اسامة في قلب قندهار . اسامة يتجدع في الديوانية الشهيرة . ديوانية مها بنت الابيض . حيث عطرابة المشاوي . شعر وحكايات عن محطات كتيرة قديمة وجديدة . حكايات عن الشهداء والراحلين والسودان وامريكا والغربة يا مراحب .
Post: #2 Title: Re: الشاعر اسامة الخواض في قندهار يستمع لي كي Author: خضر الطيب Date: 01-06-2020, 04:15 PM Parent: #1
مرحب بيك ود موسى و مرحب بشاعرنا الكبير اسامة الخواض في سودان ما بعد الثورة عوداَ حميداَ يا وطن
https://www.0zz0.com
Post: #3 Title: Re: الشاعر اسامة الخواض في قندهار يستمع لي كي Author: Osman Musa Date: 01-06-2020, 05:23 PM Parent: #2
بارك الله فيك اخونا الفنان خضر زمن طويل ما اتقابلنا انا واسامة . اخر مره قابلتو كان في حفل اخونا الفنان عركي سنة 1986 في كلية الصيدلة جامعة الخرطوم داك الزمن اسامة كان طالب صيدلة قريب علي باب التخرج وانا كنت راجع من اليمن ونطنطة الدراسة بين سوريا ولندن واليمن . كانت ايام عجيبة ديك الايام . .. طول دي الغربة في امريكا ما حصل اتقابلنا انا واسامة انا في نيويورك اسامة يكون في فلادلفيا . انا في فرجينيا اسامة يكون في كلفورنيا . اسامة يجي فرجينيا انا اكون في غواتيمالا . بس الليلة في قلب القندهار .
بي مسافة من ديوانية مها بت الابيض كان صوت الراحل محمود عبدالعزيز في اغنية العيش حرام يبكي . وفي انتظار شية الخروف الحمري نضمنا و وقفنا في محطات ما ليها حد . اليمن وصحيفة الثورة اليمنية والفنان الراحل كرامة مرسال والشعراء حسين المحضار والمقالح والفنان فيصل علوي و احمد ربشة والتاج مكي . وكان اسامة كل شوية يلكد نزار الخواض عشان يشوع وضع الشية في صاج مها .
Post: #4 Title: Re: الشاعر اسامة الخواض في قندهار يستمع لي كي Author: خضر الطيب Date: 01-06-2020, 05:38 PM Parent: #3
اريتو حالي :)
https://www.0zz0.com
Post: #5 Title: Re: الشاعر اسامة الخواض في قندهار يستمع لي كي Author: خضر الطيب Date: 01-06-2020, 05:43 PM Parent: #4
Quote: طول دي الغربة في امريكا ما حصل اتقابلنا انا واسامة
قالها الشاعر قيس ابن الملوح ( وَقَد يَجمَعُ اللَهُ الشَتيتَينِ بَعدَما يَظُنّانِ كُلَّ الظَنِّ أَن لا تَلاقِيا ) سعيد انا بملاقاتكم دي كت آوت : و بعدين يا ودموسى انت قاعد تشرب في الخواض الموية دي لمتين خروفكم دا ما عاوز ينجض و لا الحاصل شنو ؟ ههههههه
Post: #6 Title: Re: الشاعر اسامة الخواض في قندهار يستمع لي كي Author: خضر الطيب Date: 01-06-2020, 05:55 PM Parent: #5
جاهزين كاميرا آون
https://www.0zz0.com
يا ود موسى بوقفتكم دي حسستوني كأنكم بتسمعو في النشيد الوطني هههههههههه
Post: #13 Title: Re: الشاعر اسامة الخواض في قندهار يستمع لي كي Author: Osman Musa Date: 01-06-2020, 07:24 PM Parent: #6
واقفين يا خضر وبي هناك الاخوان سعد ونزار الخواض وعمر الخواض شغالين مع الجزار . وصاحبك اسامة مسكين جعان قاعد يتصبر بي الموية في البرد ده .
Post: #8 Title: Re: الشاعر اسامة الخواض في قندهار يستمع لي كي Author: Osman Musa Date: 01-06-2020, 06:09 PM Parent: #4
في الصورة دي شاعرنا سارح في عوالم بعيدة . لكن عطرابة الحمري و دخان الصندل المحروق في مباخر قندهار جرجرو نواحي النيل .. في اللحظة دي الكلام البتسمعو البجيك من جاي وجاي كلو حديث عن الخروف السمين والاعجف . وضحكنا لمان بت الابيض قالت : من صوت الخروف بتحدد كان سمين كان اعجف . ومن امسك لحمتو بعرف كان رباع كان جدعة كان سديس . وفي الضلمة بفرز الخروف الحمري من الكباشي . الزولة حيرتليك اسامة لامن بقي يتمتم .
Post: #211 Title: Re: الشاعر اسامة الخواض في قندهار يستمع لي كي Author: Osman Musa Date: 09-10-2021, 02:34 PM Parent: #2
وينك يا استاذ اسامة
Post: #212 Title: Re: الشاعر اسامة الخواض في قندهار يستمع لي كي Author: osama elkhawad Date: 09-10-2021, 06:46 PM Parent: #211
Quote: وينك يا استاذ اسامة
اهلا عثمان
لقد توافق رفع البوست مع وصول طالبان القندهارية الى الحكم
هههههههه
مازال في معيتي الكتابة عن "لقاء خريجي مدرسة كبوشية المتوسطة \الثانوية العامة"،
الذي دبّره صديقي الحميم : تاج الأسرار ، وللقبه قصة،
والاماني التي لم تتحقق في القاء الشعر ،
ولقاء الاصدقاء .
سأعود وبالصور كمان وكمان
ههه
Post: #7 Title: Re: الشاعر اسامة الخواض في قندهار يستمع لي كي Author: أبوذر بابكر Date: 01-06-2020, 06:09 PM Parent: #1
وااااا مغستي
تجو السودان اتو اللتنين
وأنا مجدوع بره البلد
إن شاء الله بس ما تكونو راجعين قريب
عشان لامن اجي القاكم
بعزمكم حاجات حلوه تاني
احسن من اللحم ده
ههههههههههههههههههه
Post: #9 Title: Re: الشاعر اسامة الخواض في قندهار يستمع لي كي Author: Osman Musa Date: 01-06-2020, 06:18 PM Parent: #7
يا اب ذر ياخ والله خاتنك لي رحلة بطانة اب سن . في اليومين الجايات ماشين نقيف في كولمبيا ومكان نشلوا الجثث من نيل الجنة . وماشين نترحم علي ابطال المتاريس . البلد يا اب ذر مليانة مقابر جميلة ولابد من الترحم عليهم واكيد قبة شيخك الطيب صالح ما داير ازيدك عارفك بتدمع ياخ .
Post: #10 Title: Re: الشاعر اسامة الخواض في قندهار يستمع لي كي Author: أبوذر بابكر Date: 01-06-2020, 06:29 PM Parent: #9
استمتعو يا عثمان
انت و اسامة
صدقني مافي اجمل وامتع واحلي من السودان
نحن حمنا ولفينا الواطا كلها وشفنا دول و مدن و عواصم
لكين والله مافي شى بملا عيونا وارواحنا غير السودان
يا زوا كان حيينا بنتلاقى
Post: #11 Title: Re: الشاعر اسامة الخواض في قندهار يستمع لي كي Author: Osman Musa Date: 01-06-2020, 06:40 PM Parent: #10
والله يا اب ذر صاحبك اسامة مطمبج طمبجة بي السعادة بي زيارتو السودان . الليلة حيعمل يجوز شريحة ويتواصل مع الاخوان .
Post: #12 Title: Re: الشاعر اسامة الخواض في قندهار يستمع لي كي Author: امتثال عبدالله Date: 01-06-2020, 07:23 PM Parent: #11
الحاجة المحيراني أن البوست كاتبه عثمان موسى وهو المشى قندهار مع اسامة، ،لكن الصور نزلها خضر ،،كيف يعني !!،وهو ما كان معاهم ... والحاجة الثانية :جوعتونا...بالشية دي، ،،مع اننا قربت ابقى نباتية ،،،ناكل خضروات فقط بعد بوست النصري .... وكل سنة وانتو طيبين..
Post: #14 Title: Re: الشاعر اسامة الخواض في قندهار يستمع لي كي Author: Osman Musa Date: 01-06-2020, 07:33 PM Parent: #12
بنتنا امتثال حبابك في بوست قندهار . انا عثمان ما عندي معرفة بي نقل الصور . وبارك الله في اخونا خضر متابع سفرية شاعرنا الخواض . وقاعدين نجدع ليه الصور . صور بس بدون مشاوي ههههها. المضحك لمان بت الابيض ختت الصينية ام عطرابة نسينا نصور الصينية .
Post: #15 Title: Re: الشاعر اسامة الخواض في قندهار يستمع لي كي Author: امتثال عبدالله Date: 01-06-2020, 08:13 PM Parent: #14
والحاجة المضحكة لمن بت عطبرة قرت كلمة ام عطرابة،،،قرأتها عطبراية ،،وطبعا هي عندها حساسية عن أي شئ بتمس عطبرة...وفجأة قالت ...سيرة عطبرة دي جايبنها لييه شنو ... وطبعا انا الكنت بقرأ ليها البوست...وقلت ليها ومنو الجاب سيرة عطبراية هنا ..انا قلت عطرابة...وسالت سؤال ما قدرت اجاوب عليه ..سالت عطرابة يعني شنو!؟ اها ردوا على السؤال ده ...
Post: #16 Title: Re: الشاعر اسامة الخواض في قندهار يستمع لي كي Author: أبوبكر عباس Date: 01-06-2020, 08:53 PM Parent: #15
يا عثمان، اشتري لي بوكيه ورد وأديهو للخواض ويكون غالب الورد ورد إنجليزي ومخلوط بزهرة الموريا، قول ليهو دا من صديقك الأديب الرقيق أبوبكر عباس
Post: #17 Title: Re: الشاعر اسامة الخواض في قندهار يستمع لي كي Author: النذير حجازي Date: 01-06-2020, 11:06 PM Parent: #16
شكرا يا عثمان وخضر، بس لاحظت يا عثمان إنك جايي من مكان البرد الصاح نيويورك ولابس لبس شتاء في السودان، والمفارقة أسامة جايي من مكان الحر كالفورنيا وما لابس لبس برد في برد السودان دا. ياريت يا عثمان كان تعلنوها علشان بورداب الخرطوم يلاقوكم
Post: #18 Title: Re: الشاعر اسامة الخواض في قندهار يستمع لي كي Author: ترهاقا Date: 01-06-2020, 11:38 PM Parent: #17
اسامة ده كتروا ليهو الشطوط يا عثمان موسى والكبدة النية لانو مسكين محروم من الحاجات دي في مونتريه
Post: #19 Title: Re: الشاعر اسامة الخواض في قندهار يستمع لي كي Author: MOHAMMED ELSHEIKH Date: 01-07-2020, 05:50 AM Parent: #18
Quote: ا عثمان، اشتري لي بوكيه ورد وأديهو للخواض ويكون غالب الورد ورد إنجليزي ومخلوط بزهرة الموريا، قول ليهو دا من صديقك الأديب الرقيق أبوبكر عباس
والله جلسة بس ناقصه شخصي وصديق أسامة اللدود بكور
Post: #27 Title: Re: الشاعر اسامة الخواض في قندهار يستمع لي كي Author: Osman Musa Date: 01-07-2020, 08:07 AM Parent: #19
اخونا محمد الشيخ حبابك والله قندهار يسع العالم كلو . والخير باسط والخرفان الحمرية مد البصر . وفحم السنط راقد وقلوب الناس بعد التغيير عادت كلها احلام واصرار للبناء والتعليم والمحافظة علي العادات الجميلة . ربك يحفظ السودان الحبيب .
Post: #20 Title: Re: الشاعر اسامة الخواض في قندهار يستمع لي كي Author: اخلاص عبدالرحمن المشرف Date: 01-07-2020, 06:03 AM Parent: #18
امنتوبالله يعني الجزارة من يوم ما الإنجليز والفرنسيين خلو استعمار الخلق ومسكونا العربان والأمريكان أدي الحالة
زمان كان تجئ يعزموك القراندهوتيل وعصير ليمون أو برتقال . وشاي ب كيكة إنجليزي . وقدامك النيل وزول تريدو وبريدك
الورد ده ما بعرفوا يا ابكرونا 😂😂😂😂😂
غايتو
Post: #21 Title: Re: الشاعر اسامة الخواض في قندهار يستمع لي كي Author: اخلاص عبدالرحمن المشرف Date: 01-07-2020, 06:05 AM Parent: #20
ال فوق ده شغل يا ود ريا حمي الدية خصام الأدباء يختلف عن خصام سواهم
ثم السلام عليكم مع الود للجميع
Post: #22 Title: Re: الشاعر اسامة الخواض في قندهار يستمع لي كي Author: mohmmed said ahmed Date: 01-07-2020, 06:37 AM Parent: #21
نورت السودان يا اسامة بختك حتلاقى فاتح السفورى وعاطف الساخر اسامة انت ضعفت خالص
Post: #33 Title: Re: الشاعر اسامة الخواض في قندهار يستمع لي كي Author: Osman Musa Date: 01-07-2020, 11:32 AM Parent: #22
الاخ محمد سيد احمد حبابك والف شكر
Post: #32 Title: Re: الشاعر اسامة الخواض في قندهار يستمع لي كي Author: Osman Musa Date: 01-07-2020, 11:00 AM Parent: #20
يا اخلاص انتي قاعدة وين يازولة ؟ ما سمعتي بي الطوفان ؟ يازولة في ال 30 سنة الفاتت البلد طاحت . القراند هوتيل زينة نزلات الدنيا اتشالت من جدارو جدارية الملكة فكتوريا . والمطعم الفكتوري ماسكو واحد باكستاني بي الواسطة . القراند مصيف السمحات من بنات الانجليز . و الاتكتبت فيه عشرات الروايات الانجليزية اصبح زي سوق ام دفسو . والحرامية من سماسرة قطع الاراضي معسكرين فيه . الناس بتهرب الي القندهار من شدة الاحباط . تحياتي وربنا يعوضك في ليمون القراند .
Post: #26 Title: Re: الشاعر اسامة الخواض في قندهار يستمع لي كي Author: Osman Musa Date: 01-07-2020, 08:01 AM Parent: #18
اخونا ترهاقا سلامات صاحبك والله يحمل مونتريه في ضلفات القلب . مونتريه في ضلفة وكبوشية في ضلفة . ظهرت يا ترهاقا اصناف شطوط جديدة . قمسة واحدة في الشطة تفتكر انو الكهرباء قطعت . وما تشوف الا الضلام .
Post: #24 Title: Re: الشاعر اسامة الخواض في قندهار يستمع لي كي Author: Osman Musa Date: 01-07-2020, 07:54 AM Parent: #17
اخونا حجازي سلامات اليومين دي في برد في السودان دي ايام سل النخيل . اسامة ملص الجاكت عشان يستعد للشية .
Post: #23 Title: Re: الشاعر اسامة الخواض في قندهار يستمع لي كي Author: Osman Musa Date: 01-07-2020, 07:48 AM Parent: #16
اخونا ابوبكر عباس سلام حاضر حنشتري ليه كليقة ورد ماكنة .
Post: #25 Title: Re: الشاعر اسامة الخواض في قندهار يستمع لي كي Author: محمد عبد الله الحسين Date: 01-07-2020, 07:58 AM Parent: #23
الأخ عثمان تحياتي لك و للأخ أسامة الخواض
احتفاء جميل بالرجل الأديب القامة
ليتنا كنا حضور ...قندهار و إن طال المسير...
هل تصدق للآن لم أشوف قندهار.....و شايفها بعيدة في آخر الدنيا..
أتمنى إقامة سعيدة للأخ الخواض..
إنت يا عثمان إجازة في السودان؟
تحياتي للجميع
Post: #28 Title: Re: الشاعر اسامة الخواض في قندهار يستمع لي كي Author: خضر الطيب Date: 01-07-2020, 08:17 AM Parent: #25
https://www.0zz0.com
Post: #29 Title: Re: الشاعر اسامة الخواض في قندهار يستمع لي كي Author: mohmmed said ahmed Date: 01-07-2020, 08:37 AM Parent: #28
تذوق يا بت الابيض
Post: #119 Title: Re: الشاعر اسامة الخواض في قندهار يستمع لي كي Author: Osman Musa Date: 01-21-2020, 10:32 AM Parent: #29
كب الصور يا خضر
Post: #30 Title: Re: الشاعر اسامة الخواض في قندهار يستمع لي كي Author: Osman Musa Date: 01-07-2020, 09:49 AM Parent: #28
طبعا يا اخ خضر صاحبة المطعم تشرف فقط وبي هناك الترتيبات شغالة . الجزار عارف دي لحمة منو ودي لحمة منو . والطربيزة الععيدة ديك عشان تحضر الشطوط والسلطة والروب . اللحوم السودانية يا خضر من احسن اللحوم في العالم . و القصة بقت سياحة . واتعرفت في بعض من البلدان العربية
Post: #31 Title: Re: الشاعر اسامة الخواض في قندهار يستمع لي كي Author: ياسر السر Date: 01-07-2020, 10:04 AM Parent: #30
دي جلسة ما منظور مثيلا جلسة ما منظور مثيلا .... حمدا لله على سلامة وصولكم الاثنين للسودان ويا ليتنا كنا هناك حتى نحتفي بكم فانتما قمران ساطعان ... كدي يا عثمان اختف كراعك وزور ابوك الشيخ ادريس راجل العيلفون البسبق التيلفون باقي انا عارفك زول مسيد وكده وسلم لي علي كل الاهل والاحباب ... إجازة سعيدة وربنا يجمعنا جميعا في ساعة خير ان شاء الله ... منور استاذنا واديبنا أسامة الخواض .. غايتو يا عثمان اتلومت لوم الخلا والشدر كان تدينا خبر كان هسة ضربنا معاكم الشية دي ورجعنا الرياض الصباح .. التحية أيضا موصولة للأستاذ خضر في الإخراج ...
