حكمة والله .. وحكاية ..حميدتي القائد ..من البداية .... بقلم طه احمد ابو القاسم

01:40 AM April, 18 2020

سودانيز اون لاين
طه أحمد ابوالقاسم-
مكتبتى
رابط مختصر

حميدتى .. اللغز المحير ..
سطوع من البداية .. حاسم لملفات .. تستعصى على الجميع .. هو الذى يحرز هدف الفوز ..
صوره و اخباره فى كبرى الصحف العالمية ... هو الذى يوقع الوثيقة .. وجدي صالح .. قانوني يحمل مفك لتفكيك نظام البشير .. فى البدايات تطاول على حميدتي .. زجره .. وقال له .. انا البحميك شىئت ..ام ابيت .. وشفنا حميتى يستخدم .. كلمات الفرنجة .. ما تعملوا لينا هيدك .. يتراجع المحامي وجدي .. ويخلع الروب .. مصافحا .. الرجل اللغز ..
يعود حميدتي إلى رئاسة اللجنة الاقتصادية .. يدهش الجميع ..
وحمدوك .. رجل الاقتصاد الزراعي والعام .. وخبرة .. تم تسجيله .. واستعارته ..بجوازه الأجنبي .. ليقود المنتخب السوداني .. ما مشكلة ود كردفان واصلي .. يمكن يرجع الهضبة الاثيوبية .. وشداد ما يقدر يتكلم ..
لكن لاعب بهذة الامكانات يكون فى الكنبه .. ؟ وحميدتي الكبتن .. و المدرب .. زى بشاره زمان .. يحاور بالظل ..
البدوي .. يجيب الكور من الاوت .. والبرهان يتفرج من المنصة ..
الاستاذ ..فيصل محمد صالح .. تطاول على حميدتي .. ايام النشاط الزائد .. وقال .. حميدتي دولة داخل دولة .. اليوم .. مسح نخرتو بالميكرفون ..

