Post: #2
Title: Re: حضور متميّز في عمومية بورداب الرياض .. صور
Author: walid taha
Date: 02-02-2020, 11:13 AM
Parent: #1
إلى الامام
|
Post: #3
Title: Re: حضور متميّز في عمومية بورداب الرياض .. صور
Author: بورداب الرياض
Date: 02-02-2020, 12:00 PM
Parent: #1
من اليمين إدريس خليفة، خالد الأرباب، وليد طه
أعضاء اللجنة السابقة لبورداب الرياض
|
Post: #4
Title: Re: حضور متميّز في عمومية بورداب الرياض .. صور
Author: بورداب الرياض
Date: 02-02-2020, 12:24 PM
Parent: #3
لجنة الانتخابات:
من اليمين: عبد الحليم التلب (ليمو) ـ مولانا أحمد الشايقي ـ محمد الشيخ (الكاردينال)
|
Post: #6
Title: Re: حضور متميّز في عمومية بورداب الرياض .. صور
Author: بورداب الرياض
Date: 02-02-2020, 12:51 PM
Parent: #4
يوسف أبو سنينة وخالد الأرباب
د. محمد حسن .. معتصم سليمان
معاذ حسن براهو 
محمد إبراهيم الإمام .. كان سرحان في الجوال
|
Post: #7
Title: Re: حضور متميّز في عمومية بورداب الرياض .. صور
Author: بورداب الرياض
Date: 02-02-2020, 12:55 PM
Parent: #6
يحيى عليش خوجلي .. مكاشفي خضر بشير .. عبد اللطيف شريف
ضيف للبورداب .. والشيخ أبو جديري
طاهر بدر .. أسامة محمد
معتز عبد الوهاب .. أشرف رحال
|
Post: #8
Title: Re: حضور متميّز في عمومية بورداب الرياض .. صور
Author: بورداب الرياض
Date: 02-02-2020, 12:59 PM
Parent: #7
عمران حسن صالح .. لطفي العمدة
وليد طه .. طاهر بدر .. أسامة محمد
حمد عبد الغفار فارد جناحاتو
أمجد الجميعابي .. الوليد عز الدين
|
Post: #9
Title: Re: حضور متميّز في عمومية بورداب الرياض .. صور
Author: بورداب الرياض
Date: 02-02-2020, 01:02 PM
Parent: #8
إدريس خليفة (وزير الري) .. عباس الدسيس .. عمران حسن صالح .. تمبس بخرخر
طارق نقد .. وزير الري .. محمد الصايم
|
Post: #10
Title: Re: حضور متميّز في عمومية بورداب الرياض .. صور
Author: بورداب الرياض
Date: 02-02-2020, 01:05 PM
Parent: #9
حمد عبد الغفار .. وراهو د. محمد حسن .. وراهو المهدي حسن .. في النص بالعود محمد الشيخ .. ويمينه الفنان ياسر العيلفون .. ثم إسماعيل بوو .. وود الصايم
|
Post: #11
Title: Re: حضور متميّز في عمومية بورداب الرياض .. صور
Author: بورداب الرياض
Date: 02-02-2020, 01:07 PM
Parent: #10
يوجد مجموعة كبيرة من الزملاء البورداب كانوا حضورا لكن للأسف الصور لم تكن بالجودة المطلوبة ..
يا ريت كل بوردابي كان موجود ينزل الصور العنده وشكرا ليكم ..
|
Post: #12
Title: Re: حضور متميّز في عمومية بورداب الرياض .. صور
Author: طاهر بدر
Date: 02-02-2020, 01:34 PM
Parent: #8
طبعا وليد طه دهشني بي تذكيروا لي بي بوست الفيتوري والمضيفة ...
