ما كنت بعرف اعمل اي حاجة في المطبخ و لا بقرب منو مش مسألة خجل و انو المطبخ حق النسوان اذا جازت التسمية لكن ما بعرف و لا ناس بيتنا كانوا محوجني لدخول المطبخ الغربة كانت السبب في اني ادخل المطبخ في بريطانيا اكل المطاعم كعب في السعودية مرة كان عندي برنامج عن الغذاء بمناسبة اليوم العالمي للغذاء و اتواصلتا مع افخم المطاعم و سمحو لي بالتصوير المطاعم دي جميلة من الخارج لكن محل صنع الأكل اجاركم الله شئ مقزز جداَ وقتها طلبتا من المصور انو يكتفي بالصور الخارجية فقط و اتصلتا على وزارة الشئون البلدية للمتابعة و تصحيح الوضع فاصل .. و نواصل ....
سمك السلمون بالفرن يعتبر سمك السلمون من اشهى المأكولات البحرية , و في سمك السلمون عشرة فوائد غذائية أهمها الأحماض الدهنية و المعروفة باسم ( اوميغا3 ) و التي تحمي او تخفف من امراض القلب و الأطباء عارفنها .بالإضافة لي انو السلمون بساعد في التقليل من ( الاوميغا 6) و الدهون الثلاثية بتاعة وش الملاح ... المقادير : اكليل الجبل الريحان البهارات العادية ملعقة سكر او عسل ملح صوص الباربكيو عصير ليمون زيت زيتون الطريقة بسيطة تتبيل السلمون ووضعه في الثلاجة لمدة ساعتين تقطيع البطاطس ووضعها تحت السلمون و بعدها في الفرن على درجة حرارة 200 لمدة نصف ساعة .. و بالهناء ...
Quote: انا واثق انه يدك حاتكون طاعمة .. أو زي ما بيقولوا
ههههههههه مجرد وغد بس يا حيضر انت ما ضقتا الأكل بتاعي اسأل بدر الدين الامير و معتز القريش و الاتنين طباخين مهرة لما يدخلو المطبخ ما بكونو عاوزين زول يدخل معاهم
الف مرحب بيك دكتورة نعمات القصة طويلة لكن ح اختصرا ليك امي الله يديها الصحة و العافية طباخة ماهرة و حتى اخواتي في بريطانيا اتصلتا على اختي في الامارات الاتصال كان ما اقل من ساعتين عشان اعمل طبخة ساهلة جداَ كانت عبارة عن مكرونة مسلوقة و بعدها بعمل ليها صلصة و شطة خضراء و ثوم و طماماية كبيرة للتجميل و للطعم و جيراني الانقليز اول ما جاتم الريحة جو طايرين ههههههه اختي قالت لي بدل الاتصال المكلف اكتر من الطبخة بديك موقع او صفحة سمسماية و سمسماية هي سمية محجوب و معاها اختها زينة https://www.facebook.com/groups/simsimaya.kitchen/https://www.facebook.com/groups/simsimaya.kitchen/ دخلتا الصفحة و بديت اتعلم خطوة بخطوة بعدها بقيت اعلم بعض الناس بمفهوم المطبخ للجميع هنا دي https://top4top.io/
قرأت مرة في مجلة أمريكية ان أشهر وأمهر طباخ في العالم هو طباخ قصر الإليزيه الفرنسي ، وهو الذي يطبخ الطعام للرئيس الفرنسي وضيوفه من كبار الزوار والرؤساء الأجانب عند زيارتهم لقصر الإليزيه...وان هذا الطباخ الفرنسي هو صاحب أعلى مرتب حكومي في العالم ، حيث أن مرتبه أعلى من مرتب الرئيس الأمريكي، لأن الرئيس الأمريكي مرتبه ٤٥٠ الف دولار في العام ، ومرتب الطباخ الفرنسي ٤٩٠ الف دولار أمريكي في العام .... وبالمناسبة انا أمهر طباخة في عمل المكرونة بالباشاميل ...
Quote: يعني ممكن تشارك في برنامج top chef وتنافس بجدارة
متابعة
انا غايتو احسن واحد يسلق جنا جداد
من لا يملك قوته لا يملك قراره هههههههه البيض دا كمان عاوز ليه شغلة و الله يا جلال وصلتا مراحل بعيده في الطبخ خاصة في اجازتي السنوية بكون عندي وكت كافي في الويكند الموضوع بياخد معاي تلاتة ساعات و عندي اصحاب اوغاد مرات بطلبو حاجات معينة و انا بكون عامل حاجة تانية ديل ما بعرفو يطبخو لكن بعرفو ياكلو و انا بكون سعيد
Quote: قرأت مرة في مجلة أمريكية ان أشهر وأمهر طباخ في العالم هو طباخ قصر الإليزيه الفرنسي ، وهو الذي يطبخ الطعام للرئيس الفرنسي وضيوفه من كبار الزوار والرؤساء الأجانب عند زيارتهم لقصر الإليزيه... وان هذا الطباخ الفرنسي هو صاحب أعلى مرتب حكومي في العالم ، حيث أن مرتبه أعلى من مرتب الرئيس الأمريكي، لأن الرئيس الأمريكي مرتبه ٤٥٠ الف دولار في العام ، ومرتب الطباخ الفرنسي ٤٩٠ الف دولار أمريكي في العام .... وبالمناسبة انا أمهر طباخة في عمل المكرونة بالباشاميل ...
