من المعروف عن السائل الجميل بوضع في فتيل فتيلة الريحة وهي رمزية للشيء القيم طيب الرائحة
نحن احياناً تستخدم المفردات معكوسة : مثلا : يلا .. عند الشعوب الاخرى ( عبارة للطرد ) أفتكر استخدامها ( يلا نحن لمن مشينا ) الأمر متروك لأهل العربية الخشم : انف عند الجليحيين ( تقريبا من الخياشيم )
Post: #2 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 02-29-2020, 06:58 PM Parent: #1
والفتيل دائماً تصميمه جميل ورائع ومن النادر تجد فتيل في القمامة حتى فتيل الويسكي ( بلاك آند وايت ) منتهى الاناقة والجمال الفتيل ربما تصميمه يكون لناس مبدعين تخيل تصميم الفتيل بيت العطور العالمية في باريس وغيرها رمزية جمال وأناقة
معقول الكيزان يدخلوهم في فتيل معليش في أبريق .. مقبولة لأن للابريق جغرافيا خاصة للاستخدام
Post: #3 Title: Re: عبارة ( في فتيل ) ما عارف المقصود بالضبط ول� Author: يوسف الطيب احمد إدريس Date: 02-29-2020, 07:14 PM Parent: #2
اخونا علي كيف حالك
اظن المقصود بالعبارة انو بقو في حتة ضيقة شديدة معروف انو الفتيل بشيل السوايل زي العطور والادوية وغالبا تكون ك تكون الكمية قليلة جدا وعلى قول عرب الخلا يقوليك فلان بقى في امرن ضيق
Post: #4 Title: Re: عبارة ( في فتيل ) ما عارف المقصود بالضبط ول� Author: محمد البشرى الخضر Date: 02-29-2020, 07:43 PM Parent: #3
Post: #11 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-01-2020, 07:40 AM Parent: #4
الحبيب البشرى .. تحياتي فهمت الموضوع المقصود التهكم والسخرية من الشيخ كما حصل مع البشير ( بركاوي ، هوت دوق )
يا سلام حبيبنا البشرى دائماً ما تأتي بالحل ..
Post: #7 Title: Re: عبارة ( في فتيل ) ما عارف المقصود بالضبط ول� Author: abdalla elshaikh Date: 02-29-2020, 08:15 PM Parent: #3
اظن المقصود بالعبارة انو بقو في حتة ضيقة شديدة
Post: #12 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-01-2020, 07:43 AM Parent: #7
اظن المقصود بالعبارة انو بقو في حتة ضيقة شديدة
===================== حبيبنا عبدالله الشيخ .. مودتي كان أحسن ( خرم الابرة ) أضيق من الفتيل رغم ايضاح أصل المصدر من حبيبنا البشرى ولكن الفتيل .. رمزية جمال
Post: #10 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-01-2020, 07:33 AM Parent: #3
ظن المقصود بالعبارة انو بقو في حتة ضيقة شديدة معروف انو الفتيل بشيل السوايل زي العطور والادوية وغالبا تكون ك تكون الكمية قليلة جدا =========================
الحبيب يوسف .. تحياتي ممكن .. لكن فقط رمزية الفتيل حتى في الغناء الشعبي ( تومة .. فتيلة المايقوما ) يعني شيء جميل
تحياتي الحبيب يوسف
Post: #5 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 02-29-2020, 07:44 PM Parent: #1
والفتيل دائماً تصميمه جميل ورائع ومن النادر تجد فتيل في القمامة حتى فتيل الويسكي ( بلاك آند وايت ) منتهى الاناقة والجمال الفتيل ربما تصميمه يكون لناس مبدعين تخيل تصميم الفتيل بيت العطور العالمية في باريس وغيرها رمزية جمال وأناقة
معقول الكيزان يدخلوهم في فتيل معليش في أبريق .. مقبولة لأن للابريق جغرافيا خاصة للاستخدام
Post: #6 Title: Re: عبارة ( في فتيل ) ما عارف المقصود بالضبط ول� Author: Arif Nashed Date: 02-29-2020, 08:09 PM Parent: #5
حبيبنا علي انزيك. ما براك المسطح في معني (في فتيل). كتر خير ود البشري جاب رابط البوست ونقشنا المقصود.
