بعد نجاحي الباهر في كل دروب الأدب، شاركت أخيراً المخرج الجميل عادل حربي ومجموعته الرائعة، كمساعد مخرج للشئون الحيوانية والكمبارس في مسرحية: المك نمر بالمسرح الصحراوي بالشارقة.
نشوف بعض اللقطات والناس تتعرف على فكرة المسرح الصحراوي ونجي نرد على تساؤلات المعجبين
هذا الإبداع الجديد ح يصيب الخواض بسكتة قلبية الله يستر
Post: #2 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-10-2020, 01:04 PM Parent: #1
المدعو حافظ بشير عليك الله نزل لي الفيديو دا ولو أمكن تعلمنا كيف ننزل الفيديوها عن طريق الموبايل الرابط:
Post: #8 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-10-2020, 02:30 PM Parent: #7
يا حافظ، غير ترتيب الفيديوهين الأخيرين لو سمحت
أحمد محمد عمر خليهو، بكون داير يظهر معاي كمبدع
Post: #9 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-10-2020, 02:36 PM Parent: #8
سمعت انو جدي عندو مسرحية بالشارقة، طوالي هبيت للمساعدة وأي طلبات أخرى عقدنا ورشة عمل سريعة لتوفير ما يحتاجه المخرج من معينات حيوانية أكسيسريس بتاعت الحيوانات الكمبارس حداشر شاب بزينتهم السودانية البدوية
فقط فشلنا نلقى سعن
المهم دي ياها القبلية الإيجابية جدك تلحقو حتى لو كان في قبر الخواض
Post: #10 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-10-2020, 02:39 PM Parent: #9
داير أرسل صوت إعجاب يفوق التصور في حق الممثل العظيم عبد الحكيم الطاهر الزول دا مبدع بشكل يفوق شنو كدا ما عارف
عان جاى يا ابكرونا اى واحد بعد دا يشك فى استنارتك ح يكون زول حاسد ساى .
Post: #13 Title: Re: مساعد مخرج بمسرحية جدي المك نمر بالشارقة Author: عمر التاج Date: 01-10-2020, 04:54 PM Parent: #12
مساعد مخرج مرة واحدة يا مستنير ما شاء الله غايتو انت وبوب ما ممكن تشتغلوا الا مساعدين وعمرو المساعد ما ببقى مخرج هههه اما المدعو شنو كده عمد داك؛ فانصحه يتتلمذ كمتفرج على يد الاشتر الاسم قسم الفضيل داك؛ مافضلكم الا تجيبوا حاتم يقيف لكم قون.
Post: #14 Title: Re: مساعد مخرج بمسرحية جدي المك نمر بالشارقة Author: أحمد محمد عمر Date: 01-10-2020, 06:02 PM Parent: #13
Quote: هسه المدعو أحمد محمد عمر في زول طلب منو حاجة ولّ شلاقة منو بس؟
صحي الحسنة في المنعول والشكر لي حماد اليوم داك قبضوك جربندي في الفيزياء قلنا نلحقك قبل ما تتقبض جربندي في الـ IT
Post: #15 Title: Re: مساعد مخرج بمسرحية جدي المك نمر بالشارقة Author: محمد الأمين موسى Date: 01-10-2020, 07:42 PM Parent: #14
أخشى أن الملابس التي استخدمت في المسيرة تكون كلها غلط ولم تخضع لبحث تاريخي.
Post: #16 Title: Re: مساعد مخرج بمسرحية جدي المك نمر بالشارقة Author: محمد على طه الملك Date: 01-10-2020, 08:58 PM Parent: #15
خلاص كدا يعني دي أمها وأبوها؟ بعدين الهجن الجبتهن ديل دورن شو بس ؟ دي اسئلة تسخين بس قبال الناقد الكبير الخواض يجيك بالعدة.
Post: #17 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-11-2020, 00:20 AM Parent: #16
هلا بجلال، علاء وعمر التاج شكراً يا معجبين
يا محمد موسى، المسرحية استعراضية وهي خلطة من مسرحية العبادي الأصلية مع طابع استعراضي غنائي.
