محمد صلاح خفة في الحركة وسرعة في التفكير واصرار فاق حد التدريب .
Post: #2 Title: Re: قون محمد صلاح في m يونايتد اصرار فاق توقعا Author: osama elkhawad Date: 01-20-2020, 09:18 AM Parent: #1
افتقدنا الدوري الانجليزي الذي مسخ ومسخ بتشديد السين كل الدوريات في العالم .
Post: #3 Title: Re: قون محمد صلاح في m يونايتد اصرار فاق توقعا Author: علي عبدالوهاب عثمان Date: 01-20-2020, 09:29 AM Parent: #2
حبيبنا عثمان .. تحياتي الراتب 200 الف جنيه استرليني في الاسبوع يعني اليوم 30 الف جنيه
يستاهل ..
Post: #6 Title: Re: قون محمد صلاح في m يونايتد اصرار فاق توقعا Author: Osman Musa Date: 01-20-2020, 11:56 AM Parent: #3
200 الف استرليني في الاسبوع اريتو حالك يا اخ علي عبدالوهاب . انت عارف محمد صلاح ده بكون من ال 200 دي في الاسبوع بياكل طاعمية بي مية جنيه بس في الاسبوع ويوفر الباقي .
Post: #4 Title: Re: قون محمد صلاح في m يونايتد اصرار فاق توقعا Author: Osman Musa Date: 01-20-2020, 10:15 AM Parent: #2
يا اخ اسامة الزول السعيد في عمرو يكون ساكن ومقيم في شرق لندن ويحضر الدوري الانجليزي ويحضر منافسات التنس في ويمبلدون ويزور كل شهر كرستال بالاس في جنوب لندن كل شهر . لندن حبيبة الراحل الطيب صالح مدينة غير كل المدن .،والمنافسات فيها غير كل المنافسات والجمال فيها مفرور في كل النواصي . يا سلام
Post: #5 Title: Re: قون محمد صلاح في m يونايتد اصرار فاق توقعا Author: الهادي الشغيل Date: 01-20-2020, 10:41 AM Parent: #4
أمثال هذه الأهداف لا يستطيع إحرازا سوى محمد صلاح .. محمد صلاخ لم يكن منفردا بالمرمى وإنما كان المدافع دعه خطوة بخطوة ولكن استطاع وبذكاء أن يخضن على كورته ويضعها بين رجليه وأي تداخل من المدافع هو بلا شك فاول وكرت أحمر .. صلاح ذكي فعل كل هذا لأنه من طينة الكبار وقام بوضع الكرة باقتدار تحت الحارس كهدف جميل .. فعلا هدف يؤكد إصراره الذي أدهشنا وفاق كل التوقعات
Post: #7 Title: Re: قون محمد صلاح في m يونايتد اصرار فاق توقعا Author: محمد بدرالدين Date: 01-20-2020, 12:14 PM Parent: #5
نستعين بالحبيب الخبير خضر انقا لينزل لنا المقطع شوقتونا و شوقتو كل الفراجة و المشجعين هههههه .. مع كامل التقدير و التحايا لكم
Post: #15 Title: Re: قون محمد صلاح في m يونايتد اصرار فاق توقعا Author: Osman Musa Date: 01-20-2020, 05:20 PM Parent: #7
اخونا محمد بدرالدين سلامات كان ماتش ساخن العالم كلو ال 90 دقيقة يدو في قلبو .
Post: #8 Title: Re: قون محمد صلاح في m يونايتد اصرار فاق توقعا Author: Osman Musa Date: 01-20-2020, 12:29 PM Parent: #5
اخونا الهادي الشغيل سلام شبحات كابتن محمد صلاح طرتنا شبحات عمك الكمروني روجي ميلا لحظات عصرتو ومصرتو لي اهلك البريطانيين . تاني يوم طلعت الكاريكتيرات في الصحف الفرنسية و مدافع المنتخب الانجليزي سروالو مشروط وروجي يضحك . وفي الحقيقة في داك اليوم العالم كلو ضحك
Post: #9 Title: Re: قون محمد صلاح في m يونايتد اصرار فاق توقعا Author: بشير حسـن بشـير Date: 01-20-2020, 01:33 PM Parent: #8
يا عربي
في فيديو ول ناكل باسطه
Post: #10 Title: Re: قون محمد صلاح في m يونايتد اصرار فاق توقعا Author: Abureesh Date: 01-20-2020, 02:35 PM Parent: #9
فى الوقت من 1:33
Post: #11 Title: Re: قون محمد صلاح في m يونايتد اصرار فاق توقعا Author: Abdullah Idrees Date: 01-20-2020, 02:54 PM Parent: #10
Quote: انت عارف محمد صلاح ده بكون من ال 200 دي في الاسبوع بياكل طاعمية بي مية جنيه بس في الاسبوع ويوفر الباقي .