تحياتي : ياسر العيلفون ......
Post: #34 Title: Re: الشاعر اسامة الخواض في قندهار يستمع لي كي Author: osama elkhawad Date: 01-07-2020, 12:33 PM Parent: #31
اسفي العميق للتأخير لان الشبكة كانت طاشة. شكرا للتعليقات بدون فرز. شكرا ابوبكر للتطبيع بس يهدده عامل انعدام المصداقية هههه اقول ذلك رغم الكراهية البدوية للهدايا الرمزية هههه
Post: #45 Title: Re: الشاعر اسامة الخواض في قندهار يستمع لي كي Author: Osman Musa Date: 01-08-2020, 09:58 AM Parent: #34
هههههها حباب اخونا الشاعر اسامة الخواض الحمد لله علي سلامة الظهور في المنبر بعد تدشين الشريحة السودانية . قالوا واقف في صف zain ساعتين ومارق علي صف الرغيف . الف مبروك الشريحة الجديدة وعقبالك الجلاكسي اب زمبارة . وقصة الجلاكسي اب زمبارة دي قصة طويلة . رحم الله الحاجة سكينة العودلابية . اول حاجة جابت الجلاكسي اب زمبارة .
Post: #39 Title: Re: الشاعر اسامة الخواض في قندهار يستمع لي كي Author: Osman Musa Date: 01-07-2020, 08:53 PM Parent: #31
اخونا ياسر سلامات اوعدك لابد من زيارة ابونا الشيخ ادريس رجل العيلفون البسبق التيلفون . لابد من الزيارة والدردقة في رملة المسيد ومعاي صاحبك الخواض . واكيد انت سامع عن سجادة الخواض . تحياتي اخي ياسر والف شكر علي الترحيب الجميل
Post: #35 Title: Re: الشاعر اسامة الخواض في قندهار يستمع لي كي Author: Osman Musa Date: 01-07-2020, 01:13 PM Parent: #25
مرحب اخونا محمد عبدالله الحسين حبابك بالمناسبة كل الطرق تجيبك للقندهار .
Post: #36 Title: Re: الشاعر اسامة الخواض في قندهار يستمع لي كي Author: خضر الطيب Date: 01-07-2020, 04:30 PM Parent: #35
التحية خالصة لشعرائنا زملاء المنبر الشاعر اسامة الخواض ( المحتفى به ) و الشاعر عثمان عبدالرحيم موسي ( صاحب البوست )
للشاعر الخواض ديوان لاهوت الوردة
https://www.0zz0.com
و للشاعر عثمان ود موسى ديوان فجر الفرح والذي تمت طباعته في العام 1981 بالقاهرة
https://www.0zz0.com
Post: #37 Title: Re: الشاعر اسامة الخواض في قندهار يستمع لي كي Author: أبوبكر عباس Date: 01-07-2020, 05:38 PM Parent: #36
يا خواض، داير أوصيك والوصيّة في الذمة، لو استضافتك سهير الرشيد في النيل الأزرق، عليك الله، بأي طريقة جيب اسمي في الكلام مثلاً لو سألوك عن الغربة؟ ممكن تلف الكلام وتقول: الونسات الأدبية بالمنتديات كان بتنقلنا للوطن في ساعات وسنها، ودي فرصة أحيي الصديق الأديب المستنير أبوبكر عباس الذي طالما روّح علينا ضنك الغربة، له التحيّة هو أسرته بنورث كارولاينا، وكدا
Post: #38 Title: Re: الشاعر اسامة الخواض في قندهار يستمع لي كي Author: خضر الطيب Date: 01-07-2020, 07:33 PM Parent: #37
موضوع الشية دا عذبتني فيهو عذاب يا ودموسى ياخ لما طلعت شيتكم دي انا جعان لي يومين دي شية خروف حمري و لا شية ديناصور البتنجض في يومين دي؟ آمنت بالله يا جميل ما بصح ليك تعمل كده :) هاك ياخ .. تجيب صور الشية و لا ناكل باسطتكم ؟
https://www.0zz0.com
Post: #40 Title: Re: الشاعر اسامة الخواض في قندهار يستمع لي كي Author: محجوب البيلي Date: 01-08-2020, 01:05 AM Parent: #38
Quote: البلد يا اب ذر مليانة مقابر جميلة
رميت الجملة دي ببسااااطة... ومشيت يا عُسمان. وأنا خانقاني العبرة لحدّ نهاية البوست. أجمل عبارة أسمعها في العام الجديد... وأكثرها إيلاماً. تمنيت أن تجد مكانها في عمل أدبي أو فني. ............. وهو بوست غريبُ المتن.. قريبُه. مختلفٌ ألوانه. متعدد الأبعاد. أحاديّ المزاج. صحّي. مضمّخ بدخان الشواءات ومشبّع بالحاجات السودانية.. زي ما خلقَهَا الله. شكراً لاستضافتنا في قندهار.. شكراً للأحباب الذين تقاطروا من كل فج.. وأعطوا البوست رونقه. ............. ومرحباً بالشاعر الجميل أسامة الخواض.
Post: #41 Title: Re: الشاعر اسامة الخواض في قندهار يستمع لي كي Author: abdalla elshaikh Date: 01-08-2020, 03:12 AM Parent: #40
تعرف يا عثمان إفترقنا والصديق أسامه ألخواض في عام ١٩٨٧ تقريباً وكان ذلك في حفلة وداعه بمنزل صديقنا بحيري وكان من بين الحضور محمد خلف و منعم رحمه وبشري الفاضل و عميري ومأمون عجيمي ومريم محمد الطيب وأم الخير كمبال وسلوي صيام وكانت آخر وصاياه أن نكتب له عن تكوين الحكومه الجديده بعد أن أخرج الصادق المهدي ألوزير أبو حريره ! وظللت منتظراً تكوين الحكومه والتي كانت تقوم وتقع حتي وقعت كلها ونثرتنا مروي جميعاً للفضاءات بذور إغتراب ولم تكتمل الرسالة حتي الآن !
Post: #42 Title: Re: الشاعر اسامة الخواض في قندهار يستمع لي كي Author: امتثال عبدالله Date: 01-08-2020, 03:30 AM Parent: #41
مش كان يا خضر تفتح ديوان لاهوت الوردة ، وديوان فجر الفرح وتنثر علينا هنا شيئا من ازهار الديوانين .... فنحن لا نمل من قراءة الشعر ....فالشعر والموسيقى غذاء للروح ورفع للمعنويات عندما تكاد ان تنهار بسبب مصائب وكوارث وهموم الدنيا ،،، ... ابوبكر عباس ، المستنير الله يجازي محنك ، اضحكتنا وجبال الهموم تحيط بنا ....اضحك الله سنك وجعل ايامك كلها بسمات وضحكات ،،
Post: #43 Title: Re: الشاعر اسامة الخواض في قندهار يستمع لي كي Author: خضر الطيب Date: 01-08-2020, 04:17 AM Parent: #42
مرحب الراكزة امتثال
Quote: مش كان يا خضر تفتح ديوان لاهوت الوردة ، وديوان فجر الفرح وتنثر علينا هنا شيئا من ازهار الديوانين .... فنحن لا نمل من قراءة الشعر ....فالشعر والموسيقى غذاء للروح ورفع للمعنويات عندما تكاد ان تنهار بسبب مصائب وكوارث وهموم الدنيا ،،، ...
طلبك رائع جداَ و اتفق معك و نحن في حضرة الشاعرين انا على يقين بأنهم سيتحدثون عن دواوينهم بطريقة ستشجينا جميعاَ فالمايك معهم
Post: #49 Title: Re: الشاعر اسامة الخواض في قندهار يستمع لي كي Author: Osman Musa Date: 01-08-2020, 01:29 PM Parent: #41
اخونا الشاعر الجميل عبدالله الشيخ سلامات نعم يازول . مروي نثرتكم بذور وشتول وعروق اغتراب بين اليمن والشام ودينفر كلورادو . الا يا اخوي الحمد لله شتل القنديل ما انتج الا نفس القنديلة مع شوية اختلاف في الاكسنت . اهو الاقدار . والمكتوب . واهو بندافس ونعارك من اجل حياة مسالمة ومتمدنة في عزة . طال عمرك يا عبدالله .
Post: #48 Title: Re: الشاعر اسامة الخواض في قندهار يستمع لي كي Author: Osman Musa Date: 01-08-2020, 12:07 PM Parent: #40
مرحبتين حباب اخونا الفنان الجميل محجوب البيلي ياخ ليك جزيل الشكر علي النظرة الفنانة لناصية قندهار وتكريم مها بت الابيض للشاعر اسامة بي عود صندل عاكل من ساعة دخل لامن ودع . زولة كريمة وحنينة . عرفتها سمعت حديثنا عن الراحلة والدة اسامة . وعن ظروف العمل المنعت اسامة من الحضور للعزاء . عرفتها . بعد ما رفضت تستلم حق الوليمة القدمتها لينا في كرام اهلها الكبابيش . ياخ دي امة عجيبة . امة حايطاها المصاعب من الجهات الاربعة . لاكنها بتتبرع بي البتقدر عليه بلا تردد . هسع زي بت الابيض دي الزول يقول فيها شنو ؟
Post: #50 Title: Re: الشاعر اسامة الخواض في قندهار يستمع لي كي Author: osama elkhawad Date: 01-08-2020, 01:39 PM Parent: #48
ما قام به صديقنا عثمان من احتفاء بالطعام فريد في بابه فثقافتنا حذرة تجاه الاحتفاظ بالأكل وان كانت كثقافات كثيرة تبذل الكثير من الطعام الشهي الغالي الثمن كعلامة على الترحيب والتقدير من أمثلة التقليل من شان الطعام المقولة الشهيرة السمح مو اكال
وتعتبر المبادرة بتناول الطعام من صفات الأتيكيت غير الحميد فالناس يتعازمون على من يفتتح الاكل حين اقترب موعد سفري للسودان سالت ببراءة عن المطاعم الجيدة في ﺍﻟﺨﺮﻃﻮﻡ فاستنكر البعض سوالي
Post: #81 Title: Re: الشاعر اسامة الخواض في قندهار يستمع لي كي Author: أبوذر بابكر Date: 01-11-2020, 06:49 PM Parent: #38
كده معليش يا خدر
ده مجالنا المحبب
باسطة وكنافة وايسكريم
وأهم شى طبعا الموز
الموز ده بالمناسبة سلطان الفواكه كلها
تقول لى الكاكا
هههههههههه
اوع زول يجيب لى سيرة اللحم
Post: #82 Title: Re: الشاعر اسامة الخواض في قندهار يستمع لي كي Author: osama elkhawad Date: 01-11-2020, 07:14 PM Parent: #81
سلطان الفواكه مختلف عليه ففي رواية ذات سند حسن هي الفراولة وهي تكافح ضد الشيخوخة
لاحظت انعدام التعليقات عن الأطعمة الروحية مثل ثقافة الطعام لعل المانع خير هههه
Post: #83 Title: Re: الشاعر اسامة الخواض في قندهار يستمع لي كي Author: osama elkhawad Date: 01-11-2020, 10:13 PM Parent: #82
وخسر الهلال من النجم الساحلي ولَم نندم على عدم مشاهدتها في ملعب الجوهرة الزرقاء.
Post: #44 Title: Re: الشاعر اسامة الخواض في قندهار يستمع لي كي Author: Osman Musa Date: 01-08-2020, 08:06 AM Parent: #7
اخونا الفنان خضر ياخ الف شكر علي مجهوداتك الفنانة و دعم البوست وزخرفتو . وطلق بخور بماخر قندهار في بطنو . ياخ انت مخرج خطير يازول . تحياتي
Post: #46 Title: Re: الشاعر اسامة الخواض في قندهار يستمع لي كي Author: osama elkhawad Date: 01-08-2020, 09:58 AM Parent: #44
غابت الصينية بصحونها المستفزة لمليار شخص هم جوعى العالم البوش صار منتشرا ومتزامنا مع الطعام متعدد الجنسيات في العاصمة
Post: #47 Title: Re: الشاعر اسامة الخواض في قندهار يستمع لي كي Author: محمد الأمين موسى Date: 01-08-2020, 10:26 AM Parent: #46
أين الشيّة؟
Post: #51 Title: Re: الشاعر اسامة الخواض في قندهار يستمع لي كي Author: خضر الطيب Date: 01-08-2020, 02:23 PM Parent: #47
Quote: أين الشيّة؟
مرحب بيك دكتور محمدالأمين شيتم اخدت ليها تلاتة يوم في النار :)
هاك الصاجات دي مع العطرابة لكن الباقي الا تتمو خيال لانو الشعراء ديل مع غمرة الانبهار الابيد نسو يصورو الصينية لكن بجيب ليك صورة قريبة للصنية بتاعتم
https://www.0zz0.com
Post: #52 Title: Re: الشاعر اسامة الخواض في قندهار يستمع لي كي Author: خضر الطيب Date: 01-08-2020, 02:30 PM Parent: #51
دي صورة تقريبية تقريباَ ذات مومنت
https://www.0zz0.com
Post: #53 Title: Re: الشاعر اسامة الخواض في قندهار يستمع لي كي Author: Osman Musa Date: 01-08-2020, 03:15 PM Parent: #52
يا خضر دي صينية زي الصينية . شايف صاحبك اليمين عامل جهجهات للدكوة . لو ما اخاف الكضب اقول اليد دي يا يد اخونا عمر الخواض يا يد سعد الكباشي . ومع عطسيبة حرارة الشطوط الواحد ما فارز صحن لحمة الحاشي من صحن الحمري . سامع واحد في الديوانية بعد ما جبد نفس طويل كورك لي بت الابيض يازولة دي شطة ولا حقنة سعر ؟ غايتو الحبشة دي بتودرنا يا بي الشطة يا بي سد النهضة هههههها شييييييت
Post: #54 Title: Re: الشاعر اسامة الخواض في قندهار يستمع لي كي Author: Osman Musa Date: 01-08-2020, 05:44 PM Parent: #47
اخونا محمد الامين سلامات اخونا خضر يا اخ محمد حكر ليك صينية الشية الما خمج في محكر الديوانية . بوخ الشية لاوي . وبوخ الصندل لاوي . والحاشي في الزريبة القريبة يلاوي . مسكين الحاشي . والرادي يلعلع بي اغنية ماهو عارف قدمو المفارق . قالوا يا اخ محمد الجمال بتفهم كل شي . حتي كلمات الغناء . وقالوا الفرق بين الانسان و الجمال بس النضم . الحاشي عارف خاتنو في الزريبة الانفرادية ليه دموع الحاشي تبكي الحجر . الاغنية انطلقت صدفة . والحاشي مرق من براري اماتو الكباشيات صدفة . واي مهاجر هاجر صدفة . علي كل حال الشية يهديك تلمع . والجرجير الجرجيراية الواحدة قدر اضان الارنب . والليمون ليمون الكاملين قطع اليوم . ياخ السودان ده بلد تصليحو ساهل .
Post: #55 Title: Re: الشاعر اسامة الخواض في قندهار يستمع لي كي Author: خضر الطيب Date: 01-08-2020, 06:32 PM Parent: #54
اتفضل يا ود موسى محمود عبد العزيز و خلي العيش حرام
Post: #56 Title: Re: الشاعر اسامة الخواض في قندهار يستمع لي كي Author: Osman Musa Date: 01-08-2020, 07:16 PM Parent: #55
في جلستنا في الديوانية مع اسامة والاخوان يا خضر وزي ما قلت ليك . كان في المطعم التالت من فجتنا صوت الراحل محمود عبدالعزيز طالع . قلت لي اسامة انا ما عارف لكن بفتكر الغربة والرحيل الكتير بخلي الزول حنين اكتر . صوت محمود ينسيك اللقمة في يدك . قلت لي اسامة الاغنية دي بتذكرني الاخوان الجيران الممتازين عمر هواري و د. حيدر بدوي قلت لي اسامة . اخوانا عمر هواري ده انسان فريد . ومصمم مواقع ما في منو . والرجل بيمتلك اكبر مكتبة غناء في العالم . وهو الحببنا في محمود عبدالعزيز اكتر . زول فنان فخيم . انا واسامة بنهدي ليه الاغنية دي . ولي محمود ولدو .
Post: #57 Title: Re: الشاعر اسامة الخواض في قندهار يستمع لي كي Author: محمد الأمين موسى Date: 01-08-2020, 07:37 PM Parent: #56
Quote: دي صورة تقريبية تقريباَ ذات مومنت
الآن صحصح الحق!
Post: #58 Title: Re: الشاعر اسامة الخواض في قندهار يستمع لي كي Author: خضر الطيب Date: 01-08-2020, 09:02 PM Parent: #57
Post: #62 Title: Re: الشاعر اسامة الخواض في قندهار يستمع لي كي Author: MOHAMMED ELSHEIKH Date: 01-09-2020, 08:25 AM Parent: #60
Quote: دي شية خروف حمري و لا شية ديناصور البتنجض في يومين دي؟ آمنت بالله
يا خدوري دي شوتة كابتن ماجد هههه
Post: #61 Title: Re: الشاعر اسامة الخواض في قندهار يستمع لي كي Author: Osman Musa Date: 01-09-2020, 08:22 AM Parent: #7
يا اب ذر خبرك شنو في غربتك الجديدة .
