مسدار الزواحف الخضراء بقلم الأمين مصطفى

02:46 PM July, 17 2020

سودانيز اون لاين
الأمين مصطفى-السودان
مكتبتى
رابط مختصر

**
قالوا الزواحف عايزين يجيبو شريعة
بعد القتل والسرقة بقت رحيتم جيفة
مابتنفع عطور كان من كحول او بيرة
سارقين للاراضى ما خلو فيها محلة
قال اللمبى فى الولاية ما لقينا الحبة
سارقين للدوا لا حقنة لا درب لا حبة
ان سرق الضعيف أقاموا ليهومشانق
لازما يحد ومن انكر قطعا صار مفارق
ان سرق المسعول فالتحلل قانون خارق
يشمل للكبار ومحاسيب ومعارف
شريعة الجهل للتكسب خليك دوما عارف
ماتسمع ضجيج تمساح للدموع ذارف
الشيخ الكبير حد الردة ليهو إنكار
عذاب القبر ومنكر ونكير اخبار
ما ترجى عيسي الا القيامة تقوم
والبعث والنشور عندو فيها فهوم
بث جراب والتانى غطت عليهو غيوم
اموال البلاد اضاعوها بالتجنيب
سرقة بلا حساب محمية للترطيب
عمارات بتطلع واقفة على التشطيب
قسموا البلاد ودوها جنوب وشمال
دايرين الحكم من خورالتوم لبيت المال
مفاوض بليد راجع يصبح قيل وقال
من المساجد سرقوا مال واناره
كمان بترول وجاز راح فى شماره
قال ما كيشة السرقة عايز شطاره
سدود للقتل ما فيها من فايدة
والقبض والقتل ايدن تملى قايدة
زمن ولى صارت عهود بايدة
مشيرم قبيل صرف بركاوى
ميدان السياسة دخلوا الهاوى
وفى أبريل سقط صنم هاوى
القانون ليهو ترزية سووا منو حمار
يكتر فى النضم صار نعيق وخوار
يمدد للحكم بالكضبة أسماها حوار
عبد الغئ متعهد الدولار
المخلوع تجارة وكمان سمسار
مابعرف يعد من كثرة الأصفار
الدين مقاصد حرية عدل وسلام
ما خطبة منابر صياح وكلام
ديل تجارة سياسة جهل معاهو فطام!!!