نعم هو جيوم جوميز كبير الطهاة في قصر الاليزية دا وصل مرحلة انو الممشرف على فريق الطهاة في قصر الاليزية و هم طهاة كلهم متميزين ياريت تشاهدي الفيديو للآخر
يا ريت تنزلي لينا المكرونة بالبشملي و انا بنزل ليك العملتها تحياتي يا ملكة
شاعرنا الجميل الخواض انت من الناس البعرفو ياكلو لكن في الطبخ ما في فرق بينك و بين ابو جهينة انتو اكتبو و انحنا بنطبخ ههههههههه لكن سؤالك دا ما بقدر اجاوب عليها عشان ما تقوم علينا عجاجة آمنة مختار و دكتور نعمات يا اخوي انا ما بقدر على الجندريات ديل انا غايتو بتخيل آمنة و نعمات و امتثال بطبخو الطبيخ العادي دا ما لم يثبتن لي في البوست دا طبخات فيها مهارة حبي لهن
خضر الطيب اولا شكرا على الفيديو الاوسكار ثانيا ؛بالله انت ما بتبالغ ...انا صورتي في ال desktop ما قادر انزلها في المنبر...تقول لي اصور صورة بالكاميرا وانزلها في المنبر... التكنلوجيا بتاعة الكاميرا دي ما بيعرف ليها إلا كوستاوي ... نحن قىويات يا خضر ، والمطبخ ده اتعودنا عليه ونحن في مرحلة الأساس...
مرحب الراكزة امتثال طالما انك من مرحلة الاساس بتطبخي اكيد بتكوني طباخة ماهرة انا ما بطبخ ملاح مع العلم انو مطبخنا السوداني اشهر ما فيهو الملاحات الرجلة و الخضرة و البامية المفروكة و العادية العذابة بطبخو حلة اسمها القطر قام و دي بتكون فيها كل المكونات و ما بزبطا الا زول خبرة في الحلل و بتطلع طاعمة جداَ انا ما حصل عملتها بدر الدين و معتز متخصصين فيها انا ببتكر اكلات معينة و بكون عندي ليها خطة محدده على حسب المزاج او على حسب طلب اصحابي او ناس البيت
بالنسبة لرفع الصور الموضوع ساهل و بسيط اكتبي في قوقل موقع لرفع الصور تلاقي مواقع كتيرة عشان تتحفينا بطبخاتك بالنسبة للفيديو كمان الموضوع ما صعب الخطوة الاولى تصوير الفيديو و حفظه في الديسكتوب و يكون عندك قناة في اليوتيوب تعملي حساب في Gmail من الصورة التحت دي ترفعي الفيديو في اليوتيوب https://top4top.io/ Upload Video و بعدها تلاتة خطوات يكون الفيديو نزل عندك في القناة الخطوات التلاتة بتكون قدامك في صفحة اليوتيوب و واضحة و ممكن عشان تختصري الموضوع دا كلو في الجامعات الغربية في بتاعين IT و ناس متخصصين في الشغل دا و ممكن يقعد معاك في المكتبة لمدة نص ساعة حيشرح ليك الموضوع بكل بساطة
والله يا استاذ خضر أنا بعتبر نفسي طباخ من الطراز الأول خصوصاً ناس القطر قام وكدة ، لكن زوجتنا المصونة عاملة لي Restraining order من المطبخ ، آلت ايه، إنو أنا بجوط المطبخ كلو، وحقيقة ، بعد ما أخلص الطبخ بلقى العدة كلها في حوض الغسيل كمان كيس نايلون ما بعرفه جاء من ويين. غايتو جنس غايتو
Quote: والله يا استاذ خضر أنا بعتبر نفسي طباخ من الطراز الأول خصوصاً ناس القطر قام وكدة ، لكن زوجتنا المصونة عاملة لي Restraining order من المطبخ ، آلت ايه، إنو أنا بجوط المطبخ كلو، وحقيقة ، بعد ما أخلص الطبخ بلقى العدة كلها في حوض الغسيل كمان كيس نايلون ما بعرفه جاء من ويين. غايتو جنس غايتو
ههههههههه انت قاعد تجوط ليها المطبخ انت ذي ناس بدر الدين و معتز الاوغاد ديل بشتغلو بالطريقة بتاعتك دي رغم اني بشتغل بطريقة مختلفة تماماَ و اي ما عون لازم يتغسل في وكتو و ذي ما بتقول حبوبتنا الماعون اللين غسيلو هين انا بشتغل بالتراتيبية دي و رغم كدا زوجتي حاولت اكتر من مرة تبعدني من المطبخ عشان انا بنزل الطبخات في الفيس و الجكس ما يديك الدرب الظاهر دي مشكلتا و التعليقات بتكون من نوع يا شيف يا فنان يا سلااام على الطبخة دي و يا ريت لو عندي راجل يطبخ لي ذيك يا خدوري زوجتي قربت تنجلط غايتو قدرت عطلتني فترة ههههههه لكن بعد داك اتفكفكتا
Quote: بشتغل بطريقة مختلفة تماماَ و اي ما عون لازم يتغسل في وكتو
انت من طراز صحبي ودفعتي عازف الجيتار المعروف كمال ميرغني من أولاد رفاعة ده بقى أيام العزوبية وميز معهد الموسيقى كان مطلع سلسفيل أبونا ، لحد ما يخلص سلطة الدكوة السكينة تتغسل عشرومية مرة ، كنا سامنو حاجة كمال ، زمن لا يعوض
يا سلام يا احمد كمال ميرغني عبد الرحمن ود نقية ليهو التحية و التقدير
Quote: انت من طراز صحبي ودفعتي عازف الجيتار المعروف كمال ميرغني من أولاد رفاعة ده بقى أيام العزوبية وميز معهد الموسيقى كان مطلع سلسفيل أبونا ، لحد ما يخلص سلطة الدكوة السكينة تتغسل عشرومية مرة ، كنا سامنو حاجة كمال ، زمن لا يعوض
لكن ابو الكا بالغ معاكم انو يغسل السكين ستين مرة هههههههه كيمو انسان جميل و عازف متميز و انت متميز يا احمد هاك اسمع سانتانا
Quote: Aloop Ali ساعتين في التثلاجة لتتبيل السلمون ....ما كتيرة ؟
سمك السلمون ده كان مرقت وقفت في السطوح في شمس الدوحة وجيت نفخت فيه بينجض ....أتبلوا ساعيتن ؟
هههههههه ما كتيرة يا علوب و انت عارف مواعيد السودانيز يقولو لي بنجيك الساعة تسعة مساء و الكلام دا بكون الساعة خمسة بدخل انوم فترة طويلة و بصحى براحتي هم بكونو لسه ما وصلو بطلع الحاجات و ببدا اعمل فيها وهم لسه بكونو ما وصلو لكن التتبيلة كلما اخدت وكت بتظبط بتتشرب صاح
Post: #21 Title: Re: المطبخ للجميع (صور وفيديوهات) Author: أحمد محمد عمر Date: 02-13-2020, 04:56 AM Parent: #19
حاجة واحدة بس بعرفها الفسيخ بالتونة علمتني ليه المدام وظبطتو صاح وبعديها بقت تخليهو علي بتقول لي فسيخك لا يعلى عليه أنا طبعاً حاسي بي إنه الموضوع دة حنك منها تدخلني بيه المطبخ لكن برضو مستمتع كوني فلحت أخيراً في حاجة غير الفول والسلطة
________ هسة أنا كحكم آكشن محترف صفارتي في خشمي أعمل نايم من فاول حيدر الزين لمجرد إنه اللاعب العاملين معاهو الفاول طلع فرفارة وواصل جري!