Post: #63 Title: Re: الشاعر اسامة الخواض في قندهار يستمع لي كي Author: اخلاص عبدالرحمن المشرف Date: 01-09-2020, 09:59 AM Parent: #61
لسان الحال ولقد غدوت الي قندهار يتبعني شاو مشل شلول شلشل شول ومن الاصحاب شاعر أديب أريب من اعطافه الذوق ينهمل ومن الابيض جوهرة تعد الطعام كما الشيف الفرنسي يفتعل وحمري علت روائحة اسأل لعاب الصحب ومن دخلوا.............
وبعدين بالهناوالشفاء وديمه عامرين ( شعر الاعشي وقد غدوت .....)
Post: #64 Title: Re: الشاعر اسامة الخواض في قندهار يستمع لي كي Author: امتثال عبدالله Date: 01-09-2020, 12:36 PM Parent: #63
اخلاص كل سنة وانت طيبة ... شكرا للزجل الرفيع ...ويوم بعزمك في قندهار، لكن المواصلات عليكي لاني سمعت انها بعيدة من ام درمان... وبمناسبة الشيف الفرنسي ، يوم قريت في محلة أمريكية أن أعلى مرتب يتقاضاه موظف حكومي في العالم هو طباخ قصر الإليزيه في فرنسا وان مرتبه السنوي أعلى من مرتب الرئيس الأمريكي وهو المقصود بالشيف الفرنسي..
Post: #65 Title: Re: الشاعر اسامة الخواض في قندهار يستمع لي كي Author: اخلاص عبدالرحمن المشرف Date: 01-09-2020, 01:33 PM Parent: #64
الحبيبة امتثال ان شاء الله نتقابل في السودان البلد الساكنانا بلد محل ما تمشي هي معاك وجواك صدقي حتي الطماطم في السودان طاعمة اللحمة السودانية غير شكراً يا امتثال
Post: #66 Title: Re: الشاعر اسامة الخواض في قندهار يستمع لي كي Author: خضر الطيب Date: 01-09-2020, 02:02 PM Parent: #64
باشمهندس ود الشيخ كيفنك يا الحبيب تعرف يا ود الشيخ هم صورو كل شئ ذي ما شايف ما عدا الصينية بعد نجضت في يومين الصينية لما جات ما صوروها اي واحد جدع موبايلو و تداعوا عليها كما تتداعى الأكلة على قصعتها :) قلت لي ود موسى بعد ما خلصتو كان ممكن تصوروها عشان نشوف حطام الطائرة دا هههههه برضو ما صوروها غسلو ايدينم و بقو مارقين لكن اتخيلتها كده جبتا ليهم واحده بتشبها من نفس البكان
Post: #67 Title: Re: الشاعر اسامة الخواض في قندهار يستمع لي كي Author: Osman Musa Date: 01-09-2020, 06:29 PM Parent: #66
يا اخ خضر داير ارسل ليك صور كتيرة من قندهار . خرفان مد البصر . قالوا المرحات دي حدها فوق لي المويلح . جمال وضان وبقر وماعز . السودان عجيب بلد في فجج شبعان وفي فجج جعان . الشغلة محتاجة تنظيم .
Post: #68 Title: Re: الشاعر اسامة الخواض في قندهار يستمع لي كي Author: Osman Musa Date: 01-10-2020, 08:17 AM Parent: #67
قندهار الان اصبحت من النقاط الكبيرة والمهة للصادر من الماشية . وقندهار هي زريبة العرض للمصدرين و للسماسرة .
Post: #69 Title: Re: الشاعر اسامة الخواض في قندهار يستمع لي كي Author: osama elkhawad Date: 01-10-2020, 03:07 PM Parent: #68
اسف للتأخير لوعكة بسيطة ولصعوبة الكتابة في الموبايل لذا كتابتي لاتمثلني تماما
هل ظهرت ثقافة أخذ فضلة الطعام في السودان؟ لا لاننا عندما انتهينا من الاكل في مطعم لذيذ لم يقترح علينا النادل احضار كيس لحمل ما تبقى من طعام
طبعا في قندهار لم ينجح احد اَي لم تتبقى فضلة هههه
اول مرة أتعلم ثقافة أخذ الفضلة كان في بلغاريا ولهذه المعلومة قصة طريفة لا تسمح بها الكتابة الموبايلية
في امريكا توجد ثقافة أخذ اللفت اوفر الطعامي
في الثقافة السودانية من العيب أخذ فضلة طعامك حتى لو دافع فيهو دم قلبك
وهذه ثقافة تجب محاربتها حتى تنتصر ثقافة أخذ الفضلة
Post: #70 Title: Re: الشاعر اسامة الخواض في قندهار يستمع لي كي Author: النذير حجازي Date: 01-10-2020, 04:54 PM Parent: #69
اتفق معك تماما يا خواض، زوجتي عيشة ما بتخليها ههههه
Post: #71 Title: Re: الشاعر اسامة الخواض في قندهار يستمع لي كي Author: امتثال عبدالله Date: 01-10-2020, 05:18 PM Parent: #70
ممكن تشرحوا لينا لييه تسمية المطعم باسم قندهار، مع أن قندهار منطقة في أفغانستان...وصاحبة المطعم من الأبيض...وما جات من أفغانستان....وحتى أفغانستان ما بتصدر خرفان عشان نقول الخرفان من أفغانستان..
Post: #75 Title: Re: الشاعر اسامة الخواض في قندهار يستمع لي كي Author: Osman Musa Date: 01-11-2020, 07:34 AM Parent: #70
مرحب حباب اخونا النذير فرشنالك الرملة من نهاية سوق ليبيا ولاحدي ديوانية مها وفتحتلينا . علي كل حال فاتتك الشطة ماركة ( بحر دار ) واحد قال اكل شطة في سوق الناقة سنة 1988 وبعدها سافر كندا وفي سنة 1998 يعني بعد عشرة سنة عمل صورة موجات صوتية . تخيل يا النذير الشطة ظهرت في الصورة . حتي الدكتور الكندي سالو . قالو حصل قبل زمن سفيت ليك يورانيوم ؟
Post: #72 Title: Re: الشاعر اسامة الخواض في قندهار يستمع لي كي Author: Osman Musa Date: 01-10-2020, 05:48 PM Parent: #69
نعم والله يا اخ اسامة هسع انا تعبان جدا مع الكتابة من الموبايل .. صعبة شديد .
Post: #133 Title: Re: الشاعر اسامة الخواض في قندهار يستمع لي كي Author: Osman Musa Date: 01-28-2020, 04:32 PM Parent: #72
كب الصور يا خضر الاخ اسامة اجازتو علي وشك . هسع اليومين دي شغال يلملم في الكتب .
Post: #80 Title: Re: الشاعر اسامة الخواض في قندهار يستمع لي كي Author: أبوذر بابكر Date: 01-11-2020, 06:45 PM Parent: #61
ازيك يا ابو عفان
الغربة بروفة تافهة جدا طبعا للموت
مع الإعتذار للموت
انا ما عارف عندى قناعة انه الموت ده أو بالأحرى ما بعد الموت بكون شى كويس و مليان مفاجآت
المهم الغربة المره دى بختلف كتير عن الغربة الأولى
حآليا عندى مشروع محدد جدا بحاول انتهى منه وأخلصه بأسرع وقت وارجع السودان
ما بقدر أعيش تانى بره السودان
قريب جدا بإذن واحد احد
Post: #73 Title: Re: الشاعر اسامة الخواض في قندهار يستمع لي كي Author: ناذر محمد الخليفة Date: 01-10-2020, 09:36 PM Parent: #1
مرحب بالأخوان المشاء وعثمان موسى في وطنهم ووسط أحبائهن ..
اتحسر في هذه اللحظات على غياب بورداب الخرطوم من هذا الاحتفاء .. كانو يعرفون بقدوم الضيف قبل حضوره ويجهزون له الاحتفالات والبرامج .. تشتتو وتفرقو بين العواصم وأخرون شغلتهم المعايش وصعوبتها في ارض النيلين ..
اعذرونا ان ام نكن معكم هناك ..
علمت ان ضيوفا كثر موجودون بالخرطوم هذه الأيام ولكن ,, يا للحسرة !!
Post: #74 Title: Re: الشاعر اسامة الخواض في قندهار يستمع لي كي Author: احمد عمر محمد Date: 01-10-2020, 10:58 PM Parent: #73
بعد الاستمتاع بالشية و الونسة الحلوة والرغبة في زيارة قندهار قريبا عاوز نسخة من ديواني الشعر لكل من الاستاذين اسامة الخواض وعثمان موسى كيف الحصول عليها اذا لم يكن ورقية فلا بأس بنسخة الكترونية تحياتي
Post: #76 Title: Re: الشاعر اسامة الخواض في قندهار يستمع لي كي Author: osama elkhawad Date: 01-11-2020, 09:52 AM Parent: #74
اهلًا احمد
أرسل لي على الماسنجر عنوانك البريدي وسأرسل إليك نسخة من لاهوت الوردة بعد وصولي الى امريكا بإذن الله
شكرا على اهتمامك بالشعر
Post: #78 Title: Re: الشاعر اسامة الخواض في قندهار يستمع لي كي Author: Osman Musa Date: 01-11-2020, 04:18 PM Parent: #74
اخونا احمد سلامات انشاء الله نعيد طباعة الديوان القديم و الجديد قريب . وعليك علي تصلك النسخ في اي مكان تحياتي
Post: #77 Title: Re: الشاعر اسامة الخواض في قندهار يستمع لي كي Author: Osman Musa Date: 01-11-2020, 11:53 AM Parent: #73
اخونا المك ناذر الخليفة سلامات ياخ كل الاماكن في القندهار تفتقدك . حتي بنت الابيض بتسال عنك في زرايب المرحات . عارفنك زول ملمات وكان ليك صولات في عمودية بورداب الخرطوم . والله اذكر وليمتك ديك في ذلك المطعم الشامخ في العمارات سنة 2009 . اتمنيناك كان ياخ تكون حاضر . سالت يا ناذر صاحبة المضيفة عن سر عدم الذباب في ناحية المضيفة . قالت كل يومين الصباح بدري صلاح الصبح بتطلق بخور شطة ناشفة . وتقفل الديوانية لاحدي الساعة 7 صباح . بعد داك مافي ولا ضبانة بتزازي في الناحية . قالت زمان الضبابين كانت ضبابين مفترسة . العالم تطور هههههها
Post: #79 Title: Re: الشاعر اسامة الخواض في قندهار يستمع لي كي Author: osama elkhawad Date: 01-11-2020, 06:33 PM Parent: #77
أسباب كثيرة منعتنا من حضور مباراة الهلال والنجم الساحلي رغم انني مريخابي.
وقد استغرب اخي نزار الهلالابي من إصراري على حضور المباراة.
لكن في المقابل وفقنا في الحج الى احد مقاصد الثقافة الا وهي مكتبة المصورات وكانت زيارة استكشافية كانت ثمرتها تحديد الكتب التي ينبغي ان اشتريها اعتمادا على الوزن وظفرت بنسخة من رواية لليلى ابو العلا عنوانها متاهة كل صيف.
كما خططنا لحضور ندوة في مركز عبدالكريم ميرغني في يوم الاثنين حول كتاب اصدره المركز الثقافي عن التعليم والمدنية.
يشارك في الندوة الدكتوران حيدر ابراهيم علي واحمد الصادق القادم من السعودية في اجازة.
Post: #84 Title: Re: الشاعر اسامة الخواض في قندهار يستمع لي كي Author: Osman Musa Date: 01-12-2020, 06:23 AM Parent: #79
يا اخ اسامة عليك الله خفف شوية من ردم الكتب . هسع النبق والكركدي والمفاريك والويكة والشطة والحرجل والمحريب والجردقة وطينة البحر و الدوم . الحاجات دي بتختها وين ؟ ولو مشيت سوق العراريق والطواقي،والمراكيب بتكون محتاج ليك لي حاوية 20 قدم .
Post: #85 Title: Re: الشاعر اسامة الخواض في قندهار يستمع لي كي Author: Osman Musa Date: 01-12-2020, 04:49 PM Parent: #79
تعال . الندوة مهمة يا اسامة .
Post: #86 Title: Re: الشاعر اسامة الخواض في قندهار يستمع لي كي Author: Osman Musa Date: 01-13-2020, 06:37 AM Parent: #1
اسعار اللحوم في قندهار كيلو الجمل ، 300 كيلو الحاشي 350 كيلو الماعز تيس 400 كيلو الضان 500
Post: #87 Title: Re: الشاعر اسامة الخواض في قندهار يستمع لي كي Author: osama elkhawad Date: 01-13-2020, 09:27 PM Parent: #86
قبل بداية الندوة وامام ثلاجة مشروبات البقالة المواجهة تماما لمركز عبدالكريم ميرغني كان هنالك شخص امام الثلاجة ربما يبحث عن مشروب ما . بدا لي مالوفا وبعد قليل من التركيز عرفت انه دكتور عمر القراي ، لم يعرفني حتى عرفته بنفسي ، ثم قلت له ممازحامن يرى صورتك البسيطة هذه لن يصدق كل ذلك الكم الكبير من الجدال المثار حولك!!!
Post: #88 Title: Re: الشاعر اسامة الخواض في قندهار يستمع لي كي Author: osama elkhawad Date: 01-13-2020, 11:30 PM Parent: #87
الازدحام المروري في العاصمة المثلثة في أوقات الذروة يعيق التواصل ويهدر الوقت، لذلك تحركنا من الرميلة قبل ثلاث ساعات بالضبط اَي في الثالثة والنصف ظهرا.
بعد اكثر من نصف ساعة من الانتظار ، عطف علينا شاب شيوعي كما اتضح لنا لاحقا من حديثه عن التعذيب البشع الذي تعرض له تحت إشراف ضابط امن هارب الى الامارات.
ركبنا انا ونزار شقيقي الدفار مع نغمات عقد الجلاد وتحدثنا عن الثورة وحدثنا الشاب الشيوعي عن حميد ومحجوب شريف ووالدة الشاعر ابي ذر الغفاري،
ثم كلمنا عن حفل احياء ذكرى مصطفى سيد احمد التي سيحضرها احدى أيقونات المرحلة الانتقالية : حمدوك.
وابلغنا كذلك ان بصا سيتحرك يوم الجمعة للمشاركة في الذكرى السنوية لرحيل مصطفى سيد احمد، فاستأذنه نزار في ان يكتب رقم تليفونه اذا قررنا الانضمام الى البص ، فلبى الشاب الشيوعي طلبه بوافر الأريحية والأدب الجم.
للمفاجأة السعيدة كان الحفل النهاري لمجموعة عقد الجلاد !!!!
Post: #89 Title: Re: الشاعر اسامة الخواض في قندهار يستمع لي كي Author: osama elkhawad Date: 01-14-2020, 08:31 AM Parent: #88
حفل عقد الجلاد النهاري سيكون غدا الاربعاء في المكتبة القبطية والتي تذكرنا بخرطوم وليم أندريا وازدهار فرق الجاز الموسيقية في السبعينيات.
سيبدا الحفل في الثالثة ظهرا.
رسم الدخول ٢٠٠ جنيه غير القطع هههه
فقط ٢٠٠ جنيه وسنكون من حضوره باذنه تعالى.
كيف ستكون عقد الجلاد بدون عثمان النو؟؟
نواصل مع بقية رحلتنا ذات المراحل المتعددة الى مركز عبدالكريم ميرغني الثقافي.
Post: #90 Title: Re: الشاعر اسامة الخواض في قندهار يستمع لي كي Author: osama elkhawad Date: 01-14-2020, 02:24 PM Parent: #89
أتمنى الا يتسبب القتال ببن الدعم السريع والأمن في إلغاء حفل عقد الجلاد النهاري.
كما قلنا ساهم الازدحام المروري في تحجيم علاقات وجه لوجه، لذا ازدهرت العلاقات الهاتفية والواتسابية،
وربما ان الحفلات النهارية هي نتاج ذلك الازدحام المروري،
بل ان ندوة المركز قد اختصر زمنها كما قال مدير الندوة بسبب المواصلات.
Post: #91 Title: Re: الشاعر اسامة الخواض في قندهار يستمع لي كي Author: Osman Musa Date: 01-15-2020, 09:36 AM Parent: #90
الاخ اسامة سلامات . لا لا الحفل قايم قايم . ثوار عقد الجلاد طالعين عتبات المسرح في الموعد . والخرطوم الزينة حتغني معاهم اغاني المدنية والثورة واي حاجة .
Post: #92 Title: Re: الشاعر اسامة الخواض في قندهار يستمع لي كي Author: osama elkhawad Date: 01-15-2020, 12:00 PM Parent: #91
الساعة تقريباً الواحدة طهرا ياعثمان ستتوجه لحضور حفل واحدة من أساطيرنا الثقافية المعاصرة؛
عقد الجلاد.
Post: #93 Title: Re: الشاعر اسامة الخواض في قندهار يستمع لي كي Author: Osman Musa Date: 01-15-2020, 12:45 PM Parent: #92
اكيد يا اخ اسامة الجماهير عطشانة لي تفانين عقد الجلاد . ياريت يا اسامة لو فرقة عقد الجلاد تفكر في اقامة حفلات في مسارح مفتوحة . زي حفلات التايم اسكوير في نيويورك . ياريت لو يقيموها كل عام في فسحات قندهار .
