صعاليك السودان

08:24 AM January, 11 2020

سودانيز اون لاين
عبدالحفيظ ابوسن-no where
مكتبتى
رابط مختصر

اللهم أجعلني منهم
واحشرني معهم

ان صح او لم يصح المنقول
ااااه وووين ياااا

بسم الله الرحمن الرحيم
ماورد على لساني في قناة العربية كان في معرض الرد على الاجهزة الامنية في اجتماع موسع عندما سألناهم عمن يقتل المتظاهرين فاجابونا بان هنالك متظاهرين مسلحين هم الذين يقتلون المتظاهرين السلميين فنادى البعض ان يتصدى لهم المجاهدون فرددت عليهم بان الذين يقتلون هؤلاء ليسو متظاهرين وانما هم عساكر وانا اقصد مااقول وقطعا لااقصد المتظاهرين الشباب والذين هم ابنائي وابناء اخواني وابناء الاسر الكريمة في جميع انحاء السودان وماكان ذلك الا حماية لابنائنا من ان تزهق ارواحهم وانا قبل ذلك معلم ومربي وهذا ماوددت توضيحه
البروف عوض حاج علي

الصعاليك اسم يطلق على جماعة من العرب في عصر ما قبل الإسلام، عاشوا وأطلقوا حركتهم في الجزيرة العربية؛ وينتمون لقبائل مختلفة. كانوا لا يعترفون بسلطة القبيلة وواجباتها، فطُردوا من قبائلهم. ومعظم أفراد هذه الجماعة من الشعراء المجيدين وقصائدهم تعدّ من عيون الشعر العربي.
منقول
وفي الأرض منأى للكريم عن الأذى *** وفيها لمن خاف القلى متعزل

أديم مطال الجوع حتى أميته *** وأضرب عنه الذكر صفحاً فأذهل
وأستف ترب الأرض كي لايرى له *** علي من الطول امرؤ متطول

أفرق جسمي في جسوم كثيرة *** وأحسو قراح الماء والماء بارد

Quote: لبروف عوض حاج علي

عمك اتجرس رسمي
الجماعه ديل يكوكرو الأبواب بتفرعنو .. يقومو يتكشفو يكبو الجرسه.
عالم جبانات هههههه

جقلبة شديدة :)

عمر التاج ازيك

مرحبا محمد واحمد
غايتو حيرونا
واثبتو انهم لا يملكون عقلا ولا اخلاقا ولا خجلا
وحالتو استاذ
القلم ما بزيل بلم

مرة دخلت كورس في جامعة ليدز البريطانية مجاناً عبر منصة futurelearn بديتو وإنشغلت ما كملتو
البروفيسور البتدرس الكورس راسلتني بالإيميل قالت لي انت واحد من الناس البدأوا الكورس وما كملوهو لو ممكن عاوزينك تملأ الاستبيان المرفق عشان نعرف الإشكالية الواجهتك في الكورس ونعالجها في المستقبل ولو في حاجة ممكن نساعدك بيها ما تتردد في مراسلتي على الإيميل دة
مهمة (الاستاذ) هو إفهام الطالب ومساعدته على النجاح وإقالة عثراته حال حدوثها .. يعني ببذل كل مجهوده عشان يشوف الطالب ناجح حتى لو كان داخل ملح زيي كدة
لكن عوض حاج علي يا أب سن قال عنه تلميذه عمر التاج

Quote: وما في طالب بيمر في مواده باخوي واخوك

عشان كدة بخصوص حيرتك دي

Quote: وحالتو استاذ

بقول ليك اللي بعمل على تعجيز الطلاب والاستمتاع بمشاهدتهم يرسبون دة ممكن يكون أي حاجة في الدنيا إلا استاذ

آي والله ياصدقت يا احمد
لو تتذكر حتي في سنوات الدراسة الاستاذ الشاطر ومتمكن من مادته امتحانو بكون ساهل للزول البذاكر
ومافيهو مطبات ولا مقالب

صعاليق المنبر

Quote: صعاليق المنبر

ينوبك ثواب يا عمو تورينا ليهم
عشان نبلكم ونحافظ علي أخلاقنا ...

Quote: ونحافظ علي أخلاقنا ...

هي فضل فيها شي عشان تحافظ عليه يا حاج الطيب ... ؟؟
😂😂😂😂😂

تصدق وتأمن بالله ... عاشرت وخاويت
وصاحبت أقوام من مختلف الجنسيات
يحسبون من وجهاء مجتمعاتهم
طوال عقود مضت ... لم يروا ولم
يسمعو مني او عني إلا كل الخير ...
فعلا من عاشر قوما أربعين يوما
صار مثلهم ...

صدقت يا صلاح
لم اعلم عنك الا كل خير
دى مبارات ناس عووضة وجلال وابوحسين تبوظ سمعتك وغلا لو اولادك سمعو بيها يتبرو منك
تعال نتفق
انا زاتي متضرر صحبتهم
نحاربهم بس

على هامان يا فراعين .....!!!!!!!!!!!!!!!!!!!!!!!!!
قال سمعتهم قال .....

تعال غالت فيها كمان دي
تلقانا في الشورت ليست اول اسمين

Quote: نحاربهم بس

والله يا صاحبي الثلاثي ديل إلا تتعامل
معاهم إدارة المنبر بتقليل مساهماتهم ومن
ثم يشوتوهم الي الأبد ... نحنا الفينا اتعرفت
الخوف علي الأجيال الجديدة في المنبر ...
واحد يقول ليك الليله غدروفي ماكلني ..
وواحد يقول حبوبتي لمياء (قالت) التقول
حبوبتو دي أبو هريره ...
وواحد مبسوط وفرحان بي لقب حاج العوض
الدايما متورط فيما لا يحمد عقباه ...
لو عندي سلطة كتا وديتم الخور زمااااان ....