ذكرني فيديو القتيل بنكتة. قال ليك اتنين نسوان كبار في الحاج يوسف وقفوا ليهم ركشة من الصباح لافين بيها للضهر ما خلوا حي في بحري كملوا مشاويرهم ورجعوا وصاحبنا سواق الركشة يجمع في حساباتوا. النسوان نزلوا واحدة فيهم مدت ليهو جنيهين اتنين بس. بتاع الركشة قال ليها ي حاجة اتي قايلاني سايق لي زناد.
Post: #8 Title: Re: عبارة ( في فتيل ) ما عارف المقصود بالضبط ول� Author: حيدر حسن ميرغني Date: 02-29-2020, 08:44 PM Parent: #6
- اسمع الفيديو المرفق في بوست ود البشرى
Post: #14 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-01-2020, 07:49 AM Parent: #8
اسمع الفيديو المرفق في بوست ود البشرى
================ الحبيب حيدر تحياتي يبدو عندي مشكلة في الجهاز .. الفيديو عندي ما شغال ولكن إذا ورد في كلام الشيخ المقصود السخرية .. أو الرد علهيم بمصطلحاتهم كما ( البركاوي ، هوت دوق )
تحياتي الحبيب حيدر
Post: #9 Title: Re: عبارة ( في فتيل ) ما عارف المقصود بالضبط ول� Author: بدر الدين الأمير Date: 02-29-2020, 09:23 PM Parent: #6
على يابوب ياناطق بغيرها انا الماناطق بغيرها كان عندى تخريج اخر المفردة فى فتيل الى ان طالعت بوستك هذا ورابط ود البشرى صدق انا ربطت الفتيل بفتل الحبال مع مع مفردة الحل فى البل الظهرت مؤخرا وتم شرحها ونسأل الامام ود البشرى هل هذه المفردات تندرج تحت مسمى لغة الرندوك وحسب فهمى المحدود ان لغة او مفردات الرندوك تسبك فى المناطق الصناعية يقال والعهدة على الراوى طبيب جمعته علاقة بمكنيكية قام قاليهم خليكم من العرقى انا عازمكم وسكى يوم الخميس الجماعة جو اكتشفو ان الوسكى مابنشرب من غير تلج قضو سهرتهم واستمتعو تانى يوم الدكتور مشى ليهم واسالهم كيف لقيتو الوسكى قالو له تمام بس بياكل تلج على وزن المكنة البتاكل زيت همهه
Post: #15 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-01-2020, 07:57 AM Parent: #9
على يابوب ياناطق بغيرها انا الماناطق بغيرها كان عندى تخريج اخر المفردة فى فتيل الى ان طالعت بوستك هذا ورابط ود البشرى صدق انا ربطت الفتيل بفتل الحبال مع مع مفردة الحل فى البل الظهرت مؤخرا وتم شرحها ونسأل الامام ود البشرى هل هذه المفردات تندرج تحت مسمى لغة الرندوك وحسب فهمى المحدود ان لغة او مفردات الرندوك تسبك فى المناطق الصناعية ======================== الحبيب الامير .. تحياتي يا جميل شكراً سودانيز عرفنا الكثير من المفردات العامية المشكلة فينا يا الامير .. حتى نحن الغربة لا نختلط كثيراً مع الاخرين نكون داخل تجمعاتنا .. وخاصة الجمعيات .. إلا معليش الشباب ما شاء الله عليهم بقوا خطيرين في العربية وخاصة العامية .. ========================= تأويلك لفتيل مع خاصة مع عبارات الحل والبل يوضح أن لك خيال خصب ومتبحر في اللغة العربية (فعيل ) ذهبت إلى البلاغة وغيرها .. يا سلام بعدين ( العربي الفصحى) أسهل المشكلة في العامية كلنا كنا ندرس اللغة العربية زمان ..
