نحن ما آلة تصلحها علي مهلتك وببطء مثير للغضب نحن بشر ممكن نموت او نتعرض لاصابة لايمكن علاجها ما قلنا شئ حلو علي مهلتكم وفككو علي مهلكم لكن كمان في اولويات ضرورية وحلول آنية سريعة لابد ان تكون 30 سنة محتاجة زمن لحلها ما قلنا شي لكن في حاجات مفروض تتعمل الان وبسرعة
Post: #2 Title: Re: بهدوء جدا الانقلاب المزعوم Author: عبدالحفيظ ابوسن Date: 01-15-2020, 07:07 AM Parent: #1
العسكرية ضبط وربط وتعليمات مافيها اللغة المدنية الناعمة دي وجهناهم فيها اوامر واجبة التنفيذ غض النظر عن رؤية المنفذ
Post: #3 Title: Re: بهدوء جدا الانقلاب المزعوم Author: عبدالحفيظ ابوسن Date: 01-15-2020, 07:11 AM Parent: #2
كحكومة مدنية صدر قرار بهيكلة جهاز الامن وحسب التصريح تم رصد 23 مليون دولار ليهو تنفيذ دة بتم من قبل المكون العسكري لكن المكون المدني ممكن يلاحق تنفيذ القرار وتسليم السلاح بالاستيضاحات والسؤال وجعل ذلك قضية رأي عام ملحة عشان ما تقعد ستة شهور
Post: #4 Title: Re: بهدوء جدا الانقلاب المزعوم Author: عمر سعيد علي Date: 01-15-2020, 07:21 AM Parent: #3
Quote: لكن المكون المدني ممكن يلاحق تنفيذ القرار وتسليم السلاح بالاستيضاحات والسؤال وجعل ذلك قضية رأي عام ملحة عشان ما تقعد ستة شهور
لذلك لابد من تكوين برلمان الثورة يا عبد الحفيظ . . البرلمان بجيب الوزير في الهواء الطلق ويسالو ويطالب باقالته ان لزم الامر . . المساءلات البتحدث داخل المكاتب وبالمراسلات دي مو نافعه . . الظاهر الحكومة دي ماشة بالمجاملات ومافي زول بحاسب اخوه . . زي ما شايفين عساكر مجلس السياده ما عارفين انو هيئة العمليات ما سلمو سلاحم لحدي هسي . .معقول بس . .!!
Post: #5 Title: Re: بهدوء جدا الانقلاب المزعوم Author: عبدالحفيظ ابوسن Date: 01-15-2020, 07:23 AM Parent: #3
نائب رئيس المجلس السيادي يعلم بتحركات مريبة ويكون دوره فقط ابلاغ مدير الجهة المتحركة ودون ان يتيقن من الاحداث يسافر خارج السودان ؟ وتكتفي الحكومة بتصريح مدير جهاز الامن فقط دون ان تحقق في ذلك ؟ الحكومة علمت بالتحرك من منو ؟ ما رجعت لي مصدرها ومحصت خبرو وحللتو واخضعتو للتحقيق والمراقبة ؟ ليه الموضوع دة اعادة للتاريخ وكما يقول التاريخ لا يعيد نفسه وان اعادها ففي الاولي مأساة وفي الثانية ملهاة وفعلا طلعت ملهاة سوداء راح ضحيتها اسرة آمنة في منزلها
Post: #6 Title: Re: بهدوء جدا الانقلاب المزعوم Author: Salah Zubeir Date: 01-15-2020, 07:55 AM Parent: #5
كل الحصل يا حفيظ هو حركة احتجاجية تطالب بي حق واضح وبين ... عسكري عمل طوال ١٥ عام في مهنة كان ممكن يفقد فيها حياتو في أي لحظة ... و تجي تستغني عنو تقول ليهو هاك دي ٣٠ ألف جنيه امشي شوف ليك شغله تانيه ... وين العداله هنا ... العسكري المسكين دا في الجيش ساعة يودوهو المعاش بقوم يستبدل جزء من المعاش بعوضوهو مبلغ محترم ممكن يبدأ بيهو شغلانة تعيشو ... دا زمن من المفترض ديمقراطي ومن حق الجميع المطالبة بي حقوقه ... كدي شوف التعويضات شكلها كيف وكمية الغبن الفيها ....
Quote: المستحقات المالية التي رفض منسوبي جهاز الأمن استلامها واعلان التمرد هي 30 الف جنيه للجندي 50 ألف وكيل عريف 70 الف عريف 100 الف رقيب 150 الف رقيب اول 200 الف مساعد (حضرة صول)
إعلام الثورة السودانية
من المفروض إعطاء الحقوق كاملة ومعها الشكر من الشعب السوداني .... ٣٠ ألف دي معقولة مستحقات نهاية خدمة؟ بعدين كيف تساوي بين واحد في الخدمة من ٢٠ سنة وواحد ليهو سنتين .... لو فتشنا عن سبب ما حصل بالأمس بنلقي العساكر ديل معاهم حق ... واهم حاجه إنو الموضوع لا علاقة تربطه بالسياسه ... ممكن ناس قوش استغلوهو بي طريقة ما ... لكن هنالك حق وراءه مطلب لم تلتزم به قيادة الدولة ....