سلامات عبد الحفيظ وضيوفه

Quote: بقول ليك اللي بعمل على تعجيز الطلاب والاستمتاع بمشاهدتهم يرسبون دة ممكن يكون أي حاجة في الدنيا إلا استاذ

زي ماقلت ليك يا احمد لو عايز فرصة سياسية في البروف حاتجدها مبذولة في فيديوهات العربية ومؤتمرات المؤتمر الوطني وتسجيلات غرف المجاهدين المنتشرة في النت.
أما إذا بحثت عن ثغرة أكاديمية فعليك بالتنقيب في كتبه وابحاثه العلمية؛
بالنسبة لاساليب التدريس يجب التفريق بين دور الأستاذ الجامعي ودور معلمي المراحل الاخرى؛
وكذلك التفريق بين مهام الطالب الجامعي وطالب الأساس والثانوي
في التدريس الجامعي برضو في اختلاف في نهج الدراسة وأسلوب الإشراف بين استاذ واخر؛
البعض يبسط لك الأمور ويختبر في أساسيات المادة؛
والبعض يتعبك جدا في البحث عن جذور المادة؛ ويجبرك على تطوير نفسك بالبحث في المراجع
ويختبرك في اصعب الدروس..
عن نفسي أجد الفائدة مع الدكتور الذي يضطرني لمذاكرة أكثر من مرجع والاستفادة من كل يوم دراسي
والتركيز على كل المادة وهضم متطلباتها كاملة قبل البدء فيها؛
من ذلك الذي يعطيني (شيت) مختصر احفظه نهاية العام وأتفوق في المادة..

يا عمر التاج فرق كبير بين من يجعلك تتحدي نفسك وبين من يسعي لرسوبك

Quote: دى مبارات ناس عووضة وجلال وابوحسين تبوظ سمعتك وغلا لو اولادك سمعو بيها يتبرو منك تعال نتفق انا زاتي متضرر صحبتهم

سوقوني معاكم
أنا ذاتي متأذي من كمية الانحراف الشايفو عليهم لدرجة إني بقيت ما بقدر افتح المنبر قدام مجتمع

Quote: في التدريس الجامعي برضو في اختلاف في نهج الدراسة وأسلوب الإشراف بين استاذ واخر؛ البعض يبسط لك الأمور ويختبر في أساسيات المادة؛ والبعض يتعبك جدا في البحث عن جذور المادة؛ ويجبرك على تطوير نفسك بالبحث في المراجع ويختبرك في اصعب الدروس..

إنت يا عمر التاج قايل أبو حميد دا أستاذ جامعي جربندي عشان تقول ليهو جنس كلامك دا؟
في الجامعات كل نشاط تعليمي عندو أهداف ومخرجات تعليمية مستهدفة ومرتبطة بالأهداف والمخرجات التعليمية للبرنامج الذي يدرسه الطالب وبدورها أيضاً مرتبطة برؤية ورسالة الجامعة
الإمتحان أداة لقياس تحصيل الطالب لهذه المخرجات وما مفروض يكون عندو علاقة بمزاج الأستاذ.

_____________________


سلام يا أبو سن
نفتقدك كثيراً وشايفك في عودتك ونساتك ما بقى فيها أي بهدؤ
🤩🤩🤩

Quote: ونساتك ما بقى فيها أي بهدؤ

التمثيل أرهقو شديد رجع لي طبيعتو ....

Quote: ماورد على لساني في قناة العربية كان في معرض الرد على الاجهزة الامنية في اجتماع موسع عندما سألناهم عمن يقتل المتظاهرين فاجابونا بان هنالك متظاهرين مسلحين هم الذين يقتلون المتظاهرين السلميين فنادى البعض ان يتصدى لهم المجاهدون فرددت عليهم بان الذين يقتلون هؤلاء ليسو متظاهرين وانما هم عساكر وانا اقصد مااقول وقطعا لااقصد المتظاهرين الشباب والذين هم ابنائي وابناء اخواني وابناء الاسر الكريمة في جميع انحاء السودان وماكان ذلك الا حماية لابنائنا من ان تزهق ارواحهم وانا قبل ذلك معلم ومربي وهذا ماوددت توضيحه البروف عوض حاج علي

الراجل زاق جرى
تجري القبيلة وراهو؟

هوي يا حافظ ما تخرب لي آكشني
بارينا المستنير شهرين آكشناته بقت حمام ساي ما صدقت لقيت لي واحد
ما تهرش الراجل :)
يا عمر أنا جربندي بخم من قوقل زي ما كنت بعمل لما بدخل باليوزر حاتم ابراهيم

____________
ياخي نحن بنقنع فيه بي مفاهيم من سمستر ون زي إنه مافي حاجة اسمها لغة برمجة أصلية وواحدة تجميع جبل علي تجي تقول لي مخرجات تعلم :)

حبابك حافظ
هدوء مع الصقط دة ياخ
الشغل بقا دبر عنزاية وخجلة مافي زاتو
استبان الخيط الابيض من الاسود يامعانا يا مع الخيانة
مع هدوء دايرة الروقة وروقة مافي الاحداث متسارعة بشكل رهيب

Quote: فرق كبير بين من يجعلك تتحدي نفسك وبين من يسعي لرسوبك

أها شفت زي البجيب ليك اختبارات سهلة عشان يرفع تقديرك؛ زي ده كان ماضراك ابدا ما نفعك؛
مولانا حافظ؛ وين شفتني بتكلم عن مزاج الأستاذ؟
يا احمد انت لو ما جربندي ومسكين عايز تحاضرني في الجودة ومخرجات التعلم؟

يا عمر دة ماقصدي ياخ
من يجعلك تتحدي نفسك يعني تجتهد في البحث والمصادر .
اي امتحان محكوم بزمن معين . استحضار المعلومة في زمن محدد مع الاخذ في الاعتبار جو الامتحان المتوتر
الامتحان الشفاهي اورال معروف ممكن يكون صعب مع استاذ ومقدور عليه مع غيرو
في اساتذة لو خشيت معاهو تأكد انك اقرب للسقوط
وفي غيرو لامن يشوفك عارف بضغطك عشان يرفع تقديرك وواحد بضغطك عشان يعجزك
ا

Quote: مولانا حافظ؛ وين شفتني بتكلم عن مزاج الأستاذ؟

'طيب نعيد ليك الكلام بدون مزاج الأستاذ

في الجامعات كل نشاط تعليمي عندو أهداف ومخرجات تعليمية مستهدفة ومرتبطة بالأهداف والمخرجات التعليمية للبرنامج الذي يدرسه الطالب وبدورها أيضاً مرتبطة برؤية ورسالة الجامعة
الإمتحان أداة لقياس تحصيل الطالب لهذه المخرجات وما مفروض يكون عندو علاقة بالصفات الشخصية الخاصة بالأستاذ.

طبعاً أنا بتكلم عن أستاذ جامعة بروفيشنال ما جربندي.

