حبسي مرة في قسم الأوسط ربك وقد جئت للتبليغ عن من خطف موبايلي تم حبسي مرة في قسم المرور ربك وقد دهسني بالبوكس دفار يقوده صبي لا يحمل رخصة, وقد الغى وكيل النيابة تظلمي , العجب أن المتحري حرر لي شهاجة بتصليح البوكس وقد تم التصليح. ولكنه رغم مزازته لي لم يستلم عمولته مني حتى الآن. الغريبة جئت لمغادرة السودان واشتريت تذكرة سفر على الحبشية على طريقة- شجع قارتك- وسفروني إلى أديس ورجعوني في نفس اليوم من أديس بحجة أن هونغ كونغ لا تعرفني وحتى اليوم لم استلم تعويضا عن تذكرتي!