Post: #2
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-12-2020, 05:32 PM
Parent: #1
قال ليك الما بتعوس حقو يطلقوها ....
|
Post: #3
Title: Re: ***** قال: نسوان الخرطوم يستحقن الجلد بالسوط
Author: علي عبدالوهاب عثمان
Date: 02-12-2020, 05:50 PM
Parent: #2
تحياتي الحبيب أبو حسين ..
نفس الكلام يوم أمس كنت أشاهد قناة الشمالية البث من دنقلا
كانت مناسبة احتفالية .. أخونا اخذ المايك وأثناء كلامه عرج
إلى أزمة الخبر ..
وقال بالحرف الواحد ( بعد كده شروط الزواج ان تجيد الفتاة عواسة الكسرة ) أثار ضحك الحضور
رغم أننا في الخليج ولكن اكثر أكلنا ( قراريص وكسرة ) في البيت
لأنني سمعت بأن الكسرة التي تباع في محلات سودانية واًثيوبية فيها كميات كبيرة من الخمائر الخطرة على المعدة
بعدين قالوا الخبر الابيض ده خطير جداً للصحة .. عندنا في القرى هناك يعني نوعاً ما في الكسرة
والقراصة والعيش البلدي .. الغريبة زمان داخل أي بيت كان الفرن والوقود المثالي للفرن كان روث الابقار
حتي في الداخليات أيام المدارس الوسطى والثانوي كنا نأخذ معانا ( قرقوش وبسكويت ) صناعة منزلية
الامهات عليهن الرحمة كانواعلى مستوى عالي جداً واحترافية في هذا المجال وحتى الاخوات
ربما كان تأثير مصر كان أكبر ( البسكويت .. إلى اليوم موجود وحتى هنا يتم صناعته في البيت )
نوع فيه البيض والنوع الثاني للشاي ( بسكويت موية ) عادي جداً عندنا في أيام الجمعة ( كسرة وقراريص ) للجميعة ( العزاب)
وبسكويت موية شوية جاف وخالي من الدسم .. للشاي بالحليب
كلام الاخ الصحفي كويس ولكن طريقة العرض ربما فيه بعض القسوة ..
تحياتي الحبيب أبوحسين .. الرجوع للأصل مهم أولاً للصحة لأن الدقيق الفاخر مدمر للصحة
|
Post: #4
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-12-2020, 05:51 PM
Parent: #2
انا ما بعرف اعوس..
لكن بعرف اعمل مكرونة بالباشميل ..
بس ما تقول لي المكرونة كمان بقيفوا ليها بالصف!!!ههههههه
|
Post: #5
Title: Re: ***** قال: نسوان الخرطوم يستحقن الجلد بالسوط
Author: Asim Ali
Date: 02-12-2020, 06:11 PM
Parent: #4
هههها
عاد يا امتثال لجقتى مارى انطوانيت
عارفه سعر كيس المكرونه او الشعيريه او الرز بكم هسى ؟؟؟
|
Post: #6
Title: Re: ***** قال: نسوان الخرطوم يستحقن الجلد بالسوط
Author: حيدر حسن ميرغني
Date: 02-12-2020, 06:23 PM
Parent: #5
المهم
اجمل تعليق قرأته في شأن الصفوف أمام المخابز
رجل كبير شتم ولد شاب لاعتقاده أنه خرب الصف وشتمه بود الكلب
الولد الشفت رد بأن الكلب هو من يأتي لشراء الخبز وأولاده يغضون في نوم عميق.
الإكثر من كده قال ليهو " ابوي مسترخي في كرسي يشرب شاي الصباح وبيقرأ في جريدة" .
يعني النسوان الواقفات في الصف لو عندهم ازواج أو اولاد يستحقوا الجلد واكثر
|
Post: #7
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-12-2020, 06:29 PM
Parent: #6
يا عاصم
انا سمعت ان اغلى حاجة في الخرطوم الرغيف...
خلاص ما ضروري تاكلوا رغيف ...وزي ما قال عمنا واستاذنا علي عبد الوهاب الرغيف الأبيض ذاتو مضر بالصحة...
|
Post: #13
Title: Re: ***** قال: نسوان الخرطوم يستحقن الجلد بالسوط
Author: Asim Ali
Date: 02-12-2020, 07:04 PM
Parent: #6
| Quote: يعني النسوان الواقفات في الصف لو عندهم ازواج أو اولاد يستحقوا الجلد واكثر |
سلام عليكم
ازمات دى افرزت حاجات غريبه يعنى فى صف العيش بالتحديد من المشاهددات الراجل يكون قاعد فى العربيه ويلز المره عشان تشترى لانو صفهم اقصر ومره ولد عمر 14 /15 كان بتكلم مع امو فى التلفون شويه والمره جات طايره - وريحتا ضاربه قايمه من حفره الدخان اظنها -عشان تقيف فى صف النسوان (القصير). مره واحد جاب ابوهو الكبير فى السن وماقادر يقيف وانتظرو بعيد و الاب المسن وصل الشباك واشترى العيش قبلنا ونحنا نعاين ماقادرين نتكلم
|
Post: #8
Title: Re: ***** قال: نسوان الخرطوم يستحقن الجلد بالسوط
Author: زهير عثمان حمد
Date: 02-12-2020, 06:32 PM
Parent: #4
أول من يجلد ناقل الخبر للمنبر
|
Post: #9
Title: Re: ***** قال: نسوان الخرطوم يستحقن الجلد بالسوط
Author: زهير عثمان حمد
Date: 02-12-2020, 06:34 PM
Parent: #8
اللي ما بتعرف تعوس مافي ليها دقيق
|
Post: #10
Title: Re: ***** قال: نسوان الخرطوم يستحقن الجلد بالسوط
Author: نعمات عماد
Date: 02-12-2020, 06:41 PM
Parent: #8
سلام عليكم
أظن الصحفي عاوز يرفع مبيعات صحيفته
و احتمال كان بيكتب و هو جائع.
لو الحكومة خفضت سعر الدقيق او عملت خلطة
بسعر معقول، ح يشجع الناس على عمل الخبز
في البيت.
|
Post: #11
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-12-2020, 06:46 PM
Parent: #8
اخونا و حبيبنا استاذ علي اهلا بيك
الزول كتب الكلام بدون ما يفكر في هو بكتب في شنو ... !!!!
الآن النسوان شغالات زي الرجال وااااااحد بالإضافة لي شغل البيت و الاولاد و الاهل
الكسرة و العصيدة و القراصة دي بقت نوع من التغيير يعني الثابت الرغيف
بعدين العواسة دي بالحطب و ل بالفحم و ل بالغاز ؟؟؟؟؟؟
بعدين جكس اليومين ديل ما جكس عواسة دا زول بليد ....