يا مولانا، الفيديوهات لا تغطي كامل المسرحية، الإبل للجزء البجي فيهو شيخ العرب للبطاحين وذهابه منهم زايد بتدي إيحاء للبادية
دا ما المهم المهم خلاص بعد دا عادي الواحد ممكن يخرج فيلم عادي
Post: #18 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-11-2020, 00:26 AM Parent: #17
يا جلال، السعن كان محتاجين ليهو في رحيل طه لديار جدي المك نمر
Post: #21 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 09:10 AM Parent: #18
نقلت للأسفل
Post: #22 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 09:14 AM Parent: #21
ايوه يا بكور بالله في الفلم ما تنسي الصناديد أهل الدروع والخيل ناس الحضارة الغنى لهم الخيل عركسن ما قال عدادين كم الخيل الأصيلة .
Post: #20 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-11-2020, 00:34 AM Parent: #19
يا إخلاص، الفيلم الناوي أعملو عن سيدي المهدي عليه السلام اتفقت مع مخرج أمريكي وقدرنا التكاليف تقريبا تلاتة مليون حاليا معاي مليون واحد
Post: #23 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 09:18 AM Parent: #20
مهرجان الشارقة للمسرح الصحراوي ديسمبر 2019 ليلة السودان المك نمر حُب في الصحراء
تأليف: إبراهيم العبادي إخراج: عادل حربي الفرقة: فرقة المخمل للفنون الأدائية تمثيل: طارق علي، إيمان حسن، عبد الرحمن الشبلي، عبد الحكيم الطاهر، عبد العظيم عبد القادر، إنتصار محجوب، عبد الرافع حسن، إبراهيم شانتو، الحسين عبد الرحيم، عادل الخاص، مختار النور م مخرج: حاتم محمد تصميم ديكور وتنفيذ: دعاء جعفر تصميم أزياء واكسسوارات: نادية خالد المجاميع والإستعراض: رضا عبد الله، رحمة عبد الله، الحسين عبد الرحيم، مختار النور، إسراء، مواهب عبد الله إدارة الإنتاج: شمس الدين يونس
Post: #24 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 09:19 AM Parent: #23
العرض كاملاً:
Post: #25 Title: Re: مساعد مخرج بمسرحية جدي المك نمر بالشارقة Author: Hafiz Bashir Date: 01-12-2020, 10:05 AM Parent: #24
Quote: م مخرج: حاتم محمد
دا شنو يا مستنير؟ أنا لمن رفعت ليك الفيديهات كان إتفاقي معاك إني أكون مساعد مساعد مخرج. هسه كدا أنا وضعي شنو؟
Post: #26 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 10:15 AM Parent: #25
يا حافظ، معليش، بس شفتك اتشاكلت مع أحمد محمد عمر وإتّا عارف أنا ما بحب المشاكل فصلتكم الاتنين
Post: #27 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 10:23 AM Parent: #26
الطالبة إيمان حسن في دور ريا أدّت الدور بشكل رائع نتوقع لها مستقبل مشرق في خارطة التمثيل السودانية الله يحفظها
Post: #28 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 10:30 AM Parent: #27
عادل حربي في المسرحية سحب كل الإشارات التي تشير للقبائل، القصّة خلت في صعوبة للمتابع الذي لا خلفية له بالنص الأصلي يجد صعوبة في فهم القصّة
كنت أتمنى أن يكون هناك راوي حائم وسط الممثلين يربط الأحداث كما فعل ناس الكويت في مسرحيتهم راوي حائم وسط الممثلين بلمبة ويقوم بربط الأحداث
Post: #29 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 10:40 AM Parent: #28
شيخ الشارقة الدكتور القاسمي، عودنا دائماً بصرفه السخي على كل ضروب الفن ربنا يطّول في عمرو
Post: #30 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 10:47 AM Parent: #29
داير أشيد وأشكر فرقة المخمل المسرحية على هذه الليلة الرائعة ونعتذر لهم أننا لم نتمكن من الاحتفاء بهم لضيق وقتهم بعد المسرحية. هذه الليلة سوف تكون خالدة في خيال كل من تمكن من حضور العرض على المسرح الصحراوي الفاتن.