Post: #7 Title: Re: بهدوء جدا الانقلاب المزعوم Author: محمد البشرى الخضر Date: 01-15-2020, 08:21 AM Parent: #6
معاهم حق يا ود الزبير يشيلو سلاح!! ما ياهم المعاشيين ومفصولي الصالح العام و مرضى الكلى زكل الناس العندها حق حدها وقفة احتجاجية ويضربوهم بمبان في الآخر في مليون طريقة للمطالبة بحقوقك غير شيل السلاح
Post: #9 Title: Re: بهدوء جدا الانقلاب المزعوم Author: Salah Zubeir Date: 01-15-2020, 08:31 AM Parent: #7
البلد دي يا محمد الشايلين فيها السلاح شوية .... ما كتار جدا شايلين السلاح وقضيتم ما تستحق حتي وقفة احتجاجية ... بعدين اتفاقي معاك انو الحصل أمس خطأ ... بس بالنسبة للعساكر ياهو دا المتاح ومن حقك تستعمل أدوات مهنتك ..
Post: #8 Title: Re: بهدوء جدا الانقلاب المزعوم Author: عبدالحفيظ ابوسن Date: 01-15-2020, 08:26 AM Parent: #6
نعم عمر لابد ولكن قبل يتكون ما الحكومة تربع يدينها مرحب صلاح هم افضل حالا من كثير من الموظفين بياخدو اعلي مرتبات كانو وفي وقتها . طبعا دة مابهضم حقهم لكن هم زاتهم كقوات كانوا بقمعو موظفين طالبوا بحقهم بشكل سلمي . اما حكاية المبالغ البسيطة حقت نهاية الخدمة كما ذكرت لو اعتبرناهم موظفين وليست قوات وتتبع للنظام السابق هل تعلم انو قانون الخدمة المدنية حقوق ما بعد الخدمة مرتب 6 شهور ؟ ود عمي موظف في الدرجة التالتة مايعادل خدمة عميد بياخد نهاية خدمة 18 الف . ببقا حكاية مجزية وما مجزية دة ما يفتح الله ويستر الله انت اشتغلت بشروط وظيفية وانت عارفها من الاول
Post: #10 Title: Re: بهدوء جدا الانقلاب المزعوم Author: عبدالحفيظ ابوسن Date: 01-15-2020, 08:33 AM Parent: #8
تشكر ودو دي نقطة كنت جايها لو افترضنا انو عندك حقوق وهي قانونية وانت عارفها يوم ما اشتغلت في الامن وافقت علي الراتب وانت سلفا عارف نهاية خدمتك كم تقوم تشيل سلاح وتبقا رباطي ؟ انت موظف دولة عندك طرق لاخذ حقوقك ما في واحدة منها شيل السلاح . شيل السلاح بحولك من موظف يطالب بحقه لمتمرد يحمل سلاح
Post: #12 Title: Re: بهدوء جدا الانقلاب المزعوم Author: Yasir Elsharif Date: 01-15-2020, 08:44 AM Parent: #10
سلام عبد الحفيظ وشكرا لك
بوست مفيد خاصة في الرد على "شبهات" أخينا العزيز صلاح الزبير.
Post: #11 Title: Re: بهدوء جدا الانقلاب المزعوم Author: Hasheem Karouri Date: 01-15-2020, 08:37 AM Parent: #8
سلام . اخ محمد البشري سلام اخ صلاح الزبير
Quote: من المفروض إعطاء الحقوق كاملة ومعها الشكر من الشعب السوداني
مسالة حقوق مابعد الخدمة معروفة ، وهي تخضع لقوانيين وليست مسالة مزاجية . اما قصة شكر دي ، اظنك تقصد عكسها ، فهولاء الزمرة من الفاشلين ، اذاقوا الشعب السوداني كل صنوف الويل والعذاب ، وفي الاخير نجي نشكرهم علي ذلك ؟ هولاء يستاهلوا السلخ وهم احياء .
