Post: #1 Title: فرحة الروح .. كرومة و سيد عبد العزيز.. تسجيل نادر.. اسطوانات اوديون 1933 Author: يحي قباني Date: 01-18-2020, 08:44 PM
07:44 PM January, 18 2020 سودانيز اون لاين يحي قباني-فى الدنيا العجيبة مكتبتى رابط مختصر فرحة الروح كتبها سيد عبد العزيز و لحنها كرومة و لم تاخذ حظها من الانتشار ثم كتب بطران دمعة الشوق و لحنها كرومة بنفس لحن فرحة الروح ... فانتشرت و ذاع صيت دمعة الشوق ... و تبقى فرحة الروح هي الأصل ...
* نسب القصيده البعض للشاعر عبيد عبد الرحمن ... و لكنها لشاعرنا سيد عبد العزيز
يا فرحة الروح شفنا بدر خديك طفا بدر الكون صدق من قال الجمال فتنة و لو متنا فيه ما فُتنا و يا صاح عظمت الفتنة دعت عينا عيني تبقى عيون
جيد زاهي و فيهو كشفنا كنوز حسنو الفوق ما عرفنا عظيم و اعظم عن ما وصفنا مثال حسنو الفي الكون ما يكون
Post: #2 Title: Re: فرحة الروح .. كرومة و سيد عبد العزيز.. تسجيل Author: يحي قباني Date: 01-18-2020, 09:25 PM Parent: #1
التسجيل على اسطوانات اوديون 1933
Post: #3 Title: Re: فرحة الروح .. كرومة و سيد عبد العزيز.. تسجيل Author: يحي قباني Date: 01-19-2020, 06:55 AM Parent: #2
كرومة و سرور و الامين برهان ... ثم بعدهم الكاشف .. المدرسة الأولى كما اسماه وردي ...
من دون هؤلاء ... لضاعت خارطة الغناء و الألحان في السودان ...
Post: #4 Title: Re: فرحة الروح .. كرومة و سيد عبد العزيز.. تسجيل Author: ياسر السر Date: 01-19-2020, 09:08 AM Parent: #3
روعة يا باش مهندس ... دائما تدهشنا بمثل هذه الابداعات التي تمجد عظمة فننا السوداني منذ امد بعيد ... رحمهم الله جميعا فقد كانوا سابقين لعهدهم بسنين ضوئية بعيدة ...
تحياتي : ياسر العيلفون ....
Post: #5 Title: Re: فرحة الروح .. كرومة و سيد عبد العزيز.. تسجيل Author: أبوذر بابكر Date: 01-19-2020, 11:16 AM Parent: #1
فعلا اللحن مجاراة لدمعة شوق بطران
لكن المميز فى الاغنية دى يا قبانى أنها من كلمات سيد عبد العزيز
وده معناه أنها اتعملت قبل فترة المضاربات الشهيرة بين الشعراء و انقسام الشعراء والفنانين لحزبين
كرومة كان فى حزب ابوصلاح مع عمر البنا وانضم ليهم عتيق لاحقا
سيد عبد العزيز والعبادى وعبيد وآخرين كانو مع سرور
أغنيات كرومة من معسكر سرور قليلة جدا و نادرة
Post: #6 Title: Re: فرحة الروح .. كرومة و سيد عبد العزيز.. تسجيل Author: خضر الطيب Date: 01-19-2020, 11:42 AM Parent: #5
يا سلام يا قبة و يا للروعة انكت الروعة العندك دي يا ضنين الوعد:) انا رسلتا 20 قيقا بايت لي جميلة ابراهيم فيها قعدات لاحمد المصطفى و ابو داؤود و العطبراوي و حسن عطية نزلا هنا موقعك صعب الدخول ليهو رغم عضويتي فيهو
Post: #7 Title: Re: فرحة الروح .. كرومة و سيد عبد العزيز.. تسجيل Author: يحي قباني Date: 01-19-2020, 02:46 PM Parent: #6
Quote: روعة يا باش مهندس ... دائما تدهشنا بمثل هذه الابداعات التي تمجد عظمة فننا السوداني منذ امد بعيد ... رحمهم الله جميعا فقد كانوا سابقين لعهدهم بسنين ضوئية بعيدة ...
تحياتي : ياسر العيلفون ....
تسلم يا فنان ...
حقيقة تسجيل مدهش ... و زي ما قلت ليك ... بدون الناس ديل كنا رحنا ... :)
Post: #8 Title: Re: فرحة الروح .. كرومة و سيد عبد العزيز.. تسجيل Author: يحي قباني Date: 01-19-2020, 04:58 PM Parent: #7
Quote: فعلا اللحن مجاراة لدمعة شوق بطران
لكن المميز فى الاغنية دى يا قبانى أنها من كلمات سيد عبد العزيز
وده معناه أنها اتعملت قبل فترة المضاربات الشهيرة بين الشعراء و انقسام الشعراء والفنانين لحزبين
كرومة كان فى حزب ابوصلاح مع عمر البنا وانضم ليهم عتيق لاحقا
سيد عبد العزيز والعبادى وعبيد وآخرين كانو مع سرور
أغنيات كرومة من معسكر سرور قليلة جدا و نادرة
بالفعل يا ابو ذر هي سابقة لدمعة الشوق .. و دمعة الشوق هي المجاراه لفرحة الروح ...