Post: #94 Title: Re: الشاعر اسامة الخواض في قندهار يستمع لي كي Author: Osman Musa Date: 01-15-2020, 04:05 PM Parent: #93
زمن طويل في الغربة كان الواحد محروم من زي دي ملمات . مركز عبدالكريم ميرغني الرحيب ضاق بي حضور المهتمين والمهتمات بالتعليم وبالثقافة . في مناسبة تدشين الكتاب الجديد للدكتور احمد عوض احمد البشير . الكتاب بعنوان (الدولة المدنية السودانية تحدي الوعي ورهان التعليم )
Post: #95 Title: Re: الشاعر اسامة الخواض في قندهار يستمع لي كي Author: osama elkhawad Date: 01-15-2020, 11:03 PM Parent: #94
انتهت المرحلة الاولى لبلوغ م ع م الثقافي عند جامعة النيلين حينما غادرنا الشاب الشيوعي ورمى في سلال ذاكرتنا تداعياته الموجعة: تم اعتقالي ٨ مرات، حين كنت أقوم بتعليق ملصقات على تدعو الشعب الى الاعتصام امام القيادة اصر رجل ستيني على المشاركة في تعليق الملصقات، فحاولت أثناءه عن ذلك بحجج كثيرة لكنه اصر على القيام بواجبه الثوري، وانتهى عملنا ونحن نقترب من الغروب وشارع النيل، وحين نشدنا قسطا من الراحة، التف حولنا رجال امن يبدو انهم قد نما الى علمهم حديث الملصقات، فأرسلوا جسدينا الى عربتهم وقاموا بعصب اعيننا وانطلقت بنا العربة الى جهة مجهولة، بعد فترة سمعت صوت طيارة فهمست لرفيقي اننا في مطار ﺍﻟﺨﺮﻃﻮﻡ.
تم إنزالنا واقتيادنا الى حجرة ثم بدا الضرب، من خبرتي مع الضرب حاولت حماية راسي وكليتي، اما رفيقي الستيني فقد اوجعه الضرب المبرح وصرخ مستغيثا عليكم الرسول، عليكم النبي، عليكم البشير؛ فانفجرت ضاحكا ونسيت المي، فصرخ الستيني مبررا: الرسول مش اسمو البشير برضو؟
في مرة ثانية تم تجريدي من كل ملابسي ماعدا سروالي وبعد ذلك تم اجلاسي على كرسي حديد وربط يدي وتقييد ساقي برجلي الكرسي مع عصب عيني وربط جسمي بجهاز ما يقيس ضغطي بعدتوجيه صدمات كهربية لجمجمتي. جعلتني تلك الصدمات بعد فترة افقد القدرة على تكوين ابسط الجمل، فانا اعرف ما ينبغي قوله لكنني اعجز عن انتاج الكلمات التي تعبر عن ذلك المعنى.
وفي مرة ثالثة حاولت مقاومة رجال امن قدموا لاعتقالي بان وجهت بونية لأحدهم، فأصر بعد اعتقالي بان ينتقم لتلك اللكمة بعد ان قيدوني وعصبوا عينيي وقام بلكمي الى ان كسر انفي وأحدث شجا مازالت ندوبه واضحة، ثم قام بركلي مع اخرين بشكل همجي جعلت احدهم يتدخل صارخا: ثابت ياملازم ، ثابت ياجندي، فتوقف الركل وأزيلت العصابة عن وجهي، لاكتشف ان جارنا هو صاحب الصرخة، وأنه عقيد في جهاز الامن !!!
Post: #96 Title: Re: الشاعر اسامة الخواض في قندهار يستمع لي كي Author: خضر الطيب Date: 01-16-2020, 00:42 AM Parent: #95
احتفالية تدشين كتاب الدكتور احمد عوض احمد البشير الدولة المدنية السودانية - تحدي الوعي و رهان التعليم بحضور الدكتور احمد الصادق و الدكتور حيدر ابراهيم و الشاعرين زملاء المنبر اسامة الخواض و عثمان موسى و بعض الحضور الكريم بمركز عبد الكريم ميرغني
https://www.0zz0.com
Post: #97 Title: Re: الشاعر اسامة الخواض في قندهار يستمع لي كي Author: خضر الطيب Date: 01-16-2020, 00:46 AM Parent: #96
الخواض و الناقد نادر السماني و ضحكة ذي الضحكة ضحكة الفرح المهاجر https://www.0zz0.com
Post: #98 Title: Re: الشاعر اسامة الخواض في قندهار يستمع لي كي Author: خضر الطيب Date: 01-16-2020, 00:49 AM Parent: #97
الدكتور النور حمد و الدكتور احمد الصادق و الدكتور حيدر ابراهيم و زملاء المنبر الشاعرين الخواض و عثمان موسى
https://www.0zz0.com
Post: #99 Title: Re: الشاعر اسامة الخواض في قندهار يستمع لي كي Author: امتثال عبدالله Date: 01-16-2020, 01:58 AM Parent: #98
الاستاذ اسامة الخواض قرات تعليقك الاخير عن تجربة اعتقالك وتعذيبك في مكاتب جهاز الامن، ولم اكن اعرف من قبل انك كنت من الثوار الذين ناضلوا ايام الاعتصامات في الخرطوم وتعرضت لكل هذا التعذيب والاعتقالات من اجل سودان ديمقراطي وخال من اللصوص والحرامية،،، وعندك حق تضحك هكذا من الاعماق بعد ما زال عهد الهم والغم ونظام اللصوص والحرامية وسفاكين الدماء ،،، والله انت تستاهل يعزموك كل يوم في قندهار ، وكل يوم خروف محشي بالمكرونة بالباشميلا ، وشية سلات وارد بورتسودان،،، ولك ولامثالك من المناضلين الثوار ضد الظلم والقهر التحيات النواضر وفائق التقدير والاحترام امتثال
Post: #100 Title: Re: الشاعر اسامة الخواض في قندهار يستمع لي كي Author: خضر الطيب Date: 01-16-2020, 05:41 AM Parent: #99
خواض في بحر النغم و فرقة عقد الجلاد و طبعاَ بدون حبيبنا عثمان النو و بعض اعضاء الفرقة القدامى
Post: #101 Title: Re: الشاعر اسامة الخواض في قندهار يستمع لي كي Author: mohmmed said ahmed Date: 01-16-2020, 05:49 AM Parent: #100
الليلة يا اسامة قمصانك الافريقية السمحة دى حتكون هدف للحملة القادمة هههه بهظر
استمتع بوجودك فى السودان بداية شهر فبراير فى مهرجان مسرح فى مركز عبد الكريم ميرغنى
Post: #102 Title: Re: الشاعر اسامة الخواض في قندهار يستمع لي كي Author: Osman Musa Date: 01-16-2020, 06:51 AM Parent: #101
اخونا محمد سيد احمد سلامات زولك الخواض بين المصورات في كبوشية ومركز عبدالكريم ميرغني وعقد الجلاد وليمون الجامعة يستعيد ذكريات الخرطوم القديمة .
Post: #103 Title: Re: الشاعر اسامة الخواض في قندهار يستمع لي كي Author: osama elkhawad Date: 01-16-2020, 09:54 AM Parent: #102
اهلًا استاذة ابتهال
تجربة الاعتقال تعرض لها من سميته الشاب الشيوعي الذي أكرمنا بتوصيلنا الى جامعة النيلين في رحلتنا متعددة المراحل. الى م ع م الثقافي.
شكرا للصور ياخضر وخليك جاهز لصور حفلة عقدالجلاد.
يا محمد حتقول تلك العقلية مفروض البس ما يليق بشاعر يكتب بالعربية هههه
مساهمتي في هذا البوست بناء على اقتراح النذير بان أواصل بطريقة بوست سابق بعنوان رأيت ﺍﻟﺨﺮﻃﻮﻡ ، وستكون في الحد الأدنى لمهارتي في الكتابة لمشقة وعنت الكتابة الموبايلية وستتم بعد ذلك اعادة كتابة جذرية لها في وقت لاحق.
Post: #104 Title: Re: الشاعر اسامة الخواض في قندهار يستمع لي كي Author: امتثال عبدالله Date: 01-16-2020, 10:03 AM Parent: #103
معليش فهمت غلط،، ولكن مواقفك الصلبة معروفة ضد نظام اللصوص والحرامية ،،، ابتهال برضه اسم جميل ، ولكن امتثال اجمل هههههه وكل سنة وانت طيب ، والسودان طيب ومعافى وخال من اللصوص والحرامية
Post: #106 Title: Re: الشاعر اسامة الخواض في قندهار يستمع لي كي Author: Osman Musa Date: 01-18-2020, 09:13 AM Parent: #101
اخونا محمد سيد احمد وانشاءالله باكر الاحد موعدنا في مركز راشد دياب لحضور افتتاح معرض الفنان الكبير منعم حمزة . الفنان العايد من النرويج بعد الهجرة الطويلة . غايتو شايفين البلد شوية شوية بتاخد نفس بعد ما ناس الطيب مصطفي كانوا مكمكمنها . ومقطعنها النفس .
Post: #115 Title: Re: الشاعر اسامة الخواض في قندهار يستمع لي كي Author: Osman Musa Date: 01-19-2020, 05:35 PM Parent: #101
خزان الجبل مفروض يكون من الاماكن المهمة للسياحة .
Post: #117 Title: Re: الشاعر اسامة الخواض في قندهار يستمع لي كي Author: Osman Musa Date: 01-20-2020, 03:05 PM Parent: #101
يقف اليوم السودان تحية لذكري الاستاذ محمود محمد طه .
Post: #105 Title: Re: الشاعر اسامة الخواض في قندهار يستمع لي كي Author: Osman Musa Date: 01-16-2020, 12:02 PM Parent: #100
عقد الجلاد تطور ملحوظ في الموسيقي وطريقة الغناء والمظهر . اعمال تستحق التقدير والاحترام
Post: #107 Title: Re: الشاعر اسامة الخواض في قندهار يستمع لي كي Author: خضر الطيب Date: 01-18-2020, 02:00 PM Parent: #105
صور عقدالجلاد نزلتها امس في الصفحة الاولى و لسة عندي صور لفعاليات تانية يا ود موسى خواض لازم يتخارج من السودان انا قلبي على الثروة الحيوانية و الثروة السمكية ههههههههه
Post: #108 Title: Re: الشاعر اسامة الخواض في قندهار يستمع لي كي Author: خضر الطيب Date: 01-18-2020, 02:05 PM Parent: #107
تلاقي القمم الشاعر اسامة الخواض و الشاعر محمد طه القدال صنو الشاعر محمد الحسن سالم حميد
https://www.0zz0.com
Post: #109 Title: Re: الشاعر اسامة الخواض في قندهار يستمع لي كي Author: خضر الطيب Date: 01-18-2020, 02:32 PM Parent: #108
خواض في بيت النغم في بيت العود https://www.0zz0.com
Post: #110 Title: Re: الشاعر اسامة الخواض في قندهار يستمع لي كي Author: خضر الطيب Date: 01-18-2020, 02:41 PM Parent: #109
خواض لا خلى ثروة حيوانية و لا ثروة سمكية و لا اي فعالية مرقا في جبل اولياء دا كلو منك يا ود موسى هههههههه حباَ لكم يا جميلين انجوي https://www.0zz0.com https://www.0zz0.com
Post: #120 Title: Re: الشاعر اسامة الخواض في قندهار يستمع لي كي Author: Osman Musa Date: 01-21-2020, 10:39 AM Parent: #100
مرحب بنتنا امتثال في قندهار
Post: #121 Title: Re: الشاعر اسامة الخواض في قندهار يستمع لي كي Author: Osman Musa Date: 01-22-2020, 10:58 AM Parent: #100
اخونا خضر يا سلام عليك علي مجهوداتك المتواصلة في دعم البوست بالصور والمتابعة . الف شكر ليك يا مك
Post: #118 Title: Re: الشاعر اسامة الخواض في قندهار يستمع لي كي Author: Osman Musa Date: 01-21-2020, 05:52 AM Parent: #99
اليومين دي الملمات الثقافية في العاصمة تشتعل وشاعرنا الكبير الخواض يستمتع بجمال المعارض و الاحتفاليات والنقاشات والغناء ومقابلات الاصدقاء والمعارف .
Post: #141 Title: Re: الشاعر اسامة الخواض في قندهار يستمع لي كي Author: Osman Musa Date: 01-29-2020, 10:14 AM Parent: #99
الاخ الفنان خضر سلام ومشكور كتير علي القيام والوقوف علي البوست . كتر خيرك
Post: #207 Title: Re: الشاعر اسامة الخواض في قندهار يستمع لي كي Author: Osman Musa Date: 12-21-2020, 07:37 PM Parent: #141
نتابع
Post: #208 Title: Re: الشاعر اسامة الخواض في قندهار يستمع لي كي Author: osama elkhawad Date: 12-21-2020, 08:37 PM Parent: #207
يا ابا ريل
سلام عليك
واحدة من فوائد هذا البوست العامر،علّمتنا اياه السيدة كورونا واخواتها من الفيروسات:
متعة وعظمة اللقاء وجهًا لوجه مع الاصدقاء والاحباء.
Post: #111 Title: Re: الشاعر اسامة الخواض في قندهار يستمع لي كي Author: Osman Musa Date: 01-18-2020, 04:25 PM Parent: #1
ليالي الخرطوم مزدحمة بالبرامج الثقافية
Post: #112 Title: Re: الشاعر اسامة الخواض في قندهار يستمع لي كي Author: osama elkhawad Date: 01-18-2020, 04:55 PM Parent: #111
عذرا للغياب وايضا لامتثال.
الصور استبقت التوثيق لها بدلا عن مزامنته، وفي كل خير.
رسالة نصية نجحت في الوصول الى الصديق والشاعر القدال بعد بحث مضن، فكان ان اقترح ان نلتقي في قاعة الصداقة لحضور حفل نصير شمة وثلاثي برشلونة في مساء الجمعة ١٧ يناير، وانطلقنا الى القاعة: شقيقتي الوحيدة هبة والسايق الشقيق الأصغر نزار وكاتب المداخلة.
Post: #113 Title: Re: الشاعر اسامة الخواض في قندهار يستمع لي كي Author: mohmmed said ahmed Date: 01-19-2020, 04:59 AM Parent: #112
يا سلام اسامة وصلت حلتنا وانا مافى كان عزمتك سمك رهيب فى استراحة هدى وفى الليل نعمل ليك قعدة بالهادى حامد وامسية شعرية فى نادى الجهاد ونعزم عاطف وفاتح السفورى
Post: #114 Title: Re: الشاعر اسامة الخواض في قندهار يستمع لي كي Author: osama elkhawad Date: 01-19-2020, 12:56 PM Parent: #113
منظر الخزان جميل ويمكن بتخطيط بسيط يا محمد يصبح أيقونة سياحية.
اشترينا السمك طازجه ومثلجه من الجانب الاخر لاستراحة هدى، ثم عدنا الى الاستراحة.
Post: #116 Title: Re: الشاعر اسامة الخواض في قندهار يستمع لي كي Author: mohmmed said ahmed Date: 01-20-2020, 09:16 AM Parent: #114
سلام المشاء خزان الجبل وما ادراك ما الخزان عادة استمرت عشرات السنيين فى ايام الاعياد نهرع الى الخزان للترفية وفى اجازات شم النسيم والعطلات الرسمية والاجازات الاسبوعية ابتكرنا احتفال اقامة سوق خيرى فى الخزان لصالح مشروعات خدمية زى صيانة وبناء عنبر فى المستشفى وصيانة المدارس ودعم نشاطنا الرياضى ودعم اتحاد الشباب السودانى كنت من اوائل من فكر فى الاسواق الخيرية فى الخزان...بتعاون من ادارة الرى المصرى يسمحو لنا بنصب الخيام واقامة الالعاب والمسابقات بمقابل مادى زمان كان مجانى وفى هذه الايام بمبالغ مع الححجز المبكر منطقة الرى المصرى كانت مكان جذب سياحى بالاستراحات النظيفة الجميلة والشوارع المظللة باشجار اللبخ فى يوم واحد كانت هناك عشرات الرحلات من العاصمة الجامعات والفنيين والاسر استمعنا لمنى الخير وجاز العقارب والفرقة الصومالية وعبد العزيز المبارك والبلابل ومحمد وردى فى استراحات الرى المصرى وشاهدنا لعيبة المريخ والهلال والموردة وبرى والفريق القومى اذكر فى احدى الايام تصادف ان استمعنا لغناء مجذوب اونسة فى استراحة وفى الاستراحة الثانية يغنى الهادى حامد وفى رحلتنا قرا لنا الشاعر الكبير الراحل جيلى عبد الرحمن الشعر
وانا فى انتظار انطباعاتك عن الرحلة للجبل
...
Post: #122 Title: Re: الشاعر اسامة الخواض في قندهار يستمع لي كي Author: osama elkhawad Date: 01-22-2020, 10:45 PM Parent: #116
شكرا محمد على مداخلتك الغنية وسأكتب عنها وعن الجبل بعد وصولي امريكا، لان الكتابة الموبايلية مرهقة.
اما عن الصور فهي غير واضحة تماماً ويظهر فقط رابط ما.
اما عن الفيديو الذي يظهر فيه القدال والراحل المقيم حميد؛ فانا لست حاضرا فيه.
لم اجتمع بحميد منذ ١٩٨٦.
Post: #123 Title: Re: الشاعر اسامة الخواض في قندهار يستمع لي كي Author: osama elkhawad Date: 01-23-2020, 10:28 AM Parent: #122
اشكرك يا خضرعلى تضامنك. مع الثروة الحيوانية والسمكية،
بعدين انا ما براي معاي قسم من السلالة الخواضية بمختلف أجيالها الشابة والأخرى المشرفة على الانقراض ههه
شكرا على روحك. المرحة. المتطلعة. لكل جديد في عالم اللحوم. ههههه
Post: #124 Title: Re: الشاعر اسامة الخواض في قندهار يستمع لي كي Author: Osman Musa Date: 01-24-2020, 11:25 AM Parent: #1
الاخ خضر سلام الصور في الطريق
Post: #125 Title: Re: الشاعر اسامة الخواض في قندهار يستمع لي كي Author: نعمات عماد Date: 01-25-2020, 07:57 AM Parent: #124
تحية و ترحيب، و لو متأخر، بالمشاء في الخرطوم.
بالله أ. عثمان موسى شاعر كبير؟ دا يفسر جمال كل البوستات.