Quote: حاجة واحدة بس بعرفها الفسيخ بالتونة علمتني ليه المدام وظبطتو صاح وبعديها بقت تخليهو علي بتقول لي فسيخك لا يعلى عليه أنا طبعاً حاسي بي إنه الموضوع دة حنك منها تدخلني بيه المطبخ لكن برضو مستمتع كوني فلحت أخيراً في حاجة غير الفول والسلطة
________ هسة أنا كحكم آكشن محترف صفارتي في خشمي أعمل نايم من فاول حيدر الزين لمجرد إنه اللاعب العاملين معاهو الفاول طلع فرفارة وواصل جري!
فسيخ بالتونة دا اول مرة اسمع بيهو ما هو يا فسيخ براهو يا تونة المدام ا دي بتعولق فيك ما عاوزاك تبقى طباخ ماهر :) كدي قبل ما نحكم عليها ارفع لينا صحن نشوفو بالنسبة لي حيضر الزين دا وغد انا فاهمو وهو فهمو ما حيتغير الزول دا من حتة جنب عطبرة يعني ما بعيد من الوغد عادل امين ههههههه
Post: #23 Title: Re: المطبخ للجميع (صور وفيديوهات) Author: محمد عبد الله الحسين Date: 02-13-2020, 07:58 AM Parent: #22
خضر صباح الخير
دخلت بوستك ده هسة طوالي .....جوّعتنا...
انت عامل فيها الشيف منو كده ما عارف و ناسي إنه نحن قريبين منك فركة كعب بنكشف كل
بالنسبة لي أنا بظبّط الفول ( بالسبعة الكرام بتاعة فول أبو العباس لما سألوه انت ليه بتقول فول ابو العباس و السبعة الكرام؟
..السبعة الكرام ديل شنو؟ قالها ورّاها ليهم...
واتاري السبعة الكرام هن الحاجات البعملها أنا ذات و أسألوه:
و هي الكسبرة و الشمار و الفلفل الأسود و الشطة و تاني شنو يا ربي ؟
غايتوا أنا بقول بو التوم و الجبنة و البصل و الليمون. تاني في حاجة؟
اعمل ليك الحاجة البتحبها بس انت تعال انا عملتا البوست دا عشان اشوف مهاراتكم حبيبنا ابوجهينة قال بعرف اسلق الجنا جداد احمد عمر جاب ليهو حاجة كدا ما مفهومة فسيخ بالتونة قال و انت جبتا الفول امتثال قالت انها بتطبخ من مرحلة الاساس لكن ما بتقدر ترفع الصور الخواض دا بعرف ياكل كويس يعني ممكن تسميهو اكيل هههههه
الطريقة الأمثل و الاسهل لعمل عصير الافوكادو بالحليب و العسل و المسكرات او بغيرها , و ممكن يكون خفيف كمشروب و ممكن يكون تقيل ذي الايسكريم , و نبتة الافوكادو تصلح للطبخ و للسلطة و كعصير , حاجة كده تنفع لأي حاجة , حتى التجميل , في نبتة الافوكادو اكثر من 15 فائدة صحية و تجميلية , من خمسة يوم جبتا الأوفوكادو اخضر و بكون محتاج لي اربعة او خمسة يوم عشان يبقى لونو براون و بعدها ببقى جاهز عشان يكون عصير بالحليب و العسل العادي الموجود في البقالات , للعصير بنكون محتاجين لداخل القشرة و بي الملعقة عادي ممكن نقشفا و نختها في الخلاطة مع الحليب و العسل .. و بالهناء https://top4top.io/ https://top4top.io/ https://top4top.io/ https://top4top.io/
Quote: يا خضر نحن بنجي..جيتنا ساااهلة...خمسة فجأة تلقانا قدامك...
بس الكضباشي ده ما بجيبنا ....نحن ناس لحم ساكت..هههههههههههههه
خش لينا في الحم و الضلع و ما إلى ذلك...هههههه
الكضباشي دا يا دكتور محمد عملتو لاصحابي و هم جايين بي عشم اللحم بالمناسبة شكلو ذي ما شايفو لحم لما ضاقوهو لقوهو اطعم من اللحم عذابة اوغاد ما فاهمين الحاصل شنو انا ما شرحتا ليهم الحاصل و هم ما فاهمين الحاصل شنو تباَ للجهل ههههههه لكن بجيب ليك اللحم في البوست دا
ملاحب بيك يا هندسة شفتا صورتك مع اجتماع اخواننا في الرياض و انت ماسك العود صراحة ضحكتا بفرح انت كنت في الجنوب على حسب ما اذكر الجابك الرياض شنو في غيابي
Quote: خدوري مرة انا عملت للاسرة شعيرية باللبن اهااااااااااااااااااا
اضطرينا شربناها طبعا
شعرية بالبن طلعت شوربة لا انت صعب تتعلم ههههههه لكن بحاول معاك لاني مستهدف فئتك دي آمنت بالله ....صدق الله العظيم
فيليه السمك الأبيض بالفرن المقادير : - كيلو سمك أبيض – بهار ابيض – بهار حار - بهار حلو - عصير ليمون حامض – بطاطس – طماطم – بصل – زيت زيتون . الطريقة :- تقطيع البطاطس ووضعها في صينية الفرن مع البصل و الطماطم – تتبيل السمك ووضعه في التلاجة لمدة تتراوح بين ساعتين الى اربعة ساعات وضع السمك فوق – الفرن من 30 – 45 دقيقة و نار هادئة – يفضل الصينية تكون تحت .. و بالهناء و الشفاء
ما اظن في وغد غيرك يا مجيدو ثم اذيك ياخ العدس دا انت قايلو ساهل ؟ دا بعملو ليهو قدحة و القدحة عاوزة فهم لانو القدحة بتتعمل بطريقة معينة ما ح اشرحا ليك يا مجيدو لاني فقدتا الأمل فيك و الله غسيل العده ذاتو كتير عليك هههههههه
مرة كنا في معسكر و حاولت اتظارف واعمل للاوغاد اكل ... صنفت معااي .. وقلت ليهم اعمل ليكم عدس ... وانا اصلا ما بعرف اطبخ.. المهم ... فشلت فشلا زريعاً ... والجماعة اكلووو نييييم .... هههههه حاليا ... اكره دخول المطبخ .. الا اذا كان هنالك غسيل للعدة .... (عم بمزح ) افووووو انا اغسل عدة ؟؟؟؟ غايتو احسن حاجة بطبخها .... بيييض .... وما ادراك ما البيييض ....