و مؤكد قبل التقسيمات الشهيره ... فالتسجيل عام 33 و اكيد اتعملت قبلها لا اعلم متى كتب بطران دمعة الشوق و لكن بطران توفى عام 39 و اخر ما كتب ... اذكر بعاد لبنى و سعاد ... حيث لحنها كرومة وقت وفاة بطران في المستشفى ...
Post: #9 Title: Re: فرحة الروح .. كرومة و سيد عبد العزيز.. تسجيل Author: يحي قباني Date: 01-19-2020, 05:03 PM Parent: #8
بلمناسبة يا ابا ذر ...
كرومة ايضا لحن مسو نوركم لسيد عبد العزيز ...
Post: #10 Title: Re: فرحة الروح .. كرومة و سيد عبد العزيز.. تسجيل Author: محمد المرتضى حامد Date: 01-19-2020, 05:15 PM Parent: #7
يا هندسه، سمعت أن دالي خطيب الجمهوريين في الأركان كان يستفز أنصار السنة ليخرجهم عن طورهم وصمتهم بإيراد مواضيع بعينها لاداع للإشارة إليها هنا، ما أن تشير إلى الموضوع يرغوا ويزبدوا بعد تظاهر بالهدوء والبرود واللامبالاة، أها يا عزيز، أخوك مرجعه في الحقيبة هو الزول الخطير د. أحمد القرشي عبدالرحمن ، إتصلت بأحمد وقلت ليهو قباني إبتدر ليهو بوست في سودانيزأونلاين بمقولة أن هناك مجاراه لدمعة الشوق من كلمات سيد عبدالعزيز ولمزيد للإستفزاز قلت له أظن، وليس كل الظن إثم، أن (قبه) أورد معلومة غير صحيحة تتطلب تصحيحا. صاحبك قررررب يقفل العياده ويرجع البيت ويتصل بالدقير وعوض بابكر وإبراهيم الشيخ ويستنفر كتائب الفن، لأن القرشي بالنسبة لمسائل الحقيبة كبني شيبة بالنسبة للكعبة المشرفة ومفاتحها. قال لي هسه ألاقي الباسويرد وين لأنه هجر الكتابة في المنبر منذ الدوله العباسية .. هسه أرسلت لبكري يجيب باسويرد جديد للقرشي. جاييك.
Post: #11 Title: Re: فرحة الروح .. كرومة و سيد عبد العزيز.. تسجيل Author: يحي قباني Date: 01-19-2020, 05:26 PM Parent: #10
Quote: يا هندسه، سمعت أن دالي خطيب الجمهوريين في الأركان كان يستفز أنصار السنة ليخرجهم عن طورهم وصمتهم بإيراد مواضيع بعينها لاداع للإشارة إليها هنا، ما أن تشير إلى الموضوع يرغوا ويزبدوا بعد تظاهر بالهدوء والبرود واللامبالاة، أها يا عزيز، أخوك مرجعه في الحقيبة هو الزول الخطير د. أحمد القرشي عبدالرحمن ، إتصلت بأحمد وقلت ليهو قباني إبتدر ليهو بوست في سودانيزأونلاين بمقولة أن هناك مجاراه لدمعة الشوق من كلمات سيد عبدالعزيز ولمزيد للإستفزاز قلت له أظن، وليس كل الظن إثم، أن (قبه) أورد معلومة غير صحيحة تتطلب تصحيحا. صاحبك قررررب يقفل العياده ويرجع البيت ويتصل بالدقير وعوض بابكر وإبراهيم الشيخ ويستنفر كتائب الفن، لأن القرشي بالنسبة لمسائل الحقيبة كبني شيبة بالنسبة للكعبة المشرفة ومفاتحها. قال لي هسه ألاقي الباسويرد وين لأنه هجر الكتابة في المنبر منذ الدوله العباسية .. هسه أرسلت لبكري يجيب باسويرد جديد للقرشي. جاييك
الجابك يجيب ود القرشي يا مولانا ...
ووالله لو اسرنا احمد القرشي بحضوره لأخطأنا في كل يوم ليأتي لتهذيبنا و تقويمنا ...
و معاك نناشد بكري بارسال باصويرد جديد لحبيبنا د. احمد القرشي ..