Post: #126 Title: Re: الشاعر اسامة الخواض في قندهار يستمع لي كي Author: خضر الطيب Date: 01-25-2020, 09:16 AM Parent: #125
مرحب بيك استاذنا الخواض
Quote: اشكرك يا خضرعلى تضامنك. مع الثروة الحيوانية والسمكية،
بعدين انا ما براي معاي قسم من السلالة الخواضية بمختلف أجيالها الشابة والأخرى المشرفة على الانقراض ههه
شكرا على روحك. المرحة. المتطلعة. لكل جديد في عالم اللحوم. ههههه
كيف ما اخاف على الثروة السمكية و الحيوانية بعد الشايفو دا ؟ ههههههه سعيد بوجودك انت و عثمان و باقي السلالة و الاصحاب و الذكريات في السودان و الله اتمنيت اكون معاكم لاني عارف احساسك وانت في السودان اريتو حالي واضح من خلال ضحكتك و فرح الاصحاب بيك اتمنى ليك اقامة طيبة يا حبيب انت و باقي الصحاب
Post: #127 Title: Re: الشاعر اسامة الخواض في قندهار يستمع لي كي Author: osama elkhawad Date: 01-25-2020, 12:59 PM Parent: #126
اهلًا بخضر هذا البوست مخصص لرحلة الروح في الوطن العزيز في المساحة التي تختصرها العبارة المحورة؛ ليس باللحم وحده يحيا الفنان هههه
أمس كنّا مع زملاء الدراسة في كبوشية الوسطى نهارا، وخريجي بلغاريا ليلا.
ومساء اليوم السبت موعودون بالنغم والشعر والخبز،
تفاصيل اوفى غدا.
Post: #129 Title: Re: الشاعر اسامة الخواض في قندهار يستمع لي كي Author: osama elkhawad Date: 01-26-2020, 06:21 PM Parent: #127
كرامة ثقافية: باقتراحه المبدع وعلاقاته الفنية، حول اخي الأصغر نزار (الكرامة) التقليدية الى فعالية فنية تجاور فيها المفهوم التقليدي للكرامة مع القراءات الشعرية والنغم الشجي في جو اسري جمع اطياف السلالة الخواضية والأصدقاء والجيران.
شارك بالقراءات الشعرية كل محمد القدال وعثمان موسى وموسى ابراهيم عيسى.
وتبادل الغناء صديق والشفيع.
كان الحضور الكريم متحلقا حول الأطراف الأربعة لمسبح مجمع الرواد السكني.
Post: #155 Title: Re: الشاعر اسامة الخواض في قندهار يستمع لي كي Author: Osman Musa Date: 02-07-2020, 04:05 PM Parent: #127
سلامات شاعرنا الكبير امس صاحبك الكاتب المسرحي الكبير انس عبدالمحمود كان بيتكلم معاي ساعة مكتبتك في المنبر . وزعلان انو ما قابلك بي سبب المواصلات والملاريا .
Post: #177 Title: Re: الشاعر اسامة الخواض في قندهار يستمع لي كي Author: Osman Musa Date: 02-28-2020, 01:50 PM Parent: #155
نرفع الأكف بالدعاء للأمة الصينية بعبور المحنة و عاجل الشفاء لعموم المصابين في العالم .
Post: #178 Title: Re: الشاعر اسامة الخواض في قندهار يستمع لي كي Author: osama elkhawad Date: 03-03-2020, 06:25 AM Parent: #177
من "جراب" الرحلة الاخيرة:
قبل قليل كنت أقرأ كتاب "اسفار استوائية-رحلات في قارة افريقيا" للكاتب السوداني :عثمان حسن احمد.
صادفت مؤلف الكتاب في رحلتي الاخيرة الى مكتبة "المصورات" للتزوّد بالكتب ، قبل أن نواصل رحلتنا لحفل عركي النهاري في قصر الشباب والاطفال.
وتسالمنا واصرّ عثمان على أن يهديني كتابه، موقّعا بكلمات منه: "د. اسامة الخواض : ارجو ان تجد فيه ما يمتعك"..
لا ادري من سرّب الى أذهان العالم أن من يجيد معرفة ما، هو بالضرورة نتاج المؤسسة الاكاديمية؟؟
المهم في هذا الكتاب تعرّفت لاول مرة على اسم مغنٍ اثيوبي هو تيدي افرو، واعجبتني أغنيته عن اثيوبيا المترجمة للعربية:
Post: #179 Title: Re: الشاعر اسامة الخواض في قندهار يستمع لي كي Author: osama elkhawad Date: 03-03-2020, 10:46 PM Parent: #178
نبسط ترجمة أغنية تيدي افرو الجميلة المؤثرة "أثيوبيا":
ترجمة| مويا تولا
تدقيق ومساعدة في الترجمة| عبد الله رضوان من فريق شبكة إثيوبيانا
كلمات الأغنية|
حتى لو عشت ثم مت سأحكي عن أمي عن هذه الأرض هي احترامي أيا بلادي…..
كم هم أولئك الذين ماتوا وهم ساهرون يحرسونك.. عند غزو المعادي من وراء البحار.
يا بلاد الشجعان،، يا أثر أقدام آدم (أب البشرية).
ايتها البلاد التي ينادى اسمها في الجنة. وبصرف النظر عمن يرى علمك وهو يرفرف عاليا في السماء من ذَا الذي يسكت عندما يسمع اسمك يذكر وبصرف النظر عمن يرى علمك وهو يرفرف عاليا في السماء عندما تذكر : إثيوبيا من ذَا الذي سيسكت!
بقوس قزح تزهو السماء محيطة نفسها بألوان علمك “علم إثيوبيا” ختمك مطبوع ليس فقط في العالم الحاضر فحسب بل أيضا منذ زمن حضارة أريام
أيتها البيت المحروس بقمم جبال أكسوم إذا ظهر في السماء لون من الألوان، ، فهو لونها وليس لون غيرها
هي قائدة الزمن القادم،، المستقبل،، حتى لو وصمها العالم اليوم بالتخلف! دعوني أنادي اسمها مرة بعد أخرى،، أليس معنى إثيوبيا بالنسبة لي هو اسمي! حتى لو نقص الطعام،، فهل تُستبدَلُ الأم بغيرها!؟
سأظل متسمكا بها،، هي الأم لن أقطع أملي بها.
حتى قبل أن يوفيها حقها الناس،، أليسوا يرددون اسمها عندما يسمعون المنادي باسمها: (إثيوبيا!)
أنتِ من ذرية الملك سليمان التي نبتت أوراقها بدموع القديسين لاسمك في منزلة غيون في الجنة تزهو السماء بألوان علمك القوس قزحية
سمعتك لا تتحدد بتراثك وكنائسك وآثارك التاريخية حتى النبي محمد (ع.س) نظر إليك عن بعد وقال لا تمسوا الحبشة.
للشمال للجنوب للشرق وللغرب ليبسط ثراك في كل اتجاه لتبتعد
لتبتعد عن أرضك المعاناة
ليكتمل ليكتمل ثراك
Post: #180 Title: Re: الشاعر اسامة الخواض في قندهار يستمع لي كي Author: osama elkhawad Date: 03-05-2020, 06:27 AM Parent: #179
نعود مرة اخرى الى نصير شمة وبيت العود السوداني.
يتحّدث الكتيب المخصّص لبيت العود -الخرطوم قائلا:
Quote: تنضم العاصمة السودانية الخرطوم في يناير 2020 م إلى قائمة العواصم العربية التي تحتضن مشروع بيت العود، برعاية كاملة من مجموعة دال وبإشراف مباشر من الموسيقار العالمي نصير شمّة.
ثم يتم الحديث عن اهداف بيت العود الخرطوم:
Quote: بيت العود- الخرطوم يطمح لأن يكون مركزاً للثقافة والموسيقى في افريقيا. وسيتميّز المركز بمنهج خاص يقوم على السلم الخماسي الذي يميّز الموسيقى السودانية.
وسيتم تضمينه لاحقاً لمناهج بيت العود الأخرى في القاهرة، أبوظبي، بغداد والاسكندرية، حسب ما صرّح به الاستاذ نصير شمّة.
ثم يواصل الكتيب:
Quote: كما يهدف المركز لتدريب الموسيقيين السودانيين وتطوير قدراتهم وتقديمهم للمسارح العالمية وإنتاج مؤلفات موسيقية خاصة بهم.
بعد ذلك يسافر بنا الكتيب في رحلة عبر الماضي ، ليسرد ما قدمته مجموعة دال تقديرا لموسيقى العود.
فمجموعة دال :
Quote: أقامت من قبل عدة فعاليات وأمسيات موسيقية للاحتفاء بموسيقى العود ، ثم عمدت في السنوات الأخيرة إلى إقامة مهرجان دوري للعود تشارك فيه فرق موسيقية من مختلف أنحاء العالم.
ثم يواصل الكتيب:
Quote: جدير بالذكر أن مجموعة دال قد قامت في العام 2014 بابتعاث طلاب سودانيين إلى بيت العود في القاهرة في منحة امتدت لعامين لدراسة موسيقى العود مع الموسيقار العالمي نصير شمة.
وسينضم اثنان منهم لطاقم التدريس ببيت العود-الخرطوم.
Post: #181 Title: Re: الشاعر اسامة الخواض في قندهار يستمع لي كي Author: osama elkhawad Date: 04-07-2020, 01:08 PM Parent: #180
عزيزي عثمان
سلامات
كيف تبدو قندهار في زمن الكورونا؟؟
Post: #128 Title: Re: الشاعر اسامة الخواض في قندهار يستمع لي كي Author: Osman Musa Date: 01-26-2020, 05:18 PM Parent: #1
ليلية الترحاب بالاخ الخواض كانت ليلية بديعة ابدع فيها شاعرنا المتفرد القدال والاخوان الفنانين . لهم جميعا الشكر الجزيل
Post: #130 Title: Re: الشاعر اسامة الخواض في قندهار يستمع لي كي Author: ترهاقا Date: 01-27-2020, 03:08 AM Parent: #128
العزيز عثمان موسى الشكر الكثير لاستضافتك الكريمة لصديقي الاديب العزيز أسامة الخواض، عمه الخواض كان ليهو حكايات في نادي الفنانين وكان عازف كمان من الطراز الاول ، بس كان بتاع مقالب يشيب لها الولدان . ساخر من من طراز نادر
Post: #131 Title: Re: الشاعر اسامة الخواض في قندهار يستمع لي كي Author: خضر الطيب Date: 01-27-2020, 04:43 AM Parent: #130
سعيد انا لي سعادتك حبيبنا خواض و سعادة حبيبنا ود موسى و سعادة اسرتك و محبيك من الرفاق
Quote: اهلًا بخضر هذا البوست مخصص لرحلة الروح في الوطن العزيز في المساحة التي تختصرها العبارة المحورة؛ ليس باللحم وحده يحيا الفنان هههه
أمس كنّا مع زملاء الدراسة في كبوشية الوسطى نهارا، وخريجي بلغاريا ليلا.
ومساء اليوم السبت موعودون بالنغم والشعر والخبز،
تفاصيل اوفى غدا.
هي فعلاَ رحلة الروح و كم تمنيتها قال درويش ان اعادوا لك المقاهي القديمة فمن يعيد لك الرفاق انت محظوظ قد وجدت الرفاق تحياتي ليهم عبرك
Post: #132 Title: Re: الشاعر اسامة الخواض في قندهار يستمع لي كي Author: Osman Musa Date: 01-27-2020, 03:31 PM Parent: #131
الأخ خضر سلام وشكر ارجو وضع فيديوهات الشعر لو سمحت ظروفك
Post: #134 Title: Re: الشاعر اسامة الخواض في قندهار يستمع لي كي Author: ابو جهينة Date: 01-28-2020, 04:42 PM Parent: #132
تحياتي خضر
والتحية عبرك للاستاذ القامة اسامة
متابعين هذا البوست الثر
دمتم
Post: #135 Title: Re: الشاعر اسامة الخواض في قندهار يستمع لي كي Author: خضر الطيب Date: 01-28-2020, 06:13 PM Parent: #134
الشاعران محمد طه القدال و عثمان عبد الرحيم موسى و الاحتفاء بالشاعر اسامة الخواض
https://top4top.io/ https://top4top.io/
الشاعر محمد طه القدال
زميل المنبر الشاعر عثمان موسى
Post: #136 Title: Re: الشاعر اسامة الخواض في قندهار يستمع لي كي Author: mohmmed said ahmed Date: 01-29-2020, 05:09 AM Parent: #135
قميصك خطير يا اسامة
Post: #137 Title: Re: الشاعر اسامة الخواض في قندهار يستمع لي كي Author: خضر الطيب Date: 01-29-2020, 05:15 AM Parent: #136
Quote: قميصك خطير يا اسامة
يا ريت يا خواض ترسل واحد قميص للاستاذ محمد سيد احمد انا شايف الجلابية مناسبة معاك يا محمد لانو قبل كم سنة شفتك بيها في نادي الجسرة في الدوحة كنت انت في المنصة متحدث عن ذكرى مصطفى سيد احمد
Post: #138 Title: Re: الشاعر اسامة الخواض في قندهار يستمع لي كي Author: mohmmed said ahmed Date: 01-29-2020, 05:21 AM Parent: #137
سلام يا خضر بالله انت كنت هناك طيب ما سلمت على ليه
القمصان عندى منهم تلاتة كل سنة بمشى القرية الافريقية فى القرية العالمية فى دبى وبشترى منتظر البرد يروح واقشر بيهم نهاية فبراير مهرجان ايام الشارقة المسرحية كل يو بلبس واحد
Post: #139 Title: Re: الشاعر اسامة الخواض في قندهار يستمع لي كي Author: خضر الطيب Date: 01-29-2020, 05:51 AM Parent: #138
Quote: سلام يا خضر بالله انت كنت هناك طيب ما سلمت على ليه
القمصان عندى منهم تلاتة كل سنة بمشى القرية الافريقية فى القرية العالمية فى دبى وبشترى منتظر البرد يروح واقشر بيهم نهاية فبراير مهرجان ايام الشارقة المسرحية كل يو بلبس واحد
سلمتا عليك و الله يا محمد و انا كنت يا داب جاي من بريطانيا و كانت دي اول فعالية احضرها بدعوة كريمة من الاصحاب وقتها عرفك علي بدر الدين الأمير و الكلام دا كان بعد ما نزلتا من المنصة مباشرة وانا كنت قريب و لابس بدلة سوداء كنت رائع في المنصة و عرفتك من اسمك و من صورتك في سودانيز لكن الظاهر انحنا كبرنا .. ما ح اقول انت الكبرتا :)
Post: #140 Title: Re: الشاعر اسامة الخواض في قندهار يستمع لي كي Author: خضر الطيب Date: 01-29-2020, 05:54 AM Parent: #139
Quote: القمصان عندى منهم تلاتة كل سنة بمشى القرية الافريقية فى القرية العالمية فى دبى وبشترى منتظر البرد يروح واقشر بيهم نهاية فبراير مهرجان ايام الشارقة المسرحية كل يو بلبس واحد
اذن امورك واضحة لكن البرد عندنا هنا بنتهي شهر اربعة يا خواض رسل لي القميص انا :)
Post: #142 Title: Re: الشاعر اسامة الخواض في قندهار يستمع لي كي Author: osama elkhawad Date: 01-29-2020, 08:31 PM Parent: #140
تحياتي لنعمات وإرهاقا وابوجهينة على عبارات الترحيب الودودة.
هذه يا محمد وخضر رحلة القمصان الأفريقية التي لم اعثر ولو على قميص واحد منها في رحلتي الاولى.
اليوم الاربعاء حضرنا حفلا نهاريا لأبوعركي البخيت في ساحة قصر الشباب والأطفال،
ولَم نتمكن من حضور ندوة بدار اتحاد الكتاب السودانيين لتدشين رواية جديدة لاستيلا تقام في الرابعة ظهرا،
ولن نتمكن من حضور فعالية ليحي فضل الله يوم الجمعة في بيت التراث نسبة لعودتي في نفس اليوم الى امريكا،
كما سيفوتنا حفل تدشين ديوان شعري جديد لفضيلي جماع في الرابع من فبراير.
Post: #143 Title: Re: الشاعر اسامة الخواض في قندهار يستمع لي كي Author: خضر الطيب Date: 01-30-2020, 01:18 AM Parent: #142
شاعرنا الجميل الخواض خواض في قندهار خواض في بحر النغم وحفلة عقد الجلاد خواض في مركز عبد الكريم ميرغني خواض برفقة الشاعرين القدال و ود موسى خواض في محل الفول خواض في حفلة عركي و غيرها من الفعاليات رغم ضيق الزمن اراك يا عزيزي قد تشبعت بهذه الروعة و ما زلت تتعطش لمزيد من الفعاليات اتمنى ليك اقامة طيبة و اتمنى لما ترجع بالسلامة ان تكتب لنا انطباعاتك عن هذه الرحلة محبتي يا مبدع
Post: #144 Title: Re: الشاعر اسامة الخواض في قندهار يستمع لي كي Author: Osman Musa Date: 01-31-2020, 04:12 PM Parent: #143
شاعرنا الكبير يودع مساء اليوم الخرطوم بالدموع. ارجو لك سلامة العودة
Post: #145 Title: Re: الشاعر اسامة الخواض في قندهار يستمع لي كي Author: خضر الطيب Date: 02-01-2020, 01:42 AM Parent: #144
حفظ الله شاعرنا الكبير اسامة الخواض في حِله و ترحاله
Post: #146 Title: Re: الشاعر اسامة الخواض في قندهار يستمع لي كي Author: Osman Musa Date: 02-01-2020, 06:47 AM Parent: #145
اخونا المبدع ترهاقا سلامات. كيف حالك . اذكر وقفتك مع الراحل وردي في داك النهار يا اخ ترهاقا . 1978 في حيطة معهد الموسيقي . الراحل كان يتكلم معاك عن موعد حفل. . بعد. ما خرج. من جلسة الاستماع لي بروفة اغنية الجميلة ومستحلية . تحت شجرة النيمة . الجميلة ومستحيلة الاغنية الفتح الجديد . كانت ورشة محضورة من لفيف من السميعة ومن المبدعين الكبار . ربشة والتاج مكي وعركي وخليل وعربي ومحمدية والخواض وعثمان مصطفي . .. بارك الله فيك اخي ترهاقا و الاخ الشاعر الخواض انسان يستحق الكتير والله . ومع مشاكل زحمة المواصلات ما قدرنا. نقوم بالواجب. بالصورة. المفروضة علينا . ارجو. للخواض. سلامة العودة .
