جاكم بيان من منبرشات

07:19 AM January, 13 2020

سودانيز اون لاين
Hassan Farah-جمهورية استونيا
مكتبتى
رابط مختصر

البيان ده انسخوهو والصقوهو في اي حيطه عشان الماسمع يسمع وكل متسلق يعرف اننا بالمرصاد

.....
العمليه السياسيه في العالم الحديث المتمدن تتناسب طرديا بقوة أحزابها وطريقة تركيبها باعتبار ان الاحزاب السياسيه هي دينمو الدوله وقد تجاوزت الدول المحترمه تلك الأحزاب ذات التكوين القبلي او الطائفي
الصادق المهدي هو آخر متسلق طائفي ذو عمر ديناصوري يبقى ليبقى خنجر التأخير مغروسا" في صدر هذه البلاد الطيبه
تاريخه السياسي منذ الستينات معروف ومكتوب يخاصم يتحالف ينقض بإسم حزبه وبإسم الديمقراطيه وبإسم الغبش قد نتجاوز عن كثير لكن حينما يحاول إضفاء الضباب على ثورتنا المجيده لينفث بها سمومه الرجعيه نقف ونقف على ناصية قبور شهداءنا ودموع امهاتهم السخيه وذاكرة الشعب يقظه تذكر تاريخه السياسي وسخريته في بواكير ثورتنا العظيمه حينما جلس في حفرة دخان مهيبه يلوح للعسكر مناديا انا معكم و
أسرته التي تعيش في جنة عدن من جانب ويتاوه تمثيلا باسم الغبش من جانب آخر وابنته التي تتقلب في المواقف وتحمل نفس جينات والدها الظلاميه البدينه تتخبط في اللامعقول
لن ننسى حينما سحب خيمة الأنصار قبل فض الاعتصام ليترك اخوتنا امام رصاص القتله
ثم بعد كل هذا يخرج لنا هذا الشخص بفكرة الانتخابات المبكرة وجشعه في تعيين أعضاء حزبه المسنون في هياكل الدوله الحديثه دولة ثورتنا الشبابيه لخوفه من ان يتجاوزه الحاضر والحق أن الحاضر تجاوزه تماما وهو يصر على ان يتشبث بالفشل
نحن في تجمع منبرشات ممثلي نساء السودان إحدى ركائز ثورة ديسمبر المجيده نعلن رفضنا لكل ماينادي به الصادق المهدي وليذهب ليمارس شعوذته داخل حزبه المتهالك ونؤكد وقوفنا التام والداعم والحقيقي مع لجان المقاومه باعتبارهم شرارة الثورة الاولى وهم أحق من كل الأحزاب السياسيه الموجوده حاليا في المشهد السياسي هم من قدموا ارواحهم ودماءهم النفيسه مهرا لوطن يسع كل راغب في التقدم والازدهار
ونحزر كافة الاحزاب السياسيه التي تتكسب من دمائنا ان لا رحمة بعد الآن
ان كنتم مستقلين او تحت الحرية والتغيير...
مجدا" للثورة
#منبرشات

والله منبرشات ما قصرتو مع الثورة
وبتقومو بعمل كبير جدا ومؤثر
اتمنى ان تستمروا فى نوعية عملكم المتخصص المفيد

اصدار بيانات سياسية حيدخلكم فى تصنيف وخلافات كتيرة

الأخ حسن فرح حبابك و حباب المنبرشات

فرحت للعنوان لأن اسم منبرشات كان له بريقأيام الثورة و عنفوانها...كما كان لاسم تجمع المهنيين فعل السحر في الثوار..

الا ليت أيام العنفوان الثوري تعود من جديد؟؟؟
تحياتي

بالله شوف! ما فضّل إلّا المنبرشات كمان
خليكن أحسن في دا سمح ودا طويل ودا عيونه خدر وجيبوا لي زيتو وخشوا صفحته ولو غلبتكم فبركوا ليه صفحة عادي ما سلطة أصلها
لكن أرعن بقيدكن, نقد سيدي الإمام دا مستوى تاني خالص لم تبلغنه بعد!

دا شنو يا ودالبشرى شغل المديده حرقتنى هسى صديق يجى ناطى يملاهم شعر مايخلى ليهن جنبه يرقدن عليها

لا با عاصم ما مديدة لصديق اصالة عن رقبتي دي والله
زعلني المنبرشات بالحيل! ما فضّلن إلّا هن كمان !

يا منبر شات

كلام محمد سيداحمد دا ما ترموه الواطه :

Quote: اتمنى ان تستمروا فى نوعية عملكم المتخصص المفيد اصدار بيانات سياسية حيدخلكم فى تصنيف وخلافات كتيرة

Quote: دا طويل

ما محتاجه تقنية فار زاتو!!

Quote: نقد سيدي الإمام دا مستوى تاني خالص لم تبلغنه بعد!

ازي الحال يا عمك ومشتاقين جداً

يا بشرى ياخي انت بي صحك

هو سيدك اللمام دا خلالو فرقة لي زول ينقدو

هو ناقد نفسو براااااهو

ومنبرشات مالن كمان بتستصغرهن للدرجة دي لما تقولهن ما فضل الا انتن ههههههه

زولك دا براااهو بجيب الهوا لي نفسو بي كلامو الشين ناس بوخة المرقة وكاني ماني

عموماً الثورة والشباب والشعب الان اتجاوزوا كل الاحزاب الطائفية ومافي فرصة ليهم تاني

راحت عليهم تب .. فاا الاجدى للصادق المهدي الان اللحاق بصديقه وعدوه الميرغني والانزواء بعيداً عن الاعلام وعيون الثوار

بتفق مع الاخ محمد البشرى
بيان موجه للسيد الامام وأسرته الكريمة بيعتبر قلة ادب من منبرشات

أجي .. جانا دا كمان ؟؟!