Post: #2
Title: Re: الحصة فطور
Author: عبدالحفيظ ابوسن
Date: 02-12-2020, 08:23 AM
Parent: #1
وفي كل المؤسسات الحكومية هي ما محددة بزمن
لا زمن بداية ولا نهاية
الفطور ممكن ياخد ساعة تلاتة ولا يكون نهاية يوم عديل
والعمل المحدد يقيف . حتي تحري الشرطة ممكن يقيف لأنو المتحري مشي الفطور
تنشحط في صف ويقفلو الشباك
الفطور
عذر مقدس ماعندك الا تسكت
الفطور والشاي والونسة
وغالبا فطور برة موقع العمل
يقفل الدرج ويشيل المفتاح ويمرق
|
Post: #3
Title: Re: الحصة فطور
Author: ABUHUSSEIN
Date: 02-12-2020, 08:32 AM
Parent: #2
| Quote: مافي طريقة الحكومة تلغي قصة الفطور دى من ساعات العمل الرسمية |
سلام أبو سن
و الله إذا كان فعلاً بعطل العمل و بتسبب في تأخير المراجعين
المفروض يحددو ليه فترة معينة و يكون في ساعة و دقيقة معروفات علشان الناس تعمل حسابها
بعدين حكاية فطور و شاي و ونسة دي عطالة لا أكثر و لا أقل
وقت كتير مهدر و خسارة كبيرة يتحملها المواطن المسكين
|
Post: #5
Title: Re: الحصة فطور
Author: عبدالحفيظ ابوسن
Date: 02-12-2020, 08:39 AM
Parent: #3
مش كدة يا ابوحسين
البنك مالو ما قاعد يقفل للفطور ولا موظفينو ما بفطرو
بشتغلو ورديات فطور
مجموعات لاتؤثر في تعطيل العمل
لكن هنا لا
موظف واحد يؤدي عمل واحد
لو اخد اجازة الا يجي راجع يتم عملو
حتي الموظف العندو عهدة مالية ممكن موظف تاني يمسك الشغل وبي عهدة منفصلة وداك يمشي يفطر وكدة
لكن تكون راجي تورد قروش تاخد يوم كامل والزمن يمر تجي بكرة تواصل
ولا والله مرق وقافل الختم في درجو
درجو ولا درج الحكومة ؟!
|
Post: #6
Title: Re: الحصة فطور
Author: علي عبدالوهاب عثمان
Date: 02-12-2020, 08:42 AM
Parent: #2
الحبيب أبوسن .. دي مشكلة فقط في السودان
وحتى في الاغتراب بين سودانيين
قنصلية جدة تتوقف من الساعة الثامنة والنصف إلى التاسعة والنصف ( فطور)
وفي جلسات جماعية .. وقاعات الانتظار مكتظة بالمراجعين ..
قمة التخلف .. كمان يخرج البعض هو يحلس يده وهو ذاهب إلى المغسلة
ما في الدنيا كلها وقت فطور أثناء ساعات العمل
الفطور إما قبل ساعات العمل صباحاً
أو سندويتشات في المكتب وانت تمارس العمل ..
ربما تعويد من أيام المدارس ( حصة الفطور وجرس الفطور)
أذكر أنني كنت في مهمة في جامعة النيلين في مسألة قبول البنت
جلست أنتظر من الساعة التاسعة وحتى الساعة 11 لرجوع الموظفين من الفطور
التحية الحبيب أبوسن .. بوست مهم جداً
تخيل عدد ساعات العمل الضائعة يومياً في الوطن ( نعم قصة فطور)
وكم مقابلها من الاموال المهدرة ..
|
Post: #4
Title: Re: الحصة فطور
Author: Asim Ali
Date: 02-12-2020, 08:37 AM
Parent: #1
سلام عليكم
بحجه الفطور والصلاه يهدر زمن يمكن قريب نص اليوم او يزيد احيانا. طبعا دا غير فوضى الحوامه بين المكاتب وونسه التتلفون والواتس.