Quote: يا احمد انت لو ما جربندي ومسكين عايز تحاضرني في الجودة ومخرجات التعلم؟

ههههههه
حسب معرفتي الضعيفة يا عمر التاج إنك بتاع بنوك.
النبي فيك ما تقول لي إنك أستاذ!
غايتو لو طلعت أستاذ أحسن تحاضرنا في خطوط الطول من ما تحاضرنا في الجودة ومخرجات التعلم.
😂😂😂

________________

ما تعمل زحمة يا أبوحميد
عمر التاج دا زبوني من قديم الزمان

مسكيييييين الغنماية تاكل عشاي
طيب أديني سبب واحد بخلي "ما في طالب بيمر في مواده باخوي واخوك"
بالمناسبة هو ما بديك لستة مراجع يقول ليك أقراها كلها وبمتحنك فيها .. بس سااااااي كدة بديك يا D يا F
وظيفة الامتحان أساساً شنو؟ يعني ليه بنمتحن الطلبة
وإذا الطلبة جابوا نتائج سيئة بكون السبب شنو؟

يلا أنا جبت ورقة وقلم وراااااضي تحاضرني :)

Quote: ما تعمل زحمة يا أبوحميد عمر التاج دا زبوني من قديم الزمان

سمح خليتو ليك
لكن النبي فيك ما تتكلم بي لغة أكاديمية :)
هو بالجربندية يا الله الله

مافي طالب بمر باخوي واخوك يعني لو عايز النجاح؛
مجرد النجاح ... عليك بدرجة عالية من الاجتهاد والمثابرة؛
أما إذا أردت التفوق فعليك بكامل الاجتهاد والمثابرة ومذاكرة ما وراء الكورس
بعض الدكاترة بنجحوا كل الطلاب بالحد الأدنى من التقدير؛
وبيعطي التفوق للمتفوقين بمقدار ..
والبعض بيفتكر ان الدفعة يجب الا ياخذ الامتياز فيها ألا قلة تحتاج إليهم الجامعة لاحقا..
ودي مدارس واجتهادات مافي زول بقدر يقول الصاح وين والغلط
لكن بتحكمها في النهاية اتجاهات النجاح والرسوب بين الطلاب ومنحنى النتيجة
يامولانا انا غيرت؛
عندما كنت بناقشك في السابق كنت بناقش في البنوك بصفتي خبير اقتصادي،
ولما أناقش في واقع الناس بعتبر نفسي مجرد ناشط سياسي
بينما اناقش في هذا البوست بصفتي استاذ جامعي مختص في أمور الجودة ومخرجات التعليم..
بخصوص البروف ...
من كان بقدر البروف فان البروف قد غادر؛
عقبالكم؛
ونشوفكم في مولد اخر.

هو شنو بعض الدكاترة بعض الدكاترة
نعلك قايل الامتحان دة بتعمل حسب فكر الدكاترة؟!

حافظ رجع المزاج

بتعرف الـ validity يا عمر؟

حافظ دة زولي وحبة بندولي يا معلم
زول منطق بارد ومحكم
انا معترض علي بل بروف عوض
البل يوم الخميس بس
هسة لو بروف عوض طعن في القرار وقال الخميس ما جا 😆😆

Quote: البل يوم الخميس بس

بل دا و ل فياجرا ........ ؟؟؟؟؟
ربطوه بالسنة و ل شنو .....؟؟؟
😂😂😂😂😂😂😂

فياجرا نفسية
تقابل الخميس بمزاج

زي التافه عوض حاج

*تجمع أساتذة جامعة النيلين*
*بيان*

جماهير شعبنا الوفيه....
السلام عليكم ورحمة الله وبركاته ....
نعتذر اليوم لكل آبناء الشعب السوداني عن وجود عوض حاج علي وأمثاله في صرحنا الشامخ، و الذي يعتبر من أكبر المؤسسات التعليمية في وطننا الحبيب.
المدعو عوض حاج علي، وبدلا من ان يحمل رسالة سامية لطلابه و زملائه، وهي رسالة العلم و المعلم، حمل رسالة التحريض على القتل و الإساءة لشباب فجروا اعظم ثورة سلمية في تاريخ السودان الحديث.
نعتذر للشهداء وأرواحهم الطاهرة أن من كان يظن فيه مقارعة الحجة بالحجة والمنطق قد علا صوته طالبا إشهار البندقية في وجه العزل من أبناء شعبه لأنهم تاقوا إلى الحرية وكان محرضا على قتلهم.
نعتذر ونعتذر ونأمل أن تقبلوا إعتذارنا...
معلوم أن عوض حاج علي كان ولا زال من كبار قادة الكيزان ومعلوم دوره في الأمن الشعبي وبالتالي فكل ما يدين تنظيم الكيزان يدينه وكل ما يدين الأمن الشعبي يدينه وفي هذين وحدهما مبرر كاف لإبعاده عن الجامعة وعن كل فعالياتها ... لكن قيمة التسجيلات التي بثتها قناة العربية هي أن لسانه قد شهد عليه ولذلك لابد من إجراء عاجل تتخذه الجامعة تجاهه.

نحن في تجمع أساتذة جامعة النيلين نعاهد جماهير شعبنا الوفي أن لا مكان لمثل عوض حاج علي وكل الذين تلطخت أيديهم بدماء شهدائنا بيننا وإنا إن شاء الله لملقون بهم في مزبلة التاريخ آملين من الأجهزة العدلية أن تمارس سلطاتها وتوجه لهم الإتهامات الجنائية بالتحريض على قتل المتظاهرين السلميين العزل.

*تجمع أساتذة جامعة النيلين*
١١ يناير ٢٠٢٠

Quote: نعلك قايل الامتحان دة بتعمل حسب فكر الدكاترة؟

نان بعملوا حمدوك
ولا عندكم بجي منزل من وزير التعليم
؟
لما نقول (بعض الدكاترة) بنقصد أساليب التدريس والاختبار وليس المزاج ..
مثلا أنا بضع اختبار موضوعي 10 صفحات، غيري بضع اختبار مقالي 3 صفحات
وغيرنا بيضع اختبار الكتروني 80 سؤال متنوعة ..
والكلام ده لنفس الكورس ونفس المراجع ونفس محتويات المادة ..
كل دكتور عندو أسلوبه وطريقته وتقديره لتقييم مستوى الطلاب
مادة التعليم الجامعي ومافوق الجامعي ، زاتا بتختلف من أستاذ لاخر ..
كل منهج حا تلقى عشرات المراجع وكل مرجع يتناول المادة من جانب معين
انت كاستاذ بتلتزم بتوصيف ومجموعة مراجع ، لكن في النهاية بتلخص للطلاب ثلاثة او أربعة مراجع في كورس واحد
واكيد كل دكتور وبروفيسور بختار جزئيات معينة وبركز على جوانب معينة بشوف هي الأهم والأنفع ..
الكلام ده في المراحل الابتدائية والثانوية غير موجود ،
ولذا يختلف دور الأستاذ الجامعي من العام، ويختلف الطالب الجامعي مما سواه
وتبقى الأعتقادات السياسية والأمور الفكرية فاكهة الحياة الطلابية لا أحد يستطيع نزعها من طالب أو أستاذ .