Post: #13 Title: Re: بهدوء جدا الانقلاب المزعوم Author: Yasir Elsharif Date: 01-15-2020, 09:08 AM Parent: #11
سلام وشكرا يا هاشم كاروري ((اما قصة شكر دي ، اظنك تقصد عكسها ، فهولاء الزمرة من الفاشلين ، اذاقوا الشعب السوداني كل صنوف الويل والعذاب ، وفي الاخير نجي نشكرهم علي ذلك ؟))
Quote: اشتباكات بالأسلحة الثقيلة بين الجيش السوداني وعناصر متمردة .. مراسلنا يرصد التفاصيل 4.438 Aufrufe •14.01.2020 71 7 Teilen Speichern Alghad TV - قناة الغد 1,64 Mio. Abonnenten أفاد مراسل #الغد باندلاع اشتباكات بالأسلحة الثقيلة بين #الجيش_ السوداني والعناصر المتمردة في منطقة #كافوري في #الخرطوم بحري ، كان الجيش السوداني قد نشر تعزيزات في العاصمة للتصدي لعناصر متمردة من هيئة عمليات المخابرات العامة ، كان عدد من أفراد #المخابرات قد خرجوا في احتجاجات شهدت إغلاق عدد من الطرق الرئيسية ، في حين أكد #الجيش_السوداني أن ما حدث هو فوضى ستحسم بشكل فوري... المزيد من التفاصيل يتحدث مراسل الغد من الخرطوم مراسل الغد محيي الدين جبريل، مع يارا حمدوش، عبر الفقرة الإخبارية
Post: #14 Title: Re: بهدوء جدا الانقلاب المزعوم Author: عبدالحفيظ ابوسن Date: 01-15-2020, 09:17 AM Parent: #11
مرحبا ياسر الشريف عندك حق معروف بتاخدو كيف اقلاها امشو القاضي . اشتكو من الطرائف المبكية عمال مصنع اسمنت ربك لامن باعوهو مستحقات العمال طلعت اقل واحد 15ألف بتجيب ليها ركشة ولا بيت في حي شعبي جدا وقتها ماطلوهم قريب عشرة سنة ولامن سلموهم ليها قبل سقوط بزمن بسيط كانت ما بتجيب ليها تلاجة وبعملو وقفات احتجاجية وبجو يقمعوهم ذات الناس الهسة شايلين سلاح عشان دايرين اكتر من حقهم يا كاروري رغما عن دورهم القذر ودفاعهم القذر بكل الاساليب عن الحكومة المبادة لكن اهو جات كدة ما حلوهم وبقو موظفين دولة عندهم حقوق ياخدوها بالطرق القانونية ويتحاكم بالقانون كل من حمل سلاح امس ويتحاكم كل من اجرم وثبتت عليه الجريمة الحكم عليه بالادانة لا يضيع حقه قانونيا حسب معرفتي
Post: #15 Title: Re: بهدوء جدا الانقلاب المزعوم Author: عبدالحفيظ ابوسن Date: 01-15-2020, 09:29 AM Parent: #14
رغم كل ذلك ما حدث قدم خدمة للثورة واشعال اوارها رغم الخسارة الفاجعة لاسرة سوبا اسرة مطمئنة داخل دارها لم يستطع والدهم منع الموت العبثي عنهم اللهم ارحمهم واغفر لهم وصبر اسرتهم واهلهم علي فقدهم
Post: #16 Title: Re: بهدوء جدا الانقلاب المزعوم Author: امتثال عبدالله Date: 01-15-2020, 10:19 AM Parent: #15
""هؤلاء يستحقوا السلخ وهم احياء"" ..... هاشم كاروري تعليق اوسكار الف الف نجمة
Post: #17 Title: Re: بهدوء جدا الانقلاب المزعوم Author: Asim Ali Date: 01-15-2020, 11:25 AM Parent: #16
سلام عليكم
Quote: الموضوع نى من البدايه ناس تم تسريحهم -مع خيارات اخرى- من تاريخ قرار التسريح يعملو اخلاء طرف ويسلمو متعلقاتهم بما فيها السلاح ويملو فورمات خياراتهم سواء تسريح او دمج فى الجيش اوخلافو من الخيارات ويرسلو لبيوتهم لفتره شهر المكان الوحيد الممكن يتابعو اجراءاتهم فيه بعد داك هو الشئون الماليه لصرف استحقاقاتهم او المدمجين التبليغ لدى وحدات الجيش المدمجين فيها انتهى خلاف كدا داشغل مرتب من البدايه قبل الشهور السبعه ولا التمانيه من تاريخ اصدار القرار.
Post: #18 Title: Re: بهدوء جدا الانقلاب المزعوم Author: كمال عباس Date: 01-15-2020, 01:35 PM Parent: #17
شكرا أخ عبد الحفيظ التماطل في حل جهاز الأمن وتصفية جيوب نظام الإنقاذ هو السبب في تنمر قوات جهاز الأمن وتمردها علي الثورة والحكم المدني ،ولاننسي دفاع العسكر وبرهان وحميدتي عن جهاز الأمن وتمجيده والوقوف ضد استهداف الثوار له ..وهاهو الجهاز الفاشي ينقلب.عليهم ويتنكر لهم في إطار. سعيه لإعادة السلطة كاملة للثورة المضادة ،ماحدث اليوم لايجب ان ينسينا دم شهداء القيادة وضرورة ملاحقة كل من تورط فيهاحتي وان كان له موقفا إيجابيا في احداث اليوم .
Post: #19 Title: Re: بهدوء جدا الانقلاب المزعوم Author: Salah Zubeir Date: 01-15-2020, 01:55 PM Parent: #18
Quote: بوست مفيد خاصة في الرد على "شبهات" أخينا العزيز صلاح الزبير.
تحياتي اخونا ياسر ... ياريت تنورنا وتقول لينا الشبهات دي وين في كلامي ...
الشبهات يا صلاح انك بتدافع عن هؤلاء المتمردين وتقول أن حركتهم حركة احتجاج لمطالب واضحة... ونسيت أن هذه المطالب ممكن الحصول عليها بدون رفع السلاح وقتل أسرة بريئة داخل منزلها وهي آمنة...ونسيت أن تراجع قانون الخدمة لأفراد الفرق النظامية وكيفية حساب معاشاتهم وهل هم فعلا مظلومين ....واهم شئ نسيت أن هؤلاء المتمردين هم الذين أذلوا الشعب السوداني وعذبوا السياسيين وقتلوا المعلم أحمد خير شر قتلة .... فهم لا يستحقون العطف عليهم أبدا....
Quote: : بوست مفيد خاصة في الرد على "شبهات" أخينا العزيز صلاح الزبير.
وكان هذا تعليقك:
Quote: تحياتي اخونا ياسر ... ياريت تنورنا وتقول لينا الشبهات دي وين في كلامي ...