غايتو الزول دا يولعو ليه صاج و يقولو ليه اقعد جرب العواسة و اكتب كلامك دا تاني ..
تحياتي
|
Post: #12
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-12-2020, 06:53 PM
Parent: #11
Quote: انا ما بعرف اعوس..
لكن بعرف اعمل مكرونة بالباشميل ..
بس ما تقول لي المكرونة كمان بقيفوا ليها بالصف!!!ههههههه |
😂😂😂😂😂😂😂
ما بتعرفي تعوسي تكتري القروش
العواسة او الطلاق .... 😂😂😂😂
مكرونة بالبشاميل دي ما بتأكلك عيش مع الجكس البعوس .... 😂
|
Post: #14
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-12-2020, 07:20 PM
Parent: #12
عليك الله يا ابو حسين في بت بتعوس في الزمن ده ...
مش كمان بتعوس !!،في بت في الزمن ده بتخش مطبخ وتقدر تعمل بيض مسلوق !!؟؟
مش كفاية انا بقدر اعمل مكرونة بالباشميل وبالفرن ...هههههههههو وكمان بعمل كبدة بالبيض
...وإضافة إلى القهوة والشاي ....قصرت ...والشاي والقهوة كمان ما بالبوتوحاز ولكن بالفحم والمنقد في حوشنا الحدادي مدادي
مش قلت ليك انا قروية بدوية ، وزي ما قال ود الأمير ود الدوحة :قروية طشت الطريق ومشت أمريكا، ،وفي أمريكا عاصمة العالم
نيويورك..ههههههههه
|
Post: #15
Title: Re: ***** قال: نسوان الخرطوم يستحقن الجلد بالسوط
Author: نعمات عماد
Date: 02-12-2020, 07:31 PM
Parent: #14
طيب يا جماعة لو الشابات زي امتثال اتعلمو عمل الكسرة
و بعدين الواحدة جاها عريس ما بحب الكسرة زي كتير
من الشباب يقوليك أحسن وجبة عندهم هي دبل بيرغر؟
|
Post: #16
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-12-2020, 07:39 PM
Parent: #15
اها يا نعمات ..انتي جبتي النجيضة من الاخر.....
|
Post: #17
Title: Re: ***** قال: نسوان الخرطوم يستحقن الجلد بالسوط
Author: Ali Alkanzi
Date: 02-12-2020, 07:40 PM
Parent: #14
والله يا استاذة امتثال قولك التحت دا استلاب حضاري عديل
Quote: مش قلت ليك انا قروية بدوية ، وزي ما قال ود الأمير ود الدوحة :قروية طشت الطريق ومشت أمريكا، ،وفي أمريكا عاصمة العالم
نيويورك..ههههههههه |
الفاهمو نك كستواوية
والله بنات النيل الابيض يدخلن المطبخ تلحس اصابعينك
والعجب بنات الشوال
هل الله هل الله على بنات الشوال
قالوا زمان لمن السيد عبدالرحمن يجي الجزيرة ابا
برسل لنسوان الشوال عشان الطباخة
بالمناسبة السيد عبدالرحمن المهدي متزوج من الشوال وانجبت زوجته االسيد الهادي عبدالرحمن المهدي
والسيد الهادي نفسو احد زوجاتو من الشوال وانجبت له مهدي
رحمة الله عليهم جميعا
مودتي لصاحب البوست ابو حسين مرورا بابوعلوة الحاجة حلوة
وللاستاذة امتثال ولكل المتداخلين
|
Post: #19
Title: Re: ***** قال: نسوان الخرطوم يستحقن الجلد بالسوط
Author: نعمات عماد
Date: 02-12-2020, 07:50 PM
Parent: #17
تسلمي يا امتثال
ما دام قلتي قروية معناه عمل الكسرة موجود في الجينات ههههه
ما قصرتي اتعلمتي المكرونة اللذيذة، بي كم نوع جبنة؟
|
Post: #18
Title: Re: ***** قال: نسوان الخرطوم يستحقن الجلد بالسوط
Author: Abdullah Idrees
Date: 02-12-2020, 07:45 PM
Parent: #14
نفس الفكرة بتاعة النظام العام ومطاردة البنات في الشوارع مبارك البلال عمل ليها "فتيل" جديد
وعايز يسوقها في البيوت ! طيب لو جاريناك في فهمك السقيم ده وسألناك: المرأة العاملة نظاما
شنو، تنجلد وتتطلق برضو ولا حتطلع ليها اعفاء؟ خليك في حالك ياخ
صحفي متخلف
ابوحسين علك طيب
|
Post: #20
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-12-2020, 09:03 PM
Parent: #18
والله الجبنة هنا اشكال والوان...ما عارفة تختاري شنو وتخلي شنو ...شئ جبنة سويسرية ، وجبنة فرنسية ، وجبنة ايطالية ، وكل دولة عندها صنف مختلف ....ولكن الذها الجبنة البلغارية ......
لكن بصراحة انا نفسي هسع في جبنة الدويم المضفرة ....وبجنبها فول بزيت سمسم وطعمية حارة من الطوة ..جوعتينا يا نعمات ....ههههههههه
|
Post: #21
Title: Re: ***** قال: نسوان الخرطوم يستحقن الجلد بالسوط
Author: حيدر حسن ميرغني
Date: 02-12-2020, 09:13 PM
Parent: #20
سلام إمتثال
لدى زميل عمل خليجي مدمن اكل الجبنة المُضفّرة لكن على طريقته الخاصة، كلما يسافر لبلده يحضر منها كمية تكفيه لشهور.
يضع زبدة في الطوة لحدي ما تغلي كويس وبعدين يضيف لها الجبنة ، يخليها تذوب بالزبدة ويكشح عليها حبة بهارات مثل الفلفل الاسود وشوية ملح
جربتها مرة وعجبتني طريقته
قال ده واحد من علاجته لمرض السكر
|
Post: #22
Title: Re: ***** قال: نسوان الخرطوم يستحقن الجلد بالسوط
Author: Asim Ali
Date: 02-12-2020, 11:04 PM
Parent: #21
دوكه كسره تشتغل بالغاز
|
Post: #23
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-13-2020, 00:02 AM
Parent: #22
حيدر حسن
ما عندنا جبنة مضفرة معانا هنا...
لكن اول ما نرجع السودان في الصيف حنجرب وصفة الخليجي ده ..على الرغم من أنه ما عندي سكري لكن عجبتني الوصفة ...
بس ان شاء الله الزبدة تكون متوفره في السودان وما بيقيفوا ليها صفوف ...
|
Post: #24
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 05:54 AM
Parent: #23
| Quote: عارفه سعر كيس المكرونه او الشعيريه او الرز بكم هسى ؟؟؟ |
في بلد زراعي مفروض يكونو أرخص شي
و المكرونة و الشعيرية ديل من أقدم الصناعات عندنا في السودان ...