عاالم بطاالــــــــــــــــــــة ,,
بقيت تعمل بيض يا مجيدو ؟ الحمد لله بقت على (البيض) فرقك شنو من ابو جهينة غايتو لو استمريتو في الوضع دا بعد شوية بتكلو بيكم الباب هههههههه آمنت بالله ..صدق الله العظيم محبتي يا جميل
Post: #35 Title: Re: المطبخ للجميع (صور وفيديوهات) Author: adil amin Date: 02-13-2020, 11:58 AM Parent: #34
كويس والله هي دي اخرتا مش قلت التكل عيب ونبذ انا جيتك يا الديك الاحمر صور بس
https://top4top.io/ اذا امتلات البطنة ذهبت الفطنة وده كمان صديق يوسف البياكل مع اهل الكتاب استاذنا ارون في الدامر الثانوية والبقا سفير سابق في السودان https://top4top.io/ انا ما بعرف اطبخ عندي هواية واحدة من صغيير الصيد في الماء العكر بس ويعجبني سمك الكور والبلطي الملظلظ دي ضربة بي الطيران المسيير بعد الارشفة عشان تمشي جنب الحيط بس تاني ما تجي تتغذا تحت حنكي في فضائية جقود الحوثي وعوالم جقود المدهشة
عدولي يا دفعة كنت عارفك بتجي يا بطة خليك انت مع المظبي و الكبسة معقول زول بياكل علف ذي دا يكون بقى فيهو مخ ؟ غايتو طايوق بس ممكن مرة واحد زميلنا اردني بعد الشغل قال لي انا عازمك عشاء قلتا ليهو خير طلعنا مشينا لسيدة معروفة بالنسبة ليهم بتطبخ المجبوس الاردني باللحم عملت لينا صينية كاملة و ادتنا معاها قدرة صغيرة فيها لبن و سمن مشينا اشترينا بسبوسة من حلويات العكر لما انا اكلتا الحاجة دي حسيت انو اصابني شلل و مخي اتوقف عن التفكير هسي انت بتاكل في المصايب دي مخك بكون اتحجر عشان كده شابك في خمسة حاجات و عندك عشرة صور عامل لوب ههههههه
Quote: كويس والله هي دي اخرتا مش قلت التكل عيب ونبذ انا جيتك يا الديك الاحمر صور بس
اذا امتلات البطنة ذهبت الفطنة وده كمان صديق يوسف البياكل مع اهل الكتاب استاذنا ارون في الدامر الثانوية والبقا سفير سابق في السودان انا ما بعرف اطبخ عندي هواية واحدة من صغيير الصيد في الماء العكر بس ويعجبني سمك الكور والبلطي الملظلظ دي ضربة بي الطيران المسيير بعد الارشفة عشان تمشي جنب الحيط بس تاني ما تجي تتغذا تحت حنكي في فضائية جقود الحوثي وعوالم جقود المدهشة
رغم اني بطبخ لكن نحن قومٌ لا نأكل حتى نجوع و اذا اكلنا لا نشبع انت بتحب السمك الملظلظ عشان كدا بقيت ملظلظ وكتك في بخت الرضا تكون اكلتا بلطي النيل الابيض كلو انا غايتو دفعتنا دي ما لقيت فيها زول نافع الا انا تباَ لكم اوغاد ههههههههه
الف مرحب بيك اخونا عاصم عضو جديد في المطبخ للجميع حصل انا عملتا اكلة ذي دي بالرز ح انزلا ليك لقدام الكشري ما جربتا اعملو عندنا في محل الشغل مطعم بعمل اكلات لكل الجنسيات اكلتو و معاهو الكسكسي مرة و في وجبات مكسيكية و اسبانية و برتقالية الشيف كان هندي بميل للأكل الهندي و الأكل الهندي دا وضع تاني رغم انو الانقليز ما بحبو الاكل الاسبايسي لكن عندهم عشق مع المطاعم الهندية في بريطانيا في سلسلة مطاعم اسمها اكبر عندها 180 فرع في بريطانيا في الويكند تحتاج تنتظر على الاقل نص ساعة عشان تفضى تربيزة اغلب الزبائن انقليز
Post: #41 Title: Re: المطبخ للجميع (صور وفيديوهات) Author: Biraima M Adam Date: 02-13-2020, 03:52 PM Parent: #40
Quote: وبالمناسبة انا أمهر طباخة في عمل المكرونة بالباشاميل ...
هي أمتثال هاه .. شوفوا شكار ريقبتو دي !! .. حسي لو مسكناكي في البيض تقعدي للبطبطة ..
أنا مقتنع أنك عازفة ماهرة .. لأنها موضة الشباب .. لكن الطباخة زمنها ولي وأنتهى مع أمهاتنا.