الشبهة الأولى هي قولك:
Quote: كل الحصل يا حفيظ هو حركة احتجاجية تطالب بي حق واضح وبين ...
وهذا يشبه الحق، وقد رد عليه ود البشرى:
Quote: في مليون طريقة للمطالبة بحقوقك غير شيل السلاح
ولكنك ترى:
Quote: بس بالنسبة للعساكر ياهو دا المتاح ومن حقك تستعمل أدوات مهنتك ..
ولكن استخدام السلاح يعني في العرف العسكري التمرد، والتعامل مع السلاح يكون بالسلاح.
والشبهة الثانية أن مكافأة نهاية العمل غير مجزية لقولك:
Quote: من المفروض إعطاء الحقوق كاملة ومعها الشكر من الشعب السوداني .... ٣٠ ألف دي معقولة مستحقات نهاية خدمة؟
وقد رد عليها عبد الحفيظ:
Quote: اما حكاية المبالغ البسيطة حقت نهاية الخدمة كما ذكرت لو اعتبرناهم موظفين وليست قوات وتتبع للنظام السابق هل تعلم انو قانون الخدمة المدنية حقوق ما بعد الخدمة مرتب 6 شهور ؟ ود عمي موظف في الدرجة التالتة مايعادل خدمة عميد بياخد نهاية خدمة 18 الف .
وأنت بنفسك نقلت ما حصل عليه هؤلاء الجنود ورفضوه:
Quote: المستحقات المالية التي رفض منسوبي جهاز الأمن استلامها واعلان التمرد هي 30 الف جنيه للجندي 50 ألف وكيل عريف 70 الف عريف 100 الف رقيب 150 الف رقيب اول 200 الف مساعد (حضرة صول)
Post: #24 Title: Re: بهدوء جدا الانقلاب المزعوم Author: Salah Zubeir Date: 01-15-2020, 10:41 PM Parent: #23
Quote: ولكن استخدام السلاح يعني في العرف العسكري التمرد، والتعامل مع السلاح يكون بالسلاح.
هنا يا دكتور مافي شبهات او غموض ... رفع السلاح هو أقصي ما يستطيعه العسكري ... هو الفعل الوحيد الذي يمتلكه ذلك العسكري لينال حقوقه ... دي حقائق أكيدة لا تأتيها الشبهات إطلاقا ... ثم إن كونها حركة احتجاجية لحقوق ضايعة حسب ما يري هؤلاء العساكر (راجع كلام فيصل والكباشي في بوست كمال عباس) فهذه حقيقة لا تأتيها الشبهات مطلقا ... بالنسبة للحقوق نحنا اولاد عساكر ... وحين نزل الوالد رحمة الله عليه المعاش تم استبدال نسبة معينة من استحقاقه المعاشي (قول ١٢ جنيه) وتضرب في عدد الشهور والسنين التي من المتوقع يعيشها علي حسب تقدير الكشف الطبي الذي يخضع له العسكري في نهاية خدمته ... هذا المبلغ كان كافيا لوالدي ليبدأ عمل جديد ويجنبنا الفاقه .. وهذا ما لم يحصل للعساكر المتمردين أمس ... وهذا ما يطالب به (المتمردين) ... بالمناسبة ٣٠ ألف جنيه كنهاية خدمة تعادل ٣٣٣ دولار او اقل ... او ٣ خرفان ... العساكر الذين تمردو بالأمس لم يكن بينهم ظابط واحد ولو برتبة ملازم ... كل الذين تم اعتقالهم ٤٣ عسكري سلمو أنفسهم بعد رمي السلاح في معسكر كافوري .. البقية لاذو بالفرار وبعضهم يحمل سلاحه معه ... الاسرة التي قيل أنها قتلت بي دانة من نيران صديقة (الجيش) لم يتم تأكيد هذه المعلومة التي أوردها تجمع الأطباء الديمقراطيين (شيوعيين بالانجليزي) ... الكثيرين هنا لا يعلمون طبيعة عمل العساكر البسيطة جدا وهي تنفيذ الأوامر الصادرة من قايدك وليس لك حق الاعتراض او النقاش .. تنفذ بس .. الله يستر بعد كم سنة ما يكون عندنا جيش نهائي لعزوف الشباب عن الإلتحاق به خوفا من السلخ وهم احياء كما أفاد بعضهم هنا في غمرة حماسه ... في البال اضراب الشرطة وحميدتي والمعلمين وحميدتي وناس المطار وحميدتي ... هو حميدتي دا يتقطع ولا الرأي شنو ..
Post: #25 Title: Re: بهدوء جدا الانقلاب المزعوم Author: منتصر عبد الباسط Date: 01-15-2020, 10:48 PM Parent: #24
Quote: لذلك لابد من تكوين برلمان الثورة يا عبد الحفيظ
برلمان كيري كدا ساكت بدون انتخابات؟! الشعب دا لمتين حا يستهبلوا عليهو السياسيين؟! يمسكوه ديلاك ويفكوهو لي ديل ! متي يتحرر هذا الشعب المغلوب على أمره ؟!
Post: #26 Title: Re: بهدوء جدا الانقلاب المزعوم Author: منتصر عبد الباسط Date: 01-15-2020, 11:03 PM Parent: #25
Quote: زي ما شايفين عساكر مجلس السياده ما عارفين انو هيئة العمليات ما سلمو سلاحم لحدي هسي . .معقول بس . .!!