بلد دمروها السياسيين بي صورة غريبة .....
|
Post: #25
Title: Re: ***** قال: نسوان الخرطوم يستحقن الجلد بالسوط
Author: HAIDER ALZAIN
Date: 02-13-2020, 06:13 AM
Parent: #24
الاصدقاء السايقين عربات بنزين ومشغولين في نفس الوقت.
نحن بنقدم ليك خدمة انو نقيف ليك في صف البنزين مهما كان الزمن وبنتعامل بالساعة.
اسعارنا الساعة بـ 50 جنيه
ولو الوقفة فاتت ال5 ساعات بنعمل ليك تخفيض 10%
ملاحظة :
ايجاد صف البنزين على صاحب السيارة
لو البنزين قطع ما مسئوليتنا
التوال على
0999669936
ــــــــــــــــ
إعلان خدمة جاااادي
|
Post: #26
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 06:29 AM
Parent: #25
| Quote: يعني النسوان الواقفات في الصف لو عندهم ازواج أو اولاد يستحقوا الجلد واكثر |
ليه يا وهم ؟؟؟؟
زوجها في الشغل و أولادها في المدارس و بعدين أصلا ما مفروض يكون الرغيف بي الصف ....
|
Post: #27
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 06:33 AM
Parent: #26
Quote: سلام عليكم
ازمات دى افرزت حاجات غريبه يعنى فى صف العيش بالتحديد من المشاهددات الراجل يكون قاعد فى العربيه ويلز المره عشان تشترى لانو صفهم اقصر ومره ولد عمر 14 /15 كان بتكلم مع امو فى التلفون شويه والمره جات طايره - وريحتا ضاربه قايمه من حفره الدخان اظنها -عشان تقيف فى صف النسوان (القصير). مره واحد جاب ابوهو الكبير فى السن وماقادر يقيف وانتظرو بعيد و الاب المسن وصل الشباك واشترى العيش قبلنا ونحنا نعاين ماقادرين نتكلم |
و عليكم السلام
الإفرازات كتيرة يا عاصم و معظمها سيئة و المصيبة إنو أجيال نشأت في الإفرازات دي و إتربت عليها
الله يكون في عون الشعب السوداني المسكين
|
Post: #28
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 06:35 AM
Parent: #27
| Quote: أول من يجلد ناقل الخبر للمنبر |
بتغطي لي زميل يا أبو الزهور .....!!!!!!
العايز الجلد الصحفي الكتب الكلام دا .... 
|
Post: #29
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 06:53 AM
Parent: #28
Quote: سلام عليكم
أظن الصحفي عاوز يرفع مبيعات صحيفته
و احتمال كان بيكتب و هو جائع.
لو الحكومة خفضت سعر الدقيق او عملت خلطة
بسعر معقول، ح يشجع الناس على عمل الخبز
في البيت. |
و عليكم السلام
الصحفي زول جلف دي ما كتابة بكتبها صحفي في جريدة
ممكن يكون كلام في ونسة أو جلسة فكاهية الناس تقضي بيها وقت
الحل الوحيد توفير الدقيق ....
|
Post: #30
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 07:03 AM
Parent: #29
Quote: عليك الله يا ابو حسين في بت بتعوس في الزمن ده ...
مش كمان بتعوس !!،في بت في الزمن ده بتخش مطبخ وتقدر تعمل بيض مسلوق !!؟؟
مش كفاية انا بقدر اعمل مكرونة بالباشميل وبالفرن ...هههههههههو وكمان بعمل كبدة بالبيض
...وإضافة إلى القهوة والشاي ....قصرت ...والشاي والقهوة كمان ما بالبوتوحاز ولكن بالفحم والمنقد في حوشنا الحدادي مدادي
مش قلت ليك انا قروية بدوية ، وزي ما قال ود الأمير ود الدوحة :قروية طشت الطريق ومشت أمريكا، ،وفي أمريكا عاصمة العالم
نيويورك..ههههههههه |
حلفتيني بي الله يا إمتثال ياخ....
في البعوسن و بنضفن الكمونية كمان .....
بس النسبة قليلة جداً ....
بعدين شايفك مركزة علي المكرونة بالبشاميل دي يعني المسكين دا حا يقضي باقي عمرو كلو علي مكرونة بالبشاميل بس ؟؟؟؟
كدي أديه خيار تاني عشان أمورك تتسهل يا إمتثال ....
|
Post: #31
Title: Re: ***** قال: نسوان الخرطوم يستحقن الجلد بالسوط
Author: يحي قباني
Date: 02-13-2020, 07:04 AM
Parent: #28
| Quote: وطعمية حارة من الطوة |
طعمية من الطوة ؟
بتعرفي الكنتوش يا بتنا ؟
ابو حسن .. مشتاقين .. ثم قوم لف ...:)
|
Post: #32
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 07:27 AM
Parent: #31
Quote: طيب يا جماعة لو الشابات زي امتثال اتعلمو عمل الكسرة
و بعدين الواحدة جاها عريس ما بحب الكسرة زي كتير
من الشباب يقوليك أحسن وجبة عندهم هي دبل بيرغر؟ |
شكلك يا دكتورة ما بتعرفي تعوسي و عايزة تفشلي مشروع الصحفي الهمام دا ...
شوفي بعد كدا الجكس حا يصنف حسب خبراتها (المطبخية)
البعوسن بي جنبة
و بتاعات البرقر و البيتزا بي جنبة
و بتاعات الإندومي و المكرونة بي جنبة
و العايز يعرس يمشي علي حسب إهتماماتو
أو يكونن في زرايب كل زريبة فيها الخيارات مقسمة و العايز يعرس يخش يعزل العايزها ....
ياخ الناس دي بتجيب البلاوي دي من وين .... ؟؟؟؟
|
Post: #33
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 07:33 AM
Parent: #32
| Quote: اها يا نعمات ..انتي جبتي النجيضة من الاخر..... |
عايني لي جاي يا إمتثال ما عندك أي حل غير إنك تتعلمي العواسة....
و لي علمك في دراسات و أبحاث و مؤتمرات بتعقد لجعل صاج العواسة ضمن شيلة العريس البقدمها للعروس ....
|
Post: #34
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 07:50 AM
Parent: #33
Quote: تسلمي يا امتثال
ما دام قلتي قروية معناه عمل الكسرة موجود في الجينات ههههه
ما قصرتي اتعلمتي المكرونة اللذيذة، بي كم نوع جبنة؟ |
قروية شنو يا دكتورة ....؟؟؟؟؟
قالت ليك نيويورك و مكرونة بالبشاميل تقولي لي قروية ...؟؟؟؟؟
|
Post: #35
Title: Re: ***** قال: نسوان الخرطوم يستحقن الجلد بالسوط
Author: عمر سعيد علي
Date: 02-13-2020, 07:51 AM
Parent: #33
يعني يا ابو الحسين بدل ما كان بقولو (والله ما شاء الله العروس سمحة )
تاني يقولو (والله ما شاء الله العروس كسرته سمحه ) !!