ول أبا خضر، هل النطق الصحيح .. سمك السلمون أو سمك السالمون؟ ..
----------------------- برافو تطبخ عدييل .. هل أنت من الشمالية يا خضر، لأن ناس الشمال الرجال طباخين مهرة أكثر من النساء .. لو في غرب السودان ودخلت المطبخ .. تكون سويت فضيحة كبيرة .. وبالأخص لو شاب .. أو رجل ذو مكانة .. تكون أنتهيت في نظر المجتمع.
بريمة العربي الطباخة زمنها ما انتهى يا بريمة ..هل انت بتعرف أن الطباخة معاهد عالمية زي معاهد الموسيقى وتدفع دم قلبك عشان تخش معاهد الطباخة ..وانت ما قريت في البوست ده ان أعلى مرتب في العالم يتقاضاه طباخ قصر الإليزيه الفرنسي وهو رجل..وليس امرأة... وبالله انتو لسع بتعتبروا الرجل الذي يدخل المطبخ ويطبخ أنه عار وفضيحة!!! لييه انتو عايشين في القرون الوسطى!!هههههههه وبعدين انا طباخة ماهرة جدا جدا..وا تنسى المكرونة بالباشميل، وعازفة يعزف على ٣ الآن موسيقية . واذا عندك عريس جاهز بيحب المكرونة بالباشميل ويكره الرغيف والكسرة ...قول لي عووك ..عشان ما بيقول لي قومي امشي اقيفي في صف الرغيف ولا قومي عوسي كسرة....
Post: #43 Title: Re: المطبخ للجميع (صور وفيديوهات) Author: Biraima M Adam Date: 02-13-2020, 04:33 PM Parent: #42
أها .. سوي لينا البيان بالعمل .. ها دا خضر دخل المطبخ ..
الموسيقي ما بسألك منها .. أنا عارف البنات بحبوا الموسيقي .. أنا بتي في الفصل السادس وألزمتني بأن أشتري لها آلة موسيقية .. وفعلت .. ولما أخوانها يزهجوها .. بتمش تدخل غرفتها وتقعد تعزف .. تهدئ أعصابها، لكن العجب تقوم تدخل المطبخ مع الزهجة، نكون أنا وأمها واقفين نكنس في "التراش" .. تسوط المطبخ رأس علي عقب .. وعرفت كل البنات كده ..
لو أنت ختيتي لينا طبخة من عمل يدك .. بالجد بقيف معاك في الموضوع .. لكن أقول ليك حاجة غير مهم تكون البنت طباخة .. نحن عايزنك تدقشن لي قدام .. وتتقدمن في الوظائف وكده .. والباقي ساهل.
حبيبنا احمد ساطور انا عندي سؤال لاحظتا اغلب عازفي الجتارات طوال القامة المسألة دي مقصودة و لا بس جات كدا انت و عبد الحفيظ عبد القادر كرار و جبريل و كتيرين و عندي صاحبي هو من الطوارق من النيجر هاجر الى الجزائر لانو الوضع السياسي هناك ما كان مستقر اسمو عمارة بومبيو مكتار اتعرفتا عليهو من عشرة سنوات برضو من خلال فرقة الأصدقاء الجزائرية و الفرقة دي بتشتغل شغل مختلف لكن كمان عمارة بتاع جتار متميز اسمع الشغل دا
مرحب باشمهندس بريمة اوعا تستفز بتنا امتثال دي في مجال الطبخ قالت هي قروية و انت عامل فيها عربي و جدك العباس .. امتثال دي عربية اكتر منك انت مجرد كومر من ايام نميري ههههههه
Quote: هي أمتثال هاه .. شوفوا شكار ريقبتو دي !! .. حسي لو مسكناكي في البيض تقعدي للبطبطة ..
أنا مقتنع أنك عازفة ماهرة .. لأنها موضة الشباب .. لكن الطباخة زمنها ولي وأنتهى مع أمهاتنا.
ول أبا خضر، هل النطق الصحيح .. سمك السلمون أو سمك السالمون؟ ..
----------------------- برافو تطبخ عدييل .. هل أنت من الشمالية يا خضر، لأن ناس الشمال الرجال طباخين مهرة أكثر من النساء .. لو في غرب السودان ودخلت المطبخ .. تكون سويت فضيحة كبيرة .. وبالأخص لو شاب .. أو رجل ذو مكانة .. تكون أنتهيت في نظر المجتمع.
بريمة
هو سمك السالمون يا بريمة النطق الصحيح لكن انحنا اصلاَ بننطق الحاجات بطريقتنا ذي ما بنعملا بطريقتنا محبتي يا بريمة و ربي يحفظ البنية العازفة قول ليها عمو خضر دا بحب الشعراء و الفنانين و العازفين و الكتاب و الرسامين و اي منتج بضيف للفنون سمعا الشغل الفوق دا بتاع بومبيو جيتار ذي الجتار دا اوركسترا كاملة هو عامل فيهو مشبك بطلع نغمات رهيبة
الطبخة صينية خضار بالبشاميل على الفرن .. المكونات :- خلطة البشاميل المكونة من حليب , دقيق , سمن , و بيض , فراخ , بقسماط الخضار :- كوسة ,جزر , بطاطس , فلفل رومي الطريقة :- عمل البشاميل في حلة على النار نضيف ملعقتين سمن كبيرة مع إضافة تلاتة ملاعق من الدقيق و بعد التحميص الخفيف يضاف الحليب و يضرب الخليط بمضرب البيض اليدوي, ثم يضاف عدد اتنين بيضة واحدة تلو الأخرى , ونستمر بالتقليب حتى تتكون كريمة البشاميل وترفع من على النار... الخطوة الثانية :- نقوم بتقطيع الخضروات بشكل حلقات ثم غليها على الزيت. الخطوة الثالثة :- يتم تقطيع الفراخ على شكل قطع صغيرة مثل قطع الشاورما و تشوح على السمنة بإضافة البهارات ( كسبرة و فلفل اسود و توم ) ... الخطوة الرابعة :- يتم مسح صينية الفرن بالسمنة وتصب عليها نصف كمية كريمة البشاميل كطبقة أولى , و بعدها يتم وضع الخضار كطبقة ثانية , ثم يتم وضع الفراخ كطبقة ثالثة و في الطبقة الرابعة يتم سكب النصف المتبقي من البشاميل , و الطبقة الخامسة يمسح وجه البشاميل بالبيض المخفوق و من بعدها يتم وضع قليل من البقسماط كمرحلة أخيرة , و تدخل الفرن على درجة حرارة 180 , لمدة 20 دقيقة , و بالهناء و الشفاء .. محبتي ابقي مارقة يا امتثال عشان بريمة ما يشمت فيك ههههه
( سلطة الفواكه بالقشطة ) . طبعاً دي من اسهل انواع التحلية و اسرعها في التحضير ..
