Post: #1
Title: ترامب اتصل بي امس
Author: عبدالحفيظ ابوسن
Date: 03-01-2020, 11:50 AM
10:50 AM March, 01 2020 سودانيز اون لاين
عبدالحفيظ ابوسن-no where
مكتبتى
رابط مختصر
اتصل بي امس وسألني من سعر الويكة السارا والويكة الخرطومية
وقال لي رسل لي 2 كيلو دكوة من حجة عشة نضيفة
المشكلة كلمتو ما عندهم سفير هنا
وعدني يرسل لينا سفير وبالمرة يرفع العقوبات
زول لطيف خلاس وبتكلم انجليزي زي الطلقة لكن بلغلغ بس
|
Post: #2
Title: Re: ترامب اتصل بي امس
Author: muntasir
Date: 03-01-2020, 12:00 PM
Parent: #1
إبن إبليس
|
Post: #3
Title: Re: ترامب اتصل بي امس
Author: الزبير بشير
Date: 03-01-2020, 12:00 PM
Parent: #1
ذو النون فتح لينا طاقه
الله إلمنا في الجدع بتاع كندا ( جوستين ) شاب لطيف و ذوق نخليه اجي اردح معانا في حوليات السادة المراغنه
|
Post: #4
Title: Re: ترامب اتصل بي امس
Author: Abdullah Idrees
Date: 03-01-2020, 02:25 PM
Parent: #3
ابسن
الزول ده والله بذيء بذاءة ولسانو متر يحش الحلفا
شوف العينة دي حالتا مع رئيس
Quote: North Korean Leader Kim Jong Un just stated that the “Nuclear Button is on his desk at all times.” Will someone from his depleted
and food starved regime please inform him that I too have a Nuclear Button, but it is a much bigger and more powerful one than his, and my Button works!
|
فخليك محلي يا باشا شوف ليك حميدتي - الكاروري- عبحي ’ اي حاجة مشي بيها
|
Post: #5
Title: Re: ترامب اتصل بي امس
Author: Khalid Abbas
Date: 03-01-2020, 02:36 PM
Parent: #1
عمدة عموم النيل الابيض ماجاب ليك سيرة لمكافحة باعوضة كوستي هههههههههههههههههه
زولك داير يسوقنا بالخلا حرم سواق سواقة ماليزيا - المطار - الكرسي وبالعكس
|
Post: #6
Title: Re: ترامب اتصل بي امس
Author: عبدالحفيظ ابوسن
Date: 03-01-2020, 03:08 PM
Parent: #5
لا يا منص ياخ زول لطيف بس انت تعرف مفاتيحو
تجيب ليهو مرتو بخسرك طوالي
وكمان عاتبني في موضوع عوض المذيع قال لي كلامو صاح نحن عملنا اللوتري عشانكم لكن وقفناهو منكم بقيتو تلمو شذاذ الافاق تدوهم جنسيات
قالها لي بلغة انجليزية طلقة شذاذ وضم الشين ضمة خفت يكسر سنونها يحولها لي سين
|
Post: #7
Title: Re: ترامب اتصل بي امس
Author: عبدالحفيظ ابوسن
Date: 03-01-2020, 03:14 PM
Parent: #6
ياالزبير القلتو دة خليهو
تعال شوف القروبات والله تدي ربك العجب
البقول ليك اتعيشت فتة فول مع حمدوك وقال لي
ولا منو جاتني في المكتب
وضرب لي
ودة كلو لامن تناقشو ويوريك هو بجيب من جوة
معلومات خطيرة ودقيقة
ويسكتك عديل
ياخ امبارح ماكل معاهم ام فت فت بي عتي تقيل وشطة خدرا نار وبصل ابيض وكلمو
|
Post: #8
Title: Re: ترامب اتصل بي امس
Author: عبدالحفيظ ابوسن
Date: 03-01-2020, 03:17 PM
Parent: #7
هوي يا عبدالله ترامب دة زولنا بذكرنا بالخطب المجغمسة الزمان ديك
واللفحي
اي نعم هو بذئ قولا وسلوكا وسفيه
لكن كمان
طيب ياخ
مامنو هو زول همبول ساي
|
Post: #9
Title: Re: ترامب اتصل بي امس
Author: عبدالحفيظ ابوسن
Date: 03-01-2020, 03:20 PM
Parent: #8
ههههه يا خالد ياخوي نحن معاكسين عكاس
والزيو شبعانين فيهم في القروبات