والولد يجي داخل على امو ويقول ليها عليك الله يا امي ضوقي الكسرة دي ووريني رايك شنو في العروس دي . .
وامو تقول ليه والله يا ولدي بنات اختي بعوسن احسن من كدة . .
|
Post: #36
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-13-2020, 08:53 AM
Parent: #35
اول مرة اسمع بالكنتوش يا ود قباني ،،،،
الامر محول للشيف خضر الطيب للشرح والتفسير ،،،
بس ما تقول لي يا ود قباني ان الطعمية ما بيعملوها بالطوة !!
لانك خاتي علامة استفهام بعد كلمة الطوة !!!هههههههههه
|
Post: #37
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 08:53 AM
Parent: #35
Quote: نفس الفكرة بتاعة النظام العام ومطاردة البنات في الشوارع مبارك البلال عمل ليها "فتيل" جديد
وعايز يسوقها في البيوت ! طيب لو جاريناك في فهمك السقيم ده وسألناك: المرأة العاملة نظاما
شنو، تنجلد وتتطلق برضو ولا حتطلع ليها اعفاء؟ خليك في حالك ياخ
صحفي متخلف
ابوحسين علك طيب |
أخونا عبدالله أهلاً و سهلاً بيك و أخبارك أتمناها طيبة
دا متخلف في نسوان فاتحات ليهم بيوت و شايلات بيوت من عملهن و بدون ما يعوسن كسرة و بأكلن أولادهن و أزواجهن باسطة و بسبوسة ...
الصحافة عندنا مشكلتها كبيرة جداً
|
Post: #38
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 09:00 AM
Parent: #37
Quote: والله الجبنة هنا اشكال والوان...ما عارفة تختاري شنو وتخلي شنو ...شئ جبنة سويسرية ، وجبنة فرنسية ، وجبنة ايطالية ، وكل دولة عندها صنف مختلف ....ولكن الذها الجبنة البلغارية ......
لكن بصراحة انا نفسي هسع في جبنة الدويم المضفرة ....وبجنبها فول بزيت سمسم وطعمية حارة من الطوة ..جوعتينا يا نعمات ....ههههههههه |
فضحتينا مع العجائز ناس قباني يا إمتثال ياخ .....
الطعمية بعملوها في الصاج .....
|
Post: #39
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-13-2020, 09:04 AM
Parent: #38
يا ابو حسين
وانا اعمل الطعمية بالصاج لشنو !!!
انا ما ماشي ابيع الطعمية ،،انا عاوزة ٥ او ٦ حبات بس عشان نصلح بيها الفول ،،،،
|
Post: #40
Title: Re: ***** قال: نسوان الخرطوم يستحقن الجلد بالسوط
Author: حيدر حسن ميرغني
Date: 02-13-2020, 09:44 AM
Parent: #39
| Quote: زوجها في الشغل و أولادها في المدارس و بعدين أصلا ما مفروض يكون الرغيف بي الصف .... |
صفوف الصباح الباكر ياخ
شفتهن بي عيني ، ما تكوس العذر للمضاربين النوم
ثم بعدين الصفوف دي بغض النظر عن انها ما مفروض تكون موجودة ، حاجة حضارية خالص وما عيب ابدا، في طوكيو كنا بنقيف في الصف في المطاعم من شدة الزحمة ، يعني الاشكال ما في الصفوف ، وإنما في انك تستوعب ثقافتها اللي بتهدف لتكافؤ الفرص وتبعد الانانية
|
Post: #42
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 09:52 AM
Parent: #40
| Quote: دوكه كسره تشتغل بالغاز |
عاصم شايفك لاعب ضاغط مع إمتثال ....
قالت ليك مكرونة بالباشميل يا عاصم ياخ ....
|
Post: #41
Title: Re: ***** قال: نسوان الخرطوم يستحقن الجلد بالسوط
Author: Asim Ali
Date: 02-13-2020, 09:51 AM
Parent: #39
سلام عليكم
ياجماعه فى جزئيه اخدت نص المقال تقريبا وهى اطراء لنساء الاقباط كمراه منتجه فى الجانب دا.ةدى الناس ما اتعرضو ليها فى النقاش.
حاجه تانيه بنات اليومين ديل غالبا ماشين فى اتجاه ثقافه الدليفرى مع ظهور مهنه تجهيز اكل بيتى يتم توصيلو بنفس الخدمه.و الاعتماد على (الجنك فود).
حاجه تالته قصه الاعتماد على القمح والرغيف (النمط الغربى) واتخلينا عن نمط الغذاء . المحلى الدخن والذره والعصيده .
حكايه اعتماد على الالرغيف دى مفروض نتخلى عنها ويكون عندنا نشر لثقافه الطعام باى شكل بخبز او من غيروخاصه زى ماقلت يا ابوحسين بلد زراعى .ونحنا بدل الزراعه لكفايه غذاء الانسان فى الداخل يتزرع برسيم عشان بهايم عرب الخليج
|
Post: #43
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 10:04 AM
Parent: #41
| Quote: الفاهمو نك كستواوية |
يا كنزي ياخ أولاً تحية طيبة
ثانياً (كوستاوية) ما (كستواوية) لأنو الكتبتها إنت دي عوجت خشمنا عديل كدا
ثالثاً إمتثال أظنها عطبراوية و ليست كوستاوية
رابعاً و لا حاجة ....
|
Post: #44
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 10:18 AM
Parent: #43
Quote: الاصدقاء السايقين عربات بنزين ومشغولين في نفس الوقت.
نحن بنقدم ليك خدمة انو نقيف ليك في صف البنزين مهما كان الزمن وبنتعامل بالساعة.
اسعارنا الساعة بـ 50 جنيه
ولو الوقفة فاتت ال5 ساعات بنعمل ليك تخفيض 10%
ملاحظة :
ايجاد صف البنزين على صاحب السيارة
لو البنزين قطع ما مسئوليتنا
التوال على
0999669936
ــــــــــــــــ
إعلان خدمة جاااادي |
الطريفي دا تفكيرك تقريباً فأكيد إنت العملت البزنس دا ....
|
Post: #45
Title: Re: ***** قال: نسوان الخرطوم يستحقن الجلد بالسوط
Author: محمد مجيدو
Date: 02-13-2020, 10:48 AM
Parent: #1
أبو حسين ....
زي ما قال ليك قباني ... قوووم لييييف .....
بمناسبة بكرة الفالنتاين او ما يسمى بعيد الحب ..
اعتقد يمكن تكون الهدية للحبيبه ..
عقد منظوم بخبز فينووو ...