المكونات :- اي نوع من انواع الفواكه المتوفرة يتم تقطيعا لقطع صغيرة مع اضافة عصير الكرز و تقليبها جيداً , مع اضافة عصير المانجو و اضافة القشطة التركية كطبقة أخيرة و يتم تزيينها بالمكسرات اي مكسرات تحبوها لكن انا هنا عملتا بندق و عين جمل , و عسل النحل , و بعدها للتلاجة و تقدم باردة .. و بالهناء و الشفاء .... محبتي
Post: #49 Title: Re: المطبخ للجميع (صور وفيديوهات) Author: adil amin Date: 02-14-2020, 03:37 AM Parent: #48
Quote: لما انا اكلتا الحاجة دي حسيت انو اصابني شلل و مخي اتوقف عن التفكير هسي انت بتاكل في المصايب دي مخك بكون اتحجر عشان كده شابك في خمسة حاجات و عندك عشرة صور عامل لوب ههههههه
شفت يا خضر انا كابوسك الصباحي انت قايلني جيت بوستك عشان ارمرم **** مخك لحدي هسة واقف القعد يفكر في البورد ده انا وبكري ابو بكر (لزوم طلس) انت شفت الصينتين النزلتهم ليك ديل تجاوب السؤالين ديل بس 1- منو البكون عاس الكسرة في صينية الترابي ؟؟ وصال ولي علي عثمان ولي ظو النون ؟؟؟ 2- الفرق شنو بين الصينية العلمانية بتاعة صديق يوسف وصينية الترابي الاسلامية 3- ما حكم ان ياكل اهل الكتاب مع المسلمين ؟؟؟ وقررر ط علي كده الزول البفكر يا الديك الاحمر ما بياكل كثير لان الدم بمشي المعدة عشان يهضم علي حساب الدماغ وبين المعدة والدماغ فرق السما من الارض
لذلك قالت العرب اذا امتلات البطنة ذهبت الفطنة كويس بس فتحت مطبخك وبقت القصة ما ((شتيمة )))) علمانييوووو ....سيادووووووووو....تسقط بس ....كااااااااااااك كااااااااااااااااك والشمس جوة الجب والحكمة خلف السور ادس عبدالصمد فرقة في البوست اصلو فاتو المولد بسبب الارشفة
مطعم ابو العباس من اشهر مطاعم الفول في الخرطوم مره نزلتا السودان و بالصدفة قابلتا صاحبي قال لي انا عازمك فطور الوكت كان بدري قلت ليهو مطعم ابو العباس قال لي انا قلت حتقول لي اعزمني في فندق برج الفاتح كورنثيا او اقل شئ في شارع المطار مطعم امواج قلت ليهو بس ابو العباس دا قال لي ما ذي زمان قلتا ليهو ما مشكلة وبقينا مارقين عليهو فعلاَ لقيتو ما ذي زمان لكن هسي من خلال الصورة دي حصلت تحسينات كبيرة في المبنى و اكيد رجع للمطعم رونقه القديم و تقريباَ المسئول الآن من المطعم عمر ابو العباس هنا صورة العم ابو العباس سيد الاسم
Quote: شفت يا خضر انا كابوسك الصباحي انت قايلني جيت بوستك عشان ارمرم **** مخك لحدي هسة واقف القعد يفكر في البورد ده انا وبكري ابو بكر (لزوم طلس) انت شفت الصينتين النزلتهم ليك ديل تجاوب السؤالين ديل بس 1- منو البكون عاس الكسرة في صينية الترابي ؟؟ وصال ولي علي عثمان ولي ظو النون ؟؟؟ 2- الفرق شنو بين الصينية العلمانية بتاعة صديق يوسف وصينية الترابي الاسلامية 3- ما حكم ان ياكل اهل الكتاب مع المسلمين ؟؟؟ وقررر ط علي كده الزول البفكر يا الديك الاحمر ما بياكل كثير لان الدم بمشي المعدة عشان يهضم علي حساب الدماغ وبين المعدة والدماغ فرق السما من الارض
لذلك قالت العرب اذا امتلات البطنة ذهبت الفطنة كويس بس فتحت مطبخك وبقت القصة ما ((شتيمة )))) علمانييوووو ....سيادووووووووو....تسقط بس ....كااااااااااااك كااااااااااااااااك والشمس جوة الجب والحكمة خلف السور ادس عبدالصمد فرقة في البوست اصلو فاتو المولد بسبب الارشفة
انت قاعد تصحى ذي الوكت دا يا عدولي يا إما انك امام مسجد يا مؤذن انا ما ح اجاوب علي اي سؤال انت تطرحو عشان ما تمعطني يا وغد معقول اديك فيني فرصة و تقوم تدور بي في احزاب البيوتات التجارية و رؤية جون قرنق و الجمهوريين هههههههههه
Quote: انت وكت إيدك طاعمة زي ما قال الطريفي ما تعزمنا بس بي شرط ما عايزين عربسات RBG والدويم اليومداك ممكن تعزمنا انا ودينق والأفارقة
سلام يا مونتي RBG دي عندنا في شغل التلفزيون من اساسيات الالوان RED,BLUE,GREEN اتخيل بلد الوغد بدر الدين بقت استاند لي حاجة عالمية ياخ بدر الدين و معتز ديل لو ما كانو موجودين الجلسة ذاتا ما بكون ليها طعم مرة مشينا انا و زوجتي جنب قهوة حالول محل السمك لقينا سمكة طولا متر جينا لفينا بيها نص الدوحة ما لقينا محل سمك راضي ينضفا ربك رب الخير اتصل علي بدر الدين الأمير اخبارك احوالك قلتا ليهو عندنا سمكة كبيرة محتارين فيها قال لي ابشر هسي بجيك جاني شاف السمكة و طلع مشا جاب حجر البسنو بيهو السكاكين و جاب ساطور قال لي وروني العدو و ابقو فراجة بعد ساعة نضفا و قطعا على حسب الطلب و طبخنا انت بتقدر على الشغل دا ابقى مارق هههههههه