Post: #12 Title: Re: فرحة الروح .. كرومة و سيد عبد العزيز.. تسجيل Author: يحي قباني Date: 01-19-2020, 05:44 PM Parent: #11
Quote: ا سلام يا قبة و يا للروعة انكت الروعة العندك دي يا ضنين الوعد:) انا رسلتا 20 قيقا بايت لي جميلة ابراهيم فيها قعدات لاحمد المصطفى و ابو داؤود و العطبراوي و حسن عطية نزلا هنا موقعك صعب الدخول ليهو رغم عضويتي فيهو
خدوري يا جميل ...
تصدق لميت في جميلة من يومين فقط ... و عندنا شغل في الموقع بس تظبط امورنا ... لك الوعد
Post: #13 Title: Re: فرحة الروح .. كرومة و سيد عبد العزيز.. تسجيل Author: علي عبدالوهاب عثمان Date: 01-19-2020, 06:14 PM Parent: #12
الحبيب قباني .. بوستاتك جميلة أول مرة اشاهد صورة لبادي محمد الطيب في شبابه رحمه الله بوستاتك تذكرنا بأيام برنامج حقيبة الفن التلفزيون أصبح خالي من هذه البرامج إلا قناة الخرطوم الجقر وأحد أولاد البنا.. الجقر جميل ولكن أحياناً يكون خارج السياق حسين خوجلي لم يعد له مصداقية ..
مع التحية الحبيب قباني .. واصل ..
Post: #14 Title: Re: فرحة الروح .. كرومة و سيد عبد العزيز.. تسجيل Author: يحي قباني Date: 01-19-2020, 06:22 PM Parent: #13
Quote: الحبيب قباني .. بوستاتك جميلة أول مرة اشاهد صورة لبادي محمد الطيب في شبابه رحمه الله بوستاتك تذكرنا بأيام برنامج حقيبة الفن التلفزيون أصبح خالي من هذه البرامج إلا قناة الخرطوم الجقر وأحد أولاد البنا.. الجقر جميل ولكن أحياناً يكون خارج السياق حسين خوجلي لم يعد له مصداقية ..
مع التحية الحبيب قباني .. واصل ..
عم علي ...
الجقر بقى طارح نفسه مؤرخ للحقيبة ... و اهتم بمناسبات القصائد و نسى الاهم و هو معانيها ...
و كمان مرات كتيرة بتمها مويه من عنده هههههه ...
اما حسين خوجلي .. فيحفظ الكثير و ربنا انعم عليهو بقوة الذاكرة و حلاوة اللسان ...
لكنه لص و منافق ...
Post: #15 Title: Re: فرحة الروح .. كرومة و سيد عبد العزيز.. تسجيل Author: محمد المرتضى حامد Date: 01-21-2020, 02:46 PM Parent: #14
الجقر بقى طارح نفسه مؤرخ للحقيبة ... و اهتم بمناسبات القصائد و نسى الاهم و هو معانيها ...
و كمان مرات كتيرة بتمها مويه من عنده هههههه ...
صدقت، قرأت له ، على عجل، مؤلفا صغيرا وأظن في كثير من الأخطاء ..
-
د أحمد القرشي ، بسبب هذا البوست، تسلم باسويرد لنج..
ننتظر.
Post: #16 Title: Re: فرحة الروح .. كرومة و سيد عبد العزيز.. تسجيل Author: علي عبدالوهاب عثمان Date: 01-21-2020, 03:17 PM Parent: #15
الحبيب قباني .. تحياتي .. قاسم مشترك بين كل الوطن أجمل برنامج يمكن الاستمتاع به ( أمدرمان ) لم يعد هناك ناس الحكي الجميل .. واحد اسمو ديكشنري ( الله يرحمه ) كنت ارتاح ليهو لأنه يتحدث بعفوية وحماس بدون ترتيب عبدالمطلب الفحل ليس لديه ذلك العمق الامدرماني .. أظن من خارج أمدرمان الحقيبة لها ارتباط بالجغرافيا ( أمدرمان ) وخاصة الاحياء القديمة فقط المعايشة بدون تنظير ..
تحياتي الحبيبب قباني .. زمان كان في لواء متقاعد يقدم برنامج الحقيبة ( أبو زهايمر ) لا أذكر الاسم
Post: #17 Title: Re: فرحة الروح .. كرومة و سيد عبد العزيز.. تسجيل Author: يحي قباني Date: 01-22-2020, 05:41 AM Parent: #16
Quote: صدقت، قرأت له ، على عجل، مؤلفا صغيرا وأظن في كثير من الأخطاء .. - د أحمد القرشي ، بسبب هذا البوست، تسلم باسويرد لنج..
ننتظر.
اجمل خبر يا مولانا ..
و محظوظ أنا و الله البوست جاب لينا المعتق الدكتور احمد القرشي ...
على احر من الجمر ...
و المره دي بس يقعد تاني فوته مافي 🙂
Post: #18 Title: Re: فرحة الروح .. كرومة و سيد عبد العزيز.. تسجيل Author: Hamid Elsawi Date: 01-22-2020, 04:53 PM Parent: #17