يعني خمسة .... ستة ..عيشات معلقات في دبارة
وتقوم تهديها للجكس ... تعبيرا عن تفاعل قوى الشعب العاملة ...
اها .. وبسبب الاوضاع الاقتصادية الصعبه ..
سوف يتم دمج عيد الحب وعيد الام مع عيد العمال
ليصبح عيد حب ام العمال ..
وتصبح اغنية صباح ( ست الحبايب )
ست الحدايد عل الحديدة ... يا حديدة ...
عــــاالـــــم بطاالـــــــــــــــــــة ,,,
|
Post: #46
Title: Re: ***** قال: نسوان الخرطوم يستحقن الجلد بالسوط
Author: نعمات عماد
Date: 02-13-2020, 11:52 AM
Parent: #45
Quote: صفوف الصباح الباكر ياخ
شفتهن بي عيني ، ما تكوس العذر للمضاربين النوم |
كلامك صاح و مرحب بعودتك أخ حيدرحسن ميرغني
و كلام عاصم عن الأقباط صحيح بالإضافة للسوريين، فهم
بيعملو خبزهم و بعضهم بوزعو للسوبرماركاتات.
لو عملنا حملة عشان الناس ترجع للكسرة ممكن تنجح خاصة لو
بدينا بأطفال المدارس، لأن أكثر استهلاك الرغيف بيكون
في وجبة الفطور في المدارس و الجامعات و المكاتب و الأسواق.
اعلانات في التلفزيون عن فوائد الذرة و مسابقات احسن خباز
للأطفال و جوائز في المدرسة للأطفال الفطورهم كسرة .
و توفير صندوق وجبات lunch box
عليه رسومات جذابة و علم السودان يباع بسعر معقول توضع
فيه كسرة و صوص و قطعة خضار او بروتين او طبيخ.
فكرة مش.. هههههه
يمكن الكبار برضو يشيلو معاهم لمكان العمل أو المطاعم توفر
خيار رغيف او كسرة. كل دا تحت شعار الحملة القومية للعودة للكسرة.
ابو حسين بجيك راجعة بعد افضا عشان اوريك حكايتي مع الكسرة.
|
Post: #47
Title: Re: ***** قال: نسوان الخرطوم يستحقن الجلد بالسوط
Author: MOHAMMED ELSHEIKH
Date: 02-13-2020, 12:19 PM
Parent: #46
| Quote: بتغطي لي زميل يا أبو الزهور .....!!!!!!العايز الجلد الصحفي الكتب الكلام دا .... |
اثني اقتراح زوزو
وبعد داك نشيف موضوع الصحفي
ومن ثم انا حا أقوم ( الف)طبعا
زوزو قال يتم جلد ناقل الخبر 20 جلدة ولاتقبل منه اخبار ابدا واولائك هم اللافحون
تعديل " اللافون " "لللافحون"
مع انو الاتنين بيادوا الغرض
|
Post: #48
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-13-2020, 12:56 PM
Parent: #47
ابو حسين
الاثنين غلطانين
انا لا عطبراوية ولا كوستاوية ...
العطبراوية هي البرجوازية بت عطبرة، ،،وانا قروية من ضواحي كوستي ...قرية قريبة إلى كوستي وقريبة من مدينة الكنزي...
|
Post: #49
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 03:35 PM
Parent: #48
Quote: طعمية من الطوة ؟
بتعرفي الكنتوش يا بتنا ؟
ابو حسن .. مشتاقين .. ثم قوم لف ...:) |
براحة علي البنية يا عجوز انت 😂
كفاية المكرونة بالبشاميل و الطعمية ........
بعدين دا بوصطيني قوم لف انت ...
و بعد ما تلف مشتاقين بالاكتر ...
|
Post: #50
Title: Re: ***** قال: نسوان الخرطوم يستحقن الجلد بالسوط
Author: جمال ود القوز
Date: 02-13-2020, 03:41 PM
Parent: #49
بعيدا عن جلد السوط للزوجات المابعرفن عواسة
الزوجة البتعرف تعوس في الزمن العلينا ده
ممتازة جدا بل ومطلوبة ..
لانه أزمة العيش دي ممكن تتحل داخل البيت
|
Post: #51
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-13-2020, 03:44 PM
Parent: #49
Quote: يعني يا ابو الحسين بدل ما كان بقولو (والله ما شاء الله العروس سمحة )
تاني يقولو (والله ما شاء الله العروس كسرته سمحه ) !!
والولد يجي داخل على امو ويقول ليها عليك الله يا امي ضوقي الكسرة دي ووريني رايك شنو في العروس دي . .
وامو تقول ليه والله يا ولدي بنات اختي بعوسن احسن من كدة . . |
عمر سعيد سؤال جادي جدا .... انت بتسطل ؟؟؟؟؟
ياخي خيالك واسع و دخلت حتة ما اظن زول بفكر فيها إلا يكون ساطل 😂😂😂
و علي نسق كلامك دا الداير يعرس في المناسبات يشوف محل العواسة وين
يكشف للبعوسن ما يفتش السمحة يضوق كسرتها كيف و البتعجبو كسرتها يمسكها من يدها و على المأذون
و يظهر الحب من اول طرقة ... 😂
و ديني و ايماني انت مزاجك رااااااايق يا عمر ياخ .... 😂😂😂😂😂😂😂😂
|
Post: #52
Title: Re: ***** قال: نسوان الخرطوم يستحقن الجلد بالسوط
Author: نادر الفضلى
Date: 02-13-2020, 04:18 PM
Parent: #51
والصحفى لوم سكان الخرطوم بس ليه .. أزمة العيش عامة فى السودان
والككسرة ليست بديل العيش بينما العيش بديل للكسرة
ليست كل الأطعمة تؤكل بالكسرة، بينما بالعيش يمكن أكل كل الأطعمة
شح العيش وغلائه مع وفرة الدقيق تجعل ضرورو التفكير فى خبزه منزليا
لكن مع توفير المعينات اللازمة ليكون سهلا عمله.
|
Post: #53
Title: Re: ***** قال: نسوان الخرطوم يستحقن الجلد بالسوط
Author: Amin Eltaib
Date: 02-13-2020, 06:02 PM
Parent: #52
العاملة في المنزل تطلب 7 ألف في الشهر و 3 وجبات و غرفة جاهزة وغسالة كهربائية والمكوة خارج الحسبة وعطلات إسبوعية
ثم تصبح الآمر الناهي في البيت ولا يجروء حد أن يزعلها .
أقترح للأزواج التخلي عن الوظيفة الماجايبة همها والتقديم عند زوجاتهم ،اللواتي يسعين لإثبات وجودهن من خلال العمل الوظيفي ،
لشغر هذه الوظائف المنزلية الهامة والمربحة وبنصف المرتب .
