Post: #2
Title: Re: الرياض فتحت
Author: جلالدونا
Date: 02-17-2020, 07:06 PM
Parent: #1
كدى او حاجة خلونى ارحب بالاعزاء الكرام ضيوفنا الجدد
ثم بعد ذلك نرجع لى موضوعنا
الامين حسن بخيت
محمدعبدالله نهرو
حسام الدين حمودة
معاوية عوض
ياسر عباس ابو سوار
مرحب بيكم اخوة كرام و عضوية فاعلة
كما ارحب بالاخنين
ام سهى
جواهر
يمناسبة العودة الميمونة
و اعادة ترحيب و حار كمان بالعزيزين
الاخ الكريم قباني
و الصديق العزيز صديق مهدى
|
Post: #3
Title: Re: الرياض فتحت
Author: يوسف الطيب احمد إدريس
Date: 02-17-2020, 07:22 PM
Parent: #2
سلام جلالدونا
احسن الله عزاؤكم وتقبل ميتكم
ربنا يجعله من اصحاب اليمين في سرر متقابلين
معليش لحرف البوست عن مساره .. شفت قبل كم يوم واحد بوست عن وفاة اخوك
ومع زحمة الشغل نسيت اعزي
|
Post: #4
Title: Re: الرياض فتحت
Author: صديق مهدى على
Date: 02-17-2020, 07:30 PM
Parent: #3
خالص العزاء لكم اخى جلال والأسرة الكريمة فى فقدكم الجلل وربنا يوسع مرقده ويجعله من اصحاب
اليمين امين بالصلاة على سيد المرسلين
صديق
والاسرة
|
Post: #5
Title: Re: الرياض فتحت
Author: حسام الدين حمودة
Date: 02-17-2020, 07:53 PM
Parent: #4
الأح جلال ،،،،
كل الشكر والشكر الجزيل للترحيب الحار منك ومن باقي الأعضاء بالمنبر
وبالفعل فتحاً مبينا
واحسن الله عزاءكم في فقيدكم إذ فاتنا واجبه
|
Post: #6
Title: Re: الرياض فتحت
Author: علاء سيداحمد
Date: 02-17-2020, 08:02 PM
Parent: #5
حار التعازى اخوى جلال
واحسن الله عزاءكم وتقبل فقيدكم بقبول حسن
|
Post: #7
Title: Re: الرياض فتحت
Author: ABUHUSSEIN
Date: 02-17-2020, 08:09 PM
Parent: #6
Quote: كما ارحب بالاخنين
ام سهى
جواهر |
❓❓❓❓❔❔❔
|
Post: #8
Title: Re: الرياض فتحت
Author: جلالدونا
Date: 02-17-2020, 09:07 PM
Parent: #7
و عليكم السلام اخونا يوسف
شكر الله سعيك و تقبل دعاءك و غفر لموتانا و موتاكم
|
Post: #9
Title: Re: الرياض فتحت
Author: جلالدونا
Date: 02-17-2020, 09:11 PM
Parent: #8
مرحب اخونا صديق
تقبل الله دعاءك و مشكور على مواساتك
و الصلاة و السلام على اشرف خلق الله
محمد بن عبدالله خاتم الرسل و الانبياء
___
ياخى الحمد لله انت ما قصرت معانا زول حارة و مواجبة
ربنا يحفظك و الاسرة الكريمة و يديم عليكم نعمة الصحة و العافية
|
Post: #10
Title: Re: الرياض فتحت
Author: جلالدونا
Date: 02-17-2020, 09:17 PM
Parent: #9
Quote: الأح جلال ،،،،
كل الشكر والشكر الجزيل للترحيب الحار منك ومن باقي الأعضاء بالمنبر
وبالفعل فتحاً مبينا
واحسن الله عزاءكم في فقيدكم إذ فاتنا واجبه |
مرحب يا هندسة
الحمد لله الذى لا يحمد على مكروه سواه
____
كل الامنيات بالاقامة الطيبة
|
Post: #11
Title: Re: الرياض فتحت
Author: جلالدونا
Date: 02-17-2020, 09:25 PM
Parent: #10
مرحب علاء
جزيل الشكر على مواساتك الطيبة
احسن الله عزاء الجميع و رزقنا حسن الختام
|
Post: #12
Title: Re: الرياض فتحت
Author: جلالدونا
Date: 02-17-2020, 09:34 PM
Parent: #11
شنو يا ابو حسين ياخ
لو قصدك على الخطأ الاملائي ساهلة و بتتعدّل
اما لو قصدك الترحيب فى ذات نفسو اقرا صاح عشان يقع ليك Quote: كما ارحب بالاختين
ام سهى
جواهر
يمناسبة العودة الميمونة |
ثم انت مستعجل على رزقك مالك!!!
