عبد الحي يوسف يسحـــــق القحاتـــة في قناة الجزيــرة

09:37 PM January, 11 2020

سودانيز اون لاين
Elhadi-
مكتبتى
رابط مختصر

رغم رأي المسبق في عبد الحي يوسف ونظرتي ليهو كأحد وعاظ السلاطين وكأحد المستهبلين المتاجرين بالدين

و الوالغين في الفساد..

لكن الحق يقال في قناة الجزيرة اتجدع ومسح بالقحاتة الأرض

وأظهر قدرات عالية جداً

قد لا تتوافر في 99.99% من القحاتة البطلعوا في التلفزيون ـ بدون ذكر أسماء

آآآآآآآآآآ آآآآآآآآآآآآآآآآ آآآآآآآآآآآآآآآ بين كل كلمة وكلمة

والله أفتكر يعني.. و أعتقد.. واااااااااا .. أاااااااااااي..

أو زي الوزيرة القحاتية في لقاء قناة الجزيرة تقلب في الورق أمام الكاميرا

مرافعة زي المرافعة.. وسياسة زي السياسة

نالت إعجابي طريقته في الحوار نفسها..

غض النظر عن رأي فيهو هو نفسه أو في محتوى إجاباته

وبالشايفو ده..

ما اعتقد أن هناك في قحت من المؤيدين لخط الهبوط الناعم من يستطيع الصمود أمامه في مناظرة مفتوحة

ولو لم في وزيرة الشباب والرياضة في مناظرة.. والله كان قرقشا في نص دقيقة

الهادي انت كل يوم المساحيق النضالية المتغطي بيها دي بتتمسح مسح طبيعي
وتكشف شوية شوية وجهك الحقيقي . إستمر قشة ما تعتر ليك

ولا مساحيق ولا دياولو

العندو حاجة اليمرق بيها ـ أنا النصيحة بمرقا ولو على جثتي

الفرق بينو وبين القحاتة من ناحية الأداء والقدرات السياسية اللي ظهرت لي من خلال الحوار ده..

زي الفرق بين الهلال الأمدرماني والنجم الساحلي التونسي

اتفق معك يا الهادي بأن عبد الحي يوسف متحدث لبق
درس فنون الخطابة كداعية هذه لا يختلف فيها اثنان
لكن هو متملق لبق و من علماء السلطان
و انتهازي يعرف من اين تؤكل الكتف
احتفاءك به لن يضيف اليه شئ لكنه يخصم منك انت
هذا المعتوه مكانه السجن حتى الممات
و انت مكانك مزبلة البورد :)

ما اختلفنا يا خضر

و أنا قلت في الأول انو هو من علماء السلطان وإنو حرامي و.. و.. الخ

لكن بختلف يا الهادي لما واحد ينطق بصوت الحق و واحد ينطق بصوت الباطل
ممكن يجيك واحد حنكو سنين و بلعلع و ما عندو اي شئ قصاد واحد بتكلم بهدوء و عندو كل شئ
المسألة هنا يعرفا ذو اللب , الامور ما مطلوقة ساي

أي لكن الحق ده زاتو يا خضر ممكن يضيع أو تضيع ملامحه لمن يتولاهو ناس ما عندهم قدرات ـ صحيح ؟؟

وممكن زي عبد الحي ده بقدراته الفردية أن يسوق للباطل.. ده زمن الإعلام وانت عارف كده كويس

وده البرجعنا لأنو : هي ولاء البوشي وأمثالها يعني كان مالهم ومال عبد الحي وقت هي ما قدرو وقدر الصراع معاهو ؟؟

ولا يا خضر هم هاجموا عبد الحي واتخذو منو ومن أمثاله ( ذريعة ) للتغطية على أمور أخرى ؟؟

جات فترة الناس في وسائل التواصل الاجتماعي بقت ما عندها شغلة غير موضوع عبد الحي ده،

للدرجة الإنو حتى استغلتو قناة العربية في المقاطع المجتزأة إياها القاعد يديها ليهم جهاز الأمن.. يعني في النهاية جهاز الأمن أو الجهة البتتعمد تخرج المقاطع لقناة العربية لغرض سياسي معين بتستغل موضوع عبد الحي نفسو في ذات السياق

