تحالف المحامين بقلم:محمد الحسن محمد عثمان

11:29 PM October, 31 2020

سودانيز اون لاين
محمد الحسن محمد عثمان-الخرطوم
مكتبتى
رابط مختصر

قصة نضال وشجاعه وتضحيه ينبغى ان تروى للأجيال وفيها فصول فصل الشجاعه وفصل التضحيه وفصل خاص للكنداكات وكل فصل شاهد على التضحيات التى قدمها التحالف الذى كان يفتقد شيئا واحدا هو الخوف ونروى عن ماذا عن مواجهتم للنظام ام عن كشفهم له ام محاربتهم لنقابات النظام ام دفاعهم عن المناضلين اوعن المواجهات والكنداكات والوقفات الاحتجاجيه وصف واحد قدام وراء لا نحكى عن ماذا او ماذا عن حنين واشتباكها مع الامنجيه عن الاستاذ بكرى الهادى الذى تصدى للامنجى امام وزارة العدل عندما استخدم العنف مع كنداكه فاستخدم بكرى العنف المضاد فهرب الامنجى امام الجميع وكنا شهود ام عن دخولهم المحكمه الجزئيه الخرطوم ومظاهره داخل المحكمه هتفت ضد النظام وخطب فيها مولانا محمد الحافظ حتى انتهى والكل صامد او فضيحة المحامين الكيزان فى رمضان والاعتداء على زملائهم او نحكى عن الليله السياسيه داخل دار حزب البعث اقامها التحالف وتحدثت ساميه وعفاف واقبال وقالن للامنجيه وهم يقفون بعرباتهم خارج الدار عارفنكم تسمعوا فينا ونتحداكم نحن ماحنقيق حنواصل نضالنا ونحن مرقنا من السجن اسه الدور الجاى اقبضونا واقبضوا اهلنا معانا وبعدهم نستمع للممكون
شعرا
جيتو من وين ياخى انتو
التقاوى الفاسده انتو
القلوب الحاسده انتو
برضه من شدت كضبكم
الخلافه الراشده انتوا
جيتو من وين ؟
وتشتعل دار حزب الامه هتافا وتصفيقا وكان الانقاذ غير موجوده وعربات الامن تحيط بالدار وبعد نهاية الندوه السياسيه يرفع الامن من يرفع من المحامين والمحاميات ولا شيء يهم فالوطن اولا
ويعلو صوت وردى ياشعبا لهبك حريتك تلقى مرادك والفى نيتك ولقى شعبنا مراده والفى نيته ولم تنتهى قصة نضال التحالف فهى مازالت طويله

محمد الحسن محمد عثمان
٣٠ اكتوبر ٢٠٢٠