تحياتي الامير .. تأويلك لفتيل بصراحة اعجبني جداً
Post: #13 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-01-2020, 07:46 AM Parent: #6
ما براك المسطح في معني (في فتيل). كتر خير ود البشري جاب رابط البوست ونقشنا المقصود. ===================== الحبيب عارف .. مودتي قرأت المداخلة .. بحماس بس في الاخير ما فهمت المقصود من زناد ( آه ناس ضواحي الدنيا )
تحياتي ا لجميل عارف
Post: #16 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-01-2020, 08:07 AM Parent: #13
حبيبنا الملك .. تحياتي .. ما متأكد شاهدت مداخلك لك في البوست ولكنها اختفت ( ما عارف ليه ) ====================== سبب فتح البوست لأن عبارة ( فتيل ) ترجعني لسنوات طويلة للوراء أيام جلسات بوقانات الترايلة في ليالي الصيف .. كان أهلنا يرددوا أغاني ( منا إدريس طنبراوي من عرب أرقو .. ) ومنها دوبيت أو اغنية :
الله لي ووو توما توما ووو فتيلة المايقوما ووو توما
أصواتهم كانت جميلة تشق سكون الليل .. قلت يا أخي حرام هذا اللفظ الجمالي الرائع ( فتيلة ) في وصف الكوز وفتيلة رغم أنها عربية كانت تدخل في مفردات الغزل لدى الترابلة
وكنت دائماً اسمع أهلنا يرددوا هذه العبارة
( برو إيرس فتيل ) يعني ( البنية زي فتيلة الريحة )
التحية الملك ..
Post: #17 Title: Re: عبارة ( في فتيل ) ما عارف المقصود بالضبط ول� Author: walid taha Date: 03-01-2020, 03:06 PM Parent: #1
بالإطلاع على توضيح ود البشرى الوافى أعتقد من الأفضل تحديد عبوات (الفتيل) نفسه لأنو شايف فى كمية من الناس (في فتيل) فحقو نحدد عبوات تكون حسب الموقف الإتختا فيهو الشخص فى (فتيل) لأنو من المجحف جدا أن يكون فتيل السفير الألمانى (مثلا) نفس فتيل حسين خوجلى . بمعنى نقول : فلان الفلانى (فى فتيل) 5 مل . وعلان فى فتيل 50 مل ..وهكذا
يجب ان لا تتساوى (الفتايل) !!
التحية لك علي أمبس
Post: #18 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-01-2020, 03:56 PM Parent: #17
حبيبنا وليد .. تحياتي شباب التواصل ربما أطلقوا ( في فتيل ) استهازاءً بكلام الشيخ .. عن العلمانيين ..
(( أن العلمانيين يحرقوا الجثة ، قال يدوك جثة امك في فتيل ، كما يفعل الهندوس والبوذيين، الرماد ))
شكراً حيدر حسن الحبيب على الافادة ==============
تحياتي الحبيبب وليد .. كده أنا فهمت الموضوع كويس لكن يا الحبيب وليد .. حلوة مقاسات الفتايل .. كلو واحد حسب مقاسو
تحياتي
Post: #19 Title: Re: عبارة ( في فتيل ) ما عارف المقصود بالضبط ول� Author: بابكر قدور Date: 03-03-2020, 08:55 AM Parent: #18
أخي علي عبدالوهاب لك الود والتحايا الطيبات بوست جميل عن كلمة (فتيل) كمصطلح وككلمة في العامية السودانية وقد أدخلتني هذه الكلمة في مأزق حرج دفعني للبحث عنها مثلك تماماً لأكتشف أنها كلمة غير عربية بل هي كلمة إنجليزية تسربت للهجة العامية السودانية من الكلمة الإنجليزية (Phial) بعد تحويرها قليلاً وذلك شرح البروفسور عون الشريف قاسم للكلمة وعندما انتقلت من جدة للرياض في عام 2011م ذهبت مرة للسوق باحثاً عن عطر معين وكنت أصفه بأن معبأ في فتيل والتاجر سعودي طبعاً من نجد فبعد أن يطلب مني ترديد ما أقول يجيبني (والله ما أعرف هرجك يازول) ومرة ذهبت إلى صيدلية وكان الدكتور مصرياً فقلت له فتيل الدواء الفلاني فأجابني (بتؤول إيه؟) فهذه المواقف هي التي دفعتني للبحث وراء هذه الكلمة .... والغريب كما تعلم أنهم في السعودية يقولون للفتيل (تولا/تولة) وهي كلمة هندية وليست عربية ... مثلها أيضاً كلمة (تربيزة) فبدورها قد تسللت من اللغة الإغريقية إلى اللهجة السودانية أيام العهد الكنسي في السودان فهي تربيزة بنفس النطق تستخدم داخل الكنيسة ومقابلها العربي هو (الطاولة) كما في سائر اللهجات العربية .. تشكر أبوعلوة ....