الارباب خالد ...يا سلام ياخ شبكني منورين منورين واتحفنا بي صفارتو الحنينة
|
Post: #13
Title: Re: حضور متميّز في عمومية بورداب الرياض .. صور
Author: Khalid Saeed
Date: 02-02-2020, 01:46 PM
Parent: #12
Quote:
الارباب خالد ...يا سلام ياخ شبكني منورين منورين واتحفنا بي صفارتو الحنينة |
هههههههه تسلم ياحبيبنا الطاهر بدر ، باللي وري المغرضين ديل ، وقول ليهم معاكم خبير استراتيجي ههههههه
من المواقف الطريفة ، ود الصايم جايب ليه تحلية في صنينه مده لي حبيبنا يوسف ابوسنينه شال منها ، يوسف وسال ود الصايم ( دي شنو ) ؟ ود الصايم قال ليهم اسم بالإنجليزي قطعه من راسه ( مونالتي ) او قريب منه ، ابوسنينه اكل منها وقال لي ياسسلام شفته الحاجة دي كيف ، شلته قطعة اكلتها قلته ليه ياشيخ العرب الجماعة خموك دي قراصة بلح لكين 5G ( مدلعة في صينة فرم ومقطعة بي طريقة هندسية جميلة ) . ههههههههههههه
|
Post: #24
Title: Re: حضور متميّز في عمومية بورداب الرياض .. صور
Author: walid taha
Date: 02-05-2020, 01:55 PM
Parent: #12
| Quote: طبعا وليد طه دهشني بي تذكيروا لي بي بوست الفيتوري والمضيفة ... |
سعدت كثيرا بلقاءك اخى طاهر
|
Post: #5
Title: Re: حضور متميّز في عمومية بورداب الرياض .. صور
Author: Khalid Saeed
Date: 02-02-2020, 12:28 PM
Parent: #3
التحية والتقدير لبورداب الرياض ولزملائي في اللجنة السابقة ، وعبركم للريس بكري أبوبكر الذي جمعنا في هذا الوطن العظيم سودانيزاونلاين.
بورداب الرياض كيان لاتوفيه الأحرف حقه ، المنبر يحدث عن تفاعله مع قضايا الوطن وهموم عضويته في مغتربهم .
اما تكافلهم وتكاتفهم وعمق صلاتهم واواصر محبتهم يدهش كل من يلتقيهم في محافلهم ، يتلاقون ارواح تسموا وتتسامى على كل حطام فاني ، شعارهم المحبة ، خلافهم لايفسد لودهم قضية ، في المنبر كل منهم يحمل فكر ومنهجا يدافع عنه دون هوادة ، ولكن مدرسة سودانيز أون لاين علمتهم كيف يكون الخلاف بشرف والعلائق تحكمها الأخوة ونبل الأخلاق ، وكما قلت في كلمتي في الجمعية العمومية ندين لسودانيزاونلاين بالكثير فهي مدرسة ساهمت في تشكيل وعينا وفتحت امامنا نوافذ مشرعه نحو فهم أعمق للحياة وعلمتنا مسئولية الكلمة ، ومعنى الأخوة الحقيقة التي تجعلنا دوما بخير بصحبة هؤلاء النفر الكريم من بورداب الرياض .