Post: #31 Title: Re: مساعد مخرج بمسرحية جدي المك نمر بالشارقة Author: MOHAMMED ELSHEIKH Date: 01-12-2020, 11:24 AM Parent: #30
انا فعلا سمعت بالخبر انو" استنارة " قالوا جاب سعية للمسرحية يلا طوالي قمت اشدت بك في احد المناشير يعني قرطتها بنياقك فتقرطت؟
يا سلاااام و يا للروعة دا شغل عالمي بصراحة أول مرة اشاهد عمل كامل لمدة ساعة في سودانيز لانو عمل جاذب بكل معنى الكلمة التحية خالصة للاستاذ المخرج المسرحي عادل حربي و للأستاذ المخرج التلفزيوني رائد الدالاتي و التحية خالصة لمهندس الإضاءة و مهندس الصوت و لفريق العمل من الممثلين ملاحظتي فقط في البداية ما كان مفروض يظهر الطريق و السيارات طبعاَ بالنسبة للتلفزيون بتشتت المشاهد بالنسبة للمشاهدين الحاضرين العرض مع الطعوس دي ما بكونو شايفين الشارع لانو الشارع كان بظهر في لقطات الكاميرا كرين فقط في النهاية انتبه المخرج التلفزيوني للمسألة دي .. كويس
كت آوت :- و التحية للأخ ابوبكر عباس مساعد المخرج البعاريني :) لكن العمبلوك الاسود دا الجابو منو ؟
Post: #33 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 03:22 PM Parent: #32
شكراً يا خضر، على التعلق الجميل، في ناس كتار بنكون ما شكرناه العذر انو أنا زول متسلبط ساكت في الشغل دا المهم قلت أعكس العمل دا لرجرجة سودانير ديل ولنا أجر النقل العشوائي
نسيت أرسل تحيّة للفنانة أسرار بابكر للغناء المصاحب للعرض
الشى الوحيد الغلبنا نعمله وجيه هو التشخيص والتمثيل زى كأنه شى كده ما بناسب طبيعة وطريقة السودانيين
مع أنه عندنا مؤسسة أكاديمية راقية ورائدة من سنة 69 بتخرج دراميين فى كل التخصصات
بس فى مادة واحدة نسوا يختوها فى المنهج وهى
التلقائية وتقمص الشخصية
ده كله لأنه الموهبة لا تدرس فى المعاهد اذا فى شخص موهوب يمشى يدرس ويعرف القواعد والمطلوبات والتقنيات البتنمى وتطور الموهبة العنده
لكين ما يمش عشان يدرس ويتعلم الإبداع
واللع فى مسلسل درامى اسمه دكين فى التلفزيون
أبسط شى يتقال عنه هو أنه مخجل ومضحك
والله العظيم بس عبارة عن تمثيل التلاميذ زمان فى الجمعية الأدبية
وكله زى دكين ده بس
حاجتين مفروض السودانيين يلغوها من حياتهم
التمثيل و كرة القدم
والله جد
Post: #35 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 04:02 PM Parent: #34
يا ود الشيخ، شنو يا أخي؟ ما جاوت على سؤالي بهناك
Post: #36 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 04:49 PM Parent: #35
عبد الخالق عابد، صديقي، وزميل معانا هنا ومعاهم هناك، ودنقلاوي لكّة، ضربت ليهو تلفون قلت ليهو لو ما جيت حضرت مسرحية جدي، لا بيني لا بينك المهم الراجل كان مريض وكراعو كانت مورمة، تكبد الصعاب وجاء للمسرح الصحراوي، قعدتو جنبي عشان أشرح ليهو الكلمات الصعبة في نص المسرحية جنبنا باكستان بتان مرقوا قلت ليهو: بكونوا مسطحين ما فاهمين حاجة قال لي: هو نهنا فاهمين هاجة عشان هم يفهموا؟!