Post: #20 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-03-2020, 09:12 AM Parent: #19
الحبيب بابكر قدور .. تحياتي يا سلام يا بابكر .. شكراً على تأصيل ( فتيل ) إثراء للبوست .. وكمان الاجمل أصل كلمة ( تبربيزه ) مفاجأة بالنسبة لي ..
مداخلة رائعة .. تحياتي الحبيب بابكر
Post: #21 Title: Re: عبارة ( في فتيل ) ما عارف المقصود بالضبط ول� Author: Mahjob Abdalla Date: 03-03-2020, 09:28 AM Parent: #20
Quote: Some families may not realize it, but the cremated remains of their loved ones have been sitting on shelves in some Nova Scotia funeral homes for decades.
Kollin Weatherbee, the owner and operator of Sydney Memorial Chapel and Cape Breton Crematorium, said they have about 20 unclaimed cremated remains that date back as many as 20 years.
Weatherbee is one of the many funeral home operators, crematoriums and cemetery licensees in the province who received a letter this week from the Nova Scotia government asking about their experience with unclaimed cremated remains.
The letter said the province is considering regulations after being contacted by funeral professionals over the last few years about what to do with them.
Rodger Gregg, the province's registrar of cemetery and funeral services, said it's unknown how many unclaimed cremated remains are at Nova Scotia funeral homes and that's part of the reason the department is doing the survey.
"I think a lot of it depends on the size of the funeral home and how long the funeral home has been operating," he said, adding some funeral directors have told him they have remains that have been unclaimed for upwards of 40 years.
In addition to the number of unclaimed remains, the province is also asking funeral homes to outline their process for tracking them.
Post: #22 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-03-2020, 10:00 AM Parent: #21
حببينا محجوب .. تحياتي ربما أهل الديانة الهندوسية أو البوذية ولكنهم حسب ما أذكر انهم ينثرون رماد الموتى في نهر مقدس ولكن الديانات الاخرى ربما لا تمارس عملية الحرق الشيخ المنسوب إليه عبارة ( في فتيل ) ربما كان لديه علم بهذا الموضوع طيب يا أخي شيخنا ده خطير
تحياتي الحبيب محجوب .. شكراً للاثراء
Post: #23 Title: Re: عبارة ( في فتيل ) ما عارف المقصود بالضبط ول� Author: Arif Nashed Date: 03-03-2020, 10:06 AM Parent: #22
Quote: ما فهمت المقصود من زناد ( آه ناس ضواحي الدنيا )
تحياتي ا لجميل عارف
حبيبنا علي. الزناد يعني الولاعة. خخخخخخخخخخخخ
Post: #24 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-03-2020, 10:27 AM Parent: #23
حبيبنا علي.الزناد يعني الولاعة .خخخخخخخخخخخخ ================== الحبيب عارف تحياتي يا جميل تذكرت هذا الاسم ... ( أبو زهايمر ) مع أن الولاعة كانت موجودة عندنا من زمان خالص طبعاً كانت من مصر زمن مصر الجميلة تشتعل بالقطن والجاز الابيض
مودتي الحبيب عارف
Post: #25 Title: Re: عبارة ( في فتيل ) ما عارف المقصود بالضبط ول� Author: Mahjob Abdalla Date: 03-04-2020, 03:32 AM Parent: #24
Quote: ولكن الديانات الاخرى ربما لا تمارس عملية الحرق الشيخ المنسوب إليه عبارة ( في فتيل ) ربما كان لديه علم بهذا الموضوع طيب يا أخي شيخنا ده خطير
سلام اخ علي عبدالوهاب طبعا الخبر الفوق ده من كندا و يقوم به البيض خصوصا حيث يقومون بشراء تأمينات الموت او كيفية الدفن او الحرق. اذا كتب احدهم وصيته بأن يتم حرقه, فسوف يقومون بتنفيذ الوصية و تسليم الفتيل الي اهله و اتضح من الخبر اعلاه ان بعضهم لا يأتي لتسلم الامانه. بعضهم يقومون بنثره في الحدائق و البعض في الانهار و البحيرات و البعض في الجبال و بعضهم يحتفظ به.