طبعا لا يمكن أن نعدد الفوائد التي سيجنيها الزوج فهي لا تحصى ولا تعد ،، من رعاية الأبناء وتوفير حق الحضانة إلى قفل باب دوشة العمل وغلاسة المديرين
وتلتلة التنقل و و و بالاضافة للتمتع بإمتيازات العاملة المنزلية والإنجازات العامة والبرامج التلفزيونية ألفيس والواتس …...
كما والمهم طباخة ما لذ وطاب وما يطيقه مصرانك الغليظ بعد أن اتهرى من أكل اللتيق والجبات السريعة
وصناعة الخبز المنزلي والقراصة والحلويات وما تشتهي الأنفس دون إنتظار التكرم عليك بوجبة تفتح نفسك .
وخير الطباخين الرجال .
|
Post: #54
Title: Re: ***** قال: نسوان الخرطوم يستحقن الجلد بالسوط
Author: نادر الفضلى
Date: 02-13-2020, 10:09 PM
Parent: #53
أمين الطيب .. سلام
إقتراحك معقول بس حاجتين تخليهم للمرأة .. نظافة البيت لأنه قدر ما الرجل نظفه ما حيقدر يصل لمعاييرها فى النظافة .. والشى التانى غسيل العدة
|
Post: #55
Title: Re: ***** قال: نسوان الخرطوم يستحقن الجلد بالسوط
Author: Amin Eltaib
Date: 02-14-2020, 00:02 AM
Parent: #54
أخي نادر وإنت مشغل الهوفر ربع ساعة البيت خلص .
بالأدوات والمساحات الحديثة البتعصر الموية براها ديك والمعقمات العجيبة وإنت تتمايل مع أغنية '' بتقولي لا '' للراحل المقيم عبدالعزيز المبارك نصف ساعة البيت يلمع.
تكون أصريت في العقد ( ما مهم أي عقد) على الDISHWASHER
وإنت بتترنم مع اللمين عبد الغفار'' جيتنا من وين ياهناء'' ترص العدة في خمس دقائق .
صدقني الزمن الجاي ده حقنا لو فهمناها صاح
|
Post: #56
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-14-2020, 06:16 AM
Parent: #55
Quote: يا ابو حسين
وانا اعمل الطعمية بالصاج لشنو !!!
انا ما ماشي ابيع الطعمية ،،انا عاوزة ٥ او ٦ حبات بس عشان نصلح بيها الفول ،،،، |
الطعمية بعملوها في الصاج عشان الطعمية تكون عايمة في الزيت
ثانيا الطعمية ما للفول بس الطعمية دي وجبة برااااااها
نص عيشة تفتحيها
تفتي فيها الطعمية
تفتي فيها شوية جبنة
تديها شطة ناشفة
شوية شمار
اول قرمة منها تحسي بي انك احسن زول في الدنيا دي
و الجنبك ما تديهو لقمة 😂😂😂😂
و الطعمية برموها في الصاج ....
|
Post: #57
Title: Re: ***** قال: نسوان الخرطوم يستحقن الجلد بالسوط
Author: Yasir Elsharif
Date: 02-14-2020, 08:37 AM
Parent: #56
سلام يا أبو حسين
بعد أن أعجبني مقال للصحفي كمال الهدي ووضعته هنا قمت بسحبه بعد أن قرأت له مقالين سابقين فيهما إساءة للمرأة السودانية.
|
Post: #59
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-14-2020, 12:19 PM
Parent: #58
Quote: صفوف الصباح الباكر ياخ
شفتهن بي عيني ، ما تكوس العذر للمضاربين النوم
ثم بعدين الصفوف دي بغض النظر عن انها ما مفروض تكون موجودة ، حاجة حضارية خالص وما عيب ابدا، في طوكيو كنا بنقيف في الصف في المطاعم من شدة الزحمة ، يعني الاشكال ما في الصفوف ، وإنما في انك تستوعب ثقافتها اللي بتهدف لتكافؤ الفرص وتبعد الانانية |
يا حيدر ياخ الضاربين النوم في و الكسلانين في و الدكتاتوريين في لكن برضو ما تقدر تجزم بي انهم كلهم كدا
في اللي عندهم عذر و بعدين الصف دا ما معروف تشيل عيشك متين ....
|
Post: #60
Title: Re: ***** قال: نسوان الخرطوم يستحقن الجلد بالسوط
Author: يوسف الطيب احمد إدريس
Date: 02-14-2020, 12:44 PM
Parent: #59
اللفت انتباهي آخر جملة كتبها حقت
ترقبونا في اخر تطورات لبوات الخرطوم ؟!
قاصد بيها شنو
ومعقولة الكلام ده نزل في الجريدة عادي لا مجلس صحافة لا اتحاد صحفيين
سوا شيء ولا حتى ادان وشجب
|
Post: #61
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-14-2020, 03:06 PM
Parent: #60
Quote: سلام عليكم
ياجماعه فى جزئيه اخدت نص المقال تقريبا وهى اطراء لنساء الاقباط كمراه منتجه فى الجانب دا.ةدى الناس ما اتعرضو ليها فى النقاش.
حاجه تانيه بنات اليومين ديل غالبا ماشين فى اتجاه ثقافه الدليفرى مع ظهور مهنه تجهيز اكل بيتى يتم توصيلو بنفس الخدمه.و الاعتماد على (الجنك فود).
حاجه تالته قصه الاعتماد على القمح والرغيف (النمط الغربى) واتخلينا عن نمط الغذاء . المحلى الدخن والذره والعصيده .
حكايه اعتماد على الالرغيف دى مفروض نتخلى عنها ويكون عندنا نشر لثقافه الطعام باى شكل بخبز او من غيروخاصه زى ماقلت يا ابوحسين بلد زراعى .ونحنا بدل الزراعه لكفايه غذاء الانسان فى الداخل يتزرع برسيم عشان بهايم عرب الخليج |
و عليكم السلام اخونا عاصم
الاقباط معروفين من بدري و ما اظنها للتوفير و لكن لأنو الرغيف اللي هم بياكلوه غير رغيفنا بتاع الافران دا
و برضو معروفين بي انواع معينة من الاكل بتتعمل في بيوتهم زي الطرشي و المش و كم نوع تاني
يعني دي اشياء عندهم من بدري
باقي الحاجات بجيها تاني
تحياتي
|
Post: #62
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-14-2020, 10:15 PM
Parent: #61
| Quote: حاجه تانيه بنات اليومين ديل غالبا ماشين فى اتجاه ثقافه الدليفرى مع ظهور مهنه تجهيز اكل بيتى يتم توصيلو بنفس الخدمه.و الاعتماد على (الجنك فود). |
و دي جات يا عاصم من غالبية النساء اصبحن عاملات
و كمان سكن الغالبية منهن بعد الزواج خارج بيوت اهلهم فأصبحن مستقلات و بالتالي اصبحن معتمدات على نفسهن في الاكل
زمان كانت هي و زوجها بسكنو مع اهلها او اهل الزوج و بالتالي ما بحتاجو لي اكل من بره البيت
برضو جودة انواع الوجبات الجاهزة سبب في زيادة روادها ....