في تقديري أن المسألة لم تكن مسألة مطلبية، ولكن المطالب كانت تخفي حقيقة الحركة المتزامنة التي بدأت في الأبيض وفي أربعة مواقع في العاصمة لإحداث بلبلة تمهيدا لعودة النظام القديم. بعدين ناس هيئة العمليات ديل ياخي موش زي حالة ناس والدكم، عليه رحمة الله. فهم سنون في منشار السلطة الإنقاذية الباطشة التي أذلت وأرهبت وأرعبت الشعب السوداني وقتلت منه مئات الآلاف وشردت مئات الآلاف، ومع ذلك لا ننادي إلا بالمحاسبة العادلة والعقوبة المناسبة وليس التشفي والانتقام. أرجو من الجميع متابعة البانوراما.
Quote: بانوراما | بعد ليلة التمرد، هل تجاوز السودان حكم البشير؟ 252 Aufrufe •15.01.2020 27 1 Teilen Speichern AlArabiya العربية 5,31 Mio. Abonnenten هي الدولة العميقة في السودان بأذرعها الأمنية والاستخباراتية. من الصعب التخلص باتفاق سياسي, وبأقل من عام, وبخبرة سياسية يافعة, من ثلاثة عقود في ظل الحاكم الأوحد، وإن كان يقبع في السجن. ماذا حصل في أمسية الرابع عشر من يناير.. هل كان شبح صلاح قوش, أم إرث البشير.. تمرد أو انقلاب أو انتفاضة ترقى إلى جس نبض السلطة وامتحان الشراكة طرية العود بين الجيش والمدنيين.. بالنسبة إلى رئيس مجلس السيادة الأمور واضحة.. تمرد وفق خطة موضوعة سلفا, حاكت خيوطها.. الدولة العميقة
Post: #28 Title: Re: بهدوء جدا الانقلاب المزعوم Author: عبدالحفيظ ابوسن Date: 01-16-2020, 06:01 AM Parent: #27
مرحبا صلاح يبدو لي في لبس حقوق مابعد نهاية الخدمة تكون معروفة سلفا وكذلك المعاش وانت هنا تتحدث عن بيع جزء من المعاش او كله وهو ايضا معروف سلفا كم معاشك ويتم بعد صرفك لحقوقك وبشكل فردي الحاصل انهم معترضين علي مكافأة هم يعلمونها سلفا ماذا تسمي من يحمل سلاحا في وجه السلطة للمطالبه بحقه مع العلم انو عسكريا بعد تسريحه لايحق له حمل سلاحه ولكن مسموحا له بالزي العسكري والبطاقة لمدة شتة شهور لتسهيل قضاء اغراضه وحقوقه بتسهيل حركة دخوله كما ذكر ودو توجد اكثر من طريقة للمطالبة بالحقوق دون سلاح اما حول مكافاة نهاية الخدمة لماذا لم يطالبو بذلك وهم في الخدمة كما فعل غيرهم المدهش يا صلاح لايوجد قتيل او جريح وقد شاهدت ركام المبني الذي كانوا يتحصنون داخله
Post: #29 Title: Re: بهدوء جدا الانقلاب المزعوم Author: mohmmed said ahmed Date: 01-16-2020, 06:10 AM Parent: #28
منطق عجيب لصلاح الزبير
رفع السلاح هو ما يمتلكه العسكرى
يعنى لو فى عساكر فى محطة نووية ما ادوهم حقوقهم عندوهم شنو سلاح وحيد
الحمد لله فى السودان ما عندنا محطة نووية
Post: #30 Title: Re: بهدوء جدا الانقلاب المزعوم Author: عبدالحفيظ ابوسن Date: 01-16-2020, 06:44 AM Parent: #29
مرحب منتصر وحبابك اظن واحدة من اتفاقيات الفترة الانتقالية تكوين برلمان تشريعي بنسب محددة متفق عليها مرحبا محمد ههه يعني كان عدمونا طفاي النار حق الاحتجاج مكفول بشكل ديمقراطي وقضائي كمان لكن الماقادر افهمو عامل وافق علي اداء وظيفة محددة وبشروط محددة يجي بعد سنوات وبعد ينتهي عملو يرفض ذلك النقابات قاعدة تعترض علي الاجور وشروط ما بعد الخدمة وتطالب بذلك بشكل ديمقراطي . من حقك تعترض علي تدني اجر وافقت عليه لتغييرات اقتصادية حدثت وصار غير مجزي . بتعترض وبتقاتل بشكل ديمقراطي من اجل ذلك حتي تنتصر او تغادر العمل لعمل آخر مجزي في تقديرك جهاز الامن يوم واحد ماسمعنا منهم اعتراض علي قلة الاجور او ضنك الحياة عكس المكونات العسكرية التانية زي الجيش والشرطة والجمارك والدفاع المدني بشكو من قلة الاجور ولطبيعة تكوينه العسكر بستقيلو منو منسوبيه من اجل عمل آخر مجزي
Post: #31 Title: Re: بهدوء جدا الانقلاب المزعوم Author: كمال عباس Date: 01-16-2020, 06:58 AM Parent: #30
كتبت في بوست اخر ردا علي من يختزل ماحدث في احتجاج محدود ومعزول :-