Post: #147 Title: Re: الشاعر اسامة الخواض في قندهار يستمع لي كي Author: Osman Musa Date: 02-01-2020, 06:47 AM Parent: #145
اخونا المبدع ترهاقا سلامات. كيف حالك . اذكر وقفتك مع الراحل وردي في داك النهار يا اخ ترهاقا . 1978 في حيطة معهد الموسيقي . الراحل كان يتكلم معاك عن موعد حفل. . بعد. ما خرج. من جلسة الاستماع لي بروفة اغنية الجميلة ومستحلية . تحت شجرة النيمة . الجميلة ومستحيلة الاغنية الفتح الجديد . كانت ورشة محضورة من لفيف من السميعة ومن المبدعين الكبار . ربشة والتاج مكي وعركي وخليل وعربي ومحمدية والخواض وعثمان مصطفي . .. بارك الله فيك اخي ترهاقا و الاخ الشاعر الخواض انسان يستحق الكتير والله . ومع مشاكل زحمة المواصلات ما قدرنا. نقوم بالواجب. بالصورة. المفروضة علينا . ارجو. للخواض. سلامة العودة .
Post: #148 Title: Re: الشاعر اسامة الخواض في قندهار يستمع لي كي Author: Osman Musa Date: 02-01-2020, 06:48 AM Parent: #145
اخونا المبدع ترهاقا سلامات. كيف حالك . اذكر وقفتك مع الراحل وردي في داك النهار يا اخ ترهاقا . 1978 في حيطة معهد الموسيقي . الراحل كان يتكلم معاك عن موعد حفل. . بعد. ما خرج. من جلسة الاستماع لي بروفة اغنية الجميلة ومستحلية . تحت شجرة النيمة . الجميلة ومستحيلة الاغنية الفتح الجديد . كانت ورشة محضورة من لفيف من السميعة ومن المبدعين الكبار . ربشة والتاج مكي وعركي وخليل وعربي ومحمدية والخواض وعثمان مصطفي . .. بارك الله فيك اخي ترهاقا و الاخ الشاعر الخواض انسان يستحق الكتير والله . ومع مشاكل زحمة المواصلات ما قدرنا. نقوم بالواجب. بالصورة. المفروضة علينا . ارجو. للخواض. سلامة العودة .
Post: #149 Title: Re: الشاعر اسامة الخواض في قندهار يستمع لي كي Author: Osman Musa Date: 02-01-2020, 06:52 AM Parent: #145
اخونا المبدع ترهاقا سلامات. كيف حالك . اذكر وقفتك مع الراحل وردي في داك النهار يا اخ ترهاقا . 1978 في حيطة معهد الموسيقي . الراحل كان يتكلم معاك عن موعد حفل. . بعد. ما خرج. من جلسة الاستماع لي بروفة اغنية الجميلة ومستحلية . تحت شجرة النيمة . الجميلة ومستحيلة الاغنية الفتح الجديد . كانت ورشة محضورة من لفيف من السميعة ومن المبدعين الكبار . ربشة والتاج مكي وعركي وخليل وعربي ومحمدية والخواض وعثمان مصطفي . .. بارك الله فيك اخي ترهاقا و الاخ الشاعر الخواض انسان يستحق الكتير والله . ومع مشاكل زحمة المواصلات ما قدرنا. نقوم بالواجب. بالصورة. المفروضة علينا . ارجو. للخواض. سلامة العودة .
Post: #150 Title: Re: الشاعر اسامة الخواض في قندهار يستمع لي كي Author: osama elkhawad Date: 02-03-2020, 04:34 AM Parent: #149
شكرا خضر وعثمان على الكلمات الرقيقة بسلامة العودة،
أعاني حتى الآن من آثار السفر ، وسأعود في وقت لاحق إن شاء المولى.
Post: #151 Title: Re: الشاعر اسامة الخواض في قندهار يستمع لي كي Author: Osman Musa Date: 02-04-2020, 06:26 AM Parent: #150
المبدع الخواض سلامات ارجو الكتابة عن الرحلة بعد ما تفك لفة ( الجاتلاك ) . لفة السفرية البعيدة . اتذكر نقاش الشاب المثقف الشيوعي . والكداري في شوارع الخرطوم و شح المواصلات .
Post: #152 Title: Re: الشاعر اسامة الخواض في قندهار يستمع لي كي Author: Osman Musa Date: 02-05-2020, 03:10 PM Parent: #151
الاخ خضر سلامات صور الحفل. و. وداع الاخ. اسامة في الطريق
Post: #153 Title: Re: الشاعر اسامة الخواض في قندهار يستمع لي كي Author: حيدر حسن ميرغني Date: 02-05-2020, 08:04 PM Parent: #152
العزيز أسامة طبعا آثار السفر دي ما جسدية بس ، وإنما حسية أيضا .شوف حوامل الاشواق الكنت مُعتلها سنين وبهلتها مثلما يبهل الصباح وشاحه على قول خليل فرح في الضواحي وطرف المدائن وحتى في قندهار إجازة سعيدة يا معلم وربنا يكتر منها ووطنا معافى من كل العاهات شكرا عثماننا إنك أشركتنا في هذه السياحة الجميلة
Post: #154 Title: Re: الشاعر اسامة الخواض في قندهار يستمع لي كي Author: خضر الطيب Date: 02-05-2020, 10:13 PM Parent: #153
Quote: شكرا خضر وعثمان على الكلمات الرقيقة بسلامة العودة،
أعاني حتى الآن من آثار السفر ، وسأعود في وقت لاحق إن شاء المولى.
الف حمد الله على السلامة حبيبنا الخواض انت لا تعاني من تعب السفر انت تعاني من تعب الفعاليات الكثيرة انت تعاني من الفرح اتمناك بألف خير يا خواض
Post: #156 Title: Re: الشاعر اسامة الخواض في قندهار يستمع لي كي Author: Osman Musa Date: 02-07-2020, 09:07 PM Parent: #153
اخونا حيدر سلامات والحمد لله انو الخواض جابك بعد زمن طويل . والله افتقدناك يا اخ حيدر ليك التحية
Post: #157 Title: Re: الشاعر اسامة الخواض في قندهار يستمع لي كي Author: osama elkhawad Date: 02-07-2020, 10:14 PM Parent: #156
تحياتي لحيدر ولخضر ولعثمان
احاول في بعض البوستات التداخل حتى استعيد بعض اللياقة الكتابية هههههه
ثم اعود اليكم
سارجع للطريقة التي كتبت بها "رايت الخرطوم" بدلا من الطريقة التي اعتمدت على الكتابة المباشرة واحيانا في قلب الحدث...
Post: #158 Title: Re: الشاعر اسامة الخواض في قندهار يستمع لي كي Author: osama elkhawad Date: 02-08-2020, 01:39 AM Parent: #157
ولم تتضح حتى الآن إمكانية نقل بوستات إلى المنبر الجديد.
حتى يجيب على الباشمهندس على سؤال امكانية نقل بوستات للمنبر الجديد،
يظل مصير هذا البوست مجهولاً.
Post: #159 Title: Re: الشاعر اسامة الخواض في قندهار يستمع لي كي Author: خضر الطيب Date: 02-08-2020, 01:44 AM Parent: #158
يجب ان يبقى هذا البوست و عليك الاتصال بالاخ الباشمهندس بكري لانو في حاجات كتيرة يا خواض حتحكيها و اذا تعذر افتح بوست جديد لكن بكري قادر يحفظ البوست دا الف حمد الله على السلامة يا حبيب
Post: #160 Title: Re: الشاعر اسامة الخواض في قندهار يستمع لي كي Author: osama elkhawad Date: 02-12-2020, 07:34 AM Parent: #159
شكرا للفنان حضر:
"الراعي الرسمي للصور" *
ههههه
وياعثمان حاولت اتصل بك مرات كثيرة لكن يبدو ان تغيير الشرائح الهاتفية ساهم في هذا الانقطاع.
سأعود للسرد بعونه وتوفيقه، خاصة انني تخلصت من عذاب الكتابة الموبايلية.
*مثل كثيرين ياخضر اشكو من ان بعض الصور لا تظهر، بل يظهر للمشاهد رابط لا يعمل. "ما العمل"، يا لينين ههههه؟؟؟
Post: #161 Title: Re: الشاعر اسامة الخواض في قندهار يستمع لي كي Author: حيدر حسن ميرغني Date: 02-12-2020, 11:31 AM Parent: #160
المعذرة يا خضر ياخ نسيت والله اشكرك على نشر الصور البوست يحلق عاليا بجناحين انت أحد أجنحته لك كل الود
Post: #162 Title: Re: الشاعر اسامة الخواض في قندهار يستمع لي كي Author: خضر الطيب Date: 02-12-2020, 11:53 AM Parent: #161
Quote: المعذرة يا خضر ياخ نسيت والله اشكرك على نشر الصور البوست يحلق عاليا بجناحين انت أحد أجنحته لك كل الود
تسلم استاذ حيدر لروحك الطيبة و مرورك اسعدني في حضرة شاعرين من زملاء المنبر خواض و ود موسى انا كنت شايل البوست دا فترة طويلة لانو لا خواض و لا ود موسى كانو فاضيين فعاليات فعاليات و قندهار لا خلو فيها اخضر و لا يابس .. بالهناء ان شاء الله و بعدها مشو جبل اولياء محل السمك و قبلها محل الفول بعدها انا قلتا لخواض انا خايف على الثروة الحيوانية و الثروة السمكية بعدها بقو ما برسلو لي صور .. ههههههه يلا يا خواض اكتب بكري ما قصر معانا
Post: #163 Title: Re: الشاعر اسامة الخواض في قندهار يستمع لي كي Author: خضر الطيب Date: 02-12-2020, 12:13 PM Parent: #162
مرحب استاذ خواض
Quote: شكرا للفنان حضر:
"الراعي الرسمي للصور" *
ههههه
وياعثمان حاولت اتصل بك مرات كثيرة لكن يبدو ان تغيير الشرائح الهاتفية ساهم في هذا الانقطاع.
سأعود للسرد بعونه وتوفيقه، خاصة انني تخلصت من عذاب الكتابة الموبايلية.
*مثل كثيرين ياخضر اشكو من ان بعض الصور لا تظهر، بل يظهر للمشاهد رابط لا يعمل. "ما العمل"، يا لينين ههههه؟؟؟
مفروض الصور ظاهرة يا خواض ممكن يكون عندك مشكلة في الكمبيوتر نعم قبل اسبوعين الموقع البرفع منو الصور اتعطل لكن بعدها رجع ح اديك موقع حاول ارفع منو الصور https://top4top.io/https://top4top.io/ الموضوع بسيط و لو غلبك رسلا لي المهم تكتب عن الرحلة دي محبتي يا انسان و ألف حمد الله على السلامة
Post: #164 Title: Re: الشاعر اسامة الخواض في قندهار يستمع لي كي Author: Osman Musa Date: 02-14-2020, 10:00 AM Parent: #163
سلامات الاخوان اسامة وخضر ومعليش طبعا بعد نهب تلفوني ما لقيت طريقة اتصال . جميع الصور والشعر وعناوين الشغل. في التلفون . والله يا خضر. وانا. منتظر. عربية ترحال بعد. طلعت من المسجد بعد صلاة المغرب . كنت قاعد في مسطبعة في شارع زلط قدام بقالة . والا اشوف ليك م سايكل طاير بي تلفوني . وانا بين الدهشة والانزعاج . والله قايل. روحي في غواتيمالا سيتي في شارع ماريوت دي 5 . ال م سايكل ماركة يوكوهاما بدون نمره . هم اتنين الخاتف لابس جاكت اسود ورابط. بوزو. بي. شال اسود . والواطة كانت زي شوية ضلام وعجاجة . تاني صباح مشيت. مكتب زين عشان الشريحة . وانا في صف جرجرة الشريحة شايف اربعة يوكوهاما. واقفات خارج بناية مكتب زين . البلد. جايطة . الا. يا. خضر. ح. استعين. بي نزار. الخواض. عشان. نعيد. بعض. صور فعاليات. الخواض .
Post: #165 Title: Re: الشاعر اسامة الخواض في قندهار يستمع لي كي Author: خضر الطيب Date: 02-14-2020, 10:24 AM Parent: #164
Quote: طبعا بعد نهب تلفوني ما لقيت طريقة اتصال . جميع الصور والشعر وعناوين
الف حمد الله علي سلامتك شاعرنا ود موسى و الموبايل بتعوض و ان شاء الله الصور بتلقاها و حتى كان ما لقيت الصور الاخيرة الصور الرسلتها لرحلة شاعرنا الجميل و ضحت الكتير من الفعاليات و سعدنا بيها البركة في عافيتك انت
Post: #166 Title: Re: الشاعر اسامة الخواض في قندهار يستمع لي كي Author: osama elkhawad Date: 02-15-2020, 02:23 PM Parent: #165
اهلا عثمان وخضر
اصابتني نزلة برد شديدة لمدة ثلاثة ايام متواصلة. والآن بخير.
شكرا على شرح طريقة انزال الصور، استخدم موقعا آخر، لكن مشكلتي هي نقل الصور الى الكمبيوتر من الموبايل.
وأواصل:
بعد إنجاز المرحلة الثانية للوصول الى مركز عبدالكريم ميرغني الثقافي ، نزلنا من الحافلة في محاذاة النيل في ام درمان، ثم ركبنا ركشة في الطريق إلى الندوة..سارت الركشة عبر حي ام درماني تكسو حيطانه شعارات الانتفاضة: تسقط بس، العصيان المدني إلخ ودار حوار بين شقيقي نزار وسائق الركشة حول تجربتهما مع البمبان في أحد شوارع الحي، وشرح لنا السائق كيف انه اصبح متمرّساً في التعامل مع البمبان ، حتى انه في أحد أماكن التجمع الجماهيري تمكّن من تجنّب أثر البمبان بحيلة لم أستطع أن افهمها، ولكن فهمت أنه لم يتأثّر بالبمبان المسيل للدموع، وأن عيونه احتفظت بكامل بهائها وسط الدموع المنهمرة من الحشود المسرعة.
وأخيراً تمكّنا من الوصول الى هدفنا بعد حوالي ثلاث ساعات.. ودلفنا الى مكتب صغير وجدنا فيه دكتور النور حمد مع موظف المركز، وتعانقنا وتسالمنا ، ثم عبرنا الى القاعة الكبيرة حيث ستقام الندوة. كانت هناك طاولة صغيرة أمام المدخل الرئيس للمركز بُسطت عليها أعداد للبيع من الكتاب موضوع الندوة. وفي الداخل أمام القاعة طاولات أخرى عليها أطباق حلوى ، يتحلّق حولها زوّار وهم يتحدثون بهمس، وفي الداخل يجتهد عماّل في ضبط الكاميرات والميكروفونات. ثمّ توجّهت الى البقالة المواجهة للمركز لشراء عصير . كان شخص بدا شكله لي مالوفاً يتفحّص ثلاجة أمام البقالة، وبعد ثوان أدركت انه دكتور عمر القراي في حُلّة عادية: بنطلون وقميص، وشعر مرتب قليلاً ونظرات بعيدة ساهمة شيئا ما. سلّمت عليه ولم يتعّرف عليّ، فعرّفته نبفسي، فعرفني ثم سالني عن اهل مدينتي مونتري في كاليفورنيا واحوال المعهد، ودخلنا المركز في انتظار افتتاح الندوة التي اقترب موعدها: السادسة مساء.
Post: #167 Title: Re: الشاعر اسامة الخواض في قندهار يستمع لي كي Author: خضر الطيب Date: 02-15-2020, 03:39 PM Parent: #166
الف سلامة ليك يا خواض و اتمناك بألف خير يا حبيب واصل في الحكي الجميل
Post: #168 Title: Re: الشاعر اسامة الخواض في قندهار يستمع لي كي Author: حيدر حسن ميرغني Date: 02-15-2020, 05:21 PM Parent: #167
النزلة مافي ألعن منها الف سلامة ليك
Quote: وبعد ثوان أدركت انه دكتور عمر القراي في حُلّة عادية: بنطلون وقميص، وشعر مرتب قليلاً ونظرات بعيدة ساهمة شيئا ما. سلّمت عليه ولم يتعّرف عليّ، فعرّفته نبفسي، فعرفني ثم سالني عن اهل مدينتي مونتري في كاليفورنيا واحوال المعهد، ودخلنا المركز في انتظار افتتاح الندوة التي اقترب موعدها
يا سلام ياخ تخيل ، قبل سنتين كنت محظوظ برفقته طيلة ١٠ ايام قضاها في كولومبو عاصمة سريلانكا قادما إليها من سلطنة عمان حيث كان يعمل .. د. عمر زول ونّاس لا تمل حديثه بالذات حول القضايا الوطنية التي تشغل باله ، لم يتوقف عن الكتابة حتى في تلك الإجازة القصيرة . له ولك التحية
Post: #169 Title: Re: الشاعر اسامة الخواض في قندهار يستمع لي كي Author: osama elkhawad Date: 02-16-2020, 05:10 AM Parent: #168
شكرا خضر وحيدر على كلماتكما المواسية المتعاطفة.