في السودان يا عمر الاستاذ بعمل الدايرو ومافي زول بفتش وراهو
هو السلطة العليا والوحيدة يضع الامتحان بمزاجه الفوق داك
في المعايير العالمية مافي كلام زي دة
في السعودية البتدرس فيها انت دي المادة بكون فيها عدة شعب ممكن يدرسوها عدة أساتذة وبيضعوا الاختبار سوية تحت اشراف منسق المادة
وحتى لو بيدرسها استاذ واحد برفع الاختبار أول حاجة لرئيس القسم يوافق عليه وبعديها بكتب عنه تقارير منكر ونكير (طبعاً للناطقين بغيرها في السعودية لا يستخدم مصطلح امتحان ويستخدم بدلاً عنه اختبار)
في الإطار الوطني للمؤهلات يا عباس المعيار الرابع للجودة هو التعليم والتعلم صح ولا ما صاح؟
البند الخامس فيه تقييم الطلبة ودة توصيفه (يجب أن تكون عمليات تقييم الطلبة مناسبة لنواتج التعليم المستهدفة، وأن يتم تطبيقها بفاعلية وعدالة مع التحقق المستقل من المستوى الذي تم تحقيقه) شفت التحقق المستقل دي ياها البتشيل ليك مفهوم مزاج الاستاذ نهائياً
البند دة امشي أقراهو كلو وتعال قول لي أي استاذ عندو طريقة
ما بنسخو ليك لكن بديك منه لقطات
* تتناسب آليات تقييم الطلبة مع أنماط التعلم المطلوبة
* تستخدم آليات مناسبة في جميع أنحاء المؤسسة التعليمية للتحقق من مستويات تحصيل الطلبة (يعني الجامعة تمسك تقييمك وتفلفله)
* يتم تدريب أعضاء هيئة التدريس على التقييم (دورات مستمرة طوالي عشان فهمك يرتقي أكتر واكتر في التقييم)
* تكون اجراءات التظلم الأكاديمي معروفة لكل الطلاب ويتم تطبيقها بإنصاف (خلي الطالب يقول عاوز اعادة تصحيح في السودان)
* يتم الاستعانة بالمصفوفات عند تصحيح الاختبارات والواجبات
دة شكل من اشكال المصفوفة البتملاها حول اختبارك (وفي غيرها بالمناسبة) وغالباً بكون في ملف اكسل معادلاته مبنية جواهو وناس الجودة بقيسو معادلاتك يشوفوها موزعة طبيعي ولا لأ

وبعد تقدم النموذج دة ومعاهو 3 نماذج من اوراق الاختبارات ناس الجودة بفلفلوا أسئلتك سؤال سؤال وعندهم أكتر من 8 استمارات بملوها عشان يتأكدوا من إنك التزمت بالمعايير وأسئلتك ما كان فيها مشكلة وكل نوع اسئلة عندو استمارات مختلفة

يعني الاستاذ ما بتصرف بمزاجه ويقول أنا عاوز اضع امتحاني بالطريقة الفلانية لا لا عندو معايير واضحة يا إما مشى عليها يا إما مشى بلدو وخلاها :)

سلام
اها انا اديكم نوع الاساتذة البكون قاصد يسقطك
د. نافع درسنا Genetics في الامتحان في آخر عشرة دقائق جاء شال ورقتي وقال لي انت متأكد انو شغلك دا بنجحك؟ سلمني الورقة طوالي مشيت جمعتها
طبعا هو عايز بهيئني انو ما حأنجح لأنو ححد.سلفا منو البنجح من عدمو المهم في النهاية شكلو ما لقى طريقة يسقطني جابني اورال واورال دي معناها درجتك نجاح بس ودي بتأثر في درجة التخرج بعدين

لكن بقيتو صعاليق شديد

Quote: غايتو اكان مارفع بلابيط نقول ... عديل

شنو .. شنو يا ود أب سن ....
بوستيك جابوا رفع بلابيط كمان .. هههههه ..
انت البلبوط ده مو سمكة ولا انا غلتان ..
غايتو لامن تصلوا مرحلة مابعد البلابيط ..
الابيت تكتبا ديك قولوا لينا عووووك ..
ربما نجي نشتّر معاكم ..

شايف هناك جمع غفير من الجماعة اياهم ..
اتلموا في البوست ده ..
ياربي ديل مونساتية ولا سعاليك ساي ..

ياربي ده بوست البلابيط ولا انا ضهبان هههههههه..
عموما المداخلة دي اعتبروها جسر وكده ..
بوستاتك يا اب سن بقت تلخبت الزول ..

مابوديها بي غادي كده بس ..

ههههه
دا شنو دا يا أبو حميد؟
هسه دي لغة تتكلم بيها مع الجربندي عمر التاج؟!
أها كيتاً فيك ناس السعودية في 2018 غيرو التعليم والتعلم من المعيار الرابع وبقوهوا المعيار التالت يا قديم.

Quote: ولذلك لابد من إجراء عاجل تتخذه الجامعة تجاهه.

يا أبو سن بل الخميس داك براهو
هسه البل جابو عمر التاج وطلَّع عوض حاج علي إستاذ جربندي حاقد.
ربما على جامعة النيلين إبعاده من هيئة تدريسها بسبب عدم مهنيته في إمتحان الطلاب

غايتو لما يوم شكري يجي أبعدوا مني عمر التاج دا
الزول دا بوكرني وبجيب لي البل قبل يوم بلي.