عشان يشغلو بيهو الناس عن العدو الحقيقي

وقع ليك إنو الشغلانة دي ودت الناس لي وين ؟؟

ويبقى إنو كلام إنو عبد الحي وأمثاله هم على باطل

وناس فاسدين وحرامية مكانهم السجون.. ده كلو ما مختلف فيهو مع أي زول

بالعكس يمكن أنا شايف كمان إنو الحكومة بتجامل فيهم أو تاركاهم لسبب من الأسباب

Quote: أي لكن الحق ده زاتو يا خضر ممكن يضيع أو تضيع ملامحه لمن يتولاهو ناس ما عندهم قدرات ـ صحيح ؟؟ وممكن زي عبد الحي ده بقدراته الفردية أن يسوق للباطل.. ده زمن الإعلام وانت عارف كده كويس وده البرجعنا لأنو : هي ولاء البوشي وأمثالها يعني كان مالهم ومال عبد الحي وقت هي ما قدرو وقدر الصراع معاهو ؟؟ ولا يا خضر هم هاجموا عبد الحي واتخذو منو ومن أمثاله ( ذريعة ) للتغطية على أمور أخرى ؟؟ جات فترة الناس في وسائل التواصل الاجتماعي بقت ما عندها شغلة غير موضوع عبد الحي ده، للدرجة الإنو حتى استغلتو قناة العربية في المقاطع المجتزأة إياها القاعد يديها ليهم جهاز الأمن.. يعني في النهاية جهاز الأمن أو الجهة البتتعمد تخرج المقاطع لقناة العربية لغرض سياسي معين بتستغل موضوع عبد الحي نفسو في ذات السياق عشان يشغلو بيهو الناس عن العدو الحقيقي وقع ليك إنو الشغلانة دي ودت الناس لي وين ؟؟

بتفق معاك يا الهادي في مسألة انو وزراء الحكومة ما عندهم تجربة في الحكم قبل كده
لكن ما بفتكر دي مشكلة كبيرة عشان كده بقول ليكم ادوهم فرصة كافية و بعدها تبدأ المحاسبة
اما بالنسبة لموضوع الوزيرة ولاء البوشي انا كنت من المعارضين ليهو و كتبتا عن رفضي للتصرف دا
من وزيرة بتمثل الحكومة في انها تنزل لدرك عبد الحي يوسف
وصفها بأبشع الصفات نعم وهو مقر بذلك لكن لكل فعل ردة فعل
باختصار ما كان في داعي لكل الحصل دا

هذا هو اللقاء الذي كتب عنه الأخ الهادي
عبد الحي يوسف يسحـــــق القحاتـــة في قناة الجزيرة
وللناس أن يحكموا

لاحظ في الدقيقة 28.36
يسمي الثورة إنقلاب
هذا الذي يسحق القحاتة

Quote: لاحظ في الدقيقة 28.36

Very Accurate
قال بلغوهو و هو خارج السودان بالانقلاب
ووجه رسالة للمخلوع بان لايسفك دماء المسلمين
و محاسبة كل من اعتدى على المال العام
و المخلوع في آخر محاكمة قال اداهو خمسة مليون دولار
و فار الفحم علي عثمان قال انو قناة طيبة الخبيثة حقتم
ياخ دا منافق تافه و منحط .. انا مستغرب والله ليه العمبلوق دا لسه ما دخلوهو في فتيل ؟
منتظرين شنو ؟

الأخ عبد الصمد ـ تحياتي

أظنك يا عبد الصمد عاوز تسوق البوست في اتجاه الجدل الدائري والعقيم..

هل انت كنت متوقع انو عبد الحي يمتدح الثورة ؟؟ أو حتى يقيف منها موقف الحياد ؟؟

دي ما النقطة الأنا بتكلم عنها يا أخ عبد الصمد ـ أنا فقط لفت انتباهي الاداء القوي جداً لعبد الحي يوسف في هذه المقابلة والبعد أو العمق السياسي الواضح في بعض اجوبته ومحاولة تعرية تناقضات قحت المتعددة ، (حقيقة أنا كنت بعتقد انو زول خروف ساكت)

وحاولت مقارنته مع الفقر الحواري المدقع القاعدين نشوفه طيلة الأشهر الماضية من عناصر وكوادر الأحزاب في قحت القيادية منها والوسيطة وكمية اللجلجة والارتباك وعدم وضوح الإجابات والمواقف..