مشكله التسيب هلال الدوام تعبر ازمه رقابه وانضباط ادارى
قبل كم شهر المتبات وصلت متاخره وصرف عدد بسيط . وتانى يوم الصراف وصل الصباح 8ونص وطلع قبل السعه 10 وقفل تلفونو حتى مديرو ماعارفو وين
|
Post: #7
Title: Re: الحصة فطور
Author: عبدالحفيظ ابوسن
Date: 02-12-2020, 09:39 AM
Parent: #4
وانا يا علي مشيت اجدد البطاقة
دايرين فصيلة دم
عندي في الرخصة
امشي المعمل وخليهم يكتبو ليك الفصيلة في ورقة بس
اها مشيت عليهم
بنتين شابات
شافني جاي قفلن الشباك
كافتريا داخلية جمب المعمل مرقن عليها
وهاك يا محركة
غسيل يدين غسيل سلطة قطيع سلطة ومن الكافتريا للمعمل
المهم انا بعاين والغيظ بزيد
مشيت خليت التجديد
خفت اطرشق
|
Post: #8
Title: Re: الحصة فطور
Author: علي عبدالوهاب عثمان
Date: 02-12-2020, 10:12 AM
Parent: #7
الحبيب أبوسن .. تحياتي
أول حضوري للسعودية عملت لفترة طويلة مع سلاح المهندسين الامريكي
صدقني ديل يعلموك معنى الوقت وقيمته ( الوقت قروش عندهم )
اجازتي السنوية كانت 28 يوم في السنة مع التذكرة إلى الخرطوم
على طريقتنا السودانية ذهبت للمسئول الامريكي ( كولونيل لينزي)
وطلبت منه أن يمدد إجازتي 15 يوم أضافي نظراً لظروفي .. ( كلو كذب ) ما عندي أي ظروف
كنت آخذ الاجازة في 22/12 أحضر كريسماس ورأس السنة ( اكسلسيور الخرطوم ) بعد داك أمشي ضواحي
الدنيا زمن السودان الجميل ..
أجابني الكولونيل ( لو العمل يتحمل غيابك 45 يوم ما في داعي لوظيفتك )
بعد هذه الجملة انسحبت من مكتبه ورجعت من الاجازة ولسع باقي يوم
أوقاتنا ضايعة فطور ، مأتم ، سمايات ، عرس .. إلخ
كل نشرات التلفزيون / مؤتمرات ، ورقة عمل ، ورشة ، محاضرات .. إلخ
من فوائد الاغتراب انه يكشف الكثير من عيوبنا ..
معليش طولت عليك الحبيب أبوسن .. موضوعك حيوي
من المفترض إصدار قرار من الدولة بمنع الفطور اثناء العمل
|
Post: #9
Title: Re: الحصة فطور
Author: عبدالحفيظ ابوسن
Date: 02-12-2020, 10:45 AM
Parent: #8
عادي يا عاصم ويقفل تلفونو كأنه شغل خاص حقو
تخيل ممكن يسافر والشغل يقيف لامن يجي راجع
دة خليهو
ممكن تكون عندك قضية متابعها قاضي وليها شهور . يحولوها لقاضي تاني وتبدا من الصفر
هدر لزمن ومصالح الناس وتعطيل
|
Post: #10
Title: Re: الحصة فطور
Author: عمر سعيد علي
Date: 02-12-2020, 05:24 PM
Parent: #9
تحية ابو سن وضيوفه . .
السودان مشكلتو ادارية . .
ما عارفين ندير مواردنا ولا مكاتبنا وينقصنا الخيال والابتكار . . مافي ادارة . .
|
Post: #11
Title: Re: الحصة فطور
Author: عمر سعيد علي
Date: 02-12-2020, 05:25 PM
Parent: #9
تحية ابو سن وضيوفه . .
السودان مشكلتو ادارية . .
ما عارفين ندير مواردنا ولا مكاتبنا وينقصنا الخيال والابتكار . . مافي ادارة . .
|
|