(هل ماحدث كان مجرد (مجرد مجموعة من الرافضين اعتصموا بمبنى صغير) أم حملات مسلحة منظمة - واسعة النطاق شملت عدة مناطق بالعاصمة والأقاليم ؟* فلنساعدك ولنقل وبمنطقك إنها حركة مطلبية - غير مسيسة ولا معسكرة -حركة مطلبية هدفها هو إستلام إستحقاقات نهاية الخدمة فلماذا اللجوء لحمل السلاح ؟ والخروج عن الضبط والربط وعدم الإكتفاء بالإحتجاج المطلبي أمام الدوائر المالية والإدارية ؟ هل قدمت هذه المجموعة إنذار مطلبي وخطت - نحو الإعتصام ثم تنظيم مسيرة مطلبية سلمية؟ * ماحدث تخطي الإحتجاج المطلبي - ليصبج الشق المطلبي هو مجرد قميص عثمان ومطية لتحقيق أجندة سياسية - بالنظر للتركيبة الإيدلوجية لهئية العمليات والولاء لحزبي لهم - والتنظيم و تزامن التحرك في عدة مناطق بالوطن وحمل السلاح ومسيرات الزحف الأغبر والنشاط الإعلامي للفلول يتضح أن ماحدث حلقة مفصلية في مؤامرة..ماحدث هو تمرد ملسح - لا حركة تتبع نهج وأدوات الحركات المطلية - المعروفة ولايمكن فهمه كتحرك معزول ومحدود وأنما يفهم في السياق الكلي لمجري الأحداث وتحركات الفلول
Post: #32 Title: Re: بهدوء جدا الانقلاب المزعوم Author: اخلاص عبدالرحمن المشرف Date: 01-16-2020, 07:18 AM Parent: #31
السلام عليكم
يا حفيظ داير تصل لشنو ؟
ده ما انقلاب .
Post: #33 Title: Re: بهدوء جدا الانقلاب المزعوم Author: عبدالحفيظ ابوسن Date: 01-16-2020, 07:40 AM Parent: #32
مرحب اخلاص انا بحاول اقرأ في الاحداث حسب وجهة نظري هل ماذكرته تتفقين فيه معي ام تختلفين ؟
Post: #34 Title: Re: بهدوء جدا الانقلاب المزعوم Author: اخلاص عبدالرحمن المشرف Date: 01-16-2020, 07:44 AM Parent: #32
هو اختراق من مخابرات دول اخري استغل مشكلة محددة ، لو عندهم فكرة انقلاب كان وافقوا علي الانضمام للأجهزة الاخري وقلبوها بعد استقطاب عدد زيادة من كل افرع الجيش
ديل ناس محترفين ما مكن ما يكونوا ما عارفين الف باء الاستيلاء علي السلطة. محاولة تضخيم الأمر ليس في مصلحة الثورة وتخلق شكوك
Post: #35 Title: Re: بهدوء جدا الانقلاب المزعوم Author: عبدالحفيظ ابوسن Date: 01-16-2020, 08:26 AM Parent: #34
يعني يا اخلاص بي كلامك دة هو انقلاب مزعوم
Post: #37 Title: Re: بهدوء جدا الانقلاب المزعوم Author: اخلاص عبدالرحمن المشرف Date: 01-16-2020, 08:40 AM Parent: #35
ولا حتي دي حركة احتجاجية أولاً غيرت القانون دون موافقته بالتالي يعطي الحقوق المنصوص عليها في تعاقده الأصلي
ثانياً هو لم يخرج للشارع ولم يتصل بالغير فقط من وقع عليهم ظلم مثله والا كان شفته دبابات ومدرعات وطيران وحتي صواريخ ( حركة مطلبية محدودة ) ثالثاً حين الاتصال بهم من الجهات ذات الاختصاص تحدثوا معهم ولم يعتقلوا احد ولم يقتلوا احد
ممكن اعد لك الي ميه وانا ما محامية
دماء السودانيين ان في الهامش أو المركز بينكم حرام الا بالحق
اما أن الجهاز كان سئ ما فيها اختلاف وكان عقابهم الحل وقد وافقوا عليه وانتو حتي ما حاكمتو علي عثمان ولا البشير ديل موظفين سودانيين في جهاز سئ بعضهم ارتكب جرم يحاسب عليه ( وما هم براهم ) ولكن في الحالة دي ما عندك حق تحاكم الا بالحيثيات الماثلة
Post: #36 Title: Re: بهدوء جدا الانقلاب المزعوم Author: Salah Zubeir Date: 01-16-2020, 08:38 AM Parent: #34
Quote: منطق عجيب لصلاح الزبير رفع السلاح هو ما يمتلكه العسكرى يعنى لو فى عساكر فى محطة نووية ما ادوهم حقوقهم عندوهم شنو سلاح وحيد
الحمد لله فى السودان ما عندنا محطة نووية
يا محمد سيد أحمد دا مش منطقي أنا ... دا منطق العساكر الأرعبو الناس أول أمس نتيجة لشعورهم بالظلم والغبن .... وكان دا شعور الكثيرين هنا وفي كل أجزاء السودان بعد ٣ يونيو حيث طالب الكثيرين بوقف إمدادات الكهرباء والماء وقفل المطار و ... الخ الي أن يرضخ العسكر وينفذو ما هو مطلوب منهم .... هيئة العمليات تم حلها منذ أغسطس الماضي .. وقيادة جهاز الأمن لم تستطيع المطالبة برحيلهم إلا مؤخرا لعدم وجود ميزانية تصرف منها حقوقهم .. كل العساكر الطلعو أول أمس جاءو من بيوتهم وكانو متفقين علي هذه الوقفة المسلحة حيث تم توفير السلاح بمعرفة المنسقين .... السؤال هو وعلي حسب ما قال حميدتي إنهم عندهم معلومات مسبقة بالتحرك ... لماذا لم يتحرك حميدتي قبل يومين تلاته ويحل مشكلة الناس ديل ... ما في النهاية وكما أعلن من جهات عديدة هي مشكلة مادية ... مش مشي قبل كدة ودفع من مالو الخاص للشرطة والمعلمين وناس المطار .... المكون العسكري في المجلس السيادي لهم اجندتهم الخاصة للسماح بما حصل أول أمس ... راجع تصريحاتهم ... حميدتي والدعم السريع يهمهم أن تختفي هذه القوة الي الأبد ... لذلك لم يتحرك حميدتي ... باقي الجماعة المدنيين ما عندهم شي يعملو غير يصفقو للعساكر ...
