Post: #2
Title: Re: الحديث عن تاريخ وممالك البني عامر الحلقه �
Author: أبوذر بابكر
Date: 01-10-2020, 11:40 AM
Parent: #1
تحياتي يا حسن
كل كلام المتحدث عن إسم أو أسماء السودان الأولى صحيح تماما
أما عن تاريخ ومسميات البنى عامر فاكيد ما عندى تعليق عشان ما عندى إلمام صحيح وعلمى عن الموضوع
لكن وحسب معرفتى الأكيدة فى قبيلة اسمها بنى عامر فى اليمن
ومن الصدف انه عندهم شلوخ والاغرب انه الشلوخ هى نفسها شلوخ أهلنا البنى عامر بشكل دقيق جدا
انا عرفت وقابلت مجموعة منهم وناقشنا الموضوع ده
الشلوخ والعلامات دى ما تزال موجودة بدليل انى شفت شباب منهم مشلخين
وهم ما قادرين يحددو الصلة أو العلاقة بينهم وبين بنى عامر السودان
و تطرقنا برضو لبنى عامر إريتريا
يا ريت لو فى شخص يقدر يفيدنا فى الموضوع ده
مع التقدير
|
Post: #3
Title: Re: الحديث عن تاريخ وممالك البني عامر الحلقه �
Author: AMNA MUKHTAR
Date: 01-10-2020, 07:35 PM
Parent: #1
كلام فارغ كله وأماني وأحلام .
والخريطة مزورة ..هذا هو سبب المشكلة الحالية في الشرق ..إدعاء أرض البجا التاريخية ..ثم إدعاء تاريخ السودان 😕
الأخ أبو ذر .
مسميات السودان القديمة هنا يتم تحريفها وترجمتها بلغة التقري ..مع أن هذه المسميات ومعانيها معروفة ومفسرة لدى علماء التاريخ والآثار واللغويات .
ثم أن السودان لم يكن حبشيا مطلقا .
فالحبشة (أبسينيا ) براها ..وأثيوبيا اللي هي السودان القديم براها ..(الحبشة إستولت على مسمى أثيوبيا في عهد منليك الثاني ).
وطوال تاريخ كوش والحبشة كان بيناتم حروب ( راجع نقوش عيزانا وحربه مع قبائل البجا ..ثم غزوه لكوش وحربه مع النوبة ..ثم تدمير البجا لمملكة أكسوم وهزيمتها نهائيا وتأسيس إقليمهم بجا مدر ..ويعني أرض البجا ).
والحبشة أصلا مسمى متأخر لأكسوم ..ويعود لقبيلة يمنية تسمى حبشت .
الأخ حسن فرح ..لا تنقل أكاذيب اللاجئين المتجنسين ..فهم الآن بعدما صار عندهم جنسية ووضع في السودان
يحاولون ليهم فترة فبركة وإدعاء تاريخ عندنا ..
وقد ملأوا يوتيوب وقوقل بإدعاءاتهم بصورة ممنهجة ..
الناس ديل تقول معجونين بموية الكضب!!.
لا توجد ممالك لبني عامر في السودان طوال تاريخهم .
كان عندهم مشيخة في أريتريا أيام سلطنة الفونج ..
ومسمى بني عامر نفسه حديث ويعود لفترة الفونج ..إسمهم القديم الموجود في النقوش
ومراجع التاريخ كان هو الخاسا ..
ولكنهم الآن يكرهون هذا الإسم ويرفضونه ..ويدعون أنهم بجا ..
حين أن المصادر والمراجع تفصل بينهم وبين البجا ..راجع نقش النجاشي عيزانا الذي
ذكر (البجا ، والخاسا ، والنوبة والباريا ،والمانجورتو )كل مجموعة براها ..
التاريخ يدون كما هو من خلال المصادر الأولية والثانوية والأدلة المادية الآثار ..ومن ثم خلال المراجع..
وليس عبر الأماني ..وكل زول يرسم ليهو خريطة ويسلبط في أرض الآخرين التاريخية .
البجا مذكورين في كل وثائق التاريخ من أربعة ألف سنة ومنذ عهد ما قبل الأسرات ..وتمتد مناطقهم الفديمة من قوص شمال الأقصر حتى تخوم الهضبة الحبشية الحالية ..