يعنى عشان فتحت ليك بوستيين و الناس جات عليك عاوز تعمل لينا فيها ألفة
.... ألفة .... دى بى مناسبة قوم لف
|
Post: #13
Title: Re: الرياض فتحت
Author: عماد الدين الطيب عمر
Date: 02-18-2020, 12:49 PM
Parent: #1
حبيبنا جلال
تقبل الله فقيدكم
انا لله و انا اليه راجعون
الدوام لله
و ترحيب حار بالأعضاء الجدد
يلا نرجع لموضوعنا
الفتحها شنو؟
|
Post: #14
Title: Re: الرياض فتحت
Author: Khalid Saeed
Date: 02-18-2020, 12:52 PM
Parent: #13
حبيبا جلال احر التعازي في وفاة اخوك ربنا يرحمه ويغفر ليه
اسف جدا كنت بعيد من المنبر الأيام الفاتت
|
Post: #15
Title: Re: الرياض فتحت
Author: Yousif A Abusinina
Date: 02-18-2020, 01:01 PM
Parent: #14
الاخ الفاضل جلال
عظم الله اجركم ورحمه الله اخوكم وجعلة فى اعلى الجنان
وناسف للتعزية المتاخرة مع انى بالشك واليقين انى دخلت بوست التعزية
صبركم الله فى فقيدكم الجلل
|
Post: #16
Title: Re: الرياض فتحت
Author: طلحة عبدالله
Date: 02-18-2020, 01:18 PM
Parent: #15
الدوام لله يا جلالدونا .. نقبله الله في عليين .
وين بوست التعزية دا أصلو ما وقع في عيني ؟؟
|
Post: #17
Title: Re: الرياض فتحت
Author: ahmedona
Date: 02-18-2020, 01:44 PM
Parent: #16
عظم الله اجركم ورحمه الله اخوكم وجعلة مثواه الجنة
|
Post: #18
Title: Re: الرياض فتحت
Author: ABDALLAH ABDALLAH
Date: 02-18-2020, 01:58 PM
Parent: #17
تعازينا الحاره لكم أخى جلال وعظم الله أجركم وألهمكم الصبر .
|
Post: #19
Title: Re: الرياض فتحت
Author: احمد حمودى
Date: 02-18-2020, 05:34 PM
Parent: #18
حار التعازى فى اخوكم له الرحمة والمغفرة
|
Post: #20
Title: Re: الرياض فتحت
Author: امتثال عبدالله
Date: 02-18-2020, 06:49 PM
Parent: #19
يا جماعة الخير..
في بوست مفتوح لتعزية الزميل جلالدونا ...
ونحن حتى الآن ما فهمنا شئ من عنوان البوست "،الرياض فتحت " ..هل المقصود رياض السعودية، ( اقصد رياض ارض الحجاز) ام رياض الخرطوم....وفتحت لمنو !؟ المهاجرين ولا المقيمين ام لكل العرب....
..وعظم الله اجركم جلالدونا ...
وضح ..ابن فسر
|
Post: #21
Title: Re: الرياض فتحت
Author: جلالدونا
Date: 02-18-2020, 07:11 PM
Parent: #20
الاعزاء الكرام
الارباب
ابوسنينة
طلحة
احمدونا
عبدالله
حمودى
و الفاضلة امتثال
تقبّل الله دعاءكم و رحم موتانا و موتاكم و غفر لهم
شاكر و ممتن لطيب مواساتكم و ان شالله ما نسمع عنّكم شينة
|
Post: #48
Title: Re: الرياض فتحت
Author: أحمد الشايقي
Date: 02-29-2020, 04:21 PM
Parent: #15
لاخ الفاضل جلال
عظم الله اجركم ورحمه الله اخوكم وجعلة فى اعلى الجنان
وناسف للتعزية المتاخرة مع انى بالشك واليقين انى دخلت بوست التعزية
صبركم الله فى فقيدكم الجلل
أحمـد الشـايقي
|
Post: #22
Title: Re: الرياض فتحت
Author: walid taha
Date: 02-19-2020, 06:58 AM
Parent: #1
جلال السلام عليكم
دى على وزن (ليبيا فتحت) ؟ ولا بس إسم على إسم :) ؟
منتظرنك
|
Post: #23
Title: Re: الرياض فتحت
Author: محمد عبد الماجد الصايم
Date: 02-19-2020, 07:34 AM
Parent: #22
حبابهم جت عليهم
|
Post: #24
Title: Re: الرياض فتحت
Author: فتحي الصديق
Date: 02-19-2020, 09:39 AM
Parent: #23
رحم الله الفقيد الغالي وصبرك والأسرة على الفقد ..