تحياتي ،
أخوكم / خالد الأرباب
|
Post: #14
Title: Re: حضور متميّز في عمومية بورداب الرياض .. صور
Author: معاذ حسن
Date: 02-02-2020, 03:27 PM
Parent: #5
جميعة ناجحه بكل المقايسس
سعدنا باللقاء
مخرجات مهمة ودماء جديده حاره
وقديمة برضو حاره
والجاي احلى في زمن المدنية
|
Post: #15
Title: Re: حضور متميّز في عمومية بورداب الرياض .. صور
Author: جلالدونا
Date: 02-02-2020, 04:10 PM
Parent: #14
يا سلاااااام يا خ
شكرا الارباب و ان شالله دايما تامين و فى الخير ملمومين
طبعا الوحيد الشفتو شوف العين فى المجموعة الجميلة دى اخونا المهندس محمد الشيخ
بس محيّرانى حكاية العود دى والله ... جاب الحس الفنّى ده من وين
اتوقع انّو يكون متسلبط ساكت
___
التحية ليكم و لى اسركم الكريمة و موفقين بإذن الله
|
Post: #16
Title: Re: حضور متميّز في عمومية بورداب الرياض .. صور
Author: tasneem
Date: 02-02-2020, 06:43 PM
Parent: #15
وين اخونا ود الباوقة
تحياتي
|
Post: #34
Title: Re: حضور متميّز في عمومية بورداب الرياض .. صور
Author: Yousif A Abusinina
Date: 02-09-2020, 08:03 AM
Parent: #16
ود البااااااااوقة فى فترة البيات الدائم حتى عودة سيدو الرئيس
|
Post: #17
Title: Re: حضور متميّز في عمومية بورداب الرياض .. صور
Author: Khalid Saeed
Date: 02-03-2020, 11:34 AM
Parent: #15
التحية ليك حبيبنا جلالدونا
حبيبنا محمد الشيخ طلع عازف عود وفنان ماهر ، البورداب طلعوا مواهبهم طلعوا كلهم فنانيين ، في فيدوهات جميلة ياريت الشباب ينزلوها هنا .
كانت ليلة جميلة ناقصاكم ، غنى فيها البوردابي الفنان الجميل ياسر العيلفون كما لم يغني من قبل ، وابدع الفنان المكاشفي خضر بشير ، ابن القامة الراحل المقيم خضر بشير ايما ابداع
طوف بنا في عوالم ابيه الجميلة .
نتمنى نلاقيك في براحات وطن حدادي مدادي وطن خير ديمقراطي .
تحياتي ياحبيبنا
|
Post: #18
Title: Re: حضور متميّز في عمومية بورداب الرياض .. صور
Author: Yasir Elsharif
Date: 02-03-2020, 12:22 PM
Parent: #17
الأعزاء بورداب الرياض
لكم التحايا
سعدت بمشاهدة وجوهكم النيرة وفي انتظار الفيديوهات. وين الأديب أبو جهينة؟
إلى اللقاء في سودان خير ديمقراطي
|
Post: #19
Title: Re: حضور متميّز في عمومية بورداب الرياض .. صور
Author: ياسر السر
Date: 02-03-2020, 01:05 PM
Parent: #18
التحية لكم جميعا اخوتي بورداب الرياض فقد كنتو على الوعد ما استطعتم فلكم حبي وتقديري ..
التحية لكل الحضور في تلك الليلة البهية بوجودكم الجميل والعذر لمن لم يستطيع الحضور وكل له ظروفه ونسال الله ان يجمعنا دائما في خير وعلى خير ..
كما اشيد بجهود اللجنة القديمة التي ما فتأت ان تبذل قصارى جهدها في كافة ملمات البورداب فلهم من الف تحية ,,
والتحية والامنيات الطيبة للجنة الجديدة التي اخذت على عاتقها هذا الكليف الكبير ونسال الله لهم التوفيق والسداد ,,
والشكر كل الشكر لكل من سطر كلمه طيبة في حقي هنا في هذا المقام فكلكم اخوة اعزاء ولقد كنتم دافع لنا وكنتم شركاء في هذا الأداء الذي وصفه البعض بالابداع فشكرا لكم لقد زينتو هامتي بعباراتكم الجميلة كجمال نفوسكم الطيبة ... تعجر كلماتي عن منحكم ما يليق بكم فكم انا ممتن لكم جميعا ,,, واكيد حبل المودة ممدود بيننا الى ان يرث الله الأرض وما عليها ... فدومو بخير ,,
وشكري الجيل للاخ الباش مهندس بكري أبو بكر لجعل كل هذا ممكناً ...