Post: #38 Title: Re: بهدوء جدا الانقلاب المزعوم Author: اخلاص عبدالرحمن المشرف Date: 01-16-2020, 08:54 AM Parent: #36
غايتو يا حفيظ المزعوم دي وقفت عندها 😂😂😂😂😹😹
Post: #39 Title: Re: بهدوء جدا الانقلاب المزعوم Author: عبدالحفيظ ابوسن Date: 01-16-2020, 09:23 AM Parent: #38
هههه يا اخلاص ما سمعتي الفنان احمد المصطفي غني لابوماضي
زعموا سلوتك ... ليتهم نسبوا إليّ الممكنا فالمرء قد ينسى المسيء المفترى ، و المحسنا و الخمر ، و الحسناء ، و الوتر المرنّح ، و الغنا و مرارة الفقر المذلّ بل ، و لذّات الغنى لكنّه مهما سلا هيهات يسلو الموطنا
Post: #40 Title: Re: بهدوء جدا الانقلاب المزعوم Author: اخلاص عبدالرحمن المشرف Date: 01-16-2020, 09:39 AM Parent: #39
فعلاً يا حفيظ هيهات يسلو الموطنا ان سكرة السلطة لشئ عجيب معقول ق ح ت تنسي الظلم معقول ق ح ت تظلم سوداني حتي ان كان ممن اسأوا العدل أساس الملك
وويل لنا من قضاة السلطان الذين وضعوا المادة رقم ( ) التي تقول بالإعدام والمؤبد وهم يظنون انهم يرضون الحكام وما عرفوا ان الحاكم هو الشعب فقد ولي زمن الحاكم الفرد ، من لوح بهذه المادة من قبل انتظام لجنة التحقيق لا يستحق هذا المنصب وياليته يستقيل ف نحن نريد قضاة لا مطبلين وحملة مباخر
Post: #41 Title: Re: بهدوء جدا الانقلاب المزعوم Author: عمر سعيد علي Date: 01-16-2020, 10:12 AM Parent: #40
على كل حال لو هذه المجموعة افتكرو انهم بي حركتم دي حينالو مطالبم يبقى ديل لا رجال مخابرات ولا عندهم خبرات . .
Post: #42 Title: Re: بهدوء جدا الانقلاب المزعوم Author: sadiq elbusairy Date: 01-16-2020, 11:19 AM Parent: #3
الاخ المفضال عبد الحفيظ ابو سن و المتداخلين الكرام
السؤال الذي يطرح نفسه هل الاحداث بالفعل كانت على خلفية المطالبة بتعويضات نهاية الخدمة؟
اذا كان الامر كذلك و على فرضية صحة الادعاء بان الاحداث كانت على خلفية مطالب بتعويضات افراد جهاز الامن، ارجع لحديث السيد حمدوك في اول لقاء تلفزيوني اجراه معه وزير اعلامه حاليا، ذكر الحوكمة في اكثر من موقع في حديثه، حينها انا شخصيا استبشرت خيرا ان الحكومة المدنية سوف تقوم بمتابعة قراراتها و تنفيذها و حساب نتائجها و كما ذكر الاخ ابوسن كان على الحكومة ان تتابع قرارها و تنفيذه بدقة و اعتقد هذا اول امتحان في الحوكمة فشلت الحكومة في ادائه دون التطرق لقرارات اخرى لازالت لم تنفذ و ما نفذ منها لم تضبط نتائجها. المشهد السياسي بشكل عام ضبابي و تتخلله كثير من التدخلات المحلية و الاقليمية و الدولية بادوات مختلفة و بكل تاكيد استثمار هذا الحال المرتبك من قبل اصحاب المصلحة سواء من نظام سابق( و اشير هنا الى محاولة الهجوم على سجن كوبر)، او من قبل اصحاب دعوة الانتخابات المبكرة التي جاءت في باكورة ايام الحكومة الانتقالية، او من قبل المحاور الاقليمية المتصارعة التي بدون شك نقلت صراعها الى الاراضي السودانية كما فعلت في ليبيا و اليمن من قبل، أو الاحداث جاءت على خلفية ما نشر من فيديوهات اجتماعات الحركة الاسلامية، او على خلفية قرب انتهاء لجنة التحقيق من نشر نتائج قضية فض الاعتصام التي تقلق كلا من الجيش و الدعم السريع سيما و ان ادانتهم من قبل الراي العام سابقة لقرار اللجنة منذ لحظة فض الاعتصام الاولى. تبقى الاحتمالات مفتوحة لكل ذلك و ربما تكون بداية الاحداث فعلا على الخلفية المعلنة و لكن امتطاها من امتطاها او ربما تم استدراج هؤلاء