Post: #12 Title: Re: قون محمد صلاح في m يونايتد اصرار فاق توقعا Author: علي عبدالوهاب عثمان Date: 01-20-2020, 03:24 PM Parent: #11
انت عارف محمد صلاح ده بكون من ال 200 دي في الاسبوع بياكل طاعمية بي مية جنيه بس في الاسبوع ويوفر الباقي .
======================= حبيبنا عثمان .. تحياتي .. نعم ناس يخططوا صاح نحن بعد عقود من الاغتراب بيت جالوس في ضواحي العاصمة ما شاء الله عليهم تخطيط صاح بعدين عندهم الزوجة هي التي تضع الخطط .. معليش يا عثمان .. عندي قصة غريبة مع أخ سعودي صاحب عمارة .. ذهبت إليه لإيجار شقة .. أصبح يمزح معي ( يا زول ما في أي شقة ليك ) .. لماذا ؟ أجاب ( أنا فقط اؤجر للمصريين ) لأنكم انتو ناس كرم وضيوف وأحذية بالكوم في باب الشقة المصري يستلم الشقة ويسلم بدون أي استهلاك .. حتى في عيد الاضحية ما في ذبيحة أنتم أهل اكرم وأحبكم جداً .. ولكن الشقة لا .. أصبحنا بعد ذك اصدقاء .. وجدت سكن في العمارة المجاورة ودائماً نذهب إلى الصلاة سوياً .. عندما يكون في ضيوف ونذهب شلة المسجد يعلق ( ها وإيش قلت )
الحبيب عثمان .. صدقني ياجميل كلامك أجمل مليون مرة من هدف محمد صلاح
Post: #13 Title: Re: قون محمد صلاح في m يونايتد اصرار فاق توقعا Author: خضر الطيب Date: 01-20-2020, 04:42 PM Parent: #12
محمد بدر الدين امبس
Quote: نستعين بالحبيب الخبير خضر انقا لينزل لنا المقطع شوقتونا و شوقتو كل الفراجة و المشجعين هههههه .. مع كامل التقدير و التحايا لكم
نزلو حبيبنا ابو الريش
Post: #14 Title: Re: قون محمد صلاح في m يونايتد اصرار فاق توقعا Author: عمر سعيد علي Date: 01-20-2020, 04:50 PM Parent: #13
Quote: انت عارف محمد صلاح ده بكون من ال 200 دي في الاسبوع بياكل طاعمية بي مية جنيه بس في الاسبوع ويوفر الباقي .
ههههههههها . . الشهادة لله يا OSMAN MUS محمد صلاح ده قالو ايدو خضراء على اهل قريتو في مصر . .
Post: #25 Title: Re: قون محمد صلاح في m يونايتد اصرار فاق توقعا Author: Osman Musa Date: 01-22-2020, 09:17 AM Parent: #14
اخونا عمر سعيد كيف حالك يازول يدو وكراعو خضراء علي فريقو واهلو والمشجعين . زول ما يقبل خلاف الاناصارات واشاعة الافراح في المدرجات ياخ مافي امتع ولا اجمل من كدا . ده قون زي القون .
Post: #23 Title: Re: قون محمد صلاح في m يونايتد اصرار فاق توقعا Author: Osman Musa Date: 01-22-2020, 05:00 AM Parent: #13
اخونا خضر سلامات منتظرنك في استاد محمد صلاح .. عشان تحدثنا بالفيديو والصورة عن ابداعات الكابتن الفلتة . والله الزول ده بذكرني لاعب الهلال كابتن الدحيش نفس الحرفنة . نفس السرعة في التفكير
Post: #20 Title: Re: قون محمد صلاح في m يونايتد اصرار فاق توقعا Author: Osman Musa Date: 01-21-2020, 08:55 AM Parent: #11
اخونا عبدالله ادريس سلامات صلاح يستحق كل خير . واضح انو زول عندو نخوة و ابن بار بي، اهلو و بلدو . وشايف اخوانا المصريين شاكرنين ليه اعمالو الخيرية في منطقتو كلها . ودي من اسباب توفيقو .