علي الجزيمة اي راس كبيرة معانا واحد فردة في القروبات
ياخ سياسة الونسة وقال لي وقلت ليهو ما بتنجح سعية
|
Post: #10
Title: Re: ترامب اتصل بي امس
Author: عبدالحفيظ ابوسن
Date: 03-01-2020, 03:40 PM
Parent: #9
اها السياسة عندنا كدة جنس الونسة وواقفين وين
مش كدة وبس عندنا واحدين بكلمونا بي قرارات حتصدر بعد كذا يوم لأنو فلان قاعد معاهم في شارع النيل وبشربو في شاي لبن كلمهم
وقال الموضوع دة سري جدا
ولو بقيت شقي وسألتو بعد المدة انتهت وما حصل برضو بملاك فقر
|
Post: #11
Title: Re: ترامب اتصل بي امس
Author: عبدالحفيظ ابوسن
Date: 03-01-2020, 03:57 PM
Parent: #10
زمان اسمها القراشات
الشافع البكون بليد بودوهو القراشات يبقا ميكانيكي
عادي جدا تودي عربيتك للميكانيكي ويقوم يقول ليك
نفصل الجهاز دة ماعارف الخواجة البليد دة ركبو ليه
ولا يعدل ليك حاجة بحجة الخواجة البليد
المسايل عندنا ماشة كدة
اسأل مجرب ما تسأل طبيب
|
Post: #12
Title: Re: ترامب اتصل بي امس
Author: علي عبدالوهاب عثمان
Date: 03-01-2020, 04:33 PM
Parent: #11
سعر الويكة السارا والويكة الخرطومية
وقال لي رسل لي 2 كيلو دكوة من حجة عشة نضيفة
===================
سؤال ترامب ذكي جداً يا الحبيب أبوسن
يريد أن يعرف المواد المنتجة محلياً والبعيدة عن أثر الحصار أمريكي
ليتأكد أننا صحيح ناس غير منتجين
أكيد حيرفع الدعم .. لانه تأكد حتى لو رفع الدعم لا جديد نفس الفيلم والاسعار
والمعاناة .. عشان يسحب الشماعة ونعرف الواقع الصح ..
بوست ذكي جداً ..
|
Post: #13
Title: Re: ترامب اتصل بي امس
Author: Hafiz Bashir
Date: 03-01-2020, 05:16 PM
Parent: #12
وين يا أبو سن
المعفن دا أمس عمل لي مسكول
ضربت ليهو قال لي احول ليهو رصيد
أكان عارفو داير يضرب ليك ما كان حولت ليهو.
|
Post: #14
Title: Re: ترامب اتصل بي امس
Author: عبدالحفيظ ابوسن
Date: 03-01-2020, 08:26 PM
Parent: #13
مرحب علي
الله يدينا الذكاوة والورع
|
Post: #15
Title: Re: ترامب اتصل بي امس
Author: عبدالحفيظ ابوسن
Date: 03-01-2020, 08:30 PM
Parent: #14
تخيل يا حافظ قال لي دقست ليك حافظ الفارة
ومع الونسة نسيت اسألو
بقيت مركز مع البيعة وطلع ونسة ساي
قلت امرق لي منو بي دولار دولارين وبخت من نفع واستنفع
لكن الزول دة مابمرق منو يتيم ممسح
قدر ما يزنقو زي ود الموية يجي نابل
|
Post: #16
Title: Re: ترامب اتصل بي امس
Author: Ahmed Yassin
Date: 03-01-2020, 08:31 PM
Parent: #14
ما جاب ليك سيرتي ؟
|
Post: #17
Title: Re: ترامب اتصل بي امس
Author: عبدالحفيظ ابوسن
Date: 03-02-2020, 05:08 AM
Parent: #16
بكون يا احمد ماخلا زول وقال لي راصدينكم كلكم
|
Post: #18
Title: Re: ترامب اتصل بي امس
Author: عبدالحفيظ ابوسن
Date: 03-02-2020, 05:28 AM
Parent: #17
اي زول شغال بي رموت
او هكذا يحاول البعض ان يصور لنا الامر
صحبي صلاح الحسن من اهالي النوبة غرب شندي
قال لي معاهم واحد عمل شكلة كبيرة وعريضة
وخشو ناس باركوها وقالوا ليه
صلي علي النبي
قال ليهم انا بصلي علي الله بس
يا زول دة كلام شنو ؟!
أي زول يصلي علي القدرو
اها
اي زول علاقتو مع القدرو
تكترو تقللو هسة برسل ليكم صورة سليفي مع ترامب وتانية مع هنايا ديك
مايجي ودو يقول فوتو
|
|