|
Post: #25
Title: Re: الرياض فتحت
Author: ياسر السر
Date: 02-19-2020, 10:58 AM
Parent: #24
السلام عليكم اخي جلالدنا وعظم الله اجركم وغفر لاخيكم وجعل الجنه مستقر له ..
وعلى حسب فهمي المتواضع للعنوان انك تعني بان هناك عضوية جديده للمنبر العام واغلبهم من الرياض أي ان بورداب الرياض اذدادو عددا بدخول هؤلاء الاخوة الأعزاء لعضوية المنبر ..
وهذا اجتهاد مني والله اعلم وانت تعلم ,,,,
تحياتي : ياسر العيلفون .....
|
Post: #26
Title: Re: الرياض فتحت
Author: هشام الدرديري
Date: 02-19-2020, 11:28 AM
Parent: #1
هلا وغلا جلادونا كيفك ياجار يشهد الله مشتاقين
(الرياض فتحت ) الرياض العاصمة ولا الرياض الخرطوم ولارياض الأطفال لكن هنا الفعاليات واووووو والبسط يقسموا منه
ما شايف ود الصايم ضحكته زادت
الشوق اطنان
|
Post: #27
Title: Re: الرياض فتحت
Author: جلالدونا
Date: 02-19-2020, 06:01 PM
Parent: #26
مرحب اخونا وليد
بس ياها .. كتلتها تب
الرشقة الاولى كانت جماعية و تلتها كم رشقة فردية
مع رشقة فردية من الخرطوم
اها انا متابع الحاجة دى لشيئ فى نفس ود الصايم
عموما مرحب بيهم
|
Post: #28
Title: Re: الرياض فتحت
Author: جلالدونا
Date: 02-19-2020, 08:28 PM
Parent: #27
هلا ود الصايم
و مرحب بيهم الف زرفانا و وحدانا
و نتمنى ليهم اقامة طيبة
و نتمنى كمان عودة الحردانين
|
Post: #29
Title: Re: الرياض فتحت
Author: جلالدونا
Date: 02-20-2020, 00:45 AM
Parent: #28
مرحب اخونا ياسر السر
فهمك صحيح و فعلا بورداب الرياض ازدادوا عددا طيبا مباركا ان شاءالله
لكن الفهم شنو ده دى الدايرة شغل
شكلى ح استعين بى حبوبتي لمياء فى الحتة دى
|
Post: #30
Title: Re: الرياض فتحت
Author: محمد مجيدو
Date: 02-20-2020, 07:58 AM
Parent: #1
مرحب يا جلجل ..
والبركة فيكم في وفاة شقيقكم ..
نسال الله له الرحمة والمغفرة ..
اها الرياض فتحت شنو ؟؟؟
عشان نمشي نقيف في الصف ...
عــــاالــــم بطاالـــــــــــــــــــــــة ,,
|
Post: #31
Title: Re: الرياض فتحت
Author: محمد عبد الله الحسين
Date: 02-20-2020, 08:14 AM
Parent: #30
الأخ جلالدونا لكم خالص العزاء
و البركة فيكم
و الفقيد نسأل الله له الرحمة و المغفرة
|
Post: #32
Title: Re: الرياض فتحت
Author: جلالدونا
Date: 02-20-2020, 11:03 PM
Parent: #31
اووووو حبيبنا هشام ياخ
مشتاقين والله
الفتحت ياها رياضكم دى
حفلاتكم قاجّة و نادى الكشتسنة شغّال تش نساء و رجال
و تحت تحت سمعنا عفوكم من حكاية الكفالة
و بكري فكّاها ليكم
دايرين شنو تانى و الم بخّلى ود الصايم يضحك شنو
تحياتي لى كل ناس البيت
|
Post: #41
Title: Re: الرياض فتحت
Author: هشام الدرديري
Date: 02-23-2020, 01:17 PM
Parent: #32
|
Post: #33
Title: Re: الرياض فتحت
Author: جلالدونا
Date: 02-20-2020, 11:09 PM
Parent: #31
مرحب ود الحسين
اللهم اّمين
جزاك الله خيرا و تقبّل الدعاء
|
Post: #34
Title: Re: الرياض فتحت
Author: Osama Mohammed
Date: 02-21-2020, 01:31 AM
Parent: #33
خالص التعازي اخ جلال
والبقية في حياتكم .