|
Post: #63
Title: Re: ***** قال: نسوان الخرطوم يستحقن الجلد بالسوط
Author: منتصر عبد الباسط
Date: 02-15-2020, 00:11 AM
Parent: #62
نحن متمسكون بالخبز الأبيض بدلا من خلط القمح الحبة الكاملة بالذرة الرفيعة
الخبز الأبيض ضار بالمعدة ضار بالدم ومسبب لأمراض الدم كالسرطان وغيره
مضر لمرضى السكر
الذرة الرفيعة طعام صحي لكن الثقافة الصحية في مجال الغذاء بالسودان صفر كبير
وحتى البرامج التلفزيونية في مجال الغذاء غير ناضجة.
|
Post: #64
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-15-2020, 00:51 AM
Parent: #63
Quote: حاجه تالته قصه الاعتماد على القمح والرغيف (النمط الغربى) واتخلينا عن نمط الغذاء . المحلى الدخن والذره والعصيده .
حكايه اعتماد على الالرغيف دى مفروض نتخلى عنها ويكون عندنا نشر لثقافه الطعام باى شكل بخبز او من غيروخاصه زى ماقلت يا ابوحسين بلد زراعى .ونحنا بدل الزراعه لكفايه غذاء الانسان فى الداخل يتزرع برسيم عشان بهايم عرب الخليج |
كلامك صحيح اخونا عاصم ما عندنا اهتمام بي تفتيش بدائل للخبز الابيض
بدائل افضل غذائيا و صحيا و تحفيز الناس لتناولها بدلا عن الخبز الابيض المكلف و الضار صحيا
كذلك دعم زراعة القمح بعد نجاح زراعته في الشمالية ...
|
Post: #65
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-15-2020, 09:44 AM
Parent: #64
Quote: أبو حسين ....
زي ما قال ليك قباني ... قوووم لييييف .....
بمناسبة بكرة الفالنتاين او ما يسمى بعيد الحب ..
اعتقد يمكن تكون الهدية للحبيبه ..
عقد منظوم بخبز فينووو ...
يعني خمسة .... ستة ..عيشات معلقات في دبارة
وتقوم تهديها للجكس ... تعبيرا عن تفاعل قوى الشعب العاملة ...
اها .. وبسبب الاوضاع الاقتصادية الصعبه ..
سوف يتم دمج عيد الحب وعيد الام مع عيد العمال
ليصبح عيد حب ام العمال ..
وتصبح اغنية صباح ( ست الحبايب )
ست الحدايد عل الحديدة ... يا حديدة ...
عــــاالـــــم بطاالـــــــــــــــــــة ,,, |
مجيدو يا وهم انت و قباني الاتنين قومو لفو
قلت لي فلنتاين !!!!
معقولة بس من شدت و ام الحفر بقيت تعرف الفلنتاين ؟؟؟
ما ياهو دا الدمر البلد جنس عمايلكم دي ...
😂😂😂😂😂😂😂😂😂
بالمناسبة خليت تجارة البشر و ل لسه مواصل فيها 😂😂😂
|
Post: #66
Title: Re: ***** قال: نسوان الخرطوم يستحقن الجلد بالسوط
Author: HAIDER ALZAIN
Date: 02-15-2020, 10:24 AM
Parent: #65
مرة ما بتعرف تعوس الكسرة يعني اصلوا ما تتوقع منها فطيـر باللبن ولا فاصوليا مفروكة يبقى تاني شن فائدتها ؟؟
يفتح الله
|
Post: #67
Title: Re: ***** قال: نسوان الخرطوم يستحقن الجلد بالسوط
Author: AMNA MUKHTAR
Date: 02-15-2020, 10:26 AM
Parent: #1
كله كوم.. وقال مقاله القادم عن (لبوات)الخرطوم ..!!
ومااا أظنه قاصد لبوات حديقة القرشي..
أما آن لكتاب الصحف الصفراء هؤلاء هم الذين يجب أن يجلدوا بالسوط..
ثقافة النظام العام لسه مستمرة.. الله لا كسبهم.
|
Post: #68
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-15-2020, 03:51 PM
Parent: #67
Quote: لو عملنا حملة عشان الناس ترجع للكسرة ممكن تنجح خاصة لو
بدينا بأطفال المدارس، لأن أكثر استهلاك الرغيف بيكون
في وجبة الفطور في المدارس و الجامعات و المكاتب و الأسواق.
اعلانات في التلفزيون عن فوائد الذرة و مسابقات احسن خباز
للأطفال و جوائز في المدرسة للأطفال الفطورهم كسرة .
و توفير صندوق وجبات lunch box
عليه رسومات جذابة و علم السودان يباع بسعر معقول توضع
فيه كسرة و صوص و قطعة خضار او بروتين او طبيخ.
فكرة مش.. هههههه
يمكن الكبار برضو يشيلو معاهم لمكان العمل أو المطاعم توفر
خيار رغيف او كسرة. كل دا تحت شعار الحملة القومية للعودة للكسرة.
ابو حسين بجيك راجعة بعد افضا عشان اوريك حكايتي مع الكسرة.
|
يا دكتورة (الحملة القومية للعودة للكسرة) جادة فيها و ل بتتريقي !!! 😂
منتظرك ....
|
Post: #69
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-15-2020, 06:06 PM
Parent: #68
Quote: اثني اقتراح زوزو
وبعد داك نشيف موضوع الصحفي
ومن ثم انا حا أقوم ( الف)طبعا
زوزو قال يتم جلد ناقل الخبر 20 جلدة ولاتقبل منه اخبار ابدا واولائك هم اللافحون
تعديل " اللافون " "لللافحون"
مع انو الاتنين بيادوا الغرض |
انت و الصحفي و ابو الزهور و معاكم مجيدو زيادة و قباني فوق الببعة تقومو تلفو
صحفي يكتب كلام زي دا زاتو ما صحفي حالتنا لسه ما وصلنا موضوع ((اللبوات)) ... 😂
|
Post: #70
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-15-2020, 06:18 PM
Parent: #69
Quote: ابو حسين
الاثنين غلطانين
انا لا عطبراوية ولا كوستاوية ...
العطبراوية هي البرجوازية بت عطبرة، ،،وانا قروية من ضواحي كوستي ...قرية قريبة إلى كوستي وقريبة من مدينة الكنزي... |
اهااااا شفتي البرجوازية دي هي اللي خلتني الخبط ....