اذكر قبل كم شهر في الاخبار ان الحرامي دخل احد المنازل و سرق بعض المقتنيات و من ضمنها كان فتيل, فتوسلت تلك الاسرة للحرامى بأعادة الفتيل لانه يحتوى علي رماد احد افراد اسرتهم. مرة اشاهد في برنامج تلفزيوني و في حديث ذو علاقة بهذا الموضوع و كانت الضيفة امرأة, فقامت من مقعدها و تناولت الفتيل من فوق طربيزة في صالة الجلوس لتوضح ان الفتيل يحتوى علي رماد والدتها و كذا سار الحديث.
الشيخ الذى تحدث عن هذا لم يكن مخطئا, فهو قد تحدث عن واقع معاش في الغرب.
Post: #26 Title: Re: عبارة ( في فتيل ) ما عارف المقصود بالضبط ول� Author: محمد البشرى الخضر Date: 03-04-2020, 07:15 AM Parent: #25
الشيخ يا هبيب كان مخطئ في السياق الاستخدم فيه المثال و ربطه بالعلمانية في سبيل تكريه الناس فيها و تشويهها
Post: #27 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-04-2020, 07:17 AM Parent: #25
الحبيب محجوب .. تحياتي .. شكراً على الاثراء .. حقائق كنا نجهلها تماماًَ عن حرق الجثث كنت مفتكر في الهند أو في قارة آسيا ولكن مداخلتك مهدت لنا لنعرف الكثير من المعلومات بغض النظر عن السياسة وغيرها .. كلام الشيخ كان صحيح عن ( الفتيل )
يا سلام الحبيب محجوب .. تحياتي مداخلة دسمة ..
Post: #28 Title: Re: عبارة ( في فتيل ) ما عارف المقصود بالضبط ول� Author: إدريس محمد إبراهيم Date: 03-04-2020, 01:16 PM Parent: #27
تحياتي علي أمبس ....
فقط أردت أن أرفق الفيديو الذي في رابط الأخ / ود البشرى ....
في فتيل نعم كما أوضح لك الزملاء تعني في أمرا ضيق .....
مع كل الحب والتقدير الذي تستحق ....
Post: #29 Title: Re: عبارة ( في فتيل ) ما عارف المقصود بالضبط ول� Author: علي عبدالوهاب عثمان Date: 03-04-2020, 03:44 PM Parent: #28
الحبيب ادريس أمبس .. تحياتي يا جميل شكراً على الفيديو ما شاء الله الشيخ معلوماته واسعة أنا كنت مفتكر ممارسة دي فقط لدى الهنود أو الاسيويين وينثر الرماد في الانهار ما كنت اعرف عن حرق جثة شخص والاحتفاظ به في فتيل كذكرى وتقدير كما اورد الحببيب محجوب من كندا وخارج نطاق قارة آسيا