Quote: أها كيتاً فيك ناس السعودية في 2018 غيرو التعليم والتعلم من المعيار الرابع وبقوهوا المعيار التالت يا قديم

أبداً وحاتك دة حااااااار من نارو .. حق الليلة زي ما بقولوا التمباكة


__________
طريقة عوض حاج علي بتسقط في أول سطر في اختبارات الجودة وهي إنه الطالب يكون عارف طريقة التقييم من اليوم الأول والموضوع دة بالنسبة لعوض حاج علي زي أسرار السحرة .. بتحفظ مذكرته صم عشان يديك D فلسفته في الموضوع بحسب الأساتذة البعاونوهو في الرصد بقول ليهم (هذه بضاعتنا ردت إلينا طيب وين مجهوده هو؟) مجهود الطالب الشخصي دة ضمير مستتر مافي زول فاهمو شنو ومفروض يكون كيف ولا تم تدريبهم عليه
ثانياً ماف إجابة نموذجية مقيسة

كلهم كدي يا حمد ولا أعني الكيزان بل الرانكرات القدام .. فكرة عدم الرقابة ومافي زول براجع وراك دي بتخليك تشعر بإنك إله خلقت الطلاب ديل ومن حقك تعمل فيهم الدايرو

Quote: مافي طالب بمر باخوي واخوك يعني لو عايز النجاح؛ مجرد النجاح ... عليك بدرجة عالية من الاجتهاد والمثابرة

كلامك دا يا عمر التاج بعارض مفاهيم أساسية في التعليم.
لما تجي تصمم منهج (ومنهج دي بتشمل رؤية ورسالة و أهداف تعليمية ومواصفات الطالب المستهدف وطرق ووسائل تعلم وأدوات تقييم وطرق متابعة وتقويم) من الأساسيات إنو أهداف الفرصة التعليمية تكون
قابلة للتحقيق بالنسبة للطالب المستهدف بالوسائل التعليمية المتاحة وخلال الفترة الزمنية المحددة وبمجهود معقول.
ومعقولية المجهود لا تُترك للتقدير الشخصي للأستاذ وإنما يتم تقديرها بطريقة علمية من خلال التجربة الممنهجة.
مؤكد أن أفضل قياس لفاعلية أي فرصة تعليمية هو نسبة او مدى تحقق أهداف الفرصة التعليمية.
وكلما كانت نسبة تحقق الأهداف كبيرة كلما كانت فاعلية الفرصة التعليمية كبيرة.
إذن الفرضية الأساسية عند تصميم او تتطوير المنهج التعليمي هي أن كل الطلاب المستهدفين سيحققون المستوى المُرضي من الأهداف التعليمية.
والطبيعي أن ينجح الطالب في تحقيق الأهداف التعليمية ببذل درجة عادية ومعقولة من الإجتهاد والمثابرة.
وكلما قلت نسبة تحقق الأهداف التعليمية قلت الفاعلية مما يعني هدر للموارد التعليمية وضياع زمن الطلاب.
لذلك أي إنحراف من حالة نجاح الطلاب الذين يبذلون درجة عادية من الإجتهاد والمثابرة يتطلب مراجعة المنهج.
يتطلب مراجعة مواصفات الطالب المستهدف وطرق ووسائل التعلم وأدوات التقييم.

إنت كأستاذ يا عمر يمكنك الإطلاع على المزيد بالبحث والإطلاع عن نظرية الحمل الإدراكي (cognitive load theory) وأيضاً بالبحث والإطلاع على (smart or smart (tt) learning objectives)

Quote: أبداً وحاتك دة حااااااار من نارو .. حق الليلة زي ما بقولوا التمباكة

يا ولد ما تغالت ساي
هسه بنادي ليك عاطف عمر يجي يديك الفيها النصيب ويفهمك أصول الغلات الساي😂😂😂

أقرأ كويس يا غالاط قال ليك سيتم التوجيه قريباًباتباعها :)
قريباً دي لسة ما جات ومعايير 2009 ياها الشغالة عملياً

انا زاتي ماعارف البلابيط في دة ولا داك يا ود القوز
نخليهم لامن ينتهو من غلاطهم دة
لكن العارفو انا الطالب تحت رحمة الاستاذ ممكن ينجحو ولا يسقطو قبل يمتحن زاتو . مش كحالات فردية بل كظاهرة راسها عديل وبالذات البنات
واهو واضح من عوض دة . ولا مدير جامعة الخرطوم ولا هي وين الجابو متصور بالكلاش
ولا الزول لامن يغلبو يمشي الجهاد ويكتب ناجحا ويتخرج كمان

ماشاء الله كالعادة المونساتية عملوها تكية وحرفوا البوست عن مساره؛
وللناس الجادين اقول مافي استاذ جامعي بيرسب طالب ما بستحق الرسوب؛
ده شرف مهنة ومتعارف عليه في كل دول العالم..
ومافي استاذ بصحح بمزاجه لانه في مراجعين
وحقوق تظلم ولجان مراجعة وجوده بتراجع كلامه
الكلام ده في كل في السودان وكل دول العالم بس بتنفذ بمقدار
ويفترض الناس بدل ما تشطح في شرح ونقد لوائح بلاد بره
تناقش لوائح ونظم بلدها بغرض التجويد و التطوير
مداخلتي الفوق اثبت فيه اختلاف مناهج وضع الاختبار وليس التصحيح والنتيجة
وقلت انه البروف موضوع البوست بيضع اختبارات على مستوى عالي من الصعوبة؛
وفي البحوث بيفترض انه رسالتك وصلت مستوى مرتفع من الكمال
وعلى هذا الأساس بناقشك فيها بكل صرامة.
وده اسلوب انا براه إيجابي وبيرفع مستوى الطالب والتنافس
واذا طبقناه على المستوى العملي بيضمن لينا مافي خريج (طبيب او مهندس مثلا)
يتخرج بمستوى ضعيف وينعكس ضعفه على صحة ومصالح المواطن المسكين
المهم؛ ده اسلوبه ومافي زول ولا لجنة بتقدر تقول ليهو الكلام ده غلط
واسه لما اقيل من منصبه ما ذكر اي سبب اكاديمي في أسباب الاقالة.

بخصوص المناهج والاختبارات قلنا أنها لا تصمم بمزاج الأستاذ؛
ولكن بتقدير منه؛ ولذلك يختلف اختبار من آخر في نفس الشعبة
وما بقدر رئيس قسم ولا مدير جامعة يقول اختبار فلان لا يجوز
في الغالب توجد لجنة تجيز الاختبار وفي النهاية بتضع ملاحظات حول
مدى تغطية الاختبار للمنهج وصحة لغة الاختبار وتناسب اسئلته مع الزمن وما إلى ذلك؛
ولكن ما في لجنة بتقول للدكتور اختبارك سهل ولا صعب
أو بيقولوا ليهو خليهم بنختبرهم نحن.
وحتي في السودان كل الأساتذة بيؤمنوا بعدالة التصحيح؛
ونادرا ماتدخل العلاقات والاتجاهات السياسية في التصحيح..
و دي الحقائق البستمد منها التعليم في السودان قوته
وان كانت هناك شواذ فهي بحجم الإهمال الاعتري كل المؤسسات في السودان
خاصة في حقبة الإنقاذ.

