الفنان الإنسان عبد العزيز المبارك في ذمة الله.. يا عزنا يا حبنا

03:03 PM February, 09 2020

سودانيز اون لاين
خال فاطمة-أبوظبي
مكتبتى
رابط مختصر

ربنا يرحمك ويغفر لك يا حبيبنا عبد العزيز المبارك

إنا لله وإنا إليه راجعون اللهم اغفر له وارحمه واسكنه فسيح جناتك يارب العالمين .. لقد كان رحمة الله عليه انسان مهذب محترم ويحترم فنه وكنت من اشد المعجبين بفنه الراقي واختياره للأغاني الجيدة والحانه الجميلة واذكر جيدا بداية ظهوره في مدينة ود مدني حاضرة الثقافة والفن ورافده العاصمة بخيرة الفنانيين ولعبية الكرة مدني الثقافة .. حيث تغنى في مدينة المسلمية في منتصف السبعينات حيث كانت حفلة الصبحية به في شجر نيم حوض نوه..
رحمة الله عليه وجعل أعالي الجنان مثواه ياااااااارب العالمين وحار تعازينا لاسرته ولاولاده وزوجته ولكل اهله بود مدني ولكل قبيلة الفنانيين ولكل معجبيه.
إنا لله وإنا إليه راجعون

ماكنت عارف ياريت ياريتني كنت عارف
ياريت كنت عارف شخصك عني صارف

وسليت الناس عشانك وامل فيك توالف
وماكنت متصور في يوم خداع في هواك اصادف
ياريت ياريتني كنت عارف

السنين ضاعت واحسرتي لا الطيبة أجدت لا دمعتي
وكم في الخيال زينت بيك دنيتي
وإحتضنتو غرامك خبيتو في مهجتي
ما كنت متصور في يوم خداع في هواك أصادف
ياريت يا ريتني كنت عارف

جاري وراء السراب مخدوع وضاع الزمن
كيف أنسى العذاب قول ليا قول يا شجن 
ما عدتا أمني روحي بيك وشقاي كان التمن 
ما كنت متصور في يوم خداع في هواك أصادف
ياريت ياريتني كنت عارف

______

اللهم اغفر له وأرحمه وأجعل مثواه الجنة

نسأل الله له الرحمة الواسعة وحسن القبول وواسع الغفران

تعازينا لأسرته وأهله ومحبيه

إنا لله وإنا إليه راجعون

اللهم اغفر له وأرحمه وأجعل مثواه الجنة
واسأل الله ان يحرم جسده على النار
ويدخله الجنة مع الابرار
ــــــــــــــــــــــــــ
زارنا المرحوم عبدالعزيز في جنيف في اوائل الثمانيات
وكانت لا تصحبه اوكسترا
++++++++
واذكر اننا التقينا في ساحة المدينة شارع الجبل الابيض Rue Mont Blanc b وكان برفقتي او كنت برفقه اخي المرحوم الشهيد هاشم سيد احمد الذي قتله الارهابيون داخل بيته في الرياض يوم عيد الفطر بعد ان ادى صلاة العشى
رحمة الله عليهم اجمعين
وبدأنا نتجول في المتاجر ثلاثتنا ومعنا أخرون
ومررنا بمحل يبيع اشرطة (الكست) والفيديوهات
لصاحبه الجزائري جمال
فبادره المرحوم عبدالعزيز سائلاً:
يا أخي عندك اشرطة لفنان سوداني اسمه عبدالعزيز المبارك؟
ولدهشته ودهشتنا جميعا اخرج لنا عدة اشرطة لعبدالعزيز المبارك
وفرح فرحا عظيما واشترى منه شريط
وذكر هذه الحادثة في لقاء تلفزيوني
بالاضافة لاغنيته الحبشية الشهيرة التي تغني بها في الثمانيات
ورفعت اسهمه في السودان واثويبيا
هذه الغنية دربه عليها وعلى لحنها وكلماتها الامهرية
الاخ الخبير الدولي عبدالعزيز فرج
يومها كان يعمل ممثلا للاتحاد الافريقي في جنيف
وقد اشتهر عبدالعزيز فرج بتعصبه وحبه واحترامه للاحباش لانه عاش بينهم سنوات طويلة في منظمة الوحدة الافريقية
نسأل الله الرحمة والمغفرة له ولكل موتانا
والحمدلله رب العالمين