ويمكن أخونا خضر الطيب بتفق معاي ولو (ضمنياً) في الحتة دي :).. لكنه مع ذلك بيحاول يجد تخريجات وأعذار للقحاتة

حقيقة يا أخ الهادي ، عبد الحي في هذا اللقاء كشف عورته بفضل المذيع الذي تغلب عليه

غايتو يا الهادي زولك ده الا سحقهم في اجادته للغة العربية
زول كذاب وطبال من الدرجة الاولى ومتلون وداعية تحريض بس
ده كل الطلعت بيهو من الفيديو

بالغت ياهادى لو جابو ليهو اى واحد من القحاته من طرف حتى ولو من
قيادات الصف الثانى كان دقل بيهو وسحقو سحق .
ياخ دا زول متناقض وبيبيع المويه فى حارة السقايين واكتر شئ غاظنى
فى كلامو دا كلووووووو .. التحــلل ... اخخخخخخخخ .. دا اصلو ما بنى آدم
الكيزان شغالين تحلل واصلا مين الاباح ليهم التحلل مش هو وغيره من علماء
السلاطين المقبوحين .
والله حزنت ليك يا هادى .

و أنا قلت في الأول انو هو من علماء السلطان وإنو حرامي و.. و.. الخ
-----------------------------------------------------------------------------------------
طيب يا الهادى طالما انت عارفو حرامى الجابرك تشكرو شنو؟؟؟
من عادات اهل امدرمان الحرامى البينقبض فى السوق بيسيروه بالهتافات:
ياهو ياهو وانت الان قايم على القحاتة
سرك عند ربك

هاك معاك دا يا الهادي

صابر مشهور يسحق حكومة قحت!!!!

وعن أُمِّ سَلَمةَ رضي اللَّه عنها: أَنَّ رَسُول اللَّه ﷺ قَالَ: إِنَّمَا أَنَا بشَرٌ، وَإِنَّكُمْ تَخْتَصِمُونَ إِلَيَّ، وَلَعَلَّ بَعْضَكُمْ أَنْ يَكُونَ أَلْحَنَ بحُجَّتِهِ مِنْ بَعْضٍ؛ فأَقْضِي لَهُ بِنحْوِ مَا أَسْمَعُ، فَمَنْ قَضَيْتُ لَهُ بحَقِّ أَخِيهِ فَإِنَّمَا أَقْطَعُ لَهُ قِطْعَةً مِنَ النَّارِ مُتَّفَقٌ عَلَيهِ.
18/220- وعن ابنِ عمرَ رضي اللَّه عنهما قال: قال رسولُ اللَّه ﷺ: لَنْ يَزَالَ الْمُؤمِنُ فِي فُسْحَةٍ مِنْ دِينِهِ مَا لَمْ يُصِبْ دَمًا حَرامًا

وقيل خذو عن من اتقو ولا تخأذو عن من قالو

الهادي طبعا كالعادة مستمر في التربص بالثورة وحكومة للثورة
والتحالف السياسي الذي قاد الثورة
شكلك فتشت ما لقيت شئ
قلت خليني ابلهم بي عبدالحي
عشان صورت الموضوع حسب رغبتك في الهجوم
واخترت عنوان صارخ (عبدالحي شنو البيقدر يسحق)
يمشي يشوف الخمسة مليون دولار ال شالتها طيبة
عبدالحي موضوعه مستحمي

المرة الجاية شوف ليك موضوع كويس يا الهادي
خليني أديك مواضيع تستهدف بيها ق ح ت

المجلس التشريعي وإكمال هياكل السلطة الإنتقالية
تلويح الصادق ب الإنتخابات المبكرة

يعني شوف ليك مواضيع فعلا تخت بيها الحكومة في خانتة اليك
مش الود عبد الحي بتاع قناة طيبة

محاولة للاصطياد في المياه العكــرة

وفقدان البوصلة الوطنيــة

ومساندة للارهاب وقادتـه

صورة عبد الحي يوسف يؤدي صلاة الغايب على بن لادن بينما السودانيين يموتون بقصف الانتونوف يومياً وحدها تكفي

وارسال الاولاد وحتى البنات للمحارق تحت وابل كثيف من دعايات الجهاد (من الذي يؤججها ويطلقها) ؟

أحمد الشايقي

عبدالحي امام فساد مالي اعرف اخارج نفسه

اما اللباقه و ما ادراك ما اللباقه ابليس ابلغ منه و ابليس اعلم منه بس تفرق لباقته عبدالحي الداعشي في الباطل

الدعي الكذاب عبد الحي يكذب وينكر كلام علي عثمان بشان تمويل قناة طيبة .

سألتكم بالله .. هل اذا كان على عثمان على سدة الحكم اومكذبه هذا الدعي الكذاب ؟؟ هل كان سيجرؤ على تكذيب الرجل الثاني في الدولة ومن اولياء نعمته الذين اغدقوا عليه اموال الشعب واستحلها دون حرمة ؟ انه استغل الوضع الذي يعيشه علي عثمان الذي يقبع خلف القضبان وكذبه على الملأ ؟
لم ولن يجرؤ هذا الدعي الكذاب على تكذيب سيده علي عثمات وان تجرأ وفعل إبان سطوتهم لالحقه بخوجلي عثمان و د. عوض دكام .. وان تعاطف معه فسينتف لحيته شعرة شعرة او يعلقه منها تعليق المصلوب ..
هذا الدعي يستمر في كذبه ونفاقه وافكه ..
الله ينتقم منك يا عبد الحي ويرينا فيك يوما اسودا كيوم عاد وثمود .

Quote: رغم رأي المسبق في عبد الحي يوسف ونظرتي ليهو كأحد وعاظ السلاطين وكأحد المستهبلين المتاجرين بالدين و الوالغين في الفساد.. لكن الحق يقال في قناة الجزيرة اتجدع ومسح بالقحاتة الأرض

مقدمة متناقضة يا الهادي
اللقاء لا يمكن الحكم عليه بمعزل عن بقية الأشياء
وإذا كان رأيك المسبق في عبد الحي مبني على حقائق وليس رأي إنطباعي
فإن مثل رأيك هذا يجعل عبد الحي غير مؤهل للحكم على أداء حكومة قحت وغير مؤهل للحكم على مسار الأحداث بعد الثورة
دعك عن المسح بالقحاتة الأرض.

كلام صاحب البوست دة معظم حال السودانيين لانهم بتعاملو بالعاطفةوما بصدقو الحقايق...

جيب الحقايق هنا
واقراها بصوت عالي
لو لسةة عاجبك عبد اليورو دة معناها انت يا داعشي ي كوز ...

دي الحقيقة... للاسف

خبر وتعليق
جاء في الأخبار .

Quote: رد الداعية الإسلامي المعروف د. عبد الحي يوسف على حديث النائب الأول السابق للرئيس المعزول علي عثمان محمد طه الذي جاء في فيلم وثائقي بثته قناة العربية تحت عنوان (الأسرار الكبرى .. جماعةالإخوان) وأكد فيه تمويلهم لقناة طيبة. وقال عبد الحي في برنامج (حوار مباشر) بقناة الجزيرة مباشر: (أعجب متى كان كلام علي عثمان عندهم الحق الذي لا يأتيه الباطل من بين يديه ولا من خلفه لكي يتخذ كلامه كبينة ضد طيبة، وإذا كانوا يصدقونه في هذه، فلماذا لايصدقونه في كل ما قال. وأضاف: ( متى كانت التبرعات تهمة؟ وهؤلاء الذين يحكمون الآن كانوا يديرون منظمات تتلقى دعماً من الخارج وليس من الداخل وهذا ثابت وقد تكلم به بعض الناس مثل د. صلاح البندر أحد الأعضاد السابقين في الحزب الشيوعي). وقال عبد الحي: (متى كان الحصول على الدعم يحدث بناء عليه المصادرة؟. هذه كلها اجراءات ظالمة ليست دستورية ولا قانونية ولا سودانية. الشعب الذي ثار على من كان قبلكم سيثور عليكم إن شاء الله).

المصدر https://sudanafoogonline.net/%D8%B9%D8%A8%D8%AF-%D8%A7%D9%84%D8%AD%D9%8A-%D9%8A%D9%88%D8%B3%D9%81-%D9%87%D8%B0%D8%A7-%D9%87%D9%88-%D8%B1%D8%...%D9%8A-%D8%B9%D8%AB/ التعليق حديث عبد الحي وكما هو متوقع جاء هتافيا وعكاظيا - لم يدفع الإتهامات بمعطيات صلبة وحقائقراسخة وأفتقر للموضوعية والنهج العلمي !مسألة تمويل قناة طيبة بواسطة نظام الإنقاذ جاء في مضابط محكمة رسمية حيث أعلنه الفاسدعمر البشير ( الذي بايعه عبد الحي يوسف أميرا للمؤمنين ) وأعلنه علي عثمان محمد طهفي إجتماعات ما يسمي بالحركة الإسلامية -فلماذا لم يفتح بلاغا رسميا في هولاء بتهمة الكذب الضار وتشويه السمعة ؟
* التحجج بذريعة لماذا تكذبون علي عثمان في الكثير وتصدقونه في هذه لا تصلح دفاعا ولاتنهض كحجة ودليل قانوني وإنما هو تحجج هش ومتهافت وكلام إنشائي غير منتج !ثانيا القول ( وهؤلاء الذين يحكمون الآن كانوا يديرون منظمات تتلقى دعماً من الخارج وليس من الداخل وهذا ثابت وقد تكلم به بعض الناس مثل د. صلاح البندر ) وبمنطقك السقيم نسألك : "متي كان كلام صلاح بندر حقا لا يأتيه الباطل من بين يديه ولا من خلفه لكي يتخذ كلامه كبينة " ضد قادة الحكم المدني ؟ هات أدلة موثقة تثبت إدعاتك هذه !ثم هب أن ماذكرته عنهم صحيحا فهل يبرر هذا الغرف من المال العام وتمويل نظام الإنقاذ ومال الكيزان المشبوه تحت ستار التبرعات؟-
* إن كان لصلاح البندر غبينة وعداء ضد من أتهمهم فهل للبشير وعلي عثمان غبينة ضدك بحيث يستهدفوك ويترصدوك ويلفقوا عليك التهم ؟
* وبعدين التبرعات دي عندها ضوابطها وأخلاقياتها - فهل تقبل تبرع لص وفاسد ومال سحتأو من رأس دولة عبر قنوات غير رسمية - يأتي ظرف للبشير ويأكل ويمسح شنبو ويرمي لقناة عبد الحي بما تيسر ! * نحن نأخذ بتصريحات البشير وعلي عثمان حول تمويل قناة عبد الحي من باب إذا إختلف اللصان ظهر المسروق وبإعتبار أن بعضها ورد في مضابط قانونية رسمية والآخر جاء موثقا من دهاليز أجتماعات رموز سلطة الإنقاذ !
والسؤال لماذا لم يتهم البشير وعلي عثمان قنوات فضائية أخري وصحف خاصة وبعضها كيزانية بتلقي مويل إنقاذي والغرف من مال السحت لماذا قنوات عبد الحي تحديدا؟

بصراحه الشيخ عبد الحي يوسف
حجته ضعيفه متورط ويفتقد
المصداقيه..
قدراته اللغويه كبيره

ما رأيكم في كلام عبد الحي يوسف عن مسألة اختطاف الثورة وتجييرها لمصالح إقليمية ودولية ؟؟

وما رأيكم في حديثه عن سرقة الثورة وأحلام الشباب وبيع دماءهم وتضحياتهم رخيصة بواسطة أقلية ( متحكمة) في حقت ... أو ما يطلق عليهم بعض الثوار أنفسهم ( بالشلة) ؟؟

وما رأيكم عن قيام الحكومة نفسها بالتشريع وسن القوانين ؟؟

في حقائق كتيرة موجعة ومؤلمة في حديث عبد الحي يوسف

لكن الكثيرين يعمدون لتجاهلها وتخطيها ويمسكوا في القشور.. ياخي منو الما عارف عبد الحي كوز وحرامي وفاسد ؟؟

كوز وحرامي وفاسد زيو زي أي حرامي تاني لكنه أقام الحجة على قحت.. ودخلهم في كستبانة في أول ظهور إعلامي له

Quote: ودخلهم في كستبانة في أول ظهور إعلامي له

و ان شاء الله يكون آخر ظهور اعلامي له
دي اسمها فرفرة المذبوح يا الهادي لانو عارف سيف العدالة سيطاله
لانو المخلوع اعترف قدام المحكمة بانو اعطى عبد الحي خمسة مليون دولار
و على عثمان في برنامج العربية قال انهم كانوا بمولو قناة طيبة من حر مال الشعب

كستبانة شنو يا الهادي
الزول دا اتفضح فضيحة لا ليها اول ولا آخر
زول متهم باخذ أموال من المال العام بشهادة المخلوع البشير
في المحكمة.. دي نهاية المشروع الرسالي بتاعهم
الرئيس قابع في السجن ومتهم بأكل مال الشعب
وامام جامع إرهابي ادوه ملايين الدولارات من أفواه
الجائعين... تبا لهم تجار دين

سلام اخ الهادي
بالعكس انت من يمسك بالقشور هنا وأنت من يتوهم ان تحت قبة عبد الحي -فكي وان ورمه شحم ونحاسه ذهب !السؤال هل اتي عبد الحي بما تستطعه الأوائل وحاز قصب السبق وتحدث عن غير المطروق والمتداول؟
؟* سرقة الثورة قال بها من يهمه امر الثورة وأهدافها منذ بداية التفاوض مع العسكر مرورا بمذبحة القيادة والإنفاقات. -والحديث هنا مشروع ويحتمل الاتفاق والاختلاف ولكن ما شأن عبد الحي بالثورة أصلا وماعلاقته بها وهل هو حريص علي الثورة والإطاحة بنظام البشير ؟
؟قل لناماهو موقفه من الثورة ومن فض الاعتصام ؟
ثانياالمحاور الإقليمية والثورة وهذا ايضا -لم يكتشفه عبد الحي -بل تحدثنا فيه وتحدث فيه كثر أيام مساندة محور السعودية والإمارات لبرهان حميدتي ضد قوي الحرية والتغيير أيام كان عبد الحي وزمرته يسيرون المسيرات. تاييد المجلس العسكري وتحريضا ضد الثوار !
*
والسؤال هل يقف عبد الحي ضد محور السعودية حرصا علي السبادة الوطنية ام تغزلا ومتماهيا مع محور قطر وقناة الجزيرة والإخوان المسلمين الذين كان قبل أسبوع حاضرا في اجتماعا ت احدي واجهاتهم خارج البلاد !
ثالثا ماهو موقف عبد الحي وهيئة علماء السلطان من مشاركة السودان في حرب اليمن في عهد البشير وأيام مشاركة قطر فيها ؟
رابعا انفراد الحكومة بالتشريع وسن القوانين نقطة يتحدث فيها من وقف ضد حكم البشير واستبداده وتزييف لارادة الشعب لا من بايعه وسكت علي باطله !
خامسا عبد الحي لم يأت. بجديد ولم يكتشف الذرة وانما ردد وكبيغاء انتقادات الأخريين للحكم الحالي ولكن بلا اتساق او مبدئية فهو لايملك مشروعية اخلاقية او فكرية تؤهله لرفع قميص عثمان هذا او قضايا اكبر من حجمه او ماسكت عنه سابقا في عهد البشير الم. تكن وقتها حرب ضد الشيعة وحماية الحرميين ؟والان بقدرة قادر اصبحو ضد حرب اليمن طمعا في بريق الذهب القطري ونكاية في الحكومة السودانية !

استمعت للفيديو كامل غايتو يا الهادي بس اظنك عايز تجيب سيرة غلب الهلال بس!
سحق شنو دا منتهي! لو كان مستضاف طرف آخر في البرنامج كان بستفو ومن كلامه بس ومسح به الأرض
إمام و شيخ وعالم دين يباري القوالات ولا يتبين كما أمره الله! قال وزيرة الرياضة اول ما عملته كان اقامة الدوري النسائي!
في حين لو كلف نفسه دقايق وبحث عن الموضوع كان عرف ان لا علاقة للوزيرة و الوزارة بل و الحكومة كلها بهذا الموضوع اللهم الا حضورها الافتتاح!
ولو ارادت كوزيرة ايقافه او الغائه ارضاء لك لما استطاعت

يا الهادي ما تقدّنا كل مرة بإنك قلت (إنه من علماء السلطان ... الخ) عشان تثبت للناس إنه عندك رأي سلبي في المنحط السافل عبد الحي يوسف. مقصد قولك الزائف هذا (حتى لو أنزله وحي) لا ينطلي على أحد ولا ينفي سوء مقصدك وطويتك ورأيك السلبي في السلطة الانتقالية وقوى الحرية والتغيير.
ما عندك مشكلة يا الهادي، ممكن تقيف في المكان البريحك، وتصلي في "مسجد خاتم المرسلين" إن شئت، لكن ما تحاول تستهبل بعصاة مرفوعة وعصاة مدفونة.

Quote: عبد الحي يوسف يسحـــــق القحاتـــة في قنا

ده اسمو الخواء المزخرف في فضائيات العربان التي لا توقظ فكرة او تهذب شعور
نحن في الجزيرة خلينا من كعوك السودان واهل الرجس من الكيزان والسلفيين وعبدالحي وعشة الغبشاوي والحبر وغيرهم
خليهم يجيبو القرضاوي ذاتو في مناظرة مع دعمر القراي الجمهوري القحاتي الان او احمد الدالي
نحن نتحدي العرب ديل من المحيط الي الخليج فكريا وحضاريا بس يبقو رجال يفتحو فضائياتهم الكئيبة للسودانيين الاصليين