دينق لما جاني اول مرة الوكت ما كان وكت وجبة كان وكت شاي المغربية اتونسنا و بقى مارق لكن طالما طلبتو العزومة دي ابشرو و هي اصلاَ كان مفروض تكون زمان يا مونتي لما كان صاحبنا راقد في المستشفى كنت بمشي ليهو الساعة واحدة صباحاَ مرة قال لي مونتي جاني زيارة قال لي ما حتقدر تقابلو لانو انت بتجي في وكت مختلف لكن لو حيين بنتشاوف
Post: #55 Title: Re: المطبخ للجميع (صور وفيديوهات) Author: adil amin Date: 02-14-2020, 04:40 AM Parent: #54
Quote: عشان ما تمعطني يا وغد معقول اديك فيني فرصة
خلاس بخيت وسعيد في مطبخك العامر ما تجيني في الديوان ....تتخذا تحت حنكي انا لا مؤذن ولا امام جامع انا لبقول شششششششششششششششششششششششششششش لمن البث التلفزويني ينتهي في اليمن انت مش كنت شغال في التلفزيون زمن الطيب مصطفي منو الكان بقعد بعد نص الليل يقول شششششششششششششششششششششش غيرك والطيب مصطفي والشيطان ثالثكم... النكتة نشرتها في بوست دفع الله ود الاصيل الظريف هسة خلاس فتك بالعافية وحلاة ناسا حلاة ناسا بلا السكر طعم قراصة قراصة في قدحا من الدبكر كواريك شفع المغرب يقلبو في الجمر قنقر وما مغستي رحل تلوت الليل https://top4top.io/ قال تمتعطني(50 والجوكر بايظ) انا ما بمعط الموقوذة والنطيحة والمتردية وما اكل السبع والناس عارفني من زمان فكر = فكر والرجال تموت متوافية
Post: #56 Title: Re: المطبخ للجميع (صور وفيديوهات) Author: عمر نملة Date: 02-14-2020, 11:48 AM Parent: #55
سلام عايز فرصه اخرجكم من المطبخ التقليدي السوداني والعربي... طبعا لو قلت ما في حد بيصدق.... لكن اقول... معاي دبلوم (شكولاتة... معجنات... خبز... بيتزا) وخبرة ٨ سنوات...
Quote: خلاس بخيت وسعيد في مطبخك العامر ما تجيني في الديوان ....تتخذا تحت حنكي انا لا مؤذن ولا امام جامع انا لبقول شششششششششششششششششششششششششششش لمن البث التلفزويني ينتهي في اليمن انت مش كنت شغال في التلفزيون زمن الطيب مصطفي منو الكان بقعد بعد نص الليل يقول شششششششششششششششششششششش غيرك والطيب مصطفي والشيطان ثالثكم... النكتة نشرتها في بوست دفع الله ود الاصيل الظريف هسة خلاس فتك بالعافية وحلاة ناسا حلاة ناسا بلا السكر طعم قراصة قراصة في قدحا من الدبكر كواريك شفع المغرب يقلبو في الجمر قنقر وما مغستي رحل تلوت الليل https://top4top.io/https://top4top.io/ قال تمتعطني(50 والجوكر بايظ) انا ما بمعط الموقوذة والنطيحة والمتردية وما اكل السبع والناس عارفني من زمان فكر = فكر والرجال تموت متوافية
عدولي يا متعة انا ما كنت شغال في تلفزيون الطيب مصطفى انا اشتغلتا قبل ما يجي المعتوه دا بعدين اشششششش دي كان بعملا طارق كاشف في الارسال لما كان الارسال عن طريق المايكرويف قبل البث الفضائي قبل البث الفضائي يا بطة كانت في مناطق واقعة في ما يسمى بظل الارسال ما بصلم التلفزيون ذاتو عشان انت كنت واقع في ظل الارسال عشان كدا انت كدا قامو عملو ليكم تلفزيون عطبرة و عملو لناس مدني تلفزيون مدني و كان موجه برامج في الجزيرة نزرع قطنا نزرع نتيرب نحقق املنا غايتو يا عدولي انت موووبالغة
Quote: سلام عايز فرصه اخرجكم من المطبخ التقليدي السوداني والعربي... طبعا لو قلت ما في حد بيصدق.... لكن اقول... معاي دبلوم (شكولاتة... معجنات... خبز... بيتزا) وخبرة ٨ سنوات...
ياخ انت زولي تب يا ريت تتحفنا بالشغل دا في الجامعة كان عندنا ناس متخصصين في الطبخ و الحلويات في البريك كنا بنمشي نتاوق ليهم في المطبخ الخاص بالكلية عندي صاحبي مرة عزمني غداء زوجتو ما شاء الله طباخة و عملت تحلية رهيبة قلتا ليها تعالي ادخلي الكلية كانت كلية توماس دانبي في بريطانيا درست سنتين و بعدها لقت شغل في افخم فندق في الامارات اتحفنا يا حبيب
Post: #59 Title: Re: المطبخ للجميع (صور وفيديوهات) Author: Osman Musa Date: 02-14-2020, 05:52 PM Parent: #58
الاخ الفنان خضر سلامات عطرابة مشاويك جابتنا من اخر الدنيا . طبعا الرجال متفوقين بس في فنون الطبخ التجاري . واكيد الفرق كبير. بين طعم التجاري. والاكل الخاص . واجمل اكل في السودان سمك وجرجير وبصل والتحلية بقنية .