ننقلكم الى سلسلة من الصور عن حفل افتتاح بيت العود في قاعة الصداقة، والذي احيته فرقة نصير شمة وعازفو بيت العود:
Post: #170 Title: Re: الشاعر اسامة الخواض في قندهار يستمع لي كي Author: osama elkhawad Date: 02-16-2020, 01:47 PM Parent: #169
تميّز تجهيز المسرح بأجهزة العرض المتعددة وتقنياته بالمهنية العالية والجمال ، فعلى طرفي المسرح توجد شاشتان كما يلاحظ المشاهد لهذه الصور:
Post: #171 Title: Re: الشاعر اسامة الخواض في قندهار يستمع لي كي Author: خضر الطيب Date: 02-16-2020, 04:09 PM Parent: #170
شكراَ استاذ خواض لهذه الصور الجميلة لبيت العود و التحية عبرك للمبدع الفنان العراقي نصير شمه و ما قام به الاستاذ نصير مجهود كبير و مقدر كثرت زيارات نصير للخرطوم منذ سنوات و هو مرحبٌ به في اي وقت في وطنه السودان بين اقرانه من عازفي العود و تلامذته فنان بقامة الاستاذ نصير شمه يعد مكسباَ كبيراَ لكل بلاد
Post: #172 Title: Re: الشاعر اسامة الخواض في قندهار يستمع لي كي Author: osama elkhawad Date: 02-16-2020, 05:09 PM Parent: #171
اهلا خضر
قلت سيدي:
Quote: شكراَ استاذ خواض لهذه الصور الجميلة لبيت العود و التحية عبرك للمبدع الفنان العراقي نصير شمه
و ما قام به الاستاذ نصير مجهود كبير و مقدر كثرت زيارات نصير للخرطوم منذ سنوات
و هو مرحبٌ به في اي وقت في وطنه السودان بين اقرانه من عازفي العود و تلامذته
فنان بقامة الاستاذ نصير شمه يعد مكسباَ كبيراَ لكل بلاد
يا خضر عازف العود الذي يجلس بقرب نصير شمة هو سوداني يعمل طبيباً جرّاحاً في قطر.
وقد عرّفني عليه القدال قبل بداية الحفل.
وسيتفرّغ لمدة سنتين لتدريب المنتسبين لبيت العود السوداني.
Post: #173 Title: Re: الشاعر اسامة الخواض في قندهار يستمع لي كي Author: osama elkhawad Date: 02-17-2020, 07:34 PM Parent: #172
نواصل عرض صور "افتتاح بيت العود السوداني" في قاعة الصداقة بتمويل من شركة دال،
وبمشاركة مدرّبي بيت العود السوداني،و نصير شمة وفرقة اسبانية اسمها "ثلاثي برشلونة":
من المضحك انني حين كتبتُ في غوغول "ثلاثي برشلونة"، ظهرتْ لي اسماء مثل "ميسي" و"نيمار" و"سواريز " إلخ ههههه:
Post: #174 Title: Re: الشاعر اسامة الخواض في قندهار يستمع لي كي Author: Osman Musa Date: 02-19-2020, 11:55 AM Parent: #173
Post: #175 Title: Re: الشاعر اسامة الخواض في قندهار يستمع لي كي Author: osama elkhawad Date: 02-20-2020, 01:58 AM Parent: #174
نواصل عرض صور افتتاح "بيت العود السوداني" في قاعة الصداقة:
Post: #176 Title: Re: الشاعر اسامة الخواض في قندهار يستمع لي كي Author: osama elkhawad Date: 02-23-2020, 01:51 AM Parent: #175
حفل افتتاح "بيت العود السوداني" في قاعة الصداقة-
Post: #182 Title: Re: الشاعر اسامة الخواض في قندهار يستمع لي كي Author: عبدالمنعم الطيب حسن Date: 04-07-2020, 01:49 PM Parent: #176
ساعات وانا سواح في بوست جميل شكرا حبيبنا الشاعر اسامة الخواض ولكن عندي سؤال متي يستقر مبدعينا في وطن الجمال سمعت حديثا مسجلا للشاعر المبدع عاطف خيري قال في ما معناه انه في استراليا يعمل في اذاعة تهتم بالشعر و و و ولكن ذلك كله لا يساوي ندوة شعرية مباشرة في امبدة .... عثمان موسى صاحبي تحياتي يازول اول مرة اعرف انك شاعر يا سلام عليك ياخ تحياتي بوست ممتع
Post: #183 Title: Re: الشاعر اسامة الخواض في قندهار يستمع لي كي Author: خضر الطيب Date: 04-07-2020, 03:44 PM Parent: #176
افتتاح بيت العود في الخرطوم تحت ادارة الموسيقار نصير شمة
Post: #184 Title: Re: الشاعر اسامة الخواض في قندهار يستمع لي كي Author: Osman Musa Date: 04-07-2020, 03:50 PM Parent: #183
نحمد الله علي عودة البوست الكان رايح . قصة روحان بوست اسامة في قندهار قصة عجيبة . فوق
Post: #185 Title: Re: الشاعر اسامة الخواض في قندهار يستمع لي كي Author: Osman Musa Date: 04-08-2020, 11:27 AM Parent: #184
اليومين دي يا اسامة قندهار تشكي وتبكي . وربك يستر بعد ظهور الحالة 13 في المنطقة الخضراء .
Post: #186 Title: Re: الشاعر اسامة الخواض في قندهار يستمع لي كي Author: osama elkhawad Date: 04-17-2020, 11:26 PM Parent: #185
عزيزي عبدالمنعم الطيب
بعد التحايا ، تقبّل خالص اعتذاري،فمداخلتك ضاعت وسط البوست "السلبة"...
قلت التالي:
Quote: ساعات وانا سواح في بوست جميل
شكرا حبيبنا الشاعر اسامة الخواض
ولكن عندي سؤال متي يستقر مبدعينا في وطن الجمال سمعت حديثا مسجلا للشاعر المبدع عاطف خيري
قال في ما معناه انه في استراليا يعمل في اذاعة تهتم بالشعر و و و ولكن ذلك كله لا يساوي ندوة شعرية مباشرة في امبدة
أتفق معك لو كانت المسالة مرتبطة بالاهمية. لكن في كل الاحوال أي مجهود للإعلاء من شأن الشعر، في زمن ينحسر فيه تأثيره وتكاد تختفي "سطوته التاريخية"،
يصبح مجهود شاعرنا المجيد عاطف خيري* مستحقاً للثناء والإشادة.
بعدين مسالة ندوة شعرية ليست سهلة إطلاقاً في ظل أزمة المواصلات، وربما ندرة الامكنة الجيدة المتاحة.
الندوة الوحيدة التي كان يفترض أن أشارك فيها، تم إلغاؤها في الايام الاخيرة، نسبة لإجراء تصليحات في المكان،
كما لم يتمكّن المنظمون من إيجاد بديل،
وللاسف فقد خسرنا فعالية ابداعية.
كان سيحضرها محمد نجيب محمد علي ومجذوب عيدروس ونزار غانم وعالم عباس وموسى ابراهيم عيسى ونادر السماني على سبيل المثال.
*لم أستمع لتلك الإذاعة..
Post: #187 Title: Re: الشاعر اسامة الخواض في قندهار يستمع لي كي Author: osama elkhawad Date: 04-19-2020, 05:07 AM Parent: #186
الشاعر في الأسواق، يوميات مثقف سعودي في الحجر الصحي.
أُثيرت في هذا البوست -النية على مسؤلية طارحها-فكرة ارتياد الشاعر للاسواق .
وأدناه موضوع نشر في "الحياة"،
عن المثقف السعودي ويومياته في الحجر المنزلي،
و له علاقة بالصورة النخبوية للمثقف:
يوميات المثقف بين السريحي والغذامي 16 أبريل 2020 مـ
فهد سليمان الشقيران- كاتب وباحث سعودي
مع فترة الانعزال الحالية، عمل الأستاذ بدر الخريف في هذه الجريدة على ملفين مهمين بعنوان «مثقفون سعوديون يتحدثون عن برامجهم اليومية في الحجر المنزلي»، الإجابات بعضها مثالي للغاية، والآخر منها واقعي وممكن.
لطالما رُسمت صورة نمطية عن المثقف؛ بأنه المنسحب من تفاصيل الحياة اليومية، والمضرب عن الاشتراك بتفاعلات الناس وأذواقهم وصخبهم ودنياهم. وأنه حشر ذاته بالقراءة والكتابة ورفض الواقع ومارس التأمل للمجتمع من أعلى.
ورغم كل حمولة معنى المثقف التاريخية وتعدد استعمالاتها وتشعب إحالاتها، غير أن التنميط حد المبالغة في وظيفته، والتقديس لدوره، والتأليه لقيمته، كل ذلك أثبتت الأيام خلله وخطره. بل إن المثقف بات شريكاً للسلطة التي يعاديها في البلدان التي تمكنت منها الأزمات، وساهم في الانسدادات التي عانت منها المجتمعات، وهذا لا يصح على المثقف العربي وحده، وإنما على عددٍ كبيرٍ من المثقفين.
وانتقاد المثقف وطريقة تعاطيه مع السلطة ومسبباته وجذور التنظير له محل نقاش طويل معلوم ومشهور. لكنّ السبب الأساسي لهذه الكتابة يعود إلى مثالين ثقافيين؛ أولهما: مثال عبد الله الغذامي الذي فضّل التبسط مع متابعيه، وأشركهم ببعض يومياته في فترة الانعزال الحالية، فكتب أن زوجته تحلق له شعره بعد أن طال، وأنه تناول البيتزا المنزلية على الغداء.
على النقيض يأتي المثال الآخر: سعيد السريحي الذي عدّ إشراك القراء في تفاصيل عادية لا قيمة له، ورد على الغذامي من دون أن يسمّيه قائلاً: «كيف أصبحت حلاقة الشعر قضية يتداولها مغرد مع متابعيه، واقتراح أن الزوجة تنهض بهذه المهمة حلاً وموضوعاً للتغريد، وأعجب كيف أصبح دخول المطبخ وتقطيع البصل، كمثال آخر، مغامرة تحتل تغريدات رجال كنت أعدهم من العقلاء؟».
منشأ هذا السجال أن السريحي ينطلق من نظرته هو لوظيفة المثقف، بوصفه المتجهم الصارم والمثقف العضوي المنخرط في إيضاح المستغلقات، والمنشغل بالكليات، والعامل على النظريات الشاملة، والمهتم بالمفاهيم العميقة، وهي نظرة تقليدية، وآية ذلك أن الدور الذي يتباهى به أهل الثقافة من تأثير وتثوير وتغيير خلّف نتائج كارثية، والمفهوم الحالي للمثقف إنما ينحصر بالخلق والإبداع وفتح آفاق معرفية لامعة، أو الإسهام بنصوص علمية ثرية، أو صياغة ونحت مفاهيم ومقولاتٍ حيوية،
وهي وظيفة لا تتعارض مع تواضع المثقف وإدراك حقيقة أدواره العادية، لذا فإن إشراك الآخرين في اليوميات والتفاصيل أمر يعود إلى الإنسان نفسه سواء كان مثقفاً أو مهندساً أو فقيهاً، يعود إلى الإنسان واختياره، والمثقف لا يختلف عن أي إنسان آخر في معايير النقاش وتداول الأحاديث واليوميات.
إن معرفتنا بتفاصيل ويوميات غازي القصيبي وبخاصة في «استراحة الخميس» وغيره لم تلغِ قيمته السياسية والإدارية والثقافية: سجالاته ويومياته، علاقته بقرحة المعدة، وكبد البط، وضعفه أمام البرغر، وكسله بالرياضة... ورسائله الساخرة مع أصدقائه: رسائله مع الشيراوي، والخويطر، ومحمد عبده يماني، وسليمان السليم.
ومن قبل عرفنا عبر التاريخ تفاصيل حياة الفلاسفة ودقائقها. لباشلار حديث مصور من غرفته الصغيرة يتحدث عن «المكان» ويومياته، وكيفية شرائه للمستلزمات اليومية وبتفصيلٍ شديد. رولان بارت يحدّثنا عن جدوله اليومي، عن موسيقاه، عبثه وانضباطه. عبد الرحمن بدوي في جزء الحياة من سلسلته عن كانط تطرق إلى يومياته من الصباح حتى المساء: مشيه، غرامياته العاطفية مع الجميلات ومنهن ماريا شارلوتا ياكوبي، عن مكونات مائدته التي يشاركها مع زائريه.
تحت فصلٍ بعنوان «يوم في حياة كانط» يكتب بدوي: «كانت قائمة الطعام تشمل عادةً ثلاثة أطباق: الأول حساء ولحم بقري طري، ثم طبق من أطباقه المفضلة (بازلاء غليظة، كافيار، سجق، جيتنجن... إلخ)، والطبق الثالث كان لحوماً محمّرة، ويختم بفاكهة الموسم أو حلوى، وإلى جانب هذا زجاجتان من النبيذ الجيد». وحدث أن تسمم من الجبن الذي يدمن أصنافه العديدة، ومن هواياته المعروفة لعبة البلياردو، بينما التزلج وكرة اليد وأحياناً البولينغ من هوايات مارتن هيدغر ويشارك جيرانه بالأحاديث حتى عن موعد ولادة البقرة، وكتبت كل تفاصيل يومه بسيرة تلميذه هانز جورج غادامير عنه في كتابيْه «طرق هيدغر»، و«التلمذة الفلسفية».
القصد من تلك الاستشهادات سواء كانت مفيدة أم لا - ولها مثيلاتها وأضعافها في سيرة كل فيلسوف - أن المثقف عليه أن يكفّ عن الشعور بالتفوق، وألا يذلّ المجتمع الذي يعيش فيه بأنه مبصر القرية الوحيد، إنما يمكنه النظر إلى مهنته ووظيفته بعينٍ ناقدة فاحصة، وأن يحاول إصلاح ذاته قبل الهجوم على غيره، وأن يخاطب نفسه وهو ينظر إلى وجهه في المرآة. ما يفيد من المثقف إنتاجه النظري، وما يطرحه قد يكون صالحاً أو طالحاً.
شخصياً لستُ من أهل «السوشلة»، بل من مناهضيها، ولم آتِ بمثالَي السريحي والغذامي للانتصار لأحدهما ضد الآخر. رغم رفضي لفكرة السريحي النخبوية عن المثقف فإنني أؤيد وألتزم طريقته حول اليوميات، إنني مع طريقته لا فكرته. وأؤيد فكرة الغذامي التي تخفف من نرجسية المثقف وتعاليه، ولكنني لا أفضل احتذاء طريقته، وهذا خيار للإنسان، وليس حكراً على الكتّاب أو غيرهم ممن يعرفون بالمثقفين.
لم تعد للمثقف أولوية، باتت المعرفة أشمل من وظيفته، إنتاج المعاني الكبيرة، والنصوص المحبوكة، والشروحات الحيّة، وإيقاظ العقل بالأفكار والمفاهيم هي الوظيفة الأهم لطالب المعرفة، سواء كان مثقفاً أو غير ذلك، وظيفة انتُقدت منذ عقود، وربما لم يخطئ رولان بارت حين قال: «المثقفون لا يصلحون لشيء».
Post: #188 Title: Re: الشاعر اسامة الخواض في قندهار يستمع لي كي Author: Osman Musa Date: 04-20-2020, 08:02 AM Parent: #187
تحية للاخ الممثل والشاعر الجميل جمال حسن سعيد و هو يستعد لتقديم الاجمل في شهر الصيام والقيام تحية ماكنة ليك يا استاذ جمال .
Post: #189 Title: Re: الشاعر اسامة الخواض في قندهار يستمع لي كي Author: osama elkhawad Date: 05-05-2020, 05:11 AM Parent: #188
من اقتراحات الصديق عثمان موسى زيارات لقراءة الفاتحة على ارواح الطيب صالح وحميد ومحمد وردي.
ولأسباب كثيرة أهمها زحمة المواصلات لم نستطع سوى أن نلقي الفاتحة على قبر درة أدبنا السوداني "الطيب صالح"..
كنا نعرف انه دفن في مقابر البكري، لكن لا نعرف بالضبط أين قبره...
قفزنا فوق السياج الملاصق لسوق يبيع الأدوات والعفش المستعمل للفقراء،
وأرشدنا أحدهم أن نذهب لسؤال المسؤول عن المقابر.
وكان أن ذهبنا إليه في الاستراحة .
وادناه صورة لها:
Post: #190 Title: Re: الشاعر اسامة الخواض في قندهار يستمع لي كي Author: osama elkhawad Date: 05-05-2020, 08:33 PM Parent: #189
في الاستراحة رحّب بنا المشرف على المقابر ، وقادنا ثلاتنا "عثمان وأخي نزار، وصاحب المداخلة" إلى قبر "الطيب صالح"،
حيث قرأنا الفاتحة:
Post: #191 Title: Re: الشاعر اسامة الخواض في قندهار يستمع لي كي Author: Osman Musa Date: 05-05-2020, 09:26 PM Parent: #190
الأخ اسامة سلامات انشاءالله يا أخ اسامة في اجازتك القادمة كمان نمشي نزور قرية الطيب صالح كرمكول لوربك سهل. طبعا في مهتمين انجليز كتار وطلاب جامعات من لندن حضروا لزيارة كرمكول. ربك يصلح حال البلد ويبعد عن العالم الوباء
Post: #192 Title: Re: الشاعر اسامة الخواض في قندهار يستمع لي كي Author: osama elkhawad Date: 05-09-2020, 05:51 AM Parent: #191
وياريت يا عثمان يقوموا بتأسيس متحف للطيب صالح في كرمكول.
دعنا نردم هوة كورونا بالصور، فهي قد خربت مزاجنا للكتابة.
سأنشر بعض الصور لحضوري جانباً من ندوة فكرية ضخمة عن الاستاذ محمود محمد طه.