وحمدوك اول مباراة محلية .. ترك الكدارة والطيارة .. فى كادقلي .. وذهب لصديقه .. عبدالعزيز الحلو .. فى كاودا .. ليلعب حافيا .. والحلو مسموح له .. ياخذ مدينة كاملة .. بدون شهادة بحث .. وممكن يتركها حسب مزاجه .. ويعمل جمارك وسياحة ..
حكمة والله وحكاية ..
وجدى المفك ..رئيس التفكيك .. النظام البائد ..
البشير قال ..احسن عمل له هو الدعم السريع ..خلال 30 عاما .. وحميدتي كان المدلل زى هيثم مصطفي ..
اشتبك مع الوالي احمد هارون .. وادهش الناس .. قال يرسلو الجنائية ... على الهواء مباشرة .. وضع الناس ايديهم على قلوبهم .. البشير زى صلاح ادريس .. معليش يا كابتن ..يحنس ..
طيب ..يا استاذ .. وجدي .. سؤال .. البشير مدراء مكتبه بعثين عدل .. وكان مع صدام .. ومغضوب عليه منذ ذلك الزمان ..
كرتي .. عنده 100 قطعة .. وحميدتي عنده منجم ذهب .. يعنى ..يشتري 2000 قطعة اكثر من كرتي ..ويشتري كافوري من اولاد الخواجه كافوري .. ..الجالسين مرطبين فى لندن ..
وكافوري اصبحت محلية .. وقطع مميزة .. يعنى زى السمك الفيلية .. شوك ماكو ..
يا وجدي المفك .. د. منصور خالد .. قال علننا .. انه استلم مبالغ تكفيه عشرات السنيين .. من القذافي .. بلده اليوم تتفطر .. يا وجدي هذا . غسيل اموال .. بائن ضخت فى بلازما دماء معارضيين .. تفتكر .. توجد ماكينة غسيل كلى لفرز .. المال .. أو الباكسي دبل كبينة والدفع الرباعي .. من ليبيا لمحاربة الجيش ..
ابراهيم الشيخ .. احرف لاعب .. تفوق على ابراهومه القديم والجديد .. امتلك كل قطع سوق ام درمان .. يعنى ممكن يشتري .. جامعة التقانة من ال البرير .. ويحاضر فيها .. ويعمل قاعة باسم ال الشيخ .. جعل .. ال ابوالعلا يهبطو للدرجة الثالثة ..
حميدتي بعد سنة .. من الثورة .. طرد اللعيبة بتاعين قوش .. ودفع ليهم بالدولار .. وقال مطلوب بواسطة الانتربول ..
والعالم كله عارف قوش لاعب الوسط .. ويغنى ليه ترباس ..انت المهم ..
والصادق المهدي .. قال .. قوش كان مواعده يوم 6 ابريل .. ومعه الرفيق محمد وداعه .. ومحمد وداعه من فريق البعث تبعك ..
والصادق المهدي .. رئيس الوزراء .. ومعه فريق المهديه وودنوباوي والملازمين .. وفوزى التعايشه ..
وعمل مدرب فترة للحركة الشعبية والثورية .. ووصل النهائي مرتين ..شابا .. ولما صار شيخ .. ولسة ييلعب بلو .. قريب من دفعة ..د. كمال شداد ..
بعدين ..يا وجدي ..البشير .. لاعب متميز عنك فى البعث .. زار بشار البعث السوري .. يلعب بكلتا قدميه .. عراقى سوري
كذلك يا وجدي المفك .. البشير .. استضاف .. سنه كامله .. فى برج الفاتح .. ست القول .. تراجي مصطفي أبوطالب .. وادهشتنا .. هى فى فريق حميدتي ومقاطعها مدهشه عن علاقتها بحميدتى ..
كبتن وجدي .. نعطيك شهادة بحث رهيبة .. من الصحفي .. ما خفى اعظم .. الاستاذ عثمان ميرغني .. هو من اخبرنا .. فى حديث المدينة .. ان البشير لا علاقة بالانقاذ .. من خلال سرد البشير عند تنفيذ الانقلاب .. وانه كان مدقس .. والبشير الان لا يخشى .. المؤتمر الوطنى او الشعبي .. ؟
لكن يخشي الحركة الاسلامية لان لديها.. ال password .. وهذا صحفي كمبيوتري .. قف تامل ..مليا ..فى ال password ..
والبشير ..مع الامارات والسعودية .. وذهب للسيسي ..ومعه ندى القلعة .. طقطاقة سوفت وير جديد .. ليفوز السيسي .. فى الانتخابات ..
فى يا اخونا حب ... اكثر من كدة ..
بعدين .. يا و جدي .. المعادلة س تساوي ص .. يعنى البشير ..فى صفك .. انت وحميتى .. فوتوشوب .. قول لينا .. تقنية الفار موجودة .. وقوش ما ساهل .. يحمل كل الفترة .. فى فلاش سعة كبيرة .. كذا تيرا .. وخرج من سجن البشير .. قبل ذلك ..
حبيبنا وجدي .. نصيحة .. ما لم يتحدث رجل المخابرات قوش .. والبشير .. علننا للشعب السوداني .. تذبحون العدالة .. وصلاة بلا وضوء ..

وحذار من التضحية برجل من الجيش .. مهما غلط ..
خليك بالبيت واغسل يديك بالصابون .. من المفكات ..
ويموت مرسي .. بلونيوم عرفات .. سارس .. سارين ..
سمك لبن .. تمر هندي .. والله ما عارفين .. مشكلتنا بنحب نسال ..
فقط مشكلتنا .. الان ..د. اكرم .. يود أن يضعنا فى بيت الشواية .. ونبقى بالمنازل .. 21 يوم .. لكى نفقس ..
وتحف بنا النوازل .. من كل جانب ..
لا خبز .. لا غاز لا فحم .. لا كهرباء ..
وجدى يفكك .. بس ورينا مكان .. التشليح ..
كل سنة طيبين ..