|
Post: #35
Title: Re: الرياض فتحت
Author: جلالدونا
Date: 02-21-2020, 05:47 PM
Parent: #34
مرحب اسامة
رحم الله موتانا و موتاكم و رزقنا حسن الختام
|
Post: #36
Title: Re: الرياض فتحت
Author: Salah Zubeir
Date: 02-22-2020, 07:39 AM
Parent: #35
الله يستر من الدقيس ...
ما يكون ودالباوقه وأبو روضه
غيرو رقم الشاسي وخاتين نمر
جديده وجايين داخلين ...
بعدين مجيدو دا حا يصرف
ليك من العلبة عديييل وما حا
يقول ليك تفطك نانسي عجرم ...
|
Post: #37
Title: Re: الرياض فتحت
Author: جلالدونا
Date: 02-22-2020, 06:47 PM
Parent: #36
اووو حبيبنا حاج الطيب
كيفك ياخ
ود الباوقة رغم اختلافنا معاهو فى مواقفوا من الانقاذ
لكن اشهد هنا انه من انبل و اعف الاعضاء و رجل يستحق الاحترام
و زول بالصفات دى ما اظن يجى مندسى او متخفى
ابو روضة احفظ له جميلا حسدته عليه
فى عراكه مع المرحوم الصادق الخالدى
الا انه كان من المبادرين فى زيارته و الوقوف بجانبه فى مرضه الاخير
و اكرمنا ببوست اعتبره قمة البوستات و نحن نتابع حال المرحوم الخالدى
فى حاجة كده ماب تلقاها الا فينا و ابوروضة ما شاء الله عليهو
شال و خمّ منها
رغم انو بعد مرّات بركبوا ريح احمر كده و يقوم و يطقطق من طرف
هسى يا ريت يجينا و يطقطق لينا ود التاج و ود المدير و المرجفين فى مدنية المدينة
___
يا سلام ياخ الخالدى كان حضور دايما فى ما يلمنا من بوستات
و لا يحلو له الا ان يخاطبنى بى ... جلالدونا الضلالى ... بس كانت نابعة من محبّة
الا رحم الله اخونا الخالدى و غفر له و عفا عنه و اسكنه فى عليين
مع الابرار و الصديقين و حسن اولئك رفيقا
|
Post: #38
Title: Re: الرياض فتحت
Author: جلالدونا
Date: 02-22-2020, 06:57 PM
Parent: #36
شنو يا ناس الرياض
مالكم ضنيتو
غايتو كان فهمتو البوست ده غلت يبقى الترابة فى خشم سيد الحوش
|
Post: #39
Title: Re: الرياض فتحت
Author: جلالدونا
Date: 02-22-2020, 06:58 PM
Parent: #36
كل القصة يا اخوان و اخوات انو اكبر وجود للسودانيين خارج السودان قى السعودية
و الرياض اعتقد ليها نصيب الاسد فى ذلك التواجد
عشان كده كان ترحيبى غير و اطالب بالمزيد من عضوية الرياض
مع حار الترحيب بهم
قولو واحد
|
Post: #40
Title: Re: الرياض فتحت
Author: ABUHUSSEIN
Date: 02-22-2020, 11:28 PM
Parent: #39
Quote: ابو روضة احفظ له جميلا حسدته عليه
فى عراكه مع المرحوم الصادق الخالدى
الا انه كان من المبادرين فى زيارته و الوقوف بجانبه فى مرضه الاخير
و اكرمنا ببوست اعتبره قمة البوستات و نحن نتابع حال المرحوم الخالدى
فى حاجة كده ماب تلقاها الا فينا و ابوروضة ما شاء الله عليهو
شال و خمّ منها
رغم انو بعد مرّات بركبوا ريح احمر كده و يقوم و يطقطق من طرف
هسى يا ريت يجينا و يطقطق لينا ود التاج و ود المدير و المرجفين فى مدنية المدينة |
قابلتو فيس تو فيس في إحتفالية بعد الثورة مباشرة ....