ولي عودة ،،
تحياتي : ياسر العيلفون .....
|
Post: #20
Title: Re: حضور متميّز في عمومية بورداب الرياض .. صور
Author: أحمد الشايقي
Date: 02-03-2020, 05:01 PM
Parent: #19
وعلى الـــود التقينــا
وتعاهــدنــا على رفــد هذا الكيان بكل جديد ومفيــد وعلى التفاني في خدمـة المجمــوعــة والقضايا الوطنيـة
إلى الأمــام بورداب الريـاض الغــر المياميـن
أحمــد الشايقي
|
Post: #21
Title: Re: حضور متميّز في عمومية بورداب الرياض .. صور
Author: محمد عبد الماجد الصايم
Date: 02-04-2020, 06:40 AM
Parent: #20
حضور متميز حقيقة .. شكرا لكل الحضور وننتظر الغائبين في قادم الفعاليات
|
Post: #22
Title: Re: حضور متميّز في عمومية بورداب الرياض .. صور
Author: حمد عبد الغفار عمر
Date: 02-04-2020, 08:07 AM
Parent: #21
ربنا يديم التواصل
نحن بحاجة له
والجاي اجمل
|
Post: #23
Title: Re: حضور متميّز في عمومية بورداب الرياض .. صور
Author: محمد بدرالدين
Date: 02-04-2020, 03:27 PM
Parent: #22
تشرفت جدا بهذه الوجوه النيرة
سعدت بكم ايها الاحباب
.. تدوم و تدوم اللقاءات ان شاءالله
.. شكرا جميلا لكل من جعل ذلك ممكنا
و للريس بكرى الف شكر و تقدير
بدران
|
Post: #25
Title: Re: حضور متميّز في عمومية بورداب الرياض .. صور
Author: walid taha
Date: 02-05-2020, 02:43 PM
Parent: #1
أبرز الغائبين
1/ نصار الحاج
2/ صلاح شتات
3/ أبو حسين
4/ ود الباوقة
5/ معتصمد دفع الله
6/ عبد الباقي الجيلي
7/ صديق الموج
8/ عبد المنعم الزين
9/ هاشم خلف الله
10/ أحمد العامر
11/ حسين ديقول
12/ عبد المنعم الطيب
13/ إيهاب نميري
14/ إدريس محمد إبراهيم
15/ معتز زيزي
وتطول القائمة ...
|
Post: #26
Title: Re: حضور متميّز في عمومية بورداب الرياض .. صور
Author: ياسر السر
Date: 02-05-2020, 02:53 PM
Parent: #25
وأيضا كان من الاخوة الغائبين :
16 / يوسف السماني
17/ أبو وجيده
18/ عبد الله ود البوش
19/ هشام شيخ الدين ( يازول يا زول)
20/ حليمة محمد عبد الرحمن
21/ رشا بابكر
22/ دكتورة داليا الكباشي
23/
نتمنى ان يكونو جميعا بخير ونتمنى ان نراهم في المرات القادمات ...
ولي عودة
تحياتي : ياسر العيلفون .....
|
Post: #27
Title: Re: حضور متميّز في عمومية بورداب الرياض .. صور
Author: أشرف الرحال
Date: 02-05-2020, 03:50 PM
Parent: #26
سعدت بلقاء اهل السودان و شكر كتير على المجهود الكبير الذي بذل في جعل المستحيل ممكناً
شكرا الفنان المبدع ياسر لقد اطربتنا بالمغنى الاصيل والصوت الغريد
كل التوفيق للجنة التنفيذية الجديدة في شد اواصر التواصل الاجتماعي بين المجموعة وصناعة فعاليات اجتماعية تسعد الجميع
مودتي
رحال
|
Post: #28
Title: Re: حضور متميّز في عمومية بورداب الرياض .. صور
Author: محمد بدرالدين
Date: 02-06-2020, 07:11 AM
Parent: #27
استاذنكم لاقتبس مداخلتى من البوست الاخر
و لكم التقدير ..