Post: #37 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-12-2020, 05:00 PM Parent: #36
يا أبا ذر، يا أخي، ما عصرت علينا شديد كدا؟ التمثيل السوداني المسرحي عموماً والتمثيل الكوميدي تلفزيوني ومسرحي بستمتع بيهن جداً موش في حسابات الأونلاين بختوا ليك أسئلة تختار منها للتدقيق لاحقاً مثل؛ ممثلك المفضل؟ دائماً قاعد أختار سؤال ممثلك المفضل وإجابتي عليهو هي جمال والمقصود هنا جمال حسن سعيد
مرّة لاقيتو في مطار الخرطوم، في ظرف ثواني تعرفت بيهو وطوالي حكيت ليهو قلت : سؤال الحماية لحسابي البنكي هو ممثلك المفضل منو؟ والإجابة هي جمال ودا انت، عاين لي بطريقتو العجيبة ديك وقال لي: فيهو دولارات كتيرة؟ قلت ليهو أكتر مما تخيل قال لي طيب ما تدونا حق الحراسة دي
قبيل كنت داير اقول ليك الزول الوحيد البضحكنى لدرجة الهوس هو جمال حسن سعيد
يمكن هو فنان الكوميديا الوحيد المبدع فعلا
عشان سببين
الأول عشان اصلا هو إنسان دمه خفيف وذكى
والسبب التانى وده المهم عشان هو تلقائي وما بتكلف الأداء
انا برضو بعرفو معرفة شخصية
وبالمناسبة فى حفل الحنة بتاعة زواجه وكانت عاملاها ليهو شقيقتو فى امتداد ناصر
حصل حدث فنى هام جدا فى تاريخ غنانا كله يمكن
فى الحفلة وكان فيها مجموعة من فنانين مركز شباب بحرى الجدد
انا اكتشفت فنان مطرب شاب جديد غير طعم ومعنى الغناء تماما
اسمه محمود عبد العزيز
اليوم داك قلت للجماعة بالله اتذكرو الود ده بعدين
لأنه حيكون احسن مطرب فى السنين الجايه
وعزمنا محمود معانا اليوم داك بعد الحفلة فى القعدة بتاعتنا
هههههههه
الله يرحمك يا محمود
ونلاقيك فى الجنة
وتانى برضو نعزمك هناك
Post: #39 Title: Re: مساعد مخرج بمسرحية جدي المك نمر بالشارقة Author: MOHAMMED ELSHEIKH Date: 01-13-2020, 05:45 AM Parent: #38
Quote: يا ود الشيخ، شنو يا أخي؟ ما جاوت على سؤالي بهناك
معقول ما قريت اجابتي لسؤالك داك من بين سطور المداخلة دي؟ ومستنير فوق كم؟
Post: #40 Title: Re: مساعد مخرج بمسرحية جدي المك نمر بالشارقة Author: عبد الخالق عابد Date: 01-13-2020, 10:27 AM Parent: #39
شايفك يا ابكر فطيتنى في القاىمة بتاعة المبدعين وكده بالله نزل اللستة دى تانى ينوبك ثواب وبعدين ما انا صاحب مساعد المخرج حاتم محمد على وكده
Post: #41 Title: Re: مساعد مخرج بمسرحية جدي المك نمر بالشارقة Author: علي عبدالوهاب عثمان Date: 01-13-2020, 12:40 PM Parent: #40
الحبيب أبوبكر .. تحياتي يا جميل .. تعرف يا الحبيب أبوبكر لو لا طريقة تقديمك لهذه المسرحية بصورة رائعة وكوميديا لما تابعها أحد . طريقة ترويج ذكية جداً جداً خارج نطاق التقليدية مثل (( اليوم سيتم عرض مسرحية المك نمر )) عبارة بدون طعم ولا لون لكنك أدخلت الموضوع في قالب فكاهي رائع جداً أثار فينا الشغف لحضور هذه المسرحية ذكاء وحنكة .. مع أن التسويق من اصعب الامور تحياتي المستنير .. انت موهوب ..
Post: #42 Title: Re: مساعد مخرج بمسرحية جدي المك نمر بالشارقة Author: أبوبكر عباس Date: 01-13-2020, 01:36 PM Parent: #41
إبداعك الوحيد يا عوبد، انو نحن قادرين نفهم العربي بتاعك دا