يا عمر التاج انت بتتكلم علي مستوي افتراض ان يكون وعلي بتناقش في واقع السودان ؟
في واقع السودان
الاستاذ ممكن يسقطك ويملحقك ويرفدك ويطلعك اكستيرنال ويرفدك تاني
دة الحاصل
من خلال معايشة ومشاهدة لصيقة لنماذج اعرفها
والاستاذ ممكن يساوم البت يا كدة ولا كدة
وغير دة معروف انو المجاهدين ناجحين ناجحين
دة واقع التعليم في السودان يعني معقول الكيزان افسدو كل مناحي الحياة الا نجحو في التعليم العالي ؟
البحوث من النت ومافي استاذ حريص علي معرفة ذلك .
انا شخصيا كم مرة بجيني زول بقول لي داير بحث عن كدة فتش لي قوقل
ايوة بالبساطة دي بساطة الونسة دي وبعملو وبطبعو وبسلمو وبنجح
الانهيار في التعليم العالي بما لا يقاس اذا كانت الجامعات تقبل ثلثي الطلاب قبول خاص استثماري . الحجة مافي ميزانية
دة اذا دايرين نتكلم عن الواقع السوداني
واقع يتم الفصل لاستاذ بحجة الانتماء وفصل الطالب كذلك رغم انو نظريا الفصل يجب ان يكون اكاديميا

Quote: الاستاذ ممكن يسقطك ويملحقك ويرفدك ويطلعك اكستيرنال ويرفدك تاني دة الحاصل من خلال معايشة ومشاهدة لصيقة لنماذج اعرفها والاستاذ ممكن يساوم البت يا كدة ولا كدة وغير دة معروف انو المجاهدين ناجحين ناجحين دة واقع التعليم في السودان يعني معقول الكيزان افسدو كل مناحي الحياة الا نجحو في التعليم العالي ؟

انا تحدثت عن العموم يا عبد الحفيظ
وما ذكرته انت حالات خاصة لا تنفي وجودها ولكنها لا تمثل واقع السودان
للوضع الطبيعي ان الأستاذ يصحح الأوراق من خلال إجابات الطالب دون حتى ان يعرف اسمه
وتظهر النتائج وفيها المتفوقين اكاديميا هم الأعلى تقاديرا
والراسبين في الغالب لم يذاكروا جيدا أو لم يوفقوا في الاجابة
وأوائل الدفعات مازالوا هم الأكثر علما واجتهادا
في السودان حقوق التظلم موجودة رغم أنف شرف البورد
واي طالب حل صحيح والأستاذ أعطاه خطأ فحقه راجع؛
حدث هذا حتى في امتحان الشهادة ناهيك عن طالب بمستوى وعي الجامعة
التاثير السياسي موجود على مستوى الادراة وحتى الآن موجودة
ولكن على مستوي الاستاذة فهي قليلة جدا بدليل ان بعض الشيوعيين واليساريين
كانوا بتخرجوا من الجامعات بتقدير ممتاز وكثير منهم في هيئات التدريس اليوم
وما ادل على ذلك أكثر من ان مدراء الجامعات وعمداء الكليات ورؤساء نقابات التعليم
هي الآن في أيدي معارضين درسوا في عهد الكيزان..
السياسة يا جماعة ابعدوها من التعليم قبل ما ابعدوا منه الدين.

Quote: وللناس الجادين اقول مافي استاذ جامعي بيرسب طالب ما بستحق الرسوب

بحصل عاااااادي

Quote: ومافي استاذ بصحح بمزاجه لانه في مراجعين

مافي مراجعين

Quote: مداخلتي الفوق اثبت فيه اختلاف مناهج وضع الاختبار

الاختبار عندو شروط لو ما اتوفرت ببقى مزاج استاذ ساي

Quote: وقلت انه البروف موضوع البوست بيضع اختبارات على مستوى عالي من الصعوبة

إطلاقاً مافي كلام زي دة
أسئلة بالنص من مذكرته وما فيها أي ابداع لكن عاوز اجابات مافي زول عارفها غيره

Quote: ده اسلوبه ومافي زول ولا لجنة بتقدر تقول ليهو الكلام ده غلط

فعلاً مافي زول بقول ليه بغم لأنه مدير الجامعة وبرفد أي زول في أي وقت

Quote: وما بقدر رئيس قسم ولا مدير جامعة يقول اختبار فلان لا يجوز

بقدر عادي لو كان الاختبار ما مطابق للمواصفات وما بقيس مخرجات التعلم

Quote: ولكن ما في لجنة بتقول للدكتور اختبارك سهل ولا صعب

بحصل عادي وبنادوهو في مجلس الممتحنين ويناقشوهو في كيفية تصليح خطأه في وضع الامتحان يا إما بزيادة درجات أعمال السنة أو يديهم مشروع أو حتى يتعاد الامتحان وممكن يخضعوهو لدورة قياس وتقييم قبل ما يضع امتحان تاني

Quote: وحتي في السودان كل الأساتذة بيؤمنوا بعدالة التصحيح؛ ونادرا ماتدخل العلاقات والاتجاهات السياسية في التصحيح

الله معاك يا تاجو
انت ماعارف المدعو ........(ههههههه) دا اليق من الويكي؟
الرماك فيهو شنو ؟
هسي "بهدوء" نسى انو البوست عن شنو ؟ وماعرف هل هو بلابيط ام لا

شكرا يا معلم لقيتك مظبط الهوم ويرك تمام
يا محمد الشيخ
ماياهو زاتو البلابيط ياخ
لا عرفناها رفع بلابيط ولا رفع بلابيط

ده زول غلاط ساكت
وبتكلم كلام ساكت ماعنده اي سند
وبمفهومنا بنقول زول فايق
انا علقت من وجهة نظري ومن تجربتي
وهو بيغالت من واقع تجربتو
وكل زول يعيش واقعه
وإذا عندك يا احمد اي دليل تقدمه للاتهامات السقتها فوق دب
يفترض ترفعها عشان نحكم عليها مجرد ونسة زي عادة المونساتية
الخطاب الاترفع اخيرا ده عباره عن حالة خطأ إداري
ومن جهة خارج الجامعة؛ وليس للاستاذ دور في الخطأ
الا بقدر الاستجابة ان حدثت
ودي اخطاء مجتمعية متكررة انا علقت عليها فوق
َوبجب الا نعممها.
نتوقف الي هنا ونعتذر لصاحب البوست مجاراة الخروج عن النص..
ونرجو من الاخ احمد يفتح بوست عن اخطاء التعليم ويرفع فيه مستنداته