المطالبين لتحقيق اهداف ما ضمن المحتملين اعلاه. مما سبق و في تقديري هذه ال loose ends و التي تعطي كثيرا من الاحتمالات و ايضا احتمال تكرار احداث مماثلة تظل واردة جدا، انما هي الفوضى بعينها و التي لا تحمد عواقبها و تفتح الباب الى التنبوء بثورة شعبية (ربما لن تكون سلمية هذه المرة لصعوبة التحكم فيها على ضوء الاستقطابات الحارية)، او انقلاب (انقلابات مترادفة)، او تصفيات عنيفة و في تقديري ايضا اصبح خيار الانتخابات المبكرة في غياهب جب هذه الفوضى لان اللغة القادمة هي لغة السلاح. من ناحية اخرى مقومات السلام رغم الرحلات المكوكية للوفود عسكرية او مدنية ليس لديها ارضية صلبة على ضوء هذه الارضية الرخوة (الكريقة) تكادت تكون غير فاعلة او غير موجودة. ان هذه الاحداث تحمل في طياتها كثير من نذر الشؤوم، و مرد كل هذا الخلل ان الثورة لم تكتمل اركانها و تطبق قانونها الحاسم عوضا عن الوثيقة الدستورية العرجا، فكما استطاع الثوار العبور الى ميدان الاعتصام امام القيادة كان بامكان الثورة بعد ان اكتسبت زخم عالمي و تعاطف ايجابي ان تحقق مطالبها مبكرا بدلا عن البحث عن مطالبها في اروقة العدو كما يحدث الان.
Post: #43 Title: Re: بهدوء جدا الانقلاب المزعوم Author: أحمد الشايقي Date: 01-16-2020, 12:23 PM Parent: #42
الأخ ابو ســن
السودان مغصتـه تكتــل
في تقديري الموضوع وما فيهو أنه حفلـة ألعاب ناريـة يتم تعويد السكان فيها على أصوات القصف والانفجارات وجس نبض الشارع فيما اذا كان سيخاف وينزوي أم أنه سيصمد ويقاوم وسبوبـة لاصدار قرار بتقييد حراك لجان المقاومـة تماما مثل سبوبة كولومبيا أيام الاعتصام
أحمد الشايقي
Post: #44 Title: Re: بهدوء جدا الانقلاب المزعوم Author: Asim Ali Date: 01-16-2020, 01:41 PM Parent: #43
Quote: في تقديري الموضوع وما فيهو أنه حفلـة ألعاب ناريـة يتم تعويد السكان فيها على أصوات القصف والانفجارات وجس نبض الشارع فيما اذا كان سيخاف وينزوي أم أنه سيصمد ويقاوم
امس لاحظت انو الناس اصبحت حساسيتها عاليه لصوت الرصاص والعكس الناس فى المناسبات مصره على العاده السيئه دى . عقد جنبنا فى المسجد بعد واحد طلع وضرب رصاص شويه فى الوسائطتساؤت عن سماع رصاص فى امبده التامنه واخرين فى الحاج يوسف معتقدين انو من جهه كافورى واخرين عن سماع رصاص جهه مبره وفى النهايه بتاع امبده طلع ممناسبه زواج .
Post: #46 Title: Re: بهدوء جدا الانقلاب المزعوم Author: عادل خياري Date: 01-16-2020, 08:21 PM Parent: #45
مزعوم
Post: #47 Title: Re: بهدوء جدا الانقلاب المزعوم Author: كمال عباس Date: 01-16-2020, 09:28 PM Parent: #46
وشهد شاهد من إهلها ! وبحسب بيان جهاز الأمن اليوم فإنه - قد تم حصر قوائم من أختاروا التقاعد - تم إحتساب جملة مستحقاتهم -تمت مخاطبة وزير المالية بخطاب بتاريخ 11 ديسمبر المنصرم - وبعد إسبوعيين /28 ديسمبر إستلم جهاز الأمن كافة المستحقات من وزارة المالية -وقد قام بإحتساب مستحقات خدمة حتي لمن لا يستحقها= من لم يكملون عاما في الخدمة -وإعفاء كل من عليه - من التسديد ! _ قام بعض من إختاروا التقاعد في الأبيض بالمطالبة بإكثر تقتضيه وتمنحه شروط خدمتهم وتضامن معهم اخريين في الخرطوم وغيرها ! * ويتضح من هذا أن الحكومة قد سددت كل المبالغ التي طالبت بها رئاسة الجهاز وأن إدارة الجهاز منحتهم أكثر ممايستحقون ! * يأتي هذا في وقت لم يتسلم فيه عشرات الالاف ممن فصلوا في عام 1990 وبعده -مستحقاتهم !