Post: #60 Title: Re: المطبخ للجميع (صور وفيديوهات) Author: محمد عبد الله الحسين Date: 02-14-2020, 08:24 PM Parent: #59
يا خدّوري يا خوي وصْفاتك دي كلها حلوة و جذابة..
بس عايزة ليها شوية تدريب و مهارات و عشان ما نسمع ده شنو ده؟ و الجوطة دي شنو و ما إلى ذلك ..
يعني عشان ما ندي (الحكومة) فرصة هههههههه..
لكن يا خدوري الوصفة الوقعت لي في جرح و عجبتني بتاعة بفتيك الباذنجان... (الكضباشي زي سميتها انت)
عشان كده عن إذنك حأقشر بيها قدام جماعة أصحابي عازمهم اليومين الجايات ههههههه...
..............خاصة إنهم حفظوا الفول المظبط(الفرمالة ) حقتي الماعندي غيرها...ههههههههههه واصل يا حبيب و كمان شايف الناس الذوّاقة وصلوا ...ناس عثمان موسى و الخواض الجماعة آكلي اللحوم.
Quote: الاخ الفنان خضر سلامات عطرابة مشاويك جابتنا من اخر الدنيا . طبعا الرجال متفوقين بس في فنون الطبخ التجاري . واكيد الفرق كبير. بين طعم التجاري. والاكل الخاص . واجمل اكل في السودان سمك وجرجير وبصل والتحلية بقنية
هنا بتلقى كل شئ خاصة وانو اخونا عمر نملة طلع بتاع حلويات كل الاكل البعملو للأخوان كتير منهم فنانيين ناس جميلين سيبك من الوغد عادل امين دا لا بعرف ياكل و لا بعرف يطيخ و دكتورنا محمد عاوز وصفة الكضباشي عاوز اركز معاهو لانها لو جلت الوصفة دي بكون في مشكلة ههههههه
Quote: يا خدّوري يا خوي وصْفاتك دي كلها حلوة و جذابة..
بس عايزة ليها شوية تدريب و مهارات و عشان ما نسمع ده شنو ده؟ و الجوطة دي شنو و ما إلى ذلك ..
يعني عشان ما ندي (الحكومة) فرصة هههههههه..
لكن يا خدوري الوصفة الوقعت لي في جرح و عجبتني بتاعة بفتيك الباذنجان... (الكضباشي زي سميتها انت)
عشان كده عن إذنك حأقشر بيها قدام جماعة أصحابي عازمهم اليومين الجايات ههههههه...
..............خاصة إنهم حفظوا الفول المظبط(الفرمالة ) حقتي الماعندي غيرها...ههههههههههه واصل يا حبيب و كمان شايف الناس الذوّاقة وصلوا ...ناس عثمان موسى و الخواض الجماعة آكلي اللحوم.
و صفة الكضباشي دي لو ما عملتها بنفس المواصفات حتتسيك في قبولك و بتبقى مشكلة الا تطلب دليفري .. ركز يا حبيب انا شرحتها صاح بعدها بتبقى مشكلتك انت ههههههه بالمناسبة يا دكتور الفول ذاتو ما ساهل اي زول يظبطو طالما عندك مهارة تظبيط الفول بتقدر تمشي لي قدام انت بس اسعى و حتصل المسألة ما صعبة
طبخة دجاج مشوي بصلصة الصوص مع الرز الأبيض , عملتها بطوة اللاب توب و الطوة دي سرها باتع و لازم تكون اصلية التتبيلة : ينقع الدجاج في خل لمدة ساعة وبعد كده نضيف البهارات :- 4 م ك صلصة الصويا ، م ص ملح ، م ص فلفل ، م ص باربيكا، م ص ثوم باودر م ك بهار دجاج . م ك = معلقة كبيرة م ص = معلقة صغيرة تترك لمدة لا تقل عن ساعة .. ساعة دي عشان ما يزعل مننا علوب :) بعد كده ينزل علي طوة اللابتوب مع اضافة م ص من زيت الزيتون وتقفل الطوة بعد 10دقايق نضيف باقي الصوص ونضيف نص كباية موية وتقفل الطوة حتي الاستواء ، يقدم مع الرز بالخضار .. دي وجبة لشخصين و معاها سلطة مكونة من نوعين على حسب رغبتكم وبالهناء
اليوم الأحد يوم الطبيخ ... وحنجرب بوفتيك الباذنجان..الكضباشي ،،وأنا سميته البوفتيك المزور ... وانا اشرت لذلك في بوست ،،لماذا يعتبر الجيش الأمريكي اقوى جيش في العالم ...وكنت عاوزة تواصل الترجمة .. لكن المسنوحات ما بريحن ...قالن اليوم يومي ،يوم الطبيخ...وقلت اجرب الكضباشي ...البوفتيك المزور ...
Quote: اليوم الأحد يوم الطبيخ ... وحنجرب بوفتيك الباذنجان..الكضباشي ،،وأنا سميته البوفتيك المزور ... وانا اشرت لذلك في بوست ،،لماذا يعتبر الجيش الأمريكي اقوى جيش في العالم ...وكنت عاوزة تواصل الترجمة .. لكن المسنوحات ما بريحن ...قالن اليوم يومي ،يوم الطبيخ...وقلت اجرب الكضباشي ...البوفتيك المزور ...
ركزي و احفظي الوصفة و الخطوات هو طبعاَ اسمو البوفتيك الكاذب لكن على حسب المرحلة انو سميتو الكضباشي :) انجزيهو و جيبي الصور
Post: #68 Title: Re: المطبخ للجميع (صور وفيديوهات) Author: Biraima M Adam Date: 02-18-2020, 03:42 AM Parent: #67
الجيف ول أبا خضر،
Quote: و الطبقة الخامسة يمسح وجه البشاميل بالبيض المخفوق و من بعدها يتم وضع قليل من البقسماط كمرحلة أخيرة , و تدخل الفرن على درجة حرارة 180 , لمدة 20 دقيقة , و بالهناء و الشفاء .. محبتي