نقاء اهلنا اهل الريف اللي لسه ما عرفو الزيف باين فيك ربنا يحفظك ان شاء الله ...
|
Post: #71
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-15-2020, 06:30 PM
Parent: #70
Quote: بعيدا عن جلد السوط للزوجات المابعرفن عواسة
الزوجة البتعرف تعوس في الزمن العلينا ده
ممتازة جدا بل ومطلوبة ..
لانه أزمة العيش دي ممكن تتحل داخل البيت |
رأيك دا رأي زول عجوز ما بقدر علي لوك الرغيف زول موص
و عجن الكسرة في الصحن و من اليد و تبلع طوالي 😂
الرغيف بديك خيارات اكتر و ابو السريع
طعمية
جبنة
فول
جبنة سايلة
مربى
طحنية
.
.
.
.
انت زول قديم يا ود القوز ياخ .... 😂😂😂😂
|
Post: #72
Title: Re: ***** قال: نسوان الخرطوم يستحقن الجلد بالسوط
Author: امتثال عبدالله
Date: 02-15-2020, 06:51 PM
Parent: #71
ابو حسين
ان شاء الله ربنا يحفظك ويغطيك...ويديم عليك نعمة الصحة والعافية ..
بعد كده، وبعد الشهادة الاوسكار دي تاني حاسلم على المسنوحات المعاي ديل..
اسبوع تاني بسلم عليهن بالإشارة...وانا متأكدة واحدة فيهن حتعلق ونقول:اسمعوا انتو المسنوحة
دي ما لا اتفلهمت....لقت ولا لقت!!!!.هههههههه
|
Post: #73
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-16-2020, 00:18 AM
Parent: #71
Quote: والصحفى لوم سكان الخرطوم بس ليه .. أزمة العيش عامة فى السودان
والككسرة ليست بديل العيش بينما العيش بديل للكسرة
ليست كل الأطعمة تؤكل بالكسرة، بينما بالعيش يمكن أكل كل الأطعمة
شح العيش وغلائه مع وفرة الدقيق تجعل ضرورو التفكير فى خبزه منزليا
لكن مع توفير المعينات اللازمة ليكون سهلا عمله. |
الصحفي بليد و المقال دليل على بلادته الظاهرة
الكسرة ما بتسد فراغ العيش كتير من الدول الرغيف عندها ما معروف لكن عندهم الرز اساسي
و انواع اخرى من الفطائر و المعجنات ...
لابد من حل مشكلة القمح بإنتاجه محليا و دي ممكنة و الحل الأمثل ..
|
Post: #74
Title: Re: ***** قال: نسوان الخرطوم يستحقن الجلد بالسوط
Author: دفع الله ود الأصيل
Date: 02-16-2020, 06:13 AM
Parent: #73
من زماواااانِك قلنا إنو: وراءَ كلِّ عظيمٍ
و اقفٍ في صفَّ رغيفٍ؛ يدافع الأخبثين
و يناحي في ضبان جلدو ، مفروض امرأة
حنكوشاية دلوعة و ما بتعرف تعوس.
|
Post: #75
Title: Re: ***** قال: نسوان الخرطوم يستحقن الجلد بالسوط
Author: محمد مجيدو
Date: 02-16-2020, 06:59 AM
Parent: #1
| Quote: بالمناسبة خليت تجارة البشر و ل لسه مواصل فيها |
هي ناان بتتخلااااا ؟؟؟
اسال صحبك الشاويش الكضاب وعنده تجد الخبر اليقين ....
اها انت خليت المودوووع داك ولا لسه ؟؟؟
ثم قوووم ليييف .. لفتين ....
شوف الناس بقت تقول شعر في الرغيف :
يا غالية زي كيس الرغيف
يا سمحة زي سيد الفرن
يا ضحكة في الزمن الصعب
يا عيشة ما مالية البطن
أديني من حبك دقيق
واعجن هواك مع الوطن
يمكن اغازل الامنيات
واديك من حزني الشجن ..
======
عــــاالم بطاالـــــــــــــــــــــــة ,,
|
Post: #76
Title: Re: ***** قال: نسوان الخرطوم يستحقن الجلد بالسوط
Author: حيدر حسن ميرغني
Date: 02-16-2020, 07:56 AM
Parent: #75
تم استبدال فطور العريس بي وقود العريس ، يجوا اهل العروس شايلين جركانتين ١٦ جالون بنزين للعريس و عدد عشره جالون جاز لي ابوه و اتنين أنبوبة غاز لأم العريس !
اللهم بارك لهم و احفظهم من الاشتعال
اهل العريس ..
عريسنا ساير لي طرمبة بشاير العجبنا ليه
حنني ي امو والبنزين مابهمو
اهل العروس ....
عروسنا زينه وجايه بي بنزينا
ابشررررررررررر ايووي
|
Post: #77
Title: Re: ***** قال: نسوان الخرطوم يستحقن الجلد بالسوط
Author: ABUHUSSEIN
Date: 02-16-2020, 06:40 PM
Parent: #76
Quote: العاملة في المنزل تطلب 7 ألف في الشهر و 3 وجبات و غرفة جاهزة وغسالة كهربائية والمكوة خارج الحسبة وعطلات إسبوعية
ثم تصبح الآمر الناهي في البيت ولا يجروء حد أن يزعلها .
أقترح للأزواج التخلي عن الوظيفة الماجايبة همها والتقديم عند زوجاتهم ،اللواتي يسعين لإثبات وجودهن من خلال العمل الوظيفي ،
لشغر هذه الوظائف المنزلية الهامة والمربحة وبنصف المرتب .
طبعا لا يمكن أن نعدد الفوائد التي سيجنيها الزوج فهي لا تحصى ولا تعد ،، من رعاية الأبناء وتوفير حق الحضانة إلى قفل باب دوشة العمل وغلاسة المديرين
وتلتلة التنقل و و و بالاضافة للتمتع بإمتيازات العاملة المنزلية والإنجازات العامة والبرامج التلفزيونية ألفيس والواتس …...
كما والمهم طباخة ما لذ وطاب وما يطيقه مصرانك الغليظ بعد أن اتهرى من أكل اللتيق والجبات السريعة
وصناعة الخبز المنزلي والقراصة والحلويات وما تشتهي الأنفس دون إنتظار التكرم عليك بوجبة تفتح نفسك .
وخير الطباخين الرجال . |
حال البلد في السنين الفاتت غير كتير في نمط الحياة و عادات السودانيين و خاصة اهل المدن الكبيرة و اكثرهم اهل العاصمة
وجود شغالة او اكثر في البيت اصبح من الضروريات
اصبح الاعتماد على الاكل الجاهز شي لابد منه لو ما يوميا على الاقل مرتين او تلاتة في الاسبوع
و دا طبعا بختلف من بيت لي بيت حسب الدخل الشهري للزوج او الزوج و الزوجة
و تقريبا الناس اتعودت خلاص و من الصعب التخلي عن الحاجات دي ....
|
|