هذا رغم أنهم إستولوا على إقليم أكسوم بعد أن هزموها وأسسوا إقليم بجا مدر وهو الإقليم الذي توجد فيه بني شنفول السودانية وكذلك بحيرة تانا والذي يبنى عليه السد الآن .
أكرر ..الحبش براهم والسودانيين الكوشيين براهم ..
ونحنا البجا طوال تاريخنا كنا في حروب مع الحبش ..
والسودان عمره ما كان إسمه الحبشة (أبسينيا ) .
الناس تقرا لعلماء التاريخ السودانيين والأجانب أحسن ..بدل نقل هذا الهراء من بعد صبية الأريتريين المتشعلقين في البني عامر السودانيين ..
السودان في عهد الإنقاذ جنس إتنين ونص مليون لاجئ أربتري بصفقة مع أسياس ..وإتفاق مع مفوضية اللاجئين لتوطينهم في السودان كوطن بديل ..بعض رفض أسياس عودة اللاجئين .
وهم الآن تقطعت بهم السبل.. ويبحثون عن وجود شرعي في السودان ..بعد سقوط حاضنتهم الإنقاذ ..(معظمهم كيزان وجهاديين ) ..
ونحنا ما كان عندنا مانع في وجودهم من ناحية إنسانية ..لكن طالما أثاروا المشاكل في الشرق الآن وإدعوا الأرض والتاريخ ..وكذلك يريدون تمثيل الشرق بالغصب في منبر جوبا بعد خداعهم للجبهة الثورية والوسيط الجنوبي ..فلا وألف لا ..
أرض البجا خط أحمر .
|
Post: #4
Title: Re: الحديث عن تاريخ وممالك البني عامر الحلقه �
Author: محمد على طه الملك
Date: 01-10-2020, 10:04 PM
Parent: #3
والله السودان دا بقى ملطشة ..
بلاش من الكيانات الاثنية ..
هسه الخريطة المعلمة بالاحمر دي مش بتوضح بجلاء اطماع الارتريين في ضم الشرق لدويلتهم الوليدة ؟
افتكر الآن أصبح واضح اليد التي تلعب في قضايا الشرق.
|
Post: #5
Title: Re: الحديث عن تاريخ وممالك البني عامر الحلقه �
Author: أبوذر بابكر
Date: 01-11-2020, 04:54 AM
Parent: #3
تحياتى يا آمنة وكيف الحال
انا فقط أمنت على نقطة مسميات السودان القديم المختلفة ومتنوعة
وان كانت برضها غير دقيقة
خصوصا الجزئية بتاعة انه ما كان فى مسمى "السودان" قبل قيام دولة الحكم الثنائي
وأنه اسم مصنوع ومنجور بس
انا اقدر اقول انى مهتم جدا بقراءة التاريخ
وفعلا ما حصل سمعت أو قريت عن أي مملكة قائمة بذاتها اسمها مملكة البنى عامر
أو حتى باسم تانى وكانت تخص البنى عامر
|
Post: #6
Title: Re: الحديث عن تاريخ وممالك البني عامر الحلقه �
Author: Hassan Farah
Date: 01-11-2020, 06:30 AM
Parent: #1
يحاولون ليهم فترة فبركة وإدعاء تاريخ عندنا ..
-----------------------------------------------------------
آمنة صبحك الله بالخير
مشكلة البنى عامر الذين دخلوا السودان من الحبشة (ارتريا) قديمة كما تعلمين
والاحتكاكات بينهم وبين سكان منطقة بورتسودان الامرار نشأت حتى قبل انشاء الميناء
هذه المشكلة تحتاج الى علاج ومثلها الكثير
السودان بلد واسع وكثير من القبائل الحدودية تسربت واستوطنت فى بلدنا وبعضهم قطع البحر الاحمر وانتشر على اراضينا فى الشرق
كيف التعامل مع هذه المجموعات؟ وعلى التحديد مع البنى عامر؟
هل يكفى ان نقول:
أوهاسوا و ككروا إرهتنييك أوهاسا هنكاي درا
ما هو المخرج؟
مع كل تقديرى لمشاعرك القومية
|
Post: #7
Title: Re: الحديث عن تاريخ وممالك البني عامر الحلقه �
Author: أيمن نواى على
Date: 01-11-2020, 08:05 AM
Parent: #6
تحياتى امنة مختار .. نشكرك على كشف الحقائق .. نرجوا ان تواصلى و مدنا بالمعلومات الكافية .. ترفع لكى القبعات يا ابنة السودان البارة .
|
|