اتونسنا و ضحكنا و غنينا كتير ..... 😂😂😂😂😂😂😂
الزول دا المنبر دا مضيعو ..... 😂😂😂😂
|
Post: #42
Title: Re: الرياض فتحت
Author: هشام الدرديري
Date: 02-23-2020, 01:25 PM
Parent: #1
.Quote: اووووو حبيبنا هشام ياخ
مشتاقين والله
الفتحت ياها رياضكم دى
حفلاتكم قاجّة و نادى الكشتسنة شغّال تش نساء و رجال
و تحت تحت سمعنا عفوكم من حكاية الكفالة
و بكري فكّاها ليكم
دايرين شنو تانى و الم بخّلى ود الصايم يضحك شنو
تحياتي لى كل ناس البيت |
الشوق من عندنا لي بلاد العم سام لك ولي الوليدات
سالت منك في احد اجازاتي كنت مع اخونا كبس قالي جلال جاء من امريكا
كسر الشاشة (شاشة 60 بوصة ) دي واحده جديده بي سبب قون الهلال في المريخ ....كورة السودان البترفع
الضغط دي برضو لي اسع في الدم ياجله
اليومين ديل في الرياض منتخب الشباب يخبتوا فيه ساكت بس ربك يعين
جاء منتخبنا فتح هنا في الرياض
|
Post: #43
Title: Re: الرياض فتحت
Author: جلالدونا
Date: 02-25-2020, 07:34 AM
Parent: #42
يا سلام يا ابوحسين ياخ
شفت شوف العين بعمل شنو
مع انو ما شفت ابو روضة زى ما انت شقتو
لكن يمين الله بعتمد شهادتك فى حقّو
و يا ريت نتلاقى ياخ
|
Post: #44
Title: Re: الرياض فتحت
Author: حسام الدين حمودة
Date: 02-25-2020, 08:41 AM
Parent: #43
تحياتي جلالدونا
كتبنا فوق في بداية البوست ،،،
والحقيقة ومنذ قدومنا والى اليوم مازلنا نروح ونغدو بين بخ ويا مرحى به ،،،، وقوبلنا بترحاب دافئ غمرنا جميعاً كما كنت أتابع في بوستات الترحيب ،،،،
وفي بعض الأحيان بالهاتف ،،
وهي فرصة كي نشكر كل من رحب بنا سواء عبر البوست أو هاتفياً ،،،
وللحقيقة عدد من الناس كانوا يقولوا لي (جيتو كتار مع بعض وكده يعني والحاصل شنو) والجملة دي بالذات بتدي إحساس بإنو وجودك مستغرب وعليه 20 علامة إستفهام .
عموماً الأيام دول وسينفصل الزيت عن الماء وستتبين ألوان سوط المطر بعد حين.
ويا ريت نقدر نواكب سخونة البورد ،، ونذوب فيه ونقدم شيئاً يفيد .
|
Post: #45
Title: Re: الرياض فتحت
Author: جلالدونا
Date: 02-25-2020, 12:10 PM
Parent: #44
اههههها
اى والله كسرتها يا هشام
الغريبة قلت ليهم نمشى نخشها قالو احسن نحضرا فى البيت ما دام منقولة
خالنا جلال عبد العزيز قدر ما يجى البيت مرتضى ود كبس لى يوم الليلة يقول ليهو بى زعل: انت الكسرت التلفزيون
,,,, مرتضى كان صغير وكت الحادثة و سمع التلفزيون كسرو جلال ...
الحلة اتغيرت يا هشام الموت شال كتيرين و دخلوها ناس كتيرين
|
Post: #46
Title: Re: الرياض فتحت
Author: هشام الدرديري
Date: 02-26-2020, 05:59 AM
Parent: #1
| Quote: الحلة اتغيرت يا هشام الموت شال كتيرين و دخلوها ناس كتيرين |
اي والله اتغيرت والناس الكبار كلهم رحلوا
انت ومجدي وكمال الطويل والعشاء عند ابوالزوق
ايام لها ايقاع
|
Post: #47
Title: Re: الرياض فتحت
Author: جلالدونا
Date: 02-29-2020, 03:34 PM
ياااااه يا هشام ياخ بالجد كانت ايام
ابو الذوق الله يرحمو و يحسن اليه دكانو و بيتو مفتوحات لينا
مرات صحن الفتّة يجينا فى العوّامة و الحساب متين ما نتلاقى
ياخ بيوت الحلة كانت كلها بيوتنا توووش تخش
هسى الا تدق الباب و مرات كده الشغلة جابت مسج و مس كول
|
|