ورحل د. مبارك بشير بقلم:صلاح الباشا

08:49 PM February, 11 2021

سودانيز اون لاين
صلاح الباشا-السعودية
مكتبتى
رابط مختصر

لاحول ولاقوة الا بالله .
الموت علينا حق .
******
رحل عن دنيانا مساء اليوم بشمبات الحلة بالخرطوم بحري صديقنا العزيز الجميل والاستاذ الجامعي بالتقانة ام درمان والشاعر المتألق والكاتب الصحفي صاحب عمود اواصر الاكثر شهرة بالصحف :
الدكتور مبارك بشير .
وبرحيله تكون الساحة الادبية والاكاديمية والصحافية قد فقدت انسانا جميلا وشاعرا غنائيا ايضا منذ زمان باكر .
فكيف ننسي روائع وردي الخالدة : يا نسمة جايا من الوطن وايضا عرس الفداء .. تلك الانشودة الوطنية الباهرة ( نلتقيك اليوم يا وطني .. لقاء الاوفياء )
وكيف لانطرب الي الموسيقار محمد الامين حين يترنم باغنية : عويناتك .
اقول ليها عيونك زي سواد قدري
مكحلة عمري من بدري
ولو اقدر اسافر في بريق لحظك وما ارجع
تقول لي خايفاك بكرة تتوجع

واحزني عليك يا دكتور مبارك وياحليل ايامنا الخوالي في نهارات باحة جريدة الخرطوم حين كنا نلتقي يوميا بعد الظهر بمكتب فقيدنا واستاذنا فضل الله محمد واستاذنا البروف ابراهيم دقش واختنا الاستاذة ابتسام عفان .
ياحليل تلك الايام المشرقة والتي كنا نتناقش فيها عن هموم بلادنا .
رحمك الله يا مبارك المبارك واحسن اليك وجعل الجنة مثواك بقدر تهذيبك وخلقك الرفيع واريحيتك في التعامل مع كل الناس .
ونسأله تعالي ان يحسن عزاء اسرتك الممتدة وعزاء اهل شمبات واصدقاؤك وهم كثر وزملائك بجامعة التقانة وطلابك في الكون كله.
ولانقول الا مايرضي الله.
انا لله وانا اليه راجعون .

صلاح الباشا
الخرطوم