وهذه بعض الصور، فهناك صور أخرى لنا مع الاستاذة اسماء محمود محمد طه،وآخرين.
وقد سعدت جداً بلقاء واحد من كتّابي المفضلين الاستاذ خالد الحاج.
وقد ذكرت له أنني كنت أخطّط مع صديقي الدكتور صلاح فرح لزيارته في منزله في رفاعة.
فزيارة الكتاّب هي مثل زيارة الأنبياء والرسل والصالحين والأولياء والمشاهير وغيرهم.
الصورة الاولى هي اعلان الندوة الفكرية:
الصورة الثانية مع دكتور حيدر ابراهيم:
الصورة الثالثة مع الدكتور حيدر بدوي عضو المنبر، والقاص الكبير عبدالغني كرم الله، الذي اتمنّى أن اكتب عنه:
الصورة الرابعة مع دكتور حيدر ابراهيم و دكتور عبدالله الفكي البشير الذي قدّم عرضاً صادماً عن "نهب" الأكاديميين والمفكّرين لأفكار الاستاذ محمود محمد طه.
وقد أرسل لي نسخة الباوربوينت وابحث عن طريقة لنشره في المنبر العام، كما ارسل لي مشكوراً من قبل كتابه الهام :
"صاحب الفهم الجديد للإسلام-محمود محمد طه والمثقفون-قراءة في المواقف وتزوير التاريخ":
الصورة الخامسة مع دكتور حيدر ابراهيم وشقيقتي الوحيدة "هبة الخوّاض":
Post: #193 Title: Re: الشاعر اسامة الخواض في قندهار يستمع لي كي Author: Osman Musa Date: 05-10-2020, 02:02 PM Parent: #192
رحلة الخزان كان اليوم داك الجو رهيب في يوم رحلة الجبل . وكان الشارع المزدحم و المكعوج والمحفر . يطرشك شاي الصباح . لكن بمجرد وصولك للبحيرة وشوفتك للخزان الحجري العظيم الدهشة تنسيك التعب. اخدنا صور . وشرنا بعيد في عظمة الزمن الزمان . ودخلنا سوق السمك. الأخ نزار خبير في الشغلة . يعرف ليك تاريخ ميلاد البلطية من اول نظرة . غايتو خمالو نص شوال . وفرشو لي خبير نظافة. ومن هناك . قصدنا مطعم الحاجة المصرية . المطعم راكوبة من الزنك والحصير في مساحة حوالي الفين وشوية متر مربع. الإخوان عمر ونزار اختارو وحددوا. نوعية الزيت والبهار . والاخت هبة الخواض وابن أخيها عمر اختاروا المكان . و شاعرنا اسامة سارح في لوحة بحيرة الخزان . موية مد البصر . في اللحظة الكان فيها السمك في النار . قلنا نراجع الصور من تلفون نزار. . وكلنا وقفنا في صورة ابن الأخ عمر الخواض الصورة الواقف فيها مع عمو اسامة . قصاد لوحة اسماء مهندسين الخزان . بعد داك دخلت الأستاذة هبة الخواض في حديث تاريخي طويل عن مصر وعن السودان وعن الخزان واكتمال البناء في الخزان في أبريل 1937 في عهد مصطفي الناس . لكن لحظة الطباخ جاب الصينية تاني لا اتذكرنا النحاس لا عشماموي. سمك زي السمك وجرجير مع الليمون . اكيد عندو ألف كلام مع الكورونا .
Post: #194 Title: Re: الشاعر اسامة الخواض في قندهار يستمع لي كي Author: osama elkhawad Date: 05-10-2020, 03:52 PM Parent: #193
Quote: سمك زي السمك وجرجير مع الليمون .
اكيد عندو ألف كلام مع الكورونا .
ماتعرّشْ على كدا ههههههه
Post: #195 Title: Re: الشاعر اسامة الخواض في قندهار يستمع لي كي Author: Osman Musa Date: 05-10-2020, 04:18 PM Parent: #194
كان يا اسامة داير هبة تتم قصة الخزان . لكن عليك امان الله مع البلطي وشطة القبانيت والجرجير بقينا نشوف الجبل طشاش طشاش . يا اسامة ياخ سمك النيل ده نعمة ما بعدو نعمة . وربنا يخلي الجرجير ههههههها
Post: #196 Title: Re: الشاعر اسامة الخواض في قندهار يستمع لي كي Author: osama elkhawad Date: 05-13-2020, 11:36 PM Parent: #195
ياعثمان،
على ذكر أختي هبة، هي تشاركني حبي للازياء الافريقية.
هذه الاغنية الجامبية مليئة بالالوان والازياء الافريقية والطرب، وجو القرية الذي يشبه كبوشية:
Post: #197 Title: Re: الشاعر اسامة الخواض في قندهار يستمع لي كي Author: Osman Musa Date: 05-16-2020, 05:21 AM Parent: #196
الأغنية دي جميلة يا أخ اسامة ومع زيادة شوية لقطات رياضية ممكن تدخل منافسة أنها تكون من ضمن اغنيات مهرجان افتتاح كأس العالم .
Post: #198 Title: Re: الشاعر اسامة الخواض في قندهار يستمع لي كي Author: osama elkhawad Date: 05-26-2020, 04:03 AM Parent: #197
Quote: الأغنية دي جميلة يا أخ اسامة ومع زيادة شوية لقطات رياضية ممكن تدخل منافسة أنها تكون من ضمن اغنيات مهرجان افتتاح كأس العالم .
نعم يا عثمان.
وإليك ومتابعي البوست هذه الاغنية الجماعية* بمناسبة يوم افريقيا.
يشارك في الغناء مجموعة من المع نجوم الغناء في جنوب افريقيا، ومغنية من زيمبابوي ، ومغنٍ من جمهورية الكونغو الديمقراطية.
و تدور حول دعوة شباب افريقيا لمواجهة جائحة كوفيد ١٩، وان يقوم كل افريقي بدوره في هذه المواجهة الصلبة مع الفيروس:
*اسم الأغنية: Play Your Part – Africa Unite ----------------------------------------------------- وأدناه مجموعة من المغنيين الافارقة يغنون نشيد الوحدة الافريقية احتفالا بيوم افريقيا ايضاً في ظروف ن كوفيد ١٩ بمراعاة التباعد الاجتماعي:.
Post: #199 Title: Re: الشاعر اسامة الخواض في قندهار يستمع لي كي Author: osama elkhawad Date: 06-17-2020, 01:54 AM Parent: #198
عثرت اليوم على الورقة التي سجّلت فيها بعض الملاحظات عن الندوة التي حضرناها في مركز عبدالكريم ميرغني الثقافي.
بدأت الندوة كما هو مكتوب في ورقتي في السابعة وتسع دقائق.
تحدّث دكتور حيدر ابراهيم عن العلاقة بين التعليم والحداثة وضآلة مركز المعلم في المجتمع السوداني، ونفى وجود دولة مدنية سودانية عبر التاريخ.
كما تحدّث عن الجامعات الايديولوجية مثل جامعة افريقيا العالمية.
انقطع سيل التعليقات بعد نداء عاجل ينبّه لمشكلة المواصلات.
كما ذكرت سابقاً فان مشكلة المواصلات من المشاكل المركزية التي تحدّ من التواصل بدلا من تعزيزه.
فحتى لو امتلكت وسيلة خاصة للمواصلات أو كانت لديك القدرة المالية على استئجار سيارة من "ترحال"،
ففي الغالب الأعم لن تستطيع إجراء مشوارين في اليوم،
طبقاً للطريقة السودانية في الزيارة والتواصل..
ولذلك أصبح الموبايل ضرورة لاغنى عنها للتواصل الإنساني في خرطوم اليوم الشاسعة بحجم بلد من البلدان الصغيرة في العالم.
Post: #200 Title: Re: الشاعر اسامة الخواض في قندهار يستمع لي كي Author: Osman Musa Date: 06-17-2020, 04:29 PM Parent: #199
الأخ الشاعر الخواض جلسة الخزان كانت جميلة . بس ياخ الإخوان نزار وهبة الخواض ما تموا لينا الدردشة الحلوة عن قصة الخزان . اذكر حديث أستاذة هبة عن النهضة القامت في الجبل والجالية المصرية الضخمة . وأسرة الزعيم أنور السادات السودانية . ياخ الجرجير الحار والليمون مع السمك المقرمش دايما يقطعوا علينا الدردشة الحلوة .
Post: #201 Title: Re: الشاعر اسامة الخواض في قندهار يستمع لي كي Author: osama elkhawad Date: 07-12-2020, 04:10 AM Parent: #200
الذكريات في المنزلة بين المنزلتين:
عزيزي عثمان
كانت الشذرات الحية التي كنت انثرها هنا باستخدام هاتفي المحمول تنبض بحرارة الحدث،لكنها في المقابل كانت تفقد شكلها الجمالي حين تجبرنا الأداة الرقمية على الحد من تدفقنا اللغوي..الا إن للإرجاء فوائد مثل تمديد النظر الى الأحداث خارج سياقها التتابعي ...فمثلا بدلا من الكتابة الاداتية الرقمية عن حفلات عقد الجلاد وابوعركي البخيت و نصير شمّت، يمكن أن تدرج في قسم خاص بها وهي تتموقع مثل تموقع كاتبها بين منزلتين:
منرلة السائح ومنزلة المواطن
غالبية الكائنات الاسفيرية تنكر أو تجهل ورطة “المنزلة بين المنزلتين” ، وهي في الجانب السياسي يمكن ان نسميها : حزب الكنبة الاسفيري في مقابل حزب الكنبة الاصلي على وزن الاتحادي الاصلي وهو للمصادفة حزب من ابتكار المخيلة المصرية السياسية.. سنعود لهذا الحزب الرقمي الجديد في مكان آخر. يمكن تقسيم تلك الاحداث الفنية الى قسمين بحسب الزمن: نهارية وليلية.
وبحسب امكانية الحضور الى حدث تحضره من خلال تذكرة تدفع ثمنها، وآخر تحضره مجانا ولكن بواسطة دعوة من منظِّمي الحدث. ا لحدثان النهاريان كانا حفل عقد الجلاد وابوعركي البخيت. والحدث الليلي كان حدث نصير شمت. اتسم الحفلان النهاريان بأبسط مقومات الحفل من حيث شكل المسرح وطريقة جلوس الحضور، اما الحفل الليلي فاتسم بالابهار من حيث المكان :مسرح قاعة الصداقة والملتيميديا المرافقة للفرقة الفنية ، من حيث الاضاءة والصور الحية المتناثرة في شاشات عرض كثيره.
سأعود بتفاصيل اكثر حين اتحدث عن كل حدث لوحده.
Post: #202 Title: Re: الشاعر اسامة الخواض في قندهار يستمع لي كي Author: Osman Musa Date: 07-12-2020, 12:51 PM Parent: #201
سلامات أستاذ الخواض اخوك خابرو ما بيعرف يحول الصور . عشان كدي بقوم أرسل ليك في الوتسب . صورة لي بعض الإخوان دفعتك في دامر المجذوب الثانوية . زمن الكمونية بالمتر . .. تحياتي
Post: #203 Title: Re: الشاعر اسامة الخواض في قندهار يستمع لي كي Author: osama elkhawad Date: 07-13-2020, 03:18 AM Parent: #202
اخي عثمان في انتظار صورة اولاد دفعة الدامر،
وساعود بتفصيل للقاء الذي دار تحت راكوبة صديق الصبا "تاج السر" الذي حوّلت اسمه الى : "تاج الاسرار"...
المهم سيق لي الحديث عن الملتيميديا التي رافقت حفل نصير شمة في قاعة الصداقة، وقد وجدت تصويرا لجزء من الحفل الذي كان في يوم ١٦ يناير ٢٠٢٠:
Post: #204 Title: Re: الشاعر اسامة الخواض في قندهار يستمع لي كي Author: osama elkhawad Date: 07-15-2020, 10:05 PM Parent: #203
عقد الجلاد ..عيد الميلاد..جهنم القذافي الخضراء
الصدقة هي التي جعلتنا نشاهد إعلان الحفل النهاري لعقد الجلاد. قام شقيقي وسائقي نزار بتوصيلنا نحن الخمسة "أطفال شقيقتي هبة الأربعة وكاتب المداخلة إلى حيث يقام الحفل في المكتبة القبطية. لم نجدها بسهولة، وقد استغربت كيف انها باسمها "النصراني" قد نجت من براثن ولعاب "التمكين"...بعد أسئلة عديدة تمكن نزار من توصيلنا الى المكان. قطعنا التذاكر ودخلنا وجلسنا في كراسي من البلاستيك من الواضح انها قديمة. تفحّصت المكان: الدار مسقوفة، ومن السقف تتدلى بقايا زينة عيد الميلاد ..ذكّرتني الزينة بزينة عيد الميلاد التي شاهدناها حينما نزلنا من السفينة القادمة من ليبيا وذهبنا إلى أحد المطارات. حين شاهدت الزينة شعرت كأنني قد خلقت من جديد، أنا الفار من جهنم القذافي الخضراء،في طريقي إلى "البلد السعيد".
في المطار نشأت مشكلة ثقافية حين أصرّ بعض المتوضئين على رفع أرجلهم فوق أحواض الغسيل، مما جعل إدارة المطار تمنعهم من ذلك الفعل، واحتد ذلك البعض وبدأوا في شتيمة النصارى، طبعا بلغة لم يفهمها المالطيون لكنهم احسوا بنقمتهم الظاهرة على لغة أجسادهم، فاهتدوا إلى حل وسط: وهو أن يذهب المتوضئون إلى ماسورة خارج المكان..
في مكان آخر في طرابلس الليبية كان المغتسلة هم الذين تجبرهم السلطات السودانية القنصلية من جباة الضرائب على الوضوء والقسم على المصحف انهم لا يملكون حق ضريبة المغتربين ..ولايهمها أموال مرتبات المدرسين والعاملين الآخرين الذين تتأخر مرتباتهم لسنوات، ويحرمون منها، أو يقتلون كما في حالة الرعاة السودانيين في الصحراء الليبية، ولذلك صار شعار "السواديين" : "باهي باهي مافي مواهي".... ....رجعت من المطار المالطي والجحيم الليبي إلى المكتبة القبطية...
اشترينا ترمساً من بائع متجول في المكان...كان الحضور ما عداي وعجوز آخر كلهم من الشابات والشباب، يحملون هواتفهم النقالة وينظرون إليها من حين إلى آخر. بعضهم كما سترونهم في الصور المرفقة اعتلى السور. كسائح لم افهم إقامة الحفل في النهار...لكنني أعرف الآن أن مشكلة المواصلات هي التي تحتّم الحفلات النهارية. كان من المفترض أن يبدأ الحفل في الثالثة، لكنه تأخّر، وبدأ بعد أن قام الفنيون بتعليق السماعات، وهي كما الكراسي قديمة.
حين صعد أعضاء الفرقة، وجدت أنهم ليس الذين كنت أعرفهم...وحين غنّوا لم أعرف ولا أغنية واحدة: كانت كلها أغان جديدة ويبدو أنها مشهورة بين الشباب فهم يرددون مع المغنيين كلماتها...بعد فترة صعد احد الحضور وبدأ في الرقص في المسرح، ويبدو أنه من محبي الفرقة، ولم يستجب لطلبات الحضور بالنزول، وتطوّر الامر إلى حد أن أحد الشباب حاول ضربه، فاهتز المكان بهتاف مدوٍ: "سلمية...سلمية.... سلمية"" فانهمرت عيناي بالدمع ...حاول البوليس أن يتدخل، لكن الشباب أصروا بعد أن نزل الراقص أن ينزل البوليس أيضاً من المسرح. ولم تستأنف الحفلة إلا بعد نزول البوليس...
كان رسم الدخول هو مائة جنيه أي ما يعادل دولارا واحدا و ثلاثة جنيهات سودانية!! انه تعجّب السائح ، الذي خرج من المكتبة وبعض هتاف يرنّ في روحه: "سلمية ...سلمية......
*السواديين" هو الاسم الذي يطلقه عامة الليبيين على ذوي البشرة السوداء من الافارقة..
Post: #205 Title: Re: الشاعر اسامة الخواض في قندهار يستمع لي كي Author: osama elkhawad Date: 07-16-2020, 10:49 PM Parent: #204
لماذا سمّيت المكتبة القبطية بدلاً من "النادي القبطي"؟؟؟
من كتاب" السودان من العهد القديم إلى رحلة البعثة المصرية" الجزء الثالث" Google Books
Post: #206 Title: Re: الشاعر اسامة الخواض في قندهار يستمع لي كي Author: osama elkhawad Date: 07-25-2020, 04:59 PM Parent: #205
أهلاً عثمان
قبل أن نتحدّث عن حفلة نصير شمة، سنستمع لقطعة موسيقية مذهلة كتبها عن السودان:
وأدناه استخدام العود في "حلّاق اشبيلية":
Post: #209 Title: Re: الشاعر اسامة الخواض في قندهار يستمع لي كي Author: Osman Musa Date: 12-22-2020, 07:33 AM Parent: #206
تحية طيبة أخي الخواض وارجو ان تكون بخير .. نتابع اهتمامك بالفنان الكبير كما يتابع العالم فنه . ارجو أن تحدثنا عن المؤسيقار العالمي وتفانينه . تحياتي
Post: #210 Title: Re: الشاعر اسامة الخواض في قندهار يستمع لي كي Author: osama elkhawad Date: 04-20-2021, 08:56 PM Parent: #209
تناول طعام في مكان عام أصبح امنية عظيمة بعد كوفيد ١٩ الذي قسّم التاريخ الى ثلاث مراحل: ما قبل وخلال ومابعد كورونا : BC, DC and AC
Before Corona During Corona After Corona
8 DC also refers to District of Colombia and Daniel Cormier