Quote: بدأت الطبيعة تثور .... و شتلات الحناء تتفتح .. و تمور الأرض و تموج
الابداع يتناثر هناك و هناك ... و الاحاسيس و المشاعر تتبادل و تتعانق ..و تتوحد كانها في قلب رجل واحد
ضمنا الحب و المودة فمن يفصلنا ...و لا عاش من يفصلنا..
ضاقت الأرض بما رحبت .. و وسعت بما ضاقت ... الاحباب يتعانقون يتسالمون يتعاتبون ...جمالا كان فوق الوصف ... و صدق اسماعين حسن حين قال: تصور كيف يكون الحال لو ما كنت سودانى... و كيف القلوب نقية محبة .. و رايت عناق القلوب على الطبيعة و على الهواء مباشرة .. ياااه
يوما كان من أيام الرياض الخالدة ... تصور ذاك االتوقيع الرقيق (ياسر العيلفون) في المنبر الذى يزيل به تعليقه و رده .. يحمل بين دواخله ما يعجز عن الوصف !!! كمية مهولة من الابداع و الفن و الموسيقى و الصوت الطروب لو افرغه على المنبر لرقص المنبر طربا و لازدانت البوستات و تساقطت خجلا تلك الكلمات التي آذت معظمنا و حتى صاحبه تجده يعتذر عنه بعد حين .... ياسر الفنان الذى نتثر الطرب و جعل الجميع ينتشى و يتمايل .. و معه ابن الأستاذ خضر بشير المكاشفى الذى كاشفنا بسر ابيه و ساقنا معهم الى دنيا المتصوف في محراب الفن و اذاقنا لذته ... و الارباب الذى زاد ذلك ألقا و انغام موسيقاه و تلاعب انامله الذهبية يسرى فينا و ينساب في مسارب الشعور ... تذوقنا ذاك الجمال كانما نلتهمه التهاما ... و كان بقية تلك الليلة مهرجانا و عيدا و حتى عندما رجعت للبيت قسمت لهم فرحتى و سعادتى .. و اشركتهم ...حتى ليان الصغيرة رجتنى ان اصطحبها ف المرة القادمة ..
السودانيين لو اجتمعوا ... هم الابداع في كل شيء ...سعدت بهم فردا فردا و تشرفت بهم ..
و اسعدنى ان رايت ضحكة و ابتسامة ود الصائم راى العين .. و وجدتها ملاى بالوان من الرقة و الطيبة و الكرم و التسامح و جمال لم يبح بكل سره و رونقه ..
شكرا لكل من جعل ذلك ممكنا .. للذين عملوا بصمت منذ 2002م .. و حملوا اللواء و الشعلة .. حرموا انفسهم و اهدونا من عمرهم و زمن اسرهم .(و ان لله عبادا اختصهم بحوائج الناس )و نساله سبحانه و تعالى ان يكون في قضاء حوائجهم ...و يجزاهم عنا خيرا ...
و صراحة تمنيت ان يكون القبانى يحى حضورا .. هذا الرائع الذى يسعدك أينما كنت و كيفما كنت ... قريب يا ربى ان شاء الله تلمنا ...
ثم ماذا بعد .... انترك هذا الجمال نقشا على ذاكرة التاريخ ام نجعله مصاحبا لنا و متجددا و متنوعا ... تعاهد الجميع و اللجنة الموقرة على تكرار و توسيع اللقاءات لتكون اسرية و دورية ........ و ماذا لو كان مثل هذه اللقاءات ديدن بورداب كل منطقة ....