QUOTE :
Quote: ماورد على لساني في قناة العربية كان في معرض الرد على الاجهزة الامنية في اجتماع موسع عندما سألناهم عمن يقتل المتظاهرين فاجابونا بان هنالك متظاهرين
مسلحين هم الذين يقتلون المتظاهرين السلميين فنادى البعض ان يتصدى لهم المجاهدون فرددت عليهم بان الذين يقتلون هؤلاء ليسو متظاهرين وانما هم عساكر وانا اقصد مااقول
وقطعا لااقصد المتظاهرين الشباب والذين هم ابنائي وابناء اخواني وابناء الاسر الكريمة في جميع انحاء السودان
وماكان ذلك الا حماية لابنائنا من ان تزهق ارواحهم وانا قبل ذلك معلم ومربي وهذا ماوددت توضيحه
البروف عوض حاج علي .
الكلام الفوق ده أنا أقتبسته من الزميل محمد الشيخ بأعلى البوست .
بالتأكيد جميع الزملاء قد سمعوا حديث حاج على فى اليوتيوب , وده كلامه بالنص :
يا أخوان هذه ليست مظاهرات
هذه حركات عسكرية ويجب التعامل معهت تعاملا عسكريا
يعنى مجموعة بتاعة حركة بتاعة صعالبك
صعاليك محولين فى الأنترنت وفى الواتسابات
وأنا داير يا أخوانا الناس يكونوا فاهمين المعركة بفهما الصحيح
فهمنا الصحيح أصلا ما يجينا أى نوع من التعاطف أو التراجع أو التخاذل .....
هذا هو بالنص حديث الكوز كادر الأمن الشعبى المدعو عوض حاج على , ولا يراود أى مستمع لهذا المقطع ذرة من شك بأن هذا الحديث مقصود به الثوار وليس المسلحين الذين يقتلون المتظاهرين السلميين كما قال . وهو بهذا التبرير الفطير الذى لايقنع حتى غنماية يريد أن يبتلع كلامه بكل الخسة والجبن المشهورين عن الكيزان ..
واحدة من عيوبهم أنهم يعتقدون بأنهم وحدهم الأذكياء أما بقية الناس فهم عبارة عن رجرجة ودهماء وشذاذ آفاق .مش كده يا حسين خوجلى ولا أنا غلطان ؟
حسنا فعلت إدارة جامعة النيلين بألغاء استبقاءه بكلية الحاسوب وتقنية المعلومات , فهو فعلا لا يستحق شرف أن يحمل لقب معلم .

يعني يا عمر أصلك ما سمعت بمصطلح (امتحانات مجاهدين) !
بمتحن معاهم زول؟
حتى الما مجاهدين أيامنا الفي الجامعة الكيزان بعزلوا الامتحانات العاوزين يمتحنوها والباقي بمشوا لي إدارتهم تجيب ليهم الأرانيك الطبية في محلهم يمتحنوها بدائل بي راحتهم


_______
أنا قاااااعد في البوست دة وما بفتح أي بوست أكان شارد اشرد ساي ما تقعد تتسبب
أيوة لايوق يا محمد الشيخ وهسة دي متلايق على عبد القادر سبيل في بوست هيثم غالي

Quote: الخطاب الاترفع اخيرا ده عباره عن حالة خطأ إداري ومن جهة خارج الجامعة

ترويسة الخطاب دي ما واضحة؟
كدي كبر الصورة يمكن ما شايفها كويس
قال خارج الجامعة قال!

مرحب قلقو
يا معلم لو من خارج الجامعة تكون اظرط
يعني ناس من برة الجامعة يتحكمو في النواحي الاكاديمية
وعمر ونسة ساي كدة الكتبو الخطاب لو ما واثقين ما كان كتبو ودة اجراء روتيني
البيؤكد صحتو معرفتنا لناس كتار عملو كدة
ياخ الحكومة دي فيها كما دباب وكم مجاهد قرو الجامعة ماممكن تكون حالات فردية ابدا

Quote: أيوة لايوق يا محمد الشيخ وهسة دي متلايق على عبد القادر سبيل في بوست هيثم غالي

يا جماعة انا ماقصدت اللوايق العاديين زي احمد عمر دا (ههههه)
انا بس قصدت اللوايق البيتلايقوا خااااالص على الناس اللواييق

امتحانات المجاهدين خطأ مجتمعي
ولايمكن ان نحاكمها اكاديميا..
زيها وزي امتحانات ومعالجات
الطلاب الشاركوا في الثورة..
انا ماكتبت هنا عشان ادافع عن فلان وادين فلان
ولكن حقيقة مابتعجبني الاتهامات البتطلق ساكت في شأن التعليم
إذا في حالات يفترض تؤخذ وتعالج في اطارها
زي وزي حالات العجز والقصور في الحقل الطبي والاقتصادي.. الخ
و معترفين انه زي مافي طبيب فاسد وسياسي فاسد فهناك استاذ فاسد
لكن عن تجربة يفترض ما نعمم..
كلنا كنا طلاب وبنسمع كمية من الاقاويل
استاذ فلان بتاع مزاجات وداك بتاع بنات
و نشهد الله اننا دخلنا الجامعة واتخرجنا
ما في استاذ قصدنا أو ظلمنا ولا شكينا من تصحيح احد
درجتك بتكون عارفها من شغلك..
وحتى الدكتور الوحيد الكان بصرح في القاعة
بأنه مابيعطي درجة كويسة الا لبت جميلة
عادي كان بوزع الدرجات بعدالة ومهنية؛
عميد الكلية كان شيوعي؛ واستاذ الحاسب مسيحي
واستاذ الرياضيات كوز، وفى الجامعة ماحصل في نشاط ما شاركت فيه
وكنت ضد الجميع تقريبا؛ زي موقفي في سودانيز ده
لكن في النهاية لا ظلمني الكوز ولا استهدفني الشيوعي
أقر واعترف انها كانت منافسة أكاديمية شريفة حتى تخرجنا
ولما اشتغلنا الشغل ده تأكدت لنا الحقائق؛
الأستاذ بيقدم المنهج للجميع تحت قيود معينة
وبيعمل خبرته وتقديراته عشان يضع معيار مناسب وعادل لتقييم الطلاب
ولما تجي مرحلة التصحيح بيكون قدامه مائة أو يزيد
وعايز يصححهم ويرجعهم في يومين او ثلاثة؛
وفي الغالب ما حا يلتفت لاسم الطالب وما حايتذكر فلان في ياتو مستوى؟
وعادي هنا بنتعرض لضغوطات من الطلاب واسرهم؛ وبنحاول تتماشى معهم
ولكن في النهاية لا يصح الا الصحيح؛ ولا نحكم على طالب الا من ورقته.
ده الوضع الطبيعي وده الحالة العامة في المملكة أو في السودان؛
ولا ننفي اي حالات استثنائية
طيب الكلام ده بتقولوا ليه؛
عشان العنده اتهام يقدم اثباته
وعشان نثبت حق مؤسسات بلدنا؛
وما بضر نقدم لها النصح والنقد البناء
اقول هذا وليس لي ذرة مصلحة في جامعة سودانية
وإذا عدت للوطن فليس لدى اي رغبة عمل في جامعة سودانية
وعشان خاطر زملاء شهد لهم العالم بصدقهم ومؤهلاتهم ونزاهتهم
ونحن شفنا الحالات السالب وعايشناها خارج السودان؛
زاملنا المصري والهندي والسوري والسعودي والتونسي والغربي.. الخ
فوالله وتالله؛ ورغم الأمكانات المادية والتقنية الضعيفة في التعليم عموما؛
الأستاذ السوداني حاجة ترفع الراس..