Post: #18 Title: Re: قون محمد صلاح في m يونايتد اصرار فاق توقعا Author: Osman Musa Date: 01-21-2020, 06:03 AM Parent: #10
ابوالريش يا فنان سلام والف شكر علي نقلنا الي ملعب صلاح والعالم الفنان . عالم اهلنا الانجليز .
Post: #16 Title: Re: قون محمد صلاح في m يونايتد اصرار فاق توقعا Author: Osman Musa Date: 01-20-2020, 06:48 PM Parent: #9
اخونا بشير حسن بشير سلامات زمان طقيناكن في الدورة المدرسية 3 صفر لاهسع مزعلاك . بتذكر عباس لامن جاب فيكم التاني فلعتونا بي الحيمور .
Post: #17 Title: Re: قون محمد صلاح في m يونايتد اصرار فاق توقعا Author: Al Sunda Date: 01-21-2020, 05:01 AM Parent: #16
ما في اي جماليات في الهدف اتخيل لو هدف الكبتن صلاح في القون مباشرة عند استلامه للكرة وكان وقتها الحارس متراجعا نحو مرماه كان ممكن نقول هدف بفكرة اما ما رأيناه في الهدف فعبارة عن قوة عضلات ولياقة عالية بدون جماليات
Post: #19 Title: Re: قون محمد صلاح في m يونايتد اصرار فاق توقعا Author: عمر أبوعاقلة Date: 01-21-2020, 07:59 AM Parent: #17
الجماليات في القدرة على التحكم في الكرة بالرغم من السرعة العالية وضغط المدافع وبهذه المناسبة أحب أهدي لعثمان ود موسى مجموعة أهداف حاسمة في الدوري الانجليزي للفرعون صلاح
تحياتي
Post: #21 Title: Re: قون محمد صلاح في m يونايتد اصرار فاق توقعا Author: علي عبدالوهاب عثمان Date: 01-21-2020, 09:09 AM Parent: #19
الحبيب عثمان تحياتي المدرب الصربي مكتشف صلاح يتحدث عنه =======================
أشرف الصربي تودوروف على تدريب المقاولون العرب في موسم 2010/2011 وروى تودوروف من خلال حواره مع مجلة "فرانس فوتبول" كيف كانت بداية محمد صلاح، وتابع: "ذهبت لمتابعة إحدى مباريات فرق الناشئين بالنادي، وكانت النتيجة 0-1، وهناك لاعبًا يرتدي القميص رقم 14، هذا اللاعب كان، محمد صلاح، وفي 16 دقيقة فقط سجل هدفًا وصنع آخر". وأضاف: "وعلى الفور طلبت تصعيده للفريق الأول للإشراف على تدريبه، بعد 9 أشهر فقط انتقل إلى بازل في سويسرا".
وواصل: "شعرت أن لديه إمكانات فنية استثنائية، بعد 5 أيام على تصعيده للفريق الأول كنت أواجه الأهلي في الدوري المصري، حصل صلاح على الكرة وقام بمراوغة كل من يقابله وسجل هدفًا رائعًا".
واستمر: "هدف محمد صلاح في الأهلي، جعل الجميع يحتفلون معه ويقفزون فوقه من أجل تحفيزه لتقديم المزيد من مهاراته، حتى جاء إلي وبكى بين ذراعي وقال لي بدون أي ادعاء (أنت مدرب كبير وألعب كرة القدم حاليًا بفضلك)".
مع التحية الحبيب عثمان
Post: #22 Title: Re: قون محمد صلاح في m يونايتد اصرار فاق توقعا Author: حامد محمد حامد Date: 01-21-2020, 11:36 AM Parent: #21
اخونا عثمان لك التحية ولكل من مر على بوستيك ولكنى لا أرى اى جماليات ولا فن في هدف صلاح رغم امكانياته العالية
Post: #24 Title: Re: قون محمد صلاح في m يونايتد اصرار فاق توقعا Author: علاء سيداحمد Date: 01-22-2020, 06:48 AM Parent: #22
سلام يا ابو عفان المباراة كانت مباراة فوق العادة وهدف صلاح لا يحرزه سوى صلاح : وجمال الهدف يتمثل فى فن التحكم ومهارة الجرى بالكرة والقدرة العالية على التحكم والسرعة الهائلة على الجرى بها . وترك المدافع يجاريه فقط ولا يستطيع ان يتدخل بأى طريقة لان اى تدخل يُحسب عليه .