ثم ماذا لو انشانا فرقة فنية متكاملة .. الناقصنا شنو ؟
شعراء عندنا .. ادباء عندنا .. موسيقيين عندنا .. عازفين عندنا ..ملحنيين عندنا ... موزعين موسيقيين عندنا .. فنانيين عندنا .. مسرحيين عندنا .. مخرجيين عندنا .. مذيعيين عندنا ... نقاد عندنا .. |
مودتى و تقديرى
|
Post: #29
Title: Re: حضور متميّز في عمومية بورداب الرياض .. صور
Author: Khalid Saeed
Date: 02-06-2020, 02:30 PM
Parent: #28
ياسسلام عليك حبيبنا محمد بدر الدين
حضورك اسعدنا جدا جدا ، وبإذن الله تتكرر اللقاءات الأخوية الصافية الجميلة
البورداب سرهم عجيب ، يهدوك الفرح اينما التقيتهم ، هاشين باشين ، اخوة اعزاء لهم ولك التحية .
أخوك الأرباب
|
Post: #30
Title: Re: حضور متميّز في عمومية بورداب الرياض .. صور
Author: ياسر السر
Date: 02-08-2020, 08:01 AM
Parent: #29
اخونا الشفيف محمد بدر الدين أولا تعجر كلماتي عن الرد لك فقد طوقتني بعبارات الجمت لساني ولا اجد غير ان أقول ليك هذا من زوقك وكرمك ولطفك واسال الله ان يجعلني كما وصفتني ولك وافر شكري وامتناني ...
فعلا كانت ليلة وكان لقاءا عبقريا ,,, فقد سعدت بلقاء اخوة اعزاء من بورداب الرياض الجدد الذين انضمو لنا مؤخرا في هذا الكيان الجميل وقد سعدت أيضا بلقاء عدد من البورداب القدامى الذين طال بنا امد رؤياهم ... فالتحية لهم جميعا ..
شكرا بورداب الرياض ,,,, شكرا الباش مهندس بكري أبو بكر ...
تحياتي : ياسر العيلفون .....
|
Post: #31
Title: Re: حضور متميّز في عمومية بورداب الرياض .. صور
Author: أحمد محمد عمر
Date: 02-08-2020, 08:44 AM
Parent: #30
حمد عبد الغفار ومحمد الصائم
نزلوا الصلع دي في صور بروفايلاتكم بلاش غش معاكم
زمن الغتغتة انتهى
|
Post: #32
Title: Re: حضور متميّز في عمومية بورداب الرياض .. صور
Author: حمد عبد الغفار عمر
Date: 02-08-2020, 09:36 AM
Parent: #31
احمد محمد عمر
شوق شديد ياخ
تعرف صلعتي دي تقريبا بشكلها دا من الثانوي لا عايزة تبقى صلعة زي الصلع ولا عايزة ترجع.
|
Post: #33
Title: Re: حضور متميّز في عمومية بورداب الرياض .. صور
Author: محمد نجيب عبدا لرحيم
Date: 02-08-2020, 10:59 PM
Parent: #32
حضور مميز موفقين تامين ولامين
|
Post: #35
Title: Re: حضور متميّز في عمومية بورداب الرياض .. صور
Author: MOHAMMED ELSHEIKH
Date: 02-09-2020, 11:40 AM
Parent: #33
انا كنت اسعد واحد ( تقريبا)
ياخ انا قابلت الريس أبو جهينة والارباب وأبو سنينة والفنان ياسر شخشيا!
واوسي زاق مني لكن انا له بالمرصاد ولو تعلق باستار الشيخ عبد القادر !
حقيقة ناس حلوين وطاعمين
ياخي استمتعنا بشكلة (نجيب) والحجازة و الدحفسة القايمة
بعدين ياجلي :
Quote: طبعا الوحيد الشفتو شوف العين فى المجموعة الجميلة دى اخونا المهندس محمد الشيخ
بس محيّرانى حكاية العود دى والله ... جاب الحس الفنّى ده من وين |
انت شفت حاجة ؟
في أرشيف تلفزيون عطبرة الريفي 1977م شوف عازف الاكورديون في الدورة المدرسية لفرقة الدامر الموسيقية منو ؟
انا الشافوه ............... ناس تمبس وخلوه
|
|