اللهم اغفر له وارحمه واجعل الجنة مثواه

لك الرحمة والمغفرة يا ود المبارك ياما اشجيتنا فى صبانا فقد كبير

فنان جميل ، له الرحمة
اللهم أرحمه وأغفر له
انا لله وانا اليه راجعون

وصول جثمان الفنان الراحل من القاهرة بطيران تاركو في الثالثة من فجر الاثنين.
ويتم مواراته الثري بمقابر حمد النيل بام درمان في الثامنة صباحا .
العزاء بمنزل الفقيد بالمهندسين ام درمان .
فيمايلي نعي من السفارة بالقاهرة .
*********
*بسم الله الرحمن الرحيم*
*السفارة السودانية بالقاهرة*
*الاحد9فبراير 2020*
تنعي سفارة السودان بالقاهرة للشعب السوداني والجالية السودانية بالقاهرة فقيد الفن السوداني الكبير/ عبد العزيز المبارك الذي إنتقل الي جوار ربه ظهر اليوم الأحد الموافق 9 فبراير 2020م بمستشفي الزراعيين بالقاهرة. له الرحمة والمغفرة ولآله الصبر والسلوان .
وسيصل جثمان الفقيد صباح غد الإثنين في تمام الساعة الثالثة صباحا بطيران تاركو .
( *إنا لله وإنا إليه راجعون*).

منقووووووول من صفحة أخونا الأستاذ أزهري الطريفي عوض الكريم بالفيس.

عاد تانى وين..البسمة ديك وين تتلقى..
طربنا لوردى وكابلى وعركى وعثمان حسين ومحمد الامين..لكن عبد العزيز المبارك كان الفنان الوحيد الذى يخصنا..كان فنان جيلنا بكل ما تحمل الكلمة من معانى..
لبسنا معه وعشانو قميص بتحرمنى منك، و إمتلأنا شجنا ونحن نردد بتقولى لا..وأطربنا وهو يغنى يا عزنا ويا حبنا ويا عيون بتعرف قدرنا.. دبنا وجدا ونحن نستمع الى أنة المجروح ثم أحلى جارة ويا عسل رايق مصفى ويا عيون كاتلانا الفة ويا أحلى عيون بنريدها فى زول علمنا الريدة.. وكم ساهرنا ونحن نردد يا نجوم الليل اشهدى على لوعتى وتسهدى.. وتقلبنا على جمر الوجد ونحن نردد انا بيك سعادتى مؤكدة وبراك حياتى منكدة يا جميل ما بصح ليك تعمل كدة.. وما كنت عارف وياريت كنت عارف شخصك عنى صارف.. وحلوة الصدفة البيك جمعتنا.. وبوصيك يا المسافر وفايت مننا وطريق الشوق مشيناهو .. وارخى الرمش فوق الرمش وادللى ولمن نقول اخلى الكلام ما تزعلى تابعى الخيال عدى النحوم واتاملى وزيدى الدلال.. وغيرها وغيرها من الالحان الجميلة وكثير من الاشجان والشجن...
كان عبد العزيز فنانا مرهف المشاعر..يطرب نفسه قبل ان يطرب الاخرين.. انى اشعر بحزن عميق .. واسى اعمق ..اشعر كان جزءا عزيزا من تاريخ جيلنا قد ذهب.. اشعر اننا تيتمنا ونحن ننظر اليه كآخر فنانى ايامنا النواضر..مصطفى سيد احمد وخوجلى عثمان.. لهم الرحمة اجمعين.. نسأل الله ان يرحم عبد العزيز وان يغفر له وان يجعل الجنة مثواه وان يجعل البركة فى ذريته وان يلهمنا وكل معجبيه ومحبيه الصبر الجميل.. وانا لله وانا اليه راجعون..