Quote: امتحانات المجاهدين خطأ مجتمعي ولايمكن ان نحاكمها اكاديميا

قرار بطلع من مجلس الكلية اسمه خطأ مجتمعي!!!
نان الأكاديميات البتدور تحاكمها شنو كان مجلس الكلية عندك لجنة شعبية!

Quote: يا جماعة انا ماقصدت اللوايق العاديين زي احمد عمر دا

أنا لايوق عادي ؟؟؟
لقد ذهبت فيها عريضة يا محمد الشيخ
هسسسع دي وريني اللايوق اكتر مني في المنبر عشان امشي أوريهو اللياقة واجيبوا ليك في فتيل

مافي تعميم لكن في ظاهرة .
والاستاذ المتحرش دة ما بتحرش بي واحدة بس كل سنة اكاديمية . بتحرش بأكتر من واحدة ودة بكون سلوكو
السؤال ليه دة بحصل الآن وما كان بحصل زمان ؟
انعدام الضوابط الاكاديمية للاستاذ والمهنية وتقاعس ادارة الجامعات وعدم كفاءتهم نسبة للتمكين وابعاد الاكفاء
شوف عوض دة مدير وعندنا في كوستي كان برضو فضيحة بطلها مدير الجامعة . وطلعت فضايح قبل كم سنة . فضايح من النوع الاخلاقي المبتذل ووليدات ولواط وكلام زي دة
ديل هسة اتنين مثلا . دون تمحيص
ولا الاستاذ الانتشرت قصتو ايام الثورة وكان مشارك في قتل والتهجم علي الثوار
يا عمر استاذ الجامعة دة ما نبي ولا آلة منزه لكن لازم تكون في ضوابط ولوائح و ارث في كيفية وضع او تصحيح الامتحان
الانقاذ اعتبرت الجامعات زي المدارس واستاذ الجامعة مدرس اساس
وعينت للمعرفة وللعلاقة وللتنظيم
استاذ في كوستي جاب بصات وشحنها من الكيزان لضرب الثوار من ياتو بند قدر يصرف القروش دي
التعليم العالي انهار في عهدهم
بكلمني صديقي كمال معاذ استاذ في احد جامعات عمان انو زملانو في الجامعة ابدوا اندهاشهم لمستوي خريجين جامعاتنا وقالوا ليهو زمان لامن نعمل معاينة بنجحو كل السودانين حاليا بالكاد ينجح واحد
صدقني نحن ما دخلنا السياسة في الجامعات نحن بس قلنا الانقاذ دخلت السياسة في الجامعات

بمناسبة الجربندية زمان اب سن فتح بوست اسمه أبتبالغي يا وزيرةأبتبالغي يا وزيرة قمت اتداخلت فيه مسهباً ومفصلاً كعادتي في احتلال بوستات ابو سن .. اقترحت فيه تدريس المحاضرات عن بعد باستخدام التقنية لحل مشكلة نقص الأساتذة في الجامعات الولائية
جاء عاصم علي لخاني ليك لخ الجن قال كلام في ما معناهو الما معايش الوضع ما ينظر ساي :)
أنقروا ما اتمسكنت ليه قلت ليه انتو مالكم مابين مجالسة المساكين الزينا كدة :)
لمن حننتو وبقى يتعذر لي

الليلة ورد في عناوين الأخبار (محاضرات عبر (الفيديو كونفرنس) لتغطية نقص الاساتذة في جامعات سودانية)
فاااااشنو .. الجربندية ما كعبة شديد .. كعبة شوية بس

Quote: يا عمر استاذ الجامعة دة ما نبي

وضحنا فوق ان الأزمة أزمة وطن والأستاذ جزء منها..
انت كتاجر ياعبد الحفيظ لست بنبي؛ بل ان تجار الزمن ده أسوأ تجار على مر التاريخ
هم سبب الغلاء والجشع والطمع.. اخ؛ ده ما تعميم دي ظاهرة.....
المونساتي داك بتاع تطوير الويب وجماعته هم أسوأ مطوري ويب في العالم
هو السودان زاتو فيهو ويب عشان يطوروه؟
مولانا حافظ بيخلط بين القانون والقطاع الصحي؛
دي بلد ولا فوضى البيتلقي فيه المواطن العناية الطبية على يد مولانا؟
الطب والاقتصاد و السياسة كلها قطاعات منهارة
ولذلك فالأكيد لن نجد في السودان رسول ولا نبي
الا ان المعلم هو أقرب الناس للنبوه (كاد المعلم ان يكون رسولا)
التعليم العالي والطب رغم تدني قطاعاتهما الا أنهما افضل من دول عديدة من حولنا
الأستاذ الجامعي والطبيب السوداني مازال مرغوبا في كل الدول العربية وبعض الغربية
..
..
امتحانات المجاهدين قلنا انها خطأ المجتمع وليس خطأ الاستاذ
إذا فهمت خطأ مجتمعي يعني شنو بتقدر تفهم التعبير من غير لؤلؤة..
الورق المروس لا يدل انتماء الورقة للجهة المعنية..
إذ يسهل لطفل صغير كتابة اي عنوان في اي ورقة باي شعار
جمعية القرآن الكريم وجمعية الفكر وما إلى ذلك من عاهات الكيزان
كانت لها مكاتب مركزية؛ وجودها في الجامعات مجرد واجهات ينجرون بها شرعية مناشطهم
لذا أرى أن تحتكم سياسيا وفكريا وقانونيا؛
ودعوا الجامعات تنطلق للامام وتطور مناهجها وطرائقها الأكاديمية
ولا تربطوها بماضي سياسي يعيق رسالتها الاكاديمية

امتحانات مجازة من إدارة الجامعة وبعملوها وبصححوها الأساتذة الدخل المجتمع فيها شنو!!

في مجال لشوية منطق ولا